|
دعواتكم لزميلنا المفكر د.الباقر العفيف بالشفاء العاجل
|
|
 Re: ود البشرى .. كفارة وسلامتك .. و1000 حمــودي كرامتك!! (Re: محمد عبد الماجد الصايم)
|
أبو حتّوت ألف سلامة ليه
بي سلامتو مالو يا حمّودي يا عسل
وبي سلامتو دا من إيه
باقي اكل الفتّة وخصوصاً أم توم هي الجايبة المشكلات كلها
الله يشفيه
الفتة أم توم أريتا تدوم
يا ناس الفتة المندمجين كوم في كوم
جارين طوالي من كوم لي كوم
مارقين مخصوص للفتة أم توم
جغمات بالليل؛ وانصاص الليل عند اللزوم
بتفتّوا كلام زي عوض دكّام
سايطين سايطين في الكذب حرام
كل شي عرفناه؛ الكذب علام؟
جونا السراي؛ تعظيم سلام
لكن انتو السهرانين في الفارغة ملام
وبعدين انت يا حمّودي يا عسل
متين اصبحت ومتين ومنين سكرتو
يا ولد انت بتذاكر من ورا خالو واللا شنو؟
انت اللّي علّمك لبس العمّة منو؟
واللاّ آآآآآآآآآآآآآآآآآآنق
  
| |
 
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: نادية عثمان)
|
ياعمك ودالصايم فكيك ده برررري منو
ابو حتحوت يدق ليك الصفايح وقبل ان يجف حبر البوست يقع بردلب
وانا بهنا لابد ليك لبدة السنين طلعت لي موضوع قراية لا يدي ولا كراعي ولحدي حسع راسي مسخن..
لكن صبرا حتما سيطيب ود البشري نحلة الملاعب وزهرة الاسافير
وانا لو اربت عديييييييييييييييل كده
جايييك جيييك لموضوع حمادة عسل الشاطب راسي ده...
يا ود البشري الف سلامة وكفارة
وفي انتظارك يا موغل في الاريحية الاسفيرية
| |
|
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: محمد عبد الماجد الصايم)
|
قالوا متالم شـــوية ياخى بعد الشـــر عليـــك
النضاره الفى شـــبابك و"النظـارة "الفى عينيــك
والقلوب الحايمه حول بوستاتك ياحمـادة بتتمنى لــيك
بكره تشفى وبكره يا عســــل البورد يفــرح بيك
ياخى بعد الشـر عليك
انت ماشــبه الـد مـــــوع انت ماشبه العـذاب
انت ماكلــك عواطـــف انت ماكلـــك شــباب
الكي بورد عندك اسـير والبورد من غيرك ســـراب
ياخى بعد الشـر عليك
ألف سلامة با ود الصايم لود البشرى ، ( عين ومرقت )
| |
|
|
|
|
|
|
|
|
 Re: ود البشرى .. كفارة وسلامتك .. و1000 حمــودي كرامتك!! (Re: عبدالله كع)
|
| Quote: عموما جيب شويه ليهو مديده دافيه |
كع يا عمك
أبو حتوت دا ما بشرب مديدة .. المديدة بتحرقو بس
وبالمناسبة دي
حمودي يهديك أطيب التحيات
وبالمناسبة برضو
مالك مطول من الحاج يوسف
من يوم شكلة العكاكيز ديك تاني ما جيت
وبي مناسبة شكلة العكاكيز دي
أمنة كريم أخبارا شنو باللاي
وبي مناسبة آمنة كريم
ناس الامتداد عاملين كيف؟
وبي مناسبة الامتداد
إنت أخبارك شنو
| |
|
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: عبدالله كع)
|
| Quote: شيفك لبسته العمه .... ودخلته عالم الازياء كمان |
والله بالجد مشتاقين يا كع
لكن هو بالعمّة دي ما بقى عندي فوق خالص
أخير من العسل التاني
لكن هو منو فيهم الحمودي
ما توريني يا عبدالله
إزيك يا حمودي العسل
انت صاحبك دا لسع ما قام الله يشفيه
ما عارف صوته في التليفون
حاجة تانية
الله يسلمه لينا
| |
|
|
|
|
|
|
|
|
 Re: ود البشرى .. كفارة وسلامتك .. و1000 حمــودي كرامتك!! (Re: Raja)
|
| Quote: طبعا لما قريت كم مشاركة حتين إقتنعتا إنو ود البشرى عيان صحي صحي ما بوست مقلب |
راجا
أخبارك ياخ!!
بعدين ما تخافي
ما حيموت
وشنو الما شايفه دي
ما تقلعي نضارتك دي عشان تشوفي .. تقول راكبة ليك موتر
بعدين أفصحي .. أفصحي .. الموووبالغات دي وين ..
ساعدينا باللنكات بي هناك
سمح
| |
|
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: محمد عبد الماجد الصايم)
|
غايتو الحلة دي بقت صعبة خلاص ...
الواجبات كترت إلا نرحل 
من الصباح لافحة شباشبي و توبي اباكي في فلان
و اطيب خاطر فلان
و اتفكر في شكلات فلان
و فلان حرقوه
والحقي فلانة بتعضي في فلانة
والليلة فلانة فلقت فلانة
و فلان كان حمـــ العسل ـــودي وبقى طيب
و فلان عيان ما بنقدر نوريكم!
غايتو،
سلامة ود البشرى و ما يشوف شر و شكرا لصديقه الصدوق (محمد عبد الماجد الصايم)
| |
|
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: haroon diyab)
|
الاحباب الكرام
جدا شاكر اهتمامكم و كريم سؤالكم عن حالنا
وكفر الله سيئاتكم جميعا
الوعكة الصحية ولله الحمد نزلة برد بسيطة
بالإضافة للحالة النفسية التعبانة المصاحبة لسفر الاولاد وكدا
لكن حمودي العسل بحب المبالغات وحب يعمل راو يغطي به على قضية الساعة
فمشكورا كتب هذا البوست رغم ايحاءاته حول طبيعة الامر
اسعدتني تعليقاتكم اللطيفة - و اللتي ساعود لها ان شاء الله
لكن لفت نظري توجس بعض الإخوة من وجود مقلب ما
وما عارف دا يعود للمصداقية الضعيفة لأخونا حمودي العسل ام لحسن ظنهم بقدرتنا و مناعتنا الصحية
تعليقي بالأسفل عن الإتفاق ما بيني و حمودي ما هو إلا وهمة في شكل وردة وادت مهمتها
و شكلها جابت كثافة اخونا و بدا يشاتر
يا معلم تعيش وتاخد غيرها
و للإخوة جميعا العتبى
| |
|
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: نادية عثمان)
|
ود الصايم ،،،
الحكايه شنو يا زول ،،،
معقول الموضوع حكاية إتفاق وبس ،،،
ما عارف أقوليك شنو ،،،
جهزت شعوري قلت بكره إنشاء الله أول ما أصل الرياض نقوم بواجب الزياره ،،،
زيارة إجتماعيه للمعاوده والإطمئنان على ود البشرى ،،،
وجهزت خطبه كاربه لهذه المناسبه ،،،
لكن الله يسامحكم ضيعتوا منى فرصه كسب حسنات فى الطريق قبل العمره ،،،
بالله ،،، محمد البشرى الخضر ومحمد عبدالماجد الصايم فى لحظة إتفاق طلعوا بالفكره دي ،،،
فهمونا حاجه يا شباب ،،، الزول ده عيااااان ولآ نحن العيانين وما فهمنا صاااااح .
| |
|
|
|
|
|
|
|
|
 Re: ود البشرى .. كفارة وسلامتك .. و1000 حمــودي كرامتك!! (Re: محمد البشرى الخضر)
|
Quote: أها يا حمودي ياعسل
انا التزمت بجانبي من الإتفاق - رغم عدم فهمي لغرضك منو - و امتنعت عن الكتابة في البورد لمدة 48 ساعة كاملة
عليك الآن تنفيذ الشق الخاص بيك و الإيفاء بإلتزامك |
الأخ العربي أبو حتوت
أنا شخصيا حأتجاوز عن الجانب المظلم من مداخلتك دي وحأخد الجانب المشرق منها
يا عمك .. كلامك دا ليهو دلائل محددة حأعتز بيها جدا جدا:
أولا كونك ما تدخل البورد 48 ساعة بطلب مني فدي معناها
تأثيري العالي على شخصيتك .. ودا بيزيدني غرورا على غروري الـ حمودي
لأنو البورد دا ما بيمنعك منو إلا الشديد القوي .. ودا ياهو الإنت داخل فيهو هسي
وبرضو يا عمك بيدل على شعبيتك الماشة للداون!
المهم يا عمك
كامل تضامني معك في محنتك المرضية الما عاوز تفتها للناس دي
ما تلاوز يا عمك .. المرض دا من ربنا يعني الواحد ما بيختارو براهو
وقع ليك أبوي
(بدون وشوش)
وإن عدتم عدنا
| |
|
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: عبدالله كع)
|
انا التزمت بجانبي من الإتفاق - رغم عدم فهمي لغرضك منو - و امتنعت عن الكتابة في البورد لمدة 48 ساعة كاملة
عليك الآن تنفيذ الشق الخاص بيك و الإيفاء بإلتزامك
اتفاق ثنائي تم تنفيذه من جانب واحد يلا ياود الصائم نفذ ما يليك من الاتفاق ولا حنستعين بقوى الهامش والدويلات المجاورة والبنوك الاقليمية النامية لتمويل غزوة الموز الفاشلة ومعرفة كل الطوابير داخل الاجهزة الامنية والاجهزة المجاورة من ناس ابوجا ونيفاشا
| |
|
|
|
|
|
|
|
|
|
Re: ود البشرى .. كفارة وسلامتك .. و1000 حمــودي كرامتك!! (Re: محمد عبد الماجد الصايم)
|
حموووووووووودي
والله جابتني دي للامانة عجبتني
فيها شوية من ريحة اب شنب و ملامح من ابوي العربي الطوكراوي الإنصدمنا فيها و فقدناها
مع تداعيات الفضيحة الاخيرة
كدي خليني من قصة شعبيتي اللحقت كلينتون و باقي الخارم بارم دا
Quote: المهم يا عمك
كامل تضامني معك في محنتك المرضية الما عاوز تفتها للناس دي
ما تلاوز يا عمك .. المرض دا من ربنا يعني الواحد ما بيختارو براهو |
الليلة بقيت لي زي جماعتي ديلك
الواحد يكضب الكضبة و يصدقها
علي انا يا حمودي
كان ما بتحنس ساعتين من تلفون الشغل الملح اني اغيب ليك 48 ساعة بس
انا فهمت انك قاصد توقف البوست بتاع الفتة و تحاول تلم موضوع حمودي العسل و كدة
و للامانة انا ما مقتنع لكن الاوفر بتاعك كان لا يقاوم
لكن لو عارفك ح تجي تعمل عملية زي دي ما كنت قبلت
المهم ابوي اليومين انتهوا
ما تخجل و تعال اعتذر للناس التلتلتها دي
دي في
لانو بعد عمليتك دي و قصة حمودي ما اظن فضل ليك وش
| |
|
|
|
|
|
|
| |
محمد عبد الماجد الصايم
Maawya Hussein
اساسي
طارق جبريل
العوض المسلمي
على محمد على بشير
عبدالفتاح أبوشيمة
awad okasha
Adam Mousa
معتز القريش
Ahmed musa
كمال علي الزين
معتصم دفع الله
عبدالكريم الامين احمد
emad altaib
خالد علي محجوب المنسي
عبدالله كع
انعام حيمورة
محمد عبدالرحمن
دينا خالد
عادل سهل
نيازي مصطفى
Gaafar Ismail
الفاتح خليل الفكي
Tragie Mustafa
كمبورة
عمر عبد الخالق سعيد
هاشم أحمد خلف الله
انعام عبد الحفيظ
معتصم محمد صالح
Raja
osman righeem
محمد أبوالعزائم أبوالريش
رشا سالم
mohmed khalail
haroon diyab
محمد البشرى الخضر
محمد خليل ساني
Yassir Tayfour
القلب النابض
ebrahim_ali
فيس بوك
تويتر
انستقرام
يوتيوب
بنتيريست