دعواتكم لزميلنا المفكر د.الباقر العفيف بالشفاء العاجل
|
|
 مسدار سليكة الشليقة لليانكي
|
اختنا سليكة الشاعرة الموهوبة ابتدرت بوست للمسادير بموقع بيت السودانيين
و حظينا بشرف المشاركة معها في مجادعات لطيفة و عدد من الزملاء من الأون لاين
حبينا نشرككم معنا و نستمتع بمشاركات الزملاء من هنا ايضا وكدة
ادناه الرابط
و بعض الإقتباسات لمشاركات الزملاء من الأونلاين
مسادير ودوبيت يا شباب.. تعالو جادعوا....
سليكة Quote: قوقي يا قميرية وابكي الرجال الماتوا
ستارين عروضم الليلة وينم فاتوا
أحي عليك يا دنيا كتب القدر كلماتو
كان الموت بشاور كان بدفعن دياتو |
ود الزينQuote: قوقي يا قمرية وري البنات ...مقاماتن
ورّي البنيّـات جت ضلوعن ...وعوجاتن
قوليها المحسوبين فينا نكرناهم وقلنا..ياحلاتن
سقاية الخدار ما شغلتنا مابنهادن ولا بنحاتن
نحن ناس كلمة واحدة "طلّق" وطبقاتن |
ود الزين Quote: راجنك يا بت امي يانا اهلك .....وناسك
نلملم بواقينا ونحكي حكاوينا ....ونتماسك
الدنيا شن فيها غير اللمة نشوف .حماسك
شهر 6 افراحنا وزغاريدنا..بس بلي راسك |
سليكةQuote: جهزت لافراحكم.. احلى التياب والزينة
من هسي بمشي الساونا.. عشان اضوي رتينة
دايرة اقشر ليكم.. في الحفلة زي وزينة
بس ما بخمج الدارة.. عشان يقولوا رزينة |
ابوحتوت Quote: ود الزين عريس يا ربي تمو مناهو
ساءلك يا كريم السعادة تبقى معاهو
و سليكة الرزينة في الفرح تبراهو
وابليس اللعين بعولاقو داك يختاهو |
سليكةQuote: فرتاق الصفوف لمعن حروفو سيوف
خاتي الكلام والقول الزيو ما اظن اشوف
اب حتوت اخوي البلكرم موصوف
النيلو ما بنضب والخيرو راوي جروف |
تماضر Quote: ياوابل العينة العريسك..سائل
عن البريد وأوانو لسع طايل؟
سائلة الكريم بالسحاب الشايل
يديهو العلوم ويبقى لينا استايل
بالنت السريع والخبر في فايل |
سليكة Quote: النت خلاص جننا وعوالمو ما بتنفات
في كل ويب مسكنا والباقي جوة الشات
حبينا فيو وجكسنا وعملنا فيو حركات
جنس حكاوي وتوم وشمار ملا الفايلات |
ابوحتوتQuote: سليكة الرزينة ست الفهم و الزوق
اخلاقك عالية ودايما مكانك فوق
الغاوون* هديك قاطعين بحور الشوق
حاسبين نجوم الليل راجنه ليكي شروق |
تماضر Quote: ياحليلها البراها ..ماشكروها وجوها
لاعبّوا المحاسن..لافي الرفوف ختوها
البنيان ألوووف بي طوبة بس رضّوها
يخس على البخل ان شاءالله بس حيّووها
هاك ياسول فِكر ...وشيلي ماقد..خَفْ
عجِّل بالقفا...قبال يجيك الكَفْ
كان جيبو الكبير..احنا ماناس..سَفْ
ولو طوّل وقوفو أبقي ماطلي..الصَفْ
وكان وصلك حِداك..أديهو طرف الرَف
مابجوا بالعديل ..دايما بحبو..اللَفْ |
سليكةQuote: ا حلاتا البراها درة وفي اعلى مكانة
بت ناسا عزاز دي السمحة فرع البانة
بالجود والكرم ايديها دوم رويانة
حاشاها ما بتنفات مليانة ذوق ورزانة
قمر السما الضواي كتير معاهو نجوم
شقيش يقبلو بت مردمات بالكوم
الا الصفوف بتقيف للمتلهن معدوم
والداير يصيد الصير ما بنكرب للعوم |
ابوحتوت Quote: قول للبراها شيلي الصبر يا بنية
في مكانك لازمنا الشكر و الجية
مع الباكمبا دا طوبة واحدة شوية
ولي بعدين بجيك أسي هاكي تحية |
وبالطريقة دي كسير تلج تقيل إلى ان يظهر اب شنب قائلا Quote: باللاي مصنع التلج مدوّر بي جاي  |
سليكة Quote: تلجا بنقاوتو الليلة جاب ناس غايتو
جارين للشمار دايرين يشوفو نهايتو
دورنا التلج.. دور انت قرايتو
وششششك يا اب شنب لو بس عرفت بدايتو |
ابوحتوت Quote: أب شنب حبابك جيت عملت الساين
الجواب هداك من عنوانو واضح وبـاين
تلجا تقيل بالحيل انت راقب و عاين
واديك البشارة باكر ننقلو الأون لاين |
اها يا ابشنب نقلناه الأون لاين
يلا يا سليكة المايك معاك
|
|
 
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: إييييييييه يا سليكة جبتيها تاني السيرة
عارفك شليقة وشاغلة بالك حيرة
سوركتي الزمان ولا الجديد في الديرة
الناس ما بتتوب ولقلوبها ديمة اسيرة |
السيرة يوم اتفتحت غلبنا ليها السدة
يوماتي تظهر شِدّة والناس تدرش العدة
وصيف بيوت وحواجب والطوب دا راقد خردة
بخت البكون سوركتي باسووردو يقعد مددددددة
| |
|
|
|
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
رشا حاتم
مساء الخير
يااخي حمد الله علي السلامة.....
شفقتينا ....قلنا مايكون بكري لحقك ناس هناااااااااااااي .
....
....
وكتر خيرك ياابو حتوت ....
وسليكة ...سليكة مافي طريقة
التحية ليكم الاتنين
| |
|
|
|
|
|
|
|
|
|
Re: مسدار سليكة الشليقة لليانكي (Re: haroon diyab)
|
Quote: رشا حاتم
مساء الخير
يااخي حمد الله علي السلامة.....
شفقتينا ....قلنا مايكون بكري لحقك ناس هناااااااااااااي .
....
....
وكتر خيرك ياابو حتوت ....
وسليكة ...سليكة مافي طريقة
التحية ليكم الاتنين |
ناس هنااااي ديل كاس داير حيوصلنا
ما بنملا بيهو الراس ولا بنستنا
نكتب ونتجدع, ما نموت بمغستنا
نقنع من الفانية نلقاها حرستنا
وهييييييييييييي مقدرة
| |
|
|
|
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
يادينا فيصل سلام ليك مني كلمه بقولة
بوستاتك خطيييرة والتوبة مقبولة
رشا حاتم كمان جاتنا بي مقولة
انوا (نقنع من الفانية)الماهامعدولة
كلام كبار ....دراب كل كلمة موزونه
بس حاسبي ود البشري مايلعبك كورة
اصلوا الوليد فرحان بي المكتبة الاوله
وياما بكرة بجونا ناس ....غايتو جنس .....يازوله
....
....
....
.....
.....
غايتو جنس غايتو
الحقوق محفوظة لابو طاقية
| |
|
|
|
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
Quote: كيفن يفوتنا الهاشم وين نلقى ليهو خلف؟
النيل وافرة مويتو وبرضو يتأسف
كان شحّ المطر من موجو يعمل كف
يسقيهو السحاب وما اظنو تاني يجف |
يا رشا غلبني الكلام والشكرة ليك تنرد
شوقي ليك واصل فات عدد النجوم في العد
يا بت الكرم والجود بيتك بالضيوف ممتد
مافي حاجة تنقِصو حاشاك البخل يا بت اصول المجد
| Quote: الليييييييييييلة يا التلج |
الرز اخبارو شنو
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد عبد الماجد الصايم)
|
Quote: ليه يا أبو حتوت كدا ياخ
البتاع دا كنا عاوزين نقزقز بيهو في البيت وكدا!! |
بهناك تقزقز سااااي وبجاي لبع تمساح
قنّاص ورميك صايب ووشك براهو سلاح
معرِّش يا ابكريك ما معاك بخوض سباح
لمن نشوف الصايم بنعرفو حقنا راح
هيييييييييييييييييييييييييع
الليلة ابو حتوت بكنسل اقامتي
| |
|
|
|
|
|
|
|
|
 Re: مسدار سليكة الشليقة لليانكي (Re: محمد أحمد محمود)
|
Quote: ماهو الكلام البتغابو فيهو العرفه
هو النم السمح يرميك بريحة القرفه
وهو النضم العدييييييييل البمرقك من قرفه
كيف الشوره لزولا يقالد الطرفه؟
غير كب يقوم يلكع يلحق الصحبه |
الصحبة بيك اكتملت الليلة يا المحمود
والفرحة دوم لازمانا لو بيها انت تجود
تتحكر في السدار وليهو انت تقود
ابرق يا السحاب تلقانا ليك رعود
وجع
| |
|
|
|
|
|
|
|
|
 Re: مسدار سليكة الشليقة لليانكي (Re: تماضر الخنساء حمزه)
|
Quote: رحّلتونا كيف؟؟من غير إذِن وسماح
كيف حال العفش مافيو شيتاً ..طاح؟
الطوب كان وقع مابنلقى تاني سِلاح
والحرب ال هِنا تاح مع التررااااح |
عارفانا ناس غاوون في كل وادي نهيم
غيرنا ارض الملعب لكن ما بعنا التيم
مباراتنا بس ودية بنخاف نخرب القيم
محمد حارس المرمى وحلاتنا احنا الريم
| |
|
|
|
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
Quote: الصحبة بيك اكتملت الليلة يا المحمود
والفرحة دوم لازمانا لو بيها انت تجود
تتحكر في السدار وليهو انت تقود
ابرق يا السحاب تلقانا ليك رعود |
كرمك ياالزميله ما بتكريه من السوق
حاتم مش ابوك والنيل حداك مسيوق
والعشم السمح هيلك وطامح الذوق
والراي السديد مجدول متل براعك المطبوق
والسنا والجمال والحكمه لابسك طوق
اها شنوليك
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
ابشنبQuote: ليه يا أبو حتوت كدا ياخ
البتاع دا كنا عاوزين نقزقز بيهو في البيت وكدا!! |
شوف كيف جمعوا الأحبة معانا
حق البيت هناك كيفن نتمو برانا
اللمة الجميلة هنا و روح القصيد تغشانا
ادينا خاترك ابوي واجدع شوية معانا
سنة يا ابجضوم...
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
هاشم...Quote: ابو حتوت ياخي مشيت اسجل عندكم
عذبتني كلمة المرور كل مرة يقولوا لي
كلمة المرور خطاء ماعرفت اسجل |
خلاس يا الحبيب جيت جاري للتسجيل
عارفك ما بتفوتو مولد بكا و عويل
جبناهن ليك حداك وجهزت ليك منديل
ورينا يلا فنونك دموع و جعري عديل
اممممممممك
فتاو و شال حاله
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: خلاس يا الحبيب جيت جاري للتسجيل
عارفك ما بتفوتو مولد بكا و عويل
جبناهن ليك حداك وجهزت ليك منديل
ورينا يلا فنونك دموع و جعري عديل |
ابو حتوت
يا محمد اخوي عارف بوستك فاتحو لي عديل
بزيد في بكائي وما بكفيني كم منديل
البكاء مطلوب بيغسل همومنا وليها بيزيل
الروح ترتاح والقلوب بالفرحة تطلب التسجيل
| |
|
|
|
|
|
|
|
|
 Re: مسدار سليكة الشليقة لليانكي (Re: هاشم أحمد خلف الله)
|
Quote: يا محمد اخوي عارف بوستك فاتحو لي عديل
بزيد في بكائي وما بكفيني كم منديل
البكاء مطلوب بيغسل همومنا وليها بيزيل
الروح ترتاح والقلوب بالفرحة تطلب التسجيل |
لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة
امك ولعت ...امك طفت
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة
|
يا محمد اخوي خليك دوام متسامح
ما تحكها شديد تبعدنا منك وترجع تسامح
البكاء والعويل مافيهو شئئ فاضح
كعب المدسس والكلام المو واضح
| Quote: امك ولعت ...امك طفت |
ياخوي انتا رجعت السودان ولا شنو ؟؟
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
أب حريرة يا عمك ...Quote: أأأأها
كدى وقعتو لينا في عِبنا يا عمك.
بجيكم |
هلا شيخ العرب الليلة جانا حبابو
سيد القول السمح العديل بي بابو
ادينا المفيد الليهو الخلق بتشابو
جمال الأدب وطيب الحديث و اسبابو
تلج تقيل يا عمك قاليك
تستاهله والله
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
سليكه تقوم تقع مسدار يعيق اليانكي
ماشفتو البليد يجري ويتلفت زي التكنو الجاكي
والناس الوراهو عدموا اسم الشاكي
ودالبشرى انكرب وهو البمسح دمعة الباكي
كيفن عاد تتوه ياسيفي من ها الدواس الحامي
وكيف كمان ياقلمي ماتنضم تقولا قوافي
ا هو تلج سمك لالوب
| |
|
|
|
|
|
|
|
|
|
Re: مسدار سليكة الشليقة لليانكي (Re: الفاتح خليل الفكي)
|
| Quote: اها نبدا التلج ولا لسة بدري شوية |
القافية ديفريزر
ود البشرى النجيض لي بوستاته ديمة بزور
واضح زي شمس لا لف يوم لا بدور
فاحت حروفه زي ريحة الريفدور
وقف الشباب عنده بابه صف طويل طابور
وحفيد الخضر فيهم يشرح يحاكي سرور
ــــــــــــ
كاتبي المفضل لهذا الشهر
محمد البشري الخضر
| |
|
|
|
|
|
|
|
|
|
Re: مسدار سليكة الشليقة لليانكي (Re: اساسي)
|
| Quote: كاتبي المفضل لهذا الشهر |
أساسي الأسد مرحب حباب الجية
جودت الشغل ابوي حاشاك تسوي النَية
اختيارك لي كاتب كيفني مية المية
بس ليش البخل عقاب الشهر ما شوية؟
جاييني يوم سبعطاشر تقولي كاتب الشهر يا ضلالي
ليها حق الغنماية
| |
|
|
|
|
|
|
|
|
|
Re: مسدار سليكة الشليقة لليانكي (Re: صلاح أبودية)
|
Quote: الليلة الحبايب بجاي حلاة لماتم
سمحين الصفات الراقية ديل كلماتم
بنرجاك يا اب حريرة شان تحلى بيك ونساتم
بس كيف تجي وتتحكر وتسمع معاي نماتم |
سليكة الطرزت طرف الحديس بالنم
حباباالكاتلة (دينا)وقادله من دون هم
ده اسمو ون بيت
نوع جديد من الشعر مستسنخ من
دو بيت
وتاني
هييييييع
| |
|
|
|
|
|
|
|
|
 Re: مسدار سليكة الشليقة لليانكي (Re: صلاح أبودية)
|
ابو دية يا عمك....Quote: كط آند بيست بوستيك ياالغشيم لصقتو
ما خليت زولا فيهو ما نبذتو...
بالفيهو والمافيهو والكضب كمان ألفتو
أرحم ياالعضو أخوك فى البورد أسترو
بكرة ألإقتباس بكمل والفيك كلو نمرقو |
اديك قروشك ابوي قول لي نازل وين
لزومها شنو الزرافة و جنس الكلام الشين
الله يرضى عليك خلينا ياخ حلوين
قبال اغير رايي و نبقى في الطنطين
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: اديك قروشك ابوي قول لي نازل وين
لزومها شنو الزرافة و جنس الكلام الشين
الله يرضى عليك خلينا ياخ حلوين
قبال اغير رايي و نبقى في الطنطين |
يا ود البشرى منى ليك تحية..
والله الكريم ما ها دى المعنية..
فهمتنى غلط والعتبى بس فى النية
كيفن أخسر زول رقبتو تعدل مية
| |
|
|
|
|
|
|
|
|
|
Re: مسدار سليكة الشليقة لليانكي (Re: صلاح أبودية)
|
يارفاقتي العدال امسكوا الحسبه
كان تلتا كان ربعتا شاهر البسمه
وايش هي ام قدود ام بنايتا قشه
غير تنسجم تعقب تقلب الضحكه
او صاحبا نصيّح يسندك بصفحه
وبنية في الفريق تقدل تميس منقسمه
محمد النجار
| |
|
|
|
|
|
|
|
|
|
Re: مسدار سليكة الشليقة لليانكي (Re: نادية عثمان)
|
Quote: سيد الاجزخانة الليلة وينو دواي
بقيت عيانة طار عقلي وحلف ما جاي
لو جيت للقليب مهرود معاهو حشاي
لا طبا بينفع لا الشيوخ بي حداي !! |
مابشفيك إلا العَيَاك.. معاهو
صعب الشِفا لو ..بيكي ماهمّاهو
لازماً هواك يكون هوّ برضو هواهو
الشايل القليب شايل معاهو دواهو
| |
|
|
|
|
|
|
|
|
|
Re: مسدار سليكة الشليقة لليانكي (Re: عبدالفتاح أبوشيمة)
|
Quote: عكير الدامر:
تعصري على البريدك وتقربي تانسيهو
يترك طاعة الخالق يكون ناسيهو
بي توب سحرك البعمي القلب تكسيهو
يصبح محتضر فى تربتو تمسيهو
سرورك مابتم تابعاه ديمة الفجعة
ظاهرك لينا سكر الا طعمك وجعة
كم طفشت مرتاح قلبو مابي النجعة
روحه تشابى وانت قطعت خط الرجعة
اوصيك نفسى اوصيك(الحيا ومافيها)
شق ود الاحد بيت الشبر صافيها
لمتين تقنعي ونار الضلال تطفيها
تمسكي سكة الشافوها حاجة تفيها
Quote: اتغشينا فى حبك لبسنا عباية
ياموية الرهاب الما ملت كباية
عجيب يادنيا امرك الا نحن غبايه
عاشقين الجمال فى لمعة الحربايه |
دى الغشاشة دى الغدارة دى العقارة
كم قلبت زغاريد عرسة بى نقارة
اعلنها بى الحرب قبال تشن الغارة
قبل الروح تقرقر تبق فى الغرغارة
يا سامع دبيب النملة فوق العاتمة
ياكاشف الخفايا الفى الضماير كاتمة
بى جاه سيد الرسل الكرام ابو فاطمة
لطفك بى عكير يوم الدفن والخاتمة
|
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
توصيتك من غايتو الحبيب غلطان الوراهو يقول
يا ناس زولي ده زولاً ولوف
لو قلت ليك كل الحقيقة ما قومة صوف
يخبل عقول يأسر لباب مالو وصوف
في الجيل ده أو في الجيل داك تلقاه!؛ خوف!
ود البشرى يا زولاً ولوف
كان سوينا ليك تمثال عديل نقدر نكافيك يا عطوف؟
لو ارتضينا الهجر ما قامت قيامتنا أم كفوف
وبالله شوف؛ حنية تضرب في الدفوف
بالله أقيف؛ شوف الجمال ملفوف لفوف
| |
|
|
|
|
|
|
|
|
|
Re: مسدار سليكة الشليقة لليانكي (Re: haroon diyab)
|
ست الرّوانات
حَمْـدِ الله لِـكْ بالسلامة
ســــلامة المرقة من زنقات
تـلات زنّـات في قلب الرويس وانّات
ود البشرى
قول لي صاحبك هرون أبوعمة دة
كان هو متعشم في ود الصائم للدرجة دي من غير يحمّد السلامة في بنيتو اللي سوّت عملية استئصال للزور
وكتبت ليها الكليمات ديل؛ لليلي ما ردي علي صاحبك
وهاك خلي أصحابك ديل ياخدوا بي خاطر البنية بي مسادير حلوة
ست الرّوانات
حَمْـدِ الله لِـكْ بالسلامة
ســــلامة المرقة من زنقات
تـلات زنّـات في قلب الرويس وانّات
وفي قـليـــب أمهـــات رانـّـات
سلامتك انت يا ست الرّوانات
وست ست كلّ البنات كُلاّت
زكاة وكفارة لي باقي البدن شاملات
الشالوها سابقة الباقي للجنّات
حمد لي الله في النعم الكتير خايلات
وفي البــــهم الكتير ســــارحات
ولي أمّات ولي جدّات لي حنّتنا والنخلات
لي دفّيـــــقنا لي جرتقنا للّمات
تعظيم ســـــــــــلام مبروك تمــــــــــــــام
يا حشاي انت ويا عشا البايتات
جدّو أبوشيمة
ويالله يا هرون ويا ود البشرى ويا جميع من يحب غايتو كدة غايتو
| |
|
|
|
|
|
|
|
|
|
Re: مسدار سليكة الشليقة لليانكي (Re: emad altaib)
|
Quote: ود البشري ...
شفتك عامل مالوفه للصقور والغزالان
مكانك وريف وظليل وجنة ربي للحيران
اولاً بالتبادي..ليك سلامي المافتران
شوق للوطن فايض تقدير ومعزة للاخوان |
عماد الطيب ...مراحب بالحبيب الفاضل
يعجبني فيكا مثابر ولبكاكا ديمة مواصل
في كسير التلج ابدعت ويوت دمعك هاطل
عندي سؤال اخوي: يقرب ليك شنو ود عادل؟
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
سهران الليل و المنام جافاني
راجت المسنجر للبريد الجاني
يخربو إن بوكسي خراب تاباني
غير رسايل الرجال فيهو ما لاقاني
وين الحنان وين رسايلو إليا
دايرين النصيحة دي شغلتـن نية
يا سماحة المسنجر باعتاهو ليا بنية
ياكافي البلا الإن بوكس تقول داخلية
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: وين الحنان وين رسايلو إليا
دايرين النصيحة دي شغلتـن نية
يا سماحة المسنجر باعتاهو ليا بنية
ياكافي البلا الإن بوكس تقول داخلية |
اب حتوت اخوي يلاك نسوي تكامل
تبعت لي مسنجر واردو ليك بالكامل
تفرح برسايلي وانت ليا تراسل
واصلو التعيس لي خايب الرجا بزامل
| |
|
|
|
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
سليكة يا شليقة...
Quote: اب حتوت اخوي يلاك نسوي تكامل
تبعت لي مسنجر واردو ليك بالكامل
تفرح برسايلي وانت ليا تراسل
واصلو التعيس لي خايب الرجا بزامل |
سليكة الشليقة ما كنتي ماشة كــويس
شن جاب التعاسة و خيبة الرجا المترِيَس
اصلو الشلاقة طبع وسيدا ديـما يِـلَيِس
ما سمعتي بحديث المؤمن الفطن والكَيِس
المهم رسلــي لي رسالة افرح بيها
و ارفع معنويات روحي من العلي و البيها
بس يا هــداك الله الشلاقة انسيها
واديني من سمح التلج و الشكر و الجيهة
وكدة يعني مرة مرة
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
ــــــــــــ
Quote: عماد الطيب ...مراحب بالحبيب الفاضل
يعجبني فيكا مثابر ولبكاكا ديمة مواصل
في كسير التلج ابدعت ويوت دمعك هاطل
عندي سؤال اخوي: يقرب ليك شنو ود عادل؟ |
البكا والدموع رقة وحنية
وكسير الثلج بخبرو شوية
وصفك بالمثابر شكره محرية
ودعادل اكيدتجمعناالانسانيه
ـــــ تخريمه
ماعندي علاقه بي ايها ود عادل ..
لكن النسالك السؤال لازمتو شنو؟؟؟
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
بجدع ليكم الكلام من اهلو بالصح
الليل امسى والبل حررنه مشهين
عقبن موية والجبل اب قرود راجيهن
السبب الخلانى فرض الخمسة ما مقضيهن
رزق الدنيا والمحن البصارع فيهن
ود شورانى
ما خابر حديثكم.. لكن جابتنى النمة
ود البشرى وودهارون مقنطرين العمة
السبب الخلانى كل مرة متاوراتنى الحمة
قوافى ( رشا حاتم) الخلت الخلوق متلمة
ابقوتة
| |
|
|
|
|
|
|
|
|
|
Re: مسدار سليكة الشليقة لليانكي (Re: abuguta)
|
ابوقوتة ياعمكQuote: الليل امسى والبل حررنه مشهين
عقبن موية والجبل اب قرود راجيهن
السبب الخلانى فرض الخمسة ما مقضيهن
رزق الدنيا والمحن البصارع فيهن
ود شورانى |
شوف سمح النظم و كيف القوافي انوزنن
سلس الحديث وطيب المعاني النزلن
موهبة الشعر من الخياتة انفرزن
النتمها موية اريتن عنهن ما حرزن
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
ود البشرى دا شغل عجيب
بتجيبو الكلام دا من وين
غايتو من قبيل حاولت لى مليون محاولة كدا وكلها طلعت فشنك
لكن يا عمك داير تكتلنى بالضحك فى دى:
Quote:
لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة |
تحياتى
| |
|
|
|
|
|
|
|
|
 Re: مسدار سليكة الشليقة لليانكي (Re: sama7)
|
ود البشرى دا شغل عجيب
Quote: بتجيبو الكلام دا من وين
غايتو من قبيل حاولت لى مليون محاولة كدا وكلها طلعت فشنك
لكن يا عمك داير تكتلنى بالضحك فى دى:
Quote:
لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة |
sama7
يعني شوفتي الفوق ده وما شوفتي التحت ده
Quote: سهران الليل و المنام جافاني
راجت المسنجر للبريد الجاني
يخربو إن بوكسي خراب تاباني
غير رسايل الرجال فيهو ما لاقاني
وين الحنان وين رسايلو إليا
دايرين النصيحة دي شغلتـن نية
يا سماحة المسنجر باعتاهو ليا بنية
ياكافي البلا الإن بوكس تقول داخلية |
sama7
والله ما عِرفتك ولد ولا بنية
شيل/ي منك الكلفة خليك هدية (بحكم إنك بت )
ادخل/ي في المسدار بكلمة قوية ( بحكم أنك ولد )
سيب/ي المتاوقة ما تكون/ي زي جنية
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: هاشم أبوي انا إنت ليش زعلان
وجايب الوش الممغس مولع النيران
ما قلت البكا فن مطلوب و بالألوان
يازول وين إتفاقنا جابت ليها نطة كمان |
ود البشري الحبيب عارفني دائماً واضح
بسرح بالخيال وكلامي هين صريح ما فاضح
الزعل مرفوض بيناتنا مافي حواجز
بنحب البنات الكلامن حاضر وجاهز
| |
|
|
|
|
|
|
|
|
|
Re: مسدار سليكة الشليقة لليانكي (Re: sama7)
|
السما السابعة...
سموحة بت العم الفيكي يحلــو الــنم
زينة بنات الحي الطلـــتك تفرج الـهم
طيب الخصال هولك والأدب في مجرى الدم
اريتك تبقي طيبة و الدايــراهو كلو يتم
تلج شديد قاليك
| |
|
|
|
|
|
|
|
|
|
Re: مسدار سليكة الشليقة لليانكي (Re: محمد البشرى الخضر)
|
Quote: السما السابعة...
سموحة بت العم الفيكي يحلــو الــنم
زينة بنات الحي الطلـــتك تفرج الـهم
طيب الخصال هولك والأدب في مجرى الدم
اريتك تبقي طيبة و الدايــراهو كلو يتم
تلج شديد قاليك |
شايفك يا الحبيب للبت عديل صنقرتا
تكسر في التلج وتقول علي كفرتا
كيفن البكاء بكون سويتا ظاهرة وبنتا
يا ريت لو يكون ود الصائم قريب يا انتا
| |
|
|
|
|
|
|
|
|
|
Re: مسدار سليكة الشليقة لليانكي (Re: sama7)
|
Quote: هاشم البكاى يا عمك:
سماح
لكن عليك الله كتر لينا من المناديل ووزع معاك بهنا |
ما عِندك جديد يا بت بكاي بعرفو
بعجبني الجمال كان في الارض بان رسمو
شيلي منديلك بعيد دموعو ما بتحبسو
و لو عايزة البكاء خليك معاك بوريك دربو
| |
|
|
|
|
|
|
|
|
|
Re: مسدار سليكة الشليقة لليانكي (Re: GamarBoBa)
|
ود البشري وصحابوا نثروا الحروف الجامعة
اتلم الجميع في البوست المكسر شايل الاعمي
سليكة الشليقة في كل بوست تكتب رؤاها الداعمة
زمان اهلنا في المثل قالوا المراة الحوامة يدها طاعمة
| |
|
|
|
|
|
|
|
|
|
Re: مسدار سليكة الشليقة لليانكي (Re: تماضر الخنساء حمزه)
|
Quote: أشخت شخيت ياأساسي من دندونة
كان جاتك هنابتشوف معاني فنونا
تلبع بالكلام وكلماتا يوت مجنونة
وان جات للهظار سمحة وكمان عرجونة |
طمطم الخطيرة للحروف بتهذب
قالت سليكة جنترت وللخلوق بتعذب
حدت لي حدود واضحة ما بتكذب
الليلة يفكك منها الفك الملف من WinZip
| |
|
|
|
|
|
|
|
|
|
Re: مسدار سليكة الشليقة لليانكي (Re: تماضر الخنساء حمزه)
|
Quote: ياأساسي هووي قليب الكلام بيخلّع
والجن التحفظو لي زولتي جايّ يسمّع
العقل المعاها موزون وليها بيدلّع
أمرق للتجيك ماتقيف وراي وتفلّع |
هيييييييييييييييييييييييييع
بت الملوك وبريدا لدينا جاية تمد
وكت الرجال بتلوص ما بتنفزر من رد
حليلك يا اساسي كان درت تبقى الند
احسن تنقرع طمطم براااااااااها تسد
وجججججججججججع
| |
|
|
|
|
|
|
|
|
|
Re: مسدار سليكة الشليقة لليانكي (Re: Rasha Hatim)
|
Quote:
بت الملوك وبريدا لدينا جاية تمد
وكت الرجال بتلوص ما بتنفزر من رد
حليلك يا اساسي كان درت تبقى الند
احسن تنقرع طمطم براااااااااها تسد |
قصدك شنو طمطم فاضية وبتسدرلك
هي يا ناس بكلم ليك الكبير والقدرك
يا ام لسان طويل اسن من الكزلك*
عشنا وشفنا البورد فيهو ناس لِق لِق
ـــــــــــــ
الكزلك
| |
|
|
|
|
|
|
|
|
|
Re: مسدار سليكة الشليقة لليانكي (Re: اساسي)
|
Quote: قصدك شنو طمطم فاضية وبتسدرلك
هي يا ناس بكلم ليك الكبير والقدرك
يا ام لسان طويل اسن من الكزلك*
عشنا وشفنا البورد فيهو ناس لِق لِق |
إرهابي وكمان جايينا شايل كزلك؟؟
ياحليل الرجال في كرري راحوا ..ومهلك
ماشالوا السلاح في السمحة روحم تهلك
في لاهاي هنا قضية ليك.. بنشبك
| |
|
|
|
|
|
|
|
|
|
Re: مسدار سليكة الشليقة لليانكي (Re: اساسي)
|
Quote: ود البشري وصحابوا نثروا الحروف الجامعة
اتلم الجميع في البوست المكسر شايل الاعمي
سليكة الشليقة في كل بوست تكتب رؤاها الداعمة
زمان اهلنا في المثل قالوا المراة الحوامة يدها طاعمة |
حوامة يا المسخوت؟؟ متين شلت لي مفراكة؟
جريت وراي توبي ومليت الحلة سواطة؟
من يومك شيال حال ودييييك ام ضراع راجياكَ
بلقى لي فيك فرقة وتشوف المكشن براكَ
| |
|
|
|
|
|
|
| |
محمد البشرى الخضر
Rasha Hatim
haroon diyab
محمد عبد الماجد الصايم
Ahmed Yousif Abu Harira
هاشم أحمد خلف الله
الفاتح خليل الفكي
اساسي
صلاح أبودية
عبدالفتاح أبوشيمة
emad altaib
abuguta
fadlabi
رشا سالم
sama7
فيس بوك
تويتر
انستقرام
يوتيوب
بنتيريست