دعواتكم لزميلنا المفكر د.الباقر العفيف بالشفاء العاجل
|
|
 مبروك لهالة قوتة ، ولي أنا أيضاً !
|
*
البورداب الأعزاء والعزيزات
تشرف اصدقاؤنا وصديقاتنا من رواد البورد بزيارة الصديقة هالة قوتة الى لندن
وتشرفت هذه الليلة بزيارتها، برفقة الصديقة حنينة الى موقعي بضاحية Stoke Newington في شمال لندن...
وقد إقترحت حنينة أن يكون عنوان هذا الخيط مــبروك هالة قـــوتة! وها أنا اقترح هذا العنوان لأني أيضاً سعيد ومحظوظ بطلتها البهية....
رحبوا معي ، معنا ، بهالة قوتة في لندن!!
|
|
 
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: farda)
|
الف مبروك لي ناس لندن بي هالة قوتة ....
عشان كدة رايحة مني ...
اها طيب هالة عرفناها
يمني مشت ويييييين كمان ...
يا اخوانا انابكون اول زول شاف الموضوع ده لكن لمن الصفحة تفتح معاي لقيتها وصلت خالد الحاج ولمن ارسل احتمال ينزل في الصفحة التانية لكن عشان كدة ختيت الحجر بتاعي طوالي ... وما شغلتي بيكم تاني
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: Raja)
|
رجوية
لووووول"الشمار
اساسي قال عنوان البوست زى الدليل بالجرس
ويبدو انو حافظ ماشي بالنظرية
بعدين النيمة والله فاقدنها
وارجونى افضى شوية واجى انضم للمظاهرات المطالبة بعودتها
والسرية دى كانت خوفا من ام المعارك الدايرة الايام الفاتت هنا دى
وكفى الله المؤمنين شر القتال
| |
|
|
|
|
|
|
|
|
 Re: مبروك لهالة قوتة ، ولي أنا أيضاً ! (Re: farda)
|
هاله قوتة فى لندن! نذلتى اهلا وحللتى سهلا
الف مرحب بيكى
ولو ماشالتك الارض نشيللك جوه عيونا
رسلى لى تلفونك يا حبيبه عشان اتصل فيكى ونقابلك..رسليهو لى على الماسنجر اليوم لو امكن..لكم التحايا جميعا
وفى امان الله
لا اله الا الله
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: haneena)
|
مرحب بيك في لندن
ياهالة
رغم سرية الزيارة، لكن نتمني أن نلتقي في الايام
القادمة الايميل والموبايل في البروفايل
بعدين فردة ده مايتعبك ساكت (قال ضاحية ستوك نيوتن قال) 
لندن دي فيها حتات ظريفة جدا
وخليكم علي اتصال يا حنينة وين انت اختفيتي كده (عامله حركات الخواجات بتاعتك دي)
| |
|
|
|
|
|
|
|
|
 Re: مبروك لهالة قوتة ، ولي أنا أيضاً ! (Re: farda)
|
وبعدين العناوين ما عندك لكن
يا هالة ما تكوني داقسه ساكت ،الزول ده عنده مآرب من اختيار العنوان ده
عاوز يطفش منك العرسان، صدقي؟
سلامي لكي و حنينة و تمنى لكي قضاء اجازة سعيدة مع لندن و ناسها.
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: Outcast)
|
العزيزة اوت كاست
قلتى لى مرورك دى ما بتنفع
انا دى متعلماها جديد
نظام لندن وكدة
يعنى البت بتكتب حاجة مختلفة
لكن انتى تشرفى البوست ونفرش ليك فيهو عنقريب ونرش الواطة
لمن نجيب الصور ونجيك
لكن زكرتينى التياب
نمشي نزرزر خالد الحاج
انا كنت نسيت الموضوع دة
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: hala guta)
|
*
لكين أول مرة أكتب لي بوست يكون فيه عدد القراء والمعلقين أكثر من 5 !! ياربي ده من شنو؟iii
فلأقل إذاً، مرحباً بك مرة أخرى يا هالة قوتة !
Quote: مع ام المعارك الدايرة دى
اظن العنوان بنكهة الشمار دة كان الحل الوحيد |
طبعاً عنوان البوست الذي أقترحته Ms PR حنينة ، كان ذكياً جداً ، واستدعى كل الـ Usual Suspects الى الإنزلاق بحرفنة ، وبدونها، الى داخله! ولكن يبدو أن شتارتي الإضافية للعنوان وفي استراتيجيات الـ PR and promotion قد استدعت some unusual suspects آخرين ، مثل صديقي أحمد الأمين!
على كلٍ ، للتأكيد على أن الزيارة ليست سرية على الإطلاق، أتمنى أن نلتقي جميعاً في الليلة الشعرية ، الثلاثاء 16 مارس (غداً) و التي سيقرأ فيها سعدي يوسف بعض أشعاره الجديدة!
الرجاء الإطلاع على التفاصيل هنا!
ولكم الود جميعاً !! اليوم: الثلاثاء ، قاعة الكوفة ، لندن: سعدي يوسف والعزاوي
عجب الفيا، تحياتي الخاصة أيضاً.
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: farda)
|
هاله حبيبتى
رسلت ليكى ماسنجر, وصلك؟
ما يكونو خوفوكى من الناس الظلاميين امثالى لو خفتى تقابلينى حنينه بتديكى بطاريه تشيليها معاكى وانت جايه يلا اسمع منك قريب,
بالمناسبه بتكون حاجه جميله لو زورتينى فى الجامعه, بس ده ما معناها انك ما حتزورينى فى البيت فى الوقت التحدديهو وماتنسى تجيبى معاكى حنينه الخواجيه
تحياتى
وفى امان الله
لا اله الا الله
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: tmbis)
|
تمبس ازيك وينك مختفى كده
والله يا اخوى تقول شنو الجماعة ديل الظاهر مستصغرنى ساى
و انا اشيل و اقول ليكم الكبر كبر العقل يا اخوانا ..........و لا انت رايك شنو
بين القوسين.....الاغنية حلوة شديد
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: farda)
|
كانت الليلة الشعرية أمس رائعة قرأ فيها سعدى يوسف و فاضل العزاوى من اشعارهما، و قرأ خالد مطوع ترجمات لاشعارهما. وبعدها توجه الحضور (من اعضاء و اصدقاء سودانيز اونلاين) لتناول العشاء (احتفاءً بهالة قوتة)، حضر اللقاء
حنينة الخواجية
هالة قوتة
حافظ خير (فردة)
محمد نقد (الهميم)
احمد امين
ندي على
ومن الاصدقاء
اوردسى حمد و
احمد محمد الحسن وابن عمته عاصم
وفووق
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: farda)
|
*
الأصدقاء والصديقات،
لكم جميعاً المحبة
هادية الحبيبة،
الكبُر حصل مافي شك ، لكين الصورة – زي ما قلت لراوية قبل كدة- تعبير عن أزمة وجودية من العيار الخفيف! سأغيرها قريباً بملامح أكثر وصفاً لنفس الأزمة ، ولكن أخشى من الرقابة الحايمة هذه الأيام
الأصدقاء والصديقات،
لكم جميعاً المحبة
طالما أن لقاءنا في الكوفة كان على شرف هالة قوتة ، فسأنتهز هذه الفرصة طبعاً ، في هذا البوست المحضور المزيور (كناية عن الـ Visitation وليس الـ Visit) لأن أتحدث عن الليلة الشعرية للعزاوي ، سعدي يوسف ، وخالد مطوع ، والأخير هو المترجم الليبي المتميز المقيم بالولايات المتحدة الذي قام بترجمة الشاعرين والعديد من والشاعرات والشعراء العرب.
قرأ العزاوي لمدة 20 دقيقة يصحبه خالد مطوع الذي قرأ النص مترجماً للإنكليزية. ثم قرأ خالد المزيد من قصائد العزاوي مترجمة. قرأ بعده سعدي يوسف بترجمة خالد مرة أخرى لمدة 15 دقيقة وواصل الأخير في قراءة الترجمات.
دار حديث قصير ولكنه قيّم عن ترجمة الشعر وما إذا كان الشعر تُعاد ولادته في اللغة الثانية أم ينتقل إليها محملاً بكل آثار ولادته الأولى في اللغة الأم.
كانت قراءة اللنصوص وترجماتها تجربة مثيرة للمتحدثين باللغتين إذ أنَّ الترجمات رغم إهتمامها بنقل روح النص الأصلي كانت – شاءت أم لا - تشغل النصوص بهموم اللغة الجديدة التي تتحدثها. مثال ساطع وطريف لذلك أن العزاوي قرأ قصيدته التي وصفها بأنها قريبة لروحه ، بطريقة الشاعر العربي الأسطوري التي نعرفها: نداء عال في نبرة أقرب للصلاة والإنشاد. بعد أن فرغ العزاوي نظر هو الشاعر ومعه الحضور أيضاً الى المترجم وأنفجر الجميع بالضحك! إذ كيف يتسنى للإنكليزية المشهورة بإنضباطها أن تصدح بالعربية الموغلة في تاريخ الخطابة، عالمان كبيران يفصل بينهما بحر ولكنه الشعر! قرأ خالد القصيدة ذاتها بالإنكليزية ، وأظنه نجح في القراءة والترجمة معاً في خلق عالم شعري يقترب كثيراً من روح قصيدة العزاوي....
سأواصل الكلام قريباً في مكانه الأصلي ، في بوست اليوم: الثلاثاء ، قاعة الكوفة ، لندن: سعدي يوسف والعزاوي
بقي أن أقول أنني قمت بتسجيل الليلة الشعرية بالفيديو وقد أتيحها لمحبي الشاعرين في مرحلة قادمة.
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: farda)
|
حبيب نورا
اول شي مرحب بيك فى البورد
متلومة عارفة نفسي
لكن المشغوليات
وشكرا" ليك
يمنى
مافى داعى نفتو هنا
ما حنسناك تجى
تبارى تمبس دة بوديك.........
حافظ وندى
ساعود
لاحكى عن الليلة
وعن مطعم اديس
حافظ
انا نسختى من الشريط دة وينها؟؟؟
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: hala guta)
|
الامسية كانت جميلة
أستمتعنا فيها بقراءات شعرية جيدة
وترجمة مدهشة لبعض قصائدهم من قبل خالد مطوع
هالة قوتا
Very Intelligent Sense of Humor
وطلعت بت ماساهلة
ويا ناس أمريكا ممكن نستلفها منكم شوية
وأخيرا ظهرت حنينية المختفية
وكتر خير هالة
بت الاحفاد
اعتذرت والاعتذار مقبول
ولندن مناسباتها كثيرة
منذ أخر لقاء لنا في مطعم اديس الذي يقع بضاحية(حقوق الطبع للزميل فردة) كينقز كروس الشهيرة (راجع كتاب الطيب صالح موسم الهجرة الي الشمال (مافي داعي لذكر رقم الصفحة) ) في رأس السنة السابق هذه هي المرة الاولي التي أعود فيها الي المكان الجميل الاليف حيث كان اللقاء ممتعا وشكرا لهالة مرة أخري.
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: أحمد أمين)
|
جيت اقول سلام لهالة قوتة وفرده وحنينة وناس لندن اصحابى الزمان..لقيت اسرار بابكر تسووى فى الناى الله..ده شنو يا تمبس..العذااااااب ده؟؟
المهم يا هالة فى لندن لو لا قاك "ترتر" اعرفيه بكون من فستانى بتاع حفلة السودانيين..
قضيت وكت مهيب..هناك.. ومتاكده انت بالليالى الشعرية دى بتكونى استمتعتى اكتر..وبى حنينة..
لكم جميعا اصدق التحيات واجمل الاشواق..
ويا احمد امين ادى لى هالة قوتة دى الصور..ان شا الله ما يكونوا اتمسحوا..
وتحياتى لفردتك..وللجميع
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: Tumadir)
|
التماضر
عذرا" للتاخير
فناس لندن وكما قلتى من قبل
لم يرضو/ن لى بغير رموش عيونهم/ن سكنا"
واليوم كله برة البيت ...
عذرا" لك ولجميع من تاخرت فى ردى عليه
وترترك لاقانى من شريط الفيديو
مرورا" بكل الاماكن التى اضئتيها بحضورك
ساعود بالتفصيل
فانا لا زلت اعانى من الجت لاق
وطول الرحلة العابرة للاطلنطى
ولك مودتى
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: Rawia)
|
انتو التأشيرات دي بتلقوها كيف؟؟؟ عليكم امان الله ناس طافشاكستان...رجعوا لي جوازي فاضي...
حمدالله بسلامة الوصول يا هالة...وان شاء الله تكملي قعادك في لندن بي برد/ عرق العافية...وما تنسي تسلمي علي بت الجنيد في موقف البصات
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: nazar hussien)
|
سلام للناس الحلوة المتلمية بي جاي
معليش التاخير للمشغوليات
هالة شرفتنا والله... لكن للاسف الايام الجميلة تمر سريعآ
قابلنا الكتير من زملاء البورد والفراجة
بعضهم كان مفاجأة لنا
ما حاحكي كتير
نرجي بت قوتة تجي تحكي بالتفصيل المريح
والــصــور
تماضر
ما إهمال والله
لكن المشغوليات والجري
وناس هنا عارفاهم براكي
ما كنا ملحقين والله واتلومنا مع ناس كتير
وما بندخل النت خاصة الايام الاخيرة
ولك العتبي حتي ترضي
الشكر للكل
واعفوا لينا التاخير
| |
|
|
|
|
|
|
|
|
|
Re: مبروك لهالة قوتة ، ولي أنا أيضاً ! (Re: محمد عبدالرحمن)
|
اها يا اخواننا بنت قوتة رجعت البلد واللا لسة؟
مرة في مقابلة صحفية سمعت انهاناوية تمشي السودان
اكتر من ايي بلد في العالم وحتي كان يومين
يا ربي غيرت رأيها واللا السودان بقي بعيد والحالة
صعبة... علي كل حال بتبقي شجرة حنية عظيمة اصلها
ثابت و فرعها في السماء كما نعلم ولي قدام
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
farda
Bashasha
Abo Amna
Hussein Mallasi
Outcast
Raja
yumna guta
Agab Alfaya
bint_alahfad
الجندرية
nada ali
haneena
أحمد أمين
ملكة سبأ
Rawia
إسماعيل وراق
معتصم دفع الله
tmbis
حبيب نورة
Tumadir
nazar hussien
محمد عبدالرحمن
فيس بوك
تويتر
انستقرام
يوتيوب
بنتيريست