دعواتكم لزميلنا المفكر د.الباقر العفيف بالشفاء العاجل
|
|
 يلا نغنى المهرجان التانى لعقد الجلاد الغنائيه
|
من اجل تفعيل الحراك الثقافى والغنائى
وبمجهود ذاتى اقامت مجموعة عقد الجلاد الغنائيه مهرجانها الاول
وكان ناجحا بكل المقاييس
كرمت فيه المجموعه رموزا فنيه وقامات ادبيه
هكذا ديدنها
الفنان عثمان حسين
الاستاذ ساحر الكمان عبدالله حامد العربىالاستاذ محجوب شريف
الاستاذ محمد طه القدال
واخرين
الان تنوى عقد الجلاد اقامة المهرجان فى نسخته الثانيه
فى الاسبوع الاول من يونيو 2006
فى ايام 2-3-4
على التوالى بالمسرح القومى بامدرمان
يصاحب الليلى الغنائيه معرض تاريخى عن عقد الجلاد
كتيب واسطوانه
نتمنى ان نقدم شكل جديد ومختلف عما سبق
هى دعوه لكم اهلنا البورداب
ونتمنى ان نلتقيكم
ونسمع ارائكم
لكم الود
انور عبد الرحمن
|
|
 
|
|
|
|
|
|
|
 Re: يلا نغنى المهرجان التانى لعقد الجلاد الغنائيه (Re: HAMZA SULIMAN)
|
الاحباب المتداخلون
المهتمون اصحاب الوجعه
رفقاء الهم
الفنانيين بيان-عشه بت فاطنه- الجندريه امانى-لؤى- نذار- حمزه سليمان
ليكم عارم المحبه
لازال عطر الجلاد يفوح نغما تاريخا وموقف
لتنا يا نذار نسع كل مواعين الوقت ولكن تحكمنا ظروف كثيره فى تحديد الوقت الخريف ونحن لا نملك مسارح مغلقه؟ عدا قاعة الصداقه
كاس العالم على الابواب؟
ويا لؤى انا هنا متسودن منذ عام ونيف رجعت جلادى المذهب
ويا بت فاطنه والله الشوق بحر يابتى بحرا تيه
ويا امانى لمتين انتو فى اليمن دى ما تعالو شويه؟
وياصديقى حمزه فى تكريم المبدع محجوب شريف تغنينا بود باب السنط
فكانت اغنيه طالب بها الكبار سنا وعقلا ومكانه
فليحيا الوطن
ليكم الود
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
| Quote: بيان اها المره دى معانا والله مع الخيانه |
ودي عايزة كلام؟
عارف يوم الحفلة الحصل فيها المس كول
جيت مع براعم عشان اكتشف انه
انا والفنانيين بس الما براعم
والبراعم ديل بيمشو اي حفلة
حقتكم لابسين اخضر واسود..
وحلمهم في الدنيا كان يسلمو
عليكم في يدكم
اها جبتهم سلمو عليكم
بس انهمرت المحادثات التلفونية
الليلة ما حتصدقي
خالتو مشت معانا الحفلة
وتصدقي خالتو بتعرفهم شخصيا
والله بتكلم معاك جد بتعرفهم شخصيا
بسم الله مكنات شنو
انا بقوليك الكلام دا جادة
بتعرفهم كلهم..
وانور بالذات بتعرفو
ايوة وبتعرف حوا وحوا صاحبتها شديد
وبتجيهم في بيتهم وبيجوها
ياخي مكنات شنو ذي ما بقوليك.
يازول على كيفك عايزة تصدقى ولا ما بتصدقي
بطريقتك..
المكالمة دي اتكررت مليون مرة
عشان كدا حفظتها.
والبرعم حقنا بقى فرحانة شديد
اشهر بت في المدرسة
ديك البت الخالتها بتعرف ناس عقد الجلاد شخصيا..
عشان كدا يا فردة ماحتكون المرة دي مس كول..
حنوديكم المدرسة معروضات.ز
بالله سلامي لكم فردا فردا الى ان نلتقي
ولو خليتوني اغني معاكم ما بطال
صوتي فجأة بقى سمح..
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
ابوالنور :
الزول الرائع والصوت الجرس مع هذه الأنامل التي تداعب المايك قبل كل دخول في صولا أو كوبلي بطريقة تثير إعجابي ...
كنت من أول المنتظرين لعودتك وتشاء الظروف ان استمتع بحفل رائع في حدائق عبود شهد عودة انور ..
لكن ما عسانا مع هذه الغربة اللعينة التي حرمتنا من النطيط والنقيز على انغام يا حاجة ناس الموية جووووووووووووووووووووووووووووووووووووووووووووووووووووووو
تخريمة :
طالبكم قميص جدعتو في واحدة من الحفلات دي تجيبوهو لي سريييييييييييع 
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: عمر الفاروق)
|
منى خوجلى يا حبيبة قساى
راجعى بوست الوداع
وندهت ليك جدى الشيخ يوسف اكان ما جيتى
وحضرتى المهرجان
ويا لؤى يعمل ويفاد والله اقول ليك
هاك الرقم والباقى باقى؟
00249912252389
ويا ود الفاروق كتر خيرك وربنا يقدرنا وتعال المهرجان
وعندى ليك قميص خسوسى؟ وليس خصوصى
وليكم ودى
انور
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
السلام عليكم
الاخ انور
لك التحية
والله لم اسمع اطلاقا منذ خروجى من السودان غير عقد الجلاد
وقبل عام او اقل حضرت لهم حفلة فى منتزة النيل الازرق على ضفاف النيل
وهم احبائنا ...
تحياتى لهم فردا فردا وسلامى لهم وتقديرى ...
ولعلمك استاذ انور كل طلاب كلية العلوم الرياضية جامعة الخرطوم يستمعون اليكم ...
وكنتم لنا خيرة فرقة فى اسبوعنا الثقافى الاخير فى الجامعة ...
تسلموا
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: محمد سنى دفع الله)
|
محمد السني :| Quote: انا حلمي عمل فيلم عن عقد الجلاد |
أكتب عندك :
طلال عفيفي / مساعد مخرج
عزيزي أنور ، لا أملك إلا أن أقول ، لك وللمجموعة ، بالتوفيق .
لقد أسعدتم الناس لزمن طويل وما زلتم ..
وإستطعتم المحافظه ، وسط كل هذه العتمة ، أن تظل عقد الجلاد
متنفساً حقيقياً ومعبراً للأجيال ..
إستطاعت عقد الجلاد مساعدة الناس على الرقص والغناء ، حفظت الفلكلور ،
رفعت من وتيرة المقاومة النفسية للظلم والجور بأغنيها أيام كانت
المقاومه عزيزه ( والكل يبيع في أقرب ملف ) .
إستطاعت عقد الجلاد أن تتحول لأيقونه تعبر عن الشوق للوطن ، كنا طلبه
في القاهرة والإسكندرية ، نتذكر السودان بالدكوة والجبنه المضفرة ،
علب البرنجي ، وأغاني عقد الجلاد ..
يا سلام !
سلامٌ عليكم فأنتم كرام .
...
طلال
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: toona)
|
الاحباب اشتاذنا السنى
الفيلم فيلمك ونحن تحت الخدمه والماده الارشيفيه جاهزه
يلا يدك معان ونحن فى انتظار الجد جد
كم نحن سعداء بك
وليك كثيف الشوق
العزبزه انعام سعدا نحن بان تكونى واحده انصارنا المميزيين
وان شاء الله نبقى قدر ذوقك
وخالتناتونا على قولها مرحب بيك والكرسى محجوز
ومعاهو هديه كمان
هذا مع ودى
انور عبد الرحمن
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
سوف يتم فى خلال فعاليات المهرجان
نكريم بعض الرموز الفنيه السودانيه
اذ وقع الاختيار هذا العام
على الاشتاذ ابو عركى البخيت
والاستاذ زيدان ابراهيم
والاستاذ شرحبيل احمد
والاستاذ الفنان عبد الوهاب الصادق شفاه الله
الذى يعانى من اثار جلطه دماغيه اعجزته عن الكلام
نتمنى ان نوفق فى تقدبم جزء يسير من الوفاء لاهل الوفاء
وهكذا ديدن عقد الجلاد
انور عبد الرحمن
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
Quote: سوف يتم فى خلال فعاليات المهرجان
نكريم بعض الرموز الفنيه السودانيه
اذ وقع الاختيار هذا العام
على الاشتاذ ابو عركى البخيت
والاستاذ زيدان ابراهيم
والاستاذ شرحبيل احمد
والاستاذ الفنان عبد الوهاب الصادق شفاه الله
الذى يعانى من اثار جلطه دماغيه اعجزته عن الكلام
نتمنى ان نوفق فى تقدبم جزء يسير من الوفاء لاهل الوفاء
وهكذا ديدن عقد الجلاد
|
نعم هذا هو ديدن عقد الجلاد
وديدن اهل الوفاء لاهل العطاء
هكذا عودتنا عقد الجلاد عودتنا على التميز
وحتى في تكريمها للآخرين والوفاء لهم تميزت
لذا نحسه هذا العقد منا وفينا
جاء من رحم هذا الوطن الجميل
تمنياتي بكل التوفيق لكم اخي انور
تحياتي لك وسلام لعثمان النو وباقي الفرقة
مودتي واحترامي
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: Soumeta)
|
الغالى طلال كم اشتاقك
وده حب من طرف واحد وانت قاصد؟؟
مساعد مخرج- شنو انت تنافس السنى وتعمل واحد براك؟
والسنى ليبرالى وما عنده مشكله مع الشباب
خليك معانا شويه وابقى قريب
لانه عقد الج-لاد
بت الشعب الحر الفعلو بسر
اب لحما مر؟
وتسلم يا لؤى يا ذوق يا نغم
وشكرا كثيرا احمد خير وانتو وقود الج-لاد وعطره
ويا السنى يا حبيب شوف ليك مساعد مخرج- تانى لانه طلال ده عاوزنه لى الفيلم السريالى؟؟ بتاع المسدار
وعصام لى ادارة الانتاج- انت احسن حاج-ه تعملها تج-يب
مستثمر اج-نبى؟؟؟
وشكرا سوميتا اذا كنتى فى البلد ندعوك
لحضور ليالى المهرج-ان الج-كمه القادمه
2-يونيو والسبت 3 يونيو والاحد 4-ج يونيو
وكم نج-ن فخورون بك
هذا مع مودتى
انور عبد الرحمن
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
انور وبقية العقد الفريد
في زمن احسسنا بعاصمة لا تشبهنا ... تلك التي لا يغرد فيها سرب الجلاد ... حين توقف نشاط الفرقة سمعنا همهمات المدينة الحزينة ... حبيبتنا الخرطوم ... مزيد من الابداع والامتداد المعطر ....وعشان عيون اطفالنا ما تضوق الهزيمة ... نعم مهرجان ثاني لعقد الجلاد ... وحبا بحب لجمهورها ... وكل رموزها وجنودها المجهولين
اتوقع لمسه فاء وتكريم خاصة للاب محجوب شريف
ودمتم كما يدوم النغم
صداح
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: wesamm)
|
العزيز انور عبدالرحمن
الواحد كان بيتمنى يكون حاضر لكن من على البعد لكم كل الامنيات بالتوفيق والنجاح كما عودتمونا
دائما .احجز لى اى اصدارية فى ذلك اليوم وجاييكم قريب.
وتحياتى لكل المجموعة الرائعة . بعدين احمد خير ده منو. ياانور يا......يا........ لم متذكر
حفلة برلين.
احمــد خضــر
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: بنفسج)
|
ياحليلك يا أنور.. هل تذكر تلك الأيام الجميلة التي قضيتها معنا في صنعاء؟
اسكرني الفرح عندما رأيتك (في التلفزيون) تغني مع مجموعتك (عقد الجلاد) في حفلة اقيمت
في الفترة الأخيرة بالخرطوم. وطشمت فرحناً عندما قام حينها عمر بانقا من صفوف السمتعمين ليشارككم الغناء.
لقد افتقدناك بحق في ذلك العقد الفريد الجميل. فلك التحايا وللمجموعة التي لم ياتٍ السودان بمثلهاحتى الآن.
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
They are really doing so Mousely..Keep up the good work
أما بعد،،
أبو غيداء العربي الجميل
والله كنا جايينكم بي حقنا لكن الظاهر ربك ما طلق..
الجايات أكتر من الرايحات آآآعربي الجن...
مفاجأة من شقين:
قام الأستاذ الشاعر الجميل عصام عيسى رجب بإرسال نص غاية في الروعة يشبه عقد الجلاد من زمااااااااان والنص إحدى الروائع الأستاذ التي نتوقع لها قبولاً جميلاً ونجاحاً كبيراً..وقد هاتفنا الجميل شمت والأستاذ عثمان النو بذات الخصوص..
عليكم الله يا ناس أشهدوا معانا على جمال هذا النص ، أما الشق الآخر من المفاجأة ، أصلو ما حا أقولو ليكم،،، كدي هاكم النص تحت الحساب:
(1)
مارقين في الضو
الضو الشارد من عينيكِ
وكايس ضُل إيدينَّا عشان يرتاح
شايلين جوَّانا حكاويكِ
وبنغنِّي غنانا العاجبِك داك
صفقتنا سماك
وصوتنا يسوِّي سُواةْ النِّيل
وقتين يرمي الشبَّال
ما بين نهرينو قمر ضحَّاك
عارفاهو قدرنا معاك
لا بتبقي بَرَانا جميلةْ الكون
لا بنقى بَرَاك
(2)
مارقين في الضو
خلّينا مداين العتمه قفانا
وجينا عليك
أدَّيناكِ وجوهنا تضوي جبينك
وأدَّيناك
بكره الجاييك أفراح أفراح
ما فينا الفاتِك نُص الليل
وخبَّت باب الغرباء يفتِش ليك
صادِين يا الزَينه وعرفانين
حضنِك أو حضنِك هو المسكون
بَيْ الحُبّ الجَدْ
عينيك صباح
(3)
مارقين في الضو
عينينا الشافت شدراً ماشي
وقالت ليك
صدقتي كلامنا وكضَّبناك
بارينا الشدر الماشي هناك
ودَّانا يعيد
لقينا غيابك
شاهِد فينا رحيل الإلفه
وما لقيناك
اتوشَّح جسَداً تاني قميصك
لكن آه
خصرك ما كان النَّيل
ما كان النَّيل
إيديكِ رَهاب
صوتك كان رايح مِن غُنواتو
وكنتي رحيل
(4)
مارقين في الضو
يا زمناً دسَّ السيف
ما بين عاشقين
صادِين صاديِن
قامتنا نخيل
جُوَّانا سماحة الفقراء
الجازو مقام العِرفة وغبيانين
الحق مُو نفَساً مِنَّك وفيك
والضو عينيها الفي عينيك
مارقين في الضو
مارقين في الضو
تحياتي الكبيرة لكم أيها السمحين خالص
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: ناذر محمد الخليفة)
|
لاقًًٌٍٍََُُُِِدام ياناس عقد الجلاد
وتسلم ياانور يارائع ياروائع وقول لابوعركى يغنى توصل الناس الروائع
ذى ماقالوا حرمتوا الطيور المهاجرة الحضور او معظم المغتربين بالسعودية والخليج واعتقد ايضا في اوربا
اولادهم في المدارس والعطلات كلها تبدا من 7/6/2006م
اعتقد المبررات التى صغتها كافية وقوية بان تكون في بداية يونيو ان شاء موفقين
بس اتمنى ان توعدوا الناس بان تعملوا ليلة بعد كاس العالم مباشرة وفي مكان مفتوح
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
سلام لأنور ولكل محبي عقد الجلاد والتحية لكل من يقدم أعمال ترقي الذوق الفني للمواطن السوداني.
ليس تقليلا من شأن المهرجان، ولكن الهدف الآني هو العالمية لعقد الجلاد. تقديري الشخصي من واقع معرفة وتعامل مباشر مع الإنتاج الفني أن هذا الهدف ممكن ومتاح، تتبقى فقط الجدية لتحويله لواقع ومساهمتي لن تكون مجرد الكلام أو الكتابة.
التحية مرة أخرى
عبدالحليم أبوقصيصة
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: الفاتح وديدي)
|
......
نغني مع النو، شمت وشبكة، شريف والخير، جويلي وأنور وبقية العقد الغنّاي..
ياسلام على أبو اللمين أمبارح: كلمة رصينة وتكريم في محلو، يستاهلو الباشكاتب طبعاً..
ياسلام على عقد الجلاد وهي تُفرد في مهرجانها الثاني مقاماً للوفاء، تكريم عوض الله طبعاً برضو صادف أهله، المُشكلة إنو ال(سي في) بتاعة عوض الله أخدت تلتين زمن البرنامج عشان المذيع يقراها، عيننا بارده والله.. ده غير لفته جميلة من عوض الله نفسه وهو يطلب من الفرقة أن تُحيي جمهورها بالتصفيق!
(ليه بنهرب من مصيرنا).. أجمل لوحات اليوم الأوّل.. أمّا الأجمل بلا مُنازع طبعاً فكانت طبعاً لوحة وصورة الراحل إبراهيم عوض التي احتفى بها أفراد الفرقة أجمعين وتبادلوها فيما بينهم، الواحد تلو الآخر حتى استقر بها المقام في أحضان طفلة أمورة..
عرض البروجكتر في بداية المهرجان كان عبارة عن سياحة تاريخية بين يدي الميلاد واللحظة، إستعراض جميل وشيّق ومعلومات ثرّه ، الفيلم لوحده أعتقد أنه يمثل أكبر هدية توثيقية للمكتبة السودانية كما يغذي فينا الإحساس بمغادرة محطة (المشافهة).. هي لعمري مسألة تستحق لوحدها مهرجان!
بالمُناسبة، الفادني في أثناء عرض البروجكتر انداح من داخل الشاشة بمسدار عريض تجاوب معه الجمهور بتصفيق مُطوّل دلّل على شعبية كبيرة يتمتّع بها محمد المهدي..
أنا أحب هؤلاء الجلاديون ،
محبّتي تعني أن أبارح مقعدي الآن، أغلق هذه النافذة والجهاز معاً، أتهيأ للذهاب إلى المسرح القومي منذ الآن –السادسة تماماً بتوقيت الخرطوم – على أمل أن أحظى بمقعد هناك، أظنه أمر دونه خرط القتاد ما دامت الدنيا والعالمين تبادل هذه المجموعه كل هذا الحب..
عن الحشود والناس الكانو هناك،
البورداب بقيادة سيد الحوش بكري
فاضلابي الحاضر بأغنية يحتفي بها جمهور المجموعة كثيراً هذه الأيام، سوميتا عبر الأثير.. وسلمى الشيخ معانا..
صوصل.. وده قصّته براهو!
الجو العام وتفاصيل الحفله.. و.. و..
عن الجمال والفات كلو يتواصل الحكي، بس هسّة: (يللا نغني)
.......
| |
|
|
|
|
|
|
|
|
 Re: يلا نغنى المهرجان التانى لعقد الجلاد الغنائيه (Re: ايهاب مهاجر)
|
العزيز/ ابو غيداء
ربما اكون جلادية متطرفة
لان عقد الجلاد الفرقة السودانية الوحيدة التي استطاعت ان تحافظ علي مستواها رغم كل الصعاب، والظروف التي مرت بالسودان منذ ان تشئت الفرقة
منذ الابتدائية وانا احفظ اغانيكم قبل ان تغني
يعني من البروفة
خالتي ثريا علي بخيت
صديقة مخلصة للفرقة
قبل انشاءها
كما جاورنا عثمان النو في الامتداد
فكانت كل برامجنا جلادية
* * *
بمناسبة آخر يوم دا الليلة
انحنا معاكم اذا شاء الكريم
في مسرح امدرمان القومي
دمت لنا
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: سارة عمر)
|
يلا نغني.. بحلم العالم
أغنيات الثورة التي تعتمد ايدولوجيات معينة توقظ دوماً ضمير الأمة الغارق في سباته،
وتنبه العقل من سهوته واندياحه الحالم، تلك الأغنيات يصعد نجمها حينما يكون هناك احتباساً في قضية الحريات العامة،
أو حينما يغفل المخطط الاقتصادي البعد الاجتماعي للشعب... والانفراج الحادث الآن -لحد ما- يجعل هذا النوع من الأعمال
يخفت صوتها ولو إلى حين..
ربما هذه ليست نظرية بقدر ما هي قراءت في مآلات واقع الغناء الثوري بشكل عام، ولكن تبقى مفاجأة مهرجان عقد الجلاد الثاني
والاقبال الجماهيري الذي ضاقت عنه جنبات المسرح القومي، تبقى علامة فارقة في شكل التجاوب المتزايد مع هذه الفرقة.. والتي
بلغ عمرها قرابة العشرين عاماً، كانت خلالها حفلات الفرقة هي الأثيرة لدى قطاع كبير خاصة وسط الشباب..
فعلى مدى ثمانية عشر عاماً انتجت فيها الفرقة ما يربو على الستة ألبومات غنائية وشاركت خلالها في عدد كبير من المهرجانات
والاحتفالات داخل وخارج السودان، ظلت عقد الجلاد تحافظ على تواجدها واستمراريتها بشكل مدهش، إذ تعد تجربة الغناء الجماعي
في العالم تجربة صعبة جداً، إذ يخضع لظروف الجماعة، فالبعض قد يسافر والبعض يمتهن مهنة ربما لا تمكنه من المشاركة، والعديد
من الظروف الاجتماعية التي تجبر البعض على التوقف عن مزاولة النشاط، وعقد الجلاد كما ذكر من قبل الأستاذ سيف الجامعة أكثر فرقة غنائية
استطاعت الصمود والتماسك في وجه هذه المتغيرات، إذ نجد فرقاً مثل »الاسبايس« و»البتيلز« و»الفور كاتس« كلها فرق لم تعمر كثيراً،
صحيح أنهم قد يحدثون أثراً ضخماً لكنهم في الاخر يعجزون عن التماسك، وعقد الجلاد لا زال لها نفس البرق والوهج الآسر الذي لا تخطئه
عين.. ولا أذن..
مع عميق احترامنا لكل ما قدمته عقد الجلاد لكنا نعتقد أن كل هذه الأعوام الماضية يجب أن تتوج بانتشار يتجاوز حدود الوطن، فهي تمتلك من المقومات
ما يفترض أن يجعلها تخلق تواجداً أكثر اشراقاً على النطاق الاقليمي على الأقل ان لم نقل العالمي، فيجب عليهم أن ينقلوا معهم »حلم نعمة« بعوالم
زي رؤى الأطفال حوالم.. فحتماً الجميع يحلم بعالم سعيد، وقطعاً سيلبي الجميع دعوتهم التي تقول: يلا نغني..
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: nashaat elemam)
|
.......
Quote: مع عميق احترامنا لكل ما قدمته عقد الجلاد لكنا نعتقد أن كل هذه الأعوام الماضية يجب أن تتوج بانتشار يتجاوز حدود الوطن، فهي تمتلك من المقومات
ما يفترض أن يجعلها تخلق تواجداً أكثر اشراقاً على النطاق الاقليمي على الأقل ان لم نقل العالمي، فيجب عليهم أن ينقلوا معهم »حلم نعمة« بعوالم
زي رؤى الأطفال حوالم |
شكراً نشأت،
كنت أراهن على سبع مُداخلات من جانبي أختتمها بمثل ما كتبت،
شكراً لرهق الكتابة الذي أزلته عنّي..
تفاعل الأجانب الموجودين بالمهرجان في الأيام الفائتة أفضل تأكيد على ما تقول، كما وأن نماذج فرقة كواتو المُصاحبة للأداء تجعل الرسالة الجلادية هي أقصر طريق للعالمية..
أقول هذا وبخلدي عبارة حكيمة نسيت الآن من صاغها:
"الطريق إلى العالمية يبدأ من عتبة بيتي"..
وبيتي هذا تُعبّر عنه الفرقة تماماً!
......
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: الفاتح وديدي)
|
العزيز وديدي
ما رأيناه بالأمس من أداء أقل ما يوصف بأنه راقٍ.. وما لمسناه من التجاوب الكبير من كل من حضر الليلة الختامية.. ينبئك بأن عقد الجلاد تظلم نفسها كثيراً
وهي تجثو بيننا هاهنا فقط.. ما قدم بالأمس وغيره مما نختزله يشي بأن هناك خطوات كبيرة بانتظار الفرقة.. ونتمنى أن تمشيها قدماً فهي مؤهلة لكل نجاح
قادم ..
فرقة معهد »ورياب« أو »ورباب« بقيادة المذهل ستيفن اوشيلا قدمت عرضاً موازياً بطريقة مبدعة ولهم كل الاعجاب والتقدير.. وفعلاً لوحات الأمس كانت عالمية..
والشكر لك اذ جعلت منا زملاء تتوارد الخواطر بيننا مما يعيننا على أن نزيل رهق بعضنا البعض بما نكتب..
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
التحية لفرقة عقد الجلاد ،، الفرقة التي اصبحت علامة وركيزة اساسية في تاريخ الغناء السوداني ،، كافحت وجاهدت وشقت طريقها للنجاح رغم الصعوبات واصرت على استمرار النجاح حافظت على جمهورها واضافت إليه المزيد من الاجيال الجديدة ، وهذه لعمري قمة النجاح والتفوق.
شكرا لكم فقد منحتم هذا الشعب المغلوب على امره الكثير من المتعة، فكنتم الصدر الحنين الذي يطبطب عليه ويلجأ اليه حين اشتداد الالم.
شكرا أنور ، شكرا عثمان ، شكرا شمت ، شكرا شريف ، شكرا حواء ، شكرا جويلي ، شكرا عركي ، شكرا الخير ، شكرا شبكة شكرا لكل المجموعة من بداية عهدها وحتى أخر فرد انضم اليها.
شرووم
| |
|
|
|
|
|
|
|
|
 Re: يلا نغنى المهرجان التانى لعقد الجلاد الغنائيه (Re: شرووم)
|
شكرا ايها الجمهور الوفى
شكرا وقودنا الوقاد
شكرالتيراب الشعب الح
الفعلو بسر
اب لحما مر
فى الزنقه ام لووم قدام باينيين
البسمع فيهم يا ابو مروه
بى فرارو اجيك من جوه وبادر ليك من غير تاخير
سوف اعود لاحكى لكم كيف كان المهرجان
وكيف قام المهرجان
وللذين شكلوا حضور معنوى
بشرى وهى سوف يذاع المهرجان سهرة على قناة النيل الازرق
يوم الخميس الثامن من يونيو
ولكم الود
انور عبد الرحمن
| |
|
|
|
|
|
|
|
|
|
Re: يلا نغنى المهرجان التانى لعقد الجلاد الغنائيه (Re: anwar abu gaidaa)
|
التحية لفرقة عقد الجلاد لماقاموا به وما يقومون به من عمل جليل ورسالة فنية خالده
ورغم حضورى الى السودان بعد موعد الحفل الا اننى تمكنت من مشاهدته فى التلفاز وقد كان عن حق
عمل جميل شبيه بعقد الجلاد التى عرفناها واحببناها ...........
الحديث عن عقد الجلاد يطول ويطول .............
واجمل ما فى المهرجان هو مشاركتكم يا انور فقد كانت مفاجئه جميلة جدا
ونتمنا فى المهرجان القادم مشاركة كل العناصر القديمة من عقد الجلاد مع المبدعين الجدد
لكم التحية مرة اخرى ولعقد الجلاد وعلى راسها عثمان النو
ونقول لهم كونوا كما عهدناكم دوما محلقين فى سماء الابداع
| |
|
|
|
|
|
|
| |
bayan
لؤى
الجندرية
عشة بت فاطنة
nazar hussien
HAMZA SULIMAN
ضرغام حسن ابو نورا
Muna Khugali
عمر الفاروق
احمد معتصم الطيب
هشام كمال
عاصم ابوبكر حامد
محمد سنى دفع الله
طلال عفيفي
انعام عبد الحفيظ
toona
ahmed khair
Soumeta
wesamm
بنفسج
تراث
الطيب بشير
Elmosley
ناذر محمد الخليفة
طارق اسماعيل
ودالعباسية
عصام ابو القاسم
Haleem Abu-Gusseisa
الفاتح وديدي
سارة عمر
nashaat elemam
امير عبد الماجد
شرووم
الواثق تاج السر عبدالله
فيس بوك
تويتر
انستقرام
يوتيوب
بنتيريست