دعواتكم لزميلنا المفكر د.الباقر العفيف بالشفاء العاجل
|
|
 أنا أكره باريس.......صور وتعليقات
|
ذهبنا في رحلة عمل الي فرنسا..
مصنع تكييف مركزي (شيلرز)..(كريير) بضواحي مدينة (ليون)..
المهمة هي اختبار الماكينات التي تم اختيارها وهي تعمل
علي درجة حرارة (46 درجة مئوية)..ومعرفة كفاءتها وحساب سعتها المنتجة
علي هذه الدرجة..
الخطأ المسموح به هو 0.3 أعلي أو أدني..يعني تثبيت درجة الحرارة الخارجية
بين 46.3 و 45.7 درجة مئوية..
درجة الحرارة الخارجية للمدينة حينها كانت 16 درجة مئوية..
تم ادخال الماكينة داخل غرفة تم تسخينها الي درجة الإختبار ثم تم تشغيلها
وكانت النتائج وفقا للتحديد الذي قد طلبناه منهم..
ألرحلة كانت عن طريق امستردام الي ليون بالطائرة ومن ليون الي باريس بالقطار
السريع..
تأخر القطار عن ميعاد وصوله 45 دقيقة..يمكن أن يكون وجودنا داخله أحد الأسباب..
ولكن لأن الإنسان يحترم أخوه الإنسان..أعلنوا لنا عن تعويض للتأخير لكل راكب
تذكرة مجانية!!
من هنا بدأت أكره باريس..
|
|
 
|
|
|
|
|
|
|
|
Re: أنا أكره باريس.......صور وتعليقات (Re: Hisham Magzoub)
|
| Quote: علاء انت متاكد انو درجة 46 بتكفى |
تعرف يا هشام..زمان كا الإستاندرد بتاع السودان 46 درجة..
لكن بعد ما الأوزون انقدا مفروض نديها جردل موية..نقول خمسين ولا ستين..حاجة زي دي..
| Quote: وبعدين البروف البنظر معاك فى القطر دا كلامو انشاء الله وقعليك |
تعرف..دة عجوز خواجات شمشار ساي..قعد جنبنا وكل مالمضيفة بتاعة القطر تقول
حاجة يقعد يترجم لينا..وقال انو ماشي باريس لحفلة وداع..ولازم يمشي يشتري قزازة
شمبانيا معاهو..
| |
|
|
|
|
|
|
|
|
|
Re: أنا أكره باريس.......صور وتعليقات (Re: Amna Mohamed Arh)
|
| Quote: دة نظام حقد طبقى ولا شنو يا هندسة؟؟؟ |
والله يا هندسة ما حقد طبقي..لكن وكت واحد محل ما يلاقيك يقول
ليك انت متخلف..انت متخلف..انت متخلف..
وانت تكون اكتشفت الحقيقة دي عن نفسك..وما قادر ترد عليهو..
تسوي شنو غير تكرهو...
بالمناسبة..المشكلة في باريس ما الجمال والإبداع..
المصيبة انو الإبداع دة كلو عملوهو في القرن 17 و18 و19..
يعني سنة 1889 بنو برج آيفل..نحنا كنا بنسوي في شنو؟؟
المصيبة انو الحكومة كان معترضة علي البرج لأنو بيؤثر علي جمال باريس..
عرفتي حاجة ولا لسة؟؟
| |
|
|
|
|
|
|
|
|
|
Re: أنا أكره باريس.......صور وتعليقات (Re: طارق الكوتش)
|
| Quote: علاء كلمنا عن باريس بلد الجن و الملائكة |
يا كوتش: بلد النور والجمال بعرفها..لكن بلد الجن والملائكة دي..
إلا كانوا بيتنافسوا في بناها..كل واحد يقول أنا بعمل حاجة أجمل من حقتك..
لا من طلعت (با...ريس)..
ووفقا للغة الكهروتية..
(با..) تعني النار..
أما (ريس) فهو النور..
وبما أن الجن مخلوق من نار..والملائكة مخلوق من نور..
اذن اسم باريس هو:
مدينة الجن والملائكة..
في واحد بيعرف اللغة (الكهروتية عشان يجي يغالطني؟؟)
| |
|
|
|
|
|
|
|
|
|
Re: أنا أكره باريس.......صور وتعليقات (Re: sara Eltayeb suliman)
|
الاخ الكريم المهندس علاء الدين
تحية طيبة
وارك وراك
جيتك بي جاي
واتفرجت على صور باريس
بس الاهم من كل ده
إني اتعرفت عليك وشفت صورتك
وفرصة سعيدة اخوي علاء الدين
الواحد خلاص بقى عندو زول في الدمازين آسف في باريس
والواحد كده يجيب الاولاد وينط ليك اجازة سريعة كده
وسريعة لاني اعرف انو باريس غالية والله شنو
تحياتي وحبي
ونتلاقى بي هناك
| |
|
|
|
|
|
|
| |
علاء الدين محمد بابكر
Hisham Magzoub
صلاح ليون
ابراهيم محمد الحسن
Amna Mohamed Arh
sara Eltayeb suliman
كمال الشادي
فيس بوك
تويتر
انستقرام
يوتيوب
بنتيريست