|
دعواتكم لزميلنا المفكر د.الباقر العفيف بالشفاء العاجل
|
|
 Re: صاحب اكبر مجموع مشاركات في البورد (Re: محمد البشرى الخضر)
|
... الشكر موصول -يا محمد البشري- ل:
صفحة رفع الملفات بسودوانيز أونلاين، فهي عون كبير لكثير من التعليقات، وأتمنى ألا ينضب
معينها إن جاز التعبير.
_____________________________
عندي موضوع اسمو (جمهور الهلال صفوة... برضو)، عملت دراسة الجدوى بتاعتو، وأسي
قاعد أعمل ليهو Risk Analysis 
| |
 
|
|
|
|
|
|
|
|
Re: صاحب اكبر مجموع مشاركات في البورد (Re: Ahmed Alrayah)
|
ود الريح الله يفتح عليك
أحسن من يستلم الون و يرد التو
هي ما ذكرت
بالنسبة للبوست بتاع الصفوة وزي ما قاليك عبد الرحمن نحن في الإنتظار
وإن كنت أختلف معاك من هسي
لأن جمهور الهلال تهزه الهزيمة و يبطره النصر كما أنهم لا يعرفون ثقافة طوي الملفات
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
تخيلوا لو أخونا  توقف عن العمل لأي سبب كان
وضاعت الكليبات الفي الداتا بيز
يمين في بوستات جنس بشتنة واحد حتبقى عليها
تلقى المداخلة الأولى كو غير إعلانات بكري مافيها شي
و الباقي تعليقات من نوع يا سلام و روعة و بتاع
و العجب البوستات الفيهن كليبات في أكتر من مداخلة
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: Amira Elsheikh)
|
بت الشيخ
صباح الخير
الدبيب الــ..... أقول ليك شنو
مافي داعي
المهم قلتي ليQuote: تصدق اخوكم يوتيوب انا دايما بمشى ليهو وساكنة فى بيتم سكنة.
بس قدر ما قلت اجيبو هنا قلبنى... |
عواطف ليها حق
شوفي أمي تلقي في الصفحة بتاعة الكليب خانة مكتوب عليها Embed
تقولي كدا و تقومي تشيلي الكود الفيها و تلصقيه في مداخلتك زي ماهو
دا كل مافي الموضوع
أمال إنتي فاكراه أخد لقب صاحي أعلى مجموع مشاركات عبثا
ما عشان السهولة دي
وقع ليك امي
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
Quote: و بالمناسبة
عاطف برضو ما ناقش اي حاجة
والغريبة عامل مقددها |
رحم الله أستاذنا الخواض ، أستاذ مادة الرياضيات في المرحلة الثانوية
كنا نداهمه بمسائل الميكانيكا والرياضيات البحتة التي نجدها في الإمتحانات القديمة وامتحانات مدارس المنطقة فكان يفاجئنا دائماً بحلوله الجاهزة حيث لم تصادفنا مسألة تستعصي عليه . وكان عندما يلمح بريق الإعجاب والدهشة في أعيننا يردد
" لا تستغربوا يا أبنائي ، لست بصاحب معجزات ولست بساحر ، لكنها خبرة ربع قرن من الزمان "| Quote: راجعت المختصين لقيت حسابك برضو فارق |
هسع في ذمتك دي حسبة عاوزة مختصين وخبراء أجانب ؟؟Quote: دايرة اصحح ليك حساب ناس القردابى اصلو القردابى دة ماناقش فى اى حاجة
الحساب الصح افتكر ستة اسابيع زايدة يومين مش كدة بس بدت متين ماعارفة
شفتنى ناقشة كيف |
أهنيك يا بت عوض الكريم أنك ( نقشتي ) ما ( بح ) صوتنا لإيصاله لمن يهمه الأمر .
لكننا قلنا " أسابيع ود البشرى على أرجح الروايات ستة "
وعندما نقول أرجح الروايات فهذا يعني أن هناك روايات كثيرة للعدد هذا أرجحها
يعني البلص والماينص واردة .
إنها يابت عوض الكريم " خبرة خمس ( واحد على خمسة ) قرن من الزواج "
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: عاطف عمر)
|
عاطف يا عمك
لا زلت مصرا على رأيي
إنت و القردابي دا يضربوا بيه دا في الحساب
لا تقولي خمس قرن لا بتاع
أهي الإنقاذ قربت على خمس القرن حقك دا و خبرتها صفر كبير
يا عمك الحكاية تالنت
وإلا كان الفكرة وصلت من بدري وكفتك مشقة جر النفس و التلفونات
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
سناريو ولادة بوست صحفي
يصحو البوردابي النشيط متفائلا بمقدم يوم جديد مليئ بالمشاركات
بينما يعد لنفسه كوبا من الشاي و يستعد للخروج يدير الجهاز
يفتح المتصفح و طبعا الصفحة الهوم هي المنبر العام
ومع رشفات الشاي يلتهم العناوين المثبتة اعلى الصفحة
و كالعادة لا يجد أحد عناوينه اللتي أرهق نفسه في تدبيجها بالأمس - يقنع نفسه أن الواسطة هي السبب
يبدا في مطالعة العناوين على الصفحة الأولى
يتسلل القلق إلى نفسه كلما نزل اكثر ولم يجد أثرا لأي من مواضيعه
وبينما هو يقارن بين عناوين الصفحة الأولى - و أصحابها - و بين مواضيعه يلعن الشلليات و التوازنات اللتي تودي بمثل مواضيعه القيمه لآخر الصفحات و تترك هذا الغثاء في الأعلى
يخرج والبال مشغول و في الحلق غصة
ماذا سيكتب اليوم
ماهو موضوعه الجديد اللذي سيهز البورد و يجبر القائمين على الأمر على تثبيته
كم يا ترى سيبلغ عدد الزوار , هل سيفوق زوار البوست الوهم داك لصاحبه المغرور اللذي لا يفقه شيئا
و اللذي لولا لقبه العلمي لما وجد هذا الإهتمام
كم صفحة سيمتد البوست, لن يقبل بأقل من صفحتين و يطمع في الثالثة
ويظل يجمع و يطرح حتى يصل المكتب
ولما يبدأ بتصفح البورد و بعد تسجيل الدخول يضغط على زر موضوع جديد
عند بروز الصفحة و مع إلقاء نظرة على خانة العنوان الخالية تحين لحظة الحقيقة
إذ يكتشف أن لا موضوع لديه
وكلما يسطر عنوانا يمسحه بعد التفكير
ثم ساخطا يغلق صفحة موضوع جديد
ويبدا بتصفح مواقع الجرائد للإطلاع على الأخبار اليومية
وهنا تنفرج أساريره فقد عثر على منجم من ذهب الأخبار اللتي تصلح لإفتراع آلاف البوستات
سرعان ما يضغط على زر موضوع جديد
يتخير العنوان الجاذب ولا ينسى تعبير " توجد صورة " السحري
وهاك يا كوبي بيست
شاهده قبل نشره - إبتسامة رضى - أضف رد - تتسع الإبتسامة أكثر
رفرش الصفحة الأولى - إحساس غامر بالرضى و رؤية العنوان على قمة المواضيع و اليوزر نيم يتهادى
يعود لعمله الآن ولا ينسى بين الفينة والأخرى ان يرفرش و يطالع عدد الزوار
وقبل نهاي اليوم وهو يستعد للخروج يقوم برفع الموضوع هكذا - >>>> - أو بما شابه من ادوات الرفع
و يعود لبيته و السعادة تغمره
نواصل مع سناريو ولادة بوست يوتيوبي
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: وائل فحل)
|
عاطف عمر لك التحية
قلت لى خبرة كم اها بخبرتك دى وانا من نادى العزابة الاسفيرى حسابنا طلع واحد
وبتثنية ود البشرى حسابى معتمد لكن برضو انت ناقش على حسب معلوماتى بسى راجع
تانى ماتعتمد على الخبرة .
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: وائل فحل)
|
وائل يا عمك| Quote: مرات ( تخش عشان الصورة ) |
ما هو دي اللعبة زاتها
إنك تخش الموضوع
الحرفا بكتفوا بالعنوان و تنميقه و تدليله على المحتوى
أما الكيشة فبيلجؤوا للإسلوب دا رغم تأثيروا على مصداقيتهم وكدا
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
شكرا ،، شكرا ،، ودالبشرى
لاشراكنا معك بالوصف لحالتك كل صباح
بامانة ،، فهذه هى حالتك سيدى المتجمد الشمالى دون خوف !!!!
Quote:
ويظل يجمع و يطرح حتى يصل المكتب
ولما يبدأ بتصفح البورد و بعد تسجيل الدخول يضغط على زر موضوع جديد
عند بروز الصفحة و مع إلقاء نظرة على خانة العنوان الخالية تحين لحظة الحقيقة
إذ يكتشف أن لا موضوع لديه
وكلما يسطر عنوانا يمسحه بعد التفكير
ثم ساخطا يغلق صفحة موضوع جديد
ويبدا بتصفح مواقع الجرائد للإطلاع على الأخبار اليومية
وهنا تنفرج أساريره فقد عثر على منجم من ذهب الأخبار اللتي تصلح لإفتراع آلاف البوستات
سرعان ما يضغط على زر موضوع جديد
يتخير العنوان الجاذب ولا ينسى تعبير " توجد صورة " السحري
وهاك يا كوبي بيست
شاهده قبل نشره - إبتسامة رضى - أضف رد - تتسع الإبتسامة أكثر
|
هو ود البشرى لا ريب !!!
وبرضو احسن من ناس كمال عباس البشاهدو بعد نشره !! ويذبحونا بالتعديلات !
Quote: سناريو ولادة بوست صحفي
|
محمد ؟؟؟؟؟؟؟ انا قايلاك بتلد اولاد كضوم وبنات بس !!! لقيتك لخبطت الاختساسات وكدا !!!!!!
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: دينا خالد)
|
هي دينا معقول
بركة الشفناك طيبة
والله وما طالباني حليفة ناوي أكتب اسأل منك
ألحق اسبوع أين فلان دا قبل يخلص
لكن نسوي شنو مع الخفة دي
أها طمنينا عليك , قالوا شبكتي الناس متى ينضج عقلك
متى تنضح حلتك لغاية ما نجضوك في روحك , صحي
Quote: اشراكنا معك بالوصف لحالتك كل صباح
بامانة ،، فهذه هى حالتك سيدى المتجمد الشمالى دون خوف !!!! |
| Quote: هو ود البشرى لا ريب !!! |
كالعادة جيتي جارية بمفراكتك
سمح امي ما بغلت عليك وانتي جاية من محنة ما لحقنا نتضامن معاك فيها
آي دي حالتي كل صباح - عدا الويك إند
كويس كعاك
يلا ساعدينا بوصف حالك
إذا حبيتي مساعدة تابعي معاي " سناريو ولادة بوست/مشاركة شليقة "
أو
" سناريو الرشاقة القتلت إشراقة "
وكدا
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
ود البشرى ياخ ما بلاش من سيرة البحر !!
وندخل فى مساومة دنيئة ،،، انا اخلى الكضووم وانت تخلى البحر !!
رايك شنو ؟؟
وبعدين انا محنتى مستممممممممرة يابوى ،، اتفضل اتضامن بتجيك
المحن ، وبتفتشنى !!
ـــــــــــــــــــ
ود البشرى !! اتوسط ياخى ،،، اتوسط ،، خلى عندك دم  وبطل المكاواة
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: دينا خالد)
|
سيدتي
جدا تهينيني عند حديثك عن مساومة - دنيئة كانت ام لا
لست انا من يساوم في هكذا امور
إن أغلظت عليك بالقول فاقبلي اسفي
وإن كنت لا تحبين هذه السيرة فإني اتركها حبا و كرامة لا مساومة و مقايضة
ها لقيتي الدور الفوق دا كيف؟
أنفع مثقفاتي مش بالله
العفو ياخ ما بيناتنا
لكن عموما يا بتي كان جاية تاني المولد
تجي بدري
| Quote: ود البشرى !! اتوسط ياخى ،،، اتوسط ،، |
اتوسط دي من الوسط ولا الواسطة
كان وسط ما مشكلة لكن كان واسطة في إحتمالين
كان قاصدة هناي دا , ما بعرفوا لدرجة واسطة وكدا
كان قاصدة فلان داك ما مشكلة رغم إنو جدا شاميني الأيام دي
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
ياسيدى انت لما تتمحرك كدا
وتسال الوسط ولا الواسطة واللياقة ،، القيامة تقوم !!!!!!
دا شنو دا البتعمل فيهو دا يااااااا ود البشرى !!
انت شغال بتاع مطافىء كيف ؟؟؟ اما انك سودانى فعلا !!
ـــــــــــــــ
قاصدة دااااااااااك اتصرف وخفف حركتك بالله !!!!!!
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: دينا خالد)
|
يا ود البشري....
جيناك بجاي سلام....
وانت قايل نحن لينا 6 سنة في البورد ده غير السنة الاولي الكنا بنكتب فيها احتياطي ومشاركاتنا بسيطة ليه؟؟؟
شغل الطلب ما بنحبه...اليوتيوب..
باسطة سلا ما بنحبها....المشاهير
قنقليز بالشطة ما معانا...عم قوقل
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: GamarBoBa)
|
هلا بالقمر بوباQuote: شغل الطلب ما بنحبه...اليوتيوب..
باسطة سلا ما بنحبها....المشاهير
قنقليز بالشطة ما معانا...عم قوقل |
معلم والله
جرب ديل طيب
شغل الترزية .... كوبي بيست
تركب رقشة ورا .... النقل من البوردات التانية
مديدة دخن .... تنزيل الأغاني
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد فرح)
|
Quote: يا محمد البشرى كدي خليك من يوتوب وقوقل
طمني..موثق لإسبوع تشاد الخرافي في البورد دا كويس؟ |
ود فرح يا عمك
أخليك كيف
إنت عندك سناريو مخصوص - معاك نستا - بعنوان " سناريو ميلاد بوست ملفوح "
بالنسبة لتوثيق اسبوع تشاد مستني الحكم يصفر عشان نعرف الغالب منو وكم
لكن الصرف الصحي تبعك موثق وكدا
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: ناذر محمد الخليفة)
|
| Quote: جمهور الهلال تهزه الهزيمة و يبطره النصر كما أنهم لا يعرفون ثقافة طوي الملفات |
كيف يا عمك..
ثبت قريحتك ياخ علي يوم محدد ....زي عواطف ادريس كدا....كل يوم جمعة مثلأ...
عشان نبرمج الاجازة الاسبوعيه.
بوستاتك زي الاسبرين.....خفيفه وبتطرد الصداع.......
يا سلام علي الوصف الجبتو فوق عن جمهورالهلال...
لكن شيل شيلتك.....حا ينطو ليك في حلقك بعد شويه وبعدين ماعارف مين االيخلصك....??....
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: كمال الدين بخيت اسماعيل)
|
كمال يا عمك| Quote: ثبت قريحتك ياخ علي يوم محدد ....زي عواطف ادريس كدا....كل يوم جمعة مثلأ... |
كمولي ...!!!
يسعد صباحك
كدة كيف؟
| Quote: لكن شيل شيلتك.....حا ينطو ليك في حلقك بعد شويه وبعدين ماعارف مين االيخلصك....??. |
هم وينهم والله اشتقنا ليهم
واشتقنا لعولاقهم
المنتخب طمم بطنهم أظن
ياحليل ناس العجب ودانا غانا و الماعاجبو ما يمشي معانا
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
كدي سيبك من ديل كلهم
انت عامل شنو مع بوستات وصف البيوت اليومين ديل
دينق شايل جيتاره
ودكين لافح كمنجته .
وحاااااااااااتك جنس كسير تلج .
اكان كسروه لي مازدا يمكن كنا قدرنا نجيب لينا قون واحد في البطولة الافريقية .
حسع انت اكان مابتاع شمارات البوست ده لفتحه من وين وجبته تااااااااااااني .
لكن جنس محن .
تخريمة قبل اللفة :
ياحتوت ياولدي ابوك ده اكان ماسقط حجرنا من المنبر ده مابرتاااااااااااااح .
برضو جنس محن .
التحايا
هارون دياب
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: haroon diyab)
|
هارون دياب يا عمك| Quote: نت عامل شنو مع بوستات وصف البيوت اليومين ديل |
عامل نايم
| Quote: حسع انت اكان مابتاع شمارات البوست ده لفتحه من وين وجبته تااااااااااااني . |
يابوي كي راجع اسم كاتب البوست تاني
لقيته منو نيستا ولا الحبشي
كاتبه انا انا ابوي اجيبو من محل ما ماداير وكت ما يعجبني ولا كيف
قلتليك انا حلمت بيك امس
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
قبل كل شي النسلم
ود البشرى سلام عليك ...علي قولة زول الله يطراهو بالخير
اها البعد قبل شي ممكن ننضم ؟؟؟
باقي انا عضو في حزب الغاووووون أهاا مسموح لي
بالنضمي هنا ولا من الممنوعين من الصرف ؟؟ 
اهاا برجا الاجابة بعدين بنضم فوتك بي عافية
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: منى على الحسن)
|
وعليكم السلام أستاذة منى علي الحسن
وفرصة نرحب بيك ولو متاخرة - لك العتبى وكدا
مداخلتك دي إنتظرتها لي كم يوم وفي بوست آخر زي ما فهمت من فلان
كود الغاوون استخدامه مختلف عندي واحب اطمنك بان عموم الجكس غير معني به
مقصودين الشباب و في الشباب القرض
قد يكون لفلان وجهة نظر اخرى - د حقه - لذا لزم التوضيح
يلا دي الإجابة الراجياها
في انتظار نضمك
| |
|
|
|
|
|
|
|
|
|
Re: صاحب اكبر مجموع مشاركات في البورد (Re: محمد البشرى الخضر)
|
سناريو ميلاد مداخلة زريفة- PART 1:
يتصفح البوردابي الزريف المنتدى بشغف مرددا في سره " يا ربي هناية كتبت الليلة , وفلانة ما لها ما زاهرة ليها مدة , بس إن شاء الله تكون قرت تعليقي ليها في بوسـ(ط)ـها"
ويلتهم الصفحة الأولى إلتهاما باحثا بين العناوين واسماء الكتاب عن مراده
ولما يعجز عن العثور عليها يلجا لخيار البحث ليكتب اسم هناية و عند ظهور الصفحة
يمتعض إذ يرى النتيجة و يردد " البوديها ترد على الفارغ دا شنو , و الزول الدمو تقيل دا انا مش قلت ليها ما تتداخلي معاه"
ثم يضغط على رابط الموضوع المعني و يقفز بين المداخلات حتى يصل لمداخلته اللتي كتبها امس
باذلا فيها من الجهد اخلصه و من الوقت اغلاه تدبيجا و معاينةً و تعديلات حتى اخرجها للوجود بيضاء من غير سوء
مليئة بالإقتباسات و الوجوه الضاحكة حافلة بالإشارات المبطنة و الرسائل اللتي لن تخفى عليها
يعيد قراءتها بتمهل و بعين ناقدة " ياخي الحتة دي ماكان في داعي ليها, دي كان اجيبها قبل ديك , لكن عموما ممتازة , اها النشوف ردت عليها كيف"
و ينزل ببصره سريعا متوقعا قراءة الرد ومستعدا لتلقي اسمى آيات الإعجاب و الإشادة ببراعة قلمه و توقد ذهنه
فلا يعثر عليها فيظن خيرا انها في آخر البوست فيخيب ظنه
ثم يعيد النظر كرتين بلا فائدة
وحينها ينتبه إلى وجود ردود منها لآخرين مشاركاتهم تلي تاريخ ووقت مشاركته
فيغلي الدم في عروقه ولكنه يقنع نفسه انها قد لا تكون مرت على مشاركته
ويبدا باعادة النظر فيما كتبته لهؤلاء الفارغين
فيهاله ما يرى من حسن تفاهم و طيب حديث لا يراهم اهلا له
و بإستعجاب شديد يتمتم " هناية دي ما عنده موضوع ولا شنو؟ دا كلام شنو البتكتبه للوهم ديل , طيب انا بوريهم "
TO BE CONTINUED
| |
|
|
|
|
|
|
| |
محمد البشرى الخضر
عاطف عمر
Abdulrahman Eldaw
مرتضي عباس
ناذر محمد الخليفة
bent awad el kareem
حيدر حسن ميرغني
حسين محي الدين
دينا خالد
GamarBoBa
محمد فرح
العوض المسلمي
haroon diyab
محمد عبد الماجد الصايم
Waeil Elsayid Awad
فيس بوك
تويتر
انستقرام
يوتيوب
بنتيريست