دعواتكم لزميلنا المفكر د.الباقر العفيف بالشفاء العاجل
|
|
 تسجيل المكالمات الهاتفية ....ليه؟؟؟
|
فهمونا يا خوانا
الحكاية دي انا كنت فاكرها حكر على سارة منصور باعتبارها سلاح بتستخدمو في حروبها
لكن صحفي كبير و مناضل قدر الليلة وبكرة و شاعر و ووو ... إلخ زي خضر عطا المنان @ هوت ميل .كوم لما يقوم بعملية زي دي يفهموها كيف
لا وكمان بلا خجلة بشير ليها في البورد
يعني معاهانظام تهديد ولاّ ابتزاز و لا شنو زاتو ما عارف
سألتو في البوست بتاعو كالعادة شبكنا ديوك و بط ومجهول و إكس و معادلات الدرجة التانية و اتجاهل الإجابة على السؤال
فيا اهل العلم هل منكم من يفتينا و يفهمنا النظرية شنو
واذا الحكاية دي عادي لدرجة معلم كبير زي دا يقوم بيها و يعلن عنها على الملأ تاني ما نتكلم في التلفون ولاّ كيف
حموودي ..
تلفوناتنا اغلبها غير صالحة للنشر وانت صحفي كبير برضك اوعى تكون بتسجل لي
غايتو ماااااااا عافي ليك
|
|
 
|
|
|
|
|
|
|
 Re: تسجيل المكالمات الهاتفية ....ليه؟؟؟ (Re: محمد البشرى الخضر)
|
لا عادي ولا حاجه ,,
في مركبات نقص عند من يفعل ذلك ,,,
وعلشان شنو يسجل ايا كان هذا الشخص ’’’
ويا زول قول البتقولو طالما من صاحبك كاروشه العسل ,,
اما الكبار فلا يقدر عليهم الا الكبار ,,,
ولو كاروشه بسجل يبقي الرماد كال حماد ,,,
| Quote: وانت صحفي كبير برضك |
يعني ما من الباقين ولا شنو ؟؟؟
سلام ودالبشري
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: ناذر محمد الخليفة)
|
| Quote: واذا الحكاية دي عادي لدرجة معلم كبير زي دا يقوم بيها و يعلن عنها على الملأ تاني ما نتكلم في التلفون ولاّ كيف |
معلم كبير شنو يا عمك ... دقيقه باللاي ما توهمنا ساي ...
ياخي نسيت انو (الزول ده) شبك ناس المنبر يا فارات ويا.... و قرب يقول يا شحادين عند خبر وفاة المغفور له الاستاذ ساتي ...
انت ده الوداك تهابش شنو ... وتفتح بوستاتو....
_____________________________________
* بس
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: saif massad ali)
|
أبو حتوت..
سجل لي أأه أنا سجل لي الريده..
__
تسجيل المكالمات بغير إذن تقوم به النفوس الرديئة واللئيمة، التي تغتاب الناس..
وإذا ساء فعل المرء ساءت ظنونه وصدق ما يعتاده من توهم؛ فالمتصوحف خطِل عطا المنان لا يؤاخذ، ولا يكلف الله نفساً إلا وسعها..
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: ارصد محمد جلال)
|
ود البشرى ....
دا كلام مناضلين كبار لانو فيهو تسجيل
اسى ود الصايم داالفاضى ليهو منو عشان يسجل كلامو ؟؟
لكن فعلا القصة محيرة تانى الواحد لو عايز يرسل مسنجر
ولا ايميل ولا حتى مسج ساى يفترض يراجع نفسو مية مرة
حتى يرسل ......
باوهام النضال المالية المنبر دى حتفقد العلاقات الانسانية عفويتها وطعمها
وعلى فكرة دى ما المرة الاولى زول يجى ويقول بحتفظ بتسجيل
او ايميل لزول تانى....
يعنى بعد شوية المنبر حيتحول لشنو ما عارفين
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: ارصد محمد جلال)
|
| Quote: الحكاية دي انا كنت فاكرها حكر على سارة منصور باعتبارها سلاح بتستخدمو في حروبها |
غلطان يا مجهول يا ديك!!!
تانى ما تفتكر كدا ,,, ما أكثر السّارّأت هنا!!!!
وكل حروبهم حروب قذرة,,,,
يعنى أصحابها ما يعانى!!
والعوجة والعوج راكبم من
راسم لى رجلينهم,,
يا باشمهندس,,,
عندما تسجل مكالمة لأى إنسان وتوحى بالتهديد ونشر الكلام على الملأ!!! فأنت لا محالة عاجز ومريض عجز نرجس دى زاتا!!!
عندما يسألك الناس عمّا تورده هنا من تفاصيل وأباطيل وتبدأ بشتم الناس( ديوك عدة ومجهولى هوية وغير أكارم وباقى
الأوصاف الرفيعة فأنت بدون شك,,,,,, نفس الشخصية!!!
حبوبة نرجس... الغلبا تلقى التسوى وبقت تفتش فى البطولات وأحاديث الأنا وبراى والناس وراى!!!هنا فى سوق أم دفسو بتاع
المبدعاتية وأصحاب أوهام الصحو والماضى المعتلّ والتاريخ الذى يخلو مما يفيد الناس!!!!!ولكن أوهامهم تصور لهم أنهم
قد وضعوا بصمة على جدار الزمان,,, قد تكون هنالك واحدة ولكنها للأسف مخجلة ويحاولون دوما تصويرها لنا بعكس ذلك,,
يا ود الخدر يا حبيب !!! زمنك أمانة فى زمتك,,,,
زى دا تدى على راسو فى محلّو لكن بس راعى عامل السن,,,,
مودتى ,,,
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: أيمن الطيب)
|
طبعا ياود البشرى
الناس العندها نقص في كل ما يشكل شخصيتها إبتداءا من طريقة مجيئهم للدنيا وحتى تفاعلهم مع البشر دائما ما يلجاؤن للحيل القذرة ويتجنبون المواجهة لانهم جبانين ومهزوزين في دواخلهم ..
الانسان إبن بيئته
فليرى إي ناقص من اي بيئة جاء
وبرضو الانسان إبن بيته
من أي بيت جاء
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد عبد الماجد الصايم)
|
سلام و تحية لجميع الكرام الذين شرفونا بالمرور و شاركونا التساؤل عن مدى اخلاقية و شرعية التصرف موضوع البوست
قبل المواصلة في الموضوع ..
تلقيت صباح اليوم مكالمة هاتفية من السيدة سارة منصور - التي ذكرتها في المداخلة الأولى مقرونة بظني ان تسجيل المكالمات حكر عليها - و دار نقاش طويل حول الموضوع
وقد استأذنتها في ايراد وجهة نظرها في البوست
تقول السيدة سارة انها صاحبة موقع اعلامي وهي اول من ادخل فكرة الحوارات المسموعة في عالم السايبر السوداني
وهي تُعلم الضيف ان الحوار مُسجل و تستأذنه في بثه قبل بدايته
وهي لا توافق على فكرة التسجيل من غير علم الطرف الآخر من حيث المبدأ
ولكنها في نفس الوقت ترى ان هناك بعض الحالات يجوز فيها التسجيل لشخص ما لحفظ الحقوق كشخص يسيئ أو لإثبات حق ما
في هذه الحالة هي تعتبر التسجيل يجوز ولا غبار عليه ما دام تم بنية سليمة او لغرض شريف
أتمنى ان اكون وفقت في نقل مضمون الحديث بدون ان أغير منه شيئا - الكتابة من الذاكرة لأني ما كنت مسجل المكالمة طبعا 
عن نفسي لا اتفق مع الجزء الأخير للحديث و اعتقد ان التسجيل لشخص ما من غير علمه حتى لو كان لغرض سليم تشوبه شبهات كثيرة
واظن ان لا قيمة قانونية له لو تم الإسشهاد به امام القضاء - مالم يتم بإذن جهة قانونية
نعود لموضوعنا
التسجيل المشار إليه في بوست خضر عطا المنان @ هوتميل.كوم هل تم بعلم الطرف الآخر ام لا
اتمنى ان يكون بعلمه على الأقل يحفظ للصلعة هيبتها و تكون المصيبة واحدة
اما إذا كان بغير علم الطرف التاني فـالليلة وووب عديل كدة - خجّالات الحلة كلها ما حتكفي
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد عبد الماجد الصايم)
|
| Quote: بس ما تكون ضغطت عليكـ شديد |
لا لا ياخي ابو حتوت دا دبلوماسي ..
بيكون شبكا ليك انه الوضع الراهن ما بحتمل اي صراعات بين تحالف قوى الشعب العاملة .. وانتي برضو الكبيرة .. وانا في مقام اخوك الصغير ..
مش كدا يا طنط ..
طبعا الافتتاحية هي البتكون صعبة .. لمن هجمتو وقالت ليهو .. هووووي يا بيضة جايب سيرتي ليه ..
ما بعيد يكون قال ليها ياخي انا بعتبرك مثل اعلى بالنسبة لي ..
..
..
اها ..
تكوتوا و لا تموتوا .. صاحبك طوالي جا نزل وجهة نظرها .. بمبدا الشفافية وكدا ..!!
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: humida)
|
حميدة شكلك لسة ما استوعبت الفرق بين الصعلقة و العبط رغم مجهود محسن معاك
ما مشكلة نتبرع ليك بدرس عصر
شوف يا ظريف -أو كما تحسب
الواحد لما يتجاهلك مرة و مرتين ما تفتكر عامل ليك حساب أو شايل هم لسانك السليط أو ما تظنه صعلقة و شيطنة وهو مجرد عبط وسيلان ريالة ليس إلاّ
مشكلتك بتبدا الهبل و ببقى ليك حار لما يتّم ليك
و نبقى في مسنجرات و يا بكري و كنت بمزح وما إلى ذلك من كلام ني
افتكر تجاهلي ليك قبل كدا يكفي لتفهم اني لا ارغب في التعاطي معك باي شكل كان
وقبل كدا على ما اذكر قريت ليك جرسة او شيئ من هذا القبيل قلت لي فيه اتركني في حالي ولاّ تلب من حياتي حاجة كدا من عبطك المعتاد
المهم قلنا ما مشكلة انا الكبير برضك و في النهاية مكسب
فليست لي القدرة على تحمل ثلاثة أشياء منها ملاح الأسود و العبط و حاجة تالتة نسيتها اسي
و لو ملاحظ خالص ما حصل اتداخلت معاك او جبت سيرتك
فمالك يا ولدي ؟
الجابك هنا شنو ؟
آي هوب تكون فهمت
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد البشرى الخضر)
|
وهبة يا عمك
قلت لي منبثق
معلم والله
سلامات يا مسلمي | Quote: لا عادي ولا حاجه ,, |
اتفق معاك وكدا
هارون يا عمك ..| Quote: مناضلين اخر زمن ياحبوب.... |
القصة ما اظنها مربوطة بنضال أو غيرو
في النهاية هي قناعات شخصية
روغيم | Quote: واللا ننتظر التهنئة بعيد الام أول |
ياخي جننت المتابعة جن
اتفضل شارك ابوي دا ما هو المقصود
راوية وكدا | Quote: إنت البوديك هناك شنو؟ |
تصوري بستمتع بي بوستاتو جدا و متابعها كلها
لكن حيرتني قصة التسجيل دي للامانة
ناذر يا عمك ...جيب ابوي ... جيب
ولاّ يهمك
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد البشرى الخضر)
|
هلا يا سنوسي ...
ما نسيت لكن كل حاجة براها
بتتوني ياعمك | Quote: ومتي ما تلف وتدور بكلمها واليحصل يحصل |
والله تجيب ليها سيرة ولو بالغلط ساكت تاني لا بيني لا بينك
ولا تقول لي صلة رحم ولا قرابة
أوعك
أبو اليا | Quote: تسجيل المكالمات بغير إذن تقوم به النفوس الرديئة واللئيمة، التي تغتاب الناس.. |
تمام
جنبنا الله شر لؤم النفوس
ود المايقوما ...
العامل زي محمد عادل منو؟
أنا ولاّ سيف
بت الشيخ ..| Quote: اسى ود الصايم داالفاضى ليهو منو عشان يسجل كلامو ؟؟ |
صدقتي والله
وهو شن طعم الكلام النصو يا عمك و النص التاني كااااك
أبويمن ...| Quote: زى دا تدى على راسو فى محلّو لكن بس راعى عامل السن |
ياخي مشيت ليه في محلو سألتو شبكنا ليك دجاجي يلقط الحب و ديك عالي الصوت
خليناه ليه جينا فرشنا بي جاي
ياخي احتجتك في استشارة فنية إلا بت العم ما قصرت
هلا يا حيدر
الإنسان ابن بيئته و بيته في دي صدقت
حموودي | Quote: لو قعدنا نسجل ما حنلقى خــور مقاسنا |
ليه؟
انتو قاعدين تتكلموا في شنو اصلو؟
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد البشرى الخضر)
|
شوف يا عمك
قالو سألت عن تلفوني وانا وين؟
ما علينا
شفت كلام ساره منصور ده انا سيم سيم
حتي الجزئية الاخيرة لضرورات المهنة
والقاعد يتونس مع صحفي حقو يقدر ان ده اكل عيشو
يعني اخلاقيات المهنة ما بالضروره تكون هي اخلاقيات عامة
و بس الناس تفهم دي ولمن تصاحب ليك صحفي
اعمل حسابك ما تجرو خمسين طوالي بيقتك
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد البشرى الخضر)
|
يا عمك الصحافه زمان كان الكادر الوظيفي عندها
مخبر محرر و سكرتير تحرير وانت طالع
الوصف الوظيفي للمخبر بس المهم يجيب خبر
يعني يجي يقول الزول ده سراني بالكلام
و مكنات من هذا النوع اذا كان عنه واسطه بيحول للمطبعه لصف الحروف
غير ذلك الشارع
عرفت اكل العيش مر
و درب المعيشه ما فيهو نبيشه
تابع يوم عمك هيكل علي قناة الجزيره
تقدر تقدر ظروف العمل
| |
|
|
|
|
|
|
|
|
 Re: تسجيل المكالمات الهاتفية ....ليه؟؟؟ (Re: osman righeem)
|
تعرف يا عمكـ
من أهم أدوات الصحفي ـ ركّز على الصحفي دي ـ جهاز
تسجيل المكالمات الهاتفية، مش عشان تسجل وتبتز الناس
عشان صعبة إنكـ تتكلم مع واحد في التلفون وتكتب الموضوع في نفس
الوقت، بتسجل المكالمة وبعدين تعمل الموضوع بالطريقة المناسبة
باستخدام جهاز التسجيل، وطبعا دا كلو بعلم الشخص البتتكلم معاهو!
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: humida)
|
و هناك ما اسوا و اضل من تسجيل المنالمات الهاتفية
يهاتفك احدهم و فجاءة يجيب سيرة زول البيناتكم ما عامرة
و بالطبع تفلت منك كلمة ما و يكون نفس الزول فاعد معاهو و (صاحبك) مشغل اللاودسبيكر!!!!!!!!!!!!
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد فرح)
|
روغيم ياخي ما قادر اقتنع بكلامك دا
حسي تسجيل مكالمة ود الريح أكّل زولك عيش بي وين بس
حموودي...
يعني تلقائيا كل مكالمات الصحافي مسجلة وفي نهاية اليوم يقوم يفرّز ولاّ كيف يعني
بعدين افتكر انت بتتكلم عن لقاء صحفي يعني شغل
وزي ما قلت بعلم الطرف التاني يبقى الكلام القالو و اتسجل هو مسؤول عنه
دي حالة غير
حميدة عبيط الرياض و اعمالها
كونك ما جريت لبكري ولاّ رسلت مسنجر كالعادة دي ما ساهلة أبدا و تستحق احتفاء خاص
النكمل ردود على الشباب ديل واجيك برواقة
لكن يا عوض الحالة الحكيتها دي ما بتعفيك من اللوم
باعتبار جيب سيرة شخص غائب , بعدين اذا اصلها ما عامرة معاه في ستين ما يسمع
ساني يا عمك
ازيك
قلت لي محن يا ود فرح
دي بالغت فيها
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد البشرى الخضر)
|
حميدة العوقة قلت لي Quote: غاغ غاغ غاغ ..
خلي لباسك واسع يا عمك ..!!
..
..
بالمناسبة وين صاحبتك ياخي .. شايفا بعد تصريجتين كدا اختفت .. |
ولد دا ...اها اسي شنو مفروض يحصل شنو يعني
أخجل انا و ادنقر راسي في الواطة مش؟ واخلّي ليك الدرب و البورد و الحياة نفسها لو امكن
يا ود انت مواليد كم ؟ و قلت لي اتخرجت من ياتو جامعة تجارية ؟
أحيييي يا قلبي من شكل ناس الشهادة العربية دا
ناس يا فلان انا بعرف جيرانكم وتاريخك ووووو
و يا إنتي اصحابي لاقوكي في الحفلة الفلانية
والله وما طالبني حليفة بعد الدش الأخدتو و البراطيش الإنهالت على راسك الفاضي في بوست يحيى فضل الله افتكرتك تكون عقلت و بطلت الإسلوب الخايب دا
لكن نسوي شنو عاد , مرمي الله البرفعك منو
اها الناخدك على قدر حبة الفول المدمس الخاتيها جوة جمجمتك و معلق عليها يافطة (يوجد هنا مخ)
آي صاحبتي و نعم سابت الموقع بعد تصريجتين تلاتة , أها سو وات
اتفنجرت يا ابزرد , اتخوجلت يا الكيك , الحصل شنو
لا زلت بقول ليك انك عبيط واهطل و عوقة و محتاج تشوف ليك كلينيكس بصورة عاجلة تقش بيه ما سال من ريالتك و قرفك
تمام معاك
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: osman righeem)
|
حميدة ...
شنو القال لي منو و بتاع إنت داير تتونس معاي ولاّ شنو يا ود
أخد الفيها النصيب و اتطلّب الله
ومالك الليلة بدري بدري كدا
ووين الدورة دي الحتة بتاعة (انت لست ندا لي) و(و ح أكرهك البورد) و باقي عبطك الما أنزل الله به من سلطان
مالك عملت ليها سكيب و طوالي نطيت على الفينيشنق
يا زول اقول ليك شي
الله يدينا و يديك ... الله كريم
روغيم ... يا عمك
دردقة شنو ابوي
انت ما لعبت وست يا حاج ولاّ كيف
في حاجة اسمها مسك لعب و رد أتو وكدا
كيكي وين ياخوانا
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: محمد أحمد الريح)
|
| Quote: واظن ان لا قيمة قانونية له لو تم الإسشهاد به امام القضاء - مالم يتم بإذن جهة قانونية |
قانون الإثبات السودانى لسنة 1993
البينة المتحصل عليها بإجراء غير صحيح
5- (1) مع مراعاة أحكام الإقرار والبينة المردودة لا ترد البينة لمجرد أنه تم الحصول عليها بإجراء غير صحيح متى اطمأنت المحكمة إلى كونها مستقلة ومقبولة.
(2) يجوز للمحكمة متى ما رأت ذلك مناسباً لتحقيق العدالة، إلا ترتب إدانة بموجب البينة المشار إليها في البند (1) ما لم تعضدها بينة أخرى.
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: azhary awad elkareem)
|
Quote: قانون الإثبات السودانى لسنة 1993
البينة المتحصل عليها بإجراء غير صحيح
5- (1) مع مراعاة أحكام الإقرار والبينة المردودة لا ترد البينة لمجرد أنه تم الحصول عليها بإجراء غير صحيح متى اطمأنت المحكمة إلى كونها مستقلة ومقبولة.
(2) يجوز للمحكمة متى ما رأت ذلك مناسباً لتحقيق العدالة، إلا ترتب إدانة بموجب البينة المشار إليها في البند (1) ما لم تعضدها بينة أخرى |
في الصحافة ليس مقبولا ، لا اخلاقيا ولا مهنيا، ان تسجل اي محادثة مع اي مصدر او اي شخص دون علمه ..
ليس ذلك فحسب، بل ان الصحافي ملزم اخلاقيا بعدم نشراي معلومات ابلغه اياها المصدر باعتبارها م
علومات ليست للنشر "اوف ريكورد" .
ومن ابجديات العمل الصحافي ان تقابل المصادر بصفتك الصحفية وان يجري ابلاغ المصادر بوضوح بان
الحديث معها للنشر.
وما حدث من الاخ خضر عطا المنان لا يشبه الصحافة ولا الممارسة الصحافية باي حال من الاحوال ، لانه
ارتكب خطيئين لا تغتفران في الصحافة. الاولى هي تسجيل حديث مع مصدر دون علمه ..
والثانية استخدام هذه المحادثة بطريقة اشبه ما تكون بـ"الابتزاز".
ما حدث لا يمكن تبريره لانه يشكل اساءة بالغة للصحافة وللصحافيين، الذين لا يمثلهم قطعا السيد خضر وامثاله.
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: حسن البشاري)
|
انت مالك هارش من تسجيل المكالمات الهاتفية يا عمك ...
ده كلام بقولوا زول في العمر ده وعندو عيال ... هسة امهم تقول شنو ..
---------------
اسمع كلام صاحبتك راوية دي اخير ...
وليك وحشة ... انت عارف البورد ده ناقص ... ابراهيم دبشق الله يطراهو بالخير دلنا عليهو كان عارف مكانو ...
| |
|
|
|
|
|
|
|
|
|
Re: تسجيل المكالمات الهاتفية ....ليه؟؟؟ (Re: عماد محمود علي)
|
سلام شباب ...
الموضوع دا بدأ بتساؤل عن شرعية و أخلاقية تسجيل مكالمة هاتفية لشخص و تهديدو بنشر التسجيل فيما بعد
لكن بالشفناه في البوست المعني تتسع دائرة التساؤل لتشمل التهديد او الهجوم على شخص ما باستغلال المعرفة به و الإستشهاد بآخرين كانوا او لازالوا على علاقة معه
او بصيغة اخرى :
الاسلوب الاستخدمو فاروق في مهاجمة خضر فون هل يليق او يصح؟
وهل كون الشخص سيئ أو شرير يبرر لك ان تصير أشر أو احط منه في هجومك عليه
هل يلغي ذلك حقوقه و يجعله سيرته و حياته الخاصة و عوراته نهب للأعين و الألسن
| |
|
|
|
|
|
|
|
|
 Re: تسجيل المكالمات الهاتفية ....ليه؟؟؟ (Re: محمد البشرى الخضر)
|
سلام يا ود البشرى,,Quote: سلام شباب ...
الموضوع دا بدأ بتساؤل عن شرعية و أخلاقية تسجيل مكالمة هاتفية لشخص و تهديدو بنشر التسجيل فيما بعد
لكن بالشفناه في البوست المعني تتسع دائرة التساؤل لتشمل التهديد او الهجوم على شخص ما باستغلال المعرفة
به و الإستشهاد بآخرين كانوا او لازالوا على علاقة معه |
من المؤكد أن هذا العمل غير أخلاقى وبالتالى لا مشروعية له وحين تصل الأمور لتهديد وإبتزاز الآخر فإن أقل ما يمكن وصفه به أنه عمل جبان وقذر,,Quote: الاسلوب الاستخدمو فاروق في مهاجمة خضر فون هل يليق او يصح؟
وهل كون الشخص سيئ أو شرير يبرر لك ان تصير أشر أو احط منه في هجومك عليه
هل يلغي ذلك حقوقه و يجعله سيرته و حياته الخاصة و عوراته نهب للأعين و الألسن |
عندما يصر إنسان على إستعداء الآخرين دون داع ودون سبب!! عندما يبدأ أحدهم بالعداء السافر للغير والفجور فى خصومات جبانة ليس لها أسباب واضحة لنا هنا فى هذا المكان وإن وجدت فى أماكن وأزمان أخر!! عندما يعتقد البعض أن كلماته التى يكتبها هنا مسيئا محطا طاعنا وهامزا ولامزا لأحد الناس مستبطنا ومضمنا للمعانى والكلام ويذهب للإختباء شهورا لا لشى سوى عدم الرقيب وعدم وضوح اللوائح التى تحد من مثل هذه الأعمال !! قد يتملك الغضب المواقف !!ولكن أجيبك أن الأخلاق أيضالا يمكن أن تتجزأ وليس من مبرر فى مبادلة الفعل بنفس الفعل ولكن المعضلة والمشكلة تكون حين تبدأ حرب قذرة يصعب معها سماع صوت العقل والبحث عن المثل والأخلاق حينها يكون صعبا وتحدث التجاوزات ولكن كما يقال البادئ أظلم!!!
فليعظّم ويمجّد من أراد نفسه وينفخ ما وسع منفاخه ولكن أعراض الناس وأسرارهم وخصوصياتهم خط أحمر!!!النظر للناس وكأن سكناك الثريا و كلهم أقزام والتعامل معهم كأنما هم جميعا مرتزقة وخونة وحُسّاد تملأ نفوسهم الأحقاد!!!! وعديمى مثل وأخلاق ومبادئ لن يجلب له الأزهار !! نيران خلق الله سوف تنفتح بإتجاهه والإحترام والأدب لن يبادله الناس سوى بمثله!!إلا من فى نفسه مرض ,,,
بعد إنحسار الغبار والدخان ,,,من كان بيته من زجاج!!!!! مثل يعرفه أى ديك حايم فى هذا الدنيا دعك من ديوك العدة الهنا!!!فلماذا لا يتعظ صاحبكم؟؟؟؟
ألحمد لله الذى جعلها (أرشفة)
مودتى ...
| |
|
|
|
|
|
|
| |
محمد البشرى الخضر
عبدالوهاب علي الحاج
العوض المسلمي
haroon diyab
osman righeem
Rawia
ناذر محمد الخليفة
Elsanosi Badr
saif massad ali
Yassir Tayfour
ارصد محمد جلال
أيمن الطيب
حيدر حسن ميرغني
محمد عبد الماجد الصايم
humida
محمد خليل ساني
محمد فرح
حسن البشاري
فيس بوك
تويتر
انستقرام
يوتيوب
بنتيريست