دعواتكم لزميلنا المفكر د.الباقر العفيف بالشفاء العاجل
|
|
 هنا نتحاور ونتعرف على الغضو هشام مجذوب ,,,, مرحبا بالجميع
|
كم نشتاق لذلك
اهلا و مرحب به فى هذا البوست الخاص
وكمان نرحب بالجميع
هشام مجذوب رجل من الزمن السمح تشرفت كتيير و انا اتعامل معه اثناء فترة الدراسه
ولم الحظ اى تغيير فى شخصه عندما التقيته قبل ثلاثه سنين فى احدى اجازاتى بالسودان ,
رجل بسيط ... طيب القلب .... نقى
المطلوب السيره الذاتيه و المراحل العامه فى حياتك كمدخل
|
|
 
|
|
|
|
|
|
|
 Re: هنا نتحاور ونتعرف على الغضو هشام مجذوب ,,,, مرحبا بالجميع (Re: Hisham Magzoub)
|
السيره الذاتيه:
هشام محمد مجذوب احمد
مواليد الدامر 15/3/1970 (ما اكون احرجت زول وخاصه ناس الدخنه)
الاصول من مدينة الدامر وقرية التميراب(غرب الدامر)
مدينة الدامر (طبعا" الشاعر توفيق صالح جبريل شكك فى كونها مدينه ببيته المشهور يادامر المجذوب لا انت قرية تبدو بداوتها ولا انت بندر)
احبها لدرجه عجيبه وانتهز اى فرصه لزيارتها
واجد فيها راحة النفس التى افتقدها فى الخرطوم الخانقه
مدينه صغيره تقع على ضفة النيل الشرقيه جنوب ملتقى النيل مع نهر عطبره تبعد حوالى 300 كلم شمال الخرطوم
لى فيها زكريات جميله
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: Hisham Magzoub)
|
السيره الذاتيه(2):
فتحت فى منطقة شمبات الزراعه على مقربه من نهر النيل
الحقونى بروضة شمبات الزراعه والشئ الوحيد الذى اذكره هو اطلالتها الرائعه على النيل وبينها وبينه تمتد الجروف
الابتدائى:
درست المرحله الابتدائيه (الاساس للموديلات الجديده ساره انموذجا" والكتاب لاصحاب العبق التاريخى القرود وعلاء الدين انموذجا")
1- مدرسة العذبه ببحرى
2- مدرسة الحارث ابن كلده بالرياض السعوديه
3- مدرسة الدامر الشماليه
4- مدرسة الدامر الجنوبيه
5- مدرسة برى المحس
من زملائى واصدقائى فى مدرسة برى المحس والذى التقينا فى الثانوى والجامعه وتواصلنا فى الحياة العمليه
مرتضى حسن عبدالله هاشم
المتوسط فى مدرسة برى المحس المتوسطه وكان من زملائى فيها:
د. ابوبكر حسين ميرغنى(قسم المعمار)
مجاهد طه يس كيميائيه
خالد ابراهيم مدنيه
منتصر محمد احمد كيميائيه
النور جابر 87 مدنيه كان الدفعه القدامنا
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: khaleel)
|
السيره الذاتيه(3):
وجاءت مرحلة الثانوى العالى
حيث التحرر من القيود الكثيره
اولها التخلص من لبس الردا وليس اخرها حمل الكتب من غير شنطه وحرية التدخين فى المنطقه غرب البركس وعلى النيل تحت كبرى بحرى (لاصحاب المزاج العالى) انها الخرطوم القديمه التى اتاحت لنا كل هذه الامتيازات
مدرسه عظيمه مدرسه بدون اسوار
من الفصل لشارع الظلط عديل
منحتنا فرصة ان ندخل الجامعه حتى قبل ان نمتحن الشهادة
فطورنا كان فى السوق الشعبى قبل ان نعرف اسمه
تعلمنا ان نخرج فى المظاهرات بطريقه منتظمه بفضل طلبة الجامعه الذين يسعون فى اخراجنا معهم
عرفنا اركان النقاش
جبهة كفاح الطلبه الشيوعيون الاخوان انصار السنه كلهم كانو فى الاركان
كانت لدينا محاولات حثيثه للدخول الى الصفره ولكن ملابسنا كانت تفضحنا
كان بها بشر كثير 8 انهر للدفعه
فيها بدات علاقات الصداقه المستمره والحقيقيه
قربنا من الجامعه كان من اكبر الدوافع لنا للالتحاق بها
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: Hisham Magzoub)
|
| Quote: 10- المرحوم وليد جلال ميكانيكا |
نسال العلي القدير أن يرحم أخانا وزميلنا وليد
لك ولنا العزاء في فقيد الدفعة وزهرتها وِلي
فيا أسفي عليك وطول شوقي*** إلى لو أن ذلك رد شيئا
ولو سمع الردى مني نشيجي*** لما نزل الردى الا عليّا
ومنتظرينك يا هشام لتواصل ما انقطع من الحديث عن
القبول الموحد وما أدراك ما القبول الموحد ....
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: صلاح ليون)
|
بعد احلال مادة الانجليزى كماده اساسيه فى البوكسينج بديلا" للجغرافيا والادب الانجليزى (ماعدا المعمار) الناس ضربتها الجهجهه
واختلفت النظريات واحدين قالو يعملو دروب ليهم ويركزوا على الانجليزى
واخرين واصلوا فيهم ويركزوا برضو على الانجليزى لعل وعسى الناس ديل يرجعوا عن رايهم فى الدقائق الاخيره
على العموم جاءت الامتحانات وجلسنا لامتحان الجغرافيا وتفاجانا بان السؤال الاول الخريطه الكنتوريه ما فيها خطوط كنتور يعنى ما قارين كويس وبعد كدا يدخلونا فى تريكات
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: حمد محمد احمد)
|
| Quote: بعد احلال مادة الانجليزى كماده اساسيه فى البوكسينج بديلا" للجغرافيا والادب الانجليزى (ماعدا المعمار) الناس ضربتها الجهجهه |
ياخي الجغرافيا دي مادة لذيذة خلاص ،،
يعني ،، ما لذيذة شديييد ،،،،
ورغم كثرة كتبها ،،
ومقرراتها ،،
بس الواحد كا بيستمتع بإمتحاناتها ،،
خصوصا لما تركز على (الشيت الأولى والأخيرة) ،، بتاعت ناس هناية ،،،،
وتضرب معاك ....
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: حمد محمد احمد)
|
الكوتش
Quote: بالاضافه لذلك
- حمد منتظرين اللاب توب
- بندق الاسبوع القادم كما وعدنا المشاهدين |
يا كوتش يا اخوى ما اديتنى فرصه للمخارجه
زى ما قال حمد جيتنى رب
ساره
Quote: متابعييين يا هشام...
يلا واصل... رغم المشغوليات.. |
حا اواصل طبعا" ياساره لكن
ما حاولو ادونى هينت
قرود
Quote: هشام مجذوب زول خاص جدا
طيب القلب نقي السريرة
دائما هاشا باشا
جاورته في كردفان وعاشرته
اخو اخوان
ياخي انتو كلكم حلويين
يوم بتكتلو ليكم زول والله جد |
يا خلو رغم انها جيرة سنه واحده لكن مطبوعه فى الزاكره
واستمتعنا جد معاكم وكانت من اجمل السنوات العشناها فى الداخليه
صلاح
Quote: ده كان الامتحان المضحك المبكي
اتذكر كنا بنشيل معانا خيط بس ماعارف قدرنا نستعملو ولا لا |
انت عارف فى ناس خرخرو عديل اليوم داك
والمراقبين يشيلو ويحنسو
وكل زول فاكلر انو ورقتو نسو يعملو فيها الخطوط
ابراهيم
Quote: صباح الخير يا هندسة ،،،
الواحد بكدة حا يصحى من التنويم المغنطيسي ،، ويركز ،،
حا نستمتع ونحن جالسين القرفصاء ،،
مع سيرة عطرة ،،
للغـــــــضو هشام مجذوب ،،،
يلا أمتعنا يا هشو ،،، |
والله يا ابراهيم الشغلانه شكلها شائكه ومعقده
كنت فاكر انو الواحدبيكون مسترخى وهو بكتب
حمد
Quote: لكن الظروف الفنية حالت دون ذلك
هسع بقيت اكتب من البيت فقط |
يا حمد نصيحتى ليك تجهز مواضيعك من بدرى
الموضوع طلع محتاج حك للزاكره وترتيب للاحداث
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: ابراهيم محمد الحسن)
|
هشام مجذوب يا ود دامر المجذوب
هي لكن مداخلة مداخلتين كل يوم يومين
دي ما بتأكل عيش ، ما تشمت الفي بالي
بالك علينا ، جهز اسكانرك واقعد ليك
قعدة كده كاربة ، عايزين نظهر الوجه
الجميل لي 88 ، شغل القابات ده اصلك
ما حتخلي ولا شنو، هسي نحنا منتظرين
السيرة الذاتية التوثيقية تخلص عشان
نجيك بالأسئلة ، وما تخاف حتكون عبارة
عن تبادل نقلات وباصات جميلة
(مافي ضرب تحت الانكل)
| |
|
|
|
|
|
|
|
|
|
Re: هنا نتحاور ونتعرف على الغضو هشام مجذوب ,,,, مرحبا بالجميع (Re: صلاح ليون)
|
السيره الذاتيه(4):
وكان ان امتحنا الشهاده واذكر فى تلك الايام مقوله تشجيعيه من العزيز خالد محمد عمر (مدنيه 86) وهو جارنا : ان الرياضيات بمتحنو منها 3000 طالب 1000 منهم داخلين جنصصه وال 1000 التانين مستواهم ما منافس وانت حتنافس مع 1000 دايرين منهم 300 لكلية الهندسه يعنى كل ثلاثه دايرين منهم واحد ... حكم
فى تلك السنه 1988 كانت سنة سيول وفيضانات فزادت معاناتنا فى انتظار النتيجه
احيانا" اتامل فى موضوع تحديد مسار الانسان فى باقى حياته واعتماده على نتيجه جلس لها ل 10 ايام فقط وهى التى تحدد ان كان سيكون طبيبا" او مهندسا" او او او فاقد تربوى
ماعلينا ظهرت النتيجه وكان ان تم قبولنا بالجميله ومستحيله
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: sara Eltayeb suliman)
|
Quote: هشام عشان تطول الريبورت بتاعك ده
تجيبك كل صورة براها وتقول مناسبتها
ما تخاف بنذكرك كان نسيت !!!!!!!! |
Quote: هشام...
والله متابعيين بوستك...
بس زي ما قال ليون
قول لينا شوية عن الصور...
وواصل سيرتك الذاتية...
|
جدا"
الصوره دى كانت نهار يوم التخرج الاتعمل فى قاعة الصداقه
والمقصود كان تكون لناس ال civil
لكن ظهر بعض المندسين من الاقسام الثانيه
(الرجاء البحث عن فضولى)
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
Quote: الصوره دى كانت نهار يوم التخرج الاتعمل فى قاعة الصداقه
والمقصود كان تكون لناس ال civil
لكن ظهر بعض المندسين من الاقسام الثانيه
|
هشام لالا انت ذاكرتك شوية كده تعبانة
الصورة دي اصلو ما ممكن تكون يوم التخرج
ياخي الناس دي كلها شايلة شنطها وكراساتها
كدي لاحظ للصورة تاني وقول لينا المناسبة
وبديك تلميح ، لاحظ للبنات اللابسين تياب بيض
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: صلاح ليون)
|
ياليون
Quote: هشام لالا انت ذاكرتك شوية كده تعبانة
الصورة دي اصلو ما ممكن تكون يوم التخرج
ياخي الناس دي كلها شايلة شنطها وكراساتها
كدي لاحظ للصورة تاني وقول لينا المناسبة |
احتمال ما يكون نفس اليوم
افتكر التجمع دا كان عنده علاقه بالتخريج (والدليل اخوك قميصه مبهرج كيف
والولد محمد الامين لابس كرفته والجاز لابس التياب)
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
السيره الذاتيه (7):
تتصف الفتره التى قضيناها فى الجامعه من 1988 – 1993
بانها كانت تزخر بالاحداث السياسيه الكثيره
وظهرت فيها عنتريات الانقاذ
ومحاولاتها لتغيير واقع الحياة عموما" والجامعه بالاخص بالقوه
مما خلق جولات من المواجهات العنيفه بين الطلاب
وكان لايمر العام الدراسى الا وتكون هناك الكثير من الاحداث
وبعد سته اشهر من دخولنا الجامعه جاءت الانقاذ
فتغير طعم الحياة تماما" وفرضوا حظر التجول من السادسه مساء
وتوقفت جميع النشاطات فى تلك الفتره
صارت الجامعه مظلمه ومعتمه وممله فى الليل بعد ان كانت تعج بالحياة والنشاط
وتوالت علينا الكوارث
الغاء لنظام السكن والاعاشه
تعريب الجامعه و.. و.........
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
| Quote: ياليون انت بتختبر فينى |
لا والله يا هشام مجذوب بس بحاول اتذكر معاك
ناس منى خميس ونازك ومنى وعفراء ديل مالبسوا
التياب إلا يوم الكورال في اسبوع المهندس
وانا ولوي شاركنا في الغنا ايام البروفات
وحتى الاغنية بتذكرها ..
نحن في السودان نهوى اوطانا ..
وان رحلنا بعيد نطرى خلانا..
لكن انت بحكاية التخريج وما التخريج دي قاعد تشككني
ياخي في واحدين شايلين شنط وكتب ومراجع عديل كده
تخريج شنو يازول نحن بعد اخر امتحان كان اتعاهدنا
انو شيل الجريدة زاتو فيهو كلام..
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
فى السنه الاولى كانت مشكلة شهادة لندن فى قمتها
نسبه لدخول الناس فى منافسه اكاديميه شديده بسبب القبول الموحد
انقسم الناس لقسمين واشتد الصراع مع وجود لجنة عدالة توزيع الفرص الجامعيه
والتى كان يراسها خالد شيخه وطالب اخر استحضر من اسمو شندى (ما ياسر شندى)
كانت امثله لامتحانات لندن تعرض على البورد فى الاتدر لاب وخاصه امتحان الرياضيات لاظهار ضعف هذه الشهاده
وعقدت الندوات والاعتصامات
هذه القضيه خلقت حساسيه بين الناس لا يدانيها الا الحساسيه الظهرت ايام مقاطعة الامتحانات الشهيره
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
فى السنه الثانيه كان اشد ما يخيفنا مادة الدروينج مع د. التاج
وسمعنا بالماسى الحصلت للناس من هذه الماده
والدفع القدامنا ما قصروا فى خلعتنا
يجيك احمد محى الدين (مدنيه87) يديك لسته بالضحايا
ومرات يلاقيك قاعد فى بنشات اداب يقوليك فلان داك كان قاعد فى نفس حتتك دى وربت بالدروينج
وهكذا حرب نفسيه شبه منظمه
ولكن حكمة ربك ما بالغه
عرفنا ان الدروينج حيدينا ليه حاج يس (والد المهندس عباس يس مدنيه86)
ودى كانت واحده من المراقات الخلتنا نتجاوز سنه تانيه
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
بدات الهواجس تنتابنا عند اقترابنا من لحظات التخرج
هذا يحدث فى بداية السنه الخامسه
كما لو كانت السنوات الاربع الاولى من الكليه ليست معنيه بما بعد الجامعه
كنا فيها مشغولين عن ما سنواجهه بعد التخرج
لم نكن نحتاج كثير عناء لنفهم ان الحياة صعبه خارج اسوار الجامعه
وان المستقبل مجهول وكانت المعلومات متوفره من الاجيال التى سبقتنا
الغالبيه كانت بدون عمل والبعض الذى يعمل غير راضى بما يعمل
الخريجين كلهم يبحثون عن السفر الى اى مكان
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: علاء الدين محمد بابكر)
|
الواحد تسالو داير تعمل شنو يقوليك المخارجه
القصه ما كانت سفر للدراسه والمعائش فقط بل هروب من الاوضاع
ضيق وتضييق فى كل شئ
الناس ساكه قبول جامعى فى اى دوله عشان الواحد يتخارج بيه
فيزة راعى كانت الفيزا الاساسيه الممكن توصلك السعوديه
جواز من تشاد او من النيجر
الاقامه على الجواز السودانى ب 15000 ريال وعلى الجواز التشادى ب 3000 ريال سعودى
الخروج من السودان لم يكن بالامر الساهل
بعد ما ربنا يرحمك بطريق للمخارجه تصطدم بعقبة اجراءات الخروج
لازم تمشى تعمل اذن سفر فى شارع 61 العمارت
ذله شديده هناك تمشى منذ الصباح الباكر تقيف فى الصف خارج المبنى
مجموعه من المستجدين تحوم حول الصف الغرض المعلن تنظيم الصف
لكن تجد نفسك فى مواجهات استفزازيه معهم ودايرنك تكون كاسر عينيك وما ترفعها
الاحساس البدوك ليه فى هذه المنطقه انهم بيقاتلو فى الجنوب وانت يالجبان شارد من الميدان
الكارثه الكبرى كان فى كشات التجنيد بالله الواحد بقى زيو وزى الكلاب الضاله
يطاردوك ويحشروك جوا الدفار
كانت هناك حالة سفر جماعى او فلنسميه فرار جماعى
الى السعوديه والخليج وامريكا وكندا واوربا ومصر وسوريا ولبنان وكل افريقيا
انا متاكد بانو كمية الناس السافرت من سنة 89-98 بيعادل مجموع السافروا من السودان من زمن بعانخى لحدى سنة 1988
وكنا بنسمع قصص عجيبه عن الطرق البعملوها الناس عشان يسافروا
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
بعد التخرج التحقت بالعمل فى الشركه السودانيه للبناء والتشييد
ومعى زميلى وصديقى وبيرى عمار ابشوك كمتدرب لمدة عشرين يوما"
كان الراتب 1000 جنيه (واحد جنيه بالجديد) ومن ثم وجدت فرصه فى الدار الاستشاريه
والتى كنا فى بعض الاحيان نسميها سادسه هندسه
وكان معى مجموعه من اولاد الدفعه
ايهاب فريد ,عبدالقادر احمد عباس (قدوره), سعيد محمد سعيد,
حسن العبيد, عصام غندور, اميره بت مدنى, عماد احمد عيسى
بدات بمرتب 3000 ووصل المرتب حتى 18000 والكلام دا كان 94-95
ومن ثم قررنا انا وعمار ومرتضى حسن تكوين شركه للمقاولات
لمحاولة كسر حصار الوظيفه
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
هشام...
Quote: ليون
ساره
امنه صاحبة ساره
جاهز للاجابات
لكن ارجو انو الاسئله تكون متماشيه مع روح الصداقه |
هو انت خلاص انتهيت من التعارف...
انا فاكراك حا تواصل لسة...
عشان كدة قلت ما عندي اسئلة...
طيب... أول سؤال متماشي جدا مع روح الصداقة وعن الصداقة...
اتكلم لينا بصورة عامة عن أصدقاءك في فترة الجامعة...
ومن هو أول صديق ليك في الجامعة؟
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
رمضان
يناير 1997
ركبت الخطوط الهولنديه كانت مشاعرى متداخله
الم الفراق (زى ما قال ابراهيم عوض) وحلم الصبا (زى ما قال سيد خليفه)
رافقنى فى هذه الرحله الصديق المرحوم ود البلد هيثم حمد (مدنيه 90)
الفكره الاساسيه والتى كان لا يخالجنى فيها ادنى شك
انها رحلتى الاخيره وان لا عوده مره اخرى
بعد رحله طويله وصلنا الى الجانب الاخر من المحيط
كان فى استقبالنا اخوه اعزاء
كان شتاء" قارصا" فاجتمعت الغربه مع الثلوج فزادت علينا ال Homesick
من اسوا الاشياء بداية الغربه فى فصل الشتاء فى تلك البلاد
وتظهر عربية محمد الصائم
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
اوكي واصل يا الحبيب
Quote: قلت انا جاهز للاجوبه
يعنى فى كل الاوقات
لذا استعملت صيغة الفعل المضارع |
مع اني ما فهتمه الجملة دي والمضارع وينو
لكن خلاص متابعين معاك حيثما كنت ....
لكن ده ما برد خطير جدا ، والاسئلة الحتجي
عليهو حتكون ساااااااااااااااااااااااقطة
هسه مصطفى جلال وايهاب ديل غاطسن في التلج ده
ياخي ده ما جهاد عديل كده ، الله يدي العافية
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
حسب ما سمعنا ان اول من جاء للجامعه كطالب فى الكليه
حسن حسين ميكانيكا اظن دفعة 83 او 84 ثم تلته اجيال واجيال
اغلب الطلبه كان يتم قبولهم قبول مشروط فى السمستر الاول
حتى يثبت الطالب الكفاءه ومن ثم يتم قبوله قبولا" نهائيا" وربما يعطى منحه
والسبب المباشر للقبول المشروط هو GPA بتاع كلية الهندسه
والطريقه العقيمه فى تقدير الدرجات
(الفيرست 7/10 وهى عند الامريكان درجه وضيعه)
واحيانا" عندما نعمل المقارنه مع الهنود المقبولين فى نفس الجامعه
والبيجو باسكور 4/4 وبجو بمنحه من بلدهم
والبتلقى مستواهم لايتناسب مع الثيرد لور (دا اذا فى ثيرد لور) بتاعتنا
مره واحد هندى من جماعة ال out of 4
4
سالنى وقالى انتو شطار كدا كيف ؟
وبتلقى جماعتنا يشرحوليهم فى المواد
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: ابراهيم محمد الحسن)
|
Quote: متابعين ومعاك وكمان مستمتعين
واصل والله يديك العافيه وانت تحاول توثق كل المراحل
بس ياريت تحاول توثيق فترة الجامعه اكثر وخصوصا >
اوقات الفراغ والبرامج الاجتماعيه و الاصدقاء وذكرياتهم
وكمان رحلة جبل اولياء وووووو اى حاجه بتقدر توثقه افى تلك الفتره
عنك وعن اصدقائك و حياتك
واكيد معاك و بنرجع ليك |
يا كوتش فترة الجامعه فتره مليئه بالاحداث
وساحاول ان اجمعها من الذاكره
| |
|
|
|
|
|
|
|
|
|
Re: هنا نتحاور ونتعرف على العضو هشام مجذوب ,,,, مرحبا بالجميع (Re: Hisham Magzoub)
|
Quote: مع اني ما فهتمه الجملة دي والمضارع وينو
لكن خلاص متابعين معاك حيثما كنت .... |
دا سؤال وجيه جدا"
Quote: لكن ده ما برد خطير جدا ، والاسئلة الحتجي
عليهو حتكون ساااااااااااااااااااااااقطة
هسه مصطفى جلال وايهاب ديل غاطسن في التلج ده
ياخي ده ما جهاد عديل كده ، الله يدي العافية |
بالله ياليون دفئ السؤال ولزه
عشان ما تعوقليك زول
هو ايهاب فريد دا خلى شغل البترول وجرى للسيفل تانى مالو
ما عشان جنس الحاله دى !!!!
| |
|
|
|
|
|
|
| |
صلاح ليون
Hisham Magzoub
sara Eltayeb suliman
khaleel
ابراهيم محمد الحسن
حمد محمد احمد
علاء الدين محمد بابكر
فيس بوك
تويتر
انستقرام
يوتيوب
بنتيريست