|
|
|
 Re: لقطات من لحظة دخول حركة العدل و المساواة لي ام درمانVideo (Re: خالد الطيب أحمد)
|
اقطع دراعى من هنا
لو شوية الناس الماشين فى الشارع دبل عارفين انو السيارات المسرعه دى للعدل والمساواه
الناس دى فاكره انو القوات دى تبع الجيش او كما قال الاخ بريمه محمد ادم العربات دى
لمن دخلت الخرطوم كانت رافعه اعلام الحركه الشعبيه .. يعنى الناس دى فاكرين انو ديل
جماعة جون قرنق جايين من الدروه او فتاشه
لانو نفس الناس ديل هم الذين بلغوا عنهم حينما بدأ قلع الهدوم والهروب الكبير
بعدين تعالوا هنا
شنو البيؤكد انو العربات دى هى عربات العدل والمساواه موش ممكن يكون الجيش او مليشيات
الانقاذ او الامن .. كيف عرفتوها انتوا ؟
وبعدين هم لامن مسرعين كدا
السبب شنو بى سرعتهم دى المنعهم يصلوا القياده العامه وقاعدة وادى سيدنا الجويه
ومنطقة امدرمان العسكريه والاذاعه
والا بس فالحين فى قبة المهدى ومياضن مسجد الخليفه والبنوك والكهرباء ؟
| |
 
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: حواء سليمان ابراهيم)
|
يا علي محمد علي
عارفين ما عارفين المواطنين ديل ما ظاهر عليهم أنهم مروعين (محور التاكتيك الإعلامي للإنقاذ خلال هذه العملية محاولة إقناعنا إنو المتمردين روعوا المواطنين الآمنين)
رد فعل المواطن دا كان حيكون ردي فعلي أنا شخصيا وملايين تانية زي، في حاجة جاية تخلصوا من الإنقاذ ولذلك فرح. وفي ناس دايرين يتخلصوا من الإنقاذ لكن ما بالطريقة دي... كيف ما عارف (مثلا ناس الإنقاذ يسلموهم السلطة في إنتخابات حرة نزيهة؟؟؟؟؟؟) وفي ناس بيؤيدوا الإنقاذ لكن خجلانين والمعركة الأخيرة دي كشفتهم علي حقيقتهم.
المهم معركتنا مع الإنقاذ طويلة. بس زي ما قدرنا علي النميري، بنقدر علي رئيس حرسه السابق (البشير)
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: حواء سليمان ابراهيم)
|
الاخت الكريمه حواء ابراهيم
لك التحيه والتقدير
هذا الفيديو والمصور بواسطه كاميرا الموبايل لهو اكبر دليل على ان هذه
الحركه لم يكن هدفها الجمهور والشاهد بان الذي قام بالتصوير شخص من المواطنين
وهو في وضع نفسي جيد وهذا دليل على ان الحركه لم تقم بارهاب المواطنين ناهيك
عن قتلهم الذي ادعاه بوق الطغمه الحاكمه , فالى متى تستمر هذه العصابه في كذبها
وتلفيقها ؟ .
شكرا حواء
good job
well done
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: خضر الطيب)
|
الاخ خضر الطيب لااتكلم هنا حسب أنتمائى القبلى ولابتوجه سياسى لكن اكتب بروح الاخوة الصادقة التى نشأنا عليها من غير تميييز
أؤومن بقضيتنا وان قلت قضيتكم جعلتكم حزء منفصل منا ونحن جسدا واحد لايقبل الانفصال هل الحل لهذه
القضية تلك الفوضى الضاربة فى كل المناحى هل يعقل ان قضية دارفور تتبناها اكثر من ثلاثة جهات من
نفس الاقليم مختلفة وهذا اول مؤشر على ضياع الحق لان كلن ينادى من وجهت نظره اخى خضر لماذا لا تتوحد
تلك المجموعات وتنادى باجندة وحقوق واحدة فالقوة فى الاتحاد وليس فى كسب فردى .
نحن فى اوج الصراع اخشى ان تتضيع ملامح بلادى
اخى خضر وطنى مسكون بالجراحات مغلوب على امره لماذا اصبحت سودانيزاونلاين ارض لتناحر الاخوان
وتبادل الاتهامات مااشده شماتت الاعداء فينا انبذوا نار الفتنة ولنعمل على لم الشمل لكى لا نصبح
مشردييين كالفلسطيينين والعراقييين ولانجد مانحارب لاجله
ودمته ياسودانى وطنا شامخ معافه
ومودتى لكل اعضاء سودانيزازنلاين
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: Nasr)
|
أول حاجة انتقي كلماتك و بلاش الكلام الفارغ دى ما شايفة لي مطرطش غيرك هنا
الحكومة كانت اعلنت بأنو حركة العدل و المساواة تستعد لمهاجمة العاصمة
فكان في تحركات للشرطة و الجيش , فالمواطنيين افتكروهم قوات الحكومة
و القوة ديو اثناء مرورهم بسوق ليبيا اتوقفت احد العربات و طلبت من صاحب محل لبيع
الفول - طلبت منو احضار ماء فاجابهم الرجل انا ما فاضي ليكم فما كان منهم الا ان اطلقوا عليه
وابل من الرصاص فأمروا بعض الشباب الحاضرين احضار الماء ففعلوا و هم في قمة الذهول لأنهم
ايضاً كانوا يعتقدون انهم من القوات الحكومية.
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: خضر الطيب)
|
Quote: لمن دخلت الخرطوم كانت رافعه اعلام الحركه الشعبيه .. يعنى الناس دى فاكرين انو ديل
جماعة جون قرنق جايين من الدروه او فتاشه |
علي ود بشير سلام يا جاااار
يا حبيب والله الفرق بين قوات العدل والمساواة وبين الجيش وقوات الحركة الشعبية وااااااضح..
لكن يا حبيب كده انت خليك مع المغاربة الجايينكم من بي غادي لي تشاد ديل
الاستاذة حواء
شكرا على الفيديو
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: حواء سليمان ابراهيم)
|
الاخت سناء
مساء النور
Quote:
و الله يا الاسمك خضر الطيب ما فهمتك قاصد شنو بكلمة (( بالليل))
لو عندك استفسار في الكلام القلته اسأل عديل من غير الحركات النسوانية دي |
افتكر مافي داعي للفهم الغلط والكلام الغلط , كنتي ممكن وبكل ادب تسأليني وبكل ادب ارد ليك
عموما انا حاتجاوز النقطه دي لانها الظاهر اتعبتك شويه ,.
كونك تقولي عندنا اولادنا في امدرمان قالوا كيت وكيت , انا بفتكر دا كلام مابسندوا منطق , يعني
اولادكم ديل كم واحد ؟ اثنين,, ثلاثه مثلا , يساوو كم لعدد الناس الشافوا القوات دي , بعدين المناسبه شنو البتخليهم يهللوا للقوات المسلحه؟
يعني انا قصدت بكلمه بالليل دي انو الكلام الانتي بتقولي فيهو دا حصل بالليل والواطه ضلام والعين
مابتميز ولا بالنهار ؟ مع العلم انو القوات دي دخلت بالنهار وكانوا قريبين جدا يعني الواحد
ممكن يشوف بوضوح , والشئ الثاني الناس ديل مسافرين ليهم اربعه يوم يعني واضح انو السيارات
دي جايه من بعيد فكلامك عن انو اولادكم قالوا دي قوليها لي واحد ماعندو حديده ...
كت اووت :
معقوله يالاسمك سناء حركات النسوان دي كعبه للدرجه دي ؟؟ لحدي مايشتمو بيهاالواحد ؟؟
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: خضر الطيب)
|
كان ممكن تقول كلامك دى من الأول بدل ما تكتب الكلمة الانت كنتبتهالأني بصراحة ما بحب الايحاءات
و الكلام الما في محلو , عموما انا اسفة
الشي التاني ما عارفة الغريب في الامر شنو , الولدين القالوا الكلام دى كانوا في ام درمان
و هم طلبة جامعة و واحد فيهم قال انا عاينت ليهم و افتكرتهم الجيش السوداني و قال ما اهتميت
بالأمر و ما اتلفت عليهم اصلاً و التاني قال ما جا في اعتقادوا نهائي انهم ناس العدل و المساواة
دى الكلام القالوهو و قالوا غيرم كتار و ما في شي بخليهم يكذبوا
الشي التالت ايه الحيخلي الناس تميز انه ديل ناس العدل و المساوة يعني جوا خاشين شايلين
لافتات مكتوب عليها العدل و المساواة , بس ما تقول لي عشان جوا مغبرين
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: nabielo)
|
ألأخ نبيل ابدى ليك من اخر كلامك
و الله كونوا مداخلتي ما عجبتك , دى ما بهمني , انا مابكتب عشان ارضي زول
ما عجبتك لأني قلت الحقيقة , انا قلت ليك الحكومة حتعمل الهي عايزاه
جيت انت قلت البشير قال ما حعمل اي سدود من غير رضا الأهالي ,, طيب و كت هو قال
كدى اومال عايزين تشيلوا السلاح لشنو ؟؟ و للا بس حاكو حاكو
انا عند رايي بعدم رفع السلاح لأنو ما في صالح المواطنيين
كلامي ما عجبك عشان قلت الحقيقة !! فعلا الحقيقة مرة , النوبيين حدودهم مع مصر
و مصر مل حتمد ليهم يد العون لأنها زي حكومة السودان عايزة تبيد النوبيين
خلينا واقعيين شوية
اما عن بقية اسألتك, الاولاد من اهلنا
اما عن انهم يهتفوا للجيش ليه دى سؤال مكن توجهو ليهم
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: حواء سليمان ابراهيم)
|
Quote: و القوة ديو اثناء مرورهم بسوق ليبيا اتوقفت احد العربات و طلبت من صاحب محل لبيع
الفول - طلبت منو احضار ماء فاجابهم الرجل انا ما فاضي ليكم فما كان منهم الا ان اطلقوا عليه
وابل من الرصاص فأمروا بعض الشباب الحاضرين احضار الماء ففعلوا و هم في قمة الذهول لأنهم
ايضاً كانوا يعتقدون انهم من القوات الحكومية |
الاخت سناء
انتي كيف بتفكي الاتهامات بالبساطة دي
ممكن تورينا مصدر الكلام الفوق ده
و لا برضوا قالوهو ليكي (اولادنا)
انتبهي الناس دي ممكن تفتكر انك نوبية مستعربة و يظلموكي
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: nabielo)
|
الكلام مافى انهم دخلوا كيف والا الناس عرفوهم والا لا
الكلام بعد داك طلعوا كييف
Quote: خليل ابراهيم يقود الطابور الذي يدخل من الفتيحاب.. و سليمان فضيل يقود المحور الذي يداهم وادي سيدنا..
وجمالي يقود طابور الإذاعة..
|
Quote: والقوة الثانية التي يقودها خليل تجد اللواء »أبوتيه« في انتظارها وعربة خليل كانت واحدة من اثنتي عشرة عربة تحترق في اللطمة الأولى وخليل يقفز.. وحرسه ينتزعون عربة من المواطن »آدم بوش« دبل كابينة يلقون به على الرصيف وينطلقون بها.
والهروب يبدأ..
قبلها بقليل كان خليل يصرخ في الهاتف يحدث قائده الذي يتجه الى الإذاعة يسأله.. ولكن الإذاعة كانت تطلق النيران من وراء لواء كامل.
والجري يبدأ من هناك أيضاً..
|
غايتو يا خليل مبروك عليك البوكس الدبل كابينه حق المواطن ادم بوش
يعنى قنعت من الغنيمه وكرسى الرئاسه فى القصر بى بوكس دبل كابينه
قرقرقرقرقرقرقرقرقرققرقرقرقرقر
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: nabielo)
|
Quote: الاخت سناء
انتي كيف بتفكي الاتهامات بالبساطة دي
ممكن تورينا مصدر الكلام الفوق ده
و لا برضوا قالوهو ليكي (اولادنا)
انتبهي الناس دي ممكن تفتكر انك نوبية مستعربة و يظلموكي |
اتهام شنو يا نبيل
الكلام دى في اتصالاتي مع بعض الاهل و الجيران سمعتو منهم و ديل اولاد صغار
ما في شي بخليهم يكذبوا
و عشان ما نخش في كلام كتير الاولاد ديل ما بمثلوا النوبة و لا ليهم في السياسة
و بعدين شنو حكاية نوبية مستعربة ؟؟؟؟؟ من متين الانتماء للعروبة جريمة و للا مصيبة
انتو بتدينو في العنصرية و بتمارسوا العنصرية بعينها
النوبيين كجنس احسن من العرب في شنو ؟؟!!! ممكن نفخر بالحضارة النوبية العملاقة و اسبقيتنا
في خلق هذة الحصارة لكن ابدا دى ما بدينا الحق انه نشوف نفسنا احسن من العرب و لا من غيرم
انا نوبية بعتز بنوبيتي و عندي النوبة زيهم و زي الجعليين و زي الجنوبيين ما في اي فرق
و مافي واحد فيهم احسن من التاني
و انا ممكن تاني ما اخش ليك في اي بوست طالما مداخلاتي بقت ما بتعجبك
و مستعدة انه اسحب مداخلاتي الفي بوستيك مع اني ما مصدقة انه مداخلاتي ما عاجباك بس لمجرد
اني ما عايزة اهلي يدخلوا في حروب لا فبل لهم بها
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: nabielo)
|
| Quote: حاولوا اقري و افهمي الكلام البتكتب قبل ما تردي |
الأخ نبيل رديت عليك فوق ما تستعجل
و لحدي هنا و كفاية ما في داعي للاهانة و للغلط , لو شايف اني ما بفهم يبقى ما تتداخل معاي
شايفة انه كتاباتنا ما حتفيد القراء في شي , لكن يا ريت توريني الما عجبك في كلامي شنو
و بقول ليك تاني النوبة ما احسن من اي فبيلة في السودان , و للأسف بعضهم شايف نفسه
احسن من العرب و الجنوبيين و الغرباويين و غيرم , الناس واحد
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: سناء عبد السيد)
|
Quote: للأسف انه النوبين يعينوا واحد جاهل زييك و يعتبروه المتحدث باسم النوبيين
|
و الله دي معلومة جديدة اني متحدث باسم النوبيين ؟
| Quote: ما شايفاك الا منافق عنصري و جاهل جايي تتاجر بقضايا النوبة على حساب ذم القبايل الغير نوبية |
الله يسامحك يا مستعربة
Quote: و ناس الغرب ما كبري عشان تستعملوهم في تحقيق غاياتكم الغير كريمة النوبيين فيهم الكثير-
ما كلهم -البكرهو ناس الغرب و بكرهوا الجنوبيين و بكرهوا باقي القبايل العربية و هم الوحيدين
اللحدي الليلة بشتموا غيرم بكلمة يا عبد و يا عريبي
|
تقولي (اولادنا) و تقولي انا العنصري يا النوبية المستعربة؟؟
يعني ناس الشرق و الغرب و الجنوب ديل ما (اولادنا) ؟؟
قلتي شنو ؟ النوبيين فيهم الكثير البكرهو ناس الغرب و الجنوبيين ؟
ديل الزيك من النوبيين الاستعربوا
الممكن يضحوا بارضهم و حضارتهم و ثقافتهم من اجل العرب
الحرامي في راسو ريشة
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: حواء سليمان ابراهيم)
|
| Quote: كل القوة الخرطوم جوه |
ياالاخو ادم تاج الدين شايفك شايل الكلمتين ديل وحايم بيهم البوستات
رائك شنو الخرطوم دى نطلع ليكم اهلها منها ونتنازل ليكم منها بعد
مااتجيهت ولقيتوها جاهزة اصلكم بتاعين جاهزة ونحن ح نمشى سنار ولا
الدمازين نعملها خرطوم تانية بس مانشوفكم بهناك
لكن نصيحتى ليكم اتعلموا السباحة اول وماتخاف الموز راقد لو قصر
ح نورد ليكم من كسلا بس بالله ادوا الاولوية للمهمشين الكانوا اصلا فى
الخرطوم ادوهم العمارات والرياض وهكذا
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: حواء سليمان ابراهيم)
|
الحبيب محمد خليل
كيف حالك
Quote: الحبيب خضر الطيب
حقيقة اندهشت جدا لرد فعل الاخت سناء الما مبرر..
بس يا حبيب الايام دي كهربة البورد عالية تقول عدل اتموها ليك مساواة..
تقول خليل اتموها ليك ابراهيم..
تقول بالليل اقولو ليك قاصد شنو ؟؟ |
الاخت سناء وضح من خلال مداخلاتا مع الاخ نبيل انها مابتميل لانو الناس تحمل
السلاح وتحل مشاكلا عن طريق السلاح , ودا راي كل الناس في كل العالم , ودي حاجه
تحسب ليها , لكن عصابة الخرطوم استنت السنه دي واعتدت على الناس في كل انحاء السودان
وهذا اصبح هو الطريق الوحيد لاخذ الحقوق ورد المظالم وماحديث البشكير ببعيد وظل يردده
دوما بانهم اخذوها بالقوه ومن ارادها فعليه ان يلجأ للقوه , ولا اعتقد بان عاقل يحكم
دوله بهذا التعدد يكون هذا منطقه لادارة هذه الدوله .
عليه يجب ان تستعد هذه العصابه لمذيد من العنف وهذا ماستحمله لنا الايام القادمه وهو ليس
ببعيد .
الاحتقان المستشري في البورد هذه الايام دليل قوي على ان الناس تعلم تماما بان السودان
ونسبة لتعنت هذه الطغمه في طريقه للصومله , وهذا مايجعل الناس منفعلين , ونسال الله ان يجنبنا
الفتن ماظهر منها ومابطن حتى ينعم الجميع بسودان واحد يسوده الامن والطمأنينه .
| |
|
|
|
|
|
|
|
|
|
Re: لقطات من لحظة دخول حركة العدل و المساواة لي ام درمانVideo (Re: حواء سليمان ابراهيم)
|
الشارع السوداني كان متباين الآراء ذلك اليوم.
لا ينكر أحد أن هناك من استقبل قوات العدل والمساواة بالترحيب والهتاف والطعام وهم يعرفون تماما أنها قوات خليل وهم مؤيدون لها تماما ومباركون لما قامت به.
لا ينكر أحد أن آخرين استقبلوها أيضا بالهتاف لكن "تقية" ونفاقا لها حتى "يتقوا شرها" كما قال احدهم حين قال لضابط يحمل رتبة "رائد" في حركة العدل والمساواة "أين أنتم من زمان كان جيتوا خلصتونا من الناس ديل"
لا ينكر أحد أن مجموعة أخرى من أبناء دارفور كانت تقف في الشارع وحين شاهدت قوات خليل تدخل الفتيحاب
"دا انتحار ... أهلنا ديل جايين يسووا شنو هنا، ما دايرين حرب"
لا ينكر أحد أن مجموعة أخرى رفضت دخولهم تماما.
لا ينكر أحد أن مجموعة أخيرة قاتلتهم حتى أخرجتهم من أم درمان في نفس الليلة.
ويبقى لكل شخص الحرية في اتخاذ رأيه وقراره لكن في النهاية رأي أنا الشخصي
أن الحروب لا تفيد وأن العنف لا يفيد
وأن الفقد واحد في دارفور أو في الخرطوم أو في الجنوب أو في الشمال
ففي البداية والنهاية كلها
دماء سودانية تسيل
لأجل ماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاخير في الحرب
| |
|
|
|
|
|
|
| |
حواء سليمان ابراهيم
يسرى معتصم
على محمد على بشير
تاج الدين عبدالله آدم
Nasr
عاصم ابوبكر حامد
Abdlaziz Eisa
بدر الدين اسحاق احمد
خضر الطيب
Kabar
سناء عبد السيد
mohmed khalail
nabielo
ياسر مكاوي
احمد التجانى احمد
القلب النابض
Tragie Mustafa
د. بشار صقر
Hani Arabi Mohamed
فيس بوك
تويتر
انستقرام
يوتيوب
بنتيريست