|
دعواتكم لزميلنا المفكر د.الباقر العفيف بالشفاء العاجل
|
|
 Re: المعتمد يعلن عن حفر قناة مائية لحماية أم درمان ...!! (Re: الطاهر ساتي)
|
يعني ناس الشمالية تاني ما يجوا أم درمان إلا بالطيارات.
وبعدين حيلقوا الموية وين للقناة دي؟؟
الفكرة الأحسن يقوموا يرحلوا أم درمان يودوها جنب ترعة الرهد أو ترعة الصافي جعفر بتاعة سندس.
يعني شارع الشنقيطي يجي جنوب جبل أولياء
وشارع الوادي يكون في الدخينات.
وقبة المهدي تكون في نص كبري جبل أولياء.
غايتو كنا بنشبع سمك.
يللا استعدوا لضريبة ترعة خليل
| |
 
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: مجاهد عبدالله)
|
Quote: الفكرة الأحسن يقوموا يرحلوا أم درمان يودوها جنب ترعة الرهد أو ترعة الصافي جعفر بتاعة سندس.
يعني شارع الشنقيطي يجي جنوب جبل أولياء
وشارع الوادي يكون في الدخينات.
وقبة المهدي تكون في نص كبري جبل أولياء.
غايتو كنا بنشبع سمك. |
يا الطاهر
خلى شماسى دا يسحب فكرتو ديى
لان سبدرات سوف يؤيدها والصافى جعفر سوف يكبر,,
ياجماعة الخير لو ام درمان رحلوها بهناك
تبقى امدرمان ابقوتة,,,
والله حظنا كل اغانى الحقيبة تبقى تبعنا,,,
يالطاهر
اسى خليل دا لو صبر شوية كدا سنتين منها يحضر كاس العالم
وما بتكون فكرة المحافظ دى موجودة عشان يحتل يحتل المطار الجديد
والله السودان دا مليات عبقريات
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: الطاهر ساتي)
|
الطاهر
ازيك يا فردة...
دي ترعة على حسب ما ورد علي لسان زمليتنا الهام مصطفى....
طيب
ح ينزلو حفر الترعة دي في مناقصة؟
مناقصة لحفر الترعة
مناقصة لتوريد قعونجات للترعة" وتكون مزودة بجهاز انذار مبكر و نغمتهابدل غاغ غاغ.. تكون "الجماعة جو... الجماعة جو".. ويسمعو بيهم الدياشة ويجو يوروهم المكشن بلا بصل
مناقصة لتوريد و توليد الباعوضة من قبيلة الانوفليس. وتوجيهها اليكترونيا لقرص الاعداء المتمردين ولاد الزيناالمرابطين علي تخوم البقعة....
مناقصةلتوريد تماسيح بالترعة " التماسيح من ضمن الخطة الدفاعية... عشان لما يكون الجماعة مطنشين..ونامين والمتمردين يجو... تقوم عليهم التماسيح وتبلعهم جب و جب".....
والله يا حليلكم !!!!
غايتو الحارس الله والمغتي الله
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: فدوى الشريف)
|
الطاهر ساتي سلامات
بالله عليكم معقول في زول تقدم بخطة مثل هذه؟؟؟
انا ما مصدقة!!
وتقول لكي كفآت ومناضلي كي بورد لو ده مستوى تصريحات مسؤلينا
ما له حق خليل يرسل لهم شفع لو فعل فعل؟؟!!!
ويا شمشاي يابلغته في دي وقد تكون هي الهدف:
| Quote: يللا استعدوا لضريبة ترعة خليل |
و الهدف الاقرب للحقيقية ان هؤلاء التماسيح تماسيح الجبهة
مافي حاجة ما بطلعوا فيها بثروة,يعني حتى هذه الكارثة
في كم واحد فكر كيف يهفت من ورائها هفتي الجن.
ونتيجه للقة المائيه حول امدر مان تظهر عمارة بعشرات الطوابق بماليزيا
باسم المعتمد اياه زي عمارات عوض الجاز بهناك!!
لكن ابشرهم
وحياتكم قبل ما تبنى طاحونة ساي انتو حتتكشحوا.
وليدات ناس خليل لسان حالهم بيقول
مادام عرفنا الدرب البمسكنا ثاني منو؟؟؟؟
يعني خليل ذاته ممكن يعصوه امام اي قصف لاهلهم
ممكن تجدوا شوية انتحاريين وصولوا الخرطوم.
فاليكفوا عن ظلم خلق الله
ويرحلوا عن حكمنا غير ماسوف عليهم.
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: الطاهر ساتي)
|
..
.
يا جماعة فى اتصال من المعتمد وسؤاله عن هذا المشروع الهام
قال دى ذات النطاقين .. ويقصد انها ذات نطاقات متعددة .. 
النطاق الاول حماية البوابة الغربية من ابناء دارفور وتشاد
واحتمال تمرد المسيرية وخطورة اتحادهم مع الدينكا ..ان اصبحوا كيان واحدمما
يهدد للمدينة الوطنية..
النطاق التانى هى سياسة تخضير الصحراء ,, اتباعا لنهج الاخوة فى ارض الكنانة
بتخضير الصحراء الغربية مد الترعه والكنارات حتى شمال الابيض وهنا تنبثق ف:وائد اخرى منها
ان تحل مشكلة العطش فى مناطق سودرى والحمرة حتى مدينة الابيض ..؟
الثانية ان تحاط امدرمان بحزام اخضر شاسع لوقف التصحر والزحف الصحراوى
ثالثا هذه الترعة تتخلللها اماكان سياحية من الداخل ( داخل امدرمان محمية من الهجوم ) كما تجمل
العاصمة الوطنية والمطار الجديد ..
يا جماعة الفكرة جميلة .. بس بتحتاج لاستقطاع راتب شهر من كل موظفى الدولة وزيادة ضريبة الدخل
والضرائب على شركات القطاع الخاص وموظفيهم ..
___________
الطاهر ما دام اديتنا برمشن
اها قزازك بنكسرو ليك
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: نصر الدين عثمان)
|
الطاهر ساتي
ياخي دي فكرة كويسة
نحفر ترعة ونملاها بي الخرا بتاع اليونان
ويكون شعار الحملة " تحصين ام درمان بخرا اليونان"
ويجي عمر البشير يعرض في الافتتاح
ويقول ليهم, هيع انا جبل الهرار الما بنطلع,
ولا اقول حاجة, ما تجي نسقفها بالمرة ونرتاح
ان شا بي عرش بلدي اهو بالمرة نرتاح من المطر
, لكن المشكلة نلقى ليها سباليق وين
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: الطاهر ساتي)
|
الفكره هي تحويل مجري النيل الي غرب امدرمان...
و و بعدها نحن الغرابه نأتي و نبني بيوتاتنا غرب مجري النيل الجديد...
و نعيد الهجوم مره اخري لنتوقف عند الكباري الجديده,,, و هكذا يفكر الوالي في تغيير مجري النيل مره اخري الي غرب امدرمان ,,, و للهو ضمنيا كردفان,,,
رويدا ... رويدا,,, نلقي النيل في دارفور... و اتحلت المشكله...
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: Adil Isaac)
|
بالله عليك يا طاهر ساتي عاوزك انت او اي واحد يقدر يجاوبني على الاسئلة البسيطة دي !!
المتعافي ده منو ...ومنصبه شنو !
وزير دفاع ...ولا موارد مائية ,, ولا زراعة ..ولا كباري وسدود .
كمان سؤال عابر ... امدرمان دي واقعة في ياتو ولاية!!
والاصل في الحكومات الكتيرة دي منو ؟؟ الحكومة الاتحادية ..ام الولائية !!
وسؤال اخير ... ممكن اضيف تعليق ... ؟؟
احتمال ان قوات حكومة ولاية الخرطوم عندها مقدرات عالية في حماية الكباري والسدود ونجحت في حماية العاصمة (الخرطوم ) ولذلك استوجبت الحالة والتجربة اقامة النفق المائي وبناء الحسور لكي تكون الولاية مفصلة وفق امكانيات القوات المكلفة بالحماية !!
وتقدر تقول ان الحكومة عندها استراتيجيات بعيدة المدى وبعد نظر فعملت على ازالة الحزام الاخضر قبل اتفاقية ( نيفاشا ) وبدلت اسم المنطقة واقامت (الانقاذ) عشان ناس الحركة الشعبية عندهم تجارب ومقدرات عالية داخل الغابات ..
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: الطاهر ساتي)
|
| Quote: Re: المعتمد يعلن عن حفر قناة مائية لحماية أم درمان ...!! |
يبدو ان تجارة بناء الجسور والسدود مربحة جدا ولذا يري المعتمد بناء مانع مائي يليه بناء جسور
الا يقرء هؤلاء ابدا؟؟؟ والمعلومة والمعرفة تتوفر في زماننا هذا لمن اراد .. مانع مائي لمنع الغزو بانواعه (انقلاب - مخدرات ..الخ) وفي هذا الزمان ؟؟؟؟عجبي
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: الطاهر ساتي)
|
ولكن ... الشعب عملاق ..!!
** كنت أظن بأن المعاناة تولد الابداع .. وهكذا يظن الجميع تقريبا .. ولكن خاب ظني وظن الجميع تقريبا .. فالمعاناة لم تعد تولد الابداع في بعض أجهزة بلدي الرسمية ، بيد أنها أصبحت تفرخ في بعض عقول تلك الأجهزة الرسمية أنواعا وأشكالا من الأفكار والأعمال التي لا علاقة لها بالابداع .. ولأن الحال العام يمر بمنعطف تاريخي خطير - أو كما يصفونه عقب كل فاجعة - ليس أمام من لايملك القرار- مواطنا كان أو صحفيا - غير تشجيع أى فكر أو عمل غير مبدع صادر عن أية جهة رسمية ، هذا أو الصمت المطبق .. هكذا يجب أن تتخذ احد الخيارين عزيزي القارئ ، اما تشجع - أية فكرة غير مبدعة - بتطرف ، أو تستمع اليها بدون نقاش ، أي « تاكلها في حنانك » .. شخصيا وبكامل قواي العقلية اخترت الخيار الأول حين قرأت حديثا طازجا للسيد معتمد أم درمان عقب المعاناة التي شهدتها محليته في الأسبوع الفائت .. معاناة أم درمان لم يتولد منها ابداع بعد ، ولكن تولدت منها احدى بنات أفكار معتمد أم درمان .. نحدق في الفكرة ثم نشجعها بلا تحفظ عملا بأحكام مادة المنعطف التاريخي الخطير الذي يمر به الحال العام ...!!
** الفكرة .. الفاتح عز الدين - معتمد أم درمان - يبشر أهل البقعة بتنفيذ مشروع حفر قناة مائية - ترعة - حول المدينة من جهتها الغربية ، لتصبح أم درمان جزيرة عصية على المتمردين وتجار التهريب وعصابات المخدرات .. هكذا - بكل سهولة - يبتكر المعتمد أفضل وسيلة لحماية محليته من أى اعتداء غاشم .. تمام .. فكرة رائعة لم يسبقه عليها انسان ولا جان غير سيدنا سليمان الفارسي - رضي الله عنه - في غزوة الخندق .. ولكن معتمدنا طور تلك الفكرة ، حيث خندق الفارسي - رضي الله عنه - لم يكن به ماء ، ولكن خندق الفاتح عز الدين به « نيل عدييييل » ، وهنا تكمن قمة الابداع الخلاق والخيال الواسع .. نبارك هذه الفكرة وندعمها بالمزيد من المقترحات حتى ترى النور .. ويسرنا جدا أن نرى البقعة في المستقبل كما نرى اليوم بدين و توتي ومقرات محليا و كناري ، مالطا ، القمر و صقلية عالميا .. هذا من دواعي سرورنا التى لن نشكر عليها حركة خليل ولكن نجزل الشكر لخيال معتمد أم درمان .. ومن أجل جزيرة أم درمان الكبرى هيا نقترح ..!!
** تفريع النيل الأبيض من الحدود الجنوبية للمحلية بحيث يصب الفرع في النيل الرئيسي سيشكل في جغرافية العاصمة - بكل سهولة - محلية جزيرة أم درمان .. بعد التشكيل مباشرة يجب فرض رسوم على المعلمين والمزارعين لبناء جسر في المرخيات لتسهيل دخول بصات دنقلا والأبيض ، وهذا الجسر سوف يساعد أيضا موظفي المحلية على تحصيل الرسوم من تلك البصات التى يتهرب بعضها اليوم من مكاتب التحصيل لعدم وجود مانع مائي .. بعد الجسر، يجب فرض رسوم اخرى على المغتربين لاستيراد تماسيح العشاري من بلاد نهر الأمازون ، ربما يغامر بعض المتمردين أو تجار التهريب والمخدرات بالسباحة نحو البقعة ، وهنا تصبح التماسيح خير وسيلة لمكافحة المغامرين .. بعد جلب التماسيح ، يجب فرض رسوم أيضا على التجار والطلاب لانشاء أكبر سد في نهر الفاتح العظيم ، ونحذر سكان كردفان - جيران أم درمان من الناحية الغربية - من مغبة رفض السد .. هكذا نقترح لتطوير الفكرة التى نشجعها مكرهين امتثالا للحكمة الشعبية ..« التشجيع ولا صمة الخشم » ...!!
** و....
** بكل جدية .. احدى أزمات هذا البلد هى أن الوعى الرسمي لم يكتشف بعد بأن الوعي الشعبي أكبر منه طولا وعرضا وارتفاعا ... هذا الشعب عملاق بعقله ، فاحترموه ....!!
http://www.alsahafa.sd/Raay_view.aspx?id=48470
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: الطاهر ساتي)
|
مقترحات
1 / حتى لايختلف الناس حول الاسـم اقترح واحد يطلع لينا باسـم
يشــمل ( الخندق , الترعـة , القناة المائية ), ويكون ليهو
جائزة التسـميه
2 / ما دام اغلب الناس معارضين للشيء المائي الح يتعمل غرب أمدرمان
نقـول ليهم التجارب الحديثـه بنــاء حــــــااائـــط ( ما شـافوا
اســرائيل بتعمل في شــــنو ), هــو برضـــو عنصـــري .
3 /مقترح الحائــط دا لزوم رفــع اســعار الأســمنت
| |
|
|
|
|
|
|
|
|
|
Re: المعتمد يعلن عن حفر قناة مائية لحماية أم درمان ...!! (Re: nadus2000)
|
من الذي أخبر المعتمد بأن أي قوات عسكرية لابد أن تأتي عبر أمدرمان
إذا إستمرت هذه السياسات الرعناء فالقوات قد تأتي من كوستي ، بحري أو من فوق
بعدين حتى لو زول فكر يجي من أمدرمان بيجيب معاهو قلاب خرسانو بس .. يردم القناة و يعبر
و حتى ذلك الحين سنظل ندفع تكلفة حفر ، تشغيل ، ضخ المياه في قناة المتعافي هذه
و ربما مرتبات أعضاء اللجنة العليا للقناة ، و متحرك سلمان الفارسي للمرابطة خلف القنوات
معتمد أمدرمان لو كانت لديه قروش محرقة روحو فليحل بها مشاكل المياه في غرب أمدرمان
| |
|
|
|
|
|
|
| |
الطاهر ساتي
نصر الدين عثمان
doma
Waeil Elsayid Awad
ناذر محمد الخليفة
الصادق ضرار
Ahmed musa
khaleel
abuguta
سجيمان
nadus2000
فدوى الشريف
Tragie Mustafa
عاصم ابوبكر حامد
حيدر حسن ميرغني
Frankly
ود محجوب
elsawi
amir jabir
صلاح أبودية
خالد حاكم
Marouf Sanad
nabielo
عبد الله الشيخ
Kostawi
عبد المنعم سليمان
elnawrani margan
Mahjob Abdalla
welyab
abubakr
MOHAMMED ELSHEIKH
Nasr
صلاح شعيب
Hisham Ibrahim
فيس بوك
تويتر
انستقرام
يوتيوب
بنتيريست