|
دعواتكم لزميلنا المفكر د.الباقر العفيف بالشفاء العاجل
|
|
 Re: محمد البشرى (Re: تماضر الخنساء حمزه)
|
| Quote: إفتكرتك نازل إنتخابات |
يا ريت
بس الصبر غلبني وكت مافي زول اشتغل بي براي دلعت روحي و سويت لي بوسـ(ط)
لكن قولي نازل إنتخابات
بتصوتي لي و لا كيف؟
| |
 
|
|
|
|
|
|
|
|
Re: محمد البشرى (Re: محمد نور أحمد)
|
الله يبارك فيك يا عمك و كل عام وأنتم و الشريف بخير و مبسوطين
ووين ما ظاهر
يعني إلا الواحد يعمل ليك بوست زي دا
محمد نور أحمد .. التشادي اللذي أحببت
حتى نشوفك
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
Quote: يعني يا علي بشير الحالة دي عاجباك
تصحى من الصباح تلقى البورد نصو بنادي في النص التاني
وانت لافي صينية براك
قلنا ننادي روحنا وقت فتحو لينا كدة |
نعم عاجبانى شديد والله
انا زاتى مايوم صحيت ليك الصباح قمت لقيت ليك بوست طويل عريض
عنوانه المدعو على محمد على بشير 
واقوم اخش ليك القى الراجل بيقول لى احترم نفسك
تعرف لييه ؟
عشان قلت رايى فى بوست تانى
| |
|
|
|
|
|
|
|
|
|
Re: محمد البشرى (Re: على محمد على بشير)
|
أبو علوة ياخ إنت سقد*
ما بتنسى أصلك
ما قلنا المسامح كريم
وكدا
حسي اعمل ليك بوست كدا
الحب صعب يا علي ....الوصيف كعب يا علي ....المسامح كريم يا علي
*بتاعة....
عارف السقد هو الما بنوم لكن الما بنسى مافي داعي ليه
فمشيها بالله
| |
|
|
|
|
|
|
|
|
|
Re: محمد البشرى (Re: محمد نور أحمد)
|
البنيه مبروكه يا محمد البشري تربي في عزكم لاقينا والدتك الكريمه في حفل بهيج شكرا لحضورها
. اها يا محمد نور وينو تلفونك انا منتظراك العيد فات ؟
اها وبنادي علي محسن خالد من دا خل بوستيك دا يا محمد
| |
|
|
|
|
|
|
|
|
|
Re: محمد البشرى (Re: doma)
|
سلامات يا دوما و حمدالله على سلامتك
الحاجة ضربت لي بي ليلها داك
تشكر في "صاحباتي الظريفات" كما أوصفتكم
شاكرين مرورك الكريم
| |
|
|
|
|
|
|
|
|
|
Re: محمد البشرى (Re: نهلة عمر)
|
الله لا جاب الضيق يا نهلة
ليه؟ ما فيها حاجة بتستاهل الدنيا دي
أرمي ورا ضهرك واشغلي الهم بالفرح
واضحكي عشان الصورة تطلع احلى من كدة
شرفتينا كتير
| |
|
|
|
|
|
|
|
|
|
Re: محمد البشرى (Re: fadlabi)
|
عاد يا الفاضلابي ما بسألك
يقع فيك العدو إنت
هسي يشاكلوك كيف إنت مع الفوتوشوب دا
لا حظ يا عمك أنا ما جبت سيرة البوسـ(ط)ـات بتاعة المشاكل و طالعني
ناس يا فلان أفعل ليك ويا علان أترك ليك
دي كان باريناها ما بنخلص
خلينا في بوستات الناس البتفقد بعضها أحسن
كل سنة وانت طيب و مدينة وامها بخير
| |
|
|
|
|
|
|
|
|
|
Re: محمد البشرى (Re: fadlabi)
|
| Quote: العندو الحنة بحنن #### ود جيرانهم |
يوم بتكتلو ليكم زوول زتتتتتتت كده من الضحك
منبر عجيب وغريب ولذيذ لذة (قبورة)
| |
|
|
|
|
|
|
|
|
|
Re: محمد البشرى (Re: نادية عثمان)
|
إنتي الأحلى يا نادية
إنتي الأحلى يا
إنتي الأحلى
إنتي
(كردلك#$%+++%^^بردلب)
قاليك ماشي ومتلفت لي ورا يتاوق للبروفايل لمن إتعتر وقع اتكسر
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
| Quote: (كردلك#$%+++%^^بردلب) |
كلمناك مائة مرة تعمل حسابك من حفرة البلدية دي 
رأيك شنو انت تفتح بوست باسمي وانا افتح بوست باسمك ونقعد نغني (انت تكتب لي وأنا اكتب ليك) ؟!!
وباوندثا ماباوندثك جر فيهو الكي بورد !!
عشان تاني بكري يعمل (مألم) ويقطع مننا الماسنجر اها خليهو يخم ويصر !!
| |
|
|
|
|
|
|
|
|
|
Re: محمد البشرى (Re: نادية عثمان)
|
| Quote: تعمل حسابك من حفرة البلدية دي |
هي نان البلدية دي كل يوم تغير لينا في اليافطة
وجايبا لينا عاكس جديد
بالطريقة دي يانا الكل يوم متعترين و متكسرين
| Quote: رأيك شنو انت تفتح بوست باسمي وانا افتح بوست باسمك ونقعد نغني (انت تكتب لي وأنا اكتب ليك) ؟!! |
مجاملة ظريفة منك يا نادية
أنا بي سببي المافي زول سائل فيني ولاحد فتح لي بوست بي إسمي
إنتي مالك
ما شاء الله - بدون قر ولا حسد - كان فقدناك ساعتين ساي
البوستات بإسمك تتطاقش - و تستاهليها والله
| Quote: ويقطع مننا الماسنجر |
مسنجرك ما بعرفو كان كيف لكن أظنو نديان و حنين كان
كعب جنس مسنجري الكلو عزابة و شكل اخير عدمو
بركة الوقفوه زاته
بالمناسبة....
هذا البوست لم يعد بوست وهم ساي
للتكرم بالعلم و الإجراء
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
Quote: هي نان البلدية دي كل يوم تغير لينا في اليافطة
وجايبا لينا عاكس جديد
بالطريقة دي يانا الكل يوم متعترين و متكسرين |
والله اليافطة ياها اليافطة بس البلدية هي القعد تتغير وتحفر فى الحفر
ياخ ماتبقي حاسد فيصل نوبي وقفة الماسنجر دي موقفها حالو ياخ !!
امابالنسبة لي ماسنجري يعلم الله فاااااااااااضي وجاف حار صيفا وشتاءا كما اها تقولي شنو وتقولي منو ؟!!   
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
| Quote: ما تجي تونسنا بقصة "قبورة" و اخواتها في بوست الونسة وكدا |
يا صحبي
كلامات قبورة دي بتجيب الشخبطة (الاباها بكري)
وعمك ابو ساندر من زمان قلنا ليكم انه (بت مجذوب الاسافير السودانية)
شابكننا لعععع انه (محسن خالد)
| |
|
|
|
|
|
|
|
|
|
Re: محمد البشرى (Re: دينا خالد)
|
دندنة سيدتي| Quote: يعنى شكارتا مكارتا ؟؟؟ |
من أمس أقلب في مداخلتك دي يمين شمال ما دايرة تقع لي
لو شددنا الكاف تبقى "شكَارتا" مفروض تتبعها "دلَاكتا"
لو خليناها سليقة زي ما هي تبقى هندي عديل وفي رواية ياباني
إني هاو مرحب بيك وآسفين لخذلانك
يعني ما رسلتي لينا شربوت مع نوبي
| |
|
|
|
|
|
|
|
|
|
Re: محمد البشرى (Re: نهلة عمر)
|
سلام يا ود البشرى
من العنوان قايلك خاوييت البت بالسرعة دى 
لكن والله أنا ممنون ليك والله
تعرف نحن فى البلد السجم ده زى سوق الجمعة
آخر السنة موسم إجازات المروقين وننكب نحن فى الشغل ولقيط الفلوس
طبعآ إنتوا ما بتعرفوا شهر 12 وفواتيروا .. الله لا وراكم
تشبيه سوق الجمعة .. آآآخر اليوم والسوق بنفض .. يهجم المساكين يشتروا الباير
أها مع الزحمة دى .. المنبر ما بنشوف إلا التلاتة مواضيع الأولى
وبركةالشفت بوستك ولا كنت إتلومت مع صديقى محمد حسن
رأفت ميلاد .... ارجوك
شكرآ ليك
وبعدين الأسامى للقشرة
يعنى بوست زى
عمــاد عبد الله ... "ونسـة دقاقا .. بى دقداقا"
بجيب الجكس
كان كتبت محمد البشرى يجينى منو غير الشرامة
طبعآ هزار .. وما بجى منك إلا الخير
مودتى
| |
|
|
|
|
|
|
|
|
|
Re: محمد البشرى (Re: رأفت ميلاد)
|
مريح يا عمك
وبتجيب من الآخر
دا العاجبني فيك
وكان كنت عارفك بتشوف بوست دكتور محمد حسن هنا
ما كنت كتبته
شفت الحسادة دي كيف
يا عمك سؤال وكدا
إنت من الديم ولا امدرمان ولا مدني؟
| |
|
|
|
|
|
|
|
|
|
Re: محمد البشرى (Re: نهلة عمر)
|
يا سلام يا نهلة ياخ
بركة البوسـ(ط)ـنا كيفك
اتفضلي انت ست البيت واحنا الضيوف
ماعلافتك قاصدة ياتو واحد
جيبي اللنك
وكدا
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
بوست ( أية ) من الجمال
مبروك ياأبوها
طبعا اليومين ديل اخوها الفي البروفايل بيكون راسو ضارب
فقد نص الحنان .. وحيظل فاقد لحدما يكمل نص دينو ..........
عيدك سعيد ... وتتربى فى عزكم
| |
|
|
|
|
|
|
|
|
|
Re: محمد البشرى (Re: Rawia)
|
إبن الجيران!! ..
لا احسن إبن تيمية
كيفِك يا راوية .. وإن شاالله ايامِك باسمة ..
كوني بخير يا أختي
| |
|
|
|
|
|
|
|
|
|
Re: محمد البشرى (Re: Rawia)
|
راوية يا بنتي
دي تعريجةودي بكرت| Quote: كما قال هشام لنسرين |
ودي جوكرها بايظ| Quote: انا امي قالت لي ما اقول الكلام الابيح |
الله يخليها الماما ونعم الوصية
| Quote: احيلك لمداخلة ابن الجيران |
يادي بن الجيران الطلعلنا في البخت دا
محل ما تلقى دامة تلقى قاصي قدامك
| |
|
|
|
|
|
|
|
|
|
Re: محمد البشرى (Re: ALGARADABI)
|
قردبة يا عمك
ياخ اسمحلنا الأديناكم مشوار ساي لكن الظرف كان قاهر وحاتك
الإبتزاز حبطلوا و العكلتة حأقصرها على الوصيفاب و كبار الكذابين
أدينا البوست من هسي
وتكون طالبني
| Quote: يا ولاد بن المستكفي |
سمح يا دينا
السويتيها رقدت رز
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
ألا تصبر يا هذا ؟؟؟
كنا نجمع في فضائلك المتناثرة بين ( البوســ(ط)ــات )
ننسج منها حلة تليق بأبي ( الآيات )*
فكيف طاوعت هوى نفسك وجعلت مجهودنا هشيماً تذروه الرياح ؟؟
______________
ود البشرى كيفك ؟؟
- ( الآيات )* ...... الآيات هنا ( آيات رحمانية ) وهذا قطع للطريق أمام المتربصين بك والمتربصات
- أواصل تدريبي على مهارات اللغة العربية التي تتملكني هذه الأيام
| |
|
|
|
|
|
|
|
|
|
Re: محمد البشرى (Re: عاطف عمر)
|
وكيف الصبر يا بن عمر
وبعض القوم لبعضٍ قد ذكر
ومنهم من تغزل شعرا و بعضا نَثَر
وأنا لا ذاكر لي أو من شَكَر
أفأبكي حالي أم أعيد النظر
_____________________________________
لقيتني كيف يا عمك
بمناسبة الآيات دي
لما استقر الرأي على إسم آية حبيت أتفلسف و سميها آية الله
لكن بعد قريت الإسم كامل " آية الله محمد البشرى" عدت لرشدي - قصة اختيار الإسم حاتعرض ليها في مكان آخر
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
أهلا بكل الأحباب المروا علينا و طيبوا خاطرنا بكلمة ولا إتنين
وما في واحد فيهم دق سدرو و فتح لي بوســ(ط) بإسمي
مداخلاتكم ما بناباها إلا الفيكم إتعرفت
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
... خاتي صورة جديدة لولدك -حفظه الله- عشان ترفع معنوياتو مع قدوم الوافدة
الجديدة؟!
إنتو متين تطبلو استهبال الجلابة بتاعكم ده؟!
___________________________
... ولولدك -حفظه الله- أقول كما كان الأمير الكوشي ينصح المستلبين "بيضحكو عليك
بى صورتك ودايرين ياكلو بى عقلك حلاوة"
| |
|
|
|
|
|
|
|
|
|
Re: محمد البشرى (Re: Ahmed Alrayah)
|
ود الريح يا عمك
جدا اسعدنا اتصالك
ضحكني تعليقك و حديثك عن أميرنا الكوشي و استهبال الجلابة
نهاية الموسم الكروي شكلها حتكون وبال على أصحاب الجاكات الكبرى و بعض مدعي الإستنارة
طبعا لا أنسى لك فتحك لبوست بإسمي و عضو آخر من قبل
حتى وإن كان الغرض مختلف ,اهو كحة ولا صمة خشم الجماعة ديل
أسي صوتك دا - حفظه الله - صوت زول حارق ليه معرض كامل براه
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
سلامات يا أبو أيه
تعرف ياولدنا كنا عاوزين نفتح ليك صفحه تهنئه خاصه بالعروسه و أن شاء الله تتربى فى عزكم
و كنا دى بالأنابه عن كل الشباب الحلوين هنا
تحياتى للمدام و الأهل كلهم و أن شاء منور طوالى
محمد على
| |
|
|
|
|
|
|
|
|
|
Re: محمد البشرى (Re: Mohamed Elbashir)
|
سيلفر يا عمك
وينك ياخ ومشتاقينيا عمك دقيييييييييييقة ياخ
جاكات كافتريا اقتصاد دي سيبك منها
كنا و كنا و كانت و بتاع
ما فاتت حاجة إحنا لسة فيها
أفتح الصفحة دي بس ما لتهنئة و كدا
اكتب لي فيها عن دوري الثقافي و الطليعي في البورد
ومختلف إسهاماتي النوعية و الفكرية في ترقية الحوار و السمو به
و رش ليك شوية بهارات على شاكلة
تحترق لتنير و عطاءك المتجدد و جدلية الروح و الجسد و الملائكة الميتة
ويا حبذا لو كانت في مفرق خاص
و النبي فيك كان تشبكني يا عمك و يا مان و يا جيك , اديني من ديل
يا سيدي و لك التقدير و يا صاحب ويا انسان
شفت كيف؟
صفحتك دي أنتظرها الربع دا ولا الجاي
| |
|
|
|
|
|
|
|
|
|
Re: محمد البشرى (Re: المر)
|
المر يا مر
مشكور يا خ وماقصرت
كريم وانا استاهل
لكن خلينا من الرفع
اكتب لينا بوســ(ط) عديل بخشم الباب
بس ما تقولي لي فيه أركب الباص دا ولا اقع الحفرة دي
ياخي قريت تحليل لتراجي عن سبب كتابتكم إنت و الدكتور
بضحك فيه لليلة
| |
|
|
|
|
|
|
|
|
|
Re: محمد البشرى (Re: حسين محي الدين)
|
تحلا عليك يا حسين ولدي
يا معلم
البورد دا شغل ون تو
تباصي لي بصلح ليك
شوف ليك فردة كارب واديهو الون برجع ليك التو
وكان ما لقيت اعمل زيي كدة ودلع روحك
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
يعني لو عندك نية تتطلع بوست باسمك مالقيت حنك احسن من دا
ما باركنا ليك البنية باسمك
يبقى البورد كلو محمد البشرى
ومسنجر لفيصل نوبي "دايركتد باي محمد البشرى"
التوقيع: مواطنة تنتمي لجماهير الصفوة - بدون أسامي
ملحوظة: يعني حيدر قاسم وكتابتو السمحة دي يستاهل أساسي جائزة على الشرك الخطير العملو ليهو وخلانا نزرو ونستمتع بالكتابة.
| |
|
|
|
|
|
|
|
|
|
Re: محمد البشرى (Re: فدوى الشريف)
|
فدوى يا بنتي| Quote: مالقيت حنك احسن من دا |
تصوري ما لقيت
كان عندك فضل حنك ما تجودي علي بيه
مشكورة لمباركة البنية نبارك ليك سمحك وجديدك إن شاء الله
لكن الفكرة غير
انا داير بوست زي الحايمات ديل
العنوان بإسمي و الباقي شكر و تمجيد لشخصي الضعيف
وغزل في حروفي الراقية و شاعريتي المبالغ فيها
و كتابتي اللتي تخترق القلوب و العقول وتفعل بها الأفاعيل
و سعادتكم بي و حمدكم لله الذي رزقكم إياي و سهل لكم التواصل معي و قراءة إبداعاتي
وكدا
وقع ليك ولا أعيد
أصلو الصفوة ديل إلا تعيد ليهم الحاجة كان مرة كان خمسة مرات متتاليات حتى يفهموا
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
يا عمكـ
اها قلنا نساعدك
بقن عليك اتنين بت وبوست
قلنا نشيل معاك شويه امرنا لله
بس ابعد منى الود اب كضوم دا بكون تقيل خلاص !! (وجه مغيوظ من ولادتك دى)
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
الي صحبتي الغالية ام حتوت
تحية طيبة
اما بعد
نحن بخير اما اذا دار محور سؤالكم عنا فلا ينقصنا الا عدم مشاهدتكم الغالية
ملحوظة
أكلتوا خروف السماية براكم ؟!!
| |
|
|
|
|
|
|
|
|
|
Re: محمد البشرى (Re: نادية عثمان)
|
من ام حتوت إلى صاحبتها الغالية ندوية
Via أبو حتوت :
تسلمي يا عزيزة وشكرا على الإهتمام
نتمنى نشوفك قريب
والسماية قسمناها والله
إنتهى
ابوحتوت توصل الرسالة و بس وتبطل المتاوقة
المرة الجاية راسك البتكسر
| |
|
|
|
|
|
|
|
|
|
Re: محمد البشرى (Re: نهلة عمر)
|
اهلين يا نهلة
يا بنتي لن يجد اليأس لقلبي سبيلا
إلى أن يحس أحدهم و يجاملنا ببوســ(ط) ما
نفاخر به الأسافير و البنابر
شاكرين مجاملتك اللطيفة زيك
| |
|
|
|
|
|
|
|
|
|
Re: محمد البشرى (Re: حيدر حسن ميرغني)
|
مبروك البنية ياود البشرى
تتربى فى عزكم ان شاء الله
ونحن حاجزينها للولد ال باليمين دة
لكن علا لو فى اكبر منها يكون احسن لانه
بالانا شايفه حاصل فى الدنيا دى مااظنوا يصبر
لما بتك دى تكبر
Quote: الوظيفة: Mech Eng
تاريخ الميلاد: 1/1/1971
|
بس ماتقول لى انت وكيكى اتعاصرتوا فى الكلية
(اتعاصرتوا دى بمعنى يعنى كنتو فى نفس الوقت سوا عشان بس ماتفهمونى غلط)
انا غايتو نسيت زاتو انا اتخارجت من الكلية دى متين لكن البتذكره سنة اتخرجنا
ركبوا قدام مكتب المسجل cooler موية جديد لنج
| |
|
|
|
|
|
|
|
|
|
Re: محمد البشرى (Re: احمد التجانى احمد)
|
Quote: بس ماتقول لى انت وكيكى اتعاصرتوا فى الكلية
(اتعاصرتوا دى بمعنى يعنى كنتو فى نفس الوقت سوا عشان بس ماتفهمونى غلط) |
ود البشري مواليد 1971
وفي السنة دي انا كنت (باك لفت) في دوري جوبا ياااخ
ولكن البعرفوا يا ابوصلعة اني انا وانت (اتعاصرنا عصر جد) في الجامعة
| |
|
|
|
|
|
|
|
|
|
Re: محمد البشرى (Re: احمد التجانى احمد)
|
الله يبارك فيك يا بوحميد
نتشرف والله لكن باقي ليك لزمن آية و ولدك إحنا بكون عندنا راي في حياتهم
والله كان شاورونا ساي يكونوا ما خلوا حاجة
زي ما قلت لعمك هجو
الكابتن يشد حيلو ويسن حنكو
كيكي وقع ليك قصة العصر الحاصل وكدا
كما لا يخفى عليك القصة فيها تسنين
شاكرين و مقدرين
| |
|
|
|
|
|
|
|
|
|
Re: محمد البشرى (Re: حيدر حسن ميرغني)
|
حيدر يا عمك
| Quote: تستاهل بوستات الخير يازول |
كتر خيرك يا ملك
بوستات الخير البستاهله دي
ما دايرين نشوف إن شاء الله واحد بس
وكدا
سنة جديدة سعيدة و مليئة بالفرح و المحبة
| |
|
|
|
|
|
|
|
|
|
Re: محمد البشرى (Re: محمد البشرى الخضر)
|
محمد البشرى
يازول يا سمح يا ابو حتحوت وآيه
عليك الله شفت جنس الردم ده؟؟؟؟
حسه ما شاهد كل يوم زول او زولين قاشطني في عنوان لبوست بلا سبب؟؟؟؟
غايتو حاله آخير منها العرس
دخلت اسلم عليك كم مرة تقوم لينكات توديني لمحلات ثانيه.
تحياتي
بالغتيه غايتو في الترجمه دي
Quote: ليتل جيرل سيد:
"أاههييي وواااه وااه وااااااه آاييييي"*
* ترجمة....
شكرا جزيلا يا دكتور |
يازول بطل استهبال بتنا دي كانت بتقول
نيو سودان وييييييييييييييييييي
| |
|
|
|
|
|
|
| |
محمد البشرى الخضر
عبد المنعم سليمان
wd al geran
على محمد على بشير
محمد نور أحمد
doma
نهلة عمر
fadlabi
عبدالكريم الامين احمد
طارق جبريل
دينا خالد
رأفت ميلاد
الطاهر ساتي
Rawia
ALGARADABI
عاطف عمر
Mustafa Mahmoud
Mohamed Elbashir
حسين محي الدين
فدوى الشريف
حيدر حسن ميرغني
احمد التجانى احمد
Tragie Mustafa
فيس بوك
تويتر
انستقرام
يوتيوب
بنتيريست