فنيات , تكتيكات و نصائح... لطالبي العضوية و الأعضاء الجدد

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 08:59 PM الصفحة الرئيسية

مكتبة محمد البشرى الخضر(محمد البشرى الخضر)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-06-2008, 03:14 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


فنيات , تكتيكات و نصائح... لطالبي العضوية و الأعضاء الجدد

    اولا نرحب بكل الاعضاء الجدد و نتمنى التوفيق للراغبين في العضوية ولا زالوا حبيسي قوائم إنتظار عمك
    اهديكم بعض النصائح و الفنيات من واقع الفترة اللتي قضيتها في البورد
    و اتمنى من اخوتكم الأعضاء القدامى ان يرفدوا البوست بنصائحهم المستمدة من خبراتهم و تجاربهم

    ابدا للاعضاء الجدد بشوية مواضيع بيض كدا

    اولا الإقتباس
    لما تكون عايز تقتبس من مداخلة غيرك جزء من الحديث عشان ترد عليه او تستعين بيه او ساي بس
    و بعد ضغطك على زر اقتباس , بظهر ليك ويندو بالشكل دا غالبا



    تقوم تظلل الخارم بارم دا كلو وتديه البحر و تلصق الكلام العايز تقتبسه من المداخلة الأصلية و تضغط اوكي وكدا

    اهم حاجة الكود بتاع الكوت تتاكد انه مقفول
    كيف يعني ؟
    يعني زي ما الكود بادي بي كلمة quote بين قوسين مربعين يكون مقفول بـ /quote بين قوسين مربعين برضو
    لو ما كدا البوست حيجوط و يبقى شكلو ما انزل الله به من سلطان

    دا موضوع الكوت بالنسبة للخطوط و الألوان و الصور و الفيديو و المزك
    راجع اللنكات دي
    اكواد
    و الجهد المقدر لأخونا لؤي
    http://وفاءً بوعدي .. بوست الخطوط والألوان والصُّور والأغنيات
    لؤي طبعا زول فنان بمعنى الكلمة وكفى

    و بالمرة عشان خاطر ناذر بحب الحركة دي - حركة جبيب اللينكات - اوصي بمراجعة :
    http://موجهات وتكتيكات ضرورية لبرالمة المنبر الجدد ..
    http://تكتيكات أوتومسفيرية للكتابة في المنبر (أمثلة حية وتطبيقات) !!!
    ناذر دا برضو زول فنان وكان نجم البورد في احدى السنوات السابقة لكن عندو عيبين تلاتة
    اولا كرهنا بالموصلي
    ثانيا حركة يجيب ليك البوست ولا اللنك جوة البوست بتاعك - ورد ذكرها فوق
    تالتا عندو ذوق سيئ في اختيار الوان القمصان البظهر بيها في التلفزيون و الحكمة طوالي بستضيفوه كانو قاصدين يحرجوه

    ما علينا
    نواصل في النصائح و الفنيات...

    (عدل بواسطة محمد البشرى الخضر on 31-01-2009, 09:35 AM)

                   |Articles |News |مقالات |بيانات

10-06-2008, 03:53 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    سلام وتحية...
    Quote: فنيات , تكتيكات و نصائح

    راجع وتابع بوست....أسابيع البورد!!

    تقديري أخ محمد
                   |Articles |News |مقالات |بيانات

10-06-2008, 04:32 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: salma subhi)

    اختنا سلمى...
    Quote: راجع وتابع بوست....أسابيع البورد!!
    مالك صعبتيها عليهم
    بوست نصو مشفر و النص التاني لو ما تابعت كم يوم بتروح
    للامانة لا انصح العضاء الجدد يبدو بيه
    اما اعزائي المتصفحين فاخير ينسوا الموضوع

    بمناسبة اللامناسبة دي نفتقد بوستاتك المميزة وكدا
                   |Articles |News |مقالات |بيانات

10-06-2008, 04:25 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    اخوانا طالبي العضوية , المتصفحين , اعزاءنا القراء
    قبل ما ابدا النصايح في شوية حندكة
    You don't know what you miss

    تخيل انك بتتصفخ في البورد لقيت موضوع دسم و فيه حوار جيد و اراء مختلفة و انت عايز تدلي بدلوك فيه
    او تكون هلالابي نار منقد قريت واحد مريخابي بغالط انو الهلال ما يستاهل يشيل الدوري الأخير عشان الحكم ما عارف شنو
    او قريت واحد واقع افتاء في موضوع من صميم تخصصك و يشيل و يلبس في الباقين العمة
    او واحد ناقل موضوع تكون انت كاتبه و تعبان فيه و غير ليه كلمتين تلاتة في الأول و قاشر بيه و خاتي اسمه
    او في بوست بتاع ذكريات عن الجامعة او المدينة او المدرسة و الشله كلها بتكتب و جايبين سيرتك
    او لقيت واحد - او واحدة - دفعتك او صاحبك من سنين ما لاقيته كاتب هنا او خاتي صورتو وعاوز تتواصل معاه
    بكل براءة تضغط زر رد - عامل فيها ما عارف حاجة
    تجيك دي ناطة



    يا سلاااااااااااام حارة ياخ

    دي بالمناسبة صفحة الرد عاملة كدة - للعلم فقط



    لا ولسة شوف إنت محروم من شنو كمان - عزيزي القارئ

    سمعت بالمسنجر , يازوووووووول دي حكاية تانية
    كدي كحل عينك بمنظر ما اظنك شفتو قريب



    وشوف كمان



    اها المسنجر دا براه قصة إن الله هون لي قدام بديك طرفها

    نواصل ...

    (عدل بواسطة محمد البشرى الخضر on 31-01-2009, 09:53 AM)

                   |Articles |News |مقالات |بيانات

10-06-2008, 05:33 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    أخي محمّد البُشرَى
    سلامات

    شُغُل نضيف
    ووالله فنّان إنت





    وُدّي


    أنـا في البـعـيـد مُـشـتـاق لهـمـسـة من الوطن يا نـسـمـة

                   |Articles |News |مقالات |بيانات

10-06-2008, 05:42 PM

mohmed khalail
<amohmed khalail
تاريخ التسجيل: 14-06-2007
مجموع المشاركات: 4484

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: لؤى)

    ابو حتحوت

    لكن ناذر ده بستفتو بستفتة السنين

    وبعدين ..قلت لي (العرس ما منعني امشي هناك مرض شنو البمنعك)



    والله يا عمك دي قلبت فيها الهوبه عدييييل

    بس ما تكون لابس جلابية والهواء شديد
                   |Articles |News |مقالات |بيانات

10-06-2008, 06:44 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: mohmed khalail)

    محمد خليل يا عمك...
    Quote: وبعدين ..قلت لي (العرس ما منعني امشي هناك مرض شنو البمنعك)
    متين قلت ليك ( الليلة اغالطك غلاط)
    جيب دليلك
    جيب الإقتباس
    جيب اسانيدك
    جيب جوازك
    جيب ...



    اعلاه في سياق ضرب المثل لكيفية الغلاط و اللياقة المتبعة في البورد
    سيرد ذكرها لاحقا...
                   |Articles |News |مقالات |بيانات

10-06-2008, 06:39 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: لؤى)

    ابو اللول يا عمك...
    Quote: ووالله فنّان إنت
    يا راجل بطل تواضع
    احنا عنقالة ساي

    Quote: محمّد البُشرَى
    بمناسبة التشكيل دا يا عمك
    جدا واجعاني قصة انو اليوزر نيم بتاعك مكتوب غلط بالألف المقصورة
    حسي عليك الله كان لمت فيك ايمان صالح في حملتها المشهورة على الأخطاء الإملائية حتتصرف كيف؟
                   |Articles |News |مقالات |بيانات

10-06-2008, 06:53 PM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)



    أنا مُش مسؤول





    دا بكري دا


    أنـا في البـعـيـد مُـشـتـاق لهـمـسـة من الوطن يا نـسـمـة

                   |Articles |News |مقالات |بيانات

10-06-2008, 06:35 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: نواصل

    اها يا عزيزي المتصفح
    الطريق للحاق المولد اعلاه يمر - فقط - بعمك بكري
    و عمك صاحب مزاجات
    طبعا الحديث فيما يلي موجه للمتصفح - طالب العضوية - العادي الغير معروف
    و اللذي ليس علما في مجال الإعلام او الصحافة او الشعر او الإدب
    او ليس من دفعة بكري في الجامعة ولا يقيم في امريكا - اريزونا تحديدا , و ليس من الحلفاية

    هذا العضو العادي يحتاج للحصول على العضوية لترشيح و تزكية من اعضاء آخرين يفضل ان يكونوا من ذوي الحظوة او وثيقي العلاقة بعمك
    يعني يا المتصفح العادي ما تضيع وقتك في تدبيج الإيميلات و الرسائل ساي
    إيميل واحد لشخص وثيق الصلة بعمك و يا حبذا لو كان من المذكورين اعلاه كفيل بفعل ما تعجز عنه آلاف الإيميلات

    نقطة تانية مهمة و فعالة و هي إذا تيسرت لك مقابلته شخصيا فمن السهل حينها الحصول على العضوية
    ودي دايرة مقص لإحدى رحلتي الشتاء و الصيف السنويتين للخرطوم و يا حبذا لو كان طلب العضوية بعد او اثناء لقاء البورداب
    يمكن توسيط بورداب الخرطوم في الأمر

    هذا لا ينفي امكانية الحصول على العضوية عن طريق الإيميل و احيانا من رسالة واحدة كما حدث للبعض - في النهاية ارزاق

    (في بعض النصائح و التكتيكات فعالة و مجربة لكن ليس من الحكمة طرحها على الملا فقد تلحق البوست الزينين)

    اتمنى عزيزي المتصفح ان توفق في سعيك وتنال العضوية
    وترى هذه الرسالة السحرية



    الآن انت جاهز لتنطلق
    نواصل معك كعضو جديد

    (عدل بواسطة محمد البشرى الخضر on 31-01-2009, 09:59 AM)

                   |Articles |News |مقالات |بيانات

10-06-2008, 07:10 PM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    يااا عمكـ ياخ البركة بالشوفة

    وحمدعلى سلامتك مفتقدنك وكدا !

    شايفة موضوع الماجستير ماشى كويس وانتقلت للبراكتيكل !


    Quote: تقوم تظلل الخارم بارم دا كلو وتديه البحر و تلصق الكلام العايز تقتبسه من المداخلة الأصلية



    لقيتك بتاع تلتلة لكن الاسهل انك تدوس ال ري سيت وكل الكلام بمشى براهو لاتظليل

    لا غرامة !


    Quote: اولا كرهنا بالموصلي


    سيف الجامعة وانت الصادق ،، لكن الباقى عن ناذر دا اتقطعت فيهو ! لووووووووووووول


    Quote: اها يا عزيزي المتصفح




    انت قاصد خضر حسين خليل !!! مش كدا ؟ كلمهم عدييل كدا كلمهم ما تخجل


    وحذرهم هم ذاتهم عاااادى ممكن يتحول الواحد منهم لى متصفح مرة اخرى

    وبقدرة قادر يبدا من المداخلة رقم واحد ( ود المايقوما نموذجا )

    وذلك اذا ارتكب احدى الموبقات الكم ما عارف ::::

    1- ان يرطن برطانة اهلو الملولوة ديك فيظهر الضعة والانكسار المنكورين ..

    2- ان يتشالق فى فنيات البورد وفتحها فى البوستات

    3- ان يعود مريضا مرتين

    4- ان يهوب ناحية المتبريين من لسانهم

    وكدا وكدا

    وستكون عزيزى البرلوم فى غضب الله اذا تدرعك او تدرعتك احد قدامى البورداب من العتاقى

    فاحذر لدغاتهم وامشى جنب الحيط عند مرورك باحد النجوم اللامعة

    تقرا البوستات لمالها او لجمالها او لحسبها البوردى او لنسبها لنجوم البورد فاظفر

    بذات الصور والفيديو تربت يداك












    ـــــــــــــــ
    البشرى ؟ حقى وين ! داير تقنعنى انو الحصصص دى مجانية ؟
                   |Articles |News |مقالات |بيانات

12-06-2008, 03:53 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: دينا خالد)

    دندونتو وكدا
    الله يسلمك ياخ ومشتاقين
    شايفك متألقة في الصور
    قصة الريسيت معاك حق فيها لكن انا عشان اعتدت على الشورت كيز الموضوع بياخد 0.037 ثانية معاي Ctrl+A و Ctrl+X وكدا

    Quote: وذلك اذا ارتكب احدى الموبقات الكم ما عارف ::::

    1- ان يرطن برطانة اهلو الملولوة ديك فيظهر الضعة والانكسار المنكورين ..

    2- ان يتشالق فى فنيات البورد وفتحها فى البوستات

    3- ان يعود مريضا مرتين

    4- ان يهوب ناحية المتبريين من لسانهم

    وكدا وكدا

    وستكون عزيزى البرلوم فى غضب الله اذا تدرعك او تدرعتك احد قدامى البورداب من العتاقى

    فاحذر لدغاتهم وامشى جنب الحيط عند مرورك باحد النجوم اللامعة

    تقرا البوستات لمالها او لجمالها او لحسبها البوردى او لنسبها لنجوم البورد فاظفر

    بذات الصور والفيديو تربت يداك
    عزيزي العضو الجديد
    نصيحة لله كلام خالتك مفراكة دا تظلله وتديه البحر برضو
    شنو تمشي جمب الحيط
    دي نصايح مثبطة للهمة و لها اثر العطرون في الدماغ يا انتي
    العضو كامل الأهلية يمشي و يقدل في نص البورد في عين اجعصها سينير
    البورد دا ما حق زول - حتى الان حسب نظرية ود جبر الله

    المهم يادندونتو باللاي ادينا نصائح مفيدة
    خلي الناس تستفيد ياخ

    Quote: حقى وين
    اموت وافهم قصتك مع الحق دي شنو؟
    (وش اب شنب بدخن ايامو الكان لسة بشنب)
                   |Articles |News |مقالات |بيانات

10-06-2008, 09:26 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: تخيل انك بتتصفخ في البورد لقيت....
    وبكل براءة.....وعامل فيها ما عارف حاجة

    Quote: تلصق الكلام العايز تقتبسه

    مثلاً...
    Quote: للامانة لا انصح العضاء الجدد يبدو بيه
    اما اعزائي المتصفحين فاخير ينسوا الموضوع

    بعد ده تقوم تجاوب وممكن تكون إجابتك في صميم الموضوع



    done
    أها بعد ده دايرهم ينسوا برضو!!

    واصل واصل أخونا محمد
    متابعين
    وما زلنا نستفيد!

    تقديري
                   |Articles |News |مقالات |بيانات

12-06-2008, 04:04 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: salma subhi)

    اختنا سلمى
    Quote: واصل واصل أخونا محمد
    متابعين
    وما زلنا نستفيد!
    بطلي التواضع دا ياخ
    انتي استاذتنا ومنك استفدنا الكتير اتمنى انك تضيفي لينا في البوست من خبراتك و انطباعاتك عن البورد الكتير


    عزيزي العضو الجديد....
    لما الواطة تسخن و العجاجة تقوم و البورد يبقى كلو حروب و معارك و حاجة جدا تعيسة و مزعجة
    شوف وين اختنا سلمى كاتبة و انخ بعيرك هناك (نصيحة ذهبية)
                   |Articles |News |مقالات |بيانات

20-07-2008, 06:56 PM

ابوعبيدة حسن محمد
<aابوعبيدة حسن محمد
تاريخ التسجيل: 02-03-2004
مجموع المشاركات: 482

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote:



    او ليس من دفعة بكري في الجامعة ولا يقيم في امريكا - اريزونا تحديدا , و ليس من الحلفاية




    دلوقت دي نسميها شنو يا ود البشري ؟!!


    جهوية ؟!!

    عنصرية ؟!

    ولا شنو؟1!!




    عشان لامور تكون واضحة بس يعني !!
                   |Articles |News |مقالات |بيانات

21-07-2008, 07:54 AM

Raja Abayazid
<aRaja Abayazid
تاريخ التسجيل: 13-07-2008
مجموع المشاركات: 34

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    اولا انا ما معاك في كلامك عن بكري
    لاني انا عضوه جديده ولست اعلاميه ولا من الحلفايه ولا

    ثانيا شكرا علي الدروس وساكون اول المستفيدين منها
                   |Articles |News |مقالات |بيانات

10-06-2008, 07:31 PM

العوض المسلمي
<aالعوض المسلمي
تاريخ التسجيل: 27-11-2007
مجموع المشاركات: 14076

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ود البشري ياعمك سلام

    حصص المجانيه زمان كانت وين؟
    يعني فتحت بوستات واتعلمنا منكم بعد ذلك
    يعني دي دروس مجانيه ولا الموضوع فيه ان؟
    انا واثق ..ولكن حمودي البقنعو منو؟
    وبالجد موضوعك ده يستحق بوست ماجستير
                   |Articles |News |مقالات |بيانات

12-06-2008, 04:16 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: العوض المسلمي)

    المسلمي ياعمك
    ازيك ياخ
    اها وقت جيت يلا احكي للشباب ديل تجربتك ايامك الجديد و اديهم فكرة عن بداياتك


    نصيحة فضية....
    الدنيا ما طايرة عزيزي العضو الجديد
    اقرا اكتر مما تكتب في الأول و افهم ما بين السطور جيداالناس هنا عندها المحن وباطن حديثها غالبا لا يشبه طاهره
    وعموما شيل رجلك من البنزين (فاكرها يا العوض)
                   |Articles |News |مقالات |بيانات

10-06-2008, 09:09 PM

النذير الطاهر عثمان
<aالنذير الطاهر عثمان
تاريخ التسجيل: 08-06-2008
مجموع المشاركات: 102

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    الاخ محمد البشري الخضر
    شكرا لنصائحك المفيدة وعلي درس فنيات وتكتيكات استخدام البورد.
    ولك ودي.
                   |Articles |News |مقالات |بيانات

12-06-2008, 04:17 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: النذير الطاهر عثمان)

    مرحب بيك يا النذير و مبروك العضوية
    اتمنى تكون بوستات الآخوان الفنانين لؤي و ناذر افادتك
                   |Articles |News |مقالات |بيانات

10-06-2008, 10:25 PM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)




    ود البشرى بالله البوست ده أرفعو لكليه أو جامعه ,, كلنا محتاجين للكورسات
    دى , وممكن تستعين بمساعدى تدريس زى أختنا دينا .
    مستعدين لدفع المصاريف بالسودانى أو الدولار أو اليورو , وممكن تكون المحاضرات
    عبر المسانجر , بس فى حالة المحاضره سوف يقدمها مساعد التدريس مستعدين
    لركوب الاهوال والسفر لأى دوله يقام فيها الكورس ,,


    أستاذى لك حبى ,,
                   |Articles |News |مقالات |بيانات

12-06-2008, 04:24 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: كمال سالم)

    كمال يا عمك...
    Quote: بس فى حالة المحاضره سوف يقدمها مساعد التدريس مستعدين
    لركوب الاهوال والسفر لأى دوله يقام فيها الكورس ,,
    عاد جنس دفيق و حتحته.... مبالغة
    لكن خايف عليك بالجد يا عمك

    Quote: أستاذى لك حبى ,
    الأيام دي معليش اعفيني يابا

    نصيحة ماسية...
    عزيزي العضو إن كانت لك رغبة في الحنك ,الدفيق أو الحتحتة فحاول ما تظهرها عاملة
    و جيبها بي فوق فوق , وإن كان في بعض الحالات الإستثنائية يفضل انك تختها دج عديل كدة (مزيد من التفصيل لاحقا)
                   |Articles |News |مقالات |بيانات

10-06-2008, 10:52 PM

Maawya Hussein
<aMaawya Hussein
تاريخ التسجيل: 27-12-2007
مجموع المشاركات: 9446

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    سلام يا ود البشري

    سؤال مهم


    في خاصيه الرد عندك خيارين

    1 رد

    2 اضف رد

    متين استعمل الخاصيتين !!!

    باعتبار اني داير ارد علي الموضوع الاصلي ... ومفروض يكون في بروتكول معين للردود ولا بتحصل حقارات مرات !!!

    الحاجه التانيه

    اشرح لينا .. ملفك وعدل

    ممكن اعدل مشاركتك ؟؟؟

    ونخدمك في البوستات ان شاء الله
                   |Articles |News |مقالات |بيانات

12-06-2008, 04:36 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: Maawya Hussein)

    مغربي يا عمك...
    دا نظام FAQ ولا شنو؟
    عارفك زول معلم و بتاع
    يلا ادلي بدلوك وخلينا نستفيد كلنا
                   |Articles |News |مقالات |بيانات

11-06-2008, 00:59 AM

AWAD MAHMOUD OSMAN
<aAWAD MAHMOUD OSMAN
تاريخ التسجيل: 08-06-2008
مجموع المشاركات: 370

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote:
    اولا نرحب بكل الاعضاء الجدد

    اهديكم بعض النصائح و الفنيات

    من واقع الفترة اللتي قضيتها

    في البورد



    ودالبشري سلامات

    شكرا علي الترحيب والارشادات وتسلم يارب
                   |Articles |News |مقالات |بيانات

12-06-2008, 04:38 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: AWAD MAHMOUD OSMAN)

    هلا اخونا عوض و مرحب بيك
    مبروك العضوية
    تحياتي
                   |Articles |News |مقالات |بيانات

11-06-2008, 09:05 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: نواصل معك كعضو جديد
    Here we go...
    عزيزي العضو الجديد
    مبروك حصولك على الباسويرد السحري جواز مرورك لعالم عجيب عجيب
    ومفتاح صندق الدنيا بالنسبة لمن يشاء وصندوق بندورا للبعض
    تخيل انت قاعد في امبدة ممكن تحنك ليك دامة شديدة في فلاديلفيا
    تشبكها ورود و بتاع و يا شفيفة و يا كلماتك بتعمل شنو فيني و يا حرفك بطلع عيني و كدا

    المهم عزيزي العضو الجديد
    النرد على تعليقات الاخوان و نجي نكمل الحكي



                   |Articles |News |مقالات |بيانات

11-06-2008, 11:06 PM

عمر صديق
<aعمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    الاخ ود البشري شكرا لك علي هذه النصاائح الغالية

    Quote: وستكون عزيزى البرلوم فى غضب الله اذا تدرعك او تدرعتك احد قدامى البورداب من العتاقى

    فاحذر لدغاتهم وامشى جنب الحيط عند مرورك باحد النجوم اللامعة

    تقرا البوستات لمالها او لجمالها او لحسبها البوردى او لنسبها لنجوم البورد فاظفر

    بذات الصور والفيديو تربت يداك





    ورايك شنو في التطبيق دا
                   |Articles |News |مقالات |بيانات

12-06-2008, 04:46 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: عمر صديق)

    هلا اخونا عمر صديق ومرحب بيك
    Quote: ورايك شنو في التطبيق دا
    والله ياعمك الآراء بتختلف من زول لي زول طبعا
    لكن عن نفسي ما كنت ح آخد الكلام دا على محمل الجد
    باعتبار انو الباسويردات هنا متساوية و ليها نفس الصلاحية
    و المثل بقول البلدغك عضيهو في نص راسو
    و البدرعك احدر ليه في الضلمة

    وكدا
                   |Articles |News |مقالات |بيانات

12-06-2008, 08:48 PM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: عمر صديق)

    ووووووووووووووووووووو

    ود البشرى ؟ ؟؟؟؟

                   |Articles |News |مقالات |بيانات

12-06-2008, 04:41 PM

ASHRAF TAHA
<aASHRAF TAHA
تاريخ التسجيل: 04-08-2007
مجموع المشاركات: 1017

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: - حركة جبيب اللينكات -


    دي الله يكتلني لي هسة ما عرفتها
                   |Articles |News |مقالات |بيانات

12-06-2008, 04:42 PM

عبدالفتاح أبوشيمة
<aعبدالفتاح أبوشيمة
تاريخ التسجيل: 15-04-2008
مجموع المشاركات: 4163

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ود البشرى الله يديك العافية

    قول آمين
                   |Articles |News |مقالات |بيانات

12-06-2008, 04:43 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    عزيزي القادم الجديد
    لو لاقتك المفردة دي : (جرجير) فلا تستانس ولا يسيل لعابك لذكر أحدي مكونات (السلطة) لانك ستكتشف خلال تجوالك بين بوستات وردود ومداخلات المدعو ود البشري أن الكلمة من ( جرجرة ) .
    دي مساهمة مني في الحصة دي ..
                   |Articles |News |مقالات |بيانات

12-06-2008, 05:03 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    والله حصص تمام و طبعا دا درس مهم للأعضاء الجدد:
    Quote: Quote: أستاذى لك حبى ,

    الأيام دي معليش اعفيني يابا

    لأنه في المنبر دا كان شكرت عضو من الجنس الآخر ممكن تخسر من سمعتك نسبة تتراوح بين 5% لي 65% أما إذا شكرت عضو من نفس الجنس فأنت تخاطر بنسبة 100% لي 250% من سمعتك.
    تحياتي ود البشرى... بأمانة كدا ما جابتني الدروس... جابني الشمار قلت أشوفك قاعد تتآمر على البورد كيف يا ولد يا شقي إنت.
                   |Articles |News |مقالات |بيانات

13-06-2008, 00:39 AM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)




    وووووووووووووو

    ودالبشرى ؟ ؟؟؟
    ــــــــــــــــــــــ

    ود البشرى بالله تانى ماتفلت وتطلع الحاجات ؟
    شايف مساعد التدريس بحذرك .
                   |Articles |News |مقالات |بيانات

01-07-2008, 02:27 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    نعيد الترحيب باخوانا الأعضاء الجدد ونواصل
    وللمتصفحين و طالبي العضوية ابشركم يبدو ان ليبيا قد فتحت
    مرحبا بكل يحترم هذه القوانين
    ما عليك إلا ان تتعهد باحترام اللائحة وكدا
    وفرصة بالمناسبة لمن يرغب في نيك نيم آخر من الأعضاء القدامى - انصح باختلاق اسماء معقولة
    و البعد عن الأقارب وكدة
                   |Articles |News |مقالات |بيانات

01-07-2008, 03:05 PM

بشير جبريل علي
<aبشير جبريل علي
تاريخ التسجيل: 02-08-2006
مجموع المشاركات: 785

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    يا ود البشرى ..كيفك ياعمك
    أنا نفسي أجدد الباسووود ..
    أعمل ..شنو؟
    أفتينا طال عمرك ..

    بشير
                   |Articles |News |مقالات |بيانات

01-07-2008, 03:10 PM

محمد خليل ساني
<aمحمد خليل ساني
تاريخ التسجيل: 25-03-2008
مجموع المشاركات: 5997

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)



    الحبيب ود البشرى

    سلامات يا لذيذ
    تسلم على الحاجات الحلوه دي
    تتصور الناس الجدد ديل محظوظين
    أنا شخصيا لمن اشتركت فى مارس الماضي
    ما لقيت زول ينور ليّ الطريق ببوست زي ده
    أو يمكن ما فتشت فى أرشيف المنبر
    بس إجتهادات من حبيبنا هارون دياب معاي
    ومساسقه وعكلته من صحبك لمن عرفت الدرب






    تخريمه خشنه
    ________________
    صحبك حموووووودى العسل عندو صور تحفه
    فى أبراج الحمام بارك حأنزلها فى بوست رحلة العمر
    ما تنسى رأيك وتعليقك مهم جدا مع إنى عارفك ما بتتوصى
                   |Articles |News |مقالات |بيانات

01-07-2008, 03:19 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    عزيزي المتصفح و طالب العضوية
    وعزيزي العضو القديم الراغب في نيك نيم آخر
    يبدو ان ليبيا لم تفتح بعد
    فعمك استدرك وصلح العنوان كالآتي:
    مرحبا بكل من يحترم هذه القوانين من الاعضاء السابقين

    وقت السيرة جات احب انبه عزيزي العضو الجديد للحتة بتاعة العناوين
    يا قول هناي " لكل داء دواء يستطب به .. إلا الحماقة أعيت من يداويها"
    اها يا عزيزي العنوان دا هو الحماقة نفسها القال عليها
    كل الكلام البتكتب داخل البوست ممكن تعيد النظر فيه تعديلا و تصحيحا و حذفا
    إلا العنوان كالرصاصة كان طلعت تاني ما بترجع
    او كحكم وصل آخر درجات التقاضي غير قابل للنقض او الإستئناف
    يعني يا حبة لو غلطت في العنوان شربت زيت زي الما حصل شي
    ما بتعدل ولا بتصحح
    و البريفيلج دا عند عمك فقط
    ونادرا ما يستجيب للنداءات بتعديل العناوين
    فعشان ما تقع في الغلطة دي و تبقى في الجرسة تمهل و اعد البصر كرتين تلاتة قبل ما ترسل كتابتك وكدا
    عموما القاعدة الذهبة بتقول " شاهده قبل نشره "
                   |Articles |News |مقالات |بيانات

01-07-2008, 07:56 PM

Maawya Hussein
<aMaawya Hussein
تاريخ التسجيل: 27-12-2007
مجموع المشاركات: 9446

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    يا ود البشري والله انا جادي في سؤالي الفوق داك



    ملفك دي بتعني شنو ؟؟ مكتبتك ولا البروفايل


    ممكن اعدل مشاركه زول ؟؟

    ودبلوماسيه الردود



    خلينا نستفيد
                   |Articles |News |مقالات |بيانات

01-07-2008, 08:10 PM

بشير جبريل علي
<aبشير جبريل علي
تاريخ التسجيل: 02-08-2006
مجموع المشاركات: 785

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: Maawya Hussein)

    Quote: ملفك دي بتعني شنو ؟؟ مكتبتك ولا البروفايل

    الأخ: معاوية تحياتي ..إنابة عن ود البشرى ..أستأذنك وأستأذنه
    حسب علمي ..ملفك تعني بروفايلك ..لكن لايمكن أن تعدل بوست أو
    بروفايل شخص آخر ..وجرب يا معاوية أفتح بروفايل أي شخص آخر
    وأعمل كلك في ملفك .. بفتح معاك ملفك أنت مش ملفو هو؟

    مع خالص تقديري


    بشير
                   |Articles |News |مقالات |بيانات

01-07-2008, 08:18 PM

Maawya Hussein
<aMaawya Hussein
تاريخ التسجيل: 27-12-2007
مجموع المشاركات: 9446

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: بشير جبريل علي)

    شكرا بشير علي التوضيح وكنت زمان خايف اهابش براي اتقرص


    بس بالنسبه لي ملفك دي انا ضغطت علي ملفك الفي ردك انت جاني بروفايلك انت ..




    اتعلمتا حركتين الليله ود البشري باقي ليك موضوع الردود ياخ
                   |Articles |News |مقالات |بيانات

02-07-2008, 06:47 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: ووووووووووووووووووووو

    ود البشرى ؟ ؟؟؟؟
    ووووووووووووووو

    دندونتو ! !!!!

    اشرف طه يا عمك...
    تبرا يايابا
    بجيك ليها لي قدام

    ابشيمة ...
    Quote: قول آمين
    ابيت
    تعال استلمني يلا


    طلحة تنظير....
    ياخ ما تدي الإخوة الجداد نبذة عن التنظير السليم و فكرة عن اكبر المنظراتية عبر التاريخ

    عزيزي العضو الجديد...
    اخونا طلحة خير نموذج لشخصية سيتم تناولها لي قدام باذن الله
    وهي شخصية الكاتب ذو الإتجاه الواحد او الموضوع الواحد و تعرف اصطلاحا بالفرمالة


    العوض ...
    يعجبني فيك انك في الصورة دايما و ما بتفوتك المطايب

    كمال سالم...
    وحاة النبي سكاك سك
    روق يا عمك واحلى
                   |Articles |News |مقالات |بيانات

02-07-2008, 07:16 AM

بشير جبريل علي
<aبشير جبريل علي
تاريخ التسجيل: 02-08-2006
مجموع المشاركات: 785

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: بس بالنسبه لي ملفك دي انا ضغطت علي ملفك الفي ردك انت جاني بروفايلك انت

    طيب بعد جاك بروفايلي إضغط علي ملفك التحت بروفايلي ..بجيك بروفايلك أنت ..
    ليه لأنك ..لمن تمشي بروفايلي وتضغط ملفك دا بعني أنك عايز تعدل ..ولأن لا يمكن التعديل في بروفايل غيرك عشان كدة بوديك بروفايلك ..يعني بقول ليك مسموح ليك تعدل هنا في حقك ..ههههههههه

    سلامات معاوية ..

    ياخ أنحنا عناقلة ..ساكت أنت سيد الشي ذاتو...


    وشكرا
                   |Articles |News |مقالات |بيانات

02-07-2008, 03:09 PM

عبدالفتاح أبوشيمة
<aعبدالفتاح أبوشيمة
تاريخ التسجيل: 15-04-2008
مجموع المشاركات: 4163

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: ابشيمة ...
    Quote: قول آمين

    ابيت
    تعال استلمني يلا


    بالله عليك الله يا أبوحتّوت

    دا رد تردّه على واحد برلوم زيّي

    معليش الكيبورد اللّي بيتحنضل زي دا نديه الكلام الموجّه للناس

    العمد والأركان والأعمدة حقّة البورد




    سيفي سلّيتو!!!


    ولو إني عارف انت ما فاضي لينا؛ أقول ليك خللي البرالمة زيّي يستفيدوا منه


    يا شباب أهم حاجة الملافظ سعد؛ وسيفك(كيبورديك يعني) كان سلّيتو لا نوبي لا عربي ما

    بدخّلنّوا بيته.

    تاني الله يديك العافية يا ود البشرى؛ وقول آمين.
                   |Articles |News |مقالات |بيانات

02-07-2008, 04:10 PM

sami Alzubair

تاريخ التسجيل: 11-03-2008
مجموع المشاركات: 5

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ياعمك والله ما مقصر مع الشباب وكدا
    لكن شايف اعمامك جمركوا البوست
    حالتو ما جاك ودشيقوق ولا واحد من الهمباتة
    ...
    اهم حاجة يا عمك ما الاكواد
    الاهم منها المصطلحات
    يعني مثلا واحد يخش البوست يلقي الكلام كلو
    الخور،المستنيرين،كبشروا،شرحوا،عشان خاطر الباندوث،...الخ
    ده كوم ومصطلحات عمك بشاشا ديك كوم
    غير كلام ناس محسن خالد والجماعة الادباء ديل.
    اها
    تلقي الواحد خشي البوست وزي ما دخل زي ما طلع
    وافتكر انوالناس بتتكلم رندوك ساي
    فيا عمك كلم ناذر واب شنب وكيكي وتمبس وباقي الشباب
    اعملوا القاموس ده
    ولا جيب لينك البوست الكان بدا فيهو كلام زي ده
    ونزلوا لينا هنا(وش اب شنب الاخدر البدور ظاتو)
    ...


    شوتة:
    نقشت اسبوع من اجل ابنائي ولا اشرحو ليك هناك
                   |Articles |News |مقالات |بيانات

03-07-2008, 09:02 AM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)



    ود البشرى صباحاتك بيض ,,

    إنت سميتو ( سك ) وأنا بسميهو بحث .















    بحث عن الحقيقه ,,
    يمكن يوم نعتر لينا فى دقسه ,,
                   |Articles |News |مقالات |بيانات

03-07-2008, 02:56 PM

جدو
<aجدو
تاريخ التسجيل: 19-03-2003
مجموع المشاركات: 731

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: كمال سالم)

    ود البشرى يا عمك

    ما قصرت مع الشباب تب..

    بس وصيهم يبعدوا من بوستات الحجة والكتاحة عشان ما يطفشوا فرد طفشة..

    أسع السناير ذاتهم بقوا يكشفوا من بعييييد ..ولسان حالهم يقول : أبعد عن الشر وغنيلو...

    ...
                   |Articles |News |مقالات |بيانات

03-07-2008, 03:17 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    عزيزي العضو الجديد...
    في العديد من الأفكار المواضيع العايزين نتناولها ولأني زول ما مرتب فالحاجة الفي بالي ح اكتب عنها
    و يمكن قبل ما تكمل تجي نقطة تانية وممكن نرجع للأولى بعدين - او ما نرجع ما مشكلة

    ح انتاول بداية موضوع كبير شوية
    هو المقصات او الكماين و يطلق عليها احيانا الشرك او التيراب
    يعني عايز تجيب رجل شخص او جماعة معينة
    او عايو تبعدهم و تطفشهم وما داير خلقتهم تعرض عليك
    او ممكن يكون ما عندك شخص معين قاصدو
    او متوقع ردود افعال معينة من ناس بعينهم
    او عايز تتاكد من حاجة

    اها الأساليب المستخدمة لتحقيق الغايات اعلاه هي موضوع الحديث القادم

    نكمل بعد الصلاة
                   |Articles |News |مقالات |بيانات

03-07-2008, 03:18 PM

احمد محمد بشير
<aاحمد محمد بشير
تاريخ التسجيل: 17-06-2008
مجموع المشاركات: 14896

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    حبينا ود البشري
    يديك العافية علي الشغل الجميل دا

    وجاني في جرح
    بالذات الشغل بتاع الاقتباس دا ما كنت قاعد اعرفوا

    بس يا ملك
    ورينا كيدا:كيف نرفق اوراق ومستندات مصوره باسكنر في البوست


    والف الف عافية.
                   |Articles |News |مقالات |بيانات

03-07-2008, 07:22 PM

حنين للبلد

تاريخ التسجيل: 04-06-2003
مجموع المشاركات: 4796

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    بوست مهم جدا..مكانه فوق
                   |Articles |News |مقالات |بيانات

05-07-2008, 05:26 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    عملا لي الله
    نتكلم في حاجة مفيدة حتى نرجع لفلم المقصات

    الصور و ما ادراك ما الصور
    من اللنكات اعلاه الموضوع واضح لكن في تيب تبين كدة قد تكون لهم فائدة
    اولا حجم الصورة و الفورمات تبعها
    مواقع رفع الصور بتحدد حجم معين و فورمات معينة
    حجم اقل من 90Kb مناسب و فورمات jpg & jpeg معقولة لأغلب مواقع الرفع
    لتقليل حجم الصورة و تغيير فورماتها توجد العديد من الوسائل
    و لكن لأن المعني بالشرح هنا هو عزيزي العضو الجديد على عالم النت و الصور نتكلم عن ابسط وسيلة و اكثرها شيوعا
    باستخدام برنامج الرسام Paint المتوفر مع اكسيسوريز الويندوز

    بعد فتح الصورة المراد تصغيرها على البينت في قائمة Image اختار Resize/skew



    راعي اختيار نفس القيمة للطول و العرض لنسبة التصغير عشان تحتفظ بالتناسب بين ابعاد الصورة
    ما تتفلسف و تخت قيمتين مختلفات بعدين الصورة تتكعوج
    (حتى لو اتفلسفت و عايز ترجع الأصل قبل ما تـ save أضغط Ctrl+z أو Undo)

    بعد ما ظبطت ابعاد الصورة احفظها باختيار save as من قائمة file راعي اختيار الفورمات المذكورة فوق



    بكدا الصورة جاهزة للرفع

    اذا حابب ترفع في سودانيز اون لان يوجد لنك تحميل الصور فوق بوديك على صفحة التحميل



    Tip:

    روابط الصور المحملة على سيرفر سودانيز اونلاين بتخلي الصورة في السنتر و عليها عنوان الموقع ولا يمكن حفظها في الجهاز - باخوي و اخوك- نطام حماية و كدا





    إذا الحكاية دي ما عاجباك - او مبري منها زيي كدا - تقوم بدل ما تاخد الرابط الجاهز تلقى في واحد تاني بقول ليك لوضع الصورة في البروفايل
    تشيلو زي ما هو و تستخدم "اضف صورة " الموجودة في مربع الكتابة - بجانب ناس اقتباس و ضع خط و الجماعة ديك

    بعض المواقع لتحميل الصور :

    http://sudanesehost.com
    http://www.nile-love.org



    (عدل بواسطة محمد البشرى الخضر on 31-01-2009, 10:50 AM)

                   |Articles |News |مقالات |بيانات

05-07-2008, 10:23 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    عزيزي العضو الجديد ....
    في موضوع مهم - من وجهة نظري - حبيت اطرحه
    هو موضوع الإدانة لموقف او كلمة او تعدي او غيره
    كتير ح تفابلك هنا عجاجة و عوا بين عضوين او جماعتين او اكتر
    وفي خضم الكعة قد تقرا كلام جارح جدا فيستفزك و بكل اريحية تدخل و تدين الطرف الصدر منو الكلام المعني
    الطرف المتضرر حيحمد ليك موقفك جدا و يشكرك عليه - عادي
    المشكلة وين ان الطرف الأنت ادنت موقفه او تصرفه اسهل حاجة ح يرد ليك وكنت ين حضرتك من زمان لما فلان قال لي و هناي فعل لي
    وما تجي داخل من النص بدون ما تلم بخلفيات الموضوع و بتاع و هناي و تبقى في اليحلك
    و بصورة تانية برضو اذا في عضو توقع منك تتضامن معاه او مع الراي العام في موقف معين
    يقوم يلم فيك في حتة تانية ما عندها علاقة بالموضع و يسالك ليه ما شفناك كتبت او سجلت موقفك هناك؟
    وليه ما و ليه هناي و ليه بتاع , سؤال الملكين بس

    انا شخصيا ما قاعد تفرق معاي و بعتير انو كل عضو هنا راشد و مسؤول عن كلامه ما من حق حد يسالك ليه وما ليه
    و لو عايز ادين حاجة بدينها لأنو بعبر عن نفسي و رايي ما علي بالآخرين تقبلهم و رايهم شنو عن تصرفي
    وان كان في نوع من المنطق في الجزء الأول من الكلام بتاع انك حقو تلم بخلفيات المشكلة - لو كانت عندها خلفيات - قبل ما تبدي رايك
    اما حكاية ليه ما وقفت معاي و بتاع دي فانسى
    انا شخصيا لو حد غلط علي عندي خيارين يا رديت ليه و جهلت فوق جهله
    او ضربت صفحا و نسيته
    وفي الحالتين لا احتاج او ارغب في دعم من احد - كما اسلفت كلنا راشدين و نملك نفس الآكسس و مستوى الباسويرد
    بالتالي ارى نفس في حل من حملات التضامن

    عزيزي العضو الجديد اعلاه راي شخصي لا اكثر

    نواصل - إن الله هون
                   |Articles |News |مقالات |بيانات

05-07-2008, 10:37 AM

ناهد بشير الطيب
<aناهد بشير الطيب
تاريخ التسجيل: 08-02-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ود البشرى ...حقوا البوست ده يثبتوه فوق ....


    وفوق من اجل الكل
                   |Articles |News |مقالات |بيانات

05-07-2008, 10:37 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    نقطة اخرى

    عزيزي العضو الجديد...
    وانت فرحان بالباسويرد و العالم الجديد اتمنى ان لا تنسى ان العالم دا عالم سايبري لا اكثر
    ولا يصلح كرفرنس او ستاندر للعالم الحقيقي
    لا تأخذ مراجعك عن العالم الحقيقي من هنا - او على الأصح لا تعتمد عليها تمام الإعتماد
    هنا الوضع فيرشوال و الكل يتحكم فيه و يخلق و يختلق ويرسم من الصور ما يشاء
    حتى الأسماء الحقيقية و الإنطباعات اللتي تولدها لديك هنا لا يعني ان هذه هي الشخصيات الحقيقية على ارض الواقع
    ممكن عادي تقرا لواحد ليل نهار يكتب عن حقوق المراة و الإستنارة و بتاع و يكون في واقعه الحقيقي المراة لاتعني اكثر من متاع مملوك له
    ممكن تقرا هنا من يلعن سنسنفل جدود الحكومة و في الواقع يرسل خطابات الشكر و التاييد للمشير
    وقس على ذلك
    كمان هنا في جاكات معينة اتمنى انك ما تاكل منها
    يعني ما كل لقاء لبورداب كان رائع و دافئ و جميل و بتاع
    و ما كل من كتب معجبا بنثر او قصيدة فاهم الكلام القراه
    وما كل من ادان موقف و تصدر في لعنه مقتنع حقيقة بالخطا الحاصل

    باختصار هذا ليس عالما حقيقيا
    وحتى لا تحبط او تحس بالخذلان تعامل معه على هذا الأساس عزيزي العضو الجديد
                   |Articles |News |مقالات |بيانات

05-07-2008, 10:52 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: حتى الأسماء الحقيقية و الإنطباعات اللتي تولدها لديك هنا لا يعني ان هذه هي الشخصيات الحقيقية على ارض الواقع
    محتاج اوضح هنا ان المقصود ليس الأسماء الوهمية وكدا
    لا بتكلم عن الأسماء الحقيقية لأصحابها و الشخصيات الراسمنها لنفسهم و في الواقع خلاف ذلك
    على سبيل المثال انا مقدم نفسي هنا على اني زول تفتيحة و ظريف و بتاع لو قابلتي في الحقيقة - ولا احبذ - ح تلقاني زول بيض و دمي تقيل و ما تقدر تكمل عشرة دقايق ونسة معاي
    خد عندك مثال تاني اب شنب او حمممودي العسل اخونا محمد عبد الماجد
    طارح نفسه هنا زول وجيه و حبيب و بتاع جكس و حنكو سنين
    لو شفته شناة السنين عليه و لو اتكلمت معاه حنكو عاضي و حكايته بطاله خلاص - اخير انا
    فس على ذلك عزيزي العضو الجديد
    وشوف كم واحد وواحدة فاكنها فيك هنا
    دي ما مشكلة كلو واحد يرسم الصورة الهو عايزها دا سايبر مفتوح
    و من رحمة ربنا اتاح لينا فرصة نعيش فيها بالشكل الحابين نكون عليه
    الفكرة انك يا عزيزي ما تاخد الموضوع على محمل الجد تصدق الصورة المطروحة هنا مالم تقابل الشخص او تتعرف عليه بشكل واقعي
    وكدا
                   |Articles |News |مقالات |بيانات

05-07-2008, 11:11 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    مغربي يا عمك...
    Quote: ممكن اعدل مشاركه زول ؟؟
    ياخوي انت قايل روحك آدمن هنا كمان
    مالك على مشاركة الزول كمان

    بشير جبريل...
    Quote: ياخ أنحنا عناقلة
    دناقلة قصدك ... من وين؟


    اب شيمة...
    Quote: يا شباب أهم حاجة الملافظ سعد
    و اهم من الملافظ الكلام الموزون وفي محله
    يديك العافية و ما تقول آمين

    ود الزبير...
    Quote: الاهم منها المصطلحات
    جاييك ليها لقدام ابوي - ان الله هون

    كمال سالم...
    Quote: بحث عن الحقيقه ,,
    يمكن يوم نعتر لينا فى دقسه
    اها وقووول عترت , وبعد دا ؟
    مشي حالك يابا
    غمض عينك تاكل ملبن

    جدو يا عمك...
    Quote: بس وصيهم يبعدوا من بوستات الحجة والكتاحة عشان ما يطفشوا فرد طفشة..
    في دي ما معاك ابوي
    العضو الجديد يكابس محل ما يعجبو حتى يشتد عوده و يحدد مساره و اتجاهو
    انا بفضل انو يخش و يدقش كويس كان سلك فبها وإلا يشيل الوردة الحمرا ويقع بوستات الغاوون - وما اكثرها

    هلا احمد محمد بشير و مبروك العضوية
    شرفت البورد و سعدنا بك
    في اللينكين اعلاه خاصة بوست لؤي في شرح وافي
    بالإضافة للتيب الوردت فوق

    يا بلد ...
    انتي المهمة و مكانك فوق والله
    مثال جيد عزيزي العضو الجديد على كسير تلج على خفيف - لي قدام نتكلم عن كسير التلج على تقيل


    دكتورة ناهد ...
    مشكورة ياخ وكلك ذوق
                   |Articles |News |مقالات |بيانات

05-07-2008, 04:53 PM

عبدالفتاح أبوشيمة
<aعبدالفتاح أبوشيمة
تاريخ التسجيل: 15-04-2008
مجموع المشاركات: 4163

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: يديك العافية و ما تقول آمين



    آآآآآآآآمين
                   |Articles |News |مقالات |بيانات

06-07-2008, 02:07 AM

عمرو كمال ابراهيم
<aعمرو كمال ابراهيم
تاريخ التسجيل: 09-10-2007
مجموع المشاركات: 1226

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: عبدالفتاح أبوشيمة)

    ود البشرى

    كنت وين لمن اشتركنا





    يعنى تعمل بوست زى ده... بعد ما بقينا نوصف للناس بالتلفون






    بالغت معانا عديييييييييييييييييييييييييييييل
                   |Articles |News |مقالات |بيانات

07-07-2008, 05:17 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    فوق عشان هناية
                   |Articles |News |مقالات |بيانات

07-07-2008, 05:23 AM

sami Alzubair

تاريخ التسجيل: 11-03-2008
مجموع المشاركات: 5

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    يا شفاف
    محاضرة المصطلحات الساعة كم
    المداخلة برعايةمكرونة نوبي وكدا











    ــــــــــــــــــــ
    التلفون امبارح ما اديتني ليهو
                   |Articles |News |مقالات |بيانات

15-07-2008, 05:35 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    عزيزي العضو الجديد
    وانت الآن بصدد كتابة اول بوستاتك احب الفت انتباهك للتالي
    تفاعل المتداخلين معك بالردود مهم و يعطي الحيوية للبوست و يزيد حماسك للمواصلة - ان كنت لا تحسن العزف المنفرد او المنولوج
    عشان الحتة دي في نقاط مهمة نتعرض لبعضها - بدون ترتيب
    اولا من الذوق و الأهمية بمكان عدم تجاهل التعليق على مداخلة اي من زوارك حتى ولو بعبارات شكر مثلا ان كنت لا ترغب - او لا تجد - ما يناسب
    من العبارات - الإكليشهات - المتداولة
    - شكرا على المرور
    - اسعدنا مرورك و مشاركتك
    - خليك قريب
    وكدا
    دي القوالب الرئيسية من الممكن تشكيلها حسب الذوق و المزاج

    ثانيا اختيار العنوان الجاذب...
    بصورة عامة هنا ما يدفع المتصفح او العضو لفتح يوست ما - وسط آلاف البوستات - شيئين
    - اسم الكاتب
    - العنوان
    اسم الكاتب دي خليها اسي - نجيها لقدام - خلينا في العنوان
    كل ما كان العنوان مثير و محفز يضمن ان يطلع على البوست عدد كبير من القراء
    اكثر عبارة - تجيب دخل - هي "توجد صور" او " صورة" او ما شابه
    لكن هناك محاذير
    حكاية انو العنوان يكون مثير فقط ولا علاقة له بالموضوع او يعكس صورة مغايرة للواقع قد ينجح فعلا في جلب عدد كبير من الزوار
    لكن على المدى البعيد سيكون له تاثير سيئ على مصداقيتك و على الإنطباع اللذي تثيره مواضيعك في نفس القارئ
    بالتالي سيؤثر سلبيا على من يهتم بالمشاركة معك
    هناك نماذج عديدة لعناوين مضللة و لأعضاء اشتهروا فقط بكتابة العنوان المثير و اللذي لا علاقة له بالموضوع - نجيب النماذج لي قدام
    فمن المهم عزيزي العضو الجديد
    ان تراعي في عنوانك - مع الإثارة و الجذب- المصداقية او العلاقة الحقيقية مع الموضوع حتى لا تسقط في فخ سقط فيه الكثير ممن سبقوك


    نواصل ...
                   |Articles |News |مقالات |بيانات

15-07-2008, 07:23 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    نقطة أخرى تتعلق باختيار الموضوع و التوقيت المناسب
    من المهم ان تتجنب المواضيع المكررة اللتي اثيرت اكثر من مرة او على فترات قريبة
    و التوقيت و الإتجاه العام ايضا مهم يعني مثلا ما ممكن تفتح موضوع بتكلم عن الزهور او الصداقة بين الجنسين مثلا في ايام زي دي الحنك الوحيد المدور فيها اوكامبو و ما ادراك ما المحكمة الدولية
    وتشتكي من قلة الزوار و المشاركين او من غتسة موضوعك في الصفحات الداخلية
    نصيحة ...
    تجنب فتح اي موضوع جديد صبيحة اليوم التالي لمباراة هلال مريخ لا سيما ان كان الزعيم راشي الوصيف كالعادة


    بالنسبة للمواضيع المكررة غالبا ما يحصل اللبس في حالة كونو في حدث معين او خبر عاجل زي خبر حادث طيارة سودانير الأخيرة مثلا
    عشرات البوستات فتحت بصورة متعاقبة تكاد تحمل نفس العنوان و المحتوى
    انصح بالقاء نظرة سريعة على الصفحة الأولى على الأقل مرة و مرتين قبل اضافة الموضوع الجديد

    بمناسبة التكرار ...
    في موضوع قتل نشرا في البورد و البوردات المجاورة بعناوين متشابهه كلها تدور حول (انت سوداني عشان بتسوي كذا وكذا)
    عبارة عن رسالة مدورة في الإيميل - بالله يا عزيزي العضو الجديد و رجاء حار لو جاتك الرسالة دي اقراها في محلها و خليها قبلها
    حتى الآن احصيت اكثر من سبعة بوستات تناولت الرسالة المعنية و كلها تقريبا خلت من الإشارة للنقل - ودا موضوع تاني إن الله هون نجيه لي قدام
                   |Articles |News |مقالات |بيانات

15-07-2008, 07:58 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    عمرو كمال ياعمك ...
    Quote: بالغت معانا عديييييييييييييييييييييييييييييل
    بالغ الزمن و بكري
    قبل فترة بديت واحد بعنوان فنيات البورد امهن و ابوهن سبعة ولا تمانية مداخلات و عمك لحسو
    الزمن داك مافي مكتبة فلف في الفاضي وكدا

    اب شيمة...
    فطك ...فطك

    ود الزبير يا عمك ...
    المصطلحات دي باب كبير و متشعب والمشكلة انها متجددة و متناسبة مع المرحلة دايما فمن الصعب حصرها بمعزل عن الأحداث
    يعني مثلا لو ما كنت متابع ما حتفهم السبب الخلا ابشنب يبقى حمودي العسل في ليلة و ضحاها
    شفت كيف ابوي
    ______________________________________________
    نتكلم عن وضع اللينكات في المداخلات
    الزر المكتوب عليه"URL" لما تضغط عليه بيفتح ليك مربع حواري يطلب منك تكتب الأدرس العاوز تلنكو
    لاحظ( http:// )بتكون موجودة تلقائيا و مظللة لو انت ناسخ الأدرس بتاعك كامل مشتمل عليها احرص على ازالتها و عدم تكراراها وإلا ح يضرب اللنك
    و يكون غير مفيد
    بعد ما تنسخ الأدرس بطلب منك تاني كتابة كابشن للرابط ممكن تخليه زي ما هو و ممكن تكتب الفي بالك
    (راعي لأن لنكات البوستات الأخرى من المنبر سيظهر عنوانها الأصلي فقط مهما حاولت تغير فما تتعب ساي )
    ملاحظة اخرى..
    لو لأي سبب عدلت مداخلة فيها رابط بعد التعديل ح تلقى اللنك لحق الزينين و اتعولق
    احسن شي* تنسخ كامل المداخلة العايز تعدلها و تفتح نافذة رد جديدة في TAB او WINDOW جديد
    وتقوم تلصق المداخلة و تدخل الرابط من جديد عن طريق زر الـ URL عادي
    وتعدل تعديلك ثم تنسخ كامل المداخلة بعد التعديل و اعادة ادخال الرابط بطريقة صحيحة تلصقها في النافذة الفتحتها قبيل للتعديل و كدا

    * احسن شي الواردة اعلاه قصدي بالنسبة لي انا ومن تجربتي وليست على إطلاقها
    من الممكن ان يفضل الآخرون اساليب غير
                   |Articles |News |مقالات |بيانات

19-07-2008, 08:13 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    لازلنا مع التكتيكات المتبعة لجذب المتداخلين و رفع بوستاتك عزيزي العضو الجديد
    من اشهر واقدم التكتيكات المتبعة هو المجاملة
    بمعنى ان من تزورهم في بوستاتهم و ترفعها لهم صار لك عليهم جميل واجب الرد و استحقاق لابد من سداده برفع بوستاتك و التداخل معك
    يعني لازم تكون زول مجامل و تتداخل مع الأعضاء عشان تتوقع انهم يعاملوك بالمثل
    دا بقودنا لحتة تانية لاباس من الحديث عنها حاليا الا وهي نماذج المداخلات
    في نماذج معينة تعارف عليها البورداب لمداخلات و تعليقات تناسب المواضيع المختلفة نتناول جانب منها هنا

    في حالة الترحيب بعضو جديد او تزكيته لنيل العضوية :
    - مرحب بيك اضافة جديدة للمنبر و اكيد عندك الكتير تقولو
    - ان شاالله الدار ترحب بيك وفي انتظار مساهماتك واضافاتك
    - حبابك عشرة بلا كشرة (لو معاها وردة يكون كويس خالص)
    - نورت المكان و عسى ان يطيب لك المقام
    - ادخل لا جوة و جر بمبرك
    - صورة الورده الشهيرة
    وكدا ... دي بعض القوالب الرئيسية طبعا يمكن تشكيلها واضافة لمسة شخصية
    بالنسبة لتزكية الترشيح :
    - فلان يحتاجه المنبر يا بكري
    - اثني و ازكي و اؤيد و بتاع
    - هناي على بابك يا بكري
    - فرتكان اضافة للمنبر و للنضال و للبطيخ
    - إذا كانت المرشحة سيدة على قدر من الشهرة يفضل استخدام الخفة الملاسية الشهيرة (هي رائعة روعة نصاح .. اثني طبعا)
    وكدا

    في حالات المجاملات الإجتماعية و الواجبات كالدعاء بالشفاء و التعازي و التهاني
    يمكن الإكتفاء باقتباس اول مداخلة و تكرارها او نسخ احد صور الورود او الصور البنزلها بكري و خلاص

    من القوالب المهمة لما الموضوع يكون جاد او صعب عليك او دمو تقيل لكن لازم توري وشك
    فينصح في الحالة دي تكتفي بنقطة او فوق او احدى ادوات الرفع الأخرى لكن يجب مراعاة ان هذا النموذج لايصلح عندما يكون الموضوع آكتف و في اعلى الصفحة الأول فعلا
    قالب آخر ممكن يساعد هو شكر صاحب الموضوع على اثارة النقاط المهمة و تختم كلامك بـ(حتما لي عودة) او (متابعين باهتمام) او ( تسجيل حضور) او (واصل)
    المهم انك وريت وشك و سديت الدين العليك او جاملت و بقيت دائن

    في حالة التداخل على قصيدة او اغنية او اي مجال ابداعي ليس للنقاش اصلا
    فينصح بـ ( اكتب يا فلان ) ( يا رائع) ( يا شفيف )
    إذا كان صاحبة المداخلة سيدة لاتنسى ان تزرع وردة ولا اتنين من الورود العويرة البتفتح وتقفل براها دي
    قالب آخر شهير و هو ان تقتبس جزء من القصيدة - كيفما اتفق - و تلصقه في مداخلتك بدون تعليق منك وكفى

    في حالة ادانة او توقيع او حملة جماعية ..
    يمكن ان تكتفي باقتباس المداخلة الفوق ليك طوالي و تضع اسمك تحتها مع أويد او اتفق او 100% او اي شي
    هذا النوع من البوستات اهمية حضورك نفسه تفوق ما تكتبه


    من المستحيل طبعا حصر كل النماذج المتبعة هنا
    ولكن هذه بعضها و اللتي اسعفت الذاكرة بها , نتكلم المرة الجاية عن كيف تكتسب الشهرة بسرعة في البورد
                   |Articles |News |مقالات |بيانات

20-07-2008, 12:39 PM

sami Alzubair

تاريخ التسجيل: 11-03-2008
مجموع المشاركات: 5

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: ود الزبير يا عمك ...
    المصطلحات دي باب كبير و متشعب والمشكلة انها متجددة و متناسبة مع المرحلة دايما فمن الصعب حصرها بمعزل عن الأحداث
    يعني مثلا لو ما كنت متابع ما حتفهم السبب الخلا ابشنب يبقى حمودي العسل في ليلة و ضحاها
    شفت كيف ابوي

    يا معلم
    عارفنها باب سنط وكدا ما تعمل لي فيها ولد صالح جبريل
    انا ما قلت ليك باري المصطلحات كلها لكن ممكن تنزل للشباب ديل الشي المهم والمتكرر
    او
    البساعدهم يكونوا ناقشين الحاصل وكدا
    اها
    بعدين انت حمودي العسل ظاتو غلطان اداك سرو
    ..
    تتذكر يا محمد كان كيكي ولا ناذر ما عارف بدا ليهو بوست ذي ده
    لو متذكرو عليك الله جيب لينا الرابط وكدا





















    _____________
    مبروك التلاتة لكن الله شافكم
                   |Articles |News |مقالات |بيانات

20-07-2008, 05:44 PM

عصام علي أحمد
<aعصام علي أحمد
تاريخ التسجيل: 16-07-2006
مجموع المشاركات: 2417

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: تخيل انت قاعد في امبدة ممكن تحنك ليك دامة شديدة في فلاديلفيا
    تشبكها ورود و بتاع و يا شفيفة و يا كلماتك بتعمل شنو فيني و يا حرفك بطلع عيني و كدا



    يا عمك برضو ارفع رجلك من البنزين شوية


    اين ابوسيجارة فى هذا اليوم الماطر
                   |Articles |News |مقالات |بيانات

21-07-2008, 07:34 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: عصام علي أحمد)

    عصام يا عمكـ

    خاليهو يردح في الناس دي سااي

    أشغله الله في نفسه
                   |Articles |News |مقالات |بيانات

21-07-2008, 08:18 AM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد عبد الماجد الصايم)

    يا عمك سؤال ممكن؟






















                   |Articles |News |مقالات |بيانات

21-07-2008, 10:22 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ود الزبير يا عمك...
    ما وقع ليك كلامي اظنو , نعيدو تاني ما مشكلة انا كريم وانت تستاهل
    ابوي انا المصطلحات مربوطة باحداث و غالبا مع نهاية الحدث او مرور الزمن عليه يختفي المصطلح او يبقى مع نسيان سبب وجوده
    لكن لا يمنع انوفي بعض المصطلحات نظل باقية لفترة طويلة
    اديك مثال مصطلح عربي و مصطلح طوكراوي ظهروا في فترة معينة و ارتبطوا ببوستات معينة اتأرشفت حاليا فتدريجيا اختفى و خف استخدامهم
    ومن ناحية تانية مصطلح سوركتي رغم ارشفة و حذف اغلب البوستات المتعلقة به إلا انه لازال مستخدم و بقوة
    ففتح باب زي دا يحتاج لوقت و مجهود ورجوع للأرشيف لتحري الدقة واخوك شغال من الذاكرة و بالمزاج لكن لو بديت لينا بنجادع معاك

    اسمع ولد صالح جبريل دا ياتو, العرس شيماء؟

    عصام ياعمك...
    بنزين شنو ياحاج خليني آخد راحتي ابوي

    ابوعبيدة يا دبيب..
    كيفك يا عمك اخبارك و مشتاقين
    تسميها شيل حال - طبعا

    حموووودي برميل العسل
    بشغلني و بفضى ليك

    ابارو يا عمك...
    اسال ابوي اتفضل
                   |Articles |News |مقالات |بيانات

21-07-2008, 01:23 PM

Dalal Ezzaldin
<aDalal Ezzaldin
تاريخ التسجيل: 19-06-2008
مجموع المشاركات: 1406

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)



    شكراً كتير على الترحيب

    وتخصيصك وقت عشان نواكب مع الناس

    واستفدت شديد من البوست خاصةً في التعامل العام مع اعضاء المنبر .




    Quote: لو قابلتي في الحقيقة - ولا احبذ - ح تلقاني زول بيض و دمي تقيل و ما تقدر تكمل عشرة دقايق ونسة معاي


    بس دي اشك فيها


    يديك العافيه
                   |Articles |News |مقالات |بيانات

21-07-2008, 01:39 PM

ممدوح أبارو
<aممدوح أبارو
تاريخ التسجيل: 27-02-2008
مجموع المشاركات: 3177

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: Dalal Ezzaldin)

    Quote: ابارو يا عمك...
    اسال ابوي اتفضل

    شكرن جزيلن

    لو داير أسم الموضوع العنوان يعني حقي يكون صورة كيف؟









                   |Articles |News |مقالات |بيانات

21-07-2008, 01:44 PM

هاشم ودراوي
<aهاشم ودراوي
تاريخ التسجيل: 14-07-2008
مجموع المشاركات: 249

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: ممدوح أبارو)

    Quote: راجع وتابع بوست....أسابيع البورد!!

    تقديري أخ محمد"


    كده جربنا كيف ناخد الـ Quote
    العايز اعرفو كيف اليوتيوب بنزلوهو هنا
    ولك الشكر
                   |Articles |News |مقالات |بيانات

21-07-2008, 01:50 PM

Ahmed musa
<aAhmed musa
تاريخ التسجيل: 08-07-2007
مجموع المشاركات: 16263

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    لكن الرئيس اتمسكن جنس مسكنة
    العنوان ده ما تشتغل بيه ........دي حركة مني ساي .....لفحتوا لإرهاب البرالمة بقدرتنا كبرالمة قُدام على فعل الأفاعيل .......أها في الكوتييشن في خيار بدل التظليل تعفص reset وكدا ياعمك .... وحذر الزملاء من بوستات الصهاينة ديناً وكورة ...... ينوبك ثواب ........أها فتك بخير


    التعديل لغرض تمييزنا بكلمة (قُدام) على البرالمة الجُداد واللسه في رحم القصيد
    التعديل التالت لتبيان سببا التعديل التاني ولتعقيد مسألة التعديل للشباب
    التعديل التاني نسيتوا

    (عدل بواسطة Ahmed musa on 21-07-2008, 01:56 PM)
    (عدل بواسطة Ahmed musa on 21-07-2008, 01:58 PM)
    (عدل بواسطة Ahmed musa on 21-07-2008, 02:02 PM)
    (عدل بواسطة Ahmed musa on 21-07-2008, 02:03 PM)

                   |Articles |News |مقالات |بيانات

21-07-2008, 05:12 PM

ناصر النعمان البدوي

تاريخ التسجيل: 13-06-2008
مجموع المشاركات: 926

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: ابدا للاعضاء الجدد بشوية مواضيع بيض كدا





    الاخ البشري لك كل التقدير
                   |Articles |News |مقالات |بيانات

21-07-2008, 07:07 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: ناصر النعمان البدوي)

    هلا دلال و مرحب بيك
    شكرا على مجاملتك اللطيفة و كدا
    لكن صدقيني انا - وكثيرين - شخصياتنا الإسفيرية اظرف و الطف كثيرا عن الواقع

    ابارو يا عمك ...
    ما فهمت سؤالك بالضبط
    لكن ما دام الكلام عن العنوان ففي حتة مهمة وقت السيرة جات
    اكواد الـ HTML معطلة بالنسبة للعناوين وهي الأكواد البتسمح بالتحكم في الخط و اللون و غيرها من العمليات كالإقتباس و إدراج صورة و كدا
    عشان كدا مرات بتلقى عناوين ما انزل الله بها من سلطان تلقى الكود معلق في العنوان للبولد و الألوان و بدون فعالية
    العناوين في بورد بكري زي الإنقاذ لا بتغير لا بتعدل لا بنشال ليك باخوي واخوك
    فاخير العناوين دي يتم التعامل معها بحذر شوية

    هاشم يا عمك
    لكن لقيتك اقتباسي خلاص
    مرحب بيك يا عمك ومنور
    بالنسبة لليوتيوب اها دا اسهل حاجة دايما في الصفحة الفيها الفيديو بتلقى خانة على اليمين مكتوب فيها Embed
    تقوم ابوي تشيل الكود الفيها بصمة خشمو و تليسوا محل ما داير
    ولو داير تتفلسف كمان في رابط مكتوب عليه Customize ممكن يخليك تعمل اطار حول الفيديو و حركات
    راعي ابوي للصورة دي

    شفت كيف
    و بالمناسبة دي خليني النطعم البوست القداد دا




    (ياخ الزولة دي عادية غايتو كبكبة منكم ساي)

    يلا متعنا يا عمك و عذب اليوتيوب في حنانو

    أحمد موسى ياعمك...
    ياخوي لنكك دا ما على عديلو ما تقنعني انك جبتو ساي لله كدا

    نصيحة مهمة ...
    Quote:
    (عدل بواسطة Ahmed musa on 21-07-2008, 01:56 م)
    (عدل بواسطة Ahmed musa on 21-07-2008, 01:58 م)
    (عدل بواسطة Ahmed musa on 21-07-2008, 02:02 م)
    (عدل بواسطة Ahmed musa on 21-07-2008, 02:03 م)
    الكوت اعلاه نموذج لعدم استخدام" شاهده قبل نشره" بصورة جيدة ... تجنبها ما امكن عزيزي العضو الجديد


    ناصر البدوي يا عمك...
    مرحب بيك ولك كل التقدير ايضا
    منور


                   |Articles |News |مقالات |بيانات

21-07-2008, 07:20 PM

AWAD MAHMOUD OSMAN
<aAWAD MAHMOUD OSMAN
تاريخ التسجيل: 08-06-2008
مجموع المشاركات: 370

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    تسلم يارئس والله يديك الصحة والعافية
    ويكفيك عين ( حمودي العسل )
    ويخليك لينا
                   |Articles |News |مقالات |بيانات

21-07-2008, 10:58 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    رجاء ابايزيد مرحب بيك و منورة
    مداخلتك دي امي إلا بالصدفة حتى لقيتها
    لو رديتي باستخدام زر اضف رد الموجود في الآخر بكون احسن لأنو بضمن ليك ظهور كلامك في آخر البوست
    انا بعد ذكرت حكاية انك تكون في اريزونا من الحلفايا استدركت بالتالي
    Quote: هذا لا ينفي امكانية الحصول على العضوية عن طريق الإيميل و احيانا من رسالة واحدة كما حدث للبعض - في النهاية ارزاق
    شاكر متابعتك وان شالله نكون عند حسن ظنك

    عوض عثمان يا عمك..
    تسلم ياخ و جدا شاكرين
    _____________________________________________________________________

    Tip:

    بخصوص الصور تاني
    عزيزي العضو الجديد لو في صورة اوردها احد الزملاء و عايز تجيبها تاني مافي داعي انك تحفظها في جهازك و ترفعها من جديد
    من الممكن تنسخ عنوان الصورة من الـ Properties و تستخدم نفس العنوان مع كود اضف صورة و كان الله يحب المحسنين
    (البروبرتيز بتصل ليها بضغط الزر الأيمن ماوس على الصورة المعنية)
    نفس الكلام ينطبق على اي صورة منشورة في موقع ىخر صحيفة مثلا او اي موقع آخر لا اعي لجحفظ الصورة عندك يكفي نسخ رابط العنوان
    كما يمكن استخدام نفس النظرية للحصول على الأيقونات المختلفة زي التحت ديل او ايقونات او وجوه ضاحكة من مواقع او منتديات ثانية كلها تعامل معاملة الصور
    و الوش الأخضر البلف و غيرو من الوشوش
    و وردة الغاوون البتفتح و تقفل براها وكدا
                   |Articles |News |مقالات |بيانات

22-07-2008, 07:14 AM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    متابعين الحصة وممكن نشارك؟

    Quote:
    أحمد موسى ياعمك...
    ياخوي لنكك دا ما على عديلو ما تقنعني انك جبتو ساي لله كدا



    جابوا ليك بمناسبة نصيحتك الغالية اللى هنا ( كمثال حى ) من صاحبك نوبى :

    Quote:
    وستكون عزيزى البرلوم فى غضب الله اذا تدرعك او تدرعتك احد قدامى البورداب من
    العتاقى

    فاحذر لدغاتهم وامشى جنب الحيط عند مرورك باحد النجوم اللامعة



    بعدين ما تكلمت عن تكتيكات حشد المشاركين قبل فتح الموضوع الجديد وتوزيع الأدوار ، يعنى واحد يفتح ليه بوست وتشاهده إنت أول واحد وقبلما تتصفحه ( لمدة دقيقة ) يدخل ليك واحد يدعى العبقرية بتحليل للكلام كأنو عندنا قنابير.....


    أو مهمة وفود لمقدمة فى تشتيت البوست والمناكفات .....


    واصل....... فكلنا شهود( دى جديدة)
                   |Articles |News |مقالات |بيانات

23-07-2008, 09:10 AM

Dalal Ezzaldin
<aDalal Ezzaldin
تاريخ التسجيل: 19-06-2008
مجموع المشاركات: 1406

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)



    ضروري يكون
    UP
                   |Articles |News |مقالات |بيانات

09-08-2008, 11:46 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ابوبكر ابو القاسم يا عمك ...
    كيف ما تشارك ياخ انت استاذنا كلنا
    Quote: جابوا ليك بمناسبة نصيحتك الغالية اللى هنا ( كمثال حى ) من صاحبك نوبى
    النصيحة المذكورة دي ما مني ولا من نوبي وبالعكس انا ما متفق معاها كما سبق و اشرت
    Quote: بعدين ما تكلمت عن تكتيكات حشد المشاركين قبل فتح الموضوع الجديد وتوزيع الأدوار ، يعنى واحد يفتح ليه بوست وتشاهده إنت أول واحد وقبلما تتصفحه ( لمدة دقيقة ) يدخل ليك واحد يدعى العبقرية بتحليل للكلام كأنو عندنا قنابير.....


    أو مهمة وفود لمقدمة فى تشتيت البوست والمناكفات .....
    يا عمك خاتي بالك و ناقش الكنتة
    ما قلت ليك استاذنا
    حاضر نجيها لي قدام و اتمنى مشاركتك الفاعلة

    اختنا دلال
    تشكري يا ذوق
                   |Articles |News |مقالات |بيانات

09-08-2008, 12:44 PM

رانيا قاسم
<aرانيا قاسم
تاريخ التسجيل: 03-07-2008
مجموع المشاركات: 517

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ابو حتوت

    كيـف حالك

    طبعاً انا اول المستفيدين

    قال ليك على الهواء مباشرة وكدا

    تسلم
                   |Articles |News |مقالات |بيانات

11-08-2008, 04:05 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8181

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: رانيا قاسم)

    الاخ البشرى انا واحد من هؤلاء الجدد وعندى مشكلة فى رفع Videos from YouTube فهلا تكرمت بالشرح او اى من اهل العلم فى هذا المجال ال Video codes ماتقدر تعرف بدايتها من نهايتها عاملة زى خيت الجبادة لما يتشربك
    والشكر مقدما..
                   |Articles |News |مقالات |بيانات

11-08-2008, 07:17 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: عبدالعزيز الفاضلابى)

    بنتنا رانيا ....
    كيفك وعساك بخير
    بالعكس احنا الاستفدنا منك بالجد
    يكفي انك صاحبة اجمل مبادرة بالنسبة لبورداب الإمارات - في ميزان حسناتك ان شاالله

    الفاضلابي يا عمك ...
    نجيب ليك الكوت دا من ورا
    Quote: بالنسبة لليوتيوب اها دا اسهل حاجة دايما في الصفحة الفيها الفيديو بتلقى خانة على اليمين مكتوب فيها Embed
    تقوم ابوي تشيل الكود الفيها بصمة خشمو و تليسوا محل ما داير
    ولو داير تتفلسف كمان في رابط مكتوب عليه Customize ممكن يخليك تعمل اطار حول الفيديو و حركات
    راعي ابوي للصورة دي


    تمام كدي يا عمك
                   |Articles |News |مقالات |بيانات

11-08-2008, 08:10 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8181

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    العزيز ود البشرى اسم على مسمى :
    لاعدمناك .. قمت بتجربة فى احد من بوستاتى الحردوها الناس وشرحك جاب فايدة . لكن بدور اسعلك تانى من باب انو الواحد لايوق وكده .. اصلى بعيد عنك انا محامى .. او من باب جحا دخلوه قال يدخلوا حمارى .. سعالى ليك .. ال Frame الاحمر اللى شرحت بيه كيفية رفع الفيديو فى ردك على سؤالى سويتو كيفن..
    لك منى كل الود..
                   |Articles |News |مقالات |بيانات

11-08-2008, 10:41 PM

عادل عبدالعزيز عبد الرحيم
<aعادل عبدالعزيز عبد الرحيم
تاريخ التسجيل: 06-06-2008
مجموع المشاركات: 2353

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: عبدالعزيز الفاضلابى)

    Quote: سويتو كيفن

    دا السؤال المهم
                   |Articles |News |مقالات |بيانات

11-08-2008, 10:47 PM

عادل عبدالعزيز عبد الرحيم
<aعادل عبدالعزيز عبد الرحيم
تاريخ التسجيل: 06-06-2008
مجموع المشاركات: 2353

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: عادل عبدالعزيز عبد الرحيم)



    دا تمرين بعد ازن صاحب الصورة
                   |Articles |News |مقالات |بيانات

16-08-2008, 05:52 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    فاضلابي ياعمك...
    العفو ما في لياقة ولا حاجة بالنسبة للتعليق او اضافة مربع او دائرة او خطوط للصور
    في برامج كتيرة و معقدة خلينا في ابسطها الرسام Paint brush من اكسيسوريز الويندوز
    امكانياته بسيطة لكن بقضي الغرض
    بعد تفتح فيه الصورة باستخدام ادواته ممكن تحررها بالطريقة اللتي ترغب

    عادل عبد العزيز..
    نرحب بيك وكدا
    لكن ما تعبت الذال و الزين تعب شديد ياخ
                   |Articles |News |مقالات |بيانات

16-08-2008, 06:09 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    اها يا عزيزي العضو الجديد ...
    طبعا للآن ما اظنك لسة عضو جديد كنا واقفين وين واقفين وين .... أيوة هنا
    Quote: نتكلم المرة الجاية عن كيف تكتسب الشهرة بسرعة في البورد

    عيني عشان تكتسب الشهرة بسرعة في البورد في اكتر من طريقة , شخصيا لا افضل اغلبهن لكن في النهاية المسالة اختلاف آراء
    اسهل و اسرع طريقة انك تكتب موضوع يثير ضجة و خلاف و يدفع الأعضاء للتداخل معك و نقد الموضوع
    او تخالف لتذكر يعني في موضوع معين و الناس شبه مجمعين او عل الأقل ماخدين نفس الإتجاه تجي براي معاكس يثير الحنق و يدفع الأعضاء للتعليق و الرد عليك
    ممكن برضو تصدر ليك عنوان بالهجوم او نقد شخصية مشهورة او ذات حظوة او ذات شلة
    ممكن تنقل من الحوار المتمدن او الملحدين العرب مثلا العناوين اللتي تثير حفيظة المسلمين و شهية العلمانيين و تنال قدر لا باس به من الشهرة ايضا
    النقطة الأخير - النقل- تحتاج لحذر شديد فكما انت عثرت على ما تريد و نقلته فلا تنسى ان عمنا قوقل متاح للآخرين ايضا
    و يمكنهم العثور على منقولاتك و ايرادها من مصادرها الأصلية و حينها لن ينفعك الإعتذار فمن الممتع في البورد هنا شرشحة النقلتية و فضحهم و شيل حالهم
    لذا عزيزي العضو الجديد الله يرضى عليك لو نقلت اي شيئ لا تنسى ايقونة
    من وسائل الشهرة ايضا ان يكون لك استايل مميز يونيك - نجيه بتفصيل اكتر لي قدام

    عزيزي العضو الجديد مسالة اكتسابك للشهرة في رايي لا يجب ان تشغل حيز في تفكيرك
    وتسعى لها , دع الأمور تمشي على طبيعتها و كن كما انت افضل لك بكثير
    اي سؤال...
                   |Articles |News |مقالات |بيانات

27-08-2008, 12:57 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    اها الرفعة دي كيف يا ود الزبير ؟
                   |Articles |News |مقالات |بيانات

27-08-2008, 01:12 PM

Mohamed Ibrahim Ahmed
<aMohamed Ibrahim Ahmed
تاريخ التسجيل: 14-07-2008
مجموع المشاركات: 433

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    رفاع
    ياعمك
    بس خليهو مرفوع طوالي
    تشكرات
                   |Articles |News |مقالات |بيانات

28-08-2008, 04:29 PM

sami Alzubair

تاريخ التسجيل: 11-03-2008
مجموع المشاركات: 5

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: اها الرفعة دي كيف يا ود الزبير ؟


    تحت الرعاية حتي تعود من المصيف
                   |Articles |News |مقالات |بيانات

28-08-2008, 04:40 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    طَيِب لو دايرك تريدني زي ما بريدك ... < أعمل ايه > ... أقصُد يعني الفنِيات شنو الأتبعا
                   |Articles |News |مقالات |بيانات

01-09-2008, 10:10 PM

sami Alzubair

تاريخ التسجيل: 11-03-2008
مجموع المشاركات: 5

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    Quote: تحت الرعاية حتي تعود من المصيف
                   |Articles |News |مقالات |بيانات

02-09-2008, 00:18 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    سمسم يا عمك.. رمضان كريم
    كتر خيرك على الرعاية
    الإسم سالم و ما نستغنى ابوي , لكن ود الزبير المقصود اعلاه ود زبيرا آخر
    آسفين على الخلط يا عمك

    عزام يا عمك ..رمضان كريم
    كان قاصدني انا زاتي بريدك وكان قاصد فلانة .. اديني فرقةابوي لبعد رمضان و بجيهك تب
    لا تشيل هم
                   |Articles |News |مقالات |بيانات

08-10-2008, 12:59 PM

خالد الجبل
<aخالد الجبل
تاريخ التسجيل: 15-08-2007
مجموع المشاركات: 411

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)
                   |Articles |News |مقالات |بيانات

08-10-2008, 04:49 PM

محمد الباقر

تاريخ التسجيل: 24-08-2008
مجموع المشاركات: 237

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    يديك الفين عافيه يا ابا حتوت...
    البوست بتاعك دا أنا متابعو من زمن متصفح...
    بالجد بوست مفيد....وقد استفدت منه فائده كبرى
                   |Articles |News |مقالات |بيانات

10-10-2008, 07:40 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    هلا هلا بالشباب و جدا آسفين على التاخير
    عدم الرد على المتداخلين تصرف ما لذيذ - ما لم يكن مقصود - انصحك عزيزي العضو الجديد بتجنبه
    و الرد ولو فقط بتحية او رد سلام على كل متداخل معك ولو بعد حين فالرد المتاخر خير من التجاهل وكدا
    للاخوان خالد و محمد الباقر العتبى
    ( خالد الجبل انا مقوم الحجة على حسك و حس قصيدتك المركركة , بغم ما تقولها يا راجل)
    عزيزي العضو الجديد ... نواصل ما انقطع من حديث
    قبل كدا اهديكم الإقتباس ادناه ورد على لسان اخونا ناذر في معرض ترحيبه باخ جديد العضوية
    Quote: ويا زول ولا يهمك .. أهم حاجة إنك جيت بي أسنانك .. أنا والله من زمان بنصح القادمين الجدد بقول ليهم أوعو تجونا مساكين ومضبلنين زي الزول الأكلت عشاهو غنماية وهو بيعاين ليها متمحن وما عارف يسوي شنو ..!!

    دا منبر حوار .. وكل الأسلحة فيهو متاحة .. البيضربك بي طوبة تضربو ام دلدوم والبيكتب ليك كلمتين ما ياهم تكتب ليهو صفحتين لمن راسو يسخن ، لانك لو دخلت هنا مسكين وما قدرت ترد بدعوى تترفع عن القول الكعب ، ما بتقعد هنا ساعة واحدة ..!!
    من هنا Re: التحايا و عظيم التشكرات للاخوة الاعزاء
    أأمن تماما على كلام ناذر بس اضيف عليه
    في معرض ردك على هجوم تعرضت له او سخف او غيرو
    ما لازم تجاري و ترد بنفس اسلوب الهجوم عليك , ضع دائما خطوطك الحمراء امامك و تقيد بها
    فكونو شخص غير محترم و النوع الما بفرق الخاص من العام اتعرض ليك بسوء نفسه و سخفها
    يمكنك رده ووقفه عند حده باسلوبك انت و بطريقتك اللتي تختارها , لا تسمح لأحد ان يجرك او يفرض عليك كيفية التعامل
    ففي النهاية كلنا راشدين و مسؤولين امام الله و انفسنا عما نكتب

    رابط لموضوع ذو علاقة...
    سخافات البورد...
                   |Articles |News |مقالات |بيانات

10-10-2008, 07:52 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: محمد البشرى الخضر)

    ابوحتوت
    يا عمك
    والله مشتاقين


    ياخي البوست ده مفيد

    لكن انا استفدت اكتر من البوست بتاع سخافات البورد


    وعلي هذا المنوال
    البوست ده بيذكرني


    (نصلح سراير)
                   |Articles |News |مقالات |بيانات

10-10-2008, 08:10 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30890

للتواصل معنا

FaceBook
تويتر Twitter
YouTube


Re: فنيات , تكتيكات و نصائح... لطالبي العضوية و الأعضاء الجدد (Re: osman righeem)

    روغيم ازيك ياخ
    متين الجية ان شاء الله
    عشان الولية نست تجيب معاها شوية حاجات كدة وقالت يوصوك

    قلت لي بذكرك (نصلح سراير )
    بركة الما ذكرك (المعاااااااااا قزاز)
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de