|
|
 بورداب الإمارات ...سلام
|
بورداب الإمارات
دعوة للتعارف و التواصل السايبري
على امل التلاقي و التفاعل الحقيقي
محمد البشرى
الفجيرة
|
|
 
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
يا أخوي إنت براك مهمش في الإمارات .. إتكلم عن نفسك وبس ..
أنا هسي مستغرب إنت قاعد في الفجيرة لقيت ليك إنترنيت وين ؟!!
غايتو ما ظنيت تلقى ليك زول يشتغل بيك من بورداب الإمارات (المغتربين جد جد) .. لانك شكلك بتاع مصلحة وداير تعمل معاهم علاقات عشان ينقلوك دبي ولا أبو ظبي 
قديمة يا ابو الشباب .. ألعب غيرا ..
| |
|
|
|
|
|
|
|
|
|
Re: بورداب الإمارات ...سلام (Re: ناذر محمد الخليفة)
|
ناذر
شنو يا معلم
داخل فيني شمال كدا ليه؟
شكلوا كدا الموضوع دا ما عجبك
يا ترى يكون ذكرك بي حاجة معينة
مثلا يوزر نيم " بورداب الخرطوم" و كدا
و زرة شهيرة زروك ليها الشباب.
بعدين ياخي إنشاء الله الظروف تجيبك الفجيرة عشان تعرف فكرتك عنها غلط على الأقل مقارنة بمانهاتن القاعد فيها دي
بقااال بقااااااال
وينك تعال عاوزينك
| |
|
|
|
|
|
|
|
|
|
Re: بورداب الإمارات ...سلام (Re: الشفيع عوض شوشتا)
|
محمد البشري سلااااااااام معقول في الإمارات ما عندكم تجمع للبورداب ؟؟؟؟ غريبة لازم تشدو حيلكم
شوية ولو عندكم نقص نكمل ليكم الباقي من الرياض أها قولك شنو ؟؟؟
صنفرة :-
Quote: يا ناذر
والله منتظر عرسك اكتر من (العروسة)
خلف (دور) |
هو ناذر ده بعد فصاحتو دي كلها ولسة ما معرس .. طيب ده لو عرس حايعمل شنو ؟؟؟؟
الله يكون في العون , لكن بصراحة كده أنا بحب هذا المخلوق لله في الله مع انو بيضرب تحت الحزام
| |
|
|
|
|
|
|
|
|
|
Re: بورداب الإمارات ...سلام (Re: هاشم أحمد خلف الله)
|
| Quote: معقول في الإمارات ما عندكم تجمع للبورداب ؟؟؟؟ |
تصور؟
| Quote: غريبة لازم تشدو حيلكم |
البوست دا محاولة للتعارف كبداية و بعدين الله يسهل
| Quote: لو عندكم نقص نكمل ليكم الباقي من الرياض أها قولك شنو ؟؟؟ |
دي مكنتك؟
كان دايرين تتخلصوا من صلاح غريبة - الرياض
قولوها عديل ما تعملونا حجة
و لا اقوليك
دايرين تمبس و ابو جهينة
رأيك شنو؟
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
محمد البشرى ..
أسمع كلامي دا كويس وما تتراوش زي أم رشيرش..
داير تتلمى بي بورداب في الإمارات عليك بي إتنين أنا بعرفم كويس ...
أول واحد عثمان حسن الزبير دا ..
ما اشكرك قدامو لكن زول رائع جدا وأنا من شدة ما بريدو غنيت في عرسو بالرجالة .. طلعت فوق المسرح وخطفت المايك من نادر خضر وغنيت ليو غصبا عن عينو لمن نادر قال الزول دا سكران ولا شنو !! ..
الزول التاني هو شوشتا دا ..
أي صاح أنا معاك هو ما متذوج ولا شيتين ولا في صينية ساكت .. لكن كمان ما بتندم معاو أصلو .. حافظ كل المطاعم الفي الإمارات وأي محل لتاع ترطيبة وشرشيح هو بيودبك ليهو ..
الجوز ديل غايتو ناسي وأنا بضمنم ليك ..
أها فتك لحدي ما ألقاك بعد تلاتة شهور لمن أجي الفجيرة (ترانسيت)
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
هاشم ..
Quote: هو ناذر ده بعد فصاحتو دي كلها ولسة ما معرس .. طيب ده لو عرس حايعمل شنو ؟؟؟؟
الله يكون في العون , لكن بصراحة كده أنا بحب هذا المخلوق لله في الله مع انو بيضرب تحت الحزام |
يا زول هوي .. ما في علاقة بين الفصاحة والعرس ...
العكس أنا لو عرست وجيت المنبر دا خشمي دا ما حا أفتحو إلا لمن زول يسألني ..
| Quote: لكن بصراحة كده أنا بحب هذا المخلوق لله في الله مع انو بيضرب تحت الحزام |
وأنا بحب الزول البيحبني لمن أضرب تحت الحزام
بس يا هاشم أوعاك المشاكل ..
بالمناسبة تبارك وينو ؟! ما يكون سمع نصيحتي ديك ؟!!
أنا بهظر سا كت والله !!
| |
|
|
|
|
|
|
|
|
|
Re: بورداب الإمارات ...سلام (Re: ناذر محمد الخليفة)
|
ناذر يا عمك
البوست دا عنوانه " بورداب الإمارات"
يعني ما قلنا ناس الخرطوم
و لا خريجين الهند
و لا الفنانين عموما
و لا جبنا سيرة أم رشيرش او حصان إحصان
و لا ذكرنا الجعليين لا بخير ولا بي شر
او أي من المواضيع البتهمك
مالك علينا متلحنا و متلبب البوست
أها عليك الله قوم جيب لينا واحدة من فرمالاتك كان غنية أبكرينا و لا فيديو الكديسة الشليقة ديك و خليه شغال طوالي
و لا حصانك الخلاقة أب رجلين داك
عشان نخليه ليك مرة واحدة
بارك الله في من زار و خف
قوم لف ياخ
وخلينانشوف موضوع النقل مع الجماعة ديل ؟ الحكاية اكل عيش
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
| Quote: لو عندكم نقص نكمل ليكم الباقي من الرياض أها قولك شنو ؟؟؟ |
هاشم لك كل الود
ياخي ناقصنا صحفي مهندس مايوي مؤتمر وطني كوز رئيس روابط
مهندس مطارات خبير حواسيب وقونقليز وصمغ عربي وصديق لأي
غفير في أي سفارة انقاذية ... لو عندكم حاجة زي دي أبعتوهالنا!!!!!!!!!!
محمد البشرى اتصل يالمسنجر ومرحبا بك في أبوظبي .....
| |
|
|
|
|
|
|
|
|
|
Re: بورداب الإمارات ...سلام (Re: فاروق حامد محمد)
|
| Quote: محمد البشرى اتصل يالمسنجر ومرحبا بك في أبوظبي ..... |
أستاذ فاروق شاكرين
و مرحب بيك
الفكرة التعارف و محاولة التواصل الحقيقي , لتسهيل المشاركة و العمل الجماعي في المشاريع المختلفة النابعة من البورد اللذي جمعنا. أعتقد النقاش حيكون أجمل في العلن و بمشاركة كل اعضاء البورد في الإمارات
بتاعة....
ناذر الخليفة شكيتك على الله, جبت لي الهوا
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
والله يا ود البشرس كسفتني عديل كده
العمده بتاع ناس ديل كلهم معاك
تمشي تكوس ليهم هنا
اسي لو سالتني عن التلفونات كنت وريتك ليها
تاني ما تعمل كده
بوردابي برلوم
منو القال مافي تجمع بورداب
اشمت فيك نازر
| |
|
|
|
|
|
|
|
|
|
Re: بورداب الإمارات ...سلام (Re: abas)
|
الاخ الفاضل
ود البشري
اخوك سكرتير ثقافى للنادي السودانى بالفجيرة .. مع القراي
بس ساكن الخور ..
وبعدين اخونا ناذر دا مالوا معاك !!!
المديده حاره عندو ..
الفاضل ناذر
زيارتك تسرنا ومرحب بيك ضيفا عزيزا علينا بالفجيرة
ود حجر
| |
|
|
|
|
|
|
|
|
|
Re: بورداب الإمارات ...سلام (Re: عيدروس حجر)
|
Quote: و لا اقوليك
دايرين تمبس و ابو جهينة
رأيك شنو؟ |
محمد البشري ياخوي إنت شارب شنو ؟ هسع نحنا يوم الخميس الجاي إنشاء الله
عندنا تجمع أسري وتقول لي دايرين ...... معقولة بس ؟ في الأول خلونا نخلص
من موضوعنا ده وبعدين نشوف حالتكم المتاخرة دي .
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
عيدروس ..
Quote:
الفاضل ناذر
زيارتك تسرنا ومرحب بيك ضيفا عزيزا علينا بالفجيرة
|
تسلم على الدعوة الجميلة ..
وحا أكون معاكم عما قريب إنشاء الله ..
شنكل :
إنشالله بس أحصل أقابل محمد البشرى في الفجيرة قبل ما يتنقل دبي !!
| |
|
|
|
|
|
|
|
|
|
Re: بورداب الإمارات ...سلام (Re: ابن الرشيد)
|
Quote: بالمناسبة تبارك وينو ؟! ما يكون سمع نصيحتي ديك ؟!!
أنا بهظر سا كت والله !! |
ياناذر ما قلت ليك بتضرب تحت الحزام , الله يمرقني منك بالسلامة ساكت
تخريمة
تماضر الخنساء طفتشها وين ؟؟؟ ما تكون وديتها الخور بعدين أزعل منك 
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
ألأخ/محمد البشرى الخضر
البشرى تأتى منك بأذن الله..
أنا من بورداب الرياض.
أمنياتى لكم بتجمع أسرى رائع ومفيد وفى ألأتحاد قوة...
حبيبنا هاشم أحمد خلف الله بناكفكن لأنه رجل خبرة ماشاء الله فى العمل ألأحتماعى......وعندنا كوادر جميلة هنا فى الرياض كثيرة ما شاء الله وقيادية ...........
زى ما قال ألأخ هاشم نحن على إستعداد لتقديم العون.....بس فكونا من المادى دى لآنكم مصنفين يا ناس ألأمارات ناس راحات.
إسماعيل محمد أحمد عباس...............أم درمان.......
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
العزيز ود البشرى
كيفك وكيف بورداب الفجيرة الرائعين؟؟ تحياتنا ليهم
اها بورداب الإمارات ديل أسالني منهم أنا... ناس حلوين ومميزين
وأخوان ... أها سجل معاك ولو عايز التلفونات لاقيني في المسنجر:
محمد سيد أحمد الشارقة
سموأل أبو سن الشارقة
سموأل شلبي الشارقة
القردابي الشارقة
الزنجي الشارقة
بدري الياس الشارقة
فيصل نوبي الشارقة
باقي البورداب في العدد القادم
ووصيتي ليك الناس ديل تتصل بيهم ضروري وتكرب علاقتك بيهم أول شيء عشان يشوفوا ليك موضوع الشقة ... بعدين نشوف موضوع التواصل الاجتماعي دا
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
بورداب الامارات الرائعين سلام ...
كيفك ابو محمد وكيف الفجيرة على حسك ((عملتوا خيانات)) !!!!
اوصيك كمان بالاتصال بي ..
د. أحمد القاسم - ابو ظبي
د. عوض عمر - ابو ظبي
سناء جعفر - الشارقة
ولنا مهدي - العين - المابتفرق بيني وبين اشراقة -
وعواطف ادريس
وحقيقة بورداب الامارات قمة في الروعة والاخاء والتسامي..
اتمنى ان تكونوا اسرة واحدة ..
| |
|
|
|
|
|
|
|
|
|
Re: بورداب الإمارات ...سلام (Re: انعام حيمورة)
|
الإخوة الأفاضل
سعيد بمروركم و معرفتكم جميعا
أصلوا معرفة البورداب كنز
عبدالله بابكر
مرحب بيك و تشرفنا بمعرفتك
عباس
ياخي الموضوع ماموضوع تلفونات و مسنجر الحكاية غنو انا مما إتبوردت شهر حداشر الفات , طوالي في حالة بورداب الرياض عندهم جلسة بورداب الدوحة عاملين حفل , ناس الخرطوم ماشاء الله عليهم, اها يطرشني في بورداب الإمارات ما سمعنا ليهم حس و لا خبر , فقلت ندعو الناس للتعارف السايبري و الله كريم علينا كان نتلم لي قدام , و كويس إنه في تجمع يعني نتمنى يتفعل و يكون في نشاط إجتماعي أو لقاء او حركة كدا
عيدروس حجر
عرفتك و مفاجاة سعيدة كونك بوردابي
معاكم في الخور الأخ الشيخ إبراهيم الشيخ و نحن على تواصل
ابن الرشيد
الف مرحب و فرصة سعيدة
وين في الإمارات؟
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
ناذر
آمنت بيك عديل| Quote: إنشالله بس أحصل أقابل محمد البشرى في الفجيرة قبل ما يتنقل دبي !! |
أها يا الفالح لجنتها
الليلة من الصباح اول حاجة لقيتها في الإيميل رسالة النقل لفرع الشارقة
إرتحت
هاشم خلف الله
إسماعيل عباس
مرحب بناس الرياض , خلاص حنقبل بغريبة و عارفنكم ما بتفكو الفراودة بتاعنكم. اوكي أدونا دكين
حيموراز
مشتاقين
تصدقوا فكرة البوست دا جات بعد مقابلتنا معاكم و لقيت إنو معرفتكم بي ناس الإمارات تفوق معرفتي بيهم و انا اقرب مكانيا لهم
و زي ما قال عباس يوجد تجمع بورداب و ليه نشاطات بس يبدو نحن المقصرين , على امل التلاقي في إطار البورد و ما اعتقد حا نحتاج للتلفونات و المسنجر- مشكورة
سأسعد حقا بمعرفة البورداب الذكرتوهم كما سعدنا بمعرفتكم .
و اتمنى نجتمع جميعا في ساعة خير
تحياتي للجميع
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
الاخ محمد البشرى
كنت حسن الظن فى بورداب الامارات مثلك
لكنى وبعد تجولى فى الامارات السبع ولمدة اربعة
اشهر لم التق الا بالقليلين منهم معظمهم بالصدفه
رغم انزالى لبوست مماثل
صدقنى لم اغضب لتجاهلهم لكنى شعرت بالحزن وما زلت
اتمنى لك التوفيق
| |
|
|
|
|
|
|
|
|
|
Re: بورداب الإمارات ...سلام (Re: مبيوع)
|
الأخ ود البشرى
مرحباً بانضمامك إلى بورداب الإمارات.
هناك عدد مقدر من الزملاء موجودين في أبو ظبي
ودبي والشارقة ولديهم نشاط منتظم رغم كسلهم في الفترة الأخيرة
وقد كان لنا لقاء في النادي العربي بالشارقة قبل أسبوع تقريباً..
على العموم نتشرف بمعرفتك وكن بخير..
أخوك نصر الدين البشير
الشارقة
| |
|
|
|
|
|
|
|
|
|
Re: بورداب الإمارات ...سلام (Re: مبيوع)
|
Quote: كنت حسن الظن فى بورداب الامارات مثلك
لكنى وبعد تجولى فى الامارات السبع ولمدة اربعة
اشهر لم التق الا بالقليلين منهم معظمهم بالصدفه
رغم انزالى لبوست مماثل
صدقنى لم اغضب لتجاهلهم لكنى شعرت بالحزن وما زلت |
الأخ العزيز دكتور ياسر مبيوع
لك التحية والاحترام والمودة،،
في البدء ألف مرحب بقدومك إلى الإمارات
وصدقني هذه أول مرة أعرف عن البوست المعني
فربما يكون قد أحيل إلى الصفحة التانية في رمشة عين
لذلك لم يمر عليه الأخوة بورداب الإمارات
فلك العتبى حتى ترضى..
اعتاد الزملاء الأعزاء الاحتفاء بالقادمين والضيوف
من فترة إلى أخرى كلما سنحت الفرصة
وعلى العموم أمسح هذا اللوم على رؤوسنا
والجايات أكتر من الرايحات.
| |
|
|
|
|
|
|
|
|
|
Re: بورداب الإمارات ...سلام (Re: مبيوع)
|
أستاذ مبيوع
تحية طيبة
و الله إتلومنا معاك شديد
اسمحلنا
وزي ما قاليك نصر الدين يكون البوست إتراجع بسرعة شديدة
أتمنى تتكرر زيارتك مرة تانية , و نتمنى مقابلتك
لك العتبى و الود
| |
|
|
|
|
|
|
|
|
|
Re: بورداب الإمارات ...سلام (Re: محمد البشرى الخضر)
|
الاخ محمد البشري ابو النسب
كيفك والمحروس وامة
واللة ياود البشري بورداب الامارات في قمة الروعة وقد تعرفت علي الكثيرين اثناء زيارتي العام الماضي للامارات .
واعتقد ان لهم تجمع لانهم قد وجهوا لي دعوة لحضور احتفال تكريما للصحفي المخضرم عطا المنان اظن بمناسبة زواجة وزيارتة الامارات وكان الحفل في احد فنادق الشارقة.
وقد حضرت الحفل بصحبة الاخوان الاعزاء القردابي ومحمد عبداللة والتقيت بمجموعة ولكن الزاكرة تعبت.
التحية لكل البورداب في الامارات .
وحقيقتا لمست اهتمام منهم وكرم لايوصف.
بعدين ياخي إنشاء الله الظروف تجيبك الفجيرة عشان تعرف فكرتك عنها غلط على الأقل مقارنة بمانهاتن القاعد فيها دي
بقااال بقااااااال
وينك تعال عاوزينك
هاهاهاهاهاها
انت عارف ياود البشري نازر الخليفة وياسر طيفور ديل حقوا يدوهم جايزة نوبيل لطولة اللسان
انا مرات بقول عندهم عرق في الرباطاب.
يانازر الخليفة
ود محمد البشري دة منكم عدييييل كدة ( انا ما قلت ليك طيب )
| |
|
|
|
|
|
|
|
|
|
Re: بورداب الإمارات ...سلام (Re: بدرالدين كاجوري)
|
أهلا أهلا بدر الدين
وينك ياخ
تعرف كلامك وكلام حيموراز عن بورداب الإمارات دا هو الشجعني أكتب البوست و أسأل عن الناس الرائعين ديل.
Quote: يانازر الخليفة
ود محمد البشري دة منكم عدييييل كدة |
أفو كمان قمنا للسلبطة
من متين بقيتوا تنسبوا الولد لإمو
حتوت دا دنقلاوي اصلي
ما شفته ذكي كيف؟
| |
|
|
|
|
|
|
|
|
|
Re: بورداب الإمارات ...سلام (Re: ابوعبيدة حسن محمد)
|
تسلم يا أبوعبيدة و مشكور
قلت لي من وين في الإمارات؟
--------------------------------
طيب يا ناس الإمارات
تعملوا إحتفالاتكم و ما تشتغلوا بينا
إحنا برضو مبرمجين في الساحل الشرقي
دي صور لباربيكيو على كورنيش خورفكان على شرف الأخت إشراقة حيمورة و العزيزة سلمى
(فاتتك يا إنعام)
في منطقة عين الغمور
القرضابي , الشيخ إبراهيم الشيخ و عباس يجاهدون لإشعال النار
ثم يأتي عثمان حسن الزبير محاولا إنقاذ ما يمكن إنقاذه
في إنتظار جودو
لتحسم إشراقة الأمر في النهاية
| |
|
|
|
|
|
|
| |
محمد البشرى الخضر
ناذر محمد الخليفة
هاشم أحمد خلف الله
فاروق حامد محمد
abas
ابن الرشيد
ismeil abbas
Ishraga Haimoura
انعام حيمورة
مبيوع
Nasruddin Al Basheer
بدرالدين كاجوري
ابوعبيدة حسن محمد
فيس بوك
تويتر
انستقرام
يوتيوب
بنتيريست