لو ما كنت سوداني..موضوع للنقاش

Quote: بعيدا عن الكورة: غصبا عن عين الكتب الموضوع ده نحنا سودانيين، وفي كتير من الفوضي عاجبانا، لكن برضو في كتير من المكتوب هنا محتاج الناس تغييرو، بالإضافة لأنو في كتير من الجاليات غيرنا عندهم صفات ازفت مننا بكتير..لا يعني اني بقيت ما سوداني معناهو حا ابقي كويس..لأن الكواسة نسبية.. يلا يا خوانا الغلط نصلحو..والعاجبنا وبيميزنا نخليهو.. ممكن واحد يصنف الصفات دي، ونصوت علي الواجب التغيير، ونبدأ بأنفسنا:

Quote: نرجع لعلاء الدين،، معاك حق الموضوع مكتوب بصيغة مستفزة جدا،، و بعض الأمور غير مقتصرة على السودانيين،،، لكن فى نفس الوقت، لازم نعترف، فى مظاهر و صفات كتيرة سالبة فعلا حاصلة فى السودانيين،، يبقى نناقش الموضوع دة بالمفروض يتعمل عشان نستعدل الامور دى شوية،، و الصورة تكون أظرف، بالذات مواصفات السودانيين البمثلونا فى الخارج،،، القصة كبيرة،،،،،

Quote: علاء الدين ،ن Quote: في كتير من الجاليات غيرنا عندهم صفات ازفت مننا بكتير.. لا يعني اني بقيت ما سوداني معناهو حا ابقي كويس..لأن الكواسة نسبية.. يلا يا خوانا الغلط نصلحو..والعاجبنا وبيميزنا نخليهو.. ده الكلام الصاح ،، والسودانيين ذيهم ذي غيرهم ،، فيهم من السلبيات ،، وكمان فيهم من الإيجابيات البتميزهم .. ويمكن إيجابياتنا أكتر .. وحتى الكلام عن سلبيات وايجابيات السودانيين ،، مفروض ما يعمم .. لأنه الصفات ليست ماركة مسجلة على جميع السودانيين .. ولا على أي جنسية أخرى .. وفعلا ،، الكواسة نسبية

Quote: بالنسبة للسودانيين البيمثلونا في الخارج ،، أي نعم هم أنموذج للسودانيين عموما ،، وهم الواجهة البتعكس وجه السودان للعالم الخارجي ،، بس،، لو الواحد ما بدأ بالتصحيح من الداخل ،، وغير سلوكياته قبل ما يطلع بره ،، فما أظن حا يغيرها بس لمجرد انه في الخارج ،، ده سلوك ينشأ ويتربى عليه الشخص ،،

Quote: علاء الموضوع مليان لدرجة انو اى حاجه قلتها جانى مثال واقعى فى بالى

Quote: علاء الدين لا بد ان نعترف ان معظمنا لديهم مشكله في مسألتي النظام و الإنضباط وتقريبا كل ما ذكر من ممارسات خاطئه لا يخرج عنهما. من الجانب الآخر لدينا غير قليل من الطيبه و الإيثار الذي جعل غيرنا يستغلهما بفهمه لهما علي إنهما عبط منا و يمكن للمغتربين إيراد نماذج من المضايقات و التنافس الوظيفي مع ما يصاحبها من ممارسات دنيئه يعف عنها اغلب السودانيين بطبعهم. مع ضحكنا علي الآخرين و رأينا الواضح فيما يفعلون من بخل و دناءه و تكسب بإي طريقه و إستهجاننا و إستغرابنا له نجحوا في المقابل في رسم صورة السوداني ككسول عبيط و لايبالي. نعم لدينا مشكلة إنضباط و نظام و لكن اري ان الادهي ان لدينا مشكلة إعلام متجذره إبتداء من المواطن العادي مرورا بالمؤسسات الرسميه. نحن احرص علي الآخرين من انفسنا و هذا جيد لكن يجب ان نميز من يستحق كثير من حققوقنا تضيع بسبب الخجل الآخرون لا يفهمون ذلك لديهم حساب الربح و الخساره و نحن اغلبنا لديهم حسابات و اولويات اخري احيانا 1+1 لا يساوي 2 عندنا هم لا يفهمون اننا نعطي كل ما نملك عن رضاء تام و نقتل بسبب الإستكرات في تعريفه. لدينا كثير من الصفات الجميله و يكفي اننا نفهم بعضنا و لدينا كثير من الصفات السيئه لكن يا اخواننا بي صفاتنا الكعبه دي لو خيروكم تبقوا ما سودانيين بتوافقوا؟ يعني تكون مغترب و مقرطا علي روحك و اهلك تشتري ستاير شقتك في الرياض علي مقاس شبابيك بيتك في امبده عشان تستعملها لما تجي نهائي تقفل باب بيتك عليك و الناس جعانين لا زيارة مستشفيات لا فواتح لا شلهته من خال لي عم لي جد تحاكم اخوك عشان قروش,القروش تطير آآآآآآآآآخ يا اخواننا نحن ما نتبسط إلا لما نبسط الناس الحولنا بالله منو العندو نفسه نمره واحد؟ تاني والله عندنا صفات جميله و اخري تكرهك لا لعدم النظام لا لعدم الإنضباط لا لإستسهال المواضيع و عدم حساب ابعاد تصرفاتنا لا للبهدله في اللبس الواحد شاعر انو ما مركز معليش لو طلعت من الموضوع

Quote: علاء وصلاح مختار مااا بتتصلح ناس لاحق شنو .. والشفقة تطير

Quote: لو ماكنت سوداني كنت استعملت البوست بتاع الكورة للكورة والكافتيريا للونسة ..

Quote: Quote: لكن اري ان الادهي ان لدينا مشكلة إعلام متجذره إبتداء من المواطن العادي مرورا بالمؤسسات الرسميه

Quote: علاء الدين ،، Quote: لو لقيت واحد سوداني ناجح بيحكي عن نجاحاتو هل بتتعامل معاهو بفخر ولا بأستخفاف؟؟ بصراحة ،، بإستخفاف ،، كلام جادي ،، اعتقد الموقف الهو بيحكي فيه عن نجاحاتو ،، بيلعب دور في حكمنا عليه ،، نفخر ،، ولا نستخف ،، (لكل مقامٍ مقال ،،)

Quote: صلاح مختار،، تستاهل الصفقة،، صف قيام، صفقوا لزميلكم صلاح،،،،،،، جلوس،،،، و الحالة ما مركز،،، هو إنت ما بتجيش ليه؟؟؟؟؟ و تانى نقول معاك،،، Quote: تاني والله عندنا صفات جميله و اخري تكرهك لا لعدم النظام لا لعدم الإنضباط لا لإستسهال المواضيع و عدم حساب ابعاد تصرفاتنا لا للبهدله في اللبس هشان مجذوب، إذن أعلن عن الفائز،

Quote: ما ياهو ده الجايبنا ورا يحكي دي نحنا بنكون شايفنها وما محتاجين للحكي يمشي طوالي يطلع للعالمية وبعد داك نحنا بنفتخر بيهو وافتكر هو لانو مستخف من نفسو اولاً عشان كده بيحكي لينا نحنا

Quote: ابراهيم..الفرضية الأنا افترضتها انو الواحد بيتكلم عن نفسو في المكان الصاح..هل بتقبل كلامو عن نفسو؟؟؟ او سؤال تاني..لو طلبنا من الناس (يعررفوا) نفسهم.. هل تعريفك عن نفسك حا تشملوا مقدراتك العلمية؟؟؟ هل حا تقول مثلا: انا قريت هندسة جامعة الخرطوم وهي افضل جامعة في زمانها.. وانا دخلتها لأني كنت من افضل الناس في الفصل.. وحاليا موقعي في العمل..كدة.. وانا باعتبر نفسي من افضل المهندسين في المؤسسة بتاعتنا.. وانا بعرف اعمل كدة وكدة وانا الوحيد البعرف الموضوع دة عشان عشان كدة بيعتمدو علي..... يعني تتكلم عن امكانياتك الحقيقية بصوت عالي.. لو واحد قدامك اتكلم عن نفسو كدة، هل حا تحترمو؟؟ ولو ادوك فرصة تتكلم عن نفسك..حا تبحث عن مقدراتك ومميزاتك وتتطرحها بنفس الوضوح؟ ولا حا تحجل وتتكبر علي الوضع؟؟؟

Quote: يا علاء الدين،، كلامك صاح فى إنو، لو فى زول فعد يتكلم عن نفسو بفخر، إحنا بنستخف بيه،، لأننا جبلنا على التواضع، و دى فى حد زاتها (فى رأيى) عادة قميئة،، لدرجة إنو ما فى زول حسه بيتكلم عن نفسو فى السودان إلا الناس المتدعين،، و للاسف ديل هم البيلقوا التقدير و الإستحسان من المدراء (مثلا)، و بالذات لو أجانب،، يبقى التواضع دة بيضيعنا، و يا ريت لو نتعلم نتكلم (بالحق) عن نفسنا شوية،، المشكلة بتكون يا...: 1. التوقيت غلط،، 2. صيغة الكلام ما مقبولة،،، الحل؟؟؟؟؟؟

Quote: علاء الدين ،، Quote: انا قريت هندسة جامعة الخرطوم وهي افضل جامعة في زمانها.. وانا دخلتها لأني كنت من افضل الناس في الفصل.. وحاليا موقعي في العمل..كدة.. وانا باعتبر نفسي من افضل المهندسين في المؤسسة بتاعتنا.. وانا بعرف اعمل كدة وكدة وانا الوحيد البعرف الموضوع دة عشان عشان كدة بيعتمدو علي..... يعني تتكلم عن امكانياتك الحقيقية بصوت عالي.. هنا اعتقد ذي ما قالت هالة : Quote: 2. صيغة الكلام ما مقبولة،،، وده البيجيب الإستخفاف ،، وممكن التعبير يكون بأسلوب مختلف لتوصيل إمكانياتك الحقيقية ،، Quote: لو واحد قدامك اتكلم عن نفسو كدة، هل حا تحترمو؟؟ لا لا ،، Quote: ولو ادوك فرصة تتكلم عن نفسك..حا تبحث عن مقدراتك ومميزاتك وتتطرحها بنفس الوضوح؟ ولا حا تحجل وتتكبر علي الوضع؟؟؟ في أحسن الظروف ،، حا أطرح مقدراتي ،، بس،، بصيغة فيها شئ من التواضع ،، (التواضع المضيعنا ،،) ..

Quote: علاء الدين موضوعك سمح بس شكلو وسط ونسات هذا البوست حيروح شمار فى مرقه ياريت لو فتحت ليهو بوست لحاله ... بحاول اذاكر و ارجع

Quote: حاج علاء لو لم تكن سودانياً.. بنا ما بنا من النقائص كغيرنا..(وان كان ما يغفر لنا اكثر مما يغفر لغيرنا) اوضاع خاطئة .. نسعى لتصحيحها.. ولكن بدون ان يسخر منا احد.. جُبل على اكثرهاجيل قبلنا نعتز به.. لهم زمان ليس كزماننا.. ولا نرضى لاركانه زعزعة.. فطرة البساطة غلبت عليهم.. فتمازجت ارواحهم.. وبالتالي تلاشت الماديات في سمائهم.. فاخترق سهم نقائهم وبساطتهم جسد هذا الواقع المادي القاسي.. فاستنكرته احشاءه ولفظته (قد تنكر العين ضوء الشمس من رمدٍ .. وينكر الفم طعم الماء من سقمِ) كائنا من كان كاتب تلك السطور.. فلا يملك حق السخرية من اهله البسطاء .. اخيه الكادح .. ابيه الراسخ كالنخلة .. جده الوقور .. امه الصبورة وان كانت انتقاداته حرصا على الاخرين الذين يساء اليهم بالدخول غير اذن.. والزيارة الى ما بعد الليل.. والحوامة في العنابر و و فهو اولى بالانتقاد حين يمس معنى نقياً في دواخل هؤلاء بكل بجاحة وسخرية.. اجل علينا ان نراعي احترام الجيل بكل مستلزماته: مواعيد..هندام .. وعي عام .. احترام الخصوصيات وعلينا ان نكسو طيبتنا بكساء وقور وعلم ثر ولكن قبل كل هذا فحين ننتقد يجب ان ننتقد باسلوب راقٍ كرقي المكانة التي نسمو اليها .. وحين ننتقد يجب ان نراعي مشاعر من ننتقدهم .. لاننا ان لم نفعل فنحن من نحتاج التبصير.. حين امر رب العزة، خير الخلق الى تغيير مفاهيم الناس قال:(ادع الى سبيل ربك بالحكمة والموعظة الحسنة) فما بالنا بما دون ذلك في كل الاطراف ورغما عما كتب: Quote: بلادي أنا بلاد ناساً تكرم الضيف وحتى الطير يجيها جيعان ومن أطراف تقيها شبع ،، بلادي الصفقة والطنبور ،، وبنوتاً تحاكي الخيل ،يشابن زيي جدي الريل، وشبالن مكندل في طريفو ودع ،، بلادي بلاد من التاريخ من ترهاقا لعند ميسنا حتى الجاي خيل ودروع بلادي أمان ،،بلادي حنان،، وناسها حنان ،يكفكفوا دمعة المفجوع ، يبدوا الغير علي ذاتهم ، يقسموا اللقمة بيناتهم ، ويدوا الزاد ،حتى إن كان مصيرهم جوع ، يحبوا الدار ، يموتوا عشان حقوق الجار ، ويخوضوا النار عشان فد دمعة ،، وكيف الحال كان شافوها سايلة دموع ؟؟،،،، ديل أهلى.. البقيف في الداره وسط الداره وأتنبر وأقول للدنيا ديل أهلي عرب ممزوجة بي دم الزنوج الحارة.. ديل أهلي ديل قبيلتي ، لما أدور أفصل للبدور فصلي.. أسياد قلبي والإحساس وسافر في بحار شوقم زمان عقلي أقول بعضى.. ألاقيهم تسربوا فى مسارب الروح بقو كلي محل قبلت ألقاهم معايا، معايا زي ضلى لو ما جيت من زي ديل.. كان ،أسفاي.. وآمأساتي.. وآذلي.. تصور كيف يكون الحال لو ما كنت سوداني وأهل الحارة ما أهلي تصور كيف يكون الحال لو ما كنت سوداني واهل الحاره مااهلي؟

Quote: مرحب بيك كمال وبكل ناس الزقازيق نحن ما زايغين بس مستمتعين بالكلام الطاعم ( زي ما بقول الكوتش محمد صديق ) واصل وحا نواصل معاك

Quote: كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق ) و ال ( غ ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ

Quote: إلى علاء الدين محمد بابكر شوف يا زول انا حدي معاك مداخلتين بس

بس ،،
الصبر ..

Quote: نمسك الموضوع واحدة واحدة

Quote: كنت ح تلتزم بالمواعيد

Quote: هل نحنا محتاجين للإلتزام بالزمن والمواعيد أم لا؟؟

Quote: كل الحالات إلا ان كان لإحقاق باطل او إبطال حق!!

Quote: ( علمت ان صوتك جميل )

Quote: وعجاج كان بيستخدم اصوات في الاورج تختلف تماما عما استعمله ابراهيم محمد الحسن ابراهيم محمد الحسن استخدم ال ( سترنجس ) وهي الكمانات ومعروف عنها انها ارق وانعم الالات في كل الاوركسترا

Quote: الإلتزام بالزمن قيمة لاعلاقة لها بمحتوي الزمن

Quote: حمد في نقطة زعلتني منك عديل

Quote: لما ابراهيم محمد الحسن طلع الالبوم بتاع المهيرة

Quote: السلام عليكم .. أخ علاء.. بود وشوق من لم يراك من قبل .. استهل رسالتى .. وبمعزة من لا يعرفك وانطباع من لم يراك ..اتواصل معك .. عبر ابحارك .. وتوقيعك على صفحات سودانيزاونلاين .. بدءاً .. أود ان انقل اعجابي الشديد بذلك البوست الذى فتحته .. بعنوان ( لو ما كنت سوداني..موضوع للنقاش) شخصى الضعيف .. الفاتح ع الله وديدي .. أحد الذين كانوا يتعاطون سودانيز اونلاين بشىء من الادمان .. ومن اوائل المشاركين مع اسرة اليوم الحار.. ودفعة هؤلاء الناس الرائعين ( ابراهيم محمد الحسن .. الكوتش .. ع الكريم الامين.. صلاح مختار.. القرود أو خليل (اليوم الحار) وبقية الكوكبة المتألقة المتأنقة..) فقدت كلمة السر للمرة الثانية رغم اني لم ارتكب جرما يقود باسمى الى الخور كما اعتاد قائد الركب بكرى ابوبكر ان يفعل بالبوستات الموسومة بعلامة عدم الرضا (جورا .. أو حقا).. كنت اتداخل باسم ( ELFATIH ABDELALA) ولكن شاءت الظروف ان نتواصل من خلال الايميل بعد ان عز الفراق.. وعن البوست أقول .. الموضوعية في الطرح .. جذابة .. التقد هادف.. تقبل الرأى الاخر يستثير فضول المتابعين .. كثر أؤلئك الذين يتابعون .. ولكن موضوعية الطرح وجديته .. تفرض عليهم المتابعة دون الدخول في النقاش.. لمعرفة كل منهم لمقدراته .. وميدانه الذى يبدع فيه.. وهكذا قبلة المهندسين .معرفتهم لقدراتهم يجعلهم الاقدر على اتخاذ القرارات الصحيحة في اقرب الاوقات للتوقيت الصحيح.. وهذه شيمة المبدعين من التخصصات الاخرى ايضاً.. الاخ المتداخل من الزقازيق .. رجل .. رائع .. متميز في الطرح .. راق في الر.. يعرف كيف يحمل الدبلوماسية بين طيات حروف.. ليتنى وجدت فرصة للتواصل معه .. لكى لا اتوقف عند.. حسن الاستماع .. والاستمتاع .. واتقدم أكثر بالمشاركة .. واتفقت معه في كثير مما ذهب اليه .. ومازلت معه .. في الاسلوب الانجع للمعالجة .. بحيث يكون الطرح عاما.. أما من خلال هذا التعاطى .. أظن ان الرد من قبل الاخ حمد .. وتقبله لانتقادات الاخ (كمال الشادى .. من الزقازيق) .. فهذه دلالة واضحة ان هناك قناعات جديدة في طريقها لان ترسخ .. اولا .. تقبلنا للاخر.. في ازدياد .. وهذه معالجة .. وطرحنا لما نراه عيوب في ثياب تعاطينا .. هذه درجة متقدمة جدا في العلاج.. فقط تبقى مناقشة استراتيجيات بعيدة المدى .. لترسيخ المعالجات في الشارع العام .. مثل ظهور قرارات من اعلى هرم الادارة في الدولة بتبنى مثل هذه المقترحات ( التى يتفق عليها) بان يبدأ تطبيقها بشىء من الحذر.. ونحن خبرنا كيف ننثر .. الاشياء في المجتمع ونجنى ثمارها.. وكثيرة هي الامثلة في مجتمعنا السوداني .. بسرعة يمكن ان يجرى فينا التغيير .. عذرا.. زمنى .. لا يسمح بالاندياح في هذا الموضوع الرائع أكثر من ذلك .. لكن.. على الوعد نبقي.. ان نستمد .. ارضاء ذواتنا .. ودواخنا .. بمتعة متابعتكم من حين لاخر.. ولى عودة .. في تعريف الانسان لنفسه.. والخروج من قمقم التواضع المخل ( كما ذكرت م. هالة) .. وهاهو الاستاذ كمال شادى يبرز كمثال حى يعرف نفسه .. بكل جرأة .. ويضاف الى نماذج سودانية سابقة أمثال .. د.كامل ادريس .. بروفيسور معز عمر بخيت .. الداعية المتفرد القرضاوي .. والقائمة تطول.. الى الامام ..اهلى قبيلة المبدعين.. وتحاتي لجمع متابعى اليوم الحار..

Quote: وش بيتلفت ،،،

Quote: كمال الشادي مرحب بك.. الإنسان مخلوق من ثنائية (الروح والجسد)، وفطرته لا تكتمل الا بالإثنين معا.. لذلك عند تعاملنا مع نتاج (الروح)، تبحث روحنا وفقا لفطرتها لصورة الجسد لتتعرف به..