دعواتكم لزميلنا المفكر د.الباقر العفيف بالشفاء العاجل
|
|
 الخور ليس هو الحل .. بورداب الخرطوم مرة أخرى..
|
(بورداب الخرطوم) من كتب بهذا الاسم ؟؟ إنها مجرد فوضي يا بكري أنت مسؤل عنها ويجب أن تجيب علي أسئلتها !!
بالأمس 24/12/2006م نزل هنا بوست بعنوان بورداب الخرطوم وكاتبه أو كاتبته باسم (بورداب الخرطوم) ، واتت فيه كثير من مداخلات للإخوة والأخوات الكرام ، وكتبت فيه مداخلة أري أنه قدمت أسئلة مشروعة وتستحق الإجابة ولكن اليوم وجدت أن هذا البوست قدر رحل إلي ما تعارف عليه الناس باسم (الخور) وهو أمر قد يكون بكري أبوبكر رآه سليم ويتماشى مع قوانين ولوائح المنبر ، لكن ما يجب أن يعلم بكري أبوبكر تمام أنه هو المسئول من هذه الفوضى التي حدثت (وستستمر لان وجهة نظري أن الأمر هذا لن يتوقف هنا والأيام ستثبت مزاعمي هذه) أقول ربما أن سحب البوست وإيداعه في ما يسمي (الخور) ربما هو منطقي ولائحي ، لكن الأسئلة التي يجب أن تجاوب وتقدمة في ذاك البوست يجب أن تجاوب من قبل بكري أبوبكر وبكل وضوح وشفافية ومثل ما نزل هذا البوست هنا يجب أن يتقدم بكري ابوبكر وبكل شجاعة للإجابة عن الأسئلة ولا يعتبر أن بذهاب البوست للخور (قضي الأمر) فالموضوع ليس بالهين وتساؤلاتي لك يا بكري ابوبكر هي :-
1/ هل وصلك طلب مشفوع باسا مينا وامضة كل واحد منا ؟!
2/ من الذي تقدم بهذا الطلب ؟!
3/ علي إي أساس صدقته وصدقته إليه الطلب ؟!
4/ ماهي راية الوحدة التي نتوحد تحتها(حسب ماجا في ذاك البوست) وما هي أسسها الفكرية النظرية وأي مسار تسير فيها خطواتها العملية ، لأنك أعطيت العضوية لهذا الجسم أذن أنت تعرف كيف تجيب علي هذه الأسس الفكرية والنظرية ومسارها المامؤول فأعلمني ما هي ؟؟!! .
5/ يقول البوست (الموضوع مفتوح للنقاش) وأنت يا بكري أبو بكر حسمت المسالة ومنحت (الاسم وكلمة المرور) هل تري أنك وان الذي كتب هذا البوست تفرضون سياسة الأمر الواقع ؟!! السؤال الأخير هذا محفز للإجابة علي الأسئلة السابقة .
بكري ابوبكر وككل الإخوة/آت الذين سيتابعون هذا الموضوع يجب أن نعلم شي بديهي وهو أن الكتابة ليس بالأمر السهل وان العمل المدني والتطوعي والعام أيضا كذالك ، وتحتاج لكثير من الدقة والتمحيص وكثير من الوضوح والشفافية والحزم وعليك أن تعلم آخى بكري أن هذا الموضوع يحتاج منك لإجابات واضحة شفافة من غير تأخر وان ذهاب البوست لما يسميه الناس هنا ب(الخور) ليس هو الحل أبدا ، وطالما أنت مسئول عن كل هذا المنبر فما حدث هو مسؤوليتك المباشرة ويجب أن تتصدى لتوضيح الأسئلة ، أقول هذا ولا أقول أبدا أن قلبي عليك أو أتزلف أليك بحديث من شاكلة أني اربأ بك من أن تقع في مثل هذا الموقف ! أبدا لا أقول مثل هذا لان ما حدث قد حدث ولكل منا خيال يذهب به حيث شاء فقط أقول طالما أنت المسئول هنا أريد إجابات واضحة عن هذه الأسئلة
ملحوظة مهمة :-
ارجوا من الجميع أن يعلم أني لست معني بأن رأي هذا يخص الأجسام الشبيه بهذا الاسم ، بل وبكل وضوح أن تجارب بعض هذه الأجسام لها من المردود الايجابي ما يحمد لها ومن السلبي ما يجب أن يتعلموا منه الكثير ليتجاوزه ، مع العلم أن تجاربهم هذه تخص أجسامهم ولا يمكنني أن أشبهها بأي حال بهذه الفوضى ، فطبيعة قيامها كان بشكل مختلف وفق شروط مختلفة ولا ازعم أني عليم بها أبدا لكن ازعم بأنه لم تقم بهذا الشكل الفوضوي أبدا .
عليه أتمني أن لا يقود الأخوات/ة هذا البوست في أي منحي لنقاش قضية الأجسام الاخري وإنما يحرصوا معي علي أن أجد إجابات واضحة من الأخ بكري ابوبكر .
وتقديري واحترامي للجميع .
|
|
 
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
اختي وصديقتي العزيزة في دمي/
مني عوض خوجلي ،،
تحياتى وسلامي يجدك في خير حال موفورة البال .
وعيد سعيد,,
Quote: أهـو انا جـيت تاني .. وبرضه شكلي هامشي هناك..ويبدو انو رجلي ابتدت تاخـد علي كـده..
موشهم قالوا There is always a first time |
مرحب بي جيتك يا مني وسعيد بيها جداً
ومافي حاجة تودي البوست ده هناك لو الناس عرفت انو الحصل ده فعلاً فوضي والفوضي
الزي دي وفي الحتات الزي دي هي عادةً قاعده تحصل لكن يجب علينا أن نحاول طريق
وسط لي حسم الفوضي الزي دي واسئلتي دي والاجابات عليها هي الطريق الوسط يامني.
اطمني جداً أنو ما ح نمشي الخور داك الا برغبة زول هو اصلا ما بشوف من الحوار الا
الفوضي والاساءة وبتمنى فعلاً في البوست ده ما تحصل حاجة كده .
ودي اسئلة مشروعة والاجابات عليها ملزمة جداً.
تابعي معانا لحدي ما نجد الاجابات .
عيد سعيد .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
طيب رأيك شنو في الحل التوفيقي هذا:
كل من يكتب بإسم بورداب أي حتة في الدنيا منحوهم حساب موحد/مشترك / عام
أن يلتزم بكتابة إسمو المعروف به في البورد.
مثلآ:
لو كتب معتصم الطاهر بإسم بورداب الدوحة فعليه أن يوقع في نهاية الكتابة
إسمو { معتصم الطاهر }
وبالطريقة دي بنلغي إحتمال أن يقوم واحد بكتابة فظائع محتميآ بالحساب الموح
أها رأيك شنو ياأيها المقاوح سفيان بشير نابري ؟
بعدين ماتتعشم إنو بكور يجيك هنا
إنت قايلو فاضي ليك
واللا فاضي فيك
الراجل مشغول ومافي داعي تزيد مشغولياتو شوية
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
الأخ سفيان
تجربتنا هى أن بورداب الدوحة ( امتياز) حصلنا عليه
لنعنى به الوحدة المكانية ( الدوحة - السودان - سودانييز) والروحية الفنية وكل انواع الوحدة ..
و لم يتقدم الجميع بطلب عضوية .. بل كلفنا مجموعة (ثلاثة) ووفقنا الله.
الهدف ( وراية الوحدة)هو تجميع من يكتبون فى سودانييزاونلاين حتى يكونون ( كيانا)
يجمع السودانيين ( والكتاب) .. ليؤدوا واجبات سياسية اجتماعية أخلاقية فنية
مثلا رحلة العيد كان الضيوف ضعف الأعضاء ...
ثم أن ليس كل من هم فى سودانييز وفى الدوحة أعضاء فى بورداب الدوحة رغم أن العضوية ليست مدونة
ولا ميثاق يربطنا غير الأخلاق ... ( ما كفاية بالله ... نحن فى الدوحة نحب اللعبة الحلوة)
وصدقنى ... سياسيا نحن نمثل كل ألوان الطيف بل أكثر
ولكننا لوحة واحدة ...
السؤال الصعب
وبعده التعجب ...
لزول حلو زيّك كدا ... وبحب اللعبة الحلوة ..
هل بدأنا يا سفيان فى السؤال عن لماذا يتجمع الناس؟ وتركنا لماذا يتفرق الناس !!
يكفينا فرقة ..
والله كلما تجمع الناس فى أمر فرحت
حتى لو فى بوست مشاكل ( افرح لتجمعهم فقط)...
اوافق ابو ساندرا ولكننا فى بورداب الدوحة اتفقنا على ان اول مداخلة تكون من كاتب البوست ..
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
حبايبي الحلوين أهلاً جوني
أنا ماقائل حلوين زي ديل:-
ابو ساندرا - معتصم الطاهر
بيزوروني ,,
مرحب بيكم الاتنين يا اصحاب ,,
كدي اول حاجة معاك يا معتصم ..
انا يا معتصم قلته ما معني بالتجربة ديك وقلته هي عندها شروطه الخلته تقوم
وعندها ايجابياته وعندها سلبياتها ولم قلته كده كنت قاصد جداً انو مافي اي زول يجي
ببساطة يقول كلام واسالتى دى تروح بين صدامات كلام انا اصلا لاقاصدو لا جبته اي اعتراض عليهو.
ومن حقكم تقرروا وتسوا الشايفنوا صح ( شوف معاي تقررو وتسوا دى) نحنا قرروا لينا وكتبوا باسمنا وما كلمونا وقالو شنو قالو عايزين يناقشوا كمان !!!! وبرضوا يا معتصم تقولي :-
ايوة والله يكفينا فرقة ومعاك فيها لكن كمان يجتمعوا ويقرروا با اسمنا ونجي نقول خير وبركة عشان نصحي الصباح نلقي المطبة دي أنا ما بتبقي فينيّ ولا برضي تبقي في زول ابداً!
ابو ساندرا ,,
يا صاح كيفك ؟
Quote: كل من يكتب بإسم بورداب أي حتة في الدنيا منحوهم حساب موحد/مشترك / عام
أن يلتزم بكتابة إسمو المعروف به في البورد.
مثلآ:
لو كتب معتصم الطاهر بإسم بورداب الدوحة فعليه أن يوقع في نهاية الكتابة
إسمو { معتصم الطاهر }
وبالطريقة دي بنلغي إحتمال أن يقوم واحد بكتابة فظائع محتميآ بالحساب الموح
أها رأيك شنو ياأيها المقاوح سفيان بشير نابري ؟
|
رآي انو الحل ده بعد انو (بورداب الخرطوم) ده أو دي كتب/ت ما بينفع لانو اصلا وواضح انو
الموضوع مفروض علينا أننا نوافق عليهو وانو نقبل بيهو كده ده (اخنق فطس) ولو ما كده
كان علي الاقل ما استعجلوا وكتبوهوا واصلاً لو موضوع انساني واهلي ومدني وعام وتطوعي مفروض يفهموا أنو الحاجات دي بتحتاج لوقت طويل ونقاشات اطول وصبر وحكمة علشنان الناس كلها يكون مستعدة تنجز حاجة كويسه والا شنو ؟
يا ابو ساندرا كلامك ده :-
Quote: بعدين ماتتعشم إنو بكور يجيك هنا
إنت قايلو فاضي ليك
واللا فاضي فيك
الراجل مشغول ومافي داعي تزيد مشغولياتو شوية |
لو صحي تبقي مصيبة والله !!!
واهو أنا ح انتظر بكري يجاوب .
عميق مودتي لكم
وكل الفي الدوحة من أعضاء.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
منعم ,,
سلام يا راجل , كيفك يا حبيب؟
ماري كرسماس يازول ,,
منعم انت فعلاً فاكر أنو كده ده رأيك :-
Quote:
الواضح ان من كتب/ت البوست قد وصل اليه الآن ان الفكرة لا تجد قبولا
عند الناس ( فحاكيها معاه ومع بكري ) مالك ؟
|
لو ده فعلاً رأيك اسمح لي اقول ليك انو رأي فيهو غلط والشايفو صاح هوانو الزول ده
او الناس ديل أو اي من كان كتب بي (بورداب الخرطوم) ومعاهم بكري ابوبكر زاتو(لانو
ما ممكن بكري يكون ما عارف ديل منو وماعارف انو اداهم حساب ليه ابداً) مش اتقولو علي
انهم كتبوا با اسامينا وبس لا يا منعم ابداً ديل حتي هم في الاساس بيبتذلوا العمل المدنى العام التطوعي ده وبيستسهلوهوا جداً جداً وشايفين أنو باي شكل ممكن يبقي ويمكن يقوم ، وانهم بي كتابتهم دي بيستهونوا الكتابة وفاعليتها ووضوح فكرته وقوته ، وانو يا منعم .
يا صاح كتبته :-
Quote: عاوزين مجهودك الفكري في الموضوع داااك ياااخ وسيبك من موضوع مشى الخور
|
اكيد يا منعم معاكم كتف لي كتف وربك يسهون لكن الموضوع المشي الخور ده ما اظني اسيبوا
لانو ببساطة لو اتناقشنا فيهوا بي سهولة وشفافية ووضوح ح يضئ كثير من الجوانب بتاعة التشوهات السياسية والاجتماعية والثقافية في السودان لانو بي بساطة اكتر أي مجموعة بتعمل في الحقل السياسي والثقافي والاجتماعي (واقصد هنابالعمل العمل العام) هي بتستسهل هذه العملية جداً جداً عشان كده لي يوم الليلة نحنا زى ما قال كانط :-
(في عمق الهاوية ولايمكننا السقوط اكثر من ذلك) اها أنا ما ح انساهو يمشي الخور ابداً وح اصر اصرار شديد جداً انو :- ايوة ماممكن نقع اكتر من ذلك لكن يمكننا أن نجاوب علي كثير من الاسئلة وبشجاعة حتى نضع خطوة واحدة فقط في الطريق الصحيح .
الموضوع ابدا ما ساهل ولو عاينته ليهو كويس بتلقاهو بيهمك جدا جداً
ارقد عافية( مستعارة من الصديق المشاء).
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
سفيان اخوي
اسعد الله صباحك ومساءءءءك بالكريسماس الجميل
التهنئة لاخواتنا واخوانا المسيحيين وخاصة ديييييك !!
| Quote: لو ده فعلاً رأيك اسمح لي اقول ليك انو |
اقول ليك بصراحة يا سفيان راييئ شنو !!
انت عارف انحنا اليومين ديل اولوياتنا شنو وخايف كلام زي
كلامك ده بياثر في الموضوع الشغالين فيهو لانه اكيد الكتب/ت
الموضوع ده بيننا وبس انا بفتكر اي مسالة تشق الصف حتكون
خصما علي المشروع الانساني الكبير البتسال عنه انت دائما
ومهتمي بيهو !! فهمتني يعني انا راي في المسائل اللذي دي
انت عارفه يا سفيان وقبل البوست الاتفتح من حضر اخر اجتماع
بخصوص غادة نوري بعرف اقتراحي شنو ؟!! وممكن يجي يقولوا
وما بعيد من موضوعك ده واختلافك اتمني زول حضر الاجتماع
يقولو .. فانا ضد التجمعات بدون غرض ورابط مشترك وعارفني؟!!
يعني يا سفيان انا ردي ليك في التوقيت وبس .. وانا مع معاك
في الحاجات التانية ..
فتك بخير
منعم
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
العزيز جداً منعم ،،
تحياتى مجددة لك ,,
كتبت :-
Quote: اقول ليك بصراحة يا سفيان راييئ شنو !!
انت عارف انحنا اليومين ديل اولوياتنا شنو وخايف كلام زي
كلامك ده بياثر في الموضوع الشغالين فيهو لانه اكيد الكتب/ت
الموضوع ده بيننا وبس انا بفتكر اي مسالة تشق الصف حتكون
خصما علي المشروع الانساني الكبير البتسال عنه انت دائما
ومهتمي بيهو !! فهمتني يعني انا راي في المسائل اللذي دي
انت عارفه يا سفيان وقبل البوست الاتفتح من حضر اخر اجتماع
بخصوص غادة نوري بعرف اقتراحي شنو ؟!! وممكن يجي يقولوا
وما بعيد من موضوعك ده واختلافك اتمني زول حضر الاجتماع
يقولو .. فانا ضد التجمعات بدون غرض ورابط مشترك وعارفني؟!!
يعني يا سفيان انا ردي ليك في التوقيت وبس .. وانا مع معاك
في الحاجات التانية ..
|
وانا بصراحة برضو يا منعم ما عندي حاجة اسمه ده مرحلي وده تكتيكي وحاجات أولي وتانية
ابداً يا منعم وبشوف انو كل حاجة لازم تمشي منضبطة وموزونة ونبعد بيها من كلام الاحلام الساهت ده ولازم طالما دايرن نعمل حاجة نكون منجضين اساسه خصوصا انو العايزين نعملو ده وبيقولو بي اسمنا ناس البوست ديك عندوا تاريخ واساس في السودان ده وعندو نماذج مشرفة واخري غير مشرفة يا منعم .
وكلامي ده يا منعم ما بيأثر في العمل القايم الان ابداً ابداً ولو في زول فكر في كده بيبقي اصلاً هو ما بيعرف العمل الماشي ده ولا بيعرف شنو يعني مثل هذا العمل .
والمشروع الانساني الكبير البسأل انا عنو دائماً يا منعم لو بيتشقه بي جنس اسئلتي دي يبقي هو لا انساني لاكبير صدقني ويبقي أنا ذاتي محتاج اراجع شنو يعني مشروع انساني كبير واعرفه من جديد ويبقي ويبقي ويبقي .
يا منعم زي كلامك بتاع يشق الصف ومشروع انساني كبير دي ياخ وانو مفروض ننتبه عشان ما مأثر علي زول من الناس القايمين علي أمر عملاً ما صدقني دي كلمات انا عارفك بتكون قلتها حرصاً علي العمل لكن نفس هذه الكلامات ح تخلي اي عمل زي ده يتبني علي اساس فطير وغير راشد وغير مدعوم بالتمحيص وغير مستفيد من النقاشات الجادة والطويلة .
يامنعم كدى خليك حريص معاي نصل لي اجابات حول اسالتي المعلقة فوق ديك وااكد ليك انو الاحوال ح تمشي للافضل .
عيد سعيد مرة اخري.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
الاخ خالد ماسا
سلام يا صاحبي
كونك تكتب باسمك هذا هو المتعارف عليه هنا
لكن يا عزيزي بعد كتابة بوست (بورداب الخرطوم)
كونك لا تتحسس اسمك وكتابتك فهذا هو الغير مطلوب
لانه بكل بساطة هؤلاء الناس كتبو باسمك وبغير علمك
في أمر مهم وجيد لكنهم يستسهلونه بمثل هذه الكتابة
ظانين انهم اكثر حرصاً منا .
طالما أنك تقول معني باسمك وكتابتك فقط دعني اخبرك
انك ايضاً معني أن بان تعرف لماذا فعلوا ذلك ومن هم
ولابدا أن تقف مطالب باجابات عن اسئلة مشروعة وليس
الهدف الوحيد معرفة منهم فقط بل الهدف ايضا ان العمل
المدنى والانسانى والطوعي كما كررت ليس بالشي الهين الذي
يتعاملون معه بهذه البساطة المخلة والاستهوان !
عليك هذا يا صديقي .
كن بخير وعيد سعيد
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
معتصم الطاهر ,,
يا صاحب الكلمات والروح الجميل ,,
كيفك والاشجان اللحان وحنين؟
يامعتصم :-
Quote: قصدت بدخولى ان تستفيدوا من تجربتنا
و ليس - بأى حال - ان افرض عليكم رأيا
ولا اتهمك - بأنك - تقصدنا
|
وانا يا معتصم أبداً ما فهمته كلامك خلاف كده ووريتك أنكم انتو قعدتوا وناقشتوا
ووصلتو لي انكم فوضتوا لجنة ثلاثية ، لكن يا معتصم بي صراحة نحنا قعدوا لينا
وناقشوا لينا وسوا البورداب وجوا كتبو باسمم وقالو شنو قالو عايزننا نناقش
نناقش شنو يا معتصم نناقش حاجة هي اصلا بقت ونزلت وكتبت !!!
معتصم برضك قلته :-
| Quote: يا زول كلام عبده دا انا معاهو .. |
وده هو كلام عبده (عبد المنعم) انت ختيتو هنا :-
Quote: : انا بفتكر اي مسالة تشق الصف حتكون
خصما علي المشروع الانساني الكبير البتسال عنه انت دائما
ومهتمي بيهو !! |
يا معتصم اها شفته كيف لما انت وعبده تكونوا شايفين انو اسالتى دى بتشق الصف وتكون
خصماً علي المشروع دي الحاجة الانا بسميها الرضي (غصب) بساسة الامر الواقع في شنو؟؟
في عمل مدني وتطوعي وعام اهم نقطة جوهرية فيهو هي الوضوح والشفافية وقتل كافة المواضيع بالنقاش .
طيب يا معتصم ومنعم ( وانا مقتنع بي حرصكم علي الصف الواحد وبي المشاريع الانسانية)
انتو ليه ما تقولو للناس ديل العملتوهو ده شقه ( شايف كيف شقه عديل كده مش بيشق) شقه
الصف وبقوة !! ايوة قولوا ليهم هم كده لانو هم الشقوه ومعاهم بكري ده لانهم لا ناقشوا لا حاوروا زول .
معتصم ومنعم يا اخوانى العديل عديل والاعوج اعوج !
وشق الصف وضباع المشروع سوهوا الكتبوا الكلام ده ومعاهم من ساعدهم علي ذلك وفي رآي القاطع انو هو بكري ابوبكر .
وح انتظر الاجابة علي تسأؤلاتي ولسع عندى كلام كتير جداً جداً في ما يسمي الصف ووحدته
والعمل التطوعي العام .
لكم محبتي الدائمة وذكريات حميمة علي روح الذاكرة.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
العزيزه اشراقه حيموره ,,
تحياتي ,,
اعتزاري لك لانى لم اري هذه المداخلة ,,
التي اتفق معك فيها في كل شي ,,
Quote: بورداب الخرطوم لم يجتمعوا ولم يكلفوا أي شخص بتمثيلهم
نحن لسنا ضد الإتفاق والوحدة ..
ولكن ضد أن يقوم أي فرد بسحب حقنا في إتخاذ القرار
والتحدث بما نراه مناسباً
يمكن للأخ بكري إطلاعنا على الشخص الذي يكتب باسم بورداب الخرطوم حتى يمكن الاستفادة من هذه العضوية فقط في نشر الأخبار الإجتماعية والتهاني والتعازي والدعوة للإجتماعات ....
لدي تساؤل.... هل تم سحب عضوية (بورداب الخرطوم) أم اكتفى الأخ بكري بنقل البوست إلى الخور؟؟ |
لك تقديري .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
| Quote: بل كلفنا مجموعة (ثلاثة) ووفقنا الله |
بورداب الخرطوم لم يجتمعوا ولم يكلفوا أي شخص بتمثيلهم
نحن لسنا ضد الإتفاق والوحدة ..
ولكن ضد أن يقوم أي فرد بسحب حقنا في إتخاذ القرار
والتحدث بما نراه مناسباً
يمكن للأخ بكري إطلاعنا على الشخص الذي يكتب باسم بورداب الخرطوم حتى يمكن الاستفادة من هذه العضوية فقط في نشر الأخبار الإجتماعية والتهاني والتعازي والدعوة للإجتماعات ....
لدي تساؤل.... هل تم سحب عضوية (بورداب الخرطوم) أم اكتفى الأخ بكري بنقل البوست إلى الخور؟؟
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
Quote: كونك تكتب باسمك هذا هو المتعارف عليه هنا
لكن يا عزيزي بعد كتابة بوست (بورداب الخرطوم)
كونك لا تتحسس اسمك وكتابتك فهذا هو الغير مطلوب |
طـــــــــــق خااااص
الوريف سفيان ...
كل سنه وانت طيب ...
- طبعا لمن اكتب بانني مسئول عن user name خالد ماسا ليس من باب "لازم الفائده " كما هو موجود في اشارتك " بالمتعارف عليه " وانما بقصد الاشاره الي ان " user name" " بورداب الخرطوم" وما يكتبه
لا يعبر عني ولا يمثل وجهة نظر لا في خير ولا شر ..
- اما تحسسي لاسمي وكتابتي فيكون لاي باحث او مهتم بمرفة رائي فامامه نافذه واحده هي ما يطل من
user name خالد ماسا اما غير ذلك فاجد انه يبحث عن اشياء لا تخصني .. الا اذا كان المطلع علي الراي مثبت في ذهنه وجود ما يسمي " بورداب الخرطوم " كجسم مسلم به ويتم التعامل معه كوحده واحده.
- تساؤلاتك مشروعه .. وحتي لا يفهم حديثي الذي يلي هذا في غير مكانه انا ايضا اشاركك الرغبه
في معرفة " من الذي كتب "؟؟ وما الهدف من الكتابه ؟؟؟
ولكن بنفس المنطقيه التي تضع بها رايك في رفض مبدا سرقه ارادة الاخرين والتعبير عنها بلسان لا يخصهم " بورداب الخرطوم " .. اي شخص يجد نفسه يا وريف رافض لمبدا فرض " تلبس" "بضم الباء" المواقف بحتمية الاشتراك في وضع اسئلة وضعتها انت وحسبتها علي باستدراكك ب " ولكن ..." ي معرض ردك علي ...
- بمعني انك تري انه مجرد " تبرئة ذمتي " من ما يسمي ببوردب الخرطوم بقولي انه لا يمثلني ولا يمثل
موقفي وحصر ذلك في ال user name خالد ماسا "لا يرقي" الي سقف استدراكك بالقول بحتمية وضع التساؤلات انفة الذكر ...
- اشتراكي " انا " وانت في هذه الاسئله باي حال من الاحوال يا وريف لا يخول لنا ان نطعن في مواقف
اخرين " خالد ماسا نموذجا" بالاستدراك بلكن عند ابداء موقفهم .
-وعلي كل .. تمت الاجابه علي اسئلتنا او لم تتم الاجابه .. انا موقفي يظل واضحا فيما يخص التعبير
عنه والمسئولية عنه .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
خالد ماسا ,,
سلام يا راجل ,,
يا عزيز .. ما عارف انت فهمته شنو بس كل الموضوع مش انو ناس كتبوا باسمنا ونحنا ما عارفين وبس ، لا الموضوع فيهو عمل تطوعي مدني وقصة طويلة واحلام وشنو وشنو وده كلو ما عيب ولا غلط بس الغلط هو انو الناس تستهون بي المشروع في حد نفسوا ويفتكروا أنو الحاجات دي بتقوم كده ده وبسهولة شديد .
اها ده ادب عام وعندوا تاريخ وجذور وتجارب في السودان وفي كل بلاد الدنيا ولو المشروع الانساني والهم اليومي ده (العام) الناس شايفاهو (هين ولين) وبيفتكروا انو السوهوا ده ما بيمس جوهر الفكرة يبقي هم محتاجين يراجعوا كتير من مفاهيمهم .
ياخالد ماسا يا صاح ,,
كل شي عندوا علاقة بي شي اخر وده جدل معروف وعارفك عارفوا .
لك محبة تعلمها جيداً.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
تحية للجميع ,,
نرفع البوست ده لي فوق حبه لانو شايف الاخ بكري ابو بكر مع الناس ديل :-
Quote: المتواجدون الان بالمنبر العام 511 شخص » (40 )عضو و (471) زائرا
»Adil Osman
»ALGARADABI
»altahir_2
»bayan
»Dia
»doma
»Gaafar Ismail
»hamooz01
»Haytham Abdulaziz
»Luai Salah
»MAHJOOP ALI
»Marouf Sanad
»mohamed kabbar
»Mustafa Mahmoud
»Nasr
»omar ali
»othman mohmmadien
»Shams eldin Alsanosi
»Soumeta
»Tumadir
»Yasir Elsharif
»ابو مهند
»الجيلى أحمد
»بكرى ابوبكر
»حاتم هاشم
»حسن الجيلى سعيد
»حيدر حسن ميرغني
»ست البنات
»عباس حسن احمد
»عبدالله شمس الدين مصطفى
»عصام دهب
»عمر الفاروق
»محمد ابوبكر عثمان
»محمد خليل إسماعيل
»محمد سنى دفع الله
»محمد عبدالله هارون
»نادية عثمان
»ناذر محمد الخليفة
»هشام هباني
»ياسر ميرغنى عبدالرحمن
هذه الصفحة يعاد تحديثها كل 120 ثانية.
|
رفع البوست علي آمل انو بكري ابوبكر يكون قاعد يفتش فيهو هسع .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: خالد ماسا)
|
مني صاحبتي ,,
سلام ليك ياخ ,,
Quote: تعلم الشفافية والصـدق والمحاسبة اساس اي نجاح جماعي..
|
هم ماشين بذات التفكير القديم يا مني لكن .
واهو انتي قابضة صاح زي عادتك (ماشاءلله عليك):-
Quote: فهي فكرة قامت أساسا علي محاولة "الهيمنه"
|
والبأكد لي كلامك داك كلامك ده :-
Quote: مرض سـوداني مزمن.. سبب فشل أغلبية منظـمات المجتمع السوداني إن لم كلها..
هي عقلية سـياسية خـربه |
وبقول ليهم وبقول لي روحي :-
Quote: يللا فتشوا بيناتكم منو العمل كـده..
|
Quote: إزيك ياسفيان..إيه رأيكم في رحـلة للجـبل?
|
اهلاً يا مني اهلاً والله ياخ ايوه (انا) موافقك من ناحيتي تب امشي معاك وين ما يكون
لكن
دي والله عجبتني وانا ما بقدر (اتكلم) براي التانين كدي اليجوا
يقولو براهم ، عشان ما (اشربك فينيّ) واعمل (فينيّ) بوست زي ده .
محبة محبة شديده ليك الله يعلم .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سمرية)
|
حكمة اليـوم..
"إمشي عـدل يحتار عـدوك فيـك"
تعلم الشفافية والصـدق والمحاسبة اساس اي نجاح جماعي..
لا أعتقـد أن بكري كتب البوست..تحليلي أن أحـد أو أكثر من بورداب الخرطـوم فعلوا ذلك..
رد الفعل علي الفكرة وضح..فهي فكرة قامت أساسا علي محاولة "الهيمنه"
مرض سـوداني مزمن.. سبب فشل أغلبية منظـمات المجتمع السوداني إن لم كلها..
هي عقلية سـياسية خـربه وحان لهذه العقلية ان تعلم أن زمن الخم خـلاص!
زي ناس كـده يجـوا الإجتماعات بأجـندتهم الخاصة وعضويتهم التي لا تسمن ولا تغني عن جـوع..
وكمان تقتل!
يللا فتشوا بيناتكم منو العمل كـده..
إزيك ياسفيان..إيه رأيكم في رحـلة للجـبل?
مني
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: Muna Khugali)
|
Quote: لا أعتقـد أن بكري كتب البوست..تحليلي أن أحـد أو أكثر من بورداب الخرطـوم فعلوا ذلك..
رد الفعل علي الفكرة وضح..فهي فكرة قامت أساسا علي محاولة "الهيمنه" |
اللطيفة منى .. ازيك انتي ؟؟!!
اتفق معك تماما .. واعتقد انا ماحدث القصد منه التشكيك في وحدة بورداب الخرطوم .. !!
| Quote: يللا فتشوا بيناتكم منو العمل كـده.. |
ودا بيت القصيد ... ممكن يكون واحد من بورداب الخرطوم .. بس الاحتمال الاقوى يكون ما مننا !!
عشان كدا منتظرين الاخ بكري ... !!
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
هبة ,,
سلام وشوق ,,
حمداً علي سلامة وصولك ,,
وعيد سعيد ,,
اتفق معك علي هذا تمام :-
Quote: حقا ما حدث فوضى عارمة جدا .. وارجو ان نجد تفسيرا من المهندس بكري ..
وانا اعتبر هذا تعدي خطير .. ولازم نعرف ملابسات الامر ..
سفيان
انا بعرف طريقة ممكن نعرف بيها من كتب باسم (بورداب الخرطوم ) لكن اظن من الانسب معرفة ذلك عن طريق المهندس بكري !!
|
ايوة الانسب نعرف من بكري يا هبة والانسب شديد كمان عشان الموضوع ده اكبر من انو ناس كتبو باسامينا وبس , لا اكبر من كده بكتير !
ويابكري ابو بكر الخور ليس هو الحل ابداً !
مودتى لك يا هبة .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
العزيز سفيان ,
و الجميع هنا و هناك ,
دعنى اؤمن ان ما اتفق عليه بورداب الخرطوم من مبادرات و انشطةانسانية لم يحتاج منا الى تحجيم او توصيف او وضعه فى قوالب مؤسسية اراها تضيق و يتسع !
ايا كان دوافع صاحب الفكرة الرامية الى خلق مؤسسة تخرج من رحم ذلك الكيان الوجدان اراها لا تستحق كثير وقوف عندها و جدل بقدر ما انا حقا قلقة على ما اجترحناه من مبادرات اخشى ان تصبح رفع اصواتنا بالتنادى عليها (زى صوت طفلة وسط اللمة منسية)!
اجدنى اسألك سفيان اين نحن منها الان ؟
ودى للجميع ,
نادية السر
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
سفيان إزيك ..
ده منو هو الكتب الكلام ده ؟!!!
Quote: هل نطمح في تكوين كتلة موحدة أساسها العمل الخيري والإنساني والثقافي ؟
هل نحن بحاجة كي نرجوكم للتوحد تحت راية واحدة وإسم واحد بحكم وجودكم في وطننا الأم ؟!!
الموضوع مفتوح للنقاش لكل بورداب الخرطوم .. |
يا بكري ..
للأسف هذا الكلام قنبلة وسط تكاتف بورداب الخرطوم والكل سيظن بصديقه السوء
الرجاء حسم الأمر والرد على التساؤلات التي تدور داخل كل من قرأ أو سيقرأ ماكتب .
غض النظر عن مقصد من كتبه .
عبير خيري
من بورداب الخرطوم
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: عبير خيرى)
|
هل نطمح في تكوين كتلة موحدة أساسها العمل الخيري والإنساني والثقافي ؟
هل نحن بحاجة كي نرجوكم للتوحد تحت راية واحدة وإسم واحد بحكم وجودكم في وطننا الأم ؟!!
الموضوع مفتوح للنقاش لكل بورداب الخرطوم ..
عبير ..
سلامات يا حبيبة وكل سنة وانتي طيبة ..
تعرفي انا قريت الكلام كذا مرة وفي كل مرة بكتشف اللعبة الغبية التي لعبها كاتب هذا الكلام .. فلو كان فعلا قصدو شريف ليه ما ظهر وكشف عن شخصيته .. وازال اللبس الحاصل !!
القصد من الحكاية دي ( البلبلة ) .. وبس ..
والله نحن ما فاضين ليهو وعندنا حاجات كتيرة اهم حتى من الرد على هذا البوست .. ونحن كتلتنا موحدة واساسها فعلا العمل الخيري والانساني والاجتماعي والثقافي !!
وما محتاجين وصايا من واحد جبان لا اكثر !!
تقديري واحترامي لكل بورداب الخرطوم اللذين قابلتوا واللذين لم افعل بعد !!
اؤكد لكم ان كاتب هذا الموضوع ليس من بورداب الخرطوم .. باي حال من الاحوال !!
ومع احتراماتي الشديدة جدا لكل البورداب في جميع انحاء العالم
هبة عثمان
من كتلة بورداب الخرطوم الموحدة ..
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
سلامات يا شباب ..
أنا والله ما عارف ليه الناس بتعاين للوجه المظلم من الكوب !! الغريبة أول خمسة أو ستة تنفار إتداخلو في البوست داك أيدو الكلام لانو شي جميل إنو الناس تكون تحت إسم واحد بتراضي الجميع كلهم ..
أمكن صاحب الفكرة إتسرع لكن انا شخصيا ما خاتي سوء النية تجاه الفكرة عشان كدة أيدتها جدا زي ما في كتار أيدوها ..
بس الضوابط مفروض تكون شنو ؟
انا إتخايلي كل الإشكالية المتخوفين منها الناس إنو منو الحا يستعمل الباصويرد .. والناس خلو كل المحاسن بتاعت الكتابة بي إسم موحد وقعدت تلوك في الأشياء التانية ..
أنا شخصيا بفترض حسن النية ..
مثلا البوستات الإنكتبت لي غرض إنساني زي بوست سمرية بتاعة غادة نوري ! امكن في ناس ما بتحب تقرا بوستات سمرية أو مكجناها لله في الله كدي !! ودا بيضعف المشروع ونفس الشي بوستات نادية السر أو خضر او عبد المنعم أو ماسا ..
لكن لمن يكون في إسم محدد زي بورداب الخرطوم والناس عارفا إنو بيكون مخصص للأعمال الخيرية أو الإنسانية أو دعوات التجمعات .. بكل تأكيد كل الأعضاء والزوار حا يخشو البوست عشان يعرفو أخبار البورداب شنو ومشاريعم المشتركة شنو ..
أقر أن شخصيا بي تسرع حاصل في مسألة إنشاء نيك نيم بي إسم بورداب الخرطوم قبل ما الناس تتشاور . لكن أنا شايف نتكلم في الجانب الإيجابي من الناحية دي ..
ولا شنو ؟!!
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: ناذر محمد الخليفة)
|
.
ناذر الخليفة إزيك
كم مرة سألت نفسك أو سألت واحد من المقربين ليك من بورداب الخرطوم
يا ربي الكتب الكلام ده منو ؟
وكم مرة حاولت تقرا الكلام الفوق ده عشان تعرفو قريب لي إسلوب منو في الكتابة ؟
وكم مرة يا ناذر جيت داخل البوست ده والفات تحديداً وليه ؟
لو رديت حتعرف إنو مافي غير الجانب المظلم للأسف .
ببساطة شديدة نحنا عندنا تلفونات بنتلاقى وقت ما نكون عايزين ، بي مناسبة أو بدون مناسبة ، كان ممكن قبل البوست ده تترسل رسايل في الموبايلات ويتقال فيها
دعوة للحوار يا بورداب الخرطوم ويتحدد الزمان والمكان
ولا ما كدة ؟
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
العزيزه نادية السر ,,
سلام جاك , كيفك واحوالك؟
Quote: دعنى اؤمن ان ما اتفق عليه بورداب الخرطوم من مبادرات و انشطةانسانية لم يحتاج منا الى تحجيم او توصيف او وضعه فى قوالب مؤسسية اراها تضيق و يتسع !
|
ودعيني اقول ليك يا نادية أن ما اتفق عليه (جزء) من بورداب الخرطوم ايوة فعلاً ما بيحتاج لي تحجيم (مع العلم أنو كلمة تحجيم الكاتباها انتي دي يا نادية محتاجه منك لانك تشرحيه وتشوفي مقصود بيها شنو عشان تتسق مع لو في حاجه اوحته ليك كتابتي دي فوق وخلتك قلتي (تحجيم دي) ، أما القوالب المؤسسيه والتوصيف دي فدي طبيعية وقاعدين نعمله ببساطة ومرات برضو بنعمل بي(تقريظ) مكتوب ومتفقين عليهو (دستور) ، وفي كل الحالتين (بتضيق) ايوة نعم لكن عشان ننجز بيها حا جتنا .
نادية السر :-
Quote: ايا كان دوافع صاحب الفكرة الرامية الى خلق مؤسسة تخرج من رحم ذلك الكيان الوجدان اراها لا تستحق كثير وقوف عندها و جدل بقدر ما انا حقا قلقة على ما اجترحناه من مبادرات اخشى ان تصبح رفع اصواتنا بالتنادى عليها (زى صوت طفلة وسط اللمة منسية)!
|
الكلام الفوق ده أنا ما فهمتو !! بس لكن شايف أنو بتستحق عمليتو العملة دي الوقوف عندها وطويلاً طويلاً جداً وتستاهل جدل خالص .
اما ما (اجترحناه) من مبادرات والله أنا ماشايف حاجه بتقلق عليهو ابدا وانو كوننا نواصل فيها ما مشكلة ابداً ابداً ، أنا ما عارف ليه يا نادية كلامك بتاع انك قلقه علي المبادرات ده حاسي بيهو مربوط بي البوست ده ليه ؟؟
Quote: اجدنى اسألك سفيان اين نحن منها الان ؟
|
يا نادية نحن منها ساكنها وبنعمل فيها وكلاً حسب ما علي عاتقه مما التزم به.
ودى لك وتقديري .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
العزيز سفيان ,
التحجيم فيما يخص ان نجعل من هذا التواجد و الانتظام التلقائى و وفى نفس الوقت هو مسؤل و مؤطر فى دواخل كل منا حسب ما اقتضه المرحلة و الواجب اما وضعه بحجم و اطار مؤسسى يكبلنا ببروقراطية ارى اننا فى امس الحاجة الى الانعتاق منها حتى نرى انجازات فردية فى مسعاها جماعية فى نبضها !
اما قلقى نابع من ارتفاع اصوات نشاز تشوش على ما ابتدعناه من انسجام و دوزنة قلما وجدت فى ايامنا هذة الممتلئة صخبا و ضوضاء .
تادية السر
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
لم أيدنا فكرة مسمى (بورداب الخرطوم) كنا قايلين ديل انتو
البورداب (الناشطين) ، واعتقدنا ان الفكرة خيّرة !!
وهو الحصل شنو ؟!
ولشنو ظن السوء؟
هل نطمح في تكوين كتلة موحدة أساسها العمل الخيري والإنساني والثقافي ؟!
هو يعني الكلام دا فيهو شنو؟!
وبرضو كمان اعتقدت انه الموضوع طرح كمادة للنقاش ..
وقبل ما اكتب أول تعليق برضو كنت بتساءل بيني وبين نفسي (الكنترول) عند منو ؟!
وبما اني بعيدة بعض الشي احتفظت بتساءلي ورجحت انو الناس (الفعالة وقاعدة تتلاقى مثلا)اتفقوا على الفكرة ومن ثم طرحوها للبقية ...
لكن الإنفعال (الزائد) والتعصب الأعمى ضد الفكرة حيرني وبصراحة فكرت انو الموضوع دا فيهو أبعاد وملابسات خفية الناس عارفاها ونحن (البعيدين) ماعارفين ...
الموضوع مابستاهل الضجة الحاصلة دي ..
- الطرح الفكرة منو؟
- وحاتتنفذ كيف؟
- الموافق منو ؟
- الماموافق منو؟
وخلاص
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
عبير ....
Quote: ناذر الخليفة إزيك
كم مرة سألت نفسك أو سألت واحد من المقربين ليك من بورداب الخرطوم
يا ربي الكتب الكلام ده منو ؟
وكم مرة حاولت تقرا الكلام الفوق ده عشان تعرفو قريب لي إسلوب منو في الكتابة ؟
وكم مرة يا ناذر جيت داخل البوست ده والفات تحديداً وليه ؟
|
أنا ما قلت ليك زول طيب والمؤمن صديق عشان كدة إتشجعت للفكرة وما سألت نفسي الأسئلة التانية ديك ..
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
سلام للجميع ،،
كنت بكتب وفجاءة جيت لقيت ليك ناس كتار علقت وداخلت ، يبقي تمام التمام .
مرحب ملاسي .
مرحب سمرية (تاني وطوالي).
مرحب عمدتنا السابقة(والدائمة) عبير خيري.
مرحب ملكتنا (ملكة سبأ) .
عبير وهبة يا سلام عليكم والله وتاكيد هبة ده ليك ياعبير :-
Quote: عبير ..
سلامات يا حبيبة وكل سنة وانتي طيبة ..
تعرفي انا قريت الكلام كذا مرة وفي كل مرة بكتشف اللعبة الغبية التي لعبها كاتب هذا الكلام .. فلو كان فعلا قصدو شريف ليه ما ظهر وكشف عن شخصيته .. وازال اللبس الحاصل !!
القصد من الحكاية دي ( البلبلة ) .. وبس ..
والله نحن ما فاضين ليهو وعندنا حاجات كتيرة اهم حتى من الرد على هذا البوست .. ونحن كتلتنا موحدة واساسها فعلا العمل الخيري والانساني والاجتماعي والثقافي !!
وما محتاجين وصايا من واحد جبان لا اكثر !!
تقديري واحترامي لكل بورداب الخرطوم اللذين قابلتوا واللذين لم افعل بعد !!
اؤكد لكم ان كاتب هذا الموضوع ليس من بورداب الخرطوم .. باي حال من الاحوال !!
ومع احتراماتي الشديدة جدا لكل البورداب في جميع انحاء العالم
هبة عثمان
من كتلة بورداب الخرطوم الموحدة .. |
عارفك فاهماهوا وزياده ، بس خلوني اقول ليكم وآآكد انو مافي زول بقدر
يشق الذي تعارفنا عليه ابداً وانو كتابتى دى هنا والبوست ( بقدر ما دايرفيهو اجابات للاسئلة) عايز برضو العمل العملية دي يفهم أنو العمل العام والتطوعي ده ما احلام ساي بالمة ولا هو امنيات ( بالتكاتف والتوحد) ساي كده بتنطلق ( سمبها) لا ابدا ما كده , والبوست ده ركيزة اساسية عشان الناس تعرف انو ما اي حاجه كده (مجانا) وساي .
ملكتنا ملكة سبأ ,,
كيف يا يا ملكة والافراح؟ شايفك حازمه نصك في نص سيوان عروستنا الحبيبة( رشا) ربنا
يتم ليها ويديها قدر سماحة كلمته وحرفه واحلامه ، ويديك قدر نيتك و(عقبالك).
يا ملكة ,,
Quote: لكن الإنفعال (الزائد) والتعصب الأعمى ضد الفكرة حيرني وبصراحة فكرت انو الموضوع دا فيهو أبعاد وملابسات خفية الناس عارفاها ونحن (البعيدين) ماعارفين ...
|
ً
يا ملكة ما في اي انفعال زايد ولا تعصب اعمي ولا تحتاري ابدا ، لانو لحدى هسع انا ذاتى العملته البوست ده ما شايف اي آبعاد وملابسات خفية بس كل الموضوع شايف أنو ما منحق الزول ده يسوى كده بدون يشاور الناس وشايف انو دى اسئلة ومفترض تتجاوب وكمان شايف برضو وبوضوح انو الزول ده بيستخف وبيستهون العمل العام والتطوعي وانو بطريقة افتكارو دى للعمل العام ما عارف انو بيبتذل فيهو وبيمشي بذات العقلية القديمة الورثتنا سودان اليوم ده والكلام ده كتر خير منى عوض خوجى (أخت دمي) طق كتبتو بي بصيرته الواضحه (ربنا يديها ويديها) .
ده كل الموضوع !
ناذر الخليفة سلام يا صاح ,,
عبير خيري يا ناذر قالت كلام بتفق معاهو فيهو ، انتو الاتنين انا ما معاكم في (كبايتك) المظلمة في حته وما مظلمة في حته تانيه !! ليه؟؟ لانو ما شايف انو ممكن العمل العملية دي :-
1/ بيقدر يأثر عليناأوبأخرنا من اي فكرة بتجي في راسنا.
2/انو هو ذاتو لازم يفهم انو اي عمل لازم تسبقوا ترتيبات ونقاشات وحوارات عشان يقوم صح
والعمل التطوعي والعام ده ما هين كده .
نادية السر ,,
سلام يا صديقه ,,
يبقي كده :-
Quote: التحجيم فيما يخص ان نجعل من هذا التواجد و الانتظام التلقائى و وفى نفس الوقت هو مسؤل و مؤطر فى دواخل كل منا حسب ما اقتضه المرحلة و الواجب اما وضعه بحجم و اطار مؤسسى يكبلنا ببروقراطية ارى اننا فى امس الحاجة الى الانعتاق منها حتى نرى انجازات فردية فى مسعاها جماعية فى نبضها !
|
اخوك فهم تب شكراً يا نادية وكلام صح الصح ، لكن المؤسسه والبيروقراطية لازمانا مش عشان تكبلنا يا نادية لا بس عشان يكونا عندنا خطة مرسومة ونعمله ونجى نشوف سوينا شنو في شنو ، وكان ما هو عمل عام وتطوعي لكن خلاص التزمنا بيهو يعني مبداء التزامنا ده مبداء بتاع تشريف مش تكليف والمبداء الزي ده اجمل مافيهو أنك تكون معرض فيهو للمسألة مش قدام الحاجة الاسمها القوانين دى ( الدستور) لا لكن في العمل التطوعي ده مسألة الدستور بتاع عملك ده ما بتشوفو دستور بتشوفو ضمير أنساني وانتي بطوعك كده وحريتك وارادتك رضيت بيهو وعشان كده برضو بترضي تتسأل عنو.
يانادية كلامى ده ما معناهو لازم دستور وجامد جدا ومسألاءت ابداً لا لكن التطوع والعمل العام صعب ما ساهل وما ماشي ساي كده زي ما فاكر الزول الكتب (بورداب الخرطوم ) ده ، مع العلم أنو هو لو كاتبو عشان ما عارف فيبقي يا نادية السر لازم نحن نعرفو ولازم كمان نصر بي كتابتنا دي اننا نعرف نفسنا اكتر واكتر .
سلامي واحترامي الدائم لك
وللجميع الذي بهذا البوست .
ويابكري انا راجيك .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
Quote: الزول الكتب (بورداب الخرطوم ) ده ، مع العلم أنو هو لو كاتبو عشان ما عارف فيبقي يا نادية السر لازم نحن نعرفو ولازم كمان نصر بي كتابتنا دي اننا نعرف نفسنا اكتر واكتر .
|
العزيز سفيان ,
اتفق معك فيما كتبت و سقت من دافع للمعرفة و اعتقد ان الكاتب فى البوست المذكور قد ذيل ابتدارته بان ما طرحه هو للنقاش .
اذن فليفصح عن نفسه و لنناقشه بروية و عمق مستصحبين ما جمعنا و سيجمعنا من نبيل مقاصد و مالآت.
سفيان سعدت جدا بالحوار معك يا صديق ,
ودى,
نادية السر
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
شذي ،،
نادية ,,
نادية وشذي ،،
سلام وومحبة ،،
متفقين يانادية شديد , والغلطة الجوهرية أنو لا احم لا دستور الزول ده كتب كده !!المشكلةانو بكري لحد اللحظة دى ما منتبه للضرورة الردعلي اسئلتنا الفوق دى !! وببساطة شديده اكتر أنا خايف انو لو تم اي نقاش (جديد) لضرورة عمل زي ده ح يكون ما معفي من (هواجس) الحصل من الزول داك ، وانو يكون جوه الناس احساس انو ( كسر رقبه) اهو جيتو وقبلتوا.
شفتى كيف يانادية الناس ما بتقدر المسائل حق قدرها !!
شذي ,,
وينك ؟
كل سنة وانت طيبة يا صاحبة طيبة وناجحه ومتقدمه .
ايوة يا شذي لازم تغزي معانا رغم أنو الموضوع ما (غزوة) بمعنى الغزوة الممكن تتبادر للناس البتعني الحرب ديك ، لكن هي بالجد غزوة نرسخ بيها حاجات مهمة .
سعيد بيكم الاتنين هنا.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
.
بورداب الخرطوم الهميمين سلامات
والله حيرتوني معاكم
أصلو أنا الأيامات دي بعيد شوية منكم لأسباب خاصة
شان كدا ما عارف الداير وسطكم شنو
وبتابع أخباركم من المنبر
مثلاً زي موضوع ( نوري )
والحيرة القلتها فوق دي إني
كلما أقول إمكن فلان ( أعزروني للظن دا )
ألاقيهو في البوست دا محتار زيّي
يعني أنا لا غائب ولا حاجة 
كدي يا اخوانّا بعد ما تحصحصوا
الكلام دا ، أرجعوا فكروا فيهو
بالطريقة الصاح .
لكم كل ودي
.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
يا خضر ,,
كيفك ؟
Quote: الحاصل شنو ذاتو .... ياخي ماقلت ليك مية وخمسين مرة ماتتضايق عشان ماتموت أونطة
|
الحاصل فوضي ياخ وزول والا ناس بيكتبو بي اسامينا وبدون ما نحنا نعرف ذاتو !!!
واخونا بكري ابوبكر لسع ما عايز يجي يورينا ديل منوا ووافق ليهم كيف ؟ ولي شنو؟
ولو هو ما وافق وما عارف كمان يجي يورينا انو في ناس هنا ممكن يدخلو ويكتبوا باسامى
اي ناس بدون هو ما يعرف والا شنو ؟
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
سلامات يا شباب ..
بما إنكم كلكم متلمين هنا فدي فرصة عشان الواحد يقول ليكم كل عام وأنتو بخير ..
الحاجة التانية بسأل عن ناس (لجنة بورداب الخرطوم التمهيدية) !!
وين الجماعة ديل ؟!
الحاجة التالتة البلد فيها ضيوف وبورداب كتار جونا من برة ..
رايكم شنو نعمل لينا جلسة أو رحلة (في الصقط دا) !!
شنكل:
يا سفبان عندي ليك إقتراح جميل جدا .
أقترح إنو يكون بوستك دا (الخور ليس هو الحل .. بورداب الخرطوم مرة أخرى..) هو البديل المنطقي و (المعادل الموضوعي) لي بوست (بورداب الخرطوم) المشى الخور داك !! فإذا كان الغرض هو التوحد تحت إسم واحد فإتخايلي توحدنا تحت إسم (الخور ليس هو الحل .. بورداب الخرطوم مرة أخرى..) بيحل المشكلة ونقدر نطرح مواضيعنا ومشاريعنا من هنا طالما كلنا بنتلمى في البوست دا ..
اها رايك شنو ؟؟
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
ناذر ,,
وانت طيب يا صاحب وأمانيك محققه .
Quote: الحاجة التانية بسأل عن ناس (لجنة بورداب الخرطوم التمهيدية) !!
وين الجماعة ديل ؟!
|
والله يا ناذر الناس ديل أنا سمعته بيهم سمع ساي ولا حاضر ولا عارف الحاصل شنو
المهم يا صاحبي لو موجودين يبقي نسمع منهم .
Quote: الحاجة التالتة البلد فيها ضيوف وبورداب كتار جونا من برة ..
رايكم شنو نعمل لينا جلسة أو رحلة (في الصقط دا) !!
|
والله حبابم والجابهم يجيب عقابم
والسقطه دوها في (سويتر أبو لستك).
Quote: يا سفبان عندي ليك إقتراح جميل جدا .
أقترح إنو يكون بوستك دا (الخور ليس هو الحل .. بورداب الخرطوم مرة أخرى..) هو البديل المنطقي و (المعادل الموضوعي) لي بوست (بورداب الخرطوم) المشى الخور داك !! فإذا كان الغرض هو التوحد تحت إسم واحد فإتخايلي توحدنا تحت إسم (الخور ليس هو الحل .. بورداب الخرطوم مرة أخرى..) بيحل المشكلة ونقدر نطرح مواضيعنا ومشاريعنا من هنا طالما كلنا بنتلمى في البوست دا ..
اها رايك شنو ؟؟ |
رأي ياناذر أنو الاتعمل ده ما ساهل أبداً ولازم ينعرف العملو منو ، خصوصاً
انو مش الفكرة في العملو منو لا الفكرة في استهوانو بالعمل ده زاتو وانو فاكر
اي حاجة ممكن تبقي ساي !! ياخوي الوحده الداير يقومه بين يوم وليله دي شوف الناس
تعبانه وراها قدر شنو دولة قايمة ودولة قاعده ومدتمع دولي ومؤسسات انسانية ومش عارف
ايه وun وهوليله كلهم قايمين وقاعدين عشان خاطر ما يقعنو (ناس السودان) يقبلو بي منو
بي ناس (السودان) ذاتهم ولسع (العلاله قائمه ، يجي هو براحة كده وبي كل سهولة يفتكر
انو الناس واحد ومتفقين وتوش يخش ويسوي ويعمل الاسم (وياوالله) كمان بيقول ناقشوا؟!!!
ياخوي الاعوج رأي والعديل رأى وانا رايك ده سمعتوا بس ما بمشي معاي.
عيد سعيد واتجهز للسقط .
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
ناذر ،،
سلام ,,
والله كلام ملاسي ده :-
Quote: ما مشكلة يا ناذر .. نعمل حركة في شكل وردتين؛
على أن لا تتعارض من المجهود المقدس المبذول في
سبيل الكشف عن الجاني الذي لا يرغب في الاعتراف. |
تمام ومافيهو اي حاجة تب ومافق عليهو
بس لو اتعمل بوست للدعوة يكون احسن
عشان ده يكون للمجهود
تشكراتي يا ملاسي
وعيد سعيد.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: طارق جبريل)
|
بورداب الخرطوم الحلوين وعلى رأسهم سفيان وبقية العكاليت
كل سنة وإنتو طيبين
ربنا يحقق جميل أمنياتكم
ويجعلنا منكم وفيكم
بالرغم من إنو الواحد ضد فكرة إنو يكون فى زول واحد يفكر ويقرر بالإنابة عن الجميع،
إلا أن متابعتى لهذا الخيط العكليت
الذى قد يبدو لى إنه وضع صاحب الحوش بكرى
و(الشخِص) الذى يكتب بإسم بورداب الخرطوم
فى ركن ضيق
وهذا الركن الضيق
سببه المداخلات ذات طابع (النفس) الحار فى البوست طريح الخور وفى هذا الخيط العكليت أيضاً
جعلت الشخص صاحب المقترحات الجميلة فى موضع الزول العامل ليهو عملة بطالة-حمانا الله وإياكم-
طالما لم تجدوا الإجابة حتى الآن، إذاً/ن هنالك مايمنع بكرى من الإفصاح عنه..
فحفاظاً على تماسككم
وححفاظاً على على مابينكم وصاحب الحوش من علاقات متميزة -كما نرى فى كل زيارات بكرى للسودان-
وأظن-غير آثم-أن هذا الشخص الذى يكتب بإسم -بورداب الخرطوم- قد وعى الدرس تماماً
ورسالتكم وصلته ووصلت الأخ بكرى صاحب الحوش
لذلك، أتمنى، أن (تقلبوا) الصفحة دى للأبد، ما لم يظهر العضو -بورداب الخرطوم- مرة أخرى
تحياتى السوامق لكم يا من بالداخل
ومرة تانية كل سنة وانتو طيبين، والوطن كذلك
| |
|
|
|
|
|
|
|
|
 Re: الخور ليس هو الحل .. بورداب الخرطوم مرة أخرى.. (Re: Yassir Tayfour)
|
العزيز ...سفيان نابرى
تحية عيدية وسلام
من باب المشاركة فى الحديث برغم ان الحديث موجه للاخ بكرى ابوبكر لكن ممكن نشارك الرأى برضو
...
....
بعد قرأتى للبوست المعنون باسم (بورداب الخرطوم)لست افترض حسن النية فى من كتب باسم (بورداب الخرطوم) ...لسبب بسيط هو أن من كتب اصلاً لم يمتلك الشجاعة ليقول من هو ؟؟؟
والجبن صفة ملازمة لكل ما هو قبيح
اولاً لا يحق لك الكتابة باسم مجموعة وكتلة بدون تحديد اهدافك ومقترحاتك ....الخ
ما استغرب له وجود مداخلة واحدة لك وهى تقول Quote: هل نطمح في تكوين كتلة موحدة أساسها العمل الخيري والإنساني والثقافي ؟
هل نحن بحاجة كي نرجوكم للتوحد تحت راية واحدة وإسم واحد بحكم وجودكم في وطننا الأم ؟!!
الموضوع مفتوح للنقاش لكل بورداب الخرطوم .. |
هل انت بحاجة لكى ترجونا؟؟؟؟؟؟من انت حتى ترجونا ؟؟؟ولماذا فى هذا الوقت بالذات والجميع يعرف ان (مجموعة من بورداب الخرطوم) يتواجدون فى إجتماعات دورية ..لخالص توجيه الجهود فى خدمة أشياء إنسانية !!!وانت تتكلم عن العمل الخيرى والإنسانى والثقافى !!!
مرة آخرى لست أفترض فيك حسن النية مطلقاً
...
...
مجمل حديثى إذن هى رسالتين :-الاولى لمن يكتب باسم بورداب الخرطوم
كأننا نتواجد للهو والعبث يا هذا ؟؟
هل ممكن ان تاتى بكل شجاعة وتوضح من أنت أولاً ؟؟؟
حتى يتسنى لنا مخاطبتك والتوحد معك ....تحت راية واحدة !رجاء لمن يكتب باسمنا ارجوك كن شجاعاً وقل من أنت ؟؟؟
....
خاص لبكرى ابوبكر
حتى لا نساق الى نقاشات وصراعات
واشياء لم نكن يوماً نسعى اليها
بكرى ابوبكر هل يمكنك الإجابة عن هذا السؤال ام ان الأمر يسبب بعض!!!
وأيضاً
حتى لا يضيع على باب الصراعات والمناقشات
(
*كل ما نفعله لو فعلنا شيئاً ما!!! ...
*وما سنفعله او ما سوف يفعله بقية البورداب)
فى هذه الاوقات من أعمال واشياء ربما سيخدش هذا الموضوع إنسانيتها
وكفى
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
الخال العزيز/
طارق جبريل ,,
سلام ومحبة وعيد سعيد عليك واسرتك ..
النقه يا خال ما فايتانه بس لما تكون
مجيه بنطلع مستفيدين منها ، لكن لما تكون
مجهجه بتجهجهنا معاها لحدود ما تستعدل .
ياسر طيفور ،،
الشاب الذي احب .
سلام ومحبة يا طيفور محبة شديده .
والله كلامك ده زين وعديل لكن مافي ليهو طريقة تب
لانو لو هم بيفتكروا انو بالسهولة والهوان ده تبقي
المشاريع العامة بيكونوا تاني عايزن يرمونا في الحفرة
وعشان كده يا طيفور مافي طريقة اخلي القصة دي
هسي عليك الله شفته ده :-
حقيقة من يكتب بإسم بورداب الخرطوم !!
اها يا طيفور اقراهو وقول لي رايك.
محبتي لك.
ناجى الزبير ،،
مرحب بيك يا ناجى ,,
كلامك صح ومتفق معاك عليهو تب .
لكم مودتي
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
الاخ سفيان
عيد سعيد وكل عام انت والاسرة والوطن ب1000 خير وعافية ..
الواضح الآن ان ناذر قد كتب ذلك البوست .. اتمني ان تدير معة الحوار اخي
سفيان بدلا عن :
Quote: لانو لو هم بيفتكروا انو بالسهولة والهوان ده تبقي
المشاريع العامة بيكونوا تاني عايزن يرمونا في الحفرة
وعشان كده يا طيفور مافي طريقة اخلي القصة دي |
عينك في الفيل يا سفيان صيغة الجمع لزومها شنو !!!!
السعادة واسبابها لك وللاسرة
منعم
| |
|
|
|
|
|
|
|
|
 Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
الصديق العزيز والاخ /
منعم سليمان ,,
سلام واشواق وعيد سعيد وسنه سعيده عليك وعلي كل ابناء شعبنا الطيب .
منعم كلامك ده :-
Quote: الواضح الآن ان ناذر قد كتب ذلك البوست .. اتمني ان تدير معة الحوار اخي
|
صح مليون في المية بس كمان ناذر يا منعم صاحبي ما براهو العمل كده
معاهو زول واضح وناذر قالو كمان !
وQuote: عينك في الفيل يا سفيان صيغة الجمع لزومها شنو !!!!
|
صيغة الجمع ببساطة يا منعم ما مقصود بيها اي زول غير
كده والكلام من ناذر قال هو العمل كده واضح يا منعم وما عايز اي
فهم مخالف للوضوح بتاعوا .
اها صيغة الجمع أنشاءلله وقعت ليك ؟!
بعدين والله هسي انا بالنسبة لي لا فيل لاضل واصلاً خلاص الموضوع بقي بعيد عن انو
منو عمل كده ، بس مفروض ببساطة شديده انو نشوف كيف الناس بتتعامل مع العمل
الطوعي العام ده ، دي كل القصه حالياً في نظري يا صاحب.
وتسلم يا منعم .
ومحبتك دائمة يا حبيب.
| |
|
|
|
|
|
|
|
|
|
Re: الخور ليس هو الحل .. بورداب الخرطوم مرة أخرى.. (Re: سفيان بشير نابرى)
|
تحية طيبة للجميع ,,
كنا قد كتبنا هذا البوست علي خلفية البوست الذي كتب باسم بورداب الخرطوم)وبيوزر
نيم (بورداب الخرطوم) والذي يستقر الان آمن ومطامن في ما تعارف عليه الاعضاء هنا (بخور
سودانيز اون لاين)وبعد أمد قليل من كتابتنا هذا كتب اخي وصديقي / ناذر الخليفة هذا البوست :- حقيقة من يكتب بإسم بورداب الخرطوم !!
ووضح فيه كل شي ، وبذا أنتهي الشق الاول من بوستي هذا واصبحت الان حريص علي الشق التاني الذي يعنيني جداً .
ولضرورة هذا الامر رايت أن ارفع البوست الان علي أن اعود اليه خلال هذا اليوم أو غداً.
محبتي .
| |
|
|
|
|
|
|
| |
سفيان بشير نابرى
Muna Khugali
أبو ساندرا
معتصم الطاهر
عبد المنعم سليمان
ناذر محمد الخليفة
خالد ماسا
Ishraga Haimoura
سمرية
Hussein Mallasi
عبير خيرى
ملكة سبأ
معاوية كرفس
خضر حسين خليل
طارق جبريل
Yassir Tayfour
الملك
فيس بوك
تويتر
انستقرام
يوتيوب
بنتيريست