دعواتكم لزميلنا المفكر د.الباقر العفيف بالشفاء العاجل
|
|
 اعـترافــات شخصية مُــثيـرة ..
|
لكثير منا حاجات بسيطة يستطيع أن يفصح عنها ويتحدث بها ، لكنه في ذات الحين ربما حين يفكر يجد أن الآخرون سيستغربون فيها وربما ضحكوا منها فتظل بداخله يتعامل معه هو بالطريقة التي يراها مناسبة .
سأعترف بما لدي من أشياء ملازمة لشخصيتي ومداومة معي بشكل مستمر متمنياً في كل من يجد شي يحفزه للكتابة عما يلازمه فليتقدم .
اعتراف (1)
إلي الآن اعتقد بأن كل السودانيين مصابين بمشكلة في النظر جرأ شدة الشمس ، هذا الاعتقاد جاءني بسبب أنني أري الجميع يقطبون وجوههم – صاريين- وحين تتداخل معهم تجدهم بشوشين ودودين ، ذات هذا الاعتقاد أرجعه ببساطة لشدة الشمس .
|
|
 
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
الأخ سفيان ....التحايا الطيبات...وطبعآ إعترافاتك المثيرة دي شجاعة تحسد عليها...يللآ ورينا المستور...بعدين ياخي صرة وش السودانيين ديل لا من الشمس ولا حاجة....الناس ديل صارين وشهم من ما الله خلقهم...يعني الطفل من ما يلدوهو من بطن أمه وهو صاري وشه...والله إلآ تكون في شمس في الرحم ونحن ما عارفين...تحياتي وسلامي...
راشد الحاج
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
الأخ العزيز راشد
تحياتي
شكراً علي مرورك
Quote: الأخ سفيان ....التحايا الطيبات...وطبعآ إعترافاتك المثيرة دي شجاعة تحسد عليها...يللآ ورينا المستور...بعدين ياخي صرة وش السودانيين ديل لا من الشمس ولا حاجة....الناس ديل صارين وشهم من ما الله خلقهم...يعني الطفل من ما يلدوهو من بطن أمه وهو صاري وشه...والله إلآ تكون في شمس في الرحم ونحن ما عارفين...تحياتي وسلامي...
|
كيف ما تكون من الشمس أذا (العصُر والنسام) في بلدنا دي بجي الساعه 4 صباحاً – زي ما قال صاحبي عجبين-
مواصلة لاعتراف (1)
ظللتُ تبعاً لاعترافي السابق أراقب الناس (وأبحلق) فيهم طول الوقت ، لدرجة أنني حين أركب المواصلات أتخير أن اجلس في مقعد (التلفزيون) لا أراقب الوجوه والنظرات ، كثير من الوجوه كانت تضبطني وأنا اتلصصها سارح تماماً لدرجة أني لا انتبه لان الشخص تضايق من تطلعي له أو حتى رآني ، في أحد المرات قال لي شخص كان يجلس أمامي مباشرة وأنا في مقعد (التلفزيون) أمامه بالضبط :- يازول مالك ؟ رايح ليك وش وألا عميان وما بتشوف ؟؟!! لم أتلعثم وداريت إحراجي بسرعة ورددت أبداً بس سارح ساي حتى ما منتبه أني شايفك وألا ما شايفك ، حينها ضحك بسخرية و (ابتلع ريقهُ) وعاجلني قائلاً :- طيب الحمد لله انو أنا نضمته معاك كدي شوف محطتك لأنو فأضله 3 محطات وغايتو أنا ضامن انك ما في أخر محطة ما ح تنزل لأنو ما عندنا ناس (بيجحموا) في الزول كده ، والقبليها زاتو ما اظنك لكن الجاية دي يمكن ، قالها بضيق شديد ولم يكن مخطئاً ، فقد نزلت في المحطة التي قالها بالضبط وحين هممت بالنزول قال لي :- مش قلته ليك .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
اعتراف (2)
أكره كثيراً تناول الطعام ، لا أتناوله أبداً إلا حين أجد أن الجوع أنهكني ، حينها أتناول الطعام ، هذه العادة لازمتني منذ الصف الثاني للثانوية العامة .
أفكر بشكل جدي أن الطعام يجبرني علي النوم والكسل والخمول خصوصاً أن السودان مغري بذلك فالحركة فيه والعمل به يقودانك للنوم والكسل ولا شي غير ذلك .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
الصديق نابري
سلامات
اعتراف مطابق للاعترف2
| Quote: أكره كثيراً تناول الطعام ، لا أتناوله أبداً إلا حين أجد أن الجوع أنهكني ، حينها أتناول الطعام ، هذه العادة لازمتني منذ الصف الثاني للثانوية العامة . |
وانا اكره الطعام وتناوله واستطيع ان اصمد ايام بدون اكل ظلت هذه الحالة تلازمني منذ الطفولة حتى ان اصبحت المعدة غير طبيعية وفي حجم معدة الاطفال
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: برير اسماعيل يوسف)
|
Quote: أكثر السودانيين
يلا ياخينا بحبوا (الليل)
مثلاً أولاد حلتنا بصفقوا لامين المغرب يدخل
خضر |
يا خينا لسع نحنا في (رابعة النهار) طوالي
طاري لينا الليل ونجمو!!!
كدي اولاد حلتك ديل خليهم أبقي (دأب روحك)
واحكيلنا عنك (والهوي) 
أولاد حلتك البيكتبو هنا ماشويه براهم بيجوك
انت ياخضر !!!
الصحاك بدري شنو الليلة ؟؟!!
امس ما صفقته صفقته (وجريت حفيان)
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: hanadi yousif)
|
بت الفضُل
صديقة كل ازماني
وصديقة الاحلام العصافير
سلامي يا عزيزة
Quote: اعتراف مطابق للاعترف2
وانا اكره الطعام وتناوله واستطيع ان اصمد ايام بدون اكل ظلت هذه الحالة تلازمني منذ الطفولة حتى ان اصبحت المعدة غير طبيعية وفي حجم معدة الاطفال |
وأنتي ح تقولي فيها ، في مرة ياهنادي قطعت فيك قطيعة بذات الخصوص
سالت أحمد فرفور :- انت يا أحمد هنادي دي لا بشوفه تاكل لا بشوفه شايلة
بسكويت بي شاي وطول الوكت يا ماشية يا واقفه يا بتنضم ومولعه ركن البت دي بتجيب القدرة دي من وين؟!!
تحياتي ليك
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
صفقت جريت جريت فرحان
ياسلام عليك ياسفيان
عارف بمناسبة الالقاب بتاعتك أنا بفتكر أنو شفقان بشير بتاعت وائل طه ده أجمل
لقب إضافة لي لقبك بتاع أمس بالليل ( جكران بشير) بتصرف طبعاً عشان ما يجوا ناطين
وتجيب ليها بلاوي باقي نهارنا ده .
ياسلام علي ونستك الطاعمة ياشفقان
خضر
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
Quote: صفقت جريت جريت فرحان
ياسلام عليك ياسفيان
عارف بمناسبة الالقاب بتاعتك أنا بفتكر أنو شفقان بشير بتاعت وائل طه ده أجمل
لقب إضافة لي لقبك بتاع أمس بالليل ( جكران بشير) بتصرف طبعاً عشان ما يجوا ناطين
وتجيب ليها بلاوي باقي نهارنا ده .
ياسلام علي ونستك الطاعمة ياشفقان
خضر |
خضر ياخ عندك اعتراف اتحزم واتلزم(كبو) لينا هنا وما تهرش (اصلو اخوك خايف
ولسع قائم بنمرة (1) بس الترتيب الماشي بيهو ده زمانى ومكانى وعمري كمان
ولما اتقدم (حدود) غريق القصه احتمال (تزعل) فكرة (الذكورة) في السودان
لكن ليك عليّ اكمله (زُت) والباقي (تطمبجو) المطرة
تداعي سريع ما عندو علاقة بالبوست ده
وأئل طه ده يا خضر قال علي كده لانو (زريتو) غلطان وما عايز يعترف بي غلطوا وكابر وعاند ساي ، بعدين أنت عارف يا صاحبي وأئل ده كل الشباب بيقولو ليه :-
(مائل تاها) لانو دخل الجامعة وحالو بقي مائل وقام تأه لي دربي ودربك ده
هسي ياخضر لو اتكلمنا عن (العربية والمكنيكي) مش ممكن ينتحر
بطل ياخضر ياخ والبوست ده بتاع اعترافات ياخ مافي داعي للونسه
| |
|
|
|
|
|
|
|
|
 Re: اعـترافــات شخصية مُــثيـرة .. (Re: سفيان بشير نابرى)
|
كيف يافردة لينا زمن بمناسبة الذكريات والاعترافات في حاجات كتيرة دايرة مرور
وبمناسبة اللهط والاكل
مذكر اول مرة في سنة 98 اتلقينا في النشاط القديم في الاهلية وكنا بنأكل فتة عدس عند احمد السمين طباخ الكفترياواناكنته برلوم (كرت ) ومنذ ذلك الوقت بدأت صداقة استمرت لاكثر من 7 سنوان
ايام ..............
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
ياعمار
الذي أسميه (بونط) ولا أدري لماذا
زمن وايام ياعمر
تعرف يا حنين مداخلتك دى ماشفتها الابعد خشيت ليك
في البوست التانى بتاع عودتك .
ياسلام ياسلام ياسلاااااااااااااااام ياعمار
Quote: مذكر اول مرة في سنة 98 اتلقينا في النشاط القديم في الاهلية وكنا بنأكل فتة عدس عند احمد السمين طباخ الكفترياواناكنته برلوم (كرت ) ومنذ ذلك الوقت بدأت صداقة استمرت لاكثر من 7 سنوان
|
بتذكر انو كنا ولازلنا نعصر علي بعضنا المحنة والحب وانو بنحاول نغزل الاحلام المشتهنها
ولسع نحاول .
باللهي ياعمار هم 7 سنوات ؟!!! انا غايتو بعرفك من يوم لقيتك وصداقتي بيك من اليوم داك حسيت انها قامت معاي ولي هسي براعيها .
خليك قريب .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
صديقى سفيان النابرى
عساك بخير صديقى واخى الاكبر
احسدك على ما تمتلكه من شجاعه تجعلك تقدم تلك الاعترافات
وعلى ما اظن ان موضوع الجوع تسخينه للغريغ بس ،،،
فى انتظار اعترافاتك وزكرياتك وكلماتك التى تعيدنى بها للوطن
وايام خوالى (جاك) الى ان امتلك زره من شجاعتك لاقدم
اعترافاتى
ودمت بخير دوما صديقى
مونتى
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: منتصر الامين)
|
يا مالك ..
و قيل : كنا في شيد كلية الفنون ..
برندة طويلة و مرهاء ( كما النسوة عاطلات الزينة ) .. لكنها حميمةٌ حميمة .
( سيد ) سيد البوفيه ..
كريمٌٌ كان معنا نحن صعاليك الفنون ( هذا إعتراف .. قول واحد ) .
يكرمك هذا السيد يا صاحبنا - أكرمك الله - حين تلحس الصحن من طيبِ فوله و عدسه , ثم تظل مبحلقاً في خطوط آخر لقمةٍ تركتها الرغيفة تعيسة الحظ خلفها في طيب الذكر الفول على قارعة الصحن الطلس المطرقع , فيلحقك عمك سيد بواحد ( وصلة ) مجانية لله و الرسول ..
و الوصلة يا معشر الخناشير هي كمشةٌٌ مترعةٌ و سمينةٌ من جنس ماازدرته , ثم - تظل - لم يتختَ الرحمن في بطنك الكافرة من جوعها .
يطرب سيد لطعامة طبخه الذي هنيئاً مريئاً طفحته .. فيهديك ( الوصلة ) عن طيب خاطرٍ و جعولية .
كنا فقراء يا مالك , و أبناء مسكنة و مساغب جليلة ( هذا برضو إعتراف .. قول إتنين ) .
( البيرسري ) كان إطناشر جنيه سوداني - عصام عبدالحفيظ كان مسؤولا فخيما في إتحاد الطلاب .. تلقاهو هبش - , تمحق البيرسري في ليلة واحدة حلاقيمنا الطربى بنشوة : قسم بي محيك البدري , و أنا و النجم و المسا , و عجبٌٌ يقول الناس أنك هاجري .. و فيكي يا مروي شفت كل جميل .. و نفرملها بـ : ماهو باين في العيون .
ما يتبقى - إن تبقى - نقتعد به الصرعات الهوليوودية على دكة الشعب في سينما غرب .
و هكذا شمطت و قمطت الماهية ..
و كان الله يحب المحسنين ( برضو إعتراف مكلوج .. قول تلاتة ) .
ثم .. هاهو ( حسين مرسيدس ) ..
و هذا ضربٌٌ من الناس لا قبل بجماله .. خرجت به - هو و طوف الأصدقاء الرفاق - إلى بر النجاة .
( ما أحلك العمر لولا شمسهم يا مالك , و ما أسأمهُ ) ..
لا عليك ..
أكلنا صباحئذِ فولاً مدنكلاً بالجبنة , طافحٌٌ زيته , جرجيرٌ و بصلٌ و طماطم مافي أحلى من كده ..
حسين مرسيدس و أنا و رأسانا ..
تجغجغ مما عليها من رغاوى بحر الليلة السابقة ( ده إعتراف ما تعتمد عليهو كتير ) .
و بطوننا غووووووووغ غووووووووغ ..
معدمين و حلوين و .. بس .
( فواتحٌ شهيتنا على أم مصاريعها إثر المشهيات و الحلويات الروحية .. يا حليلها) .
عمك سيد يحبنا - نحن الزُمر المارقة - و يلحظنا من طرف ..
قشينا الفول كما يجب و بما يجب من ولاء الحيوان لمزوده و عليقته ..
و تمحّنا عندما الفول خلص فجأة .. و بطوننا كما فؤاد أم موسى .
إلتفتنا إلى عمك سيد الجميل الحلو , كرمه و عطفه و حنانه , ننتظر فرج الوصلة ..
جاء الرجل من أقصى البوفيه إلينا يسعى , و كمشته بيمينه ..
أداها صنّة , و كمشته في يمينه - برضها مدياها صنّة - و هو يبحلق في الصحن الخالي إلا من الطرقعة ..
و نحن في خجل من بياض جيوبنا و سواد النوايا ( و سبق الإصرار و الترصد ) ..
الصحن أكثر بياضا , و عينا سيد الأكثر إبيضاضا ..
قال - و هو في حيصٍ و بيصٍ - : إنتو أكلتو شنو ؟؟؟ .
حسين نطّ - و هو يحدر لي في رجاء كالبُنية تحت الحنك - و قال ليهو :
كبدة يا عم سيد .. كبدة .
و قد كان .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: hanadi yousif)
|
Quote:
منتصر ولدنا
ســــــــــــــلامات |
العزيزه هنادى فضل
دخلت وفى نيتى اقول لسفيان
الاهم من اعترافاتك انك لميت ناس
امثال هنادى فوجدت ترحيبك
سبقتينى وعملتيها كعادتك دوما
لك منى كل الود دوما
وتحياتى للجميع
ودمت بخير
منتصر
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
منتصر الامين
يا صديقي
والله ايام يا زمان
يا منتصر ما تخوفنا ياخ | Quote: احسدك على ما تمتلكه من شجاعه تجعلك تقدم تلك الاعترافات |
بعد قريت كلامك ده راجعت البوست كلو ياخ قلته أنا قلته شنو!!
براحة يامنصر ياخ أن يادوب بقول (يافكيك) فك (لسان كبوردي)
Quote: فى انتظار اعترافاتك وزكرياتك وكلماتك التى تعيدنى بها للوطن
|
اتقل ساي الغريق قطع شك واصلو و (بودابيثت) زاتو
Quote: الى ان امتلك زره من شجاعتك لاقدم
اعترافاتى
|
شنو يا (جاك) ماتقولي شجاعة دي ياخ اخره حبه لما يجي الغريق
مودتي يا مونتي .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
يا لله يالله يا لله
Quote: يا مالك ..
و قيل : كنا في شيد كلية الفنون ..
برندة طويلة و مرهاء ( كما النسوة عاطلات الزينة ) .. لكنها حميمةٌ حميمة .
( سيد ) سيد البوفيه ..
كريمٌٌ كان معنا نحن صعاليك الفنون ( هذا إعتراف .. قول واحد ) .
يكرمك هذا السيد يا صاحبنا - أكرمك الله - حين تلحس الصحن من طيبِ فوله و عدسه , ثم تظل مبحلقاً في خطوط آخر لقمةٍ تركتها الرغيفة تعيسة الحظ خلفها في طيب الذكر الفول على قارعة الصحن الطلس المطرقع , فيلحقك عمك سيد بواحد ( وصلة ) مجانية لله و الرسول ..
و الوصلة يا معشر الخناشير هي كمشةٌٌ مترعةٌ و سمينةٌ من جنس ماازدرته , ثم - تظل - لم يتختَ الرحمن في بطنك الكافرة من جوعها .
يطرب سيد لطعامة طبخه الذي هنيئاً مريئاً طفحته .. فيهديك ( الوصلة ) عن طيب خاطرٍ و جعولية .
كنا فقراء يا مالك , و أبناء مسكنة و مساغب جليلة ( هذا برضو إعتراف .. قول إتنين ) .
( البيرسري ) كان إطناشر جنيه سوداني - عصام عبدالحفيظ كان مسؤولا فخيما في إتحاد الطلاب .. تلقاهو هبش - , تمحق البيرسري في ليلة واحدة حلاقيمنا الطربى بنشوة : قسم بي محيك البدري , و أنا و النجم و المسا , و عجبٌٌ يقول الناس أنك هاجري .. و فيكي يا مروي شفت كل جميل .. و نفرملها بـ : ماهو باين في العيون .
ما يتبقى - إن تبقى - نقتعد به الصرعات الهوليوودية على دكة الشعب في سينما غرب .
و هكذا شمطت و قمطت الماهية ..
و كان الله يحب المحسنين ( برضو إعتراف مكلوج .. قول تلاتة ) .
ثم .. هاهو ( حسين مرسيدس ) ..
و هذا ضربٌٌ من الناس لا قبل بجماله .. خرجت به - هو و طوف الأصدقاء الرفاق - إلى بر النجاة .
( ما أحلك العمر لولا شمسهم يا مالك , و ما أسأمهُ ) ..
لا عليك ..
أكلنا صباحئذِ فولاً مدنكلاً بالجبنة , طافحٌٌ زيته , جرجيرٌ و بصلٌ و طماطم مافي أحلى من كده ..
حسين مرسيدس و أنا و رأسانا ..
تجغجغ مما عليها من رغاوى بحر الليلة السابقة ( ده إعتراف ما تعتمد عليهو كتير ) .
و بطوننا غووووووووغ غووووووووغ ..
معدمين و حلوين و .. بس .
( فواتحٌ شهيتنا على أم مصاريعها إثر المشهيات و الحلويات الروحية .. يا حليلها) .
عمك سيد يحبنا - نحن الزُمر المارقة - و يلحظنا من طرف ..
قشينا الفول كما يجب و بما يجب من ولاء الحيوان لمزوده و عليقته ..
و تمحّنا عندما الفول خلص فجأة .. و بطوننا كما فؤاد أم موسى .
إلتفتنا إلى عمك سيد الجميل الحلو , كرمه و عطفه و حنانه , ننتظر فرج الوصلة ..
جاء الرجل من أقصى البوفيه إلينا يسعى , و كمشته بيمينه ..
أداها صنّة , و كمشته في يمينه - برضها مدياها صنّة - و هو يبحلق في الصحن الخالي إلا من الطرقعة ..
و نحن في خجل من بياض جيوبنا و سواد النوايا ( و سبق الإصرار و الترصد ) ..
الصحن أكثر بياضا , و عينا سيد الأكثر إبيضاضا ..
قال - و هو في حيصٍ و بيصٍ - : إنتو أكلتو شنو ؟؟؟ .
حسين نطّ - و هو يحدر لي في رجاء كالبُنية تحت الحنك - و قال ليهو :
كبدة يا عم سيد .. كبدة .
و قد كان .
|
يا صاحب العصفورة
إي حبر هذا إن لم يكن حبر العصفوره وإي نسيم ينطلق منها إن لم تكن روحها؟!
ما أمتع النظر واجمله و(اخجله) حين ننظر لتك الغرفة المظلمة في الذكرة وننبش
فيها حينها نجد (سيد) ونجد كل الجميلين و(غيرهم) ونجد كف كانو وكيف كنا .
امتعتني اعترافاتك رغم قلتها و(كعوجة) بعضها لكني اكاد أجزم حين ما يبدأ (الكب)
التقيل ستكون أحد فرسان التصفيات النهائية لا آمل ذلك بل أطلبه منك (عنوة كده واقتدار)
كن بخير
الخال /
طارق جبريل
سلام وتقدير
اخره كوم تراب
عشان كده حتشوف كل شي
خليك قريب وحبيب
عبد الغفار
يا صاحبي سلام ومحبة
Quote: الاعترافات دى عديــــــل كده
وله اعترافات تنقيه
|
لحدي هسي التنقية حاصلة بس دي البداية
عشان اتشجع لكن أطمن (بكبو) كلو هنا
ياريت تتحرك معاي علي اعتراف اعترافين
موضوع العتراف ده ما بالضرورة هو انو الزول عايز يفت روحو
براحة ممكن لما تعترف بي حاجاتك وانت كيف كنت بتتعامل معها
ح تكتشف قدر شنو عرفته واتعلمته ده بالضبط القاصدو يلا
يا صاحب اتحرك معاي .
محبتي
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
اعتراف (3)
مقدمة الاعتراف ده :-
هذا الاعتراف رمانيا ومكانياً من المفترض أن يكون الاعتراف رقم (1) لكنني أخرته للرقم ثلاثة لسبب بسيط هو أن ما كنت افعله في ذاك الزمان لم أكن أميز لماذا افعله غير (شيطنة وشقاوة) الطفولة لكن بعد أن تقدم بي العمر ووجدت أن ما كنت افعله في ذاك الحين وبقدرة قادر أتحول لهواية محببة ليّ لا زلت أدمنها عرفت لماذا كنت افعل ذاك الأمر في الطفولة .
نص الاعتراف (3):-
وعمري ستة سنوات كنت لا أفارق والدتي (أطال الله عمرها بالصحة والعافية) اذهب معها حيث ذهبت (في طرف توبه) ، اذكر في مرة ذهبنا لمعاودة جارة بعد وضوعها بطفلتها ، والدتي وجارتنا (بقو) يتونسو ويحكو مع بعض ، أنا بقيت أتسحب وأتسحب لحدي ما وصلته للطفلة المولودة كنت بعاين ليها شوية شوية بقيت أمد يدي واهبشه في البداية أمها كانت منتبهة معاي لكن شوية شوية اطمأنت ليّ وخلتني وركزت في الو نسه مع أمي بعد فترة كده رقدت الجارة علي الجانب التاني وتركتني انظر للطفلة دون أن تتخوف مني (كنت طفل هادي الطباع) بقيت أعاين للطفلة فجأة كده وللقدر وضعت يدي في رأس الطفلة أول ما انتبهت له هو أن رأسه (لين) شديد ، التفت لوالدتها ولقيته ولا واخده باله شويتين بقيت مركز شديد مع الرأس اللين ده لدرجة أني حددته انو رقدته علي ضهره وموخرة رأسها بالضرورة خلت الرأس يكون ما متساوي ، مرة تانية التفت لوالدة الطفلة ووجدتها غير منتبهة معي ، فما كان مني إلا أن أقف (بالجمبة) ضهري علي أم الطفلة ويديني (يطبطبوا) في رأس الطفلة قصد (تعديله) وإصلاحه ، بسرعة شديدة انتهيت من المهمة (بنجاح) ومن حينها تدخلت يدأي في إصلاح (كم رأس) من رأسين شفع الحلة (إناث وذكور) علي حد السواء ، في غفلة من أم الطفلة أو الطفلة وبمهارة فائقة كنت أكمل مهمتي ، في أخر مرة فعلت هذا تم ضبطتني ونلت توبيخ محترم وسط هذا التوبيخ اذكر أنني دافعت عن نفسي بوضوح معللاً السبب :- ياخ أنا لقيت الرأس (مفجوخ) وعايز اصلحو .
هذه الحكاية وبعد أن تركتها لم يمضي وقت طويل (داومته عليها لحدي عمر 9 سنوات) إلا وبقيت حلاق ماهر وماهر جداً ، حينها لم اربط بين ما كنت افعله سابقاً وبين هواية الحلاقة ، ايوة هواية الحلاقة التي أهواها جداً وإلي الآن هي هوايتي المحببة ، بعد أن وصلت مرحلة الشباب وجدت أني بتقن الحلاقة لأنو من صغير كنت مهتم شديد بالريسين ، تفننت في أجادة الحلاقة لدرجة طويلة جداً كنت أحلق للشباب الذكور وأيضا لمعظم فتيات الحلة ، بعصامية خالصة وأدوات تقليدية كنت (كوفير) محترم جداً حين يكون في الحلة مناسبة كن صديقاتي من أخواتي في الحلة يأتين للمنزل حتى (ازبط ) لهم شعرهم ، كانت أمي (تزعل) وكنت عادة اسعد بأني أستطيع أن افعل شي لهن .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
صديقى قلت لى
Quote: نص الاعتراف (3):-
وعمري ستة سنوات كنت لا أفارق والدتي (أطال الله عمرها بالصحة والعافية) اذهب معها حيث ذهبت (في طرف توبه) |
اطال الله عمر والدتك لكن يبدو اننى علمت الان من اين اكتسبت لياقة الزح اليومى
يعنى من ما انت طفل مليان لياقه ما شاء الله (الله يرضى عن امك) تعبتنا معااااااااااااك ،،،
Quote: فما كان مني إلا أن أقف (بالجمبة) ضهري علي أم الطفلة ويديني (يطبطبوا) في رأس الطفلة قصد (تعديله) وإصلاحه ، بسرعة شديدة انتهيت من المهمة (بنجاح) ومن حينها تدخلت يدأي في إصلاح (كم رأس) من رأسين شفع الحلة (إناث وذكور) علي حد السواء ، في غفلة من أم الطفلة أو الطفلة وبمهارة فائقة كنت أكمل مهمتي ، في أخر مرة فعلت هذا تم ضبطتني ونلت توبيخ محترم وسط هذا التوبيخ اذكر أنني دافعت عن نفسي بوضوح معللاً السبب :- ياخ أنا لقيت الرأس (مفجوخ) وعايز اصلحو .
هذه الحكاية وبعد أن تركتها لم يمضي وقت طويل (داومته عليها لحدي عمر 9 سنوات) إلا وبقيت حلاق ماهر وماهر جداً |
طبطاب دى عارفها ومتاكد منها يا سفيان لكن حلاق ماهر دى الا تكون حلاق (ماهر ابو الجوخ)
شفت حلاقتك فى كلية ابو حراز ،،، لكن صدقنى اشتهيت طبطبتك ،،،،،،
ودمت بخير دوما لتواصل امتاعنا
مونتى
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
مُنص
يا صاحب سلام
Quote: اطال الله عمر والدتك لكن يبدو اننى علمت الان من اين اكتسبت لياقة الزح اليومى
يعنى من ما انت طفل مليان لياقه ما شاء الله (الله يرضى عن امك) تعبتنا معااااااااااااك ،،،
|
أشكرك علي دعوتك (لوالدتنا) فهذه المرأة أنت تعلم مدي حبي لها وتعلقي بها ، في أيام
عديدة من ايام (تهويمات الشباب) و ايام (الكوماري)* كنت استيقظ من عزّ (غمضتي) لاني أعلم
انها لن تنوم تلك الليلة ، في مرات (اعد من عديده) حين ارجع للمنزل في (وش) الصباح أجدها نائمة علي (عنقريبي) -أنت تعلم يا منتصر أن عادتي الكريهة هي أني أتعود علي النوم في مرتبة واحده وعنقريب واحد- ولانها تعرف هذا جيداً فحين أتاخر تنوم في (عنقريبي) لحين آاتي وايقظها ، يالعنادنا ويالحبنا للحياة هي امرأة أم مثل كل الامهات لكن لانها أمي فهي افضلهن لدي .
أما بعد يا صديقي
اعترافاتي جاياك جاياك بس الاولويات في اعترافاتي دي هي أني اعترف عما يخصني وعن تلمسي للحياة والمعرفة والتفكير الكنت بحاور بيها كل الحياة والحاجات الحوليني ، عشان كده يا صاحب ما تشفق وكلو بيجيك .
والزح أو( خ 11) فادي من اهم حاجاتي وح اجيك فيها باعترافات (مذهلة) أخوك عادي كان ممكن يشترك في اي منشط رياضي بتاع (كداري) ويجى مش الاول الجائزة زاتو بفوته بي هناك
بس اتمهل لما اجيك .
Quote: طبطاب دى عارفها ومتاكد منها يا سفيان لكن حلاق ماهر دى الا تكون حلاق (ماهر ابو الجوخ)
شفت حلاقتك فى كلية ابو حراز ،،، لكن صدقنى اشتهيت طبطبتك ،،،،،،
|
اعترافك ده ما اعتراف ده اسمو (بهتان) راسك ده بيشهد .
كن بخير وستجد منا اعترافات لن اتواري من شي فيها .
_____________
* كلمة نوبية تعني هامل .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
إبراهيم قرمبوز
يا جار روحي وانيسها ، باللهِ عليك احجز لي في قطار محبتك مقعد لنحجز لأعمارنا حظوة من عند هذه الحياة ونلطم البؤس علي مؤخرته ونضحك ولا همانا شي ..
مزنزق في اعترافاتي يا إبراهيم ، نعم يا صاحبي ربما أخطأت الطابعة لكنها خلقت سلطة الرجل الباتعه عند محب متلك يتلصص محبته حتى ولو كان مجرد خطاء مثل ما لطمك وديدي –لأنه أبن المهنة وأبن السهر عليها – احتفائك حقا عليك ولكن لو تعلمون عويص ، يوقع في شر أنواع المحبة ولا تبقي لك سوي هذه الأمنيات | Quote: ربك يستر وما يرسلوه ملحق إعلامي ويحرجنا، كما فعل السفهاء منا.... |
بشغاف القلب وبدم الحجامة تجمعها وترمي بها عليه ، إي محبة هذه يا رجل لتقضي نحبك فيها !!! يا صاحبي الحب هو العدل وهو الابقاء .
عبد الله يا إبراهيم عبد اللهِ علي إبراهيم هو الرحى بعينه فنان لا أستطيع ملاحقة أفكاره في الكتابة ، لكني كثيراً انتبه لتدقيقه علي الأفكار بكلمات كالأنصال لا تقبل المساومة علي معنيين ، مشاريعه التي كتب عنها في الأدب تشهد بأن سلطانهِ مارد ذو حِنكة ودربة وفجأة يبطش بك في أهدأ الأحوال ولأنه ود السكة حديد وأبن التعليم المجاني وذاك الناظر حياهُ الغمام وترددت سني عمره في سودان أحسن حالاً من الآن واقرب ظلماً وصلفاً وعنجهية من الآن أكتسب وإلي الأبد خاصية الشباب والتمرد والفُكاهة والمرح والخفة في حركته فظلت هي ذات كتابته مع وسامة وملاحة علي روحيهم عبد اللهِ علي إبراهيم يا صديقي سيظل فريدا كما هو رغم كل خلاف حوله ورغم كل قول ... !!!
البنات يا إبراهيم إيه يا مولاي إيه لا يضعن صدقني كل من تفُلت بعيدة وتنظر أنت لها في روحك وتردد| Quote: ضاعت ، ضاعت ، ضاعت ... |
هي ليست بناتك
يا صديقي حين تجد بناتك ستعلم انك حجزت أخر مقعد في قطار لن يعود لمحطتك الحالية ..
حينها حتقول سفيان قال لي بتصرف من ماركيز ..
انتظرك لاعترافات حقيقية بعيدة عن المثقفة
مع محبتي الوافرة
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
الصديق سفيان
الله يكفيك شر أم الصبيان صغرى و كبرى. قول يامين
آها تشيل و تدردق في العباد ساكت لامن في الآخر جابت ليها مشاط عديل كدا و ...
زمان النسوان بقولن دي قلة الشغلة البتعلم المشاط. إلا حقتك دي هنا اسمها
كترة الدردقة البتجيب المشاط و الحجامة . إت يا زول ناوي على شنو و منو؟ باقي لي كان ناوي
على المقرّمين الزي حالتنا إلاّ تجيب سيرة الشواكيش أصله أنا اليومين دي عاكف ألملم hammers
و حسب الأخبار البسيطة الجابها لينا الحمام الزاجل إت يا زول عندك تاريخ طويل من sledge hammers
يلّلا أدشره لينا هنا دا ، وسيبك من حكاية الفِصّيد ، و السمن البِيبل السدُر.
.
.
.
يا زول ريدتنا ليك الفي الله دي تزحم المدى و الأسافير
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
يقال في الأثر يا صاحب القلب الوسيع يا أبو عسل يا صديق دمي :- أن أم الصبيان* مخلوق أسطوري هو أُنثي بشعة لا تدانيها بشاعة ، أحابيل الأسطورة حبكة قطع شك بمهارة ذكورة آية في الغباء ، قيل فيما قيل من حكياها أنها تفرد حبائل شراكها للذكور حتى توقع بهم ، أغرب ما في المسألة البعد ألذكوري لرواية هذا الأثر أن هذه السيدة في الأصل لها عائلة !!! إذ أنها في اصل المسمي معناها أم الأولاد الذكور الكبار إي أفٍ هذا وعقوق** ؟!!
لهذا الأثر يا صديق خيط مدهش أره يجذبني ولو لا ذكرك لهذه السيدة أم الصبيان لما تذكرته بهين ، حكاية السيدة هذه في الحكاية الشعبية أمرها ذو شأن حيث أنها في سالف العصر وسحيق الزمان والآماد يقال أن زوجها يُدعي صياد ، لكن هناك (احجوجة) تحكي أنها أنثي في الأصل اسمها صّيّاد وزعمت أقصوصة أن أم الصبيان هي الشقيقة ألصغري لها وليست هي صّيّاد ، المدهش يا صديقي هو البعد الأنثوي لأصل الحياة وما يدهش أعظم هو القرب الزماني لأصل حداثة الذكورة لذات الحياة الطويلة !!!
أما قبل يا مستقيم الصراطالصديقة ، فلعنة أم الصبيان تلاحق ذات السيدات حتى مهنتهم فالمشاطة ونقل الحديث بين الناس حكاية ونهار كل البشر ، فما اصل الحكاية أن يختص بها نوع إنساني واحد دون الآخرين؟!! آ في الأمر ذكاء الذكورة غائم دون غيم، لا أشك بل أكاد أقسم الأمر علي مراحل الصراع بين النوع والنوع!
Hammers ، المطارق يا أبو عسل المطارق يا صاحبي لنتركهاهكذا المطارق وننشدها المطـــارق*** في الأثر الشعبي لها أقوال وأهوال هي مفصدات علي الجبين وعلي الرقاب والخدود برع فيها أهلنا من القارة الفقيرة السوداء ذات القلب الحاني برعوا فيها رجالاً ونساء ، حتى يمكنني أن انزع سيراً لأقول الذكورة قادمة من البعيد البعيد البعِــيد و أنام سرير الروح هانيها .
لل sledge hammers الشواكيش الثقيلة ولعائلتهم في دمي يداً سلفت ودماً مُستحل آو ليس الحب أساس الحياة أساس التعلُم!!! ما عليّ إلا الانصياع لنداء الحياة شريطة أن أخابر روحي بصوتٍ عالي ، وإن كان ذات الروح عزمت علي فتح سردابها أمام العيون فللروح سطوة لا اعصي أمرها علنيّ أتعلم من الأمر جديد ارتق به جهلي !
| Quote: الله يكفيك شر أم الصبيان صغرى و كبرى. قول يامين |
ياميييييين؟!
المحبة والشوق كثيف لك يا صديقي
دُم بخير حال
ـــــــــــــــــــــ
*رواية شعبية تُحكي بعدة مسميات (السيد قوقل الحريف).
** تذكرت حكاية تحكي يقال أن بطلها أحد أخوتي من أبناء العم شيخ الدين جبريل .
*** اسم لأحدى العادات السودانية المنقرضة كانت علي النساء والرجال وتنتشر في كل أفريقيا ، لها عُدت مسميات منها المطارق ذاتها ، العارض ، النقرابي.
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
Quote: *رواية شعبية تُحكي بعدة مسميات (السيد قوقل الحريف).
** تذكرت حكاية تحكي يقال أن بطلها أحد أخوتي من أبناء العم شيخ الدين جبريل .
*** اسم لأحدى العادات السودانية المنقرضة كانت علي النساء والرجال وتنتشر في كل أفريقيا ، لها عُدت مسميات منها المطارق ذاتها ، العارض ، النقرابي. |
طلعت حبوبه كمان ياسفيان
اطال الله عمرك صديقى
منتصر
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
سلامات
الاعزاءجدا سفيان مونتي
كتبت حتحصل حتة قراصة ابو حراز متين يا سفيان
عشان نخش ليك ونوري الناس دي انك ااكااااااااااال
متذكرة والا نسيتها
بعدين الفاصوليا والعدس ديل بيعملو نفاخ
وما بيتاكلو بالليل
والا شنو يا مونتي
لكن ما مشكلة
كيس اندروس او كباية الي بالي بالك
والمشكلة تتحلة
من جذوره
بعدين انت متاكد انك كنت بتصلح الرسين بس
يعني ما فيها قرصة والاعضة للشافع يعنيي
جاييك
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: محمد علي يوسف)
|
Quote: سلامات
الاعزاء جدا سفيان مونتي |
حبيبنا محمد على
سلااااااااامات ياراجل واشواق
ابو حراز ،،، كمبو اسمرا ، غرفه 36 و غرفه
(ان كان هناك سمة طعام فيتقاسمه الجميع)
وطابور الشواكييييييييييييييييييييييييييش
والله والله ما احلاها من ايام صديقى
صاحبك لسه ما اتخارج من سؤال هو حلاق
مافى داعى نزنقو تانى
ولك مودتى وحبى وجميع من جمعتنى به ابوحراز
مونتى
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
Quote: وقبل أيام معدودات وفي لحظة صفاء عابرة إنتزعت لك من خالد ماسا أعترافاً فتح به باباً بروحي وتحسس جرحي الشخصي ...
قلت ليه ياخالد: البنات بقو سمحات !
قال لي : سمحات شديد ياإبراهيم، بس وما فيهم واحدة حبيبة ؟
إرتعشت بقلبي كل فرصة ضاعت ....
|
طـــــق خاااااص
الوريف سفيان ..
لابد لي بان اقول .. فهي لحظة تشتعل فيها المسافه .. بين من اهوي وبينك سنبله ..
تعرف انا ح اعترف ليك انا هسه بعمل في شنو .. اللحطة دي بالتحديد ..
ببكي .. ببكي يا سفيان ..
وضاعت مملكة ماسا الصغيرة
لم يعد لي زمن خصوصي ...
الوريف الجريفاوي .. لا ادري .. لا التقيك كثيرا ولكن دوما تصادف
النقحي ..
كونو بخير .. اكن بخير
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
الأخ العزيز /
الجيلي أحمد
سلام ومودة وتقدير
متابعك وجهودك في الكتابة يا صاحب
Quote: بوست يغرى (بكشح الإعترافات)..
نتصبر
ونتابع
لامن يجى دورنا قول عووك ياسفيان
|
ح اكشح كتير من الاعترافات ولما يجي دوركم في الكشح بمتابعتك ح تعرف وعادي جداً ممكن اكورك ليك عووووك يالجيلي ، اصلو اسمك ده اسم نديهة
عاصم يا عاصم
شوق وسلام
Quote: انت يا زول موضوع حبيبنا الثانى بتاع الجريدة
رايك فيه شنو ...
لم يصلنى ردك الى الان
صالح للنشر ولا (........)
|
اخوك يا عاصم بيقول عن روحو (درويش محبة)- يارب ابقاها- مدام بتقول حبيبنا رأي اوعك تنتظروا أكشح ساي وكب الزوغه أخوك بتحمله تب
خالد ماسا
صديقي الذي أحب
سلاماً عليك طبت روحاً وجسداً ويقين بخطوك المستقيم
Quote: لابد لي بان اقول .. فهي لحظة تشتعل فيها المسافه .. بين من اهوي وبينك سنبله ..
تعرف انا ح اعترف ليك انا هسه بعمل في شنو .. اللحطة دي بالتحديد ..
ببكي .. ببكي يا سفيان ..
وضاعت مملكة ماسا الصغيرة
لم يعد لي زمن خصوصي ...
|
ابكي يا خالد أبكـــــــــــــــي
هي مملكتك وأعرف جيداً بأنك نسجتها من عمق روحك ومن دمائك وطول ليلٍ وشوق وانتظار أبكي يا صديقي أبكي مملكتك .
فقط يا صديق عادةً أجد نفسي مقتنع بأن من يجد مملكته النهائية ويجد ملكة روحهِ لن تضيع منه أبداً !
رغم هذا أبكي لان السير في طريقها مضني ومقفر وموحش وهي لو تعلم ذاك لصادفت روحها قبل وقع الخطوةِ الأولي .
ابكي ابكي
الخال طارق
محبة وريد لله
Quote: تعرف بتي من شلاقتها انا مافي قامت فتحت الماسينجر بتاعي
جيت لقيتك خاتي ليك كوم بتاع كلام كدة
|
هاهاهاهاهاها الحمد لله
بس تاني لو هي بتسوي كده يمكن يتلحه ليك زول زي عوض
أصلي زمان في الحله الاسفيريه دي سمعته في ناس أسمهم
نرابلة البوستات ويبقي لي مافي فرق بينهم وبين الطُلبة
إسماعين التاج
شوف يا إسماعين حركات القانونيين دي ما بتنفع معاي
الجدادة والا البيضة ، البيضة والا الجدادة
Quote: اعـترافــات/ شخصية/ مُــثيـرة ..
لسه المشوار طوييييييل حتى نعرف هل:
الإعترافات هي المثيرة،
أم أنَّ
الشخصية هي المثيرة.
|
ثم تانيا أنت نحن مش متفقين !!!
طيب ليه ؟!!
محبة لكم وح نعود للاعترافات .
| |
|
|
|
|
|
|
|
|
|
Re: اعـترافــات شخصية مُــثيـرة .. (Re: سفيان بشير نابرى)
|
الحبيب سفيان
صديقى وصديق الكاف (الكاس)
لك التقدير
لا استطيع ان اقول شئ دعنى انحنى امام اسلوبك الجذاب والراقى
العزيز وائل طه
| Quote: أحسن توجه صراعك نحو هدر هسين |
هل هو ابن اطراف العاصمة الذى طور الصراع الى صراع اسفيرئ
لكم محبتئ
| |
|
|
|
|
|
|
| |
سفيان بشير نابرى
Rashid Elhag
hanadi yousif
برير اسماعيل يوسف
خضر حسين خليل
Emad Abdulla
amar nagmaldyn
منتصر الامين
طارق جبريل
Ibrahim Algrefwi
ابوعسل السيد احمد
محمد علي يوسف
fadlabi
الجيلى أحمد
عاصم ابوبكر حامد
خالد ماسا
إسماعيل التاج
وائل طه محى الدين
فيس بوك
تويتر
انستقرام
يوتيوب
بنتيريست