دعواتكم لزميلنا المفكر د.الباقر العفيف بالشفاء العاجل
|
|
 حاجات تغيظ
|
سلام عليكمياناس اليوم الحار كيف الحال....الموضوع ده فكرته انو يوميا بتمر على الواحد مننا مواقف جد بتغيييييظ لكن فى الغالب
مابقدر يعبر عن شعوره فى نفس لحظة الموقف عشان كده اتمنى انى بمشاركتى المتواضعة دى أقدر أعبر عن المواقف دى وادى فرصة ليكم
كمان وكلنا نستفيد
|
|
 
|
|
|
|
|
|
|
 Re: حاجات تغيظ (Re: Sahar Tageldeen Elsheikh)
|
حابدأ أنا اول بسرد مواقف بعضها حصل لى وبعضها شاهدته والباقى اتحكى لى...
1- لما تكون راكب المواصلات الصباح ومحصل مواعيد شغل وفجأة يظهر شرطى مرور ويوقف الحافلة الانت راكبها وطبعا مساكيين الركاب لا حول لهم ولا قوة يعنى بدون سبب ياخدو عقوبة جماعية ويتلططعوا لحد ماالسواق يحنننس شرطى المرور ......يعنى بالله لو كان الحل أنو المخالفات دى تترصد بكميرات مراقبة ولمن يجى صاحب المركبة يرخص يمنعوه مش احسن؟
2- لما تكون ماشى فى الشارع برجلينك ونظرك كله متجه ناحية الأرض ومشمر عن هدومك وده كله لى؟عشان خايف توطى ليك فى سفة تمباك ولا تفة ولا موية صرف صحى والغريبة انك فى نص العاصمة .....
3- لما تكون راكب المواصلات وفى أمان الله فجأة تسمع صوت واحد فى اخر الحافلة بتكلم فى الموبايل بأعلى حسه ويقطع ويقص فى الشمارات والحافلة كلها مركزة معاه لأنو مافى حل تانى فارض نفسه
4- لما تمشى لى أى مصلحة حكومية عشان عندك ورق ولا شى ويلطعووووووك عشان مفروض تدفع رسوم فى الخزنة وناس الحسابات قافلين المكتب اكتر من نص ساعة بفطروا ومش بى فول لا والله بسمك يعنى أول مايفتحوا ليك الباب تقرب تغمر من ريحة السمك وكان مااافصفصوا سمكة سمكة الا تجى بكرة
5- لما تتفق مع زول لى شغل نظير مبلغ معين وتقوم تكمل ليه الشغل بضمير يقوم يجى يستلم ويقول ليك والله بس حصلت ظروف لكن يومين تلاتة بلكتيير بجيب ليك قروشك...ومن دييك وعييك
| |
|
|
|
|
|
|
|
|
|
Re: حاجات تغيظ (Re: Sahar Tageldeen Elsheikh)
|
9- لما تقطع الكهربة عندك فى البيت مع انو الجماعة عملوها دفع مقدم يعنى مشتريييها من حرر ماالك تقوم تضرب لى ناس البلاغات
يقولوا ليك والله عاملين تخفييض تقول ليهم يعنى شنو مافاهم؟يجيك الرد والله الشبكة الضغط عليها كبييير فقمنا شلنا بعض
الخطوط ,تقوم ترد لاكن أنا دافع مقدددم عشان انا ارشد مش انتو.....طبعا ماحيفهمك غالبا ويقرب يقول ليك كان ماعاااجبك
10- لما يجيك خبر بكا حااار والمرحوم شاب أو شابة فى ريعان الشباب تقوم تمشى طوالى بيت العزا وكان كنتا برة تعاين لى هدومك
بتناسب البكا ولا لا يعنى كان لابس ليك لون احححمر ولا ليموونى تقوم تتحرج ترجع بيتكم تغير وتمشى أول ماتدخل بيت البكا تقول
أكييد أنا دخلتا غلط النسوان ديل الوحدة لابسة تووب والله ياجماعة كأنها ماشة صبحية والريحة والمكياج....واهل المرحوم يكابسوا
فى صوانى الفطور والغدا والعشا لما ينسوا الموضوع شنو.....مش حراااام
| |
|
|
|
|
|
|
|
|
|
Re: حاجات تغيظ (Re: Sahar Tageldeen Elsheikh)
|
لما تصحى من بدرررررري ،،
وبعد صلاة الفجر مباشرة تطلع من البيت متوجه لمكتب المواليد عشان تطلع شهادة ميلاد لأسيل ،،
وتلقى الصف طويييييل ،،
ورقمك 22
وعشان مافي موضوع ،،
والزمن طويل على بداية الشغل ،،
تتونس مع جارك الواقف جنبك وتصاحبو ،،،
بعد طول إنتظار ،،
وملل ،،
وتوزيع أرقام ،،
يبدأ الشغل ،،
ويمر الوقت بطئ ،،
مع بيروقراطية بتاعين المصالح الحكومية ،،،
مرة كلام في الجوال ،،
ومرة يطلع عشان يطلب شاي ،،
ومرة ،،،
ومرة ،،،
المهم ،،
لما أخيرا صاحبك الإتعرفت عليه في الصف ،،
يطلع من الشباك وهو بيسب ويلعن ،،
ليه ؟؟
مالك ؟؟
هو طلع عنده تفويض من شخص آخر عشان يستخرج شهادات لمولودين ،،،
تعرفو الموظف قال ليه شنو ؟
قال ليه بأستخرج ليك واحدة بس ،،
طيب ليه ؟
بس كده ،،،
تمشي تاخد رقم تاني ،،
وترجع من جديد لإستخراج الشهادة التانية ،،،
وتاخد رقم تاني دي معناها تجي بكرة بعد صلاة الفجر ،،،
غايتو جنس غايتو ،،،
| |
|
|
|
|
|
|
|
|
 Re: حاجات تغيظ (Re: Hisham Magzoub)
|
حاجة تغيظ لما تصحى من النوم الصباح تلقى الكهرباء قاطعة،،،
وتكون ما كويت هدومك بالليل لانو الكهربا كانت قاطعة،،،
تفتح الابتوب عشان تشوف الحاصل تلقى البطارية ما بتشغل اكتر من نص ساعة
برضو عشان الكهرباء كانت قاطعة امبارح وما لحقت تشحنو قبل ما تنوم،،،
| |
|
|
|
|
|
|
|
|
|
Re: حاجات تغيظ (Re: Amna Mohamed Arh)
|
حاجة تغيظ (على لسان الليون ،،،)
لما الكهرباء تكون قاطعة ،،
و
Quote: فعلا الجماعة في العرضة
وعندهم واحد ممتحن شهادة .. ده من ناحية
ومن ناحية تانية ياخي تلقى الجوال قاطع
واللابتوب ما شحن والحالة بالبلاء ونحنا
معتمدين على التقنية دي في سبيل ناخد وندي |
يعني هسع الليون ياخد ،، ويدي ،،
كيف ؟؟
فعلا حاجة تغيظ ،،
| |
|
|
|
|
|
|
|
|
|
Re: حاجات تغيظ (Re: طارق الكوتش)
|
بتغاظ لما أكون تعبانة مساهرة في تحضير المحاضرة
و جاية من أول الصباح (8 ص)
قاطعة نومتي و جاكة علشان أحصل قبل المواعيد
يجيني الطالب بعد مرور أكثر من ساعة من بداية المحاضرة يتسكع و تااااامي نومتو
| |
|
|
|
|
|
|
|
|
|
Re: حاجات تغيظ (Re: Tahani abdalla Attia)
|
قبل الغيظة الشدييييد الناقله إبراهيم أعلاه
انا بتغاظ أكتر للحاجة دي ..
Quote: بتغاظ شدييييييييييييد من الناس المابتحترم المواعيد
أي مواعيد ما بس المحاضرة
يعني المواعيد عشرة تلقاهو عشرة دي ما اتحرك من مكانو |
| |
|
|
|
|
|
|
|
|
|
Re: حاجات تغيظ (Re: ابراهيم محمد الحسن)
|
حاجة تغيظ لمن واحد يكون اسمه ابراهيم متلح العبد لله وشغال ليهو فى الازرق
شنو ياابراهيم؟؟الواحد اصلو مايكون عنده مشغوليااات؟؟وبعدين البوست الطويل العرييييض ده ماحقكم وكده يعنى شايفنى شايلة مفتاحه وصارااه فى طرفى؟؟؟
| |
|
|
|
|
|
|
|
|
 Re: حاجات تغيظ (Re: طارق الكوتش)
|
ياسلاااام عليك ياكوتش يارااائع الله يخليك دايما زخر للوطن وللبرالمة والمستجدين زينا...شكرا على الدعم المعنوى والكلمات الزوق..بالله هد لينا فى ابراهيم ده شوييييييية كده......
| |
|
|
|
|
|
|
|
|
|
Re: حاجات تغيظ (Re: Sahar Tageldeen Elsheikh)
|
سحر سلامات...
والله شوق كميات...
وين إنتي يا ألفة ال FB
شايفاك قابضة الجو بي هناك...
| Quote: حاجة تغيظ لمن واحد يكون اسمه ابراهيم متلح العبد لله وشغال ليهو فىالازرق |
إبراهيم دا ما بشتغل في الأزرق بكون شغال ليك في الأحمر ياسحر ركزي كويس...
| |
|
|
|
|
|
|
|
|
|
Re: حاجات تغيظ (Re: Sahar Tageldeen Elsheikh)
|
جمعة مباركة سحر...
Quote: سلاام سرورة وجمعة مباركة
هى نسيييت ابراهيم ماعدو الازرق...لكن كويس برضو عشان اغيظه زيااادة...الازرق جاااااك ياابراهيم |
عداء جادي...
كيف تنسي يا بتي...
| |
|
|
|
|
|
|
|
|
|
Re: حاجات تغيظ (Re: طارق الكوتش)
|
حاجة تغيظ لما الناس كلها تظهر وانت ما عندك نت
وكمان يطلعوك بتاع فتن
ـــــــــــــــــــــــــــــــــــ
سحر اراك ناصبتيني وابراهيم العداء
اتحملي النتيجة وارجي الجايك...
| |
|
|
|
|
|
|
|
|
|
Re: حاجات تغيظ (Re: Amna Mohamed Arh)
|
Quote: سحر اراك ناصبتيني وابراهيم العداء
اتحملي النتيجة وارجي الجايك... |
هيييييييييييييييييييع ،،
(إتحاد التور)
والتور لما يهيج ،،
بيقضي على (الأزرق) واليابس ،،،
| |
|
|
|
|
|
|
| |
ابراهيم محمد الحسن
Hisham Magzoub
Amna Mohamed Arh
Tahani abdalla Attia
صلاح ليون
sara Eltayeb suliman
فيس بوك
تويتر
انستقرام
يوتيوب
بنتيريست