|
دعواتكم لزميلنا المفكر د.الباقر العفيف بالشفاء العاجل
|
|
 Re: عيب يا لاعبي الهلال, هذه ليست اخلاقنا (Re: محمد البشرى الخضر)
|
هلا يا محمد
وكدي عيب شديد وحراام يا اولاد
صاح احنا لبعناهم في داخل الديار
وصاح ثلاثة اهداف سمان اكلن اثنين اهداف عجاف
الا بصراحة ما ليهم حق الشباب ديل يطلعوا في القوائم والعرضات بتاعة الجماعة ديل..
لانو ممكن تقع بيكم ساكت (لاني سمعت تحت تحت كده انها زمن استادهم اسمو ابو لمبة)
| |
 
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: عبدالكريم الامين احمد)
|
هلا بكيكي
وعشان القصة تكون فير
ولا يأخذ الوصيفاب حاجة في نفسهم , مفروض يعتلي لاعبي المريخ عارضة استاد الهلال بدون اعتراض من قبل جماهيرنا
بل و برحابة صدر و طيبة خاطر كما عودتنا "الصفوة"
و لكن للاسف لصعوبة بل واستحالة أن يفوز الوصيف على الزعيم في المقبرة بالتالي ما في سبب يخليهم يطلعوا العارضة - اللهم إلا غلاط ساي
حبيت انبه جماعتنا يبطلوا قصة الطلعة المستفزة دي
ولا كيف يا عمك؟
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: Rakoba)
|
| Quote: اللعب في القلعة الحمراء له طعمه الخاص |
كلام سليم يا راكوبة
في القلعة الحمراء
الكرم فياض لدرجة الواحد لو قاعد ممكن ينتظروهو يقوم و يتنفض و يخلوه يجيب قون
في القلعة الحمراء
الشباك الحمراء متاحة للغاشي و الماشي أصلها سبيل ووقف
في القلعة الحمراء
المحاورة بالسدر و المحبة قدر
في القلعة الحمراء
تشوت من ود البشير كان ما دخلت براها بهاء بتمها
في القلعة الحمراء
يحلو إعتلاء العارضة و التلويح بعلم الزعيم
في القلعة الحمراء
تخفق عاليا الراية الزرقاء
| |
|
|
|
|
|
|
|
|
 Re: عيب يا لاعبي الهلال, هذه ليست اخلاقنا (Re: محمد البشرى الخضر)
|
ده عيب كبير يا ود البشرى ..
كيف يطلعو ليهم في العراضات بتاعتهم .. عاملين شباكم السمحة دي ..
قبل شوية في برنامج البحث عن هدف .. صلاح ادريس قال لما شفتهم راكبين في العراضات وشايلين الكاس .. مشيت ليهم قلت ليهم يااولاد انزلو تحت كدا ما صاح ..
لكن عجبتني ( الكرشة ) في النجيلة في دائرة السنتر .. ختو الكاس في النص .. وانكرشوا زحفــا
ما كمان بي حقهم .. مش احتلو القلعة الحمراء ..؟
انا بقترح انو ناس المريخ لما يشيلو الكاس خمسة مرات زينا كدا ..
يطلعو في الكشافات .. ويكونو لابسين معاهم الميداليات بتاعت الكونفدرالية ويجيبو معاهم كاس مانديلا .. وكل الكاسات المحمولة جوا .. وبرا .. وأرضا
بس على شرط يجيبو معاهم كهربجية ..
قاهههههه.. قهقهقه
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: tmbis)
|
| Quote: كيف يطلعو ليهم في العراضات بتاعتهم .. عاملين شباكم السمحة دي .. |
العيب يا عمك مش الطلعة في حد ذاتها
العيب في تكرارها كدا كل سنة
بعدين العراضات ديل يشيلن شنو و يخلن شنو العليهن شوية عشان كمان يجوا طالعين فيها بكل قوة عين | Quote: انا بقترح انو ناس المريخ لما يشيلو الكاس خمسة مرات زينا كدا . |
عليك الله يا تمبس خليك جادي و بطل الإقتراحات الخيالية دي
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: Rakoba)
|
قالو يا عمك .. "والعهده على الراوي"
الهلال لاعب المريخ بطريقة "الكيشة قدمو والحقو"
يخلوهم يجيبوا هدف .. واول ما يتنططو زي "حملان الخريف" يجيهم صاروخ ارض جو "تووووووش" نظام "دي قلة ادبكم البتخلينا ناكلكم"
لكن والله عيب عليهم الهلالاب .. يعني ينقزو فوق العارضة ليه؟؟؟؟؟
هسي كان وقعت بيهم ... يتكسروا يعني ولا شنو؟
بعدين ياعمك ..
المريخ والهلال بعد دا خلاص بقوا اخوان شرعا .. النبي ديل هسي ما خمسة "كأسات" مشبعات ولا ما كدي؟؟؟؟
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: Randa Hatim)
|
| Quote: شغل ناس ( محلي) حتى الفوز ما بتعرفوا تحتفلوا بيهوا |
كلامك صاح ياراكوبة,,,بس لو يتذكر هدف الزمة فى الهلال,,بعد ما شات الكرة ودخلت قون
زولك اتبشن يمشى وين فى النهاية جرى لنص الملعب وبقى ينطط زى الشافع لما تنزل مطرة
ارجع للارشيف الغريب,,
او هدف سفارى فى دولفين كان عاكس الكرة فدخلت قون,,عمل حركة ما بقدر اوصفها ليك
لكن زى لما طفل يكون لقى ليه ريال واقع,,,انت ارجع وتفرج مرة اخرى,,
ود البشرى,,,
عيب الطلوع فى العراضة والعيب والاكبر,,خمسة مرات ,,وكاس يرفها كابتن خمسة مرات
وجميع حاشية الريس السيادية موجودة,,,
لكن هنالك رجل مسئول عارف ان الهلال منتصر,,,والا ليه مسجل غياب
ريس الاتحاد العام,,
وين مشى شداد ياطلحة,,,وعاوز يجى متين لو ما جاء فى يوم زى دا
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: abuguta)
|
| Quote: عيب الطلوع فى العراضة والعيب والاكبر,,خمسة مرات |
تعرف يا أبقوتة يا عمك
ناس المريخ ديل عندهم فرصة ممتازة يطلعوا في عارضة إستاد الهلال
الليلة لاعبين مع الموردة في استادنا حقو كان غلبوا يجيبوا علم ويأجروا كاس * و يطلعوا في العراضة
أهو قحة ولا صمة خشم
*محي الدين العجلاتي بالصحافة شرق عندو كاس بأجروا لي ناس الرابطة حقو يشوفوه
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: Randa Hatim)
|
أم حاتم
يا سلام ياخ بالله طلعتي زعيمة برضو
| Quote: هسي كان وقعت بيهم ... يتكسروا يعني ولا شنو؟ |
مش عليك الله
هي براها يا الله يا الله شايلا روحها بعد الرش اثناء المباراة| Quote: اول ما يتنططو زي "حملان الخريف" |
شديدة دي| Quote: النبي ديل هسي ما خمسة "كأسات" مشبعات ولا ما كدي؟؟؟؟ |
ام حاتم!!!!
الصنف القوي دي بتلقوهو وين في الدوحة؟!!!
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: Rakoba)
|
| Quote: شغل ناس ( محلي) حتى الفوز ما بتعرفوا تحتفلوا بيهوا |
طيب يا ناس الـ(سفري) ما كنتو تعلمونا اصول الإحتفال كيف
ولا آآآآ سوري
إنتو الشهر دا موقفين الفوز و كدا
خلاس باللاي السنة الجاية إحتفلوا بالبطيئ عشان نستفيد وكدا
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: محمد البشرى الخضر)
|
غايتو يا الهلالاب ما بتخجلو!!
طـيـب...
لو شوتة كرنقو مشت الآوت
والحكم ما حسب ليكم البلنتي
واحتسب لمسة يد على كلتشي
واحتسب البلنتي بتاع طمبل
وطمبل جاب الكورة الضيعا
وإيداهور خلى الأنانية وطمبل انفرد
وباولينو جاب فاولين بس من الضاعو بالحظ
ومازدا أشرك علاء بابكر من الأول مكان سعيد السعودي
كان عملتو شنو؟!
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: Ahmed Alrayah)
|
Quote: غايتو يا الهلالاب ما بتخجلو!!
طـيـب...
لو شوتة كرنقو مشت الآوت
والحكم ما حسب ليكم البلنتي
واحتسب لمسة يد على كلتشي
واحتسب البلنتي بتاع طمبل
وطمبل جاب الكورة الضيعا
وإيداهور خلى الأنانية وطمبل انفرد
وباولينو جاب فاولين بس من الضاعو بالحظ
ومازدا أشرك علاء بابكر من الأول مكان سعيد السعودي
كان عملتو شنو؟! |
هيا ود الريح
الكلام دا كيف
طيب إحنا ما مرشوشين 9 عديل
ومن دربنا دا حقو نستعد للمباراة الفاصلة
ولا كيف؟
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: إيمان صالح)
|
Quote: النصيحة هم كمان ما ليهم حق
كل سنة بالطريقة دي
ولا مرة ولا مرتين ولا تلاتة ولا اربعة
كدي القلعة دي بتبقى قرعة وصلعة |
المثل بقول يا أيمان
يا فرعون إيه فرعنك آل مالإيتشي اللي يشكومني
يعني المريخاب ديل كان ختو الرحمن في قلبهم ومرة واحدة بالغلط كدا غلبونا في ستادنا
وقالوا كدي
طلعوا في العراضة ما ضروري يقعدوا فيها زي جماعتنا
بس إن شاء الله يختوا يدهم فيها ساي
كان جماعتنا قووا عينهم كدا
تقولي شنو بس
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: محمد البشرى الخضر)
|
يا ناس سلام عليكم , اتصلت اليوم عشان اعرف لماذا لعيبة الهلال طلعو فوق كان المنطق انهم عاوزين يضعو معادلة لمعرفة . قون كرنقو كم كانت سرعتة و الزمن منذ استلام الكرة و ارسال الصاروخ و ين كان بهاء الدين كيف كان و اقف و ما شافها لا و هو تنظف غبار الشبكة . دى كان الهدف الرئسى من طلوع العارضة بعدين عاوزين بعرفو جماليات الملعب هذا ليس عيب .
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: محمد البشرى الخضر)
|
ودالبشرى
ليه كل العذاب ليه كل ألألم..........
الكورة العبناها لعبناه عشانك...
بس إنت فوز يا سيد زمانك..........
خمسة سنين كتيرة وين بس حنانك...,,والله ألأم وعذاب للمريخاب وعيب وعيب كبير أولادنا يعملوا كده..
بصراحة لو كنت موجود..ما كان خلييتهم يعملوا كده..جنس بشتنة..
مودتى..إسماعيل محمد احمد عباس....
| |
|
|
|
|
|
|
|
|
|
حتى لا ننسى او تنسوا (Re: نادر محمد الراضي)
|
Quote: آخر 5 أقوان للمريخ في شباككم المهترئة
كانت من تسديدات صاروخية إلا هدف طمبل (الشربكها) |
نادر يا عمك
لو كانت قولة تسديدة صاروخية عندكم بتحمل نفس المعنى المتعارف عليه و المنطبق
على ما فعله صبحي من قبل و كرره كرنقو وكاد ان يهلككم به قدوين
أسمح لي اقول ليك إنت غلطان
أما إذا القصة منطق الوصيفة أم حمد و طي ملفات كالعادة
في الحالة دي ما بغالطك
| |
|
|
|
|
|
|
|
|
|
Re: حتى لا ننسى او تنسوا (Re: نادر محمد الراضي)
|
يا خوي ما اكابر كان كابرت
ما زعيم
قايلني وصيف كمان
المهم قبل ما تتعب و تجيب الفيديو راجع المواصفات دي| Quote: ما فعله صبحي من قبل و كرره كرنقو وكاد ان يهلككم به قدوين |
يعني لا مرتدة من حارس لا ضربة ثابتة لا هدية من باك
سواقة عديل كدة واحد اتنين تلاتة ..تيييييف
العين تعاين
و الدفاع واقف فاتح خشمه ما قادر يقول شي
والحارس كل العليه يجيبها من جوة و يتنفض
امشي كوس كان لقيت زي دا جيبو
| |
|
|
|
|
|
|
|
|
|
Re: حتى لا ننسى او تنسوا (Re: نيازي عبدالله مرحوم احمد)
|
نيازي مرحوم وذوي الإحتياجات الخاصة و الإعاقات الذهنية - الحقوق محفوظالك طبعا
بركة السمعنا صوتكم و شفنا ضحكتكم الليلة
شهر حداشر ابو حداشر هدف عدا و الحمدلله
قلت لي| Quote: مع خالص الشكر ياسامي |
دا مش بتاع " من ذبح المريخ " وسحبه
ووقع قوقل يجيب في الصور و النكات
كدي راجع ده شوف الهذيان بالجد
حيران الوصيـــفة ام حمــــد فقدوا المنطق
امانة عليك
شفت ليك رشاشة واحد كتب الحكم ولا شداد ولا ريكاردو
يا خي إنتو غالبين ما مريحين الحكم
صرف لينا بلنتي
كان مفروض يطرد عباس
و ينذر بطيخ
أظنكم كنتوا مجهزين مكنة الحكم دي للغلب الكنتو متوقعينو
و بعد غلبتو ما هان عليكم ترخوها
يا وصيفاب ام حمد
| |
|
|
|
|
|
|
|
|
|
Re: عيب يا لاعبي الهلال, هذه ليست اخلاقنا (Re: نادر محمد الراضي)
|
Quote: نيازي مرحوم وذوي الإحتياجات الخاصة و الإعاقات الذهنية - الحقوق محفوظالك طبعا
بركة السمعنا صوتكم و شفنا ضحكتكم الليلة
شهر حداشر ابو حداشر هدف عدا و الحمدلله
قلت لي
Quote: مع خالص الشكر ياسامي
دا مش بتاع " من ذبح المريخ " وسحبه
ووقع قوقل يجيب في الصور و النكات
كدي راجع ده شوف الهذيان بالجد
حيران الوصيـــفة ام حمــــد فقدوا المنطق
امانة عليك
شفت ليك رشاشة واحد كتب الحكم ولا شداد ولا ريكاردو
يا خي إنتو غالبين ما مريحين الحكم
صرف لينا بلنتي
كان مفروض يطرد عباس
و ينذر بطيخ
أظنكم كنتوا مجهزين مكنة الحكم دي للغلب الكنتو متوقعينو
و بعد غلبتو ما هان عليكم ترخوها
يا وصيفاب ام حمد |
عليك النبي يا ود الخاله الكلام البتكتب فبهو دا ما هزيان دا اسمو كلام خارم بارم او كلام الطير في الباقير او ايات الطلاق يوم العقد؟؟؟؟؟؟؟؟
واصل....ام هلا هلا ما بتفك بسهولة
| |
|
|
|
|
|
|
| |
محمد البشرى الخضر
عبدالكريم الامين احمد
Rakoba
tmbis
غباشي
waleed dawash
abuguta
إيمان صالح
نصار
ismeil abbas
هجو الأقرع
نادر محمد الراضي
نيازي عبدالله مرحوم احمد
طلحة عبدالله
فيس بوك
تويتر
انستقرام
يوتيوب
بنتيريست