|
|
 ياناس هوى انا جديـــــــــــــــــــد لنج
|
تحية وتقدير للجميع...
الاصدقاء با المنبر...
انا فى غاية الفرح للاشتراك،اتمنى من الجميع القبول والترحيب ،وامنى نفسى بمشاركة دايمة،لاختبار مدى فكرتى ومعرفتى ،فهلا رحبتم بى وسطكم احبائى ...فقد كنتم تسهرون معى دوما... اتصفحكمواسعد بكم ليلا ...اعتصر الامكم وشجن الاحلام المباحةلتخطط لنا وطن المستقبل الجميل.
كثيرة هى الاحلام وجميل هو المستقبل .
العزاء زادنا دوما ما نريد...
وعزيمتنا المستقبل المشرق ...
سفيان بشير
|
|
 
|
|
|
|
|
|
|
|
ن (Re: سفيان بشير نابرى)
|
الاخ المكاشفى ...
شكرا كتير للترحيب ... ودام فضلك
الحبيب خضر عطاء المنان ...
ياخى والله شكرا للترحيب ...والله ياخضر دخلته( بالباب عديل) رسلته لى الاخ عادل عبد العاطى ودلانى طوالى على طريق المهندس بكرى (اصلو المهندس ده انا مامقسومة لى معاهو قسمة ايامو الكان فى السودان اول يوم جاء فيهو انا سافرته الابيض ويعد ماجيت هو كان سافر )...
لكن انا قصتى مع المنبر ده طويلة طول شديدياخضر ياخوى ...والشباب فى المنبر يمكن يحكوها...اهو وريتك النصيحة... وتشكر تانى على الترحيب .
(الحبيب)اسماعيل وراق ...
ازيك يازول مشتاقين...وشكرا للترحيب..ويدك على يدى نكتب الجديد...
شكرا تانى.
| |
|
|
|
|
|
|
|
|
|
Re: ن (Re: سفيان بشير نابرى)
|
خلي : انا جديد!!!!
يعني نعمل ليك شنو؟؟؟؟؟؟؟؟؟؟
والله فعلا
(قراء) تحننو و(أعضاء تجننو)
وصدقني يا وراق الزول دا لاهو جديد ولا عندو جديد
دا اقدم من الكسرة
وانت كان راجل ياسفيان رسل صورتك الـ(ـحديثة) لي بكري خلي يختها هنا!!!!!!!!!!!!
| |
|
|
|
|
|
|
|
|
|
Re: ياناس هوى انا جديـــــــــــــــــــد لنج (Re: حمزاوي)
|
ألأستاذ / نابرى
أهــــــلا و سهــــــلا بك
يلا ورينا عضلاتك أصلو ألمنبر ده ألأيام
دى مشاكل ساااااااكت و لو ما شديت حيلك ؟؟؟؟؟
,,,,,,,,,,,,,,,,,,,,,,,,,,,
اكرر ترحيبى بك يا سفيان
| |
|
|
|
|
|
|
|
|
|
ياناس هوى (Re: سفيان بشير نابرى)
|
التحية للجميع...
فتحى اخوى .. كيفك..
انا جديــــــــــــد... يعنى عايز ترحيب.. والناس ماقصرت تب معاى .ويازول فى الحالتين(قراء- اعضاء)نحنن ونجنن ،وبطل شمار يافتحى انا اصغر منك ... بس (الصلعة) بتاعتى الحايشوفوها الناس (هنا ده) ... دى( صلعة معافرة) مع محطات البلد المادايره تتحرك من النمره الدقرة فيها دى..اما جديد الكتابة فالايام بيننا..
شكرا على المرور والترحيب غصبا عنك يافتحى...
الاخ عبدالله بابكر...
الله يسلمك ...الابيض كانت ممتعة وحياتك...وشكرا لك على الترحيب .
العزيز حمزاوى...
سلام يارايع...والف شكر على الترحيب...
الاخ الاستاذ\ عوض ودالفولانى...
شكرا على الترحيب خالص...
وكان بقت على (العضلات المادية) من هسى انا( بره) اصلو اخوك (قليل حيلة وفصيح) يعنى زول( منضمةســـــــــــــــــــاى)..والمشاكل كان بقت فى الكتابة بكون زولة تب... بعدين ياخوى مشاكل جنس المشاكل الهنا دى كويسة ومابطالة لو الناس مشت بيها فى طريق النقاش العقلانى والمنطقى بدون تعنت ونشافت راس ،والبلقى راؤى غلط ماعيب لو صححو من خلال النقاش...وربنا يقدرنا .
وشكرا تانى لوردة (السلام) البيضاء دى تسلم.
العزيزة ماهتاب...
شكرا على ترحيبك..
برير اسماعيل يوسف ...
ازيك يازول...شكرا على الترحيب ...لك الحب والاحترام والتقدير.
الاستاذ الفنان الموصلى ...
شكرا لك شديد على الترحيب.
الاخ العزيز سيف...
سلامات وعوافى ...والدار منوره باهلها...شكرا للترحيب
| |
|
|
|
|
|
|
|
|
 Re: ياناس هوى (Re: بارعة)
|
الاستاذ نابرى...
زاتو معانا???!!.. 
شنو بى السرعه دى..
انت بتذاكر من ورانا..
انا لسه فى هول المفاجاءه... 
لسه ماكتبته حاجه.
حالتى..
مرة اضحك ومره ابكى ومره تغلبنى الكتابه.. 
عموما مرحب..
وجييك بى كلام ترحيب الا شردك..
| |
|
|
|
|
|
|
|
|
|
ن (Re: سفيان بشير نابرى)
|
عارف .... اهلا...
الاخبار تمام...وشكرا على ثقتك فى انى حالقى طريقة للمنبر.
انت ياعارف ماهتميت تعرفنى كويس... ونابرى ده جدى الكبير...وشكرا لسعادتك بلقاى...والكلام بينا مابكمل تب وانا جاهــــــــــــز.
شكرا لك .
| |
|
|
|
|
|
|
|
|
|
ياناس هوى انا جديـــــــــــــــــــد لنج (Re: سفيان بشير نابرى)
|
الاستاذ عادل عبد العاطى ...
الف شكر على الترحيب...
وانا مستمتع معكم من زمان شديد...وهسى اهو انا معاكم شديد.
شكرا ليك كتير .
خدر-بارعة
الف شكر للترحيب .
العزيز تروتسكى ...
يازول ...اهو دخلنا بالباب وما احتجنا لى اى حيطة وكده كويس شديد معاى اصلو من زمان انا عندى حساسية مع الحيط (الااذا دعت الضرورة)..ومرحب بى معاكم...وحارسك وحارس كلامك بس اسرع شوية.
شكرا لك كتير على الترحيب وبطل دهشة واكتب .
| |
|
|
|
|
|
|
|
|
|
Re: ياناس هوى انا جديـــــــــــــــــــد لنج (Re: سفيان بشير نابرى)
|
سفيان
بشير
صديقي
مرحب جد واسف للتاخير (الا اقدار لابتفاوض لابتقدر شغلي بيك)
سعيد بانضمامك لي مكانك الطبيعي واصل ياصديقي في حفرياتك عن الهويه وماانقطع من حديث
اكتب ياصديقي عن تلك الاحلام والامال عني عنك عنهم وعن من نحب واصل سيرك وعلي بركه الثورة السودانية سر ولاتنكسر اكتب وانا سانتظر طله حروفك . وشكرا لمن جعلو هذا ممكنا شكرا صديقي
| |
|
|
|
|
|
|
|
|
|
ياناس هوى (Re: سفيان بشير نابرى)
|
خضر حسين...
ياصديقى...
اه ماقسى الجدار
حينما ينهض فى وجه الشروق
ربماننفق كل العمر لننقب ثغره
ليمر الضؤ للاطفال مره
وربما لولا الجدار
لماعرفنا قيمة الضؤالطليق...
ياصديق...اعرف معاناة الغربة...التى اخترتموها قسرا بعد ان ضاق بكم ارض الوطن ...بفعل زوار الليل...خفافيش الظلام...بعد ان تقلص الظل الرحيب...وطفحت الطفابيع ...وحراس النوايا...وفقهاء الظلام.
ياصديق...
لى تقدير متسع سعة مابيننا من احلام بغدا مشرق بان تاخيرك عن الترحيب لامر جد عظيم...وسعيدا جدا بك.
اما الاحلام ومانحب ...فالى الان هى هى... نحنا بنحب شاى الصباح والمغربية مع الوالدة والام الحنون ...والى الان على ما اعتقد اننا قدر الثبات.
شكرا لك....واهو حانواصل كتابة.
سفيان
| |
|
|
|
|
|
|
|
|
|
ياناس هوى (Re: سفيان بشير نابرى)
|
الاخ حنين...
الف شكر للترحيب
والف الف شكر للمرور الجميل...
ست البنات ميادة...
اهلا بى معاكم... وتشكرى (ياستهن لى حدهن)..
على الترحيب .
الاخ يهاب...
شكرا لك على الترحيب الجميل جمال اهلنا البسيطين..
| |
|
|
|
|
|
|
|
|
|
Re: ياناس هوى انا جديـــــــــــــــــــد لنج (Re: سفيان بشير نابرى)
|
دخلت ولقيت وطن البورد مبهرج قلنا الحاصل شنو قالوا دا سفيان جاي لنج عامل ليه ضجة .. مرحبتين تلاتة .. يا سفيان .. وطن البورد نور بيك .. بس ظاهر عليك دخلت جوة على طول ما مديت راسك واتاوقت شايف أخونا فتحي مولع طوال معاك الحاصل شنو يلا زي ما قال الحبيب وراق عايزين نشوف كتاباتك وأنا أضيف عايزين نشوف بصماتكفي المنبر.
مع أمنياتي لك بحياة سعيدة بيننا
| |
|
|
|
|
|
|
|
|
|
ياناس هوى انا (Re: سفيان بشير نابرى)
|
الاخ تولوس...
الف شكر لك على الترحيب الرائع...تسلم
الحبيب ... فيصل النعيمة...
شكرا ياخوى على الترحيب ... وحسن الظن ... ومافى بهرجة وجوطة ... بس فى ناس رايعين دوما صافئ السيرة والسريرة... احتفوا بى وانا لهم شاكر ... ولك كل الود والحب ...(بس ياخوى فيصل انت ووراق اخوى ) (ماتكلموا ودالعمدة محمد حسن يرحبى اصلى زول صاحبو تب ومن زمن بعيــــــــــــــــــــــد)..
مع كامل مودتى
| |
|
|
|
|
|
|
|
|
|
Re: ياناس هوى انا (Re: سفيان بشير نابرى)
|
سلامات
وعوافي
ياخلاصة الخير الفي الناس
ترياق الزمن المتعافي
البارح عصفورتك ركت في البال
ادت عصفور الريد شبال
...
فدر او الروح حين يخالجها العشم....
الف مرحبا بك بينك بيننا ..
وعلي نفس اوتاد المحنة التي ربطنا عندها دواب العاطفة وعلي ذات الظلال الملونة التي صغنا من نسيمها معني ان يكون الحب ..وعلي كل بارقة امل نتفنا في انتظارها ريش الصبر وشخبتنا في غيابها كراريس العشم النبيل ..وعلي نفس الحب والحنين تجدني ارتقب علي حرارة الجمر ان التقيك..وعلني افعل قبل ان تدثرني كيمان التراب ...
لك ياحبيبي كل الود والمحبة ونورة البيت وشارع البيت وكل الحلة جنب البيت
هل ياتري مازلت ناشطا كم عهدتك ام ان السنين قد لعبت بك والجمت فيك الثوائر ...
القصائد والابتسامة هل مازلت تضاجعهن في حكمة وتروي ام بت تخلو بوحدتك دون صحبتهم..
اشياء كثيرة تعج بها تفاصيل الذاكرة وددت لو اسالك عنها ولكن طالما انك بيننا فحتما ساارهقك بالسؤال..
كامل محبتي واشتياقي...
عبدالرحيم ودرملية
| |
|
|
|
|
|
|
|
|
|
Re: ياناس هوى انا (Re: ودرملية)
|
ودرملية(عبد الرحيم)...
ياصديقى...
كل مازكرت الاصدقاء...
تداعت لزاكرتى... كلمات السودانى الاصيل... الذى لم اجد له سوها ابدا(والفضل فى ايجادى لهذه الكتابة... للاستاذ العم كمال الجزولى)
ذاك السودانى الابنوسى الجميل... سيراناى... والذى ارتحل عنا دون ان ادرك له اثر...
وقد سطر رسالة لزوجته... اعتبرها انا دايمارسالتى لكل اصدقائى...
فقال...وسمى الرسالة قصيده(ثقب فى سقف البيت)...
لكم تبدين حائرة ياحبيبتى...
كانك لم تفهمى بعد تمامالماذا نبدو...
وكاننا لن نبلغ اى مكان!!!!
دعينى اقولها لك صريحة اذن:-
ان مانكابد الان من شقاء
هو حتماماسيشكل القيمة السامية لكل الذى سوف نجنيه...
فى نهاية المطاف.....
ولذا لاتغرنك لغة النجاح والفشل!!!!
ان الثقب الذى يرشح فى سقف بيتنا!!!!
قد يكون هو سبب زكامنا المستديم!!!!!!!!!!!
ولكن!!!اوليس من المحتمل ايضا انه موجود هناك... لكى يحثنا...
يحثناعلى مواصلة النضال الرفاقى؟!!!!!
كتف الى كتف...
مع الكتل الفقيرة!!!!؟؟؟؟
هذه زاكرتى ياصديقى وانتم تطوفون بها... رغم كل شى اظن ان فى نفسى كل ذاك الزخم والارث الذى شببنا عليه ونحن ننظر بعين الدهشة والاستغراب لكل الشباب الذين تعلمنا منهم ممنيين انفسانا ان نصبح مثلهم ...ومازال ياصديقى طريقنا طويل لاكنه جدير بان نواصل فيه...
ياصديقى...
ان متاهات هذا العهد... رسخت الكثير والكثير... وخلقت اجيالا من المبدعين الذين فى كل يوم...يداومون فى حياة هذا الوطن المكلوم ويخلقون لانفسهم مساحات للحياة ينتزعونها من بين فك الموت...
ياصديقى...
ضيق هو العقل الذى لايقبل اخر...والارض تضيق من مثل هذا الافق المظلم...فتضيع الاشياء ...تنعدم الطمانينة...فتتولد الماسئ...من صلب العقل او من العقل الصلب!!!فيتولد شعبا من المعانة... يرتديه الحزن... اولا.....لا يهم!!!! فقط انت حاثر البصر ... كفيف الامل... تقبع فى ميقات الفجيعة... الاولى !!! وللابد!!!!!تحال للتلاشى ... برهة برهة....فى مجد وجودك فهل انت حى؟؟؟؟ هل صيحيح هو ملمسك المادى؟؟؟
كل شى جائز...
لكن اليأس لايجوز لمن ينشد الحياة السليمة.
صديقى هذه الكتابة تصرفة فيها انا وادخلت عليها بعض الاشياء... اما الفكرة فصاحبها سودانى اصيب كما يسميه بسطاء شعبنا بحالة (جنون)... وظل يصيح فى شوارع الخرطوم بعبارة واحده(ما اسؤ ان تكون شعبا!!!!!!).
عبد الرحيم... مازلت اعتقد انى نفس ذاك الشخص... واعمل جاهدا ان لا افقده فهو الوحيد الذى احبه بكل سلامّ!!!
لك كل اشواقى
وحبى
عزرا صديقى:_
بودى امر تفعله معى هو ان نبحث فى زاكرة الجميع اذما لديهم شى من الكتابات للاستاذ سير اناى... فالتوثيق لمثل هولا مهم.
ولك شكرى
| |
|
|
|
|
|
|
|
|
|
Re: ياناس هوى انا (Re: Elkalakla_sanga3at)
|
اهلا الكلاكلة ...
ومرحب بى معاكم... وشكرا على المرور...
رغم التخريمة العجيبة دى... ياخى فى زول عاقل بخرم على معتز...
لكن هو شديد (ولضيض)بس معصور قراية شوية اعزرو.
مع مودتى
| |
|
|
|
|
|
|
|
|
 Re: ياناس هوى انا (Re: salwa elsaeed)
|
العزيز نــــــابري
الواحد برحب بيك "من ورا الساتر"..لأنو حقيقة أنا من طائفة "الأعضاء القراء".. أهو الواحد بعد سنة من العضوية يقول توكلنا على الله ونخش الكبسيبة ..
و لك التحية
| |
|
|
|
|
|
|
|
|
|
Re: ياناس هوى انا (Re: سفيان بشير نابرى)
|
سلامات
وعوافي
سفيان ياهذا الجميل.. يا نيل ...
كم احببتك ياصديقي وودت لو ان تسعفني اللحظة كي اشد يدك والروح بغزير الاشواق ..
ولو مدً الله في ايامنا حتما ساالتقيك وحينها فقط سااكتفي عن الكلام المباح واترك اللحظة تزجيك حميم ودادي وحنيني..
تحياتي للشباب كلهم وبلغ ابراهيم محيسي وضوالبيت كثير سلامي لازم لازم يانابري وطمني عليهم ياحبيب
وبعدين محمد موسي اخبارو شنو برضو وريني بالله عليك
والمحبة سلام
| |
|
|
|
|
|
|
|
|
|
Re: ياناس هوى انا (Re: سفيان بشير نابرى)
|
الاستاذ نابرى..
مزنوق وبرضو جيت قبالك..
ياهو انت العاقل ..
كل مره تجينى مافاهم شى ..
برضو مشتاق ليك حبه ..
عزيزى الصديق..
Elkalakla_sanga3at
شكرا على السؤال وانا ايضا افتقدك لكن مزنوق..
ارسلت ليك رساله عزيزى ارجو الافاده..
ولك حبى..
| |
|
|
|
|
|
|
|
|
|
Re: ياناس هوى انا جديـــــــــــــــــــد لنج (Re: أحمد الشايقي)
|
الى الجميع الحب والتقدير...
لكم احبتى كل الحب لما ظللت سعيدا به خلال اوقاتا مضت ومنذ عام ونصف وانا اطالكم خلال المنبر.... لم تخيبو ظنى بالسودان القادم .....السودان الاكثر اشراقا وحبا... انا فى غاية السرور وانتم الى اليوم ... ورغم كتابتى لاكثر من ثلاثة بوستات مختلفة... مازلتم تمطرونى ترحيبا وحبا واستقبالا... سعيد انا بكم.
ســـــــــــــــــعيد الى الابد...
لك حبى اخى امام
لك حبى صديقى الحنين الذى غادرنى وماذلت اتزكر اطراف احاديث لن تنتهى بيننا...كل الاصدقاء بخير... ولى معك الكثير صدقنى...فلتنعم بكل الهدو كما كنت دوما متزن حبيبى عبد الرحيم ودرملية.
ناجى ودالملك... فى ماضى الايام كنت اطالعك فى المنبر مع صديق لى يهوى كتاباتك التى صرت انا ايضا اعشقها... شكرا لترحيبك... ومابيناتنا زعله .
تروتسكى ... ياصديق الزمان ... يازول بطل جن وامشى اقراء الامتحانات جاتك بعدين ركز شديد الصينين ديل امتحاناتهم صعبه زى نضمم.
الاخ تبلدى ...الابنوس...
الف الف شكر للترحيب.
ودمحجوب...
سلام ياصديق...لك منى الحب والسلام والتحية...
وتسلم للحاريهو فينى ...
ويانى ود الناس البسطه القلتهم...
لك ودى.
الرفيع احمد الشايقى...
خالص الشوق اليك فى اى مكانا كنت ...
والف شكرا لك.
| |
|
|
|
|
|
|
| |
سفيان بشير نابرى
المكاشفي الخضر الطاهر
خضر عطا المنان
إسماعيل وراق
فتحي البحيري
عوض الله الفولانى
mahitab barakat
برير اسماعيل يوسف
Elmosley
saif massad ali
Abdel Aati
بارعة
معتز تروتسكى
Frankly
HOPEFUL
خضر حسين خليل
ahmed haneen
Ehab Eltayeb
تولوس
ودرملية
Elkalakla_sanga3at
salwa elsaeed
Emam Hassan
ود محجوب
فيس بوك
تويتر
انستقرام
يوتيوب
بنتيريست