|
|
 طز فى ديموقراطيتكم و حريتكم المزعومة...لكم كلكم...
|
حاجة غريبة جداً...
فى هذه الايام الرمادية...
حزب الترابي الذى أذاق الناس ما أذاق.... من أجل (الحرية) يجد له سند :
دعوه للتضامن مع معتقلي المؤتمر الشعبي
وسيادة العميد... المتهم بمصائب الدنيا والعالمين يجد له سند :
وقعوا علي عريضة المطالبة باطلاق سراح العميد عبدالعزيز خالد عثمان
والرد ليس بعيداً... فقط فى هذا العنوان...ملخص لما ابتلانا الله به:
عندما يتحول المثقف الى مغفل نافع
كتب الاخ كمال بشاشة:
Quote: العزيز عادل عبد العاطي امين المنبر.
هاهو المحظور يقع! ان تكون خصم وحكم في ان معا!
ياعزيزي اخلاقيا ومؤسسيا هذا خطأ! انك تنزل الي حلبة الصراع الفكري بكامل اسمك ورسمك الرسمي!
ده غلط ذي ما نبهناك منذ غزوة الموناليز.
بالذت ياعادل انك سعيت من قبل لايقاف رودا، بتوجيه لفت نظر رسمي لها، اضطررت اضطرارا لسحبه.
عشان كده في تقاليد العمل البرلماني، رئيس البرلمان بسمو Mr. Speaker وهو لايتكلم في العادة.
السبب هو اصرار شديد علي شفافية وحيدة من هو في موقع المسؤلية.
هناك اذدواج صارخ ياعادل مابين موقعك الرسمي كمؤتمن علي حق العضوية في التعبير، ومثل هذه الملاكمة الفكرية مع الفارسة رودا.
مافي حجر عليك تنازل رودا، لكن نطالبك بخلع لباس السلطة قبل نزولك للحلبة.
انا في راي عندك واحد من اتنين:
ياتبطل الكتابة يا تتنازل عن موقعك.
انت بتنسي انك طارح نفسك كبديل عن طريق حزبك اللبرالي تحت التشييد. ذي الاذدواجية دي، بتنتقص من قيمة كثير من شعارتك المرفوعة هنا.
ده نموذج سئ وقديم وبالي ياعادل فيما اتصل بي قيم العمل العام الملوثة تلويث كامل في بلدنا، بي تقاليد استغلال النفوذ والمحسوبية "الواسطة".
حتي لو السودان استقر سياسيا، حتظل عقلية الواسطة والمحسوبية هي مشكلتنا الاولي، لعشرات السنين من الان.
والله لو فهمت كلامي، كده ادارة المنبر او اسهامك بالكتابة ماجايب ثمنو.
او ذي ماقالت ليك الصديقة رجاء، اعمل حسابك، لانو ده كلو نازل في الرزمي بتاعك.
عشان ده كلو بكري كان "بجلبغ" في الطرف او ابدا ماخاض في موضوع خلافي، والصاح كده.
اللهم ها بلغت، فاشهد. ! |
امين المنبرعبد العاطي: رودا فاشية!
والله بلغت...وبلغنا من قبلك... ولن (نصمد طويلاً تجاه هذه السياسة الاقصائية ابداً...
كما برلمانات الدول الفاشية تتم بالتعيين...أعتقد ان الانضمام لهذا البورد السجمان يتم بالتعيين ايضاً والتزكية من( رضى الله عنهم)...لذلك فمصائب البورد يتحملها ( رضى الله عنهم)... وليسو الكتاب الذين يبعثون الحيوية فى البورد...
الاخ عادل عبد العاطي...مرة أخرى أقول لك ان الحزب الليبرالى السودانى يدمر كل يوم بمواقفك غير المحسوبة يا أخى...
تصلنى رسائل فيها رؤى الحزب لحل مشاكل السودان http://arkamani.org/future_sudan/abdelaati-fedralism.htm
ولكنى لا ارى تطبيقاً فى هذا البورد الذى لا يعدو كونه أقل من 1000 شخص 75% لا يتداخلوا الا فى الافراح والاتراح...
لذلك يا عزيزى... "بدر بدر يا رواس....أحنا بعاد لحقنا القيفة..."
ان محاولات الالجام التى تحصل هنا كل يوم...أشبه ما تكون بضرب الرجال للنساء( تأديباً)...
انا نفسى تجى واحدة ممن يرتضين الضرب تأديباً وتقول والله انا أصلاً ما مؤدبة ولا أهلى ما ربونى لذلك من حق زوجى ان يضربنى...
مافى زول ولا زولة هنا بيستحمل ان تكون كاتبا للبوست المجاور ليهو ولديك وجهة نظر مخالفة وان تأتى بقرارات أدارية له فى بوست الخصم...
ياخى دى أخوى الصغير ما بيرضاها...
ونتوقف عن الكتابة والقراءة كمان...أصلو الحكاية (السياسة) بقت دخل الناس البيت أو الجامع وأمشى السوق:
افتتاح اسواق سودانيزاونلاين http://www.sudaneseonline.com/Classifieds/index.php
انا ماشى السوق... وهنا سيكون الموقع المنافس لسودانيز (أون لاين) وسودانيات وكل من يرى فى نفسه الكفاءة من أجل (الوطن)...
http://alkhartoumonline.com
وعشان ما يكون فى زعل من هسع بينا... ما تتصرف باللوائح الحبر فوق موية دى...بكرة بتجوا تعتذروا...اصلكم بتحبوا الاعتذار دا زى عيونكم...
الأخت الحبيبة رودا... الف مرحب بيك فى المكان الدايراهو.... وسحقاً للعنصرية البغيضة...
أنور دفع الله...
كوريا الجنوبية
الخميس 30-9-2004
|
|
 
|
|
|
|
|
|
|
 Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
Quote: تعرفين يا رودا ..ان هذا القرار مجحف فى حق اامنبر نفسه...
فلقد ولجت به منذ انتمائك له..الى مشارف بعيدة لم يكن متعارفا عليها من قبل...
وصار الناس يقرأون ما تكتبين ويحسون بعمقه ...لانه غير مطروق فى ساحات الحوار العام والمنابر...
اعلم ان الصراع المستمر هذا يضعف قوانا بعض المرات ...ويجعلنا نحس بالسأم وعدم الجدوى...ولكنها حقيقة يجب ان نمتثل لها...والا سنموت ان لم يكن بحد السيف...فبالخزى والصمت...
نعرف انك تحترمين العقائد والانسان...والكثيرون لا يرون ذلك ...ولكن اغلبهم يتعلمون منك حتى لو اجبرتهم مواقفهم واحزابهم ان يسخروا منك ويشيرون لك باصابع الاتهام .....المستمر...
حدتك واقتحامك للافكار الخطرة والمسكوت عنها ...هى التى منحت الكثيرين من القراء والاعضاء اليقين من ما هم فيه مختلفون...
اريد ان اقول ان ذهابك خسارة مؤكدة لهذا المكان....سيخسر القارىء ...وستخسر قضية الانسان السودانى الجديد...وسيخسر الحوار مجده ...
مع احترامى البالغ لقرارك ولكننى اشعر بفداحة ومغبة النتائج...
سيفتقد المنبر طعمه المتميز...وصوت المرأة التى بجراتك واهتماماتك وعمقك وانتمائك....
حكمى عقلك الكبير...واحكمى على الاشياء دون غضب...سيتعلم منك جيل بدا التعلم...وسيقتنع بوجودك من ظل ناكرا...وقد بدأ الاقتناع..
انت صوت متفرد يارودا فى هذا المنبر...هل تذكرين هذه الرسائل الصغيرة التى نشرت فى هذا المنبر عن كون البعض لا يقرا الا ما تكتبين..ولا ينفعل الا بمواضيع تطرحها رودا او تناقشها رودا؟؟؟ هذه قطرة من فيض اصوات كثيرة تدور فى خلد معظم قرائك,,,ومعظم من سمع عنك..
انت ثائرة ومفكرة يارودا... قلمك ينفذ الى الجرح مباشرة على غير طبيعة اقلام معظنا هنا...
وهكذا تكون كتابة الثوار...
هم سيفرحون وسيهللون لانسحابك...ولكن فى دواخلهم يعلمون ان الهزيمة ستذهب معهم الى مضاجعهم ...لان ما تكتبين سيلاحقهم الى حتفهم...
انت امراة نادرة يا رودا...تحملين نعش اطفال كل القرى المحروقة على رمش عينيك ولاترين الا من خلال ارواحهم البريئة المعلقة فى ابواب الكتابة...
ذهابك من المنبر خسارة كبيرة ...للقضية وللقارىء و....للمنبر الذى صار حرا ...بك...ومازال يتعلم ان يكون حرا ...من اجلك...فلا تذهبى
انت كسب كبير...للفكر...والتغيير
لاتذهبى...
هذا رجاء |
رودا حتى لو بنى لك انور كنج كل مواقع العالم ...فانا اتمسك بوجودك فى هذا المنبر....فكله هفوات اقصد المنبر وانت خير من يتصدى لها......
مع احترامى لغضبك يا انور كنج...ومقدراتك التكنولوجية....
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Tumadir)
|
Quote:
رودا حتى لو بنى لك انور كنج كل مواقع العالم ...فانا اتمسك بوجودك فى هذا المنبر....فكله هفوات اقصد المنبر وانت خير من يتصدى لها......
مع احترامى لغضبك يا انور كنج...ومقدراتك التكنولوجية.... |
العزيزة تماضر...
طبعاً انتى واناعندنا مواقع... وياهو قاعدين نقرأ ونكتب هنا... لو عملتا موقع لرودا أو أى انسان يأنس فى نفسه الكفاءة لذلك (وهم قلة) ما حا ينقص البورد دا زول...
وبعدين عندنا تجربة ناجحة فى موقع سجيمان...فتحت الآفاق والحوارات والمعارف بين الناس...وشوفنا أقلام ووجوه ما شفناها قبل كدا... يعنى مافى شئ مخيف فى الموضوع كما يتوهم البعض وان كنت بأخذ على السودانيين التواضع الغير مبرر فى كثير من الاحيان... وغرقنا فى الشفاهه وعدم التوثيق لى أضانا...
دا كان أولاً...
ثانيا ودى جد جد ما فهمتها...كيف يكون احترام الغضب يا تماضر؟؟؟
ثالثاً مقدراتى التكنلوجية اصبحت فى متناول الجميع... فكما قالت الدكتورة بيان انو بنتها ذات ال14 ربيعاً ممكن تعمل ليها موقع...فما فى حاجة عجيبة فى الموضوع...العجيب جد...هو تعاملنا تجاه هذه المواقع...عدم مسئولية (خصوصاً فى النواحى المادية)...تفاعل واعطاء الموضوع أكبر بكتير من حجمو (خصوصاً فى المسائل السياسية والدينية)... كسل وشبه عدم (خصوصاً فى المسائل الابداعية والجادة)...
والى ان يأتى البند الرابع يا تماضر العزيزة ...خلينا كدا فى الوهم بتاعنا دا... جانى أحباط شديد لما مشيت أحدث مقهى للانترنت فى أمدرمان لاعمل استطلاع سريع عن نوعية المواقع التى يدخلها الناس هناك... واحد لخص لى الموضوع كلو هنا ( ياخى مواقع سودانية بتاعة ماذا ياخى)...
والآن بقول ليكم ياخى...... بتاع ماذا ياخىىىىىىىىىىىىى...
لك الودّ
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Anwar Ahmed)
|
الاحباء معتز وأنور...
السقوط هنا بيتم فى اليوم 1000 مرة.... مرة بالصمت ومرة بالمواقف ومرة بالكلام...
على العموم كلها لحظات ونفارق هذا البورد الى غير رجعة... بعدها ينجحوا ...يسقطوا ....
بالله كلموا عادل عبد العاطى دا يا أنور... حا يجى يوم وتسيب الادارة وانت خسران كتييييير...احسن احسم الخسائر دى من هسع....
شكرا على المرور يا شباب...أخوكم دوماً....
أنور
| |
|
|
|
|
|
|
|
|
 Re: طز فى ديموقراطيتكم و حريتكم المزعومة...لكم كلكم... (Re: nile1)
|
سلام يا صديقي العزيز انور الملك
لا تتعب نفسك هذه الايام بالذات فاالكل غارقون في وحل التناقض وضمور الحكمة وتشتت الافكار وفقدان شهية الامل المنقطع في حلقونا المريرة بفعل افعالنا واقوالنا الغير صادقة
استرح قليلا ووفر جهدك لمستقبل الايام لربما نجد وطننا جميل نستطيع ان نتعب فيه بجد دون ان نحزن او نشعر بضياع جهدنا واننا لم نتعب في الثراب
لك كل التحايا وطز فينا جميعا
علي
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: degna)
|
الحبيب على...
Quote: استرح قليلا ووفر جهدك لمستقبل الايام لربما نجد وطننا جميل نستطيع ان نتعب فيه بجد دون ان نحزن او نشعر بضياع جهدنا واننا لم نتعب في الثراب
|
لن أستريح ومستقبلنا يدمر أمامنا...
سنظل نعمل الى آخر نفس... وبعد الموت كمان...لك الحب...
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Elsharif)
|
Quote: انصحك ماتجيب لروحك ضغط وابعد عن الجو ده وريح روحك والا حتلقا عمرك راح شمار وما أسرع ما يروح العمر بأسرع من لمح البصر بالذات فى زمنا ده. ومعليش على الكلام الشكلو حار لكن بيفيد لمن اعتبر واتفكر فيهو وأحسن النظر.
|
الحبيب أحمد...
طبعا تجدنا متفقين 10000% فى الفقرة بتاعة التكنلوجيا دى.... لأننا نشرب من نفس كأس المرارة وتجربتنا فى سودادف زادت عن السنتين الآن...
http://sudadev.net
شفنا فيها الكثير...والحمد لله الجمعية ليست وليدة الانترنت بل جزء من نشاطها عبر الانترنت...
من 400 وزيادة مشترك لدينا أقل من 10 أعضاء يداوموا على الكتابة فى المنتدى!!!
يعنى معقول بس يا احمد لو كانت الانترنت والتكنلوجيا فى السودان جاذبة أو مربحة الى حد مرضي للناس كان دا بيكون حالنا؟؟؟
نرجع تانى وحا ننبذ الحكومة...فهى السبب...ونرجع تانى وننبذ الاحزاب السودانية بلا أستثناء فهى السبب أيضاً...
أقرا معاى هنا يا أحمد...شوف فى برامج الاحزاب دى فى حاجة عن الانترنت...
الغريبة لما تلقى السياسيين ديل وتنضم معاهم...بتحس أنو مشاكلنا محلولة...ومافى داعى للانترنت زاتو....
.......... الاحزاب السودانية...بلا استثناء...
أى زول تقول ليهو ياخى عندنا جمعية بتاعة متخصصين الكمبيوتر فى السودان ودايرين دعم عشان نطلع المجلة...أو نعمل أى سجم رماد...يقول ليك أمشول لى صلاح أدريس,,,
قلت ليهم الزول دا مشغول مع الاحزاب...
والاحزاب سباقة لما فيه الخير دائما يا أحمد... ولا رأيك شنو؟؟؟
لك الحب المتجدد...
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Elsharif)
|
الأخ الحبيب أحمد عون الشريف قاسم...
أولاً يا 1000 مرحبا بعودتك الميمونة يا أحمد...
ثانياًريحتنى دعوتك دى :ربنا ياخدهم واحد واحد بلا فرز... وأقول آمييييييييييين...
عارف يا أحمد فى صلاة الجمعة فى السودان الناس بتدعى على آخر زول ظالم جابوه فى نشرة الاخبار أمبارح...يعنى حتى الدعاء بقا متعولم ...
لكن الدعوات كلها خارجية...مافى زول بيدعو على أو لى ناس دارفور مثلاً...وان وجد..فتلقاها دعوات خجولة كدا...مافيها القوة بتاعة الدعاء الخارجى (اللهم أهلك الشيعة الكفرة الخائنين فى العراق) كمثال لا للحصر...
ثالثاً يا احمد
| Quote: نحنا شعب بيشتغل بالسياسة والفارغة أكتر من اهتمامه بالعمل والحاجات الحقيقة بتفيد الناس |
لانو السياسة هى الحل يا أحمد...لما القى السياسي شايل عصا موسى ويوزع فى كن.. كن..
كن ( أشتغل يا شاب من دون مؤهلات)
كن ( عرس يا شاب دون معوقات)
كن ( قرض حسن يا شاب من دون ضمانات)
كن ( أعفاء من الجمارك من دون مبررات)
كن ( تخفيف للحكم فى أكل المال العام من دون موجهات)
لا تكن ( شغل لغير أصحاب النفوذ والواو (واسطة))
لا تكن ( عكس ما ذكر سابقاً)
أحمد...كوريا بلد علمانى... ديموقراطى...
سألت العمدة بتاع مدينتنا...مافى جامع فى المدينة هنا ليه؟
قال لى جيب قروشك واشترى قطعة الارض وابنى الجامع ... التكلفة ( 200 الف دولار)
قلت الكلام دا لبعض الناس العندهم قروش...عندهم جد جد...قالوا لى أمشى شوف الحكومة!!!
منظمة الشهيد يا احمد بانية جامع الشهيد القريب من هيلتون الخرطوم دا...بى 4 مليون دولار..
التنفيذ كان لشركة دان فوديو ( رضى الله عنهم)...
وبرضو تقول لى نشوف شغلنا؟!؟
كل الناس البعرفها يا أحمد (بأستثناء قلة) جابت قروشها من السياسة فى السودان... (ديل أبوهم كان محافظ وديل كان ماسك الاراضى وديل أبوهم كان وزير)...
لذلك يركض الجميع نحو السياسة..
والقلة التى تقول الحق...يلموا ليك فيها المثقفين ديل... يطلعوهم ليك كفرة ...
الله يستر بس...
لك الودّ
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
Quote: نرجع تانى وحا ننبذ الحكومة...فهى السبب...ونرجع تانى وننبذ الاحزاب السودانية بلا أستثناء فهى السبب أيضاً...
أقرا معاى هنا يا أحمد...شوف فى برامج الاحزاب دى فى حاجة عن الانترنت...
الغريبة لما تلقى السياسيين ديل وتنضم معاهم...بتحس أنو مشاكلنا محلولة...ومافى داعى للانترنت زاتو....
.......... الاحزاب السودانية...بلا استثناء...
أى زول تقول ليهو ياخى عندنا جمعية بتاعة متخصصين الكمبيوتر فى السودان ودايرين دعم عشان نطلع المجلة...أو نعمل أى سجم رماد...يقول ليك أمشول لى صلاح أدريس,,,
قلت ليهم الزول دا مشغول مع الاحزاب...
والاحزاب سباقة لما فيه الخير دائما يا أحمد... ولا رأيك شنو؟؟؟
لك الحب المتجدد...
|
دى واحدة من الاسباب الودتنا للنحنا فيهو حسى. أنو قادة احزابنا السياسية ناس دقة قديمة ولسة عايزين يحكمونا بطريقة جدود الجدود. أساساً أشك انو الاحزاب دى عندها أى تصور أو توقعات مستقبلية حتى لفترة خمسة سنين لقدام . الناس دى يا أنور همها تحكم وبس وكل واحد فيهم همو انو يبقى وزير أو سفير ومنى العين يبقى رئيس وزراء عشان يرتاح راحة السنين ويعفص الناس عفص هو والحاشية المحترمة والدليل 48 سنة من عمر السودان فى خلالها ماشفنا غير قصر النظر والانانية الزائدة عن الحد الودت بلد من أكبر بلاد الدنيا لمزبلة العالم بمعنى الكلمة.
صدقنى السياسة بطريقتنا الشايفها دى ماهى الحل وعمرها ما حتكون الحل لانها سياسة عشوائية قايمة بعدم تخطيط ونظرة ضيقة قاصرة وعدم فهم واحترام للانسان العادى. نحنا محتاجين سياسة من نوع مختلف يخدم الانسان ويراعى ظروفه مش يخدم الحزب ويحسن احوال الاخوة الأعضاء.
حسى أسال كل الاحزاب دى الفترة الحكمو فيها عملو شنو غير الضياع و البهدلة و صفوف العيش الماليها نهاية وياما وقفنا فيها فى 88 البعيدة القريبة . وبرضو فى الستينات فترة حكمهم كانت زى الطين بشهادة كل الناس العاشو الفترة من غير السياسيين بالتاكيد لان السياسيين ديل ماشايفين غير روحهم. أما عن العسكر فحدث ولا حرج و ما محتاج أتكلم حتى لأنو الحال يغنى عن السؤال.
معظم الاحزاب دى ما مناسبة لا للزمان ولا للمكان واحسن حاجة يحلوها ويريحو رحهم وروحنا ويكونو حاجة تحمل روح العصر وفى مضمونها حماية الانسان وتطويره وخدمته .
حأقول ليك كلمة واحدة يا أنور لمشكلة لوحليناها تتحل معظم المشاكل : الانانية يا أنور الانانية الشديدة مشكلة المشاكل فى الحياة السودانية سياسية وغيرو.
حل المشكلة دى بالسياسة ياربى يكون كيف.؟
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Elsharif)
|
الحبيب أحمد الشريف...
واصل كتابتك وبجيك راجع...
الأيدو فى الموية.../ا زى الأيدو فى النار يا أحمد...واصل احنا الشباب ديل المكويين من النار دى...
وأقراننا فى الدنيا كلها ممكن يتقاعدوا فى سن الأربعين...
فى سننا دا بيكونوا عملوا الشغل الخاص بيهم موش بيفتشوا فى وظائف...
ولما يتكلموا بلقوا ديناصور يسمعهم... ولما يزعلوا بيلقوا البيرضوهم ولو كان أستقالة زعيم أو رئيس...
عجبنى مقال لى عبد اللطيف البونى...قال فيهو أنو لما الصادق المهدى بقا رئيس حزب (أو رئيس وزراء) كان تونى بلير سايقنو فى عجلة...
الآن احنا فى 2004 تونى بلير سيودع الحكم بعد ولاية ثانية...ولا يدرى عمنا الامام كيف يرجع لرئاسة الوزراء!!!
المهم بس واصل...
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
Quote: لانو السياسة هى الحل يا أحمد...لما القى السياسي شايل عصا موسى ويوزع فى كن.. كن..
كن ( أشتغل يا شاب من دون مؤهلات)
كن ( عرس يا شاب دون معوقات)
كن ( قرض حسن يا شاب من دون ضمانات)
كن ( أعفاء من الجمارك من دون مبررات)
كن ( تخفيف للحكم فى أكل المال العام من دون موجهات)
لا تكن ( شغل لغير أصحاب النفوذ والواو (واسطة))
لا تكن ( عكس ما ذكر سابقاً)
أحمد...كوريا بلد علمانى... ديموقراطى...
سألت العمدة بتاع مدينتنا...مافى جامع فى المدينة هنا ليه؟
قال لى جيب قروشك واشترى قطعة الارض وابنى الجامع ... التكلفة ( 200 الف دولار)
قلت الكلام دا لبعض الناس العندهم قروش...عندهم جد جد...قالوا لى أمشى شوف الحكومة!!!
منظمة الشهيد يا احمد بانية جامع الشهيد القريب من هيلتون الخرطوم دا...بى 4 مليون دولار..
التنفيذ كان لشركة دان فوديو ( رضى الله عنهم)...
وبرضو تقول لى نشوف شغلنا؟!؟ |
تعرف يا أنور ارجع وأقول ليك الانانية الزائدة عن الحد والطمع الودر ماجمع هى مايميز الناس ديل. الواحد فيهم همو يعيش مرتاح على حساب الناس . لو عاش مرتاح بعمله واجتهاده ما فى زول يقول ليه تلت التلاتة كم الا زول حسود حقود لكن كله زى ما قلتا من منافع سياسية ومن المال العام الا من رحم ربى وهم قليل والمشكلة القليل ده ما بياكل عيش فى غابة زى دى وبيروح مع الرايحين شمار فى مرقة.
غايتو يا أنور كلو منظر يطمم البطن ويجيب غمة تودى الآخرة وانتا براك عارف الحالة ما مستحملة.
مع التحية والمودة
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Elsharif)
|
Quote: ثانيا ودى جد جد ما فهمتها...كيف يكون احترام الغضب يا تماضر؟؟؟
|
الناس يحترمون الغضب عندما يغضب الانسان للحق...ما الغرابة
اما المسألة المخيفة فلاتكمن فى المزيد من المواقع ...ولكن فركشة هذا الموقع...فقد استطاع رغم زلاته الكثيرة ان يكون منبرا للسودان...وطرح قضاياه الهامة فى اغلب المجالات ذات الحساسية العالية ...منها الفكر والادب والسياسة والفن
اكون وضحت نفسى كده؟؟؟ ان شا الله
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Tumadir)
|
العزيزة تماضر...
بحسب قولك Quote: فقد استطاع رغم زلاته الكثيرة ان يكون منبرا للسودان...وطرح قضاياه الهامة فى اغلب المجالات ذات الحساسية العالية ...منها الفكر والادب والسياسة والفن
|
ونحن المسلمين نعتقد فى ان للقرآن رب يحميه...لذلك لا نكترث كثيراً لما يجرى فى البسيطة...
استطاع رغم زلاته زى( عدم تأمين الأعضاء من سرقة بريدهم وأحترام خصوصياتهم وتدنى لغة الحوار والاقصائية السياسية وبدء مواضيع الفزع وانتهائها من دون فائدة ودونك موضوع علاج الفنان عبد الرحمن عبد الله وأمين المنبر من اصحاب السوابق اللفظية غير المسبوقة فى مصارعته لعادل بلير)
دى كلها زلات صغيرة جداً...
| Quote: اما المسألة المخيفة فلاتكمن فى المزيد من المواقع ...ولكن فركشة هذا الموقع |
الفركشة دى ما بتجى بالزلات... ولا بيتفركش لانو الناس دايره بديل أحسن ولا ديموقراطية أو غيرو..
يتفركش يوم تنتهى المشاكل والشمارات هنا...
ديل السودانيين أهلى البعرفهم هنا... ومن تجارب مفركشة....
http://anwarking.com/forum
باللغات الاجنبية مفركش...
ودا مفركش بالعربي :
http://abd-alla.org/forum
ان شاء الله أكون وضحت نفسى كويس ...
لك الودّ
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Elsharif)
|
الحبيب أحمد الشريف...
الرجاء المواصلة فى اطروحاتك من المجتمع الذى تعيش فيه...
يعنى حتى دى محرومين منها السودانيين...الشوفا دى...
ياخى الواحد تلقاهو عايش 10 سنين فى مكان... وما بعرف عنو أى حاجة...
يا أحمد فى ناس كتار متطلعة وبتقراً زى كلامك المفيد دا...ونماذج ناجحة...شابة وجميلة...
أبيض..أسود..رمادى...الوان كلها شايلة جنسية وجواز واحد...وابقا راجل قول لى يا أسود...عشان أجضمك بالقانون...
تقول لى الطيارة فيها بورى؟!؟
واصل يا احمد... فتح الله عليك... عارفك شايل كتير وزعلان...
لك المودة...
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Elsharif)
|
الحبيب أحمد الشريف...
شكراً لك على هذا الاهداء الجميل...أتمنى ان يستفيد منه زول ولا زولة 123..
Quote: من التاريخ يا أنور الناس ديل مروا بنفس مشاكلنا ويمكن أكتر لكن زى ماقلت ليك الفرق حب العمل او الاضطرار ليه هو البخلى الدول تتطور بالصورة دى مش بس الاستقرار السياسى.
|
هناك عامل مهم فى تاريخ كوريا يا أحمد...هو ان الكوريين شعب واحد...أمّة واحدة...
تلك الحرب عمقت من قربهم لبعض شديد...وحلم أى كوري هنا هو رجعة الكوريتين الى بعضهما البعض...
أهديك  ملخص الحرب الكورية من 1953 الى 1956...
يا أحمد شوف أمريكا وزنت الحرب دى كيف...
وجع...قدمنى ورجع بس...
على كل يا احمد..لو بحثنا فى العالم عن الناس الكانو زيينا والآن عالم تانى...فالموضوع ساهل...
أما لو دايرين نعرف احنا كيف نمشى الى الامام...
فالموضوع لوووووووب...
لك الموّدة...
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: محمد الامين احمد)
|
الحبيب محمد الأمين أحمد...
ماحا الف وادور وأجيب ليك كلام احزاب ساكت...
كما قرأت تعريفاتها فى الكتب:
الديموقراطية هى المشاركة فى صنع القرار...ثم متابعة تنفيذه ثم المحاسبة على النتائج لهذا القرار...
وللديموقراطية آليات تصون وتضمن سلامتها...
لحدى هنا كلام الكتب...
اما كلامي انا..انو ما حصل شفتها مارة بشارع بيتنا ابداً لذلك لا استغرب ان المتباكين عليها (الذين ضيعوها) لا يمتون الينا بصلة...وصلتهم بكلام الانانية سالف الذكر من الأخ أحمد الشريف أقوى من الديموقراطية يا ابو أحميد...
وبما ان جيلنا يا محمد الأمين لم يعش ويذق حلاوتها (ان كان لها حلاوة فى بلد 85% من سكانه جهلة) فلسنا مطالبين بتقديمها يوماً أو الدفاع عنها...
فشعارات "الاسلام هى الحل" والغوغائية وكل أمراض الدول النامية تجد طريقها الى قلوبنا اسرع من كلام الديموقراطية دا...
فهى مرتبطة بالفوضى بحسب جيلنا...ومعناها البارات والاندايات ترجع تانى وكمان شنو..نفتح البلد "للكفار"...
يا أخوى يا محمد...من ما تتكلم ليك كلمتين مرتبات كدا...أول وأسرع تهمة ليك هى ( شيوعى)...
والثقافة ثقافة...,الفن فن...والسياسة سياسة...والكورة كورة... فى كل مكان...الا السودان...
لك الودّ
أنور
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
أنور...
ما الذي تريد إيصاله عبر مقالاتك الثائرة هذه؟ أعلم أنكّ في مقتبل العمر يا عزيزي ولكنّك لست الأصغر سنّاً بين أعضاء المنبر ورغم هذا أشعر في كتاباتك بتعجّل دالٍّ على قلّة الخبرة، وبصراحة أكثر فقد أصبحت حكاية المنابر هذه مملّة أيّما ملل، إنّ الكتابة ليست حكراً على المنتديات وحدها وهناك -كما تعلم- عشرات المواقع التي يمكن عبرها كتابة كل شيء... كل شيء، ليس المهم يا أنور (أين يكتب فلان) ولكن المهمّ هو أن يكتب -في أيّ مكان- بمنطق سليم واحترام للقراء والمتابعين، هل تظنّ أن لو انتقل كل أعضاء منبرنا هذا لمنبر آخر أنّي ملاحقهم حيث كانوا؟! قطعاًً لن أهتمّ بذلك للأسباب الآتية...
- أوّلاً لسنا هنا في تجمّع القصد منه التعارف وتبادل المعلومات الشخصيّة بقدر ما نحن في موقع القصد منه الإفادة والاستفادة والترويح عن النفس بما لا يتعارض والقيم الإنسانيّة الأصيلة.
- ثانياً، كلّ من ترك هذا المنبر لمنبر آخر أراه قد فشل في إثبات وجوده وعجز عن إقناع الآخرين بأسلوبه أو على الأقلّ إجبارهم على احترامه رغم اختلافه معهم في التوجّهات والآراء.
- ثالثاً، قل لي بالله عليك، هل الكوكبة التي تكتب هنا هي الأفضل بين السودانيّين حتى أحرص أنا أو غيري على التواجد معها في أي منبر انتقلت إليه؟! وأنا بطبيعة الحال لا أقصد الجميع فهناك قلّيلون أتابع ما يكتبون باهتمام وأجد بين ثنايا كلماتهم الفائدة وأستمتع بأسلوبهم الجذاب، لكنهم كما أسلفت قلة لا تشكّل السمة الغالبة لمنبرنا.
والآن دعني أسألك سؤالين في صميم مقالك الذي هو بين أيدينا...
1- هل تعني دعوتك لمنبر جديد بقناعاتك أنت وتوجّهاتك حكر العضويّة على توجّهات بعينها ورفض ما عداها؟
2- بوصفي أحد الموصوفين بالإقصائيّة والهوس الدينيّ، هل ترفض وجودي -أو وجود من هم مثلي- في منبر تحت إشرافك؟
أخيراً فإنّ ديموقراطيّة المنبر الحرّ التي تهاجمها أساء التعامل معها بعض من أوكلت لهم مهمّة الفصل في النزاعات بين الأعضاء، فعند أوّل قرار صادر خالف رغباتهم آثروا الانسحاب ولا عزاء للديمقراطيّة وتقبّل القرارات بصدر رحب، وكان يمكن بدلاً عن الانسحاب كتابة رأيهم المخالف لرأي اللجنة لتوثيق المواقف وتثبيت وجهات النظر، هذا مع ايماني بحق كلّ منهم في فعل ما يشاء... اكتب يا أنور ما تودّ وانزع عن قلمك التعجّل والغضب حتى يجد لنفسه خانة بين الأقلام المتزنة وأصحابها الموهوبين.
أحمد الريّح
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Alrayah)
|
أحمد الريّح...
أولاً يا سيّدى شكراً جزيلاً على تواضعكم والنزول الى دركنا الأسفل فى هذا البوست...
خطابك الاستعلائي...محيّر فى أمره يا دفعة... ولعلها فرصة ذهبية ان نتلما فى بوست ذا طابع سياسي وليكن النقاش مفتوحاً ...
------------------------------------------------------------------------
مفتوحاً أى خالياً من الاحكام المسبقة ك | Quote: أعلم أنكّ في مقتبل العمر يا عزيزي ولكنّك لست الأصغر سنّاً بين أعضاء المنبر ورغم هذا أشعر في كتاباتك بتعجّل دالٍّ على قلّة الخبرة |
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
طبعاً انا عندى عدوى بتاعة أولاً...ثانياً...وثالثاً...
| Quote: ما الذي تريد إيصاله عبر مقالاتك الثائرة هذه؟ |
البوست يا أحمد فيه رسالة الى الاخ عادل عبد العاطي مفادها: "بدر بدر يا رواس....أحنا بعاد لحقنا القيفة..."
وهذا هو مطلع أغنية لفنان الطمبور جعفر السقيد وشاعرها هو حاتم الدابي...هذه الاغنية سجلناها من البال توك وانزلتها فى موقعي فى الانترنت حينما أعتقل الشاعر فى الخرطوم للاشتباه فى أن الاغنية تستهدف رئيس الجمهورية...
بمعنى آخر يا أحمد ان سائق المركب (الريّس) بعيد من القيفة والمركب محمّل بالشعب...
أرجع لأرشيف هذا المنبر وبيقع ليك كلامي الشكلو ما مهم دا...كان ناقزين فيهو الكثير من سياسي البورد...والسبب ان هذه الأغنية اليتيمة كانت بمثابة مساندة للأخوة الجنوبيين فى قضيتهم...
دا على حسب الشائع...
ولو كان الانترنت دى فيها فايدة سياسية يا أحمد لكنت نعمت بشرف الاعتقال فى مطار الخرطوم 10000 مرة كدا...
عشان كدا...بقول دوماً ان بوست أساسي المسمى: نضال البوردات ...زى جبنة الحبوبات...
الناس هنا ما بتعضى يا أحمد... واسأل ابن عمك بكري أبو بكر هل سأله أى زول فى الخرطوم؟؟؟
وهو برضو-أى بكري- المفروض يقول القيفة وين؟؟؟
----------------------------------------------------------------
دا...كلو كان أولاً...
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
| Quote: وبصراحة أكثر فقد أصبحت حكاية المنابر هذه مملّة أيّما ملل، إنّ الكتابة ليست حكراً على المنتديات وحدها وهناك -كما تعلم- عشرات المواقع التي يمكن عبرها كتابة كل شيء |
وبصراحة برضو يا أبو أحميد..اجد ان (صدر) كلامك وفعلك يهدم (عجزه)...
فتارة تقول ان المنابر مملة... وتارة أخرى لا أراك فى أى منبر آخر غير هذا المنبر...
إن الكتابة يا أحمد حكر على المنتديات -كما تعلم- فقد أثبتت انها الاكثر قراءةً حتى الآن...وموضوع المنابر يا أحمد أشبه - ان لم يكن- هو تجربة كتاب فى جريدة فى أمريكا اللاتينية والتى انتقلت الى عالمكم العربي وعالمنا السوداني عبر بعض الصحف الا ان التجربة نفسها لم تتسودن لكسلنا المعهود...
المنابر يا أحمد هى الأغنية السريعة -ان جاز التعبير- مقارناً بالفن...فبينما نجد من الشباب من هم مولعين بفنانين كبار كالعاقب محمد حسن..نجد ان الغالبية تسمع فرفور وسامي المغربي (الاحصائيات موجودة لو حبيت)...
فالموضوع أو المقال على حسب قولك لا يعدو كونه ورقة A4 أوصلت فيها الفكرة التى أحب إيصالها..بينما تجد الكتّاب الكبار يكتبوا خمسين ورقة لإيصال نفس الفكرة...
زوار البوست حتى اللحظة 1189 زائر...قل لى بربك...أى موضوع مفيد مهما كان ثقل الكاتب يحظى بعدد زوار كهذا؟؟؟
الم ترى دعوة الخالة نجاة لزيارة موقع أركماني؟؟؟
الموقع مزدحم بالكتاب الكبار...ويفتقر للقراء...وان كانوا صغار!!!
اذاً فلنتفق ان المنابر وبرغم الملل الذى يصيب البعض...مقروءة...ودا بيت القصيد...
------------------------------------------------------
أمريكا التى لا يزرع فيها التين نكته صغيرة كدا
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
سأحاول جاهداً ان اتجنب الكلام (الأحمر) دا...
| Quote: هل تظنّ أن لو انتقل كل أعضاء منبرنا هذا لمنبر آخر أنّي ملاحقهم حيث كانوا؟! قطعاًً لن أهتمّ بذلك |
طبعاً كونك ستقعد أو لا تذهب...فهى شئ شخصي لا استطيعه يا أحمد...لكن أقول ليك شاور برضو...
Quote: للأسباب الآتية...
- أوّلاً لسنا هنا في تجمّع القصد منه التعارف وتبادل المعلومات الشخصيّة بقدر ما نحن في موقع القصد منه الإفادة والاستفادة والترويح عن النفس بما لا يتعارض والقيم الإنسانيّة الأصيلة. |
مشكلتك يا أحمد ما تصبر لحد ما الزول يصل لحتة ظلاميتك وأقصائيتك وهوسك الديني دى بهدؤ... فأنت لا تستطيع ان تتكلم من دون زج الدين وأقحامه أقحاماً فى كل شئ (كل شئ لله)...
فلتفكيك أولاً دى براها دايرا ليها شهر كامل...
الم أقل لك ان المنابر مقرؤة؟؟؟
أراك تجزم زى( يس عمر الأمام) بأن القصد من (نحن هنا) هو الافادة والاستفادة والترويح عن النفس...
ما حا احكها معاك فى الفوق دا...
لكن الدايره حكحكه جد هى دى:| Quote: بما لا يتعارض والقيم الإنسانيّة الأصيلة |
هل لك ان تعرّف لى ما هى تلك القيم الإنسانية الاصيلة؟؟؟
ولنقارن مواقفك !
Quote: - ثانياً، كلّ من ترك هذا المنبر لمنبر آخر أراه قد فشل في إثبات وجوده وعجز عن إقناع الآخرين بأسلوبه أو على الأقلّ إجبارهم على احترامه رغم اختلافه معهم في التوجّهات والآراء.
- ثالثاً، قل لي بالله عليك، هل الكوكبة التي تكتب هنا هي الأفضل بين السودانيّين حتى أحرص أنا أو غيري على التواجد معها في أي منبر انتقلت إليه؟! وأنا بطبيعة الحال لا أقصد الجميع فهناك قلّيلون أتابع ما يكتبون باهتمام وأجد بين ثنايا كلماتهم الفائدة وأستمتع بأسلوبهم الجذاب، لكنهم كما أسلفت قلة لا تشكّل السمة الغالبة لمنبرنا.
|
طبعاً الفقرة أعلاه مرتبطة بأشخاص بعينهم وشحمهم ولحمهم...فكما تشجعت وقلت نصف الكلام..أرجوك كمّل جميلك وورينا الأسماء حتى نحكم بعقولنا برضو...عشان ما تمشى فينا كدا ساكت...لأننى أعرف من ترك المنبر وأعرف برضو البيكابسوا عشان يدخلوا وما لاقين طريقة...
وورد الى خاطرى سؤال أيضاً:
| Quote: آخر أراه قد فشل في إثبات وجوده وعجز عن إقناع الآخرين بأسلوبه أو على الأقلّ إجبارهم على احترامه رغم اختلافه معهم في التوجّهات والآراء. |
وهل هذا المنبر هو معترك إثبات الوجود؟
ربما يفسّر هذا مواقف خالف تعرف التى درج عليها بعض الظلاميين فى المنبر... أو قل كل الظلاميين...
---------------------------------------
...معناها شنو؟؟؟
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
ثانياً:
| Quote: - ثالثاً، قل لي بالله عليك، هل الكوكبة التي تكتب هنا هي الأفضل بين السودانيّين حتى أحرص أنا أو غيري على التواجد معها في أي منبر انتقلت إليه؟! |
اسأل بكري من هذه الفقرة...
أما عن رائي الشخصي فالاجابة فيها كوكبة من أفضل الكتاب وعلى رأسهم رودا...
Quote:
وأنا بطبيعة الحال لا أقصد الجميع فهناك قلّيلون أتابع ما يكتبون باهتمام وأجد بين ثنايا كلماتهم الفائدة وأستمتع بأسلوبهم الجذاب، لكنهم كما أسلفت قلة لا تشكّل السمة الغالبة لمنبرنا.
|
وانا أيضاً يا احمد معاك فى الفقرة دى فى الفهم العام...ومختلفون فى التفاصيل...
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
Quote: والآن دعني أسألك سؤالين في صميم مقالك الذي هو بين أيدينا...
1- هل تعني دعوتك لمنبر جديد بقناعاتك أنت وتوجّهاتك حكر العضويّة على توجّهات بعينها ورفض ما عداها؟ |
الاجابة على السؤال الأول:
ان لم أدخل فى تجربة منتدى سياسي من قبل يا احمد... ولكن فهمي الخاص ان الحرية هى أساس الموضوع كلو... لذلك سأكون ملتزماَ بتخصصي وأهيئ المكان فقط والعضوية مفتوحة للجميع... وانت تعرف ان الجميع دى ممكن تجيب ليك ناس ما بيعجبوك...لكن الحرية التزام يا أحمد.
Quote: 2- بوصفي أحد الموصوفين بالإقصائيّة والهوس الدينيّ، هل ترفض وجودي -أو وجود من هم مثلي- في منبر تحت إشرافك؟
|
أولاً يا أحمد الوصف لاقى أهله تماماً... ولكن كما أسلفت ان الحريّة التزام وليست حسب الطلب...
لن أرفضك وياريت تجرب...
Quote: أخيراً فإنّ ديموقراطيّة المنبر الحرّ التي تهاجمها أساء التعامل معها بعض من أوكلت لهم مهمّة الفصل في النزاعات بين الأعضاء، فعند أوّل قرار صادر خالف رغباتهم آثروا الانسحاب ولا عزاء للديمقراطيّة وتقبّل القرارات بصدر رحب، وكان يمكن بدلاً عن الانسحاب كتابة رأيهم المخالف لرأي اللجنة لتوثيق المواقف وتثبيت وجهات النظر، هذا مع ايماني بحق كلّ منهم في فعل ما يشاء... اكتب يا أنور ما تودّ وانزع عن قلمك التعجّل والغضب حتى يجد لنفسه خانة بين الأقلام المتزنة وأصحابها الموهوبين.
|
هل أستنبط حكماً عليك بأنك ديموقراطي من الكلام أعلاه؟؟؟؟
وممن جائت الاساءة... كما تعلم يا أحمد ان البوست بدء بتوجيه الكلام للجهة الاعتبارية وسمينا الأسم...فهل لك بتسمية الذين واللاتي اساءوا لديموقراطية المنبر (الحر)...
العضو الذى انسحب هو الخالة نجاة وقد بررت موقفها وانا متفق معها 1000% ودونك ما حصل قبل ايام قلائل يا ابو أحميد وصمتك المريب؟؟؟
Quote: اكتب يا أنور ما تودّ وانزع عن قلمك التعجّل والغضب حتى يجد لنفسه خانة بين الأقلام المتزنة وأصحابها الموهوبين.
|
لا تصدر الاحكام يا أحمد...قبل النطق بالحكم... ولا أسعى لخانة بين الاقلام المتزنة..كما اننى لست موهوباً فى أى حاجة بعد ان قابلت الطفل المعجزة مأمون الحبوب...
فى الختام يا أحمد...أتمنى ان ترد على كل فقرة على حدى حتى لا يطير الدخان....
لك الودّ
أنور دفع الله...
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
أنور
لا أدري لم تطالبني يا سيّدي بالرد على كل فقرة من ردّك المطوّل -جدّاً- رغم أنّه معظمه اشتمل على آرائك الشخصيّة عنّي؟! على أيّة حال من حقّك أن تراني ثم تصنّفني كما تشاء، ولا بأس أبداً في منحك لي -بسخاء تحسد عليه- سمات الهوس الدينيّ والاستعلائيّة، كلّ مافي الأمر أنّ لي ثقة مطلقة بنفسي أبذل مافي وسعي للحفاظ على شعرة معاوية بينها والاستعلاء -الشهير بالغرور-، هذه الثقة المطلقة تجعلني أكتب مطمئنّاً لموافقة مقالاتي لما أؤمن به ولهذا وحده ينتفي التناقض عنها ولا أحتاج العودة للأرشيف للتأكّد من موقفي المعيّن في الأمر المعيّن... هذا ما يطلق عليهConsistency إن جاز لي استعارة لفظ أجنبيّ وسط الكلمات العربيّة الأكثر قدرة على التعبير، وأخيراً، لم يغيّر ردك المطوّل من قناعاتي شيئا، لا زلت ألمح ثوريّة متعجّلة في تعقيباتك المتلاحقة، أردت تنبيهك لها فغضبت منّي، لن أعمد لتهدئة الخواطر كما جرت العادة بالقول (لك العتبى حتى ترضى)، بل أقول: أعد قراءة ما كتبته لك غير مرّة كما سأعيد أنا قراءة ما كتبته أنت غير مرّة، فلربّما حمل مقالي أو مقالك ما يفيد أحدنا أو كلينا.
أحمد الريّح
__________________________________________________________________________________________
هذه الكلمة الانجليزيّة مفضّلة عندي، لم أقف على ترجمتها للعربيّة في كلمة واحدة، ورغم أنّي قرأت ذات مرّة أنّها تعني (الثبات) إلا أنّ هذه الترجمة لم تشف تطلّعي ، لهذا، وحتى إشعار آخر، سأظلّ مستعيراً لها كلّما أردت الإشارة لمن ثبتت مواقفه ولم تتغيّر بفعل الظروف المحيطة! هذا مع قناعتي الراسخة بالجمال المتفرّد للغة العربيّة وقدرتها المدهشة على التعبير.
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Alrayah)
|
الحبيب أحمد...
ياخي الخواطر هادئة...المشكلة تكمن فى عدم أمكانية الحوار بس...ولا شنو...
ولا عشان انا ما كاتب كبير أختصرت الرد...
ردّي-الطويل- يا أحمد كان لفتح آفاق الحوار بيننا...ونحن من نفس الجيل... نحمل أفكار مختلفة وهموم واحدة...
ولا ادرى ان كانت الثقة المطلقة لها شعرة مع معاوية أم شعرة مع صوتي سمح ولن أسمع غيري؟
الثقة فى النفس يا أحمد يترجمها جيلنا فى السودان ب (فاكيها فى نفسو ومصدقها) ناهيك عن ان تكون هذه الثقة زائدة
لا حظ يا عزيزي أحمد ان آرائي الشخصية فتحت لنا آفاق للحديث عن المعاجم العربية التى لم تتسطع إيجاد ترجمة للساندوتش والديموقراطيةو الConsistency...
Quote:
Consistency__________________________________________________________________________________________
هذه الكلمة الانجليزيّة مفضّلة عندي، لم أقف على ترجمتها للعربيّة في كلمة واحدة، ورغم أنّي قرأت ذات مرّة أنّها تعني (الثبات) إلا أنّ هذه الترجمة لم تشف تطلّعي ، لهذا، وحتى إشعار آخر، سأظلّ مستعيراً لها كلّما أردت الإشارة لمن ثبتت مواقفه ولم تتغيّر بفعل الظروف المحيطة! هذا مع قناعتي الراسخة بالجمال المتفرّد للغة العربيّة وقدرتها المدهشة على التعبير. |
كما فى (ديكشنرى.كوم)
http://dictionary.reference.com/search?q=consistency&r=67
لها اربعة تراجم
Quote:
1-Agreement or logical coherence among things or parts: a rambling argument that lacked any consistency.
2-
Correspondence among related aspects; compatibility: questioned the consistency of the administration's actions with its stated policy.
3-
Reliability or uniformity of successive results or events: pitched with remarkable consistency throughout the season.
4-
Degree of density, firmness, or viscosity: beat the mixture to the consistency of soft butter.
|
أراك تميل الى الترجمة رقم 3 بمعنى الثبات!
ال Consistency احدى متطلبات قواعد البيانات عندنا فى عالم ال(كمبيوتر) يا احمد وأميل الترجمة الثانية compatibility...أى التناسق...لأنه كما تعلم يا سيّدى ان عدم التناسق فى قاعدة البيانات يجلب الهكرز (Hackers)
أخيراً يا سيّد أحمد أقول لك انني لا احلم بتغيير قناعاتك ابداّ, فقد قلتها وأقولها مرارا...اننا نقول فقط ولا نسمع وما نزال فى نفس المكان... وهذه هى (شعرة معاوية) يا صديقي....
لك الودّ...
_____________________________________________________________________________________
(Hackers)
هذه الكلمة السودانية -مؤخراً- ليست المفضلة لدي لما فيها من تخويف مقصود...آثاره ستمد الى مدى يمكن ان يعطّل سوق ال(كمبيوتر) فى السودان ويجلب مزيد من البطالة التى ستزيد بدورها من ممارسي هذه (العادة).
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
يا أحمد...
Any Body Home?
ياخي شنو التقلة دى ياخي؟
أنور
____________________________________________________________________
التقلة: زى الحاله الاحنا فيها دى... مستنى أحمد الريّح يعاود الكرة.
أيضاً تعني ان ترسل رسالة لفلانة طالباً التعرف عليها وما يجيك رد.
وايضاً تعني نصيحة ذهبية تقدمها الامهات فى حالات الطلاق والصديقات قبل الرد النهائي.
ومن الاغاني السودانية الجميلة التى تعبر عن التقلة, أغنية ود الامين للسارحة وبتقرا فى الجريدة
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
... على رسلك يا أنور، الكتابة في المنبر الحرّ مجرد هواية وليست التزاما، إنّ استحقاق مقالك للردّ يا سيّدي لا علاقة له بكونك كاتباً كبيراً أو خلافه، بل هو أمر خاضع لعاملين رئيسين...
الأوّل احتواؤه على ما يستحقّ الردّ (تساؤل أو نقطة مهمّة أثارها)
الثاني الحالة المزاجيّة لمن تطالبه بالردّ (وهو أنا في هذه الحالة)،
وبين هذين العاملين يقبع عامل آخر مؤثر هو وجود مقال آخر يخطف الاهتمام إليه عما سواه، ومثال ذلك مقال زميلنا الليندي الامان / مصطفى سيد احمد ومجموعة معهد المعلمين للاستاذة نايلة فزع و الجميع الذي لم أملّ قراءته والاستماع للأغنية الجميلة التي احتواها، وعليه لا أرى ميلاً نحو (التقلة) منّي بل ميلاً نحو الهواية في التعامل مع المنبر الحرّ ومقالاته، أجد بين طيّات تعقيبك دعوة ملحّة للحوار ولا أرى لموضوع الحوار أثراً! وأخيراً فإنّي أترك لك أمر ال Hackers تفعل فيه ما تشاء، فهو أمر لا يلقى هوىً في نفسي ، أراك أكثرت منه كإكثارك من حكاية المنتديات هذه، لست مانعك مما تحب وترضى ولكنّي لست مرغماً نفسي على ما لا تحبّ ولا ترضى، أفضّل أن أكتب عن مبدأ راسخ وقناعة ثابتة وأرفض النيل ممن خالفني الرأي بأسلوب غير محمود، قرأت قبل فترة مقالاً قرن اسمي -غير مرّة- بال Hackers فلم أكلـّـف نفسي عناء التعقيب في ذاك المقال، وأعيد كرة أخرى تأكيدي على ثقتي بنفسي و قدرتي على الصبر والتعامل بهدوء مع التعقيبات المتنّشجة والتلميحات المتواضعة التي جابهتني في المنبر الحرّ لا لشيء إلا لإصراري على إبداء رأيي وإن خالف مراكز النفوذ وأصحاب الحواشي في المنبر الحرّ !
أختم تعقيبي بسؤالٍ لك مطلق الحريّة في الإجابة عليه أو لا... هو: ما سرّ تحولّك المفاجئ من Anwarking إلى أنور دفع الله؟!... اللبيب بلا إشارة يفهم!!
أحمد الريّح
___________________________________________________________________________________
ظللت أترجم كلمة Post إلى مقال رغم قناعتي بعدم دقة الترجمة، فال Post قد يحتوي على أغنية ويخلو من الكلمات!! كما إنّه قد يحوي مقالاً منقولاً لا تصحّ نسبته لناقله، للمرّة الثانية على التوالي أفشل في النقل من الانجليزية للعربيّة... أمّا عن العكس فحدّث ولا حرج!!
... وكما عوّدتني في بحثك المضني عن الاسماء بين كلماتي الواضحة، ستسألني عمن هم أصحاب الحواشي في المنبر الحرّ، لن تجد منّي إجابة على تساؤلك المتوقع، فأنا أجيد ممارسة الهمز واللمز والغمز... وبالمناسبة فإنّ هذه الكلمات المتشابهة المتشابكة المتلازمة أدمنها بعض أعضاء منبرنا وأكثروا منها... اتهموا بها غيرهم ولم يذكروا أسماءهم، فمارسوا ما دعوا للتخلي عنه... الهمز واللمز والغمز... ثلاثي الغدر والمناوشة !
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: Ahmed Alrayah)
|
((لا يدخل الجنّة من كان فى قلبه مثقال ذرة من كبر))
تتعامل بهواية حيال الكتابة فى المنبر...
(وجع...قدمني ورجع)...
وطيب الافتاءات فى المواضيع المصيرية دى برضو هواية؟!؟
يمكنك اعلان انك لا تستطيع التحاور مع من يخالفك الرأى يا احمد مع حرصي على ذلك لاننا من نفس الجيل ...
شوكران يا أحمد... لن استجديك الحوار... فانت (الفكرة) موجود بكثرة فى (المحيط)...
وكنت سأكرر ما تحاورت به من قبل..بس كانت فرصة يا احمد لترى نفسك فى مرآة ابنا جيلك وتطلع من التقولب فى عالم أجيال مختلفة وتحمل هموم واسئلة مختلفة...
انت الغرب دا ما فيهو حوار؟
ما حصل اتحاورت ليك مع زول ولا زولة غصباً عنك للدفاع عن أفكارك أو معتقداتك الراسخة؟!؟
صحيح الأغنية لما تعجبك قاعد ترقص؟
ولا صحي انت شايل سيفك فى غزوة رقيص العروس و(تعرض)...
لي مطلق الحرية يا احمد فى الرد على سؤالك...
لذلك لن أرد...
بس يا لبيب...جيب صورتك فى الأول هنا النشوفك وبعدين أعمل ليك 1000 أسم...ما بتفرق.
محاولتك للزج بأسمك فى مواضيع الهكر مستغربة مني والله!
مبدأ راسخ وقناعة ثابتة... تكرار لاسطوانة مشروخة يا سيّدي أحمد...فلم تتكرم بتعريف تلك المبادئ حتى يتأتى لمن يريدوا التنافس فى فعل الخير ان يفعلوا...
((وفى ذلك فل يتنافس المتنافسون)).
1
2
___________________________________________________________________________________
1
لو بتحب الترجمة شديد...يمكنك معاونة أخوك لانو شغال مترجم لفترة محدودة كدا...
بالله أسع ترجمة كلمة للانجليزية يكون شنو؟
همّاز,غمّاز؟
لزوم التهميز وكدا....
2
لاحظت ان ردودك تشمل آخر الاخبار للمشاركات فى البوستات المجاورة, وهى الصفة التى أمتاز بها امام جامع الحي...حتي قال له احدهم ياخي كمان قول لينا نشرة الاحوال الجوية
أعتقد اننا وصلنا لطريق مقدود يا احمد... يلا... عشّق وانا مفحّط.
بس لمعلومتك..انت ما رديت على أى من تساؤلاتي لحد الآن...
آسف على استخدام أسلوبك فى الكتابة...عارفكم يا ناس الغرب بتوعون إستايلات...
| |
|
|
|
|
|
|
|
|
|
Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
الخلاصة:
عزيزى وعزيزتي المتابعين لهذا البوست...
أشكركم على المتابعة...
أستنفد البوست أغراضه برجوع رودا الى منبر الحوار مرة اخرى
واستقالة عادل عبد العاطي...
ومن فوائد البوست ايضاً انو ورانا نموذج لحوار الطرشان... وكان لي الشرف ان أكون أحد الطرشان...
أشكر جداً كل من ساهم/شارك فى هذا البوست...
والسلام واللقاء فى البوستات الأخرى...
أنور دفع الله/ AnwarKing
| |
|
|
|
|
|
|
|
|
 Re: طز فى ديموقراطيتكم و حريتكم المزعومة...لكم كلكم... (Re: AnwarKing)
|
الحبيب انور ,,
Quote: انت الغرب دا ما فيهو حوار؟
ما حصل اتحاورت ليك مع زول ولا زولة غصباً عنك للدفاع عن أفكارك أو معتقداتك الراسخة؟! |
حمد لله علي السلامه ,,متابع من بعيد وحابي فقط اوضح "الحوار" ليس
غصبا ..صدقني اذا احد الاطراف لايود الحوار لن يتم التحاور ولا اعني هنا احمد الريح ولكني اتحدث عموما .. نعم في الغرب حوار "ولكنه بتم بعد موافقه جميع اطرافه" ..
ولك الشكر ..
| |
|
|
|
|
|
|
| |
AnwarKing
Tumadir
معتز تروتسكى
nile1
degna
Ahmed Elsharif
محمد الامين احمد
هاشم نوريت
Muhib
فيس بوك
تويتر
انستقرام
يوتيوب
بنتيريست