|
دعواتكم لزميلنا المفكر د.الباقر العفيف بالشفاء العاجل
|
|
 Re: طرائف وحكاوي المساح الذي لن يرتاح...!!! (Re: عبدالكريم الامين احمد)
|
المفارقات والبلاوي التي تجعل تضحك عاليا تضج بها عوالم المساحة وقد بداء لنا هذا الامر باكرا في تدريب الميزانية وقياس اللفل في شارع النيل وذلك الجدول العجيب الذي قيل في الاثر بان بعض الفتية من المساحين قد بداو قياسات انطلاقا من النقطة الموجودة خلف التاور في الكلية وحتي كبري النيل الازرق وفي المعتاد ان ياتي (الايرور) في حدود (الملي مترات) ونيف...ولكن الجموع المساحية التي كانت راسها دايش من استخدام اللفل والقامة وتلك الاشياء التي كان الراحل حاج الباقر من يوضبها... بدل (ملي مترات) ونيف اتي هولا النشامي بايرور يساوي ما يقارب الكيلو لووووول..
| |
  
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: عبدالكريم الامين احمد)
|
معقول يا كيكي
يعني عايز تقول لي انكم كنتو بتقيسوها بالجد!!!!!!
يا اخوي نحنا كنا "بنطبخها" ، ومن قبل يوم كمان
وطبعاً الطبخة لازم تكون مبنية على ارقام شبه حقيقية ، لانو عمك حاج الباقر ربنا يرحمه كان عارف مكان الطلعات والنزلات
يعني تكتب النتيجة بي الإرور بتاعها بعدين تعمل باكوورد للتيبل حق القراءات
اي واحد حاول يعملها "حقيقية".........رسب
المنبر العام حاصل ليهو شنو يا كيكي؟
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: الشفيع وراق عبد الرحمن)
|
Quote: معقول يا كيكي
يعني عايز تقول لي انكم كنتو بتقيسوها بالجد!!!!!!
يا اخوي نحنا كنا "بنطبخها" ، ومن قبل يوم كمان
وطبعاً الطبخة لازم تكون مبنية على ارقام شبه حقيقية ، لانو عمك حاج الباقر ربنا يرحمه كان عارف مكان الطلعات والنزلات
يعني تكتب النتيجة بي الإرور بتاعها بعدين تعمل باكوورد للتيبل حق القراءات
اي واحد حاول يعملها "حقيقية".........رسب
المنبر العام حاصل ليهو شنو يا كيكي؟ |
هلا يا الشفيع وحبابك يا هندسة
والمنبر ياخي والله ماعارف الحصل عليهو شنو
ويبدو بانو هنالك مشكلة حقيقية لانو في العادة بكري بكون نائم زي المواعيد دي
ونتمني ان تكون العواقب سليمة...
والطباخة يا الشفيع بيني وبينك حاصلة حاصلة (الحكاية بكون فيها ترس تقيل)
رغم انو الطبخ ممكن يودي التوج زي الجماعة الطبخو المسالة الكانت اجابتها (سغما) العاملة زي الستة ديك
طبخوها وخلو الاجابة (5.99) 
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: عبدالكريم الامين احمد)
|
الطبيخ ده يا كيكي ادربنا عليهو من سنة البرلم
من قانون اوم اساهل داك ، والمشكلة كل الاميترات ما بتشتغل الا تديها خبطة
يعني تلقاهو قاري ليك 4 امبير ، تديهو خبطة يقرأ ليك 12
بالله تعمل شنو غير تطبخ
يا تطبخ يا ترسب
وعندنا تجربة ما عارف في سنة كم عن Hysteresis Loop والمفروض يجيك القراف في شكل صفقة
واتذكر كان معاي في التجربة دي صديق الاصم وعمر الدقير
طلعناها ليك صفقة زي ما الله خلقها
صديق قال لينا غايتو با عينونا تيوترات يا رفدونا
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: محمد عبدالرحمن محمد)
|
Quote: كيكي الحبيب وودعمي الشفيع،
أماني ما عندكم سماحة منبر!
بركه العام داون الخلاني جيت تاوق بي هني!!
وتاني ياني الماني مارق وحردت العواره الحاصلي بي
غادي ديك |
هلا يا محمد عبدالرحمن وحبابك يا الما كيكي
واليوم الحار هو مدهش دوما وانا زاااتي كنت غايب منو والليلة اشتقت للربع او كما يقول اهل الخليج
ويبدو انو المقام سطيب لنا جميعا بجاي
واخير لينا فعلا من العجاج والكبع واللبع والخنق الشلاليف المتطايرة بهناك ديك
لووول
وتحياتي يا محمد عبدالرحمن محمد . الما كيكي
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: عبدالكريم الامين احمد)
|
Quote: ومعليش يا شباب حناخذ رسوم وقبانة ولو زول ما دفع حنسوي شغب واحتمال نعمل معاه كركبة ودشمان في الحلبة بتاعة المنبر العام
|
يا كيكي ياخ براحة علينا قبانة شنو ياخ ؟ انتو اتفاقية جنيف لحماية اللاجئين وحقوقهم ما سمعتوا بيها ولا شنو ؟ عموما للضمان كدي معزوم معانا باسطة ولبن من النوع البيحبوه اخوانا انصار السنة.. اها المراقة دي كيف معاكم ؟!!
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: عبدالكريم الامين احمد)
|
أهلاً بي سرنا وِليد عبد الرحمن والبدري
يا ناس البيت بيتكم
اخدو راحتكم وما تسمعو كلام كيكي ده
الدروينق يا كيكي ده موضوع تاني خااالص
طبعا انتو ما حضرتو الارهاب بتاع "علي يوسف"
كان في المعمار بورد كده "سحري"
فيهو لمبات من تحت
ومصمم "للتتريس"
كان مريحنا ليك شديييد
طبعاً كنا ننتظر لامن "علي سيوري" يخلص وبعدين نمشي نترس منه
والله كانت ايام لا تنسى
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: الشفيع وراق عبد الرحمن)
|
جنا الوراريق أهل القبب،
بديت سمِّح:
Quote: أهلاً بي سرنا وِليد عبد الرحمن والبدري
يا ناس البيت بيتكم
اخدو راحتكم وما تسمعو كلام كيكي ده
|
يلا تقوم تطردنا بالبارد:
Quote: الدروينق يا كيكي ده موضوع تاني خااالص..
|
وهلمجرا!
قايلين الدروينغ الليلكن دا ما درونا ولا شنو؟
والله كان عندنا كورسات [ هندسه] زي الحلاوه!!
شابكننا دروينغ و[تريس]!!
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: محمد عبدالرحمن محمد)
|
Quote: والله حقيقه يا كيكي العجيب،
ياخي ديك هباله لا مواخذه ما أنزل الله بها من سلطان
ما تلقالك شي يفتح نفسك الا ما ندر خصوصاً اليومين ديل
الحاصل شنو ما بعرفو..
غايتو ربك يهون..
محمد عبدالرحمن [المطرطش]! |
هلا يا ابوحميد
وتبري انت ياخ من الطرطشة فحقو تقاسم اخونا عبدالكريم احمد في الما كيكي دي
فهي منحة كيكية وعربون صداقة اسفيرية نتمني ان تدوم..
المنبر يا محمد بقي ساحة للاحتقان والخطاب المتهتك والتفسخ اللفظي والعصف الذهني الخرب..
وفي الزمن الذي يحتاج فيه الوطن الينا جميعا نجد انفسنا هالكين للزمن والباندوث في الدشمانات ورغبة الانتصار للذات والمكابرة التي
لا تنفع وتضر بدور المنبر الذي يجب ان نفاخر به الامم
ولكن يبدو بان الحال في الواقع وفي الاسفير كلو طين في طين
والناس محبطة وقايم ليها كك في راسها وجاية تفكها في باندوث بكري ابو صلعة المسكين ده
ودمت يا الما كيكي
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: ابراهيم محمد الحسن)
|
Quote: إنشاء الله المنبر العام (يسكروه) إلى أجل غير مسمى ،،
والجابك ،،
يجيب أبو الخل ،،
(وش شمتان ،،) |
هلا ياهومي
وبيني وبينك الواحد بكتب حسسع وهو خجلاااااااان لوووووول
واعتبرني ياخ من العائدين واعتبر اللاستفتاء حصل والانفصال رجع الطيور الراحلة الي ديارها
ودي القعدة يا هومي واليوم الحار wayeeeeeeeeee
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: عبدالكريم الامين احمد)
|
Quote: المنبر يا محمد بقي ساحة للاحتقان والخطاب المتهتك والتفسخ اللفظي والعصف الذهني الخرب..
وفي الزمن الذي يحتاج فيه الوطن الينا جميعا نجد انفسنا هالكين للزمن والباندوث في الدشمانات ورغبة الانتصار للذات والمكابرة التي
|
ما قلت الا الحقيقه يا صاحبي الجميل..
وبعدين ماخدين المسأله كأنما هي شغل [مراهقين] للأسف
وما دروا أنهم يقذفون انفسهم لدرك أخشى ألا منجاة منه..
ربنا يهدي الجميع..
__
ياخي معليش علي الازعاج وواصلوا نضمكن اب لهجاً طاعم!!
| |
|
|
|
|
|
|
|
|
|
Re: طرائف وحكاوي المساح الذي لن يرتاح...!!! (Re: علاء الدين محمد بابكر)
|
العزيز كيكي و ضيوفة الكِرام
تحياتي, و الف مبروك اختيار قطر لمنديال 2022
ضحكت كثيراً عندما صرح احد المسئولين السودانين قائلاً
ان السودان سوف يُسَخِر كل امكانياته لانجاح هذه الفعالية
بانتظار كثير من الطرائف و الحكاوي
و اليكم هذه الحكاية الطريفة
في عام كم كده ما عارف و بمدينة عطبرة حيث التدريب لطلبة السنة الثالثة
اصدرت الجبهة الديمقراطية عدد من جريدة المتاريس الحائطية التي تصدرها الجبهة
الديمقراطية بالكلية ... و كان ان اقتربت احدي الغنم و اكلت جزء من الجريدة
فقال محمد الحسن عثمان (الداف) و عضو البورد الكسول
الغنم ديل ما عارفين انو نحن قادرين علي الدفاع عن منابرنا
اي غنماية تقترب من جريدة المتاريس سوف نتعشي بيها
| |
|
|
|
|
|
|
| |
عبدالكريم الامين احمد
الشفيع وراق عبد الرحمن
محمد عبدالرحمن محمد
البدري عبد الله
ابراهيم محمد الحسن
علاء الدين محمد بابكر
Hamid Elsawi
فيس بوك
تويتر
انستقرام
يوتيوب
بنتيريست