دعواتكم لزميلنا المفكر د.الباقر العفيف بالشفاء العاجل
|
|
 دورنقاس..... وكولا .....وملاح السلج بالكسرة حتى المرفقين
|
هكذا هم
لا يفوتون جمعة الا وقد صاحت فيها بطونهم من فرط الاكل
اليوم وبعد ان غسلوا ايديهم من ملاح سلج كاااارب بالكسرة
هاتفوني
يد ترفع السماعة
واخرى تداعب البطن المليئة بالملاح اللذيذ
وكانهم يقولون لي حندوكة
وقبل ان يداهمهم النوم
رايت ان اشوت فيهم هذا البوست علهم يصحون
|
|
 
|
|
|
|
|
|
|
 Re: دورنقاس..... وكولا .....وملاح السلج بالكسرة حتى المرفقين (Re: garjah)
|
قرجة الفاكهة
والله فاتك ملاح فى السلك
والسلج كنبات يتناولونه الاخوان الشوام ولكين ياقرجة منو البعرف
يسو السلج زى السودانيين وبالذات لما يكون معطون مع البامية ياااااااااااااااااسلام
ومنى الف تحية لى مدام دورنقاس
ومايكون ريقك جرى ياقرجة
والجمعة الجاية قريبة
والدعوه مفتوحة لجميع البورداب
لااكلة سلج مجنونة
وياتمبس هاك السلج ده
| |
|
|
|
|
|
|
|
|
 Re: دورنقاس..... وكولا .....وملاح السلج بالكسرة حتى المرفقين (Re: garjah)
|
سلام....جماعة ملاح اخدر ....طيبين
ملاح اخدر لا يمكنك انكاره فهو يترك اثرا يدل دلالة واضحة على اعتداءك عليه فان نظفت الجلابية من ما سقط منه وانت تناول فمك الكبير لقيماته...فانك مؤكد ستنسى سنك الفي الواجهة وقد التصقت به ورقة خدرا كاملة تظهر كلما ابتسمت وكانك تقول لجلسائك انا ماكل ملاح اخدر
وغريبة ان النساء تخصصن في كشح بواقيه عبر حيطة الشارع دون باقي الملاحات
ولا انسى كيف اني كنت قاشرا وذاهب لناس خطيبتي عندما اتيت تحت حيطة ناس امونة...واذا سحابة من ملاح اخدر تنزل علي دونما سابق انذار
واذا بجلابيتي البيضاء المكوية تتحول لجبة درويش مرقعة بالاخدر
وبدلا من الاعتذار اتتني خالتي امونة وزوجها وابناءها يضحكون
ولقد ارجعت الحادث لمؤامرة مدبرة حيث اني لم احقق امانيهم العريضة بالارتباط ببنيتهم الجميلة
| |
|
|
|
|
|
|
|
|
|
Re: دورنقاس..... وكولا .....وملاح السلج بالكسرة حتى المرفقين (Re: garjah)
|
قرجه
بمناسبه الملوخيه
قالو فى مسابقه دايرين واحد ياكل ملوخيه وما يكون فى اثاره الى الاكله فى جسمه
اتى احد الظرفاء واخذ الصحن وذهب به الى شاطى النهر واخرج ملابسه وخش المويه وفى يده الصحن
وعند الانتهاء من الاكل فضلت عظمه فى يده
فرمى بها الى الشاطى
فاذا بها تقع فوق الملابس
وتسلم يا سلج
اقصد قرجه
ودعقاب
| |
|
|
|
|
|
|
|
|
|
Re: دورنقاس..... وكولا .....وملاح السلج بالكسرة حتى المرفقين (Re: ود عقاب)
|
والله يا ود عقاب
ملاح اخدر ده على قول كبسيبة
ما داير يفارق الا وقد وضع بصمته على مستعمله
بالمناسبة لو نظرنا للوجبات السودانية من ناحية غذائية
نجدها الافضل...خاصة المفروكات لقلة الدهون بها
فهي لا تتلبك في المعدة مثل الارز واكلات باقي الدول العربية
وهنالك دول لازالت تطبخ بالسمن رغم ثبوت مضاره الصحية
| |
|
|
|
|
|
|
|
|
|
Re: دورنقاس..... وكولا .....وملاح السلج بالكسرة حتى المرفقين (Re: garjah)
|
قرجة : تحياتي أخي الحميم
رفقا بالجلاليب. فملاح السلج هذا ملاح غتيت ، فلو قلعت جلابيتك و علقتها في الأوضة و أكلت الملاح دة في الحوش و غسلت إيديك بالكلوركس و التايد ، و جيت لبست الجلابية ، فستجد أن كم سريحة من الملاح الأخضر تزين جزءا غير مرئي من جلابيتك . لذا فإبن عمي يقعد ليهو و ياكلو و كأنه على البلاج. و تسلم.
| |
|
|
|
|
|
|
|
|
|
Re: دورنقاس..... وكولا .....وملاح السلج بالكسرة حتى المرفقين (Re: ابو جهينة)
|
الحبيب ام درماني
كلم الست الوالدة تجفف ليك كمية وترسلها ليك
وعملها بسيط جدا تعمل شوربة وتكب فيها بودرة السلج
والا ما كده يا بنوووت
نجيب ليكن الملاحات برضو ما بتمرقن من اوضتكن
ما عارف نسوي ليكن شنو
الحبيب ابوجهينة
كيفك يا صديقي العزيز
قلت لي صاحبك بيقلع ليها عدييل كده
اخوك غايتو ما قلع الا للبتيخ
وكان جزء من استعدادنا لضربه
هو خلع الفانيلة قبل وصول صينية البتيخ
ونقوم وخريطة كبيرة قد رسمناها على الكريشة الصغيرة حينها
| |
|
|
|
|
|
|
| |
garjah
tmbis
دورنقاس
cola
ابو جهينة
قرشـــو
فيس بوك
تويتر
انستقرام
يوتيوب
بنتيريست