|
|
 وهبة بالها ولاّ بالتا
|
حمووودي يصحّح نظره
في إطار تحديث مؤهلاته أجرى ود الصايم الشهير بحمودي العسل عملية تصحيح النظر المعروفه بالليزك
بعد نهاية العملية صرح حمودي قائلا :
انه يطمئن جميع احبائه و انصاره بنجاح العملية و يشكر جميع من شجعه على اتخاذ هذه الخطوة التي تردد طويلا فيها
وهو الآن يشعر وكأنه عاد شابا في ثلاثينات العمر و سيمكنه الآن العثور على غطاء حلته بكل سهولة
وفي سؤال عن الخطوة القادمة أجاب حموودي :
في المستقبل القريب يجري التجهيز حاليا لبرنامج ريجيم شاق للتخلص من الكرش - رغم الإرتباط العاطفي بها - و العمل على تقليل حجم المؤهلات الأخرى
حتى تعود له رشاقته السابقة ايام الشهادة العربية
و كما يوجد إتجاه أيضا لتركيب تقويم للأسنان
نتمنى لحموودي التوفيق كما نتشوق لرؤية النيو لوك
.
.
.
.
إنتهى ...
ابقوا معنا ....
بعد الفاصل ...
وهبة يمارس الركمجة على الفيس بوك
|
|
 
|
|
|
|
|
|
|
 Re: وهبة بالها ولاّ بالتا (Re: محمد البشرى الخضر)
|
| Quote: وسيمكنه الآن العثور على غطاء حلته بكل سهولة |
ياخي مليون مرة قلنا ليك إتصلح معانا ياااااخ ، يعثر شنو ياخ؟ الزول ماسك غطاء الحلة في يده تعملها ضائع ... ياخي بالله عليك الله قوم لـــــف .....
قال العثور قال ....... تااااني قوم لـــــف وأقول ليك حاجة :
خلي ود الصائم زااااتو يقوم يلف معاااااك ...
| |
|
|
|
|
|
|
|
|
|
Re: وهبة بالها ولاّ بالتا (Re: محمد البشرى الخضر)
|
ود البشرى ..سلامات ... أخبارك يا راجل ...
التحية ليك وحمدا لله على نجاح العملية لصاحبك ود الصايم ... مع أمنياتي ليهو بي شوف سنين ( بفتح السين ) ...بس لو عايز
يزيل الكرش ...أوصيهو يصوب عويناتو الجديدات إلى مستويات نظر أعلى من الحلة وغطاها ...
صدقني الكرش وملحقاتها ..بتحرد وتزول ...براها ... وصفة مجربة ... بس عايزة صبر وعزيمة ...
| |
|
|
|
|
|
|
|
|
|
وهبة يمارس الركمجة في الفيس بووك .. (Re: GamarBoBa)
|
وهبة بالها ولاّ بالتا
بالها أو بالتا أو حتى بالتلج ( ) ما فارقة ...
يبقى وهبة الزول الجميل جدا النضيف جوة و برة , صاح فقري و كاواي ومرات زعّاط
لكنو الشهادة لله إنسان جميل
تمام سوداني
مبتسم
أمنجي
مجامل و صاحب واجب
حتّااااات
ما بعاف
التحية لوهبة في الأسافير
( مع كامل التأييد و الدعم لقرار إيقافه و إن شا الله يكون زي ستة سبعة شهور كدا )
| |
|
|
|
|
|
|
|
|
|
Re: وهبة بالها ولاّ بالتا (Re: GamarBoBa)
|
عمده البكاي ...| Quote: الزول ماسك غطاء الحلة في يده تعملها ضائع |
ياخي كان ضايع و لقاه
أبو السيوف ...
كلوّ عند العرب ... ماشي الحال
قلت لي وايل ما ليه حق ... ياخي بالغت
ملاسي ...
في البداية استغربت من محّنتك الجديدة لحموودي و جا على بالي قولة المصائب يجمعن المصابينا
المصائب راجعة لمحسن خالد كما لا يخفى عليك - طبعا
أوووو إبراهيم فضل الله
وينك يا عمك فترة طويلة غايب عساك و الأسرة بخير
وصفتك سمحة بالحيل إلاّ قولة دايرالها صبر و عزيمة دي قاسية تب
زولي وبعرفه
أمر يا عمك ..
اظنو قايلني حزب أمة ولاّ تكون ركمجة منو ساي
ولاّ آآآ الليلة ما ستة ابريل بتكون قامت عليه
| |
|
|
|
|
|
|
|
|
|
Re: وهبة بالها ولاّ بالتا (Re: Rawia)
|
الرمجكة الجد جد ياها نوع عدم عوافة وهبة دي
ومعانق لينا كل من هب ودب...ونحن كرهط ندين ونشجب ونطالب بكري بانزال اقصي عقوبة اسفيرية في تاريخ الاسافير
العربية والافريقية بالمدعو وهبة بدواعي (عدم العوف والشوف)
والف سلامة لصحبي ودالصايم ياخي...
ومن سال عن الكرعين وقع في اول ملف بتاع بو عينين
وكل الاماني بالشفاء العاجل...
والله يجمع غطا الحلة(حد يجدع غطا يا كيشة)
والفوتك مولد (باماو) ده ماااااااا هين تب
فعشان كده ضروري نشد ليك سلك
ومعا من اجل مزيد من التوقيف الاسفيري لوهبة الرمجاك
| |
|
|
|
|
|
|
|
|
 Re: وهبة بالها ولاّ بالتا (Re: عبدالكريم الامين احمد)
|
سلام ودالبشرى
ومبروك النظر الذى عاد لاصحابه بعد غيبه
وحدالله على سلامتك يا كيكى و الجاتك فى كرعيك سامحتك
تخريمه
انا ما متابع لظروف , الحصل لوهبه شنو يا شباب
انا عهدى بيه كان كده
انتو كده ده بالهاء ولا بالتاء ؟
| |
|
|
|
|
|
|
|
|
|
Re: وهبة بالها ولاّ بالتا (Re: أيمن دياب)
|
| Quote: في إطار تحديث مؤهلاته أجرى ود الصايم الشهير بحمودي العسل عملية تصحيح النظر المعروفه بالليزك |
حالتو كان مدعمش
يعني بعد كدة الا نخلي ليهو البور
ود الصايم ح تلف براك واللا نقول ليك قوم لف
الف حمدلله علي السلامة ياخ
خالص الود
| |
|
|
|
|
|
|
|
|
|
Re: وهبة بالها ولاّ بالتا (Re: Yassir Bainwi)
|
التحية للرفيق المناضل ود الصايم و هو يخوض معركة ضد الرجعية الكرشية و التحريفية الحللية.
و التحية للمناضل وهبة في نظاله تحت الارض ضد جحافل الامبريالية و اذيال الاستعمار و الشعوبيين.
ــــــــ
معليش كنت بقرا في رسائل ماركس و انجلز فلخبتت عليّ الوضع شوية.
الحاصل شنو يا جماعة ؟
| |
|
|
|
|
|
|
|
|
|
Re: وهبة بالها ولاّ بالتا (Re: حمور زيادة)
|
مدخل متلبد: وهبة بالتاء
حمدلله على السلامة يا جنرال ود الصايم
عتاب ولوم: يعني يا ود البشرى مش الناس قالو تاني يبعدو من العناوين ال(مثيرة) للجدل
حسع كان الجماعة (ربنا يجعل كلامنا خفيف عليهم) خطفو البوست ده يكونو غلطانين؟
سؤال وااااضح: لو البوست ده حصل ليه حاجة بسبب عنوانك ده بكري غلطان؟
مخارجة:
انا مهكور ولا أستطيع الدخول والهكر هو الجابني هنا
--------------------------------------------------------
وهبة سهك لوح الركمجة وطلع عينو في الفيس بوك
!
| |
|
|
|
|
|
|
|
|
|
Re: وهبة بالها ولاّ بالتا (Re: Salahaldeen Nadir)
|
| Quote: وهبة يمارس الركمجة على الفيس بوك |
ودالبشرى يفتح الطريق أمام محبى الركمجة!!!!
ويعلن ودا الصايم مركمجا بالفيس بوك بعد ركمجتو البسويها هنا دى,,
سلامات يا ود الصايم وحمدالله على السلامة!!
إنشاء الله ما تشوف شر تانى ولا منبر عام غرق,,
أها المفصولين ديل حا تعملو لينا فيهم شنو بعد العملية؟؟؟؟
ونحن عاوزين نبنى ( حصن) !!! همتك معانا يا سارى الليل,,
هو البوست تضامنا مع ود الصايم ولا وهبة بالتاء!!ولا حسب الظروف,,
| |
|
|
|
|
|
|
|
|
|
Re: وهبة بالها ولاّ بالتا (Re: أيمن الطيب)
|
صباحاتك فل وياسمين ودالبشرى
حمدلله على السلامة ياود الصايم وعملية ناجحة بأذن الله وماتشوف شر تانى
نتمنى عودة وهبة وميادة وتمبس وابوحسين وكل الناس الحلوة الغايبين
| |
|
|
|
|
|
|
|
|
|
Re: وهبة بالها ولاّ بالتا (Re: محمد البشرى الخضر)
|
سلام يا مان .
| Quote: نتمنى لحموودي التوفيق كما نتشوق لرؤية النيو لوك |
والله مشتاقين نشوف النيو لوك للصايم ..
واتوقع ان يكون الوضع كما هو عليه وسوف تعاني الحلل اشد المعاناة بعد ما استعدل نظر
السيد حمووودي العسل !!!
ونحمد لله علي الشوف
.......
بخصوس وهبة او وهبه (( ما فارقه )) .. دي زي(( حبا)) بالالف واللا بالهاء!!
الزول ده امنجي امنجي ههههههههههههههه
بس امنجي طيب طيبه تحير ......... يا خي شكلو بقول كدا
انشالله يفرج عنه قبل انتهاء مدة التوقيف
....
اتمني لك دوام التوفيق ..
انتهي .....
| |
|
|
|
|
|
|
|
|
|
Re: وهبة بالها ولاّ بالتا (Re: عبدالله كع)
|
سلامتك ياودالصايم
ياعمك انت كنت شايف تمام اها بعد العمليه داير تشوف شنو؟
ماتقولي النشوف اخرتا!!!!
____________________________________________
يا ابوحتوت وهبه قال كده مرتااااح ،،،،
اقل شي بنوم من تسعه شوفت الراحات دي كيف هاهاهاها
| |
|
|
|
|
|
|
|
|
|
Re: وهبة بالها ولاّ بالتا (Re: محمد البشرى الخضر)
|
إعلان وهبة ..
خاص الجزيرة
مباشر من الفيس بوك
في تصريحات شدية اللهجة اعلن وهبة توجيه إنذار وكمان أخير لبكري أبوبكر
مطالبا بإرجاعه أو إيقاف حمور و آخرين كآخر ما توصل إليه من ركمجة
مراسلنا من الفيس بوك تمكن من إجراء لقاء حصري مع وهبة في منفاه
و خرج منه بالتصريحات التالية | Quote: مافي ضيق يا عمك علا الوقفة طالت علينا |
وقد داعبه مراسلنا بأن الفترة قد تصل لسنة فقال | Quote: بعد سنة يا ود البشرى اصلو قابضني ببنقو ياخ قوم لف |
هذا وقد طالب وهبة بتفعيل علامة القوسين على حسابه دليلا على إيقافه | Quote: المهم يابكري لو ما داير ترججعنا ياخ اعمل لي القوسين تحت اسمي ياخ اخير اكون واقف بشرف |
| Quote: انا اطالب بالقوسين او الرجوع كفاية تهميش |
نتوجه من هنا لإدارة الموقع بالرجاء للإستجابة للمطالب العادلة لوهبة و رغبة جل اعضاء الموقع , و القيام بـ
وضع علامة القوسين على بروفايل وهبة و تمبس و يا حبذا لو تم تسويد الإسم نهائيا
إنتهى
بعد الفاصل ...
في سِيرة بلد (يوجد تلج و فِروِل )
| |
|
|
|
|
|
|
|
|
|
Re: وهبة بالها ولاّ بالتا (Re: محمد البشرى الخضر)
|
ابو حتوت
تقول شنو.....؟
| Quote: المداخلة دي نزلت امس في بوست عمك هارون دياب الأظنو لحق اخوانو رغم الخسيم بالنبي |
والله ياعمك خذلني شديييييييييييد
وانا العامل فيها منقطة وسنير السناير
اتارينا طلعنا (.....)سااااااااااااكت
حسع يااخوي داير الشورة.....
عندي كلام كتيييير داير اقوله
بس خائف انا زااااااااااتي الحق البوست
الدبارة ياجبارة
| |
|
|
|
|
|
|
| |
محمد البشرى الخضر
Hussein Mallasi
ibrahim fadlalla
GamarBoBa
Rawia
عبدالكريم الامين احمد
سارة علي
محمد عبد الماجد الصايم
حمور زيادة
Salahaldeen Nadir
أيمن الطيب
هند محمد
عبدالله كع
فيصل محمد خليل
haroon diyab
Ishraga Mustafa
فيس بوك
تويتر
انستقرام
يوتيوب
بنتيريست