|
|
 غاده نورى اكلت عصيده بى نعيميه والله ؟؟
|
وانا اهم بالخروج من المنزل لاداء اولى عروض
الجلاد الرمضانيه رن جرس الهاتف
كانت المتكلمه غاده نورى وصوتها الما بغبانى
هيا بت الناس انشاء الله طيبه
شفقتينا خمسه يوم فى الانعاش الحكايه شنو؟؟
قالت وهى شايله طولت البال من الله؟؟
انها بخير وعافيه ومركبه كبده رجاليه عالية الدسامه؟؟
وهى ما شاء الله تبغرك فى المعنويات ؟؟ وقالت الحاجه عملت ليهم نعيميه وعصيده وهى اكلت تمام
وتبلغ تحياتها لكل من سال عنها ومن لم يسال عنها
وهى تتابع مع الطبيب الاجراء الروتينى وقريبا تعود
اللهم اسبق عليها نعماء شفائك
ولك الحمد فى الاولى والاخره
انور ابو غيداء
|
|
 
|
|
|
|
|
|
|
 Re: غاده نورى اكلت عصيده بى نعيميه والله ؟؟ (Re: سمرية)
|
Quote: Quote: واول كرامه عندى فى البيت بعد ما ترجع
وانا بعزم الناس ... وغايتو الا تعمل صيوان في الشارع !!
|
اها يا أنور أول عزومة وعندك
اها الناس البعزمهم منو سمرية ولا انا ؟؟؟
غايتو اليوم داك الا تغني
في الحالتين انا الضائع 
ياخي غادة دي بت ما حصلت يا رب تجيبها سالمة
| |
|
|
|
|
|
|
|
|
|
Re: غاده نورى اكلت عصيده بى نعيميه والله ؟؟ (Re: anwar abu gaidaa)
|
انور كل سنة وانت طيب يارب .. رمضان كريم .. اهة المرة دي عزومتي وينها ..
الف حمد لله على سلامة غادة وبركة السمعت صوتها .. يا سلام عليها هي ملكة بس والله ..
الكرامة عايزنها حفل في نادي الضباط وانا تذكرجية رايك شنو بس خدر مافي حا نرسل ليه يجي ..
تحياتي للكل خاصة نصر الدين ..
| |
|
|
|
|
|
|
|
|
|
Re: غاده نورى اكلت عصيده بى نعيميه والله ؟؟ (Re: ناهد علي)
|
الاحباب الفاتح خليل وابوعبيده البصاص
لكم الود والله يكتب لكم فى ميزان حسناتكم
هذا الود وهذا الاهتمام
اها جيتكن يا حريم ناهد على وانعام حيموره وبت عبد الحقيظ وسمريه
وسمريه دى طبعا اسمها السر دوليب
عارفيين ليه لانه كتب ما بصدقكم؟والله كم انا سعيد بكم وبغاده
هذه الجميله
انا صاح اول كرامه عندى لكن شايفكن اتبنيتن الموضوع شديد
اها اول حاجه اذا فيكن واحده ما بتعرف كمونيه تتخارج لينا من هسى
وبعدين فى ناس عاوزيين كرامه بى تذاكر؟؟ والله ناس الصحافه دييييل؟
ربنا يرجعا لينا بالسلامه وقسما على شرفها انتم ومن تحبون ضيوفا على واسرتى وغيدا ء
ولكم كثيف المحبه
انور عبد الرحمن
| |
|
|
|
|
|
|
|
|
|
Re: غاده نورى اكلت عصيده بى نعيميه والله ؟؟ (Re: عبدالكريم الامين احمد)
|
الاحباب الكرام حمزاوى وعبد الكريم الامين يقبل دعاكم الله لى حبيبتنا غاده
وليكم الود
ولو ما كنت من ناس ديل وااسفاى
ويا عادل ود السعيد مبرووك الهجره التانيه؟؟؟
والله ده كلام غريب يعنى نشوفك تانى متين ؟؟ظ
ان شاء الله امورك تمشى كويس ونسمع منك وعنك ما يفرحنا
وليك الود
انور عبدالرحمن على المهل
| |
|
|
|
|
|
|
|
|
|
Re: غاده نورى اكلت عصيده بى نعيميه والله ؟؟ (Re: anwar abu gaidaa)
|
ود البتول الظريف
إت آآ خوي خشمك ده.... دايما بزرع الفرح
و الله جيدا الطابت البنية دي
و الله عليها جنس طيبة.... إنشاء الله تسلمه من كل أذى و بلاء
و الله شفقنا عليها شديد خلاص....
علا الحمد و الشكر لله
وكت نفيسته دخلت في النعيمية دي
المعنى يعني البنية طابت و إتعافت خلاس آآ زول
و إنشاء الله مسرح ما تسري تمري
و صحة و عافية تب
| |
|
|
|
|
|
|
|
|
|
Re: غاده نورى اكلت عصيده بى نعيميه والله ؟؟ (Re: anwar abu gaidaa)
|
السر دوليب ؟؟
سمح لمن القاك يوم الكرامة ، بوريك انت منو ؟؟
| Quote: اها اول حاجه اذا فيكن واحده ما بتعرف كمونيه تتخارج لينا من هسى |
انا لو ما كان عندي حساسية وكدا كنت بقول ليك الكمونية علي ، انا غايتو حاجزة (الشطة) !!
وحقيقة الكرامة العندك في البيت دي تستحق التبني يا انور ، لانها حتكون كرامة ما حصلت في تاريخ الكرامات مش المحتفى بها ذاتها زي ما قالت انعام ما حصلت !
سؤال يا انور ... الكرامة دي حتجيب لينا فيها فنان ؟؟
| |
|
|
|
|
|
|
|
|
|
Re: غاده نورى اكلت عصيده بى نعيميه والله ؟؟ (Re: نهال الطيب)
|
احمدك يا الله الجبتنى سودانى
نهال الطيب كتر خيرك ودى المحريه فيك
سمريه والله لو ما الدنيا رمضان كان الواحد قال كلاما كتر؟؟
انا جايب غنايه؟؟ اها شن قولك مع الكرامه ومداح؟؟ كمان
وليد طه هى اختنا لم تكلفنا سوى الدعاء لها وانها بين تمران افئدتنا تجول
عبد الله الحبيب ليك الود
غاده بت عبد العزيز كيفنك وكيفن عقابك
نفتقدك ولكن عزانا ما تكتبين
توصل تحياتك لافراد الجلاد وكل سنه وانتى طيبه ما جايه تعيدى معانا؟؟
سلمى الشيخ وراما هوى؟؟ ده كلام شنو خمسين وكلامات زى دى
نحن فى عز الشباب وغاده جماعة قلوبنا ليك المحبه
والله يا خطاب اكان شفته على اب راس عامل كيف؟؟
مشتاقيين وانتوا متين تجونا
غاده دى دايره ليها اوبريت ابن كلب؟؟؟؟؟؟؟
دوما ليكم الود يا اصيليين
ازهرى الله افرحك بركة سيدى ومولاى بى بنياتك
عمنك طيب والله مشتهنك ياخى والله بنفكر جاديين انو نجيكم مطلع العام القادم
بت العباسى حليل ايامك وكيف ناس بيتكم ومنو معاكم ومنو ما معاكم
بالله ما شاء الله شفتى البت دى صنديده كيف؟
سمندلاوى يا بكور وين مشتاقيين
تصل تحياتك لى النو والعريس شمت
انور عبد الرحمن على
| |
|
|
|
|
|
|
|
|
|
Re: غاده نورى اكلت عصيده بى نعيميه والله ؟؟ (Re: anwar abu gaidaa)
|
Quote: سمريه والله لو ما الدنيا رمضان كان الواحد قال كلاما كتر؟؟
انا جايب غنايه؟؟ اها شن قولك مع الكرامه ومداح؟؟ كمان |
غناية.. ودي عز الطلب ..!!
حتى اسأل انعام حيمورة زاتها !
ومداح ؟؟
خلاص الغناية لينا ..
والمداح ليكم ... موافقين ؟؟
بمناسبة رمضان انت يا انور صايم ولا زي السنة الفاتت ؟؟
| |
|
|
|
|
|
|
| |
ملكة سبأ
انعام عبد الحفيظ
الفاتح خليل الفكي
أبو عبيدة البصاص
سمرية
انعام حيمورة
ناهد علي
adel alsaed
عبدالكريم الامين احمد
Raja
سمندلاوى
Azhari Nurelhuda
jini
doma
خطاب حسن احمد
سلمى الشيخ سلامة
غادة عبدالعزيز خالد
Abd Alla Elhabib
walid taha
نهال الطيب
!!!!
فيس بوك
تويتر
انستقرام
يوتيوب
بنتيريست