"مستقبل طفلك يبدأ برسالة إس إم إس تحمل عبارة طفل على الرقم الخاص ببلدك" جدا استفزتني العبارة دي و اللتي وردت في آخر إعلان تلفزيوني خاص بالـ mbc خلتني اتفكر في عالم الإعلانات الخيالي و في الأفكار الغريبة البروج ليها يعني تشرب ميرندا مثلا طوالي الموسيقى تدور و تلقى روحك في البيتش و الرقيص و الربة و الجبجبة ألف اسبرايت تلقى روحك غاتش في الموية و منتعش و شعرك مبلول اما إذا اكلت باونتي فحاجة كدة زي هاواي و لا ساحل المحيط ناهيك عن جل جليت اللو استعملته بعد الحلاقة حتكسر الجكس الحايم كله ودا كوم و الولية المن شدة عاجبها صابون اللوكس بتستحم في منطاد و حايمة بيه الدنيا كلها والناس تعاين و تكورك فرحانة و للنساء إذا استعملتي شامبو بانتين بروفين حتخربي بيت زوجك لإنه كل ما يشوف شعرك حيبطل يمشي الشغل و يقعد يتكسر جمبك وكأسرة لو أكلتو جبنة فلاديلفيا حتطيرو فوق السحاب ولوغسلتوا بي أيريال بلمسة داوني حتفتح الدولاب تلقى الفراشات حايمة و الزهور و قوس قزح طالعين من الهدوم اما إذا شربت ردبول بعطيك جوانح تطير بيها السما كان داير لكن المحرجة جد دعاية المسمار الأكثر صلابة ولو مسكت قزازة الكوكا كولا لفيتها حوالينك السوق كلو حيحاكيك و عمرو دياب عشان يشرب بيبسي لازم يغني عشان يميل المركب ولو مرتك استعملت مايونيز - شنو كدا ما عارف - العبوة المقلوبة حيغلبك الكلام إنت وهي دا غير إنو حياتك من غيرها سلطة
عالم الإعلانات عالم بيض و خيالي وصدق الوصف البقول ليك دا دعاية ساي دا رايي إنت ساكن ويييييييييييين
02-21-2008, 07:45 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
Quote: طفلك يبدأ برسالة إس إم إس تحمل عبارة طفل على الرقم الخاص ببلدك" جدا استفزتني العبارة دي و اللتي وردت في آخر إعلان تلفزيوني خاص بالـ mbc خلتني اتفكر في عالم الإعلانات الخيالي و في الأفكار الغريبة البروج ليها يعني تشرب ميرندا مثلا طوالي الموسيقى تدور و تلقى روحك في البيتش و الرقيص و الربة و الجبجبة ألف اسبرايت تلقى روحك غاتش في الموية و منتعش و شعرك مبلول اما إذا اكلت باونتي فحاجة كدة زي هاواي و لا ساحل المحيط ناهيك عن جل جليت اللو استعملته بعد الحلاقة حتكسر الجكس الحايم كله ودا كوم و الولية المن شدة عاجبها صابون اللوكس بتستحم في منطاد و حايمة بيه الدنيا كلها والناس تعاين و تكورك فرحانة و للنساء إذا استعملتي شامبو بانتين بروفين حتخربي بيت زوجك لإنه كل ما يشوف شعرك حيبطل يمشي الشغل و يقعد يتكسر جمبك وكأسرة لو أكلتو جبنة فلاديلفيا حتطيرو فوق السحاب ولوغسلتوا بي أيريال بلمسة داوني حتفتح الدولاب تلقى الفراشات حايمة و الزهور و قوس قزح طالعين من الهدوم اما إذا شربت ردبول بعطيك جوانح تطير بيها السما كان داير لكن المحرجة جد دعاية المسمار الأكثر صلابة ولو مسكت قزازة الكوكا كولا لفيتها حوالينك السوق كلو حيحاكيك و عمرو دياب عشان يشرب بيبسي لازم يغني عشان يميل المركب ولو مرتك استعملت مايونيز - شنو كدا ما عارف - العبوة المقلوبة حيغلبك الكلام إنت وهي دا غير إنو حياتك من غيرها سلطة
يا بشري الـ bold من إقتباسك أسماء منتجات رسخت في ذهنك بسبب الإعلانات (البيض) والتي إستفزتك .. لو لم يستفزك الإعلان يا سيدي لفشل وما جاب حقو ...
02-21-2008, 09:20 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
عمران يا عمك كيفك معاك حق في نجاح القائمين على امر الإعلانات في الوصول لهدفهم لكن احتجاجي على الأشياء الغريبة و المفارقات الشاذة البتحصل يعني مثلا دعاية العربية الفورد إدج دي شنو يعني تجي العربية ماشة جمب الناس الشارع كلو يقوم يرقص مش كدة وبس بتجي جمب بنشر في لساتك قديمة مرصوصة بتبدا تنطط برضو دا كلام دا يا عمران
الدعاية فن واي شي ما قلنا حاجة لكن جماعتك ديل في الآونة الأخيرة كتروا المحلبية شوية
02-21-2008, 08:59 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: طيب رأيك شنو في الرسالة الاعلانية ل ADSL لسوداتل (حنبنيهو البنحلم بيه).
للاسف ما حظيت بفرصة لمشاهدة الأعلان أو قراءته
لكن يبدو انا ما وصلت الفكرة بوضوح انا لست ضد فكرة الإعلان كفن هدفه الترويج للمنتج و شغل ذهن المستهلك الحاصل الفترة الأخيرة ان الإعلانات صارت زي الفيديو كليبات الإنتشرت في الفترة الأخيرة بهرجة و الوان و خيال فايت الحد ومش كدة وبس أحيانا بتلقى قيم سالبة يعني زي دعاية جبنة فلاديلفيا لما الولد ابوه بزنقو وي الجبنة بروح جايب نوع تاني و يقدمه له على اساس انه فلاديلفيا و الوالد بعرف الحكاية ويهدده بقطع المصروف و ينقذ الإبن من العقاب إحضار الأم لعلبة ثانية ولا بكل بساطة يعفو الأب عن الولد ليتنفس الولد الصعداء هنا الرسالة الخفية الغير مقصودة بتشجع ثقافة الإحتيال و الكذب و تاكده هوان و سهولة الحاجة دي بعفو الأب عن الولد فقط عشان لقى الجبنة وزي دا كتير
Quote: نعتبر الكلام ده كلو Brain Storming لنقاش جاي
في الإنتظار
02-21-2008, 08:48 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اتفق مع الأخ عمران وعبارة (رسخت بذهنك) ، رغم ان موضوعك تقصد منه الطرافة فقط والسخرية على ما أظن. القصد هو الاستفزاز بالشئ الغريب لكي يرسخ اسم المنتج في الذهن وتجد يدك لا شعورياً أثناء تسوقك تختطف ذلك المنتج وانت أقرب للتخدير. لولا هذا لما صمدت سلع قرابة الخمسين عاماً. حتى عندما قالو لنا مثلاً أن منتجات شركات كـ"كوكا كولا" و"نستلة" هي يهودية بالاصل فشل الناس في اختيار منتجات أخرى. وهذا حديث عالمي الى أبعد درجة ، أتذكر فلم هوليودي يحكي عن مدى الوساوس التي صارت عند الناس بأنهم مخدرون ليشتروا منتجات معينة حتى أن الفلم يتحدث عن أن الموسيقى والأغاني العادية تصنع لتشتري بضائع معينة فور استماعك لها. مع هذا الدعاية فن ، وهو صعب للغاية لأن كل شركة دعاية مطالبة بأن تأتي بفكرة جديدة تعرض في زمن وجيز لا يتجاوز في الأغلب 15-30 ثانية وتشتعل المنافسة وتظهر الكثير من السذاجة وال"بيض". (أمريكانا منتج عربي 100% ). وكله "كوم" والدعايات في التلفزيون السوداني "كوم" آخر. بوهيات "المهندس" بنكهة "ريتش" والتفاح الى اخره مع مصرية تلبس الحجاب وتتقافز في حديقة.
الغريب يا محمد البشرى أن الكثير من الأسر المحافظة (السودانيين) تجاوزت الأحراج الذي يأتي مع بعض الدعايات الجريئة..فاذا سأل أحد الأطفال هذا السؤال (ألويز بالاجنحة دا بعملو بيهو شنو؟)..الاجابة ستكون كالآتي (يا ولد امشي حل واجبك ولا اتخمد نوم), أما المسمار الذي ذكره العوض المسلمي والذي لا يزيد الا صلابة فليس له حل.
02-21-2008, 09:15 AM
abuguta abuguta
تاريخ التسجيل: 04-20-2003
مجموع المشاركات: 8276
هنالك دعاية رياضية استفزتنى جدا لون الفريق لابس ازرق واسمه الهلال والدعاية هى الحق الموج الازرق الفريق للهلال السعودى,,, الخايف منو انا بكرة يجو يقولو اول من اطلق الموج الازرق هو صاحب السمو كذا والصحفى كذا ,,,وننسرق تانى زى سرقة سيد البلد والزعيم....لوووووووووووووول
موبايلى ,,,,عالم من اخيارى
اول نت اسم الشركة التى اعمل بيها,,,شفت الدعية وين فى الاسم زى قصائد بشرى الفاضل,,, خالص ودى الانسحاب قائم ولا هنالك حل
02-21-2008, 09:41 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هلا ابوقوتة دعايات شركات الإتصالات ولحد ما مقنعة واقرب للواقعية اعتقد لأنو بيقدم في خدمة فلازم يديك نموذج لكيفيةاستخدامها ولابد يكون حقيقي لأنك تاني يوم لما تشترك في الخدمة بتتوقع نفس النموذج العرض عليك لكن برضو لا يخلو من قيم سالبة زي دعاية الجيل التالت و المكالمات المرئية للإتصالات المغربية رب العمل بتصل على مسؤول الموقع ليطمئن على سير المشروع فداك بوريه بكاميرا التلفون الناس شغالين و الطالع في السقالة و الشايل شيويل و الناس كلها شغالة اول ما ينتهي الإتصال يدورو الباربكيو و الكورة الطايرة و يفكوا اللعب دي مش قيمة سلبية جدا هي غير مقصودة طبعا لكن وصلت في النهاية
02-21-2008, 09:32 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
تشكر يا محمد يوسف الزين فعلا شكل الموضوع سخرية - ودي للأسف الطريقة الما بعرف اكتب بغيرها - لكن نتاج إستفزاز يومي و متراكم طيب الفن فن اوكي ليه ما تكون في شوية مصداقية أو دعوة لقيم نبيلة عارف القيم السلبية الخفية تاثيرها سلبي جدا بالذات على الأطفال لما يشوف نجمه او نجمته المحبوبة و صاحب الشهرة العالية يخدع أو يسخر أو يقوم باي تصرف سلبي بيرسخ في ذهنه كشيئ طبيعي خليني من دعايات المنتجات و البيبسي و الكولا الوضوع الرئيسي و سبب البوست عن البارة الوردت في إعلان الإم بي سي عن مستقبل طفلك يعني محطة محترمة زي دي ما كان ممكن ما تلجأ للأسلوب دا اما عن السودان فحدث ولا حرج بنات بيض و بينططوا و فرحانين دايما كان بضربوا بوهية ولاشربوا عصير ولا اكلوا بسكويت الله يديم عليهم الفرحة و يرحمنا إحنا
02-21-2008, 09:41 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
كدا يا تيسير هبشتيني محل بوجع بالجد أنا سنيكرز و جالاكسي و تسعين في المية من منتجات نستلة ما برضى فيها وديل كان اتعاوروا في دعاياتهم بحقهم شفتيني جبتا سيرتهم ,باونتي عشان ما بحبها
ملاسي سوا شنو في بوست نجوان ؟ دي فاتتني كيف
02-21-2008, 09:55 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
إشاااااااااااعة كبيرة التقول مصممين دعايته في البورد هنا لكن الغريبة جايبة دخل بالذات عند الشباب الإماراتيين يندر ان تلقى الواحد منهم يده خالية من علبة الريد بول
واصلي امي ... انا ما اعطلك
02-21-2008, 10:05 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
هذه قصة حدثت في إحدي مستشفيات دبي حيث أنجبت امرأة 4 توائم وقد كانوا جميعا ً صغار الحجم وتم نقلهم إلى غرفة خاصة بسبب حالتهم الصعبة وبعد حوالي 3 أيام في الصباح الباكر جاءت إحدى الممرضات المسئولة عن التنظيف في قسم الولادة وحملت ( الشرشف ) إلى الغسالة وهنا كانت الكارثة !!! لا حول ولا قوة إلا بالله إنا لله وإنا إليه راجعون فقد كان حجم الأطفال الأربعة صغير جدا بحيث لم ترهم الممرضة وحملتهم مع الشرشف إلى الغسالة !!!
يااااااااااا إلهي وعندما جاء الطبيب المسئول عن حالة الأطفال ليكشف عليهم لم يجدهم لا مجال للصدمة ركض مسرعا ً نحو الاستعلامات سأل : أين الأطفال
الموظفة : في الغرفة !! الطبيب : ليسوا بالغرفة ,, من آخر شخص دخل الغرفة ؟؟
الموظفة : الممرضة المسئولة عن التنظيف .... ركض مسرعا ً لها
سألها : أين الأطفال ؟؟
الممرضة باستغراب : أي أطفال ؟؟!! الطبيب : الأطفال الذين كانوا على سرير كذا في غرفة كذا
الممرضة : يااااااااااااا ويلي لا مجال للسؤال
لا مجال للوم هذا أو ذاك أسرعت الممرضة نحو الغسالة ومعها الطبيب ..
الغسالة تدور
الغسيل ينقلب رأسا ً على عقب
مااااا العمل ؟؟
أسرع الطبيب فصل التيار الكهربائي عنها فتح الباب وهنا كانت الكارثة ,,
.
.
.
.
.
.
.
.
.
. . .
خرج الأطفال الأربعة يهتفون
مع تايد الغسيل... مفيش مستحيل
02-21-2008, 03:08 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
قبل تمسك اميرة الدورية وتدينا كرتنا خلينا نكب الكلام ده طيب عشان ما نوسع النقاش اكتر خلينا نركز في الاعلان التلفزيوني والبيشكل عالميا 25% تقريبا من سوق الاعلان و عشان الامثلة الاوردتها وبرضو نحاول شوية في الاعلان المسموع عشان نحن بنتمغص يوميا بحوالي خمسين اعلان ساقط في الاذاعات السودانية
الرسالة:
اصعب مافي الاعلان يا محمد الرسالة القصيرة التي تتكون من كلمتين او ثلاث كالامثلة التي اوردتها تيسير عووضة. لما قلت ليك شعار ADSL كنت قاصد انو الرسالة هي البتتحكم بشكل او بأخر في جودة الاعلان ودرجة الوضوح لدي المتلقي...الرسالة لا تخلو من ابداع حقيقي ولما سوداتل لطشت كلام محجوب شريف كنت واحد من الناس الطالبوا في البورد ده قبل سنتين تقريبا انو يقاضوا سوداتل لانو اخراج رسالة ابداعية تدخل تحت قوانين الملكية الفكرية تكلف الشركات آلاف الدولارات من قبل وكالات الاعلان وكاتبي الاعلان مع العلم ان كتاب الاعلانات هم من اغني الموظفين في امريكامثلا...ولو لاحظت محاولة خروج شركات سعودية ضخمة من مأزق الابداع بمحاولة ربط المنتج بأغاني محمد عبده مثل محمود سعيد وعطور الاماكن ومذهلة وغيرها عشان تتحكم مع الصوت والصورة في 30 او 45 ثانية اللهو زمن الاعلان الاستاندرد دي بشتغلوها خبرا كتابة ومخرجين وطاقم ابداعي كبير في مجالات الديكور وغيره.
استهداف الفئة:
في مضمون الرسالة الاعلانات التي تثير حنقنا وتزعلنا في الغالب من الامثلة التي ذكرتها هي لا تستهدف فئتناالعمرية او خصائصنا الثقافية والاجتماعية لذا نجد ان مضمونها يغيظنا جدا. مثلا شامبو هيربال الشهير لم تجد سوي استخدام موظفة متوسطة العمر لتقول انها لازمن لديها مع العمل وصحت من نومها وغسلت شعرها بشامبو ومشت ....دخل الشامبو الي السوق بمفهوم انه لفئة عمرية محددة ومشغوليتها كثيرة...نفس الدعاية لا ثمثل شيء لفتاة في سنة ال 18 سنة
المعلنون:
غالبية الشركات التي تعلن علي مستوي العالم هي شركات عالمية تعمل في المجالات الاستهلاكية و لها خبرات طويلة في الاعلان مثل الكوكاكولا وبروكتر وجامبل ويونيلفر وكرافت فوودر ، وكوكاكولا تحديدا من الشركات التي تطور تكنكيها الاعلاني في فترات متقاربة مصاحبة للتغيرات التي تطرأ علي المجتمعات واميرة جارية تفتش نانسي عجرم والكولا لانو ناس الكولا لما وقعوا عقد مع نانسي عجرم اعتقد بمليون دولار كانوا عارفين دي بتحقق ليهم عائد قدر شنو...ويعلم الله انا لابحب نانسي عجرم لا بقبل الكولا..كذلك بيبسي وديفد بكهام...وده واقع
الكلام الفوق ده بشكل عام
نجي لحرقة الدم والمصارين في الاعلان السوداني: شعبان عبدالرحيم وهو قاعد وسط كم سرير ودولاب بغني...لو عايز اثاث تعال عند هالة هالة...واييييييييه. ثلاثة بنات مصريات وغني مصري...لبن رتش حليب ريتش...والكلام مصري. وتجي للاذاعات تضطر تقفل الرادي لحدي ما الدعاية تخلص نوع البغني ليك اغاني بنات ...الليلة مقدرة وابوالفاضل حلو حلاة... ابداعنا السوداني بعيد تماما عن تكنيك الاعلان الا بعض الشركات تجد انها قد طورت شعاراتها بشكل جيد ومرضي مثل (فورموست - الطعم البيجمعنا)، بنك الخرطوم (بنك قديم - صديق جديد) بعد شراء شركة اجنبية لها.
نواصل
02-21-2008, 03:33 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اشكرك يا أمر على التحليل الشيق و المرتب لكن مايثير الحنق ليس فقط لأن الرسالة لا تستهدفنا فقط هذه السذاجة مرفوضة و مستهجنة حتى لو كانت تشملنا في من تستهدف من الحاجات الغريبة حكاية الإنتقال المفاجئ من الضيق للسعادة بالحصول على او استخدام المنتج دي ثيمة سخيفة في رأيي - رغن إنها قد تكون جدا فعالة و مؤثرة في الأذهان
بالنسبة للدعايات السودانية بقدر بعد الدعاية أو الإعلان عن ثقافتنا بيكون بايخ وسخيف الإعلان البيخاطب المستهلك باللهجة السودانية و بوجه سوداني - رغم بيضنته - على الأقل اصدق و اقرب لو قارنت بين إعلان موبيتل القديم " موبيتل في كل مكان " أو ما شابه و صورة عمك الراكب الجمل بيتكلم في الموبايل مع إلإعلان الحالي " زين عالم جميل " حتحس بالفرق اما الإعلانات البيزد على المصريات الفرحانات و ينططوا بلا سبب وجيه ديل فآآآآآآخ يا المرارة
Quote: نواصل
ونحنا مستمتعين
02-21-2008, 02:06 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اهلا بت الشيخ اتذكرتك الليلة الغدا قراصة كان قلتي لي نانسي عجرم اها النحدسك انا اصلي مكجن الكولا نعمني كنت شغال في اراك قبل لا امرق وجات دعاية نانسي أقشر دي تمت الناقصة اسي الكولا إن بقت لي دوا ماني سائل فيها
02-21-2008, 01:47 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
إعلان البيتزا و الهوت ديليفري الحلة كلها في الشارع راجين مرور العربية شايلة البيتزا السخنة الشايلة كفتيرتها و الشايل كيزان ذرة و المعطة الجد تلاتة عيال ماشادين حيلهم عايزين يعملوا سيشوار لشعرهم ست الكافتيرة و بتاع الدرة بلعناها لكن رقيص العلوق ديك بعد السيشوار هو الفاقع مرارتي جد والأدهى والأمر بعد تسليم البيتزا العالم الفي الشقة كلهم بدوروا الربة و الرقيص بدون أي مناسبة
وإعلان الأمز آند إمز - رغم تقديري لها لكن ما قادر ابلع حكاية الرقص و الطرب و الإنبساط البدون داع دا غير البلاهة على البتترسم على الوجوه بعد تناول الحبة
ياحليل الكاوبوي بتاع مارلبورو هيبة و هو بولع السيجارة بالفرع مش زي الخرعين ديك
02-21-2008, 08:09 PM
ibrahim fadlalla ibrahim fadlalla
تاريخ التسجيل: 06-09-2007
مجموع المشاركات: 2585
ود البشرى ..سلامات .. فعلاً الإعلانات في تلفزيونات العرب عموما .. أصبحت سخيفة وفارغة من المحتوى الإبداعي ...
شوف معاي الدعاية دي ، لبنك إسمه " إمبريال " والكليب يتحدث عن خاصية " الدقة " ( Precision ) ، لدى البنك : وقد تكررت كلمة دقة مرتين في المشهد ...المرة الأولى عندما وضع نابليون قبعته وضبط موضعها بأرنبة أنفه والمعلق يردد : بدقة إلى درجة الملميتر . والمرة الثانية عندما سقط من على الدكة التي كان يقود منها المعركة ، والمعلق يردد : الدقة ...طبع الملوك ....
شفت كيف ... شكراً على البوستات الخفيفة الظريفة ...والمفيدة في الحين ذاتو... سلامي لك ولحتوت...وأخيتو
02-22-2008, 01:40 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ود البشرى..يا عمك...إعلان ...إبداع حقيقي مافي أي كلام.. لكن أكيد صرفت عليه مبالغ خيالية، وإشتغلوا فيهو ناس فنانين بالجد.. بالجد...وكلو بي تمنو... لاكن ده شعر ناس قريعتي راحت ماعندهم ليهو رقبة ...كدي خلينا نقدر نستفيد من موروثنا الثقافي المحلي..وسودانا غني ومتنوع ثقافياًَُُُ بما يدعو إلى الدهشة..ويمكن توظيف كل ذلك والإستفادة منه في خدمة الأغراض الدعائية..بطرافة ..وذكاء ...وخفة دم ...لاكين ...ياعمك مين يمرق البغلة من الإبريق؟؟؟ ول أقولك ..هو ذاتو الإبريق في رقبتو وينو؟؟؟؟!!!!
عارف يا خينا .. إشتغلت في مجال الدعاية و الأعلان فترة طويلة , كل المرقت بيهو إني أحذر العيال و امهم من كمية الكضب المليان بيها الإعلان . الشغلة نصب فاهم و احتيال حريف .. تسوق ليك حاجة الناس ما محتاجها قدر ده , و تقوم تخليهم يحسوا إنو لو ما لقوها بيكونو ناقصين أهم حاجة في حياتهم و إنهم ناس طربنش ساكت . : كاتب نصوص حريف .. مدير فني إبن كلب .. مصمم مبدع .. منفذين على درجة من الإحترافية .. و صاحب بضاعة داير يفكها زي ما تجي و ياخد بدلا قروش , و تسوط تسوط تسوط .. تعملا موية ليمون صاااااااقطة .. بالهنا و الشفا . إبهار شديد باستغلال أحدث منتجات التكنولوجيا ( مؤثرات صوت + مؤثرات بصرية عالية الجودة + وشوش تريانة و ناس سمحة و مليانين عافية + جلكسات نصية + توقيت صاح ) .. كانوا لما يجيبو لينا المنتج المعين المطلوب تسويقو بيجيبو معاهو تقرير استبيان دراسة السوق و توصيات إدارة التسويق : - المنتج و نقاط ضعفو و قوتو في مقابل المنتجات المشابهة . - الشريحة المستهدفة من المستهلكين ( السنية أو النوعية ) . - تعبئة المنتج أو تغليفو . - دولة المنشأ . - الوسيلة الإعلانية ( صحيفة / مجلة / إذاعة / تلفزيون / بوسترز / فلايرز / بانرز / ستاندز / يونيبول ... إلخ ) و الموقع المميز للإعلان في كل وسيلة مما سبق .. و يوم النشر المميز بالنسبة للنشر المطبوع .. و حجم الإعلان لكل يوم إن كانت حملة , و موقع الإعلان في الصفحة : يمين / يسار / فوق / تحت / جنباوي .. إلخ ) .. ياتو صوت مذيع لو في الإذاعة و ياتو وجه إعلاني لو تلفزيون . - نوع الإعلان ( تشويقي / ترويجي / دعائي / تحريري .. إلخ ) . - التوقيت الزماني ( للإعلانات المرئية ) : ساعات الذرورة للمشاهدة : قبل المسلسل / بعدو / في نصو .. ياتو مسلسل فيهم .. ياتو قناة .. إلخ . - الموسم الترويجي ( صيف ؟ شتا .. إلخ + مواسم الإجازات الرسمية ) . - مواقع الشبكة الإعلانية المقترحة لو كان إعلان بصري داخل المدينة , و المواقع على الطرق السريعة و مداخل المدن , و ياتو شبكة ميزتا شنو . و عيييييييييييييييييييييييييك .. ( مساء الخير يا بشاشا ) .. نصب مستند على علم يا ود البشرى و على آلة ضخمة من الوكالات الإعلانية و الوكالات المساندة و الوكالات المنبثقة من المساندة و الوكالات المساندة للمنبثقة من المساندة الأولانية .. و جيوش من بياعين الموية في سوق الموية . نجي نقعد عايلة سعيدة قدام التلفزيون .. و ظييييييييييييييييطك ياكلو راسنا طوالي بكره نمشي السوق و نرجع أباطنا و النجم و أسعد مخاليق الله الندمانين ..
....... أندروس اندروس منعش فوار .
02-24-2008, 09:00 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يااااه يا عمدة ياخي دا ما علم تقيل و شغلانة جدا معقدة بالنسبة للشغل التلفزيوني يتخيل لي - كلام نظارة ساي - التعقيد و المجهود المطلوب أكتر لكن برضو في إعلانات اجارك الله كلفتة و شغل بدون نفس بل و تكرار لأفكار مستهلكة دا غير الإستخفاف و التعامل مع المشاهد كأنه غبي و ما عنده قدرة على النقد و التمييز وللأسف دا الغالب بالذات عندنا
شاكرين ياعمدة النظرة الفنية الشاملة وصحي ادي العيش لخبازه
02-24-2008, 09:07 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
العوض المسلمي
GamarBoBa
عمران حسن صالح
محمد يوسف الزين
abuguta
تيسير عووضة
mohanad haimoura
هاشم أحمد خلف الله
ibrahim fadlalla
Emad Abdulla
wadah beshier
Rasha Hatim
فيس بوك
تويتر
انستقرام
يوتيوب
بنتيريست