دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
حول ضرورة تنظيم جاهز لإستلام السلطة
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-11-2016, 06:04 AM الصفحة الرئيسية

مكتبة متوكل عبده
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

تلغرافات .. محمد الحسن سالم ( حميد) 0

04-22-2002, 05:47 PM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

كيف احذف مداخلة من بوستى

تلغرافات .. محمد الحسن سالم ( حميد) 0



    (1)

    ست الدار بت احمد قالت :0
    ليك يا الزين ود حامد شوقنا
    اما بعد , 0
    المبعوته المنك وصلت
    ورح فكيت الدين الفوقنا
    باقى الدين يا الزين خلصتو
    قدر الفاضل .. مصروف راشد والتومات
    والجايات من جاى .. لا جاى
    زى ماقلتلك قبال ده
    شهر اتنين حا نطهر راشد
    شهر اتنين المدرسه تأجز
    الله يبعد العارضى .. تجينا
    وراشد حالف ما يتطهر
    الا ابوه وعمتو تحضر
    والا يجيبو الغنايين
    شان الشوق بت سرنا ترقص
    قلنا نجيب المداحين
    طنطن .. انا جاى من الحج؟
    وعارف راشد لما يطنطن
    كل الدنيا الفوقى تطنطن
    غايتو بشر .بس ربو يهون
    ما كلمتك بالتومات .
    اول البارح جنى يرطنن
    قالن نحنا الخواجات
    بسم الله ...مرق حصلت
    لقيتلك جعفر زارد البيت بالخواجات
    يبقى حداشر وخواجيه
    ناس البلد انكسرو عليهن
    صدو يقلبو فى ايديهم
    عدمانين من اسم حكيم
    ولا خبيرا للمشروع
    علماء اثار ..فضلت فى اثار؟
    ماخموها الجونا قبلكم ..شن خلولنا بلا الحجار ؟
    الله يصرف الخواجات
    بينات جعفر والمحجوب.. والمحجوب والخواجات
    طقت حجى ..العمده طفاها
    باقى الناس الجات للفرجى
    قنبو قيلو شبعوا لحوم
    والخواجه يصور ساااااكت
    سته خرفن وتيس ماكفن
    سته خرفن فى فد يوم
    المعدوم .. اشكال والوان .. اى خدار فى اليوم داك فى
    كملن رف كمين دكان
    اول كفو الخواجات ..بعدو العمده وصمد الساقيه ..ناس المجلس والمشروع ..
    بعدو الطلبه وباقى الناس .. حتى الشفع والحروم ..
    سته خرفن وتيس انصفن
    سته خرفت فى فد يوم

    جات من صالح بت كلتوم‍
    تسكت تخبز طول اليوم لمن حرقت الكفاى
    قنبت المسكينه تدعى .. الله يصرف الخواجات
    غايتو الليله السقا يشولق
    واطات الله دى ست .. رشاها
    مافى غنوتا ماغناها .. ومافى مدحتا ما سواها
    حمارو صبح لحق امات طه
    سب الدين والامريكان
    جنس بدع .. زولك ده يحير
    عند الجد كان ادو ينقنق ..عند الغارغه يشيل ويبعزق
    اتزكرت كلامك ليا ..انو فى ناس لاعبين بالدين ..وناس لاعبابا الامريكان

    الله يصرف الامريكان .. الله يصرف الصرفيكان


    يتبع



    ديك الجن
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-22-2002, 05:56 PM

cola
<acola
تاريخ التسجيل: 02-04-2002
مجموع المشاركات: 1423

للتواصل معنا

FaceBook
تويتر Twitter
YouTube

كيف احذف مداخلة من بوستى

تلغرافات .. محمد الحسن سالم ( حميد) 0 (Re: DEEK_ALJIN)

    نهلك من حميد يدل على انك زول ما ساهل
    وانا هنا اقف احتراما لك واتمنى ان تتحفنا بالمزيد من هذا الرائع
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-22-2002, 06:10 PM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: تلغرافات .. محمد الحسن سالم ( حميد) 0 (Re: cola)

    كولا .. لك الود من قبل ومن بعد


    اخجلتم تواضعنا .. اهى اهى




    ديك الجن
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-22-2002, 06:17 PM

Halema2
<aHalema2
تاريخ التسجيل: 03-10-2002
مجموع المشاركات: 1484

للتواصل معنا

FaceBook
تويتر Twitter
YouTube

كيف احذف مداخلة من بوستى

nice deek algin (Re: DEEK_ALJIN)

    والله يا ديك الجن انت رائع واختياراتك دائما حلوة الله يحلي ايامك ...قول يا امين...
    جميله كلمات حمبد دوما له المقدرة علي جذب القارئ..
    شكرا لك كتير يا ديكنا.......ههههههه
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-22-2002, 06:30 PM

bamseka
<abamseka
تاريخ التسجيل: 04-07-2002
مجموع المشاركات: 2441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: nice deek algin (Re: Halema2)


    ديــــــك الــــــــجن
    ياخى انت مجنون بالجد .. الكلام دا بتجيبو من وين ياخوى ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-22-2002, 11:10 PM

Elkhawad
<aElkhawad
تاريخ التسجيل: 02-05-2002
مجموع المشاركات: 2842

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: nice deek algin (Re: bamseka)


    حميد الرائع صوره وصوت


                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-23-2002, 04:50 AM

sunrisess123

تاريخ التسجيل: 04-17-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

سلامات يا زول يا رائع (Re: DEEK_ALJIN)

    حقيقة يا اخي شي جميل ورائع انو الناس بتسمع حميد وبتنشر حاجاتو الحلوة . انا من المهتمين جداً بشعر حميد ولدي اخر ما انتجه في هذه الغربة المؤلمة وأعرف عن هذا الشاعر الكثير . فهذه يا اخي دعوة مني بان نقوم بتكريم هذا الفنان بجده كما تم لوردي وغيره
    مع خالص تحياتي .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-23-2002, 05:06 AM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 19067

للتواصل معنا

FaceBook
تويتر Twitter
YouTube

كيف احذف مداخلة من بوستى

سحر الكلام ـ الشاعر السوداني محمد الحسن سالم: الشاعر والجمال خلقا من طينة واحدة (Re: sunrisess123)

    سحر الكلام ـ الشاعر السوداني محمد الحسن سالم: الشاعر والجمال خلقا من طينة واحدة
    الشاعر السوداني «محمد الحسن سالم حميد» من كبار شعراء العامية في السودان، كتب كثيراً من الشعر، وتغنى بقصائده الكبار من مطربي السودان «صديق أحمد، مصطفى سيد أحمد، فرقة عقد الجلاد، وغيرهم».
    تميز شعره ـ كما شخصه، بالبساطة والوضوح، ينفذ شعره الى الناس بسهولة، وينتقى مفردات يومية متداولة معبراً ومفصحاً عن طاقة شعرية هائلة. تجلس اليه فلا تحس الا بتلك النكهة السودانية الطيبة الأصيلة. كتب الشعر كثيراً وطويلاً، مستخدماً شخصيات حقيقية من الواقع البسيط اعطت مطولاته الشعرية طعماً ولونا مميزين يعرفانه الناس على الفور، وحمتها من الملل. كتبت عنه الكثير من الدراسات المتخصصة. سئل مرة عن تعريف الشعر وعلاقته بالفلاحين الذين دائما ما يستفتون بعضهم في مفرداته المستوحاة من بيئتهم، فقال: «القصائد كالأشواك في أرجل الفلاحين. تؤلمهم ويمشون عليها، ومتى ما توفر لهم الوقت وضعوا على مكانها بعد جرح الموضع قليلا من الأعشاب.. ويتركونه لأيام، وقتها يكون خروج الشوكة سهلا وممتعا للفلاح خاصة مع حصحصة الزوجة للشوكة في كل الأنحاء، وبالضغط الخفيف «تنط الشوكة» فيرتاح الفلاح برهة وهو يهييء أقدامه لشوك جديد، وأن كثيرا من الأشواك «تزوغ» في اللحم الحي ولا تعرف طريقها الى اليابسة مرة أخرى، وكم من الفلاحين ماتوا وبين أجسادهم أشواكا تكفى لبناء «زريبة» متواضعة. وما بين أشواك الفلاحين وأشواق الشعراء أشجارا من الحب والزهور المتشابكة». التقيناه في أبوظبي وكان هذا الحوار:
    ـ بداية ماذا عن تجربة الشعر العامي في السودان، الأسماء الجديدة، بدايتها وتطورها، وأين هي من حركة الشعر العربي العام؟
    ــ تجربة القدال وعاطف خيري وغيرهم من الشعراء المبدعين حقا، هي نتاج تطور طبيعي لما سبقها من تجارب في هذا المجال فالثورة الشعرية انتظمت العالم العربي «شعر الحداثة»، وتركت انعكاساتها على الشعر بصفة عامة، ومن ثم كان لابد لشعر العامية في السودان، ان ينتفض على شكله القديم لأن هناك مضامين ورؤى وأفكار جديدة تنتظر من يتناولها بطريقة مبتكرة، تشبع وجدان المتلقي الذي لا يجامل في مثل هذه الحالات.. فكانت تلك الحديقة الوارفة الظلال من مبدعي شعر العامية السودانية والتي آتت اكلها نصوصا طيبة ترقى الى مصاف العالمية بروعة متناهية متى ما قيّض الله وسيطاً يساهم في تعريف الدنيا بها.. خاصة أن هنالك فتحاً شعريا جديدا بدأ يكتسب ملامحه في الكتابات الأخيرة للعارف بالشعر «المكاشفي محمد بخيت»، ويعتبر بمثابة اضافة حقيقية لتلك التجربة الرائدة.
    ـ تمتد تجربتك طويلاً ولكن مؤخراً ارتبط اسمك بالفنان الراحل «مصطفى سيد أحمد» حدثنا عن هذه التجربة، لاسيما وأنت كنت من أقرب الناس اليه، ماذا عن توقعاتك لاستمرار التجربة والفكرة، وهل لها أن تجهض برحيله المفاجيء؟
    ــ تجربة الفنان السوداني مصطفى سيد أحمد لم تجد حظها الكامل من الكتابة لسبب رئيسي وهو ان هذا المبدع القتيل لم يوثق لمعظم انتاجه الغنائي بالصورة التي تساعد المتتبعين لأثره من تقييمه بموضوعية، بعيداً عن الانطباعات الذاتية، والتي لا تجدي في مثل مبدع صاحب مشروع غنائي متكامل جعل كتّاب الأغنية ومغنّيها في ورطة من أمرهم، فمن أصابه وتر من غناء مصطفى من العسير ان يتقبل وجدانه ما هو أدنى من ذلك الطرح، فلا وطن ولا حبيبة تأتي إلاّ على إيقاعه المشبّع بصخب وضجيج القادمين من ضواحي العتمة الى حاضرة الفجر الجديد صحيح ان مصطفى قد سجّل اسمه كمبدع جدير بالاحترام والاحتفاء والوفاء له، بيد أنه ليس هو الوحيد في هذا المشروع وان كان له القدح المعلّى فيه، فلا شك ان التجربة ستستمر مادامت الحياة مستمرة، والبلد والحمد لله عامرة بالمبدعين فقط عليهم ان يتحسسوا أوتارهم جيداً.
    المشهد السوداني
    ـ الشعر السوداني ـ والعامي منه على وجه الخصوص ـ محاط بجدار كثيف من اللغات واللهجات والثقافات المتباينة في السودان، نود التعرف على ملامح المشهد الثقافي والشعري هناك بعد نصف قرن على استقلال البلاد.
    ــ أنت تسأل عن الشعر السوداني وهنالك مئات من الشعر السوداني بحكم التعدد الثقافي واللغوي الموجود في السودان، تجدني هنا لا أستطيع إلا التحدث بإيجاز عمّا تقصده وهو الشعر العربي السوداني..
    لعل المتتبع لهذه المسيرة يرى انها بدأت بقوة ووصلت قمة مجدها أبان الستينيات ولعل حركة التحرر الوطني التي كانت تسود أفريقيا بصفة خاصة في ذلك الوقت، قد تركت أثرها على أولئك الشعراء مما جعلهم يبحثون عمّا يميزهم عن الآخرين في أفريقيا والوطن العربي ويؤكد هويتهم، اضافة الى ان رحيل المستعمر القريب عن الوطن، ترك مما ترك وجداناً مشتتاً يحتاج لمن يلملمه ويصوغه من جديد، فنشأت العديد من المدارس الشعرية وكلها بغض النظر عن طريقة طرحها للقضية، نجدها في النهاية قد استطاعت ان توجد لنا نصاً شعرياً متقدماً يحفل بالكثير من الوطن، حتى يكاد الشخص يجزم ان تلك السنوات هي سنوات الشعر العربي الفصيح في السودان، لان ما تلا ذلك من شعر يكاد اغلبه يهوم في فضاءات لا علاقة لها بالقضية السودانية والتي في تقديري هي من أعدل القضايا في العالم اذ أنها قضية تحرر وطني من كل ما هو دخيل على الروح والجسد السوداني، ويبدو هنا ان الهزائم المتتالية على الزول السوداني فعلت فعلها في البعض وجعلتهم ينكفون على ذواتهم، وأعني هنا قبضة جمرة الشعر السوداني منذ أواخر الخمسينيات، والذين لايزال العديد منهم بكامل قواهم الوطنية، إلا فئة قليلة رحلت في ريعان شبابها، ولعلهم آثروا التعبير عن أنفسهم بعيداً عن وجع القصيدة... فتركوا بعض أبنائهم وكل شعراء العامية لوحدهم للقصيدة... ولئن كانت العامية هنا نجحت اكثر من الصمود وتأكيد ذلك الوطن الجميل، إلا أنها في النهاية تظل قاصرة لوحدها في العالم ما لم تنفك تلك اللغات المتعددة من عقالها، ليحلق طائر الشعر السوداني عالياً ويحط كيف وأينما يشاء.
    ـ السلطة، المبدع والمثقف.. علاقة تلاق ام تضاد؟ والأمثلة كثيرة من الذاكرة الابداعية العربية.. هل من الضروري للفنان ان يعارض الأنظمة؟ أم أن الابداع عندنا ارتبط بالمعارضة والمقاومة؟
    ــ المثقف ام المبدع؟ وإذا كان المعني هنا بالسلطة هي تلك التي تراها. سيدي.. المثقفون بلا ثقافة هم دائماً خير معين لتلك السلطة في كل شيء، والمصيبة ان الظروف جلبت لنا أولئك «المثقفاتية» الذين سريعاً ما يتنازلون عن كل دائم في سبيل ما لا يدوم، وينقلبون وبالاً على أهلهم، متى لاح لهم بريق تلك السلطة، ليرتدوا بدلات القبح، فيتعبوا اعيننا من البحلقة فيهم وهم يطلون علينا من عل.. اما المبدعون الحقيقيون والإبداع هنا لا يقتصر على القصيدة او على الرسم او التمثيل او.. مما عليه وإنما الابداع الذي تحسه وأنت تتحدث لإنسان عادي لكنه واع بما حوله ويعرف قدر وطنه، وهو يتقن كيف يحاول يبدع ويعرف قدر وطنه يتقن كيف يبدع الحياة في مجاله، فهذا المبدع علاقته بالسلطة، تلك السلطة، دائماً ليست على ما يرام، لأنها تريد منه ما لا يريد.. فما بالك بمبدع له أسلحة لا تقاوم..؟! خلاصة الأمر ان تلك السلطة تضيق الهواء على المبدعين وتظل تحسب انفاسهم، لأنهم الأكثر قدرة على التأثير على الناس من أي كيان سياسي كان في مقاومة القبح. أما أن معارضة الأنظمة هي الطريق الوحيدة للإبداع والانتشار.. فمن اين لك بهذا القول؟ المبدع لا يعارض، الذين يعارضون هم الساسة بمختلف مشاربهم.. المبدع يقاوم ويقاوم كل أشكال القبح، ولأنه يقاوم فعليه ان يبدع ولأنه يبدع فلابد ان ينتشر لان ريح الجماهير تتلقفه بنهم وتنطلق به في كل الأنحاء... عموما لو كان الأمر كما ذكرت لامتلأنا ابداعاً حتى الثمالة فما اكثر المعارضين عندنا في كل مجال؟.
    ـ بالقدر نفسه للسؤال السابق.. هل كثيرا ما تنجح السيرة الذاتية في الهام قصيدة ونص ابداعي عال؟ وفي البال.. ما هي مواصفات القصيدة التي تسكن وجدان وروح الجمهور؟
    ــ صحيح انني أنحدر من بقعة تاريخية في شمال السودان، ولعل العديد من الناس السودانيين، يعرفون ان السودانيين، يعرفون ان بلدة نوري، تكاد تكون من أجمل وابدع بقاع البلاد، الا ان الناس هناك لا يعطون صفة الشاعر لشخص، الا اذا تأكد لهم ذلك تماماً، فهم يفهمون بصورة عميقة في هذا المجال ولا يجاملون أحداً، ومن المحال غشهم الشعر.. أي أنهم لا يطربون إلا عن حق، أقول ذلك لا لشيء الا انهم هم بالفعل كذلك.. لذا تجدني احرص ان ارد لهم بضاعتهم غير منقوصة فهم لا يرحمون، ومما لا شك فيه ان السيرة الذاتية لأي بلد هي معين لا ينضب لالهام الشاعر قصيدة جيدة، متى كان هذا الشاعر مشبعاً بالوعي الوجداني اللازم لخلق تلك القصيدة الجيدة التي تعلق بوجدان الجمهور.. وأي نص يعاني الشاعر في خلقه معاناة صادقة، ويصبر على حمله وهناً على وهن حتى يكتمل نموه لا شك انه سيكون جديراً بالجمهور الذي يحتفي به... والأمر في النهاية يرتكز في تقديري على قوتين: الاولى هي شفافية الذات وشاعريتها وقوتها في آن واحد. والثانية هي الموضوع ومدى انحيازه للإنسان في كدحه العام.
    ـ في العلاقة بين الشاعر ونصه، هناك تمايز بين الحضور والغياب لجدل يطول ويطول ويدور في ذات المحاور من نص جمالي وانتماء للقضية التي ربما تستعصى على الشاعر احيانا، او يرفضها لأسباب غير معنية بالشعر او هو غير معني بها. اذن كيف يتحقق الجمال لدى الشاعر، وفي الشعر عموما؟
    ــ من المؤكد ان العلاقة بين الشاعر ونصه علاقة جدلية وصريحة في عضويتها، فما نسميه شعرا لا يعدو سوى كونه ناتج الحركة بينهما اثناء عملية الخلق الا ان من يغني بحمامة السلام غناء مسئولا لا كمن ينعق ببومة السلام نعيقا مشلولا، خلق الخالق الشاعر والجمال من طينة واحدة، جاء الشاعر ليكشف القبح، فأستنجد القبح بالسلطان الجائر.. هرعت القضية الى الشاعر «فتلقفها» الشاعر، وما بين الشاعر والشارع احرف متشابهات فمن يعطى من؟.. ونحن على هذه الحالة ليس غريبا ان يطالعك من اجهزة الاعلام المتسلقة شاعر بلا نص او نص بلا شاعر، وهذا أمر يحدث في الأزمنة العامة التي تعصف بالبلاد والبلاد التي في القصيدة..
    ـ سؤال اخير، اشتهرت قصائدك بتميزها باستخدام التشخيص الدرامي واليومي على وجه الخصوص، كما ان الشخصيات يلاحظ استحيائها من عمق النسيج الاجتماعي. من البلد، لماذا هذا التميز، ولماذا البلد؟
    ــ نزعة الحياة دائما تنحاز الى العاديين من الناس فهم الذين ينتجون الجمال، ويفككون الأشياء ليعيدوا تركيبها من جديد في نسق رائع، وهم الذين يحلون تعقيدات الواقع ويكسرون «المل بنكسر» بمهارة فائقة، ويصنعون التاريخ بذكاء مبدع وقاد، وعندما يدخلون علي بلا استئذان في قصيدتي يتوفقون على انفسهم ولحظتها ادرك اني لست عليهم بمسيطر، فأدعهم لحالهم يتداعون.. فقط اكون قلقا على قصيدتي منهم خشية ان يفسدوها علي وكثيرا ما اوشكوا، فخذ عنك مثلا السقا في جوابات ست الدار او نورا في نورا والحلم والمدردح او عيسى الذي مات على الطريقة نفسها التي في القصيدة مما اضطرني الى تغيير اسمه الى حمتو حفاظا على شجون أهله، ومرة تم اقتيادي الى مبنى جهاز امن سلطة نميري بسبب أحد الشخوص الشعرية، بعدها اطلق سراحي، رجعت عدت الى البلد تاركا شخوصي يهيمون على وجد شعبهم هناك لأنهم منهم، هذا قليل من كثير مما تسببه الشخوص الشعرية اكثر مما تسببه الشخوص البشرية من متاعب.
    محصلة القول ان النزعة التشخيصية كما نسميها في الشعر غير مضمونة العواقب دائما، وهي أمر في غاية الصعوبة والخطورة والتعقيد في مثل حالنا.
    حوار: الشفيع عمر حسنين
    The source http://www.albayan.co.ae/albayan/2002/01/24/mnw/36.htm
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-23-2002, 07:41 AM

Halema2
<aHalema2
تاريخ التسجيل: 03-10-2002
مجموع المشاركات: 1484

للتواصل معنا

FaceBook
تويتر Twitter
YouTube

كيف احذف مداخلة من بوستى

حميد الرائع (Re: DEEK_ALJIN)

    اخي خواض ...
    كم فرحت اليوم بسماع صوت حميد ...وطارت دمعاتي ..
    كم هو جميل ذلك الرجل ..احب كلماته البسيطة التي تحمل اعمق المعاني...
    وكم هو رائع حسك الفني اخي ...شكرا ليك كتير..بس البوقف دمعاتي شنو...........
    مع تحياتي و احترامي...........
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-23-2002, 07:56 AM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى

Elkhawad (Re: DEEK_ALJIN)

    الاخ الخواض
    يطرشنا ويعمينا .. لا سمعنا صوت ولا شفنا صورة .. نقول دا من شنو؟؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-23-2002, 08:07 AM

bunbun

تاريخ التسجيل: 02-04-2002
مجموع المشاركات: 1974

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Elkhawad (Re: Ahlalawad)

    الاخ ديك الجن

    شكرًا على القصيدة .. وهي بعنوان الرسائل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-23-2002, 11:24 AM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Elkhawad (Re: bunbun)

    الحلوين ازيكم


    حليمه .. بامسيكا .. الرائع خواض ( انت وكتين عندك كلام سمح زى ده الجبن شنو ؟ ) . بن بن شكرا لك عزيزى ولقد عرفت بالرسائل او التلغرافات او ست الدار .. ايوب خليل .. هلا عزيزى اسمعتنا من جديد حميد والله نتوق اليه كما يتوق عطشان السنين الى الماء .. اخى نحن مع كل من يكرم مبدعا وكثيرا ما راودتنى فكرة ان ندعو كل الناس الحلوين الى هذا البورد وذى مابقولو سمح القول فى خشم سيدو .. فانا ادرى ان استازنا الجليل حميد متواجد بالسعوديه ومن السهل على احد الاخوه بالسعوديه دعوته للمشاركه .. كما ان صاحب العصا مبدعنا الكتيابى فى امريكا وسوف نجد من يدعوه .. وعثمان بشرى وعاطف خيرى وعفيف اسماعيل وغيرهم كثر بقاهرة المعز .. واهلنا بالسودان محجوب شريف .. وازهرى محمد على .. قاسم ابوزيد .. ولا ننسى يحي فضل الله .. ومحمد محمد خير بكندا ..الصادق الرضى .. بهنس .. خالد عباس .. والكثير من الشباب لمبدع وما اسهل الاتصال بهم .. ولا ننسى دوحة الخير وناسها معاصرى الرائع مصطفى فى ايامه الاخيره .. وكما ان الطيب برير .. واخونا حدبدب ( حدباى ) بجده .. كم تمنيت ان افتح البورد واجد اسمائهم تزيل مواضيع جميله واشعار موسيقى .. وعزرا اخونا بكرى والاسره ان تطاولت ودعوتهم فى بيتكم الذى احسست بانه بيتى ففعلت .. انا متاكد ان كل منا يعرف على الاقل واحدا من مبدعينا فلماذا لا ندعوهم جميعا ... هلا فعلنا .. وعزرا مرة اخرى بكرى




    ديك الجن


    ____________________________________
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-23-2002, 04:39 PM

MXB6N


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Elkhawad (Re: DEEK_ALJIN)


    ديك الجن رفيق همى وغنايا وفنى
    سوى طريقة فى غربة وصبح متهنى
    ما هماهو باسط فيا سكرة ينى
    كلما شافلو زفة جديدة وفوقا يغنى

    أشكرك يا عزيزى والقصيدة دى بفتش ليها زمن وناس بنبن لابدين بيها زى باقى ابداعات حميد المدسدسنها عندهم ويا ريت تلحقنا بالباقى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-24-2002, 06:59 AM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Elkhawad (Re: MXB6N)

    رسائل ( بقيه ) 0



    الله يصرف الامريكان
    الله يصرف الصرفيكان

    ماخلونى نشدتك منك
    كيفن حالك والخرطوم
    كيف المصنع والعمال
    حالم لسع نفس الحال
    ومارقوك سووك باشكاتب ؟
    يورينا الله زيادة الراتب
    كيف الناس والحاله عموم ؟
    والعزابه الكحيانين
    سيد البيت عل ما زكاكم
    لسع تقعو تقومو براكم ؟ قلبى معاكم
    ربى يخدر عود ضرعاتكم
    بالى معاك يالزين ود حامد
    بالى هناك والشوق الشوق .. خلا شدير الجوف محروق
    راجى مطيرة الزين ود حامد
    نحن نصاحا زى واطاتنا
    نحنا نصاح الا القراص والتجار والحاصل البيحصل كل صباح
    شتلاتك .. قبضن..الحملان كبرتن بالحيل .. العضمين الروكه انزرعن
    اوعك تشفق من تالانا .. ولا نبقالك مشغوليه
    زيك واحد .. مستورين وماناسين المسئوليه
    هى يا الزين زغرد ..بت ام زين جابتلها بت
    سته اولاد حتان البت
    المحجوب ينشد من خبرك ..شافعو محسب من يومين
    التومات طيبات ونصاح ..الا غباش بالحيل آ الزين
    راشد كرر .. شهر اتنين كان ماجيت انا مابتطهر
    الله يبعد العارضى تعال
    كان فد دور يدوك تعال
    كان بالخصم ان شاء الله تعال
    وماتتوصى .. وداعة الله
    اوعى البشغل والعربات والحيكومه السمها فاير


    ام اولادك ست الدار بت احمد جابر



    يتبع

    ديك الجن
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-24-2002, 08:34 AM

sama7
<asama7
تاريخ التسجيل: 02-05-2002
مجموع المشاركات: 1342

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: Elkhawad (Re: DEEK_ALJIN)

    يا سلام
    لطالما اعجيت بالقصبدة دى
    وطلبت من الخواض ومشكور نقلها من البورد القديم
    لكن الواحد ما بشبع من حميد
    والاجمل انك تسمعها كمان

    ديكو
    مشكور يا عزيزنا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-24-2002, 05:12 PM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

كيف احذف مداخلة من بوستى

نتوه في سكة رواحة ونفوت من واحة لي واحة (Re: DEEK_ALJIN)

    أنت رائع ومتألق دائماً كعادتك يا حميد
    أخذتني كلماتك وتاهت بي في عوالم أخرى كانت طي النسيان مع عذابات الغربة والبعد والحنين إلى الوطن تداخلت كل الألوان والأحاسيس وشممت عبق ترابنا ونيلنا ونخيلنا والحلة والجنيات ورنات الطنابير وطبول الدراويش ولمة الأحبة تحت فوق رميلات الحلة تحت ضو القمرة والنجيمات وأتذكرت أحاجي حبوباتنا ولعبات بنياتنا سمعت أصوات كلابنا وبهايمنا وبقرنا ونهيق حمارنا في الليل البهيم حتى نقيق الضفادع وريحة الطين الجاي من فوق حواشاتنا وريحة زهر البرتقال والبرسيم وبصراحة يا أبن حميد ما أقدر أكمل الوصف لأني الدمع الرقاق فاض من عيوني وسد حلقي العبرات
    كل ما أستطيع قوله أنك رائع كوروعة بلادي أبداً
    حبيب بلده
    وليد
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-24-2002, 11:07 PM

wa7shny
<awa7shny
تاريخ التسجيل: 03-02-2002
مجموع المشاركات: 850

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نتوه في سكة رواحة ونفوت من واحة لي واحة (Re: Habib_bldo)



    اخي العزيز ديك الجن لك التحية ولشاعرنا تحية اجلالاً واكبار ومتعه الله بالصحة والعافية ولا يوجد ما اقوله غير ماقال لك الاستاذ
    آه ......يالغبش
    آه يا غُبُشْ

    ما عندي ليكم غير نغيم ..
    برجوه ينفُض
    لي غبار زمن القسا ..
    الكتّاح
    يهِزْ عرجون نخل صبر الغلابة الطالْ ..
    يحِتْ يخرِتْ ..
    تباريح الأسى
    الممدودة فوق نور الدُّغُشْ
    يا نورا آه ..
    يحرَد كنائسنا المسيح ..
    يعرش مدارسنا الصّدى
    ييبس .. يباس
    حلق العصافير الوديعة من البُكَا
    يندَرْدَرْ الصّوت البعيدْ ..
    أسيان يصُد من دون صدى
    ينكَفْرَنْ الفجر الصّبوح ..
    يحمي الزهيرات الندى
    تختا الدراويش الضّريحْ ..
    يسكن خلاوينا الجنون
    يهجر جوامعنا الإله
    يا نورا آه ...
    تطرح غيوم الشوق تئِنْ ..
    تشرَقْ
    تموت
    خيل .. كلمة الحق التّناهِدْ في الشِّفاه
    تعقِر بسيمة الصِّحْ
    مع لوبي الجّروفْ
    تغرِزْ ضريعات الحروفْ
    ينشف مُرَاح الأمسيات ..
    تتمطّق الأرضة المروق والأغنياتْ
    اللّي الشّروق ..
    والأرض
    والحب والمطر
    تضْهَب تتوه ..
    وكتين يضيع عرق الجِّباه الشُّم ..
    شمار في مرقة
    آه يا نورا آه ...
    من دّرْبِكْ التّور نَفَس خيل الصّبُر ..
    فَتّر خطاوي الشّوق وراه
    يا نورا آه ...
    ساعة الشّموس الغُرْ .. تهضلمْ
    تلحق الصِّح في المغاربْ
    تدفر الضو الكهاربْ
    في وشيّكْ
    تذفر المدن
    الضّبابية
    السّرابية ... الكآبة
    وحائط التيِّه
    والطّشَاشَات
    فوق قِفيِّكْ
    يا أم عوارض .. مو دعاشة ..
    ماها شبّورة وتقيفْ
    جايي ليك يا نورا غيمة ..
    تملا ماعونك خريفْ
    يملأ عينيك ويفضِّلْ ..
    يروي جوّاك ... العطاشة
    مو دعاشة
    .......
    يا مطر عِزْ الحريقْ
    يا مصابيح الطّريقْ
    يا المراكبية البتجبِدْ
    من فَكْ الموج الغريق
    يا الجزاير النتحويبا ..
    لما إنشعوز بحرنا
    جينا ليك والشوق دفرنا
    يا المراسي النتحويبا ..
    لما إنشعوز بحرنا
    يا نشوغ روحنا ودمرنا
    يا المحطات الحنينة ...
    القصّرَت مشوار سفرنا
    يا ما شايلك بيني حايمْ
    أيوة شايلك .. بيني حايمْ
    في الأرِضْ تكوين قضيّة .. !!!
    في السّمَا الأحمر .. غمايمْ
    بي برِدْ نغما السّلامِي ..
    رَطّبَتْ حلق الحمائمْ
    طنبر النّخل التبلدي ..
    راقص الأبنوس وصَفّقْ
    سَوّتْ الصقرية موجة
    خَلّت النِّيل هاجلو هوجة
    بشّرت بالخير بلدنا ..
    شالت الشّبَال نسائمْ
    جدّدَتْ زلفي القديم ..
    أمشي بي الماشيبو أقاوم
    لا بتكَبِّر راسي فورة ..
    لا بتصغِّرني الهزائمْ
    جِنْس يا نورا ابن آدم
    حلمو في عالم مسالِمْ
    لا اللّيالي الماها ليّا ..
    لا الشّمَاتات العليّ
    لا البنوك المخملية
    لا تفاهات الحضارة ..
    لا عفاريت المدينة ..
    لا العمارات السّوامِق ..
    فوق ضَهَر ناساً فقارى
    لا الهتاف الفاوة ضارى
    غطى بالي من الفوارق ..
    لا الألوهة الطوطمية
    لا البرندات الوسيمة ..
    ولا الأسامي الأجنبية
    بتمحى من عيني ملامحِكْ ..
    وإنتي جاية المغربية
    جايي دايخي المغربية ..
    وشِّك المقبول مكَنْدَكْ ..
    سامسونايتك زمزمية
    كونشبر ..
    مرزبة
    مقطع
    ريشة فانوساً مدَرْدَحْ
    قلت بيهن لي زمانك ..
    يا زمان الحاجة عندكْ
    يا زمان الآفة حدّكْ ..
    لا تطا الوردة الصبية
    يا نفس فجر القصائد .. يا بلادي
    القَطَع قلب الرّوادي
    باللُّواج الجاي وغادي
    ده ما هو صوتِكْ .. لاها صورتِكْ
    دي البترقش
    ناديي فوق صدر الجرائد ..
    ماها صورتك !!!!
    لا هو صوتك ..
    لاها صورتك !!!
    إنتي يا الفي إطْن الصّحَارَى
    شُفّع العرب الفتارى
    البَفِنّو الشايلا إيدُنْ ..
    ويجرو كابسين القطارة
    يجرو باريين القطارة
    لا سراب الصّحراء موية ..
    لا حُجار سلّوم موائدْ
    إنتي في الغابة اليصارِعْ ..
    جوفو للآهات تلكِّي
    ياما دفّقْ غيم رجاهو ..
    لكن الأيام كركِّي
    في خلا حالنا اليمحِّن ..
    ويملأ بالسُّهد الوسائدْ
    إنتي غيمة ..
    شديرة ..
    خيمة ..
    إنتي جاهنا ..
    والتّقَا الطّلَقَت وشينا ..
    فرّقَت غُمّة جباهنا
    فرّجت في الحارّة ضيقنا
    فرّحَت شُفّع فريقنا
    والمواعين الحزينة ..
    وإتجاهنا
    يا النغيم البقّ فينا ..
    وشدّ لي وتر إنتباهنا
    يا تباشير يا بشارة
    إنتي يا ضرعاً تَكَرْمَشْ ..
    شان يرضِّعني الجسارة
    إنتي في منفاي رفيقة ..
    وفي حشا الأشواق حرارة
    يا هُدَى النّاس الحيارى
    يا ندى الفجر اليبلِّلْ
    صور عوينات الفقارى
    جاي ليك ..
    آه جاي ليك ..
    يا نورا آفة
    آفة للسوس الجا ينقُرْ ..
    عود عشيماً داخرو فيكْ
    وأصلي لمن أدور أجيك ..
    بجيك
    لا بتعجِّزْني المسافة
    لا بقيف بيناتنا عارِضْ ..
    لا الظُّروف تمسك في إيدي
    ولا من الأيام مخافة
    يا نفس فجر القصائد ..
    ما ضِهِبْ في بُعدي عنِّكْ
    واصلي متغرِّب عشانك ..
    راضي بالبيجيني منِّكْ
    ما بكيت شُحْ اللّيالي
    لا شكيت نُحْ .. شلتو حالي
    رغم إنو الحال بيفسَخْ ..
    إلا كُت في الحارة بصرخ
    يا وطن عِز الشّدائدْ
    يا وطن عِز الشّد ائدْ
    ولكم خالص تحياتي .......واحشني
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-25-2002, 09:32 AM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نتوه في سكة رواحة ونفوت من واحة لي واحة (Re: wa7shny)

    ست الدار ( بقيه ) 0

    ست الدار بت احمد كيفك
    جانى جوابك مفتوح شارع
    جانى جوابك وانا بتصور فى ناس راشد والتومات
    فى الشتلات والحاله عموم
    ناس حلتنا التحت .. الفوق .. اليهم الله وعيشة السوق
    جانى جوابك وانا بتصور
    فى المشروع وعمايل جعفر
    لما بكيت يا ست الدار
    ايوه .. بكيت يا ست الدارلما قريت علماء اثار
    علماء ايه يا بت الناس
    سواح ايه .. ماعندك راس
    ست الدار تتوهدبى ليه
    ديلا جماعة السى اى ايه
    بتعرفى ايه السى اى ايه ؟
    امريكان فى كل مكان
    ديل مالين الدنيا ملى
    ديل قالين الخلق قلى
    باسم الدين والامريكان اى عوج مبدى ومختوم
    صوتنا هناك وهنا مكتوم
    ومافى فرق فى الوقت الراهن بين واشنطن والخرطوم
    انا مأزوم .. مأزوم .. مأزوم
    ياخرطوم وينك وينك
    ياخرطوم شن شب وقلبك وسلبك
    حلبك ؟زنجك ؟ بجتك ؟نوبتك ؟ عربك ؟
    انا مازوم .. مازوم .. مازوم
    ياخرطوم ازمنى الصلبك فوق الطلحه الامريكيه
    يا خرطوم .. او خرطوم .. او واشنطوم ..
    لفتك فجرا يقطع رحتك
    ست الدار سامعانى ياخيتى ومرتى وامى وام الكل
    انا بندهلك من شارع الله .. فوقى هجير والتحتى بقل
    سبى معايا الشردو راجلك .. والحرمونا شوية الضل
    سبى الحاله العاله علينا .. حتى احكيلك بالتفصيل
    حاصل الحاصل يابت احمد
    جانا وفد فى المصنع زاير
    وكان الوفد ده امريكانى
    لف وفات اليوم التانى
    جانا مدير المصنع فاير .. وشو حمار العمده العاير
    نقفل المصنع فيهو خساير
    وقالوا يخفضوا ميتين عامل
    ماتين عامل ماتين عامل
    يبقوا هوامل .. يبقو هوامل؟؟
    مايهموش الهم المصنع
    تف قرارو وفات فى حالو
    مسئولين ونقابيين ..مافى العرض والأ ترجى
    العمال من سمعو احتجو .. سيرو موكب صامد وصامت
    انضمينا معاهم سرنا
    اب عرام دور عربيتو .. العربيه الامريكيه
    زنقح خلا الموكب ثابت
    احتجينا مع الاحتجو ..اتكلمنا كلام موضوعى
    قلنا المصنع حق الدوله ..والعمال اصحاب الحق
    هى اللى تقرر والتتولى.. هى البتحدد سير المصنع
    ايد العامل هى القاع تنتج .. مو المكنات الامريكيه
    ودرن الايدى العماليه ..انضف من لسنات الفجره .. ودين الدقن الشيطانيه
    ومن كرفت البنك الدولى .. وكل وجوه الراسماليه
    واشرف من ...........................................0

    ( يتبع )



    ديك الجن
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

04-26-2002, 04:11 PM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نتوه في سكة رواحة ونفوت من واحة لي واحة (Re: DEEK_ALJIN)

    ست الدار ( بقيه ) 0



    داك الحين المصنع هاج
    جات عربات اللات بوليس .. فضو العالم بالكرباج
    والبمبان الامريكانى
    شرقت شمس اليوم التانى
    كنا حداشر ونوباويه
    متهمننا بالتخريب والتحريض والشيوعيه
    البوليس صاقع شيوعيه . شيوعيه
    وفاكر نفسو بنبذ فينا
    هى آ بوليس امك مسكينه
    البوليس عمدنى شيوعى .. والتحقيق طلعنى مدان
    التحقيق طبعا تحقيقهم او تحقيق الامريكان
    اسبوعين عديتن جوه
    اسبوعين زادننا قوه
    ست الدار ماتشفقى خالص
    ست الدار انا يانى الزين ..ست الدار سامعانى كويس ؟
    كل الهم مايغشى الغم بيتنا وراشد والتومات
    وكل الناس الحالهم شاهد
    ست الدار الشوق الواحد ..لى حلتنا وليكم .. ليكم
    وللاشراقه فى عينيكم
    وكل الناس الزولهم صامد ..شوق وسلام
    الزين ود حامد
    ردى سريع ..باليد ..باليد
    فى دورين موعود بى شغله
    لمت لمت .. كان مالمت انا جايكم وماندمان

    بعد الحاصل والاتحصل ست الدار بت احمد تكتب:0
    زينى الزين .. اب حالا زين
    جانى جوابك يا المبروك
    وسابنى اشوف الدنيا كويس
    واعرف غلط الصاح مظبوط
    سابنى اميز ..واقدرافرز .. وارجع اميز
    فرحانابك يا احزان ..فرح النار بى لوح الزان
    مبسوطابك يا المبسوط
    ماهزانى مصيرك ..قدر ماازونى الميتين عامل
    ميتين عامل فى فد مره
    ميتين اسره تروح وين ؟
    فى الايام النجسه المره
    ميتين عامل؟
    والله مهازل .. والله عمايل
    يا اوغاد .. وينا نقابة السجم الشوم
    وين عمال السكه رماد ؟ وين الطلبه .. وين الوين ؟
    بعتو شفيعكم يا عمال ..بعيو وجيعكم لى الراس مال
    وشن راجين يا تعسا الحال ؟
    هاكم دى ......0
    والله مهازل .. ميتين عامل "؟
    والله عمايل
    عامل ساكن فى اخر الدنيا .. وصل المصنع باخر فونيه
    ينتج كيف .. شغال بى فونيا ؟
    عامل ينتج عشرين حته
    تلحقو منها قيمة اتنين
    سته بغطو المنصرفات .. سبعه تمانيه ..ادها تسعه المنصرفات
    كل الفايض بيدخل وين ؟
    قولو البيفضل بيمشى لى مين ؟
    وبرضو خساير ؟
    والله مهازل
    يا مضغوط .. خفض ميزك حبة تين ..تنك القعده تلاته خطوط ..
    خفف مرتك توب مضغوط ..من التمسحبو كبابى الصينى
    خفض عمرك يا بن الفانيه ..وبى نضارتك واجه ثانيه عيون الشغالين
    والله مهازل .. ميتين عامل ؟
    ميتين بيت ؟ .. ميتين اسره بلا راس خيت ؟
    ميتين اسره ملوها جراح
    ميتين اسره ح تولد صاح
    وليكم يوم يا اولاد الهرمه
    ليه يا الزين بتوصى عليا
    وانا بت احمد ست الدار
    ام اولادك وهم صغار .. ثم اولادك وهم كبار
    وياك الزين ود حامد داك
    كان متوظف يا كا الزين ..كان متوقف يا كا الزين
    ليش الخدرى توصى عليا
    اسبوعين قضيتن جوه .. يبقى غصب زادنك قوه
    ليش ياالزين بتوصى عليا ..ليش ياالدخرى توصى عليا
    وعارف ام راشد والتومات .. مرتا دغرى وغلباويه
    آه يا الزين لو كنت معاكم .. كنت بقيت النوباويه
    ماتهتم يالزين بالحاصل
    واصل سعيك .. واصل واصل .. واصل سيرك
    كان ماكنت الزين ود حامد كان ح يكونك واحد غيرك

    فى فضا فالك يا انسان .. نسمه تقولكفى الامكان .. ابدع واحسن مما كان
    ياتو مطرتا سوت شو.. فرقو غيما المريكان
    يلتو رصاص ماعقبو خلاص ..ياتو سجن يا الزين ود حامد .. ياتو محن تمحى الاحساس
    لما يكون فى الساس والراس
    ياتو وطن يا الزين ود حامد
    ياتو زمن دام للانجاس

    طه ترابلتو راحو الجيش
    غزا بكانا اتنين رطانا
    صاقع كلو من اسماعين
    هو الفسرلهن الشغلانه
    ويا اسماعين
    ما كان الديش شق مسامعك بالجبخانه ..لو المجلس قبل اوراقك ..
    او فى الثانوى لقيتلك خانه
    لكن قدرك يا انسان ..بلدا هاص هيصه جبانه
    طالو الناس التريانين ..ضلو الله الما ضلانا
    اخدو نورة الحاج بالدق .. باكر دور ماخش عليها
    خاتى اللوم قطع التمرات الفوق راس بيتو
    الخلفا شكوه ومالقو حق
    المحجوب اتلقى اخبارك وقال جايك فى اول بص
    البرسيم طهرنا البارح ..نعجة راشد صبحت والده
    الحيضان سقناهن لوبى .. التومات طيبات ونصاح
    راشد طيب . وانا طيبين
    كل الناس آ الزين طيبين
    ينشدو منك فى الافراح.. وفى الاتراح .. الزين الزين
    ماتشغل بالك
    بس يا الزين كان درت مشورتى .. اصلو كتالك يا هو كتالك
    تجى مندلى
    الواطه تراها
    وبى جاى جاى بندبر حالك
    ما الحيكومه الضاقت دمك .. عينا محل قبلت قبالك
    شورتك عندك ..والببقالك .. اليبقالك
    التمرا بعناها آ الزين
    خفنا السوس ونزالة السوق
    مبعوتالك عشره جنيه
    والاشواق من هنا لا عندك

    تلغرافات :0
    نورى .. السوق .. ست الدار بت احمد جاير
    المحجوب فى قطر اليوم
    عفش الزين
    النوباويه
    الخرطوم .. الخرطوم بحرى ..كشك الشعله .. الزين ود حامد
    راشد راقد .. والواطه جعفر طالق فيها بهايمو
    ست الدار بت احمد جابر

    نورى السوق .. المحجوب ود احمد جابر
    كتب الزين كل الاوراق .. راشد كيف ..
    النوباويه
    الخرطوم .. الخرطوم بحرى .. كشك الشعله
    النوباويه
    انا فى السكه وست الدار

    راشد ود الزين ود حامد



    ولكم الود



    ديك الجن
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de