|
دعواتكم لزميلنا المفكر د.الباقر العفيف بالشفاء العاجل
|
|
 Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: على محمد على بشير)
|
والله يا وليد
الشئ الحصل فى البقعه دا فيهو حاجات كدا الواحد ماعارف
يضحك عليها ام يبكى من اجلها ...
اتخيل قال ليك
انو جزء كبير من لاندكروزرات الجماعه ديل وقفت طابور فى محطة وقود فى امدرمان
ينوون التزود بالوقود .. تخيل .. فى عز العصر والبقعه كلها مدوره نار والارواح
بلغت الحلقون واصوات الرصاص والقصف تلعلع فى السماء والطيران يقصف فى لاندروزراتهم
واصحابنا ديل واقفين صف فى طرمبة بنزين !!
طبعا قال ليك اصطادوهم ليك زى اصطياد العصافير
لاندكروزر وراء لاندكروزر .. تخيل ..
| |
 
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: على محمد على بشير)
|
جماعه تانين
لا يعرفون مرزوق من حلة حمد
حينما اشتد القتال وحمى الوطيس
حاولوا الفرار الى غرب امدرمان لينتظروا تعليماتهم الاخيره
فاذا بهم ودون قصد منهم ولعدم درايه يجدوا نفسهم فى غابة
السنط بالخرطوم ويكمنوا هناك على اساس انهم بعيدين عن الخطر
وانهم امنين طالموا انهم فى طريقهم الى دارفور
وليلا ناموا ملئ جفونهم واتى عليهم الصباح واذا بهم محاصرين
بالقوات الحكوميه وقبضوا عليهم واحدا تلو الاخر وهم مستغربين
ومندهشين لسرعة وصول القوات اليهم فى خلاء امدرمان وعلى مرمى حجر من دارفور
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: محمد عبد الماجد الصايم)
|
كلامك صاح يا ود الصائم .. مدرب المريخ برضو طلع خليل
Quote:
تبدو عودة المدير الفنى للمريخ الالماني كروجر الى السودان مرةاخرى في كف عفريت وذلك حسب افاداته لوكالة الانباء الالمانية وعدد من الصحف الصادرة هناك حيث اكد انه عاش ساعات عصيبة كانت مليئة بصوت الرصاص والقنابل اثر هجوم احدي حركات المعارضة على مدينة أم درمان محل تواجد معسكر الفريق وقال كروجر ان هذا الوضع الذي هدد حياته يجعل عودته مرة اخرى للسودان والاشراف على المريخ ضرب من ضروب المستحي |
| |
|
|
|
|
|
|
|
|
 Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: وليد محمد المبارك)
|
Quote: يجي يحكم السودان ما بلده
ونحن بنكون شعبو
لكن حا يجي بي ياتو طريقة
بي طريقة خليل دي ما اظن
جون قرنق بتاعك غلبوا يجي بالطريقة دي خليك من خليل |
يا زول انت قايل دا زمان ايام سلاح في
يد زول واحد!!!
هسي الزول دا اسمو خليل قال لكم بضرب الخرتوم وقال دا
اشارة وانذار والجد لسع في الطريق..كوراك في انذار وفي وقت
الجد تكون حالة كيف؟
جون قرنق ما فشل في تحرير الخرطوم بل هو كمل واجبه وغسل
اوساخ من مخ الناس في السودان حتى تحول أمير المجاهدين
دكتور خليل الي محارب لاجل قضية شعبه وموش تابع ياكل من فتات
بتاع موائد الاقلية الحاكمة في الخرتوم.الدنيا دوار زي ما دار
على الاقلية البيضاء في جنوب افريقيا كمان نفس الشئ بيحصل
على الاقلية التى تعذبنا بقتل وتشريد في السودان باسم العروبة
والاسلام.نحن متاكدين انو نهايات بتاع الاقلية قريبة جدا من النهاية.
الاقلية الان في جنون هستيرية تطلق النار في الخرطوم على النساء
واطفال في شوارع الخرطوم بصورة عشوائية لانها لم تبق لها ادنى
انسانية الانسان ولا احترام حرمة النساء واطفال.تصور اطلاق النار
على النساء واطفال عمل وطني وحماية الامن؟!!
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: JOK BIONG)
|
تمام
Quote: جون قرنق ما فشل في تحرير الخرطوم بل هو كمل واجبه وغسل
اوساخ من مخ الناس في السودان حتى تحول أمير المجاهدين
دكتور خليل الي محارب لاجل قضية شعبه وموش تابع ياكل من فتات
بتاع موائد الاقلية الحاكمة في الخرتوم |
كمان لو ينحى خليل منحى جون وقرنق ويغسل بقيت الامخاخ
اما الاقلية البيضا كما تزعم
لا انت ولا خليل ولا غيركم يستطيع ان ينتهي منها
انتو اللون الابيض ده ما عامل ليكم عقد
اقول ليك حاجة انت لو متعقد من لونك اضرب روحك جير
بالمناسبة انا زاتي لوني اسمر
وعاجبني وما معقد منو
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: osman abdala)
|
ياولي تحياتي تعرف دي محنة في شكل منحة كما قال ابن القيم
وفسر على هواك
تعرف ما دام خليل لحدي حسي ما لاقين ليه اثر اتمنى ان تعيد اللجنة الاولمبية السودانية لألعاب القوى النظر في مشاركة كاكي بعد اصابته بشد عضلي واستبداله في اولمبياد بكين 2008 بالعداء السوبر الجديد لنج خيلو تعرف اول ميدالية ذهبية للعرب والافارقة والزغاوة حيجيبها لينا خيلو ياخيلو واتخيل مذيع الجزيرة يسرد في سيرته الذاتية وهي كالتالي:
المتسابق السوداني في الوراق العاشر خليل ابراهيم
وزير سابق
دباب سابق
مجاهد من الطراز الأول في جنوب السودان
تشادي سوداني سوداني تشادي (أنا ذاتي اتلخبطت) دي المذيع دا مش يلخبط بلد دي يلخبط عالم بحاله
قائد تجريدة البقعة العاشر من مايو السبت الأخضر واعقبه الاحد الاسود
بينه وبين القصر الجمهوري عشر دقائق فقط للجلوس في القصر
بينه وبين الاذاعة نصف كيلو متر ويعلن بيانه الأول
بينه وسلاح المهندسين مائة متر وبعدها يستولى على اهم الاسلحة في امدرمان
بينه وبين كبري الجعلييييييين المك نمر دقائق ولكنها رأها ساعات وايام وشهور وسنوات
اسرع عداء في الحروب الحديثة والقديمة
تم استدعاه بديلا لكاكي حتى يسعد شعب دارفور وشعب الزغاوة ومن شايعهم بحلم ما زال يعشعش في ادمغتهم بالسلطة والاستولى على الخرطوووووووووووووووم محل الطيارة بتقوم والريس بنوم
والان انطلق العدو
خليل في المقدمة خليل في المقدمة
وما زال خليل يقود المتسابقين
يالله ماذا حدث ماذا حدث ماذا اري
ياللفضيحة ياللعار ماذا احدث خليل حتى جعل كل من في الاستاد يخرج ويهرول صوب الابواب ياخسارة ياشعب دار فور ياخسارة ياشعب الزغاوة ياخسارة ياشعب تشاد ياخسارة مناضلي الكيبورد بسودانيزاولاين وكل المنابر على الشبكة المعلوماتية ياخسارة تقد ياخسارة احمد حسين
لقد تمخض الجبل وولد فاراً أحدث هراراً ازكم الأنوف من بكين الفي الصين لعند امبدة حمد النيل يادي شافع ولدهو اليوم ما بعملها قدام كل العالم وكميراته
نعتذر لكم نيابة عن شعب السودان الأصيل عما اقدم إليه خيلو في هذا السابق ومازلنا في انتظار كاكي حتى يعيد للسودان ريادته ومجده وسؤودته
عشت حراً كريماً ياشعب السودان
ولا عزاء للخونة والمارقين والدجالين والمنافقين والكذابين وبايعي الوهم والعائشين على أحلام الخرطوووووووووووووووووووووووووووووووم
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: وليد محمد المبارك)
|
يا وليد
شتان بين المك نمر وبين خليل.
المك نمر اولا تخطيه كان وليد اللحظة لانه غضب شديد
وما كان قدامه خيار,,اعتقد نفس الشيئ لم يتخيل
الاتراك بذلك السؤ وانهم سيعتدون على اسرهم ونسائهم.
خليل يختلف يا بابا
اولا يعرف نساه هؤلاء جيدا زي جوع بطنه
وويعرفهم كلاب يخافوا ما بيختشوا.
لا اعقد توقع مكاسب فوق ما حققه.
هنالك اخطاء كثيرة استغربت لها من قبل خليل قد اتناولها لاحقا.
ويبقى الحق بانهم شجعان جدا
فلم اتقوع رجال يدخلوا لمدينة لا يعرفونها الا هؤلاء.
يازول ديل فعلا من يقال عنهم يحبون الموت كما نحب الحياة,
سبحان الله.
على فكرة من مصادري ان خليل خسائره ليست كثيرة.
العربات المتروكة بالخرطوم لانهم استبدلوها باخرى احدث وممتلئه بالوقود!!
وبرجع لك لو امير جابر جاء بجاي سلم لي عليه شايفاك مربط ليه.
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: علاء الدين يوسف علي محمد)
|
وطبعا يا الشفت اخوك فى ورطة ما يعلم به الا الله قول كيف .. يازول معانا فى المكتب موظف بلجيكى من جمهورية بلجيكا الديمقرطية الشقيقة الزول دة ماعارف الحبة من السودان وشوف موظف فى لامم المتحدة الزول دة مفتكر انو السودان دة كلوا فى دارفور يعنى الفاشر هى الخرطوم والجنية هى جوبا ونيالا امدرمان . وطبعا فردك اخوك موت .. وانا الشلاقة ما تخلينى اديى ليك حصة فى جغرافية السودان مصحوبة بالخريطة .. وكتاب عن السودان وريتو ليك سودانيز وان الان ووريتو ا ليك الخرطوم وقلت لية يازول دى امدرمان ودة بيت ناس وليد الشفت ووليد دة مريخابى والمريخ بطل افريقيا ودى الحاج يوسف ود بيت ناس ود الصائم وود الصائم دة رشاشة لسانو طويل ساى وديك حلمية شايلة الجردل والموية قاطعة .. اها يازول المشكة هسى الزول دة انا اقنعوا كيف انو ناس حركة العدل والمساوة صلوا لى ناس ليد الشفت ومافى زول شافم زاتوا .. اقول ليه وزير الدفاع عامل كجامة((كماشة )) للناس ديل فى الخرطوم ولا الخريطة غيروا.. ولا الناس ديل جاوا البلد بى طيارت ولا عندهم كواديك.. غايتو الزول دة فى اجازة وجاى الاسبواع الجاى ...نعمل شنو هسى
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: amir jabir)
|
يا مير
قول ليه الجماعة ديل كانو ملبسين لساتك العربات كبابكه - جمع كبك-
زي ما بتقول النكته
قالت النكته:
مساطيل بتسطلوا جم المقابر
وهم في عز جر السجارة
سمعوا صوت وراهم طوالي
قبلوا لقوا حصان السواري في وشهم
قام العسكري قال ليهم:
اثبت مكانك قبضناكم بالثابته
واحد من المساطيل
قال ليه يا زول ما اختلفنا
اي قبضتنا بالثابته
وكمان اقول ليك باقي البنقو داسنو تحت الشاهد بتاع القبر داك
بس عاوز منك توريني حاجة
وصلتنا لحدي هنا كيف بدون ما نسمع صوت كرعين الحصانكيف ؟!
حصانك ده كنت ملبسو كبك*
___________________
والكبك لمن لا يعلم حذاء قديم من انتاج شركة باتا مصنوع من القماش وارضيته بلاستيكية لا يصدر اصوات عند السير به
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: Tragie Mustafa)
|
حقيقي يا تراجي شتان ما بين المك نمر وخليل
عارفة ليه
عشان المك نمر حرق الزول الضربوا الكدوس توشك
وخليل خلى الجنجويد هناك في دارفور يفعلون ما يفعلون وجانا نحن في امدرمان
بس الغلبها راجلها جات تادب حماها
بالنسبة لشجاعة الجنود الجو معاه لي امدرمان
ده كلام حقيقي وصحيح
ومعروف عن مقاتلين غرب السودان الشجاعة وما غريبة عليهم
لكن الحصل في امدرمان وقلت الكلام ده في بوست الطاهر ساتي
هو شجاعة جنود.... وغباء قواد
حاجة كده زي معركة كرري زمان
برضو كانت شجاعة جنود وغباء قواد
لكن الفرق انو القائد في كرري شجاعته كانت من شجاعة جنوده فشفعت ليه عن شعبه
انتظر موتو في تبروكته وما جرا
وخليل جرا يا تراجي
جرى عديييييييييييييييييييل كده
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: Tragie Mustafa)
|
Quote: على فكرة من مصادري ان خليل خسائره ليست كثيرة.
العربات المتروكة بالخرطوم لانهم استبدلوها باخرى احدث وممتلئه بالوقود!! |
يا تراجي ده حنك بيش ساكت يا تراجي
عربات موديل 2008 تاتشر
دي هنا في السودان مافي اغلى منها الا الهمر
والهمر هنا كلهم خمسة عربات الا يكون سالوهم وشتتو
وباقي العربات الاغلى وافضل منها
كلها عربات سحسوحة من عينة بولو وجاي
حرم المرخيات دي ما تحصلها بيهم
يا تراجي نحن حلتنا كانت في نص الضرب
شوفنا العربات فقعها فقيع البيض
وشفنا الناس جروا منها وقلعوا ملابسهم
ده ما حكو لينا يا تراجي
حضرنا جزء منو
والباقي حكو لين اولاد حلة ما سمعناه في الاخبار
وسمعناه طازة
| Quote: وبرجع لك لو امير جابر جاء بجاي سلم لي عليه شايفاك مربط ليه. |
حبابك الف
امير جا قبيل
قال هو لسع جاري وما وصل تشاد
| |
|
|
|
|
|
|
|
|
|
Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر (Re: الطاهر ساتي)
|
والله اجيبوا ليك
بخصوص البوست
لو كنت بتدخل دار الرياضة امدرمان
كان عرفت وفهمت معنى البوست ده
لكنك يا الطاهر اخوي
مسجون في دهالز الصحافة الناشفة
وما بتعرف حكمة معالجة الكوارث بنكته
عاين هنا المجتمعين وبتجمجروا في بعض منو ؟
عتاولة البورد
تراجي وعلاء الدين
والاتنين ما خرجوا من روح الفكاهة
لو كان في حكومتنا وحركاتنا كلها زول بعرف ينكت ويتخارج من الموقف بطرفة
كان كتير من امورنا اتحلحلت
وكان اتفاقية ابوجا نجحت
ما شفت جون قرنق عشان بعرف ينكت عرف يجيب سلام كيف
بعدين يالطاهر
ازمة البلد انا لا سويتها ولا شاركت فيها
انا زاتي مازوم معها البلد دي
تقدر تقول لي حابسني في بيتنا يومين ليه
_______________--
تحت تحت
بجيب ليك البكتاب خلاص
ما تخرب البوست
عارفك بتهظر
لكن قلت اهرش بيك اي زول تسوله نفسه
| |
|
|
|
|
|
|
| |
وليد محمد المبارك
على محمد على بشير
محمد عبد الماجد الصايم
Maawya Hussein
عمر التاج
JOK BIONG
الطيب عبدالرازق النقر
osman abdala
ebrahim_ali
Mohamad Shamseldin
adil amin
amir jabir
Tragie Mustafa
khaleel
حسن الجيلى سعيد
الطاهر ساتي
فيس بوك
تويتر
انستقرام
يوتيوب
بنتيريست