دعواتكم لزميلنا المفكر د.الباقر العفيف بالشفاء العاجل
|
|
 وشفنا اخلاق( ناس دارجعل) اعتقال زوجة (خليل ابراهيم رهينة)!!
|
الحمد لله ان عشنا وشفنا اخلاق اولاد القبائل و الاصول
وهم يمارسون الممارسات (الصداميه) باعتقال النساء لازلال المعارضين.
ويا د.خليل ابراهيم اياك و التراجع
زوجتك ستتوج قديسة لفداء شعبها.
وسمعنا انها امراة مؤمنه وقانته وسياسيه
فانت التقيت بها في ايام عملكم السياسي كاسلامين.
ولا تخاف عليها لن يمسها شر باذن الله.
|
|
 
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
بيان من حركة تحرير كوش
بالأمس تناقلت وسائل الإعلام العالمية والمحلية مجريات أحداث العملية الجريئة التي قام بها ثوار دارفور في حركة العدل والمساواة بعد أن لقنوا جيش نظام الخرطوم العنصرى العميل درسا في حاميات شمال كردفان مرورا بالصحراء حتى وصلوا إلى العاصمة الوطنيه أمدرمان ليبرهنوا للسلطة المركزية الغاشمة أن معركة الهامش لن تستمر إلى ما لانهاية في دارفور وكجبار وجبال النوبة والشرق بل أن قوى الهامش قادرة تماما على نقل المعركة الطويلة إلى قلب المركز وإلى ترويع السلطة الغاشمة في مضجعها حيث يظن هؤلاء ( ومن مشى على دربهم ومن تراضى معهم ضد المصلحة الوطنية لقوى الهامش) بأنهم في مأمن ما دامت المعارك العسكريه بعيدة عن مواقعهم ومضاجعهم .
ان حركة تحرير كوش تؤيد بشده ترويع سلطة المركز بحكم انها اسوأ سلطة عميله تمرعلى السودان والتي تقتل المدنيين والعزل من أهل الهامش في دارفور وكجبار وبورسودان ولم تقدم احدا للتحقيق حتى الآن بالرغم من مضى أكثر من عام على إرتكاب هذه الجرائم في بورسودان وقرابة العام في كجبار وترفض تسليم مجرمى الحرب فى دارفور لمحكمة العدل الدوليه اضافة الى تفريطها فى السياده الوطنيه واستقلال السودان – وقتلت قبلها ملايين الابرياء فى الجنوب وجبال النوبه والانقسنا.
إن أي قطرة دماء سالت من ثوار دارفور بالأمس في أمدرمان العاصمة الوطنيه التى تاسست بعد هزيمة جيوش الاستعمار المصرى واستقلال السودان من الاستعمار المصرى الذى اتى فى عهد محمد على باشا (مؤسس وبانى نهضة مصر الحديثه كما تتباهى اجيالها اليوم)هي دماء طاهرة وذكية سكبت من أجل الثأر لآلاف الضحايا والشهداء في الطينة وشعيرية وكتم وغيرها ومن اجل انزال ضربات متتاليه لنظام الخرطوم العنصرى الفاشى .
ان حركة تحرير كوش تدعو كل قوى الهامش في المناطق النوبية المهددة بالإغراق والإستيطان والإحتلال المصرى العنصرى وفى مناطق الجنوب والشرق والغرب والانقسنا وكردفان والعاصمه والمدن الاخرى إلى الوقوف بشدة وتأييد هذه العملية الثورية الشجاعة التي قام بها الثوار من أبناء دارفور في حركة العدل والمساواة وإلى دعم طريق الكفاح المسلح التي تتبناه حركة تحرير كوش . كما تدعو كل قوى الهامش والحركات المسلحة إلى التنسيق فيما بينها حيث ان المعركة الحاسمة اتية لا ريب فيها والتي ستكون نهائية بدلا من الجرى وراء سراب واوهام تغيير النظام عن طريق الانتخابات القادمة المزعومه .
ان لعنة التاريخ والخزي والعار ستلحق بقوى القهر والظلم المتمثلة في نظام الخرطوم ومن تراضى و توالى معه والذين لم يفتح الله عليهم بكلمة حول تآمر نظام الخرطوم على سيادة السودان والتواطؤ مع الاستعمار المصرى العنصرى وقوى العماله والتخلف الممثله فى دول الخليج العربيه والتى تكفلت القيام بتمويل استيطان 7 ملايين مصرى على الاراضى السودانيه/النوبيه بحجة زراعة القمح وتوفيرها لاولئك الاستعماريين وكأن السودان مزارع مملوكة لهم وليست لشعب يعيش فى دولة مستقله.
ان الاعداء الحقيقيين للسودان هم قوى المركز الممثله فى نظام الخرطوم والمتوالين معه من الاحزاب التقليديه والعروبيه وقوى التخلف المسنوده من قبل الاستعمار المصرى العنصرى ومن خلفه انظمة النفط العربيه المهترئه والقوى الامبرياليه العالميه التى تتبع لها تلك الانظمه وليست دولة وشعب تشاد الصديق – وان عملية الامس برمتها هى من تخطيط واعداد وتنفيذ حركة العدل والمساواة السودانيه وباسلحة تم الاستيلاء عليها من جيش النظام الفاشى العنصرى.
ان ارسال مصر الاستعماريه طائراتها الحربيه لمطار الخرطوم يوم امس للتدخل ولحماية نظام الخرطوم العميل من ضربات ثوار حركة العدل والمساواه واعتبار ما يسمى بجامعة الدول العربيه حركة العدل والمساواة حركة ارهابيه لديل قاطع ان معركة الهامش هى مع نظام الخرطوم الحالى والمركز والقوى الاقليميه العربيه وطليعتها الاستعماريه نظام القاهره العنصرى الاستعمارى والقوى الامبرياليه العالميه الطامعه فى ثروات الشعوب والتى تساند كل قوى التخلف والعدوان والقهر داخل السودان والمنطقة العربيه والافريقيه .
ان من دروس معركة الامس واليوم داخل امدرمان توجب على قوى الهامش العمل على توحيد وتنسيق جهودها لانزال ضربات متتاليه فى قلب المركز وضد كل رموز التخلف ومؤسساتها الاقتصاديه وعناصرواهداف قوى الانظمه العربيه الموجوده فى السودان باعتبارها المسانده للمركز العنصرى المهترئ الظالم والذى فرط فى سيادة السودان وباع اراضيه على ضفاف النيل فى الخرطوم وغيرها باثمان بخسه للاثرياء العرب ذوى النوايا العنصريه الاستعماريه .
عاش نضال المهمشين فى كل مناطق السودان من اجل الحرية والكرامه والديمقراطيه والتحرر .
فالتتوحد الجهود لكل قوى الثوره السودانيه لتحرير السودان من نظام العماله والارتزاق ورجس الاستعمار المصرى العنصرى وقوى التخلف والاقطاع العربيه العميله .
لا للاستعمار الاستيطانى المصرى العنصرى –
لا لبيع اراضى السودان او منحها للاثرياء العرب ومؤسساتهم .
لا للاعتقالات العنصريه والتعذيب لابناء دارفور فى العاصمة وغيرها.
والمجد والنصر لثورة المهمشين من اجل سودان حر مستقل ديمقراطى .
- مكتب اوربا حركة تحرير كوش
11 مايو 2008
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: amir jabir)
|
لا كويس يا تراجى... ولعوها زيادة يا زولة اصلوا ما تبخلوا عليها بالحطب
ادفعوا الناس دفع الى احضان الجبهة الاسلامية... صوروها على انها ضد الجلابة
هكذا عموما ما انتمى الى قبائل و اعراق النيل... و بالتالى يصبحون رغم عنهم
رصيد جماهيرى و سند شعبى لحماية المشروع الحضارى الاسلاموى لانه على الاقل اصبح
يمثلهم شاءوا ام ابو و لانكم ترغمونهم على ذلك... تماما.
هسة اى جعلى يات من كان يعتبر مستهدف بكلامك دا مباشرة و يصبح سند لعمر البشير
لانو يا عمر البشير ينتصر و يبقى عشان يعيش كويس و لا ينتصر الدباب خليل و يطلع دينو.
صدقينى خدمات جليلة صالح الجبهة الاسلامية... و سوف تتوطد اركان دولة الاسلاميين العنصريين
على كاهل البلاد الى الابد... او تتمزق البلد الى دويلات صغيرة مفرقة و دا السيناريو الجاى
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
يا تراجي اسالك بالله انت قايلة نفسك اسع بتناضلى وبتنصري في قضية دارفور ... انت بكل بساطة بتساعدي وبتخدمي في ناس المؤتمر الوطني ... لان قبلية الجعلين مابمثلها عمر البشير .... انا انصحك لي وجه الله بكتاباتك الهوجاء هذه سوف تخلى الناس تتعاطف مع حكومة البشير ليسى حبا في البشير ولا المؤتمر الوطنى بل عنادا لك على هذه الكلمات والتعميم بتاعك ده.
تعلمي فن النضال والكتابة هنا والله جعلت لك اعداء في هذا البورد اكثر من اصدقاء فلطفا في نفسك ابتعدي خالص من هذا المنبر اذا اكان يهمك قضية دارفور واهلها.
هذا راي قابل للصواب وقابل للتصحيح...
الامين
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
الأخت تراجي
هل كون أن الآخر عنصري وبغيض سبب كافي لتحويلي لعنصري بغيض؟؟
ليس هناك ود قبايل وود فروخ إلا في ضمير كل عنصري بغيض
كون أن المؤتمر الوطني في الخرطوم يمعن في السقوط فهذا لا يشمل السودانيين المتاخين في هذا الوطن المكلوم
إعتقال زوجة د. خليل رهينة هو بالضبط كإغتصاب أو قتل مرأة في أي جزء من السودان وهذا ما ندينه
ولكن لو تخلصنا من الإنقاذ ماذا نفعل مع أمثالك من الغاضبين ؟؟
باركيها وأخدمي قضايا الوطن والإنسانية بعيد عن التعصب والغضب والعنصرية فهي لا تجدي
على فكرة لست جعلية بل لست عربية لكن سودانية يهمني الإنسان السوداني في كل شبر
وما يحبطني كنت أرجو منك الكثير.
سوف نعمل على إطلاق سراح السيدة وهي ليست مسكينة هي مناضلة شريكة مناضل لو إختلفنا معه في الرأي
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Hisham Amin)
|
هشام امين
يا اخي خليك مثل اسم أبيك ولا تجتر الغبائن القديمة
Quote: عبد العاطى وتراجى (ديك العدة) هذا لقبك كما تعرفين
انتما وجهان لعملة واحدة
تناديان بوقف الحرب فى دارفور وفى الصومال وبلاد طشقند بدعوى حقوق الانسان
وربما الحيوان وتتناسوا ان ما تنادون بة ينطبق على الخرطوم --- لا بل على كل ربوع السودان
|
أين وجدت لي تأييدا للحرب في الخرطوم
لقد ادنت الحرب في الخرطوم ولكني خلافا لك ادينها في كل السودان ؟؟
منذ عام 2003 لم ا}يد اي حربا في اي منطقة من مناطق السودان.
الحرب دمار في كل مكان ولا يمكن ان نطالب بالا تأتي للخرطوم ونسكت عنها في دارفور
لنكن متسقين ولنقل الحقيقة المرة
الان الحرب تدور في دارفور وكردفان فما هو رأيك ؟؟
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Abdel Aati)
|
Quote: يا جماعه
بطلوا الجقلبه
مش شابكننا ديل اولا قبائل وديل اولا فروخ
انا استفزهم بمعاييرهم وليس معاييري.
وبطلوا دروس العصر دي وفكوا الزولة المسكينة دي |
مافى جقلبة يا تراجى... دى نصائح ليك و تنبيه للناس القضايا دى ما حقت ابو زول و لا بيحتكر الكلام باسمها زول، انا بداخل تصحيح الغلط الشايفوا لانو دا بضر بقضايا الوطن اكتر مما يصلح او اكثر ما يظهرها على حقيقتها. بعدين الزول القال قبائل و فروخ دا انا اكثر زول اتصديت ليهو و تداخلت اكثر من خمسة مرات فى البوست المعنى لو كنتى متابعه. بعدين ما تقولي لينا فكوا الزولة المسكينه انحنا ما ماسكينها ماسكها عصابة الشفوت الاسلامية التى كان خليل احد اركان حربها المجاهده عشان الناس ما تنسى التاريخ.... وقت انحنا كنا ضد العصابة دى زاتها و كان خليل دبابها المقاتل من اجل تثبت اركان دولتها و مشروعها الحضارى.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Abdel Aati)
|
Quote: يا اخي خليك مثل اسم أبيك ولا تجتر الغبائن القديمة
|
وتا اللة لا توجد فى قلبى تجاهك مثقال زرة من غبينة او ما شابهها ان شئت صدقت وان شئت فلك ما تشاء
وفى الماضى قلت ( العارف عزو مستريح وانا كذلك عارف عزى ومستريح ) فقط يؤلمنى وانا ابن ابى كما ترى يؤلمنى
ما تسوقوة والبعض فى معارضتكم لحكومة السودان وطريقة معارضتكم وطرحكم لها
اعلم انك لا تتفق معهم واعلم ان المعارضة حق مشروع ولكن الا تعتقد ان السموم التى بثها
الكثير هنابعد الاحداث ازكمت النفوس؟؟
وساعود اليك بما تفضلت فى وقت لاحق
هشام امين
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Hisham Amin)
|
الاخ هشام امين تحياتي
يا اخي مصدقك وعذرا ان ظننت وبعض الظن اثم انك منطلق من غبائن قديمة
Quote: وتا اللة لا توجد فى قلبى تجاهك مثقال زرة من غبينة او ما شابهها ان شئت صدقت وان شئت فلك ما تشاء
وفى الماضى قلت ( العارف عزو مستريح وانا كذلك عارف عزى ومستريح ) فقط يؤلمنى وانا ابن ابى كما ترى يؤلمنى
ما تسوقوة والبعض فى معارضتكم لحكومة السودان وطريقة معارضتكم وطرحكم لها
اعلم انك لا تتفق معهم واعلم ان المعارضة حق مشروع ولكن الا تعتقد ان السموم التى بثها
الكثير هنابعد الاحداث ازكمت النفوس؟؟ |
نعم اعتقد ان هناك الكثير من السموم من الجانبين
وانا ارفض الانقاذ وارفض استحدام الحركات المسلحة للسلاح .. فعلى يد الجانبين يموت الابرياء
الا ان جرائم الانقاذ اكبر واكثر بما لا يقاس كونها تستخدم كل جهاز الدولة.
انا ضد الحرب في اي منطقة في السودان وقد تم شتمي من دعاة الحرب من الجانبين لهذا السبب
والانقاذ اكبر خطر على السودان ولن يكون خلاص للسودان الا بذهابها ..
اها رأيبك شنو في الحرب المستمرة في كردفان ودارفور والموت المجاني هناك
وقتل الناس على الهوية في الخرطوم ؟؟
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Abdel Aati)
|
Quote: رأيبك شنو في الحرب المستمرة في كردفان ودارفور والموت المجاني هناك
وقتل الناس على الهوية في الخرطوم |
وبعد التحية وبصراحة شديدة
ان احد اهم الاسباب استمرار هذة الحروب هو تدخل الغرب فى مشاكلنا الداخلية ومساندتهم الغير معلنة
للفصائل المتمردة هذا ماشعرنا بة وهذا ما بينتة افعال الغرب تجاة السودان وهذا ما قالتة
سارة فلاوندرس المحامية الامريكية فى لاهاى وعضو فريق مرشح الرئاسة الامريكية وسلى كلارك و السيد سنو الصحفى المعروف
ومستر بيتر بيكتولد الرئيس السابق للدبلوماسية الامريكية وغيرهم كثيرون انظر كم من مبادرة قامت بها الايقاد
والعالم مجتمعا وبضغط على حكومة السودان لتقديم التنازل للوصول الى حل وسط يؤدى للسلام كل هذا لم يحرك ساكنا
فى الحركات المقاومة ودعنا من قول الحركات المتمردة فابوا الحضور اخيرا فى سرت الليبية وكما لم تحرك الحركات
ساكنا ولم تحضر لم تشجب الدول الغربية تصرفها هذا ولم تقطع السلاح عنها ولم تعلنها حركات ارهابية كل هذة
يا عادل دلائل على ذلك دلائل على تورط الغرب بشدة فى دارفور
الا تتفق معى
هشام امين ولى عودة ولكن فى بوست غير هذا
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Hisham Amin)
|
هشام امين تحياتي وشكرا للرد الضافي
Quote: وبعد التحية وبصراحة شديدة
ان احد اهم الاسباب استمرار هذة الحروب هو تدخل الغرب فى مشاكلنا الداخلية ومساندتهم الغير معلنة
للفصائل المتمردة هذا ماشعرنا بة وهذا ما بينتة افعال الغرب تجاة السودان وهذا ما قالتة
سارة فلاوندرس المحامية الامريكية فى لاهاى وعضو فريق مرشح الرئاسة الامريكية وسلى كلارك و السيد سنو الصحفى المعروف
ومستر بيتر بيكتولد الرئيس السابق للدبلوماسية الامريكية وغيرهم كثيرون انظر كم من مبادرة قامت بها الايقاد
والعالم مجتمعا وبضغط على حكومة السودان لتقديم التنازل للوصول الى حل وسط يؤدى للسلام كل هذا لم يحرك ساكنا
فى الحركات المقاومة ودعنا من قول الحركات المتمردة فابوا الحضور اخيرا فى سرت الليبية وكما لم تحرك الحركات
ساكنا ولم تحضر لم تشجب الدول الغربية تصرفها هذا ولم تقطع السلاح عنها ولم تعلنها حركات ارهابية كل هذة
يا عادل دلائل على ذلك دلائل على تورط الغرب بشدة فى دارفور
الا تتفق معى
|
لا اتفق معك واتعقد ان للحرب جذور داخلية لأن لا الغرب ولا الشرق يمكن ان يشعل حربا في بلد يحس فيه المواطن ان حقوقه محفوظة.
ويمكن ان نرجع للنقاش في بوست تاني كما تفضلت
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Mohamad Shamseldin)
|
تراجى عشان تكون صادقة حقو تمشى تجيبى الكلام الكتبتيه عن زوجة د. خليل الجلابيه هنا وانها هى السبب فى ما وصل اليه من بهدلة ، هذه واحدة ، ثانيا اسمعى كلام الناس البتفهم احسن منك ، لانو كلامك ده عيب كده عديل ، انتى عندك عقده اسمها الجعليين ولله شنو؟ كلما الواحد يتحاشاك تقومى تتعابطى ، والله انتى اكبر اساءة لقضية دارفور ، و ليهم حق الجماعة اكان نبذوك (يعنى قالوا ليك ابعدى من قضية دارفور) عشان ما تقومى تفهمى غلط متل عادتك ..... الجعليين غصبا عنك اكرم ناس وارجل ناس ومحل ما يعجبك ختى راسك ، يالله بلا لمة بلا وهم وناس عندها مركب نقص .
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: محى الدين ابكر سليمان)
|
الاستاذة تراجي
أين أعتقلت زوجة خليل؟؟ ومن قام باعتقالها؟؟ حتى تقومي بالتشكيك في أخلاق قبيلة بكاملها تحمل
الكثير من العادات والموروثات الفاضلة والتي قطعاً ليست من بينهااستغلال النساء والزوجات
والجعليين يشتركون في ذلك مع كل القبائل في السودان والتي في أدبياتهاجميعهاً ترفض مثل هذا
السلوك....
زوجة خليل اعتقلت في الخرطوم بواسطة أصدقاء زوجها القدامى! ما ذنب قبيلة بكاملها في هذا؟؟
رجاء يا أستاذة تراجي عدم التورط في صراعات عنصرية وعرقية لا تفيد قضيتك في شيء, وقد تجرح
الكثيرين هنا في المنبر أو من القراء وأعتقد أنك بحديثك هذا قد تخلقين عقبات جديدة في طريق
الوصول لغايات يطمح كل الشعب السوداني للوصول إليها..
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: محى الدين ابكر سليمان)
|
العزيز محي الدين
سلامات وشكرا على المرور:
Quote:
تراجى سلامات
اقبلى كلام ابوبكر صالح بصدر رحب, الحرب ضد نظام لا قبيلة بعينها,
ومن الجعليين من هم فى صف المهمشين, ولهم اخلاقهم العالية التى يتقاصر
دونها عناصر النظام.
سلام |
يا جماعه اين اسءت للجعلين انا هنا؟؟؟
انابقول للكلاب المتورطين منهم بان هذه ليست اخلاق الجعلين.
وانتو قلت اولاد قبائل وبتعرفوا الاصول و الاعراف فكيف تتصرفوا هكذا؟؟
هذا ببساطة موضوع بوستي.
وحياتكم زدتوا للامر انتو شمار وثوم براكم.
الرسالة للناس الاعتقلت الزولة دي انه هذه ليست اعرفنا ولا اعراف القبائل الانحدرتوا منها
فكفوا شركم منها وانتبهوا لاي درك خطير انتو اتحطيتوا اليه.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
تراجي سلام
وبوست زي ده يمليه عليك ضميرك واخلاقك
نعم نبصم بالعشره ونوقع بلا تراجع لاطلاق سراح زوجة خليل ابراهيم
ولا لاخذ الناس بجرائم بعضهم
ولا لاعتقال النساء مهما كانت الاسباب او المبررات
ورفقا بالنساء يا اهل الانقاذ
فالقبض علي زوجة خليل لا يفيدكم في شئ
اطلقوا سراحها فورا ولاتدنسوا اياديكم باعتقال النساء
لا لاعتقال زوجة خليل
ونعم لاطلاق سراحها الان وفورا
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: العوض المسلمي)
|
| Quote: الجعليين غصبا عنك اكرم ناس وارجل ناس ومحل ما يعجبك ختى راسك ، يالله بلا لمة بلا وهم وناس عندها مركب نقص . |
انت كمان يا كوز الاسمك هجو الاقرع بطّّّّّّّّّّّّّّّّّّّّل الهضربه فى المنبر هنا!
بالله طلعوا عين البلد بالحروبات و البلاوى فما ترهقنا بالغباء الكيزانى دا هنا فى المنبر. اعترضت انا قبلك على عنوان بوست تراجى لانه يدخل الجميع فى ثلتكم المجرمين... لكن هذا لاينفى ان هنالك الكثيرين من المتوهين مثل حالتك هذه هم ايضا جزء من ازمة السودان التاريخيه. ان تعتقد بان الجعليين كريمين خير شجعان خيرين لكن ان تتوهم لهم افضلية و اسبقيه على بقية اقوام السـودان فى هذه الصفات فهذا ليس من حقك على الاطلاق. هذه البلاد مليئه بالشجعان و الكرماء من اقصاها الى اقصاها لكنهم فقط ضاعوا تحت رحمة الاسطورة التى تصدرت لنا منذ ازمان بعيده فسحقتهم و اغمطتهم حقهم فى الثناء و الشكر و الذكر الحسن لا فى الاعلام لا فى كتاب المدرسة و لا فى الجريده ما جات سيرتهم الحقيقه. دى الاوهام المجانية التى ارهقتنا و استولدت لنا المحن والاِحن من مافيش.
بعدين انتا يا كوز تتكلم عن العنصرية و الحروب... يا عمى دى صنعتكم و فضلة خيركم اهو جيتونا تنقذونا بقينا نفتش فى الطريقة الترجعنا محل قبيل انقذتونا منو دا. يا عمى انتو شلة سارقين امتصت رحيق البلاد من اقصاها الى اقصاها و تركت بقية اقوام الســودان تحت رحمة الجوع و الفقر و المسغبه.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: مصطفى كدفور)
|
يا مصطفى كدفور
اولا حكاية اصدقاء زوجها دي خليها
لانه علاقتها هي ذاتها بمنس يمتهم اصدقاء زوجها علاقة قوية
فهي امراة ناشطة سابقا وسياسية محنكة وكوزة لها ضل زمان ما قلنا حاجة.
Quote: زوجة خليل اعتقلت في الخرطوم بواسطة أصدقاء زوجها القدامى!
ما ذنب قبيلة بكاملها في هذا؟؟
مصطغى كدفور |
يازول القبيلة اصلها افراد ونظام
ثقافي وتربوي..انا لم اسيئ اليهم انا فقط اذكرهم بان هذا لا يفترض ان يكون
سلوك من يعرف الحرمات,ان جاءت الصياغة غريبه فربما للغضب دورا في ذلك
لكن صدقني هذا كل ما عنيته هنا.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
الأستاذة تراجي
أنت أوردتي في عنوان بوستك بوصف السيدة/ زينات علي يوسف ب (اعتقال زوجة (خليل ابراهيم
رهينة)) دون الاشارة إلى اسمها وهي المعتقلة... على ذلك خاطبناك باسم زوجها
وكما ذكرتي فإنها كوزة لها ضل (زمان دي أنا ما معاك) الكوزنة دي سلوك وفكر ما فيها زمان ولا
هسي ..
شكراً لفهم مقصدي وأفهم ما تعنينه حقاً إذا كنت صادقة فيما تطرحين
مصطفى كدفور
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: احمد التجانى احمد)
|
الأُخت تراجي
إن إعتقال زوجة خليل مسالة طبيعية لهذا النظام المجرم ، وهذا ليس أول إعتقال لزوجات المعارضين بل هنالك إعتقالات معروفة للطالبات " مجادلين حاج الطاهر " مثلاً ....
لهذا النظام سجل طويل في محاولة إعتقال أسر المعارضين لإجبارهم على تسليم أنفسهم او التشفي منهم وزوجة خليل ليست إثتثناء .. ونطالب بإطلاق سراحها فهي ليست قائدة لجيوش ولم تشارك في الحملة ..
أعتقد إن هذا النظام لا علاقة له بدار جعل وأهلها فقد عرفناالجعليين شهامة ومواقف كقبيلة لها إحترامها وإذا كانت الحرب ضد دار جعل فأنا شخصياً سأنزل في هذه " المحطة " ولكنها حرب ضد نظام لا علاقة له بأي قبيلة ، بل يستخدم القبيلة كخط دفاع أخير بعد أن إنهارت كل مشاريعه ....
وارجوا أن تغيري هذا العنوان لأنه لا يخدم القضية وسيؤدي لنتائج يريدها النظام فقد سعى النظام للتحريض القبلي بينما اثبتت القوى الداخلة لأم درمان إنهالا تستهدف اي مدني ...
تحياتي
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
الاخت الكريمه تراجي:
لا نرفض عنصريه وناتي بمثلها ...
مثل هذا الخطاب يخدم المجرمون الكيزان الذين لا قبائل لهم...
الجعليون الذين نعرفهم هم براء من هؤلاء الظلمه...
الذين اعتقلوا حرم السيد خليل لم ولن يكونوا باخلاق اهلنا الجعليين...
____________________________________________________________________
اخي وصديقي الدكتور علاء (الجعلي) عندما قرء هذا هاتفني ...قائلا : لقد نجح الكيزان...
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Elsanosi Badr)
|
الفاضل السنوسي بدر
شكرا لمروك:
Quote:
الاخت الكريمه تراجي:
لا نرفض عنصريه وناتي بمثلها ...
مثل هذا الخطاب يخدم المجرمون الكيزان الذين لا قبائل لهم...
الجعليون الذين نعرفهم هم براء من هؤلاء الظلمه...
الذين اعتقلوا حرم السيد خليل لم ولن يكونوا باخلاق اهلنا الجعليين...
____________________________________________________________________
اخي وصديقي الدكتور علاء (الجعلي) عندما قرء هذا هاتفني ...قائلا : لقد نجح الكيزان... |
لا يا دكتور علاء لم ينجح الكيزان
فنحن في ثورة الهامش يتخدنق معنا كل الوان الطيف السوداني
و الجعليين الاصيلين معنا في خندق واحد بس انتو خلوا القرايه ام لفحي
انا هنا اذكر هؤلاء الوغاد بان هذهليست يفترض اخلاق اهلكم الذين ملأتوا
حياتنا وانتم تحدثوننا فخر باخلاقهم عليهم التراجع عن هكذا افعال
وسيتم التراجع بضغوط اخوتهم الجعليين انفسهم.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Elsanosi Badr)
|
الفاضل السنوسي بدر
شكرا لمروك:
Quote:
الاخت الكريمه تراجي:
لا نرفض عنصريه وناتي بمثلها ...
مثل هذا الخطاب يخدم المجرمون الكيزان الذين لا قبائل لهم...
الجعليون الذين نعرفهم هم براء من هؤلاء الظلمه...
الذين اعتقلوا حرم السيد خليل لم ولن يكونوا باخلاق اهلنا الجعليين...
____________________________________________________________________
اخي وصديقي الدكتور علاء (الجعلي) عندما قرء هذا هاتفني ...قائلا : لقد نجح الكيزان... |
لا يا دكتور علاء لم ينجح الكيزان
فنحن في ثورة الهامش يتخدنق معنا كل الوان الطيف السوداني
و الجعليين الاصيلين معنا في خندق واحد بس انتو خلوا القرايه ام لفحي
انا هنا اذكر هؤلاء الوغاد بان هذهليست يفترض اخلاق اهلكم الذين ملأتوا
حياتنا وانتم تحدثوننا فخر باخلاقهم عليهم التراجع عن هكذا افعال
وسيتم التراجع بضغوط اخوتهم الجعليين انفسهم.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: سناء عبد السيد)
|
انا اعتقد البوست يتوقف لغاية هنا... وجميع الشعب السوداني ليس بحاجة لتعلية هذا اللغة الآن ... فهي اصلاً ما ناقصة .
وبهذه المناسبة علينا أن نحمل النظام الذي أذاع ومن التلفزيون القومي رسالة للدكتور جون قرنق ومقاتلي الجنوب سابقاً " هاك من دار جعل " ونقول إن الخرطوم ليس داراً لأي قبيلة يا صديقي " منصور المفتاح " هي دار للشعب السوداني كعاصمة قومية تضم الملايين من ابناء شعبنا من كل الإتجاهات ... نريد أن نصل لخطاب إعلامي يخرج بنا من هذا الوحل القبلي . ونركز إن ظهور النعرات القبلية هو نتيجة طبيعية لممارسات السلطة التي هيّجت المشاعر القبليّة وسيّست القبائل ظناً منها إنها ستستفيد من ذلك وتكسب سياسياً فإذا بها تواجه اليوم بشر اعمالها .
دار جعل الفعلية غير مستفيده من هذا النظام لون تتحمل وزر ما يفعله ابنائها الذين في السلطة كما يجب أن لا يتحمل شعب دارفور بكل قبائله نتائج اي عمل تقوم به الحركات.
-------
| Quote: شكرا ليك يا بت سوداني |
انا ولد سوداني باين عليك يا عزيزي جديد في المنبر
تحياتي
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: ابنوس)
|
الاخ العزيز ابنوس
| Quote: انا ولد سوداني باين عليك يا عزيزي جديد في المنبر |
شكرا ليك ياخ ...والنك نيم بتاعك قبل للاتنين ..ودا كلو من الزعل السسببتو تراجي لانو شفت البوست دا الساعة تلاتة الا شوية بتوقيت السعودية لو تلاحظ للرد
| Quote: باين عليك يا عزيزي جديد في المنبر |
جديد لنج ...تصور ..ودا باسووردي التالت في المنبر
Quote: تاريخ التسجيل: 01-12-2004
مجموع المشاركات: 2593 |
تحياتي
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: عبد العظيم احمد)
|
عبد العظيم
هو ترك زوجته من اليوم ولا امبارح؟؟؟
هو تركها وابتعد عنها فجاء لنا وللذي آمن به من اجل شعبنا.
وهي تحملت مثل غيرها مسؤلية تربية ابنائها
مثل كثير من زوجات كل المقاتلين الشرفاء.
وثانيا:
هذه نقطة للقراءة الخاطئه لخيل فيبدو انه بكل ما عرفه عن الجبهة الاسلاميه
لم يصل لمرحلة لافهم الكامل لهم ومدى خسلستهم وانحطاتهم,واعتقد انهم لن يصلوا لهذا الحد.
انا شخصيا لو كنت مكانه لما تركت زوجتي يوما هنالك,لكن هو باين لسه كان فاكر في حاجة
اسمها الاخلاق راهن عليها
ولكن يبود بانه لم يعي بانهم لا اخلاق لهم.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
شوف يا سيف مصطفى
اعرف حدود\ك واياك ان تخاطبني بهذه اللهجة مرة آخرى
وانت بالذات عراف نفسك وعارف تاريخك معاي
لابد في البورد ده لا بتدين ولا بتشجب ولا بتستنكر
بس بتنط في كلة جعليين.
لعلمك وهذا الايضاح ليس للائام من امثالك
لهذا للمحترمين من اخوتي الجعليين.
اولا هذا البوست كان استنكار لما حدث
وكان تذكير للاوغاد منه المتروطين بهذا التصرف بانه لا يشبه اولاد القبائل.
ولهلمك كلمة الواد القبائل لا تعني ما تذهبون له عندما تقولن اولاد قبائل
فانا كل السودانين عندي اولاد قبائل
وانا تذكير لهم بالقيم و المثل التي يفترض نشأوا عليها.
اما اذا فاكر نفسك بتهددني فلن تكون اكثر مما فعلوها هنا وحتى بهاتفي
ولكني لا اهتم لكم واقول لكم مطرح ما بتختوا راسكم ختوا رجليكم:
Quote:
Tragie,
Salam
Considering the context of what is going on these days, I am asking you or Bakri Abu Baker to remove this post AS SOON AS Possible. This time, it is our moral responsibility not to give you a pass
I will check back and I appreciate if I don’t see it again
Thanks
Saif |
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
| Quote: ان حركة تحرير كوش تؤيد بشده ترويع سلطة المركز بحكم انها اسوأ سلطة عميله تمرعلى السودان والتي تقتل المدنيين والعزل من أهل الهامش في دارفور وكجبار وبورسودان |
التحية لكوش العراقة والأصل ليوم الدين.
| Quote: انت كمان يا كوز الاسمك هجو الاقرع بطّّّّّّّّّّّّّّّّّّّّل الهضربه فى المنبر هنا! |
أبوبكر إزيك!
Quote: زوجة دكتور خليل من منطقة ود ربيعة بالجزيرة المروية وهي تنتمي لذات المجموعة الجعلية المعنية بهذا البوست
|
سماعين يا أنساب
| Quote: ماخليتى لينا فرقه عشان نتضامن معاك |
الجبلابي يا شعــــــــــــور
صراحة القبلية القولية ما كويسة زي بتاعة تراجي دي، ولكن القبلية التي تقتل في أم درمان ومازالت مستمرة حتي اللحظة كويسة وليست لها علاقة بالعنصرية أبداً
فلتستمر الحـــــــرب إذن
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: doma)
|
ابنوس اوع تقولني كلام ما قلته:
Quote: أعتقد إن هذا النظام لا علاقة له بدار جعل وأهلها فقد عرفناالجعليين شهامة ومواقف كقبيلة لها إحترامها وإذا كانت الحرب ضد دار جعل فأنا شخصياً سأنزل في هذه " المحطة " ولكنها حرب ضد نظام لا علاقة له بأي قبيلة ، بل يستخدم القبيلة كخط دفاع أخير بعد أن إنهارت كل مشاريعه ....
|
وين انا قلت هي حرب ضد الجعليين؟؟؟؟رجاء الاقتباس.
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
كتبت تراجي :
Quote: و الجعليين الاصيلين معنا في خندق واحد بس انتو خلوا القرايه ام لفحي
انا هنا اذكر هؤلاء الوغاد بان هذهليست يفترض اخلاق اهلكم الذين ملأتوا
حياتنا وانتم تحدثوننا فخر باخلاقهم عليهم التراجع عن هكذا افعال
وسيتم التراجع بضغوط اخوتهم الجعليين انفسهم. |
إذن ، وفي هذه الحالة ، ووفقآ للتوضيح أعلاه
فإن عنوان البوست خطأ كبير
ووجه أخر من وجوه العنصرية
النظام الحاكم لايمت بصلة لأي قبيلة
ولا بأي أخلاق سودانية
انه نظام تحالف الإسلامويين والطفيليين والفاسدين
واي عمل يصدر عن ذلك التحالف يعبر عنه وعن سلوكه
كان عليك يا تراجي ان تعنوني البوست كالتالي
{ وشفنا اخلاق {تجار الدين والطفيليين والأمنجية المنبتين}إعتقال زوجة .....الخ
أي كلام عن قبيلة فلان وأسرة علان وجهة فرتكان
سيقود إلى فتنة عنصرية وتراكمات تفضي لحرب أهلية
أو على الأقل ، تؤدي لإنفضاض الناس عن قضاياهم الوطنية
والغرق في بركة الجهويات والقبلية الآسنة
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
كتب خدر ، في بوسته المقروء :
Quote: الاخت تراجي
اتمني عليكـ ان تفكري ملياَ فيما قلناه هنا و ان تنبذي الدعوة الي تصنيف الناس الي قبائل و ملل
و سحنات .. مظالم التهميش التي تدعين , لم تمسس دارفور فقط و كلها قضايا اجمالا تقع تحت بند
السياسي لا علاقة لها بالنسيج الاجتماعي الذي تربينا في كنفه .. دعي نسيجنا الاجتماعي كما هو
فأنكـ وان اردت خدشه لن تستطيعين ولا تنسي ان السياسه يجتمع الناس فيها علي القضايا و البرامج
لا علي الجنس او لون الاضان.
دعونا نعيش جلابة و غرابة كيفما اتفق فنحن قادرين علي صنع ما نرتضيه من تعايش و اذهبوا بتجارتكم
البائرة بعيداَ عنا فنحن نريد ان نلتقيكم علي صناديق الاقتراع كمجموعات سياسية لا جهوية.
|
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: عمر التاج)
|
Quote: ويا د.خليل ابراهيم اياك و التراجع
زوجتك ستتوج قديسة لفداء شعبها.
وسمعنا انها امراة مؤمنه وقانته وسياسيه
فانت التقيت بها في ايام عملكم السياسي كاسلامين.
ولا تخاف عليها لن يمسها شر باذن الله. |
قديسة لفداء شعبها ولن يمسها شئ!
دى كيف يا تراجى!
طيب وكت هى سياسية وقانتة الاعتقال موش فى ميزان حسناتها!
عليك الله قبلى ما تدقى انتر راجعى الموضوع ينوبك ثواب!
جنى
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: AMNA BAGRAB)
|
ذكرت قبل ذلك أن أخوة النبي يوسف عندما دخلوا عليه آوي اليه أخاه
وترك { الصواع } في رحل أخيه
وكما هو معروف أن أخوة يوسف أخذوا ميثاقاً مع ابيهم بان يرجعوا اليه ببنيامين
ولكن حينما حدث الذي حدث
قالوا للعزيز يوسف { يا ايها العزيز إن له أباً شيخاً كبيراً فخذ أحدنا مكانه 00
قال معاذ الله أن نأخذ الا من وجدنا متاعنا عنده
فمن الأمور السيئة أن تعاقب أحداً بما اقترفه الآخرون
لابد أن نعاقب الذي وجدنا متاعنا عنده
ولكن هذا لايعني بالضرورة أن نترك الشخص الذي يذنب في حق الشعب
رجلاً كان ام إمراة
لابد أن تسود سلطة القانون على الجميع
ولابد ان نعتقل الناس بعد أن نتأكد فعلاً من أنهم مذنبون
ستخرج حتماً زوجة الدكتور خليل هي وغيرها إن لم تكن مذنبة
ولكن انا ضد وسائل الضغط وخاصة استغلال النساء والأطفال ككبش فداء في مثل هذه المواقف
وليس بالضرورة أن تكون الزوجة مجرمة أو أطفالها مجرمين إن كان زوجها مجرما
أتمنى أن تتم محاكمة عادلة
وأن يعاقب كل من خان الوطن
وكل من لم يستطع ان يحمي هذا الوطن
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
Quote: كتب السيد احمد التجانى احمد:
Quote: لا يااخى زعلتنى شديد والله
بعد ان كتب اسماعيل وراق معلومات عن زوجة السيد خليل
Quote: Quote: زوجة دكتور خليل من منطقة ود ربيعة بالجزيرة المروية
.... فماذا تقصد ياسيد احمد تجاني؟؟؟ .... نرجو التوضيح قبل ان ينحرف مسار البوست... |
الاخ السنوسى بدر
اولا رجائى ان كان لنا حظ فى مخاطبتك لنا مرة اخرى ان تصفنى بالاخ اذا مافى مانع
وثانيا دعنى اوضح لك وللاخت الكريمة مااشتبه عليكم
تماشيا مع سياق هذه الايام والجهوية والتعنصر الذى اطل علينا بعد حادثة الخرطوم
جوة جوة (كما يحلو للمتحدثين باسم الهامش) واخلاق دار جعل ومبدا الكيل
بمكيالين الذى يتواطى ويتغاضى عن مااتى به هؤلاء من تاييد وتهليل لما اتى به
خليلهم الكوز السابق بكل الوان طيفهم مما يؤكد ترجيح كفة الجهويات وغياب العقل
والمنطق وابعد من ذلك فقد وصف كل ممن يسمونهم بالجلابة بالجبن ,ومازال البعض يتوعدنا بالمذيد
من الترويع وانتزاع حقوقهم وطرد المستعمرين ومااظن بخافية عليك هذه الامور
وعليه اود ان اوضح باننى فى غاية الحزن ان تدفع زوجة خليل ثمن تهوره ومغامرته
بعد ان عرفت انها من منطقتى (الجزيرة)
وبعدين يادكتور مسارالبوست ينحرف كيف اكتر من كدة ماهو قام منحرف من قولة تيت
does that answer your question?
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
اطلقوا سراح ذوجة خليل
نعلن تضامننا مع اهلنا الدارفوريين في الخرطوم ولا للاعتقالات التعسفية
ولا لممارسات كلاب الجبهة العنصرية
ونقف ضد العنف ان كان من جانب حركة العدل او حكومة الجبهة
وشفنا اخلاق( ناس دارجعل) اعتقال زوجة (خليل ابراهيم رهينة)!!
لقد نبهناك كذا مرة لعنصرتك الواضحة ضد قبيلتنا ياتراجي
لم نسيء لك يوما ولا لقبيلتك نحترمك ونحترم رايك ولن نقبل الاساءة لاهلنا مهما كان المبرر
انا شخصيا اطالبك بالاعتزار من هذا العنوان
واخلاق دارجعل هي احترام المراءة لذلك لن تجدي منا الا الاحترام والتقدير
اعتزري او اسحبي عبارة لا للعنصرية التي تضعينها تحت اسمك
هذا العنوان لايشبهك فاقبلي كلام الناصحين
قبيلة الجعليين ليس لها دخل في خلافاتك مع البعض هنا
نقبل اعتزارك اذا امتلكتي شجاعة الاعتزار والرجوع عن الخطا فضيلة
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: بدرالدين كاجوري)
|
تعرفي الجعليين قدر ما تحشريهم حشر في كتابتك إلا انهم هم أسيادك واسياد خليلك الحسي بتردحي فوقوا دا وفوقا مرتوا من الجزيرة مش من الغرب
وأخلاقهم مال وفيها شنو عيبها لو عندك معلومة ارجل ناس أشرف ناس اطهر ناس أكرم ناس أولاد قبائل واصول واكتر واكتر من كدا وزيادة بس خليك لحدي هنا وقرضي علي كدا اي زيادة ما من صالحك وما بشكر ليك قبيلتي أسالي عنها في كل العالم وبتعرفيها وتعرفي حقيقتها
عالم تستاهل الضرب تحت الحزام
واحيكي ليك القصة من أولها
الغزوة مش غزوة البقعة الغزوة لتحرير وإعادة الحرم المصون من ديار الخرطوم لعند فاشر السلطان يعني كل الحملة ومافيها من عتاد وسلاح وشفع مساطيل وقيادات فاشلة وجبانة وعميلة وشاردة وجري طيران هدفهم شنو يعني ؟؟؟؟؟؟؟
أرجو من الجميع مقاطعة هذا البوست الفتنة،
فهذا ما تريده بالضبط كل الجهات التي تهجج الحرب في السودان،
أن نستجيب لمثل هذه العنصرية!
ولكن هيهات...!
شكراً لأنور كنج
ناذر علييييييييييك الله ما تحكها شديد الزول راقدوا فوق راي ولامش ياللخو
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Tragie Mustafa)
|
| Quote: انت بتتكلم عن المصريين عليك الله كم محسي حايم في مصر ده برضو ما اسمو استعمار انت يا المحس ما تتكلموا علي الاستعمار والبيتو من قزاز ما بجدع الناس بالحجار |
دانيا الملك،
وجعك الكلام عن غزاتنا المصريين، اعداءنا الازليين؟
دخل المحس شنو بالبيان ولا الكلام الهنا؟
بعد مصر دي حقة البتقولي عليهم محس. ماناس حسني مبارك يالمسكينة. جديد عليكي الكلام؟
ماعشان كده بحكم البرمجة بتدافعي عن غزاتنا. لوما البرمجة كان فضلو محتلين ارضنا فوق لي وعينا حتي الان؟
| |
|
|
|
|
|
|
|
|
|
Re: وشفنا اخلاق( ناس دارجعل) اعتقال زوجة (خليل ابراهيم رهينة)!! (Re: Bashasha)
|
بشتاشا لك التحية
ياخي انا قلت الحقيقة المرة الماعاوزنها كل السودانيين يا خي عليك الله كم سوداني ومحسي في القاهرة حايمين وقلت ليكم عندهم املاك هناك اكتر من خمسة ملايين سوداني في مصر يا ناس بطلوا افترى على الخلق وخليك مع الزمن احتلال وبطيخ سيبنا ياخي برا احتلال برا بطيخ برمجة شنو والله عارفين مصر عندها حضارة قديمة وكمان ورد زكرها في القران من زمن سيدنا موسى قال فرعون ما قال محس ياخي بطل النفخ في الفارقة ولو ما عارف التاريخ اقراه كويس ولو ما عارف الدين ارجع ليه ربنا اهديك
| |
|
|
|
|
|
|
| |
Tragie Mustafa
عبد الوهاب المحسى
Dania Elmaki
AnwarKing
MAHJOOP ALI
abubakr salih
Abdel Aati
amir jabir
Waeil Elsayid Awad
Hisham Amin
Abdelmuhsin Said
ياسر احمد محمود
ابوالقاسم ابراهيم الحاج
Mohamad Shamseldin
بركات بشير نجار بشير
هجو الأقرع
مصطفى كدفور
العوض المسلمي
ود محجوب
إسماعيل وراق
زول ساكت
احمد التجانى احمد
ابنوس
معتصم مصطفي الجبلابي
Sabah Hussein
Hatim Yousif
سناء عبد السيد
Elsanosi Badr
Imad Khalifa
SAIF MUstafa
عبد العظيم احمد
آدم صيام
doma
ABUHUSSEIN
أبو ساندرا
عمر التاج
jini
AMNA BAGRAB
ابوحراز
ناذر محمد الخليفة
حواء سليمان ابراهيم
abazar hamid
محمدين محمد اسحق
ebrahim_ali
baha eassa
Bashasha
فيس بوك
تويتر
انستقرام
يوتيوب
بنتيريست