توثيق التاريخ القريب ...

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 12:24 PM الصفحة الرئيسية

مكتبة محمد البشرى الخضر(محمد البشرى الخضر)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
17-09-2012, 07:43 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30629

للتواصل معنا

FaceBook
تويتر Twitter
YouTube


توثيق التاريخ القريب ...

    تحية طيبة للجميع
    عندنا مشكلة كبيرة في توثيق احداث تاريخنا, لا يوم الناس دا و بعد خرتمية حلقة من برنامج الطاهر التوم و عشرات البوستات لم يصل الناس و يتفقوا على حقيقة ما حدث في بيت الضيافة
    و اغلب الحاضرين انتقلوا إلى رحاب الله
    طيب في احداث و تاريخ قريب المشاركين في صنعه على قيد الحياة وبصحة جيدة و ذاكرة حاضرة تتيح لهم توثيق شهاداتهم على العصر
    رغم كدا تلقى مليون رأي كل مناقض للآخر عن نفس الحدث
    حتى قبل دقائق وقبل متابعتي لفيديو ندوة السيد مبارك الفاضل بنيويورك كنت على قناعة صمدية بإنه قام بإعتقال بلدو وعشاري حتى سمعت نفيه للقصة على لسانه
    قبل ايام قرأنا في اشتباك بين زملاء شيئا عن ما دار في قوات التحالف السودانية و تسرب من بين ثنايا النقاش احاديث خطيرة و في الذاكرة اشتباك آخر و معلومات و مغالطات دارت بين زملاء آخرين عن حوادث أخرى
    حتى اليوم يردد البعض بثقة مطلقة أن سوار الذهب و الجزولي باعوا الإنتفاضة للجبهة الإسلامية
    و ان السيد الإمام الصادق سلّم الديمقراطية للإنقاذ
    و اسرار أحداث الإنقاذ نفسها و مسيرة المعارضة من قتال لتفاوض للتجمع لمؤتمرات وحتى الإنتفاضة الأخيرة وغيرها
    كل الأحداث دي لازال شهودها أحياء و شكرا للتكنلوجيا ووسائط الميديا الحديثة التي اتاحت توثيق الشهادات و النقاش حولها و نقدها أو دعمها
    من المهم الناس توثق لتاريخنا القريب بحياة شهوده قبل ان يتعسر الموضوع و نصير اسرى رؤية ورواية و أهواء البعض
                   |Articles |News |مقالات |بيانات

17-09-2012, 07:53 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13552

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد البشرى الخضر)

    ود البشرى كيفك ....
    الموضوع أكيد مهم .. ومهم جداً. لكن كتابة التاريخ - أي تاريخ - لا تصلح (أو لا تعتمد) وأبطاله على قيد الحياة .. لأن الكتابة في هذه الحالة لن تخلو من غرض.

    يكون مفهوم إذا كنت تقصد تجميع معلومات وأقوال شهود وصور ..... إلخ. بغرض تحليلها مستقبلاً توطئة لكتابة التاريخ بأقلام الأحفاد، وهذا الشئ (وأشكر معك التكنولوجيا) أصبح الناس يعملون به، وإن كان بشكل غير ممنهج، أي مبادرة هنا ومجهود هناك.

    سلام.
                   |Articles |News |مقالات |بيانات

17-09-2012, 07:54 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد البشرى الخضر)

    فعلا يا ود البشري عندنا مشكلة كبيرة في التوثيق وده ناتج من اسباب كثيرة من ضمنها توفر حرية التعبير والتي بدورها تمكن من البحث عن المعلومة الحقيقية ونشرها في وقتها بعد بحثها مما يمكن من التحليل الصحيح والتوثيق..
    أما بالنسبة للمنبر فلا اعتقد أنه يصلح للتوثيق الكامل في المعلومة..لان معلوماته تحتاج الي مراجعة عدة مرات..واقصد المصداقية..ثم ثم وجود من يوثق لها بأمانة..

    أحداث الايام السابقه ستختفي معلومات منها كثيرة قبل أن يبدأ التوثيق لها وكما قلت كثير من التاريخ الذي بعد عنا 30 عاما او أكثر قليلا غير متوفرة معلوماته بشكل يسمح للحقيقة أن تنجلي!



    كيف حالك؟
                   |Articles |News |مقالات |بيانات

17-09-2012, 07:59 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: Muna Khugali)

    مرحب يا حبة

    دي ورشة بنجهز فيها


    أهداف الورشة
    إن تطوير محتويات رقمية عالية الجودة عن السودان علي الشبكة العالمية أمر أساسي لتحسين وصول الجمهور العريض إلى معلومات ومعارف عن التراث الثقافي السوداني ولتتشجيع التعليم والبحث في الدراسات السودانية وغيرها وعليه تهدف الورشة إلي الاتي:
    • إستكشاف أفضل الممارسات القائمة في السودان في مجال حفظ ونشر المحتوي الرقمي بهدف الاستفادة من ذلك في إنشاء مشروع قومي يستهدف رقمنة التراث الثقافي السوداني.
    • النظر في القضايا المطروحة عن إدارة المجموعات الرقمية القائمة في مجال التراث الثقافي بالسودان واقتراح الوسائل الحديثة لتحسين وصول الجمهور والباحثين الي تلك المواد والاستفادة منها.
    • التعرف علي التجارب العملية في رقمنة المواد التناظرية وبحث الخيارات في التعامل مع مصادر المواد الأولية التي تتوفر في شكل رقمي.
    • حصر المطلوبات التدريبية في مجال رقمنة مواد التراث الثقافي ومزايا التعاون المشترك في بناء القدرات في مجال الرقمنة بصفة عامة.
    • معرفة الصيغ القانونية ذات الصلة بعمل المؤسسات الثقافية العاملة في مجال الوثائق والمكتبات والمتاحف والمعارض لتطوير التشريعات لتحسين عمليات الرقمنة.
    • اقتراح آليات التعاون بين الجهات المشاركة وأي جهات داخلية أو خارجية ذات صلة
    • التعرف علي قضايا الملكية الفكرية ذات الصلة بالمحتوي الرقمي .

    محاور الورشة
    1. محور : توثيق التراث الثقافي السوداني
    (تجارب الجهات الحكومية ومنظمات المجتمع المدني في توثيق التراث الثقافي السوداني )
    - تجربة دار الوثائق القومية
    - تجربة المكتبة الوطنية
    - تجربة المتحف القومي / متحف القصر الجمهوري
    - تجربة التصوير السنمائي
    2.محور : المحتوى الرقمي السوداني ( تجارب رائدة )
    ( تجارب المؤسسات ومنظمات المجتمع المدني في انتاج محتوى رقمي سوداني )
    - تجربة جامعة الخرطوم كلية العلوم
    - تجربة الاذاعة السودانية
    - تجربة وحدة التصوير الفوتوغرافي وزارة الثقافة
    - تجربة التلفزيون
    3. محور : اليات التعاون الحكومي وغير الحكومي في مجال التوثيق الرقمي
    - تجربة الجمعية السودانية لتوثيق المعرفة
    - مشروع التوثيق لشمبات
    4.محور : التشريعات والقوانين
    - التشريعات والقوانين المرتبطة بالتوثيق والرقمنة
    - الملكية الفكرية والرقمنة
                   |Articles |News |مقالات |بيانات

17-09-2012, 08:16 PM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8839

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    محمد البشري

    التوثيق مشكلته في السودان كماتفضلوا الاخوة

    يحتاج لرجال آمانة وصدق في نقل المعلومة ومرجعيتها

    والتواتر في النقل من فلان بن فلان لفلان وكل هذا يتطلب

    جهد كبير ومشترك بين عدة جهات .

    والمجهود والورشة التي تحدث عنها أخونا وليد هي ضربة بداية

    لمشروع كبير كان من المفروض يكون بدأ من زمن بعيد وليس قريب

    وحتي دارالوثائق تحتاج للكثير في توفير المعلومة ولو سألة عن

    اي معلومة يكون المرجع في بريطانيا وقس علي ذلك موضوع هام جدا

    ونحتاج إلية للاجيال القادمة.

    ،،،،أبوقصي،،،،
                   |Articles |News |مقالات |بيانات

17-09-2012, 08:26 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30629

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: مجدي عبدالرحيم فضل)

    Quote: يحتاج لرجال آمانة وصدق في نقل المعلومة ومرجعيتها

    والتواتر في النقل من فلان بن فلان لفلان وكل هذا يتطلب

    جهد كبير ومشترك بين عدة جهات .
    ما هو يا ابوقصي عشان نتجنب قصة انو عن فلان وفلان و الفلانين ديل يكونوا انتقلوا لرحمة مولاهم أو عجزوا عن تقديم شهاداتهم
    أحسن بي حياتهم الناس تسمع منهم و الحمد لله الوسائط بقت اسهل عشان يا يترد عليهم من آخرين حاضرين أو يأكدوا على شهاداتهم
    وحتى تتبلور فكرة ناس وليد لعمل مرتب عالي الموثوقية يعتمد عليه الناس قدامها الوسائط المتاحة يوتيوب بوردات مدوّنات و غيرها
                   |Articles |News |مقالات |بيانات

17-09-2012, 08:22 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30629

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: Muna Khugali)

    وعليكم السلام ابو الريش
    أوكي ما ح نختلف على المصطلح توثيق الشهادات و تحقيقها بحياة اصحابها إمّا دحضا, دعما أو تقويما
    مثلا سال صبري للسيد مبارك لما نفى اعتقال بلدو و عشاري في لحظتها قاطعو طيب الإعتقلهم منو ؟ هنا في توثيق بشكل أو بآخر
    تخيل الحديث دا يدور بعد مية سنة و ابطاله في رحاب المولى عز وجل, منو البثبت أو بنفي الحقيقة

    سلامات يا منى
    قد لا يصلح المنبر للتوثيق بالمعنى الفني لكلمة توثيق لكن دوره مهم - ولا اتحدث عن المنبر دا تحديدا لكن الإنترنت بصفة عامة - تتيح سهولة توثيق و الاطلاع على محتويات سواء شهادات او كتابات
    و تتيح ايضا الرد عليها و مناقشتها, مثلا المواضيع المتعلقة بقوات التحالف دارت حولها نقاشات القت بعض الضوء على الاحداث - نعم لم تحسم لكن على الأقل حركت الراكد
    الآن حرية التعبير ما بقت اشو لكن تبقى زي ما قلتي المصداقية هي المحك
    أحيانا تخفى معلومة ليس بسبب المصداقية لكن حسب تقدير الشخص أو الجهة و مدى الضرر أو المصلحة الممكن تتسبب فيها


    يا شفت يعني معقول موضوع بالضخامة و الخطورة دي نسمع بيه بالصدفة
    كان تنزل التفاصيل لأنو موضوع مهم
    لازم تشركنا معاكم في متابعة النقاشات و المخرجات
                   |Articles |News |مقالات |بيانات

17-09-2012, 08:35 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد البشرى الخضر)

    يا حبه

    عندنا جمعية اسمها الجمعية السودانية لتوثيق المعرفة
    قامت بالترتيب للشغل ده بالتعاون مع المكتبة الوطنية وبرعاية كريمة من كنانة
    الورشة دي مفروض كانت تكون شهر 3 الفات وجهزنا تفاصيلها لكن التمويل اعجزنا

    الغرض من الورشة دي انها تكون ضربة بداية لسلسة ورش متخصصة
    غرض الورشة جمع المعنيني واصحاب الاختصاص في الاول

    حا نركز على جمع نماذج من ثلاث جهات

    منتجي الثقافة
    موثقنها
    ومن يحتمل ان يكون لهم دور في رقمنتها


    دي قائمة اولية

    1. الجمعية السودانية لتوثيق المعرفة
    2. المكتبة الوطنية
    3. دار الوثائق القومية
    4. المركز القومي للمعلومات
    5. المركز القومي للبحوث – مركز التوثيق
    6. معهد الدراسات الاسيوية والافريقية مركز تراما
    7. كلية العلوم – جامعة الخرطوم
    8. وزارة الثقافة قسم تقانة المعلومات
    9. مكتبة السودان
    10. الاذاعة السودانية
    11. تلفزيون السودان
    12. المتحف القومي
    13. مركز توثيق الحياة السودانية –وزارة الثقافة
    14. التصوير الفوتغرافي –وزارة الثقافة
    15. وحدة الانتاج السيمائي – وزارة الثقافة
    16. المجلس الاعلي للمصنفات الادبية والفنية
    17. الجمعية السودانية للانترنت
    18. الجمعية السودانية للمكتبات والمعلومات
    19. الجمعية السودانية لتقانة المعلومات
    20. المجلس القومي للصحافة والمطبوعات
    21. اتحاد التشكيلين السودانيين
    22. اتحاد الصحفيين
    23. فرع الموسيقى العسكرية
    24. المتحف الحربي
    25. مكتبة القصر الجمهوري
    26. متحف ابراهيم حجازي
    27. المجلس البريطاني
    28. مكتب الشؤون العامة
    29. منظمة نيمة الثقافية الاجتماعية
    30. منتدي توتي الثقافي

    قد تزيد او تنقص
                   |Articles |News |مقالات |بيانات

17-09-2012, 08:48 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    للجمعية برضو يا حبه
    اتفاقية مع جامعة درم بخصوص ارشيف السودان عندهم
    وكان في شغل قبل الانفاقية بخصوص خرائط السودان هناك ورقمنة ما يزيد على 100 الف وثيقة

    دي صورة زيارة من الجمعية لمكتبة جامعة درم
    وكان مشى مع الجمعية وزير الثقافة في ذلك الوقت تمهيدا للاتفاقية دي
    الشغل ده من سنة 2005 ما اتوقع الاتفاق الا قبل شهرين

    والورشة دي تعتبر تمهيد للتعاون ده وعشان يتم الشغل من قبل المعنين والمختصين
    والجمعية لها دور التنسيق والتسهيل

    دي الصور عليك الله اعرضها
    لا استطيع بسبب بسبب البروكسي

    http://www.dur.ac.uk/images/library/asc/VistbySUDAAK.jpg

    (عدل بواسطة وليد محمد المبارك on 17-09-2012, 08:49 PM)

                   |Articles |News |مقالات |بيانات

17-09-2012, 09:01 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30629

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    ما عندكم ويب سايت للجمعية يا وليد
    بعدين فهمت انو الورشة ح تتناول الجانب التقني مع مسألة المحتوى و زي فهمت انكم مركزين على الثقافي - صاح كدا
    و بالنسبة للتاريخ السياسي كيف الوضع اكيد محسوب حسابه

    _______________________________________________________
    دي الصورة الاتحدث عنها وليد

                   |Articles |News |مقالات |بيانات

17-09-2012, 09:09 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد البشرى الخضر)

    بالنسبة للوب صايد شغال فيه براحة يا حبه
    وعاوزين وكت نعلن عنه يكون معبر ومنموذجي
    ما موقع للشوع والدعاية فقط


    بالنسبة لشغل السياسة
    اساسا الوثائق الاترقمنت في درمة ممكن تقول عليها فيها جانب كبير عن السياسية بالذات فترة اخر المهدية وحكم الانقليذ
    لان عضمه هو توثيق لشغل الحكومة في الفترة ديل وما يخصها
                   |Articles |News |مقالات |بيانات

17-09-2012, 09:03 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    يا حبة وانت سيد العارفين الكلام ده

    (وحتى تتبلور فكرة ناس وليد لعمل مرتب عالي الموثوقية يعتمد عليه الناس قدامها الوسائط المتاحة يوتيوب بوردات مدوّنات و غيرها )

    ده شغل عضم وحاليا بسبب التكنلوجا المتوفرة في السودان من ناحية عتاد واطر يعد مستحيل
    ده شغل بحتاج لي اتفاقيات لا اعتقد انه يمكن عقدها حاليا بسبب المقاطعة التقنية المفروضة

    الكلام ده عاوز تدريب عالي جدا على علوم محددة تعد الان من احدث علوم الحاسوب وتقانة المعلومات
    ودايرة عرفة في

    1. اجهزة وبرامج تقدر تتعامل مع Big Data
    2. مبرمجين ومحللين بعرفو معرفة تامة بشغل الـ Data Mining
    3. وده المهم في موضوع الوسائط المتاحة في اليوتيوب والمدونات معرفة عالية جدا بعلم الـ Web Intelligence

    ولو المقاطعة ما اترفعت ما اظن الامر ده يتم بسهولة لانو عاوز تدريب عالي جدا غير متاح حاليا في منطقة الشرق الاوسط
                   |Articles |News |مقالات |بيانات

17-09-2012, 09:10 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30629

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    طيب دا بقود للتفكير من ناحية تانية يا وليد الجهة أو الجهات الح تمول العمل دا و تديره لي قدام سواء كانت حكومية أو طوعية
    هل ح تتدخل في مسألة المحتوى ولا تكتفي بالإدارة الفنية
    و سؤال تاني عن المرجعية و الجهة المعتمدة لتحقيق المواد و تقييمها هل طرف تالت ولا ح تكون الجهة المديرة للمشروع
    ومع الصعوبات الطرحتها و موضوع المقاطعة غايتو شكلنا ح نكتفي حاليا باليوتيوب و البوستات و النقاش الفيها
                   |Articles |News |مقالات |بيانات

17-09-2012, 09:20 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد البشرى الخضر)

    كدي في الاول شوف الكورس ده

    وانصحك تسجل فيه ( هو مجاني ) لو عندك رغبة في المجال ده

    https://www.coursera.org/course/bigdata

    بالنسبة للتمويل
    نحن في الجمعية على قناعة تامة مشكلة السودان ما في التمويل بل في الادارة
    بتميل بسيط وادارة عالية ممكن يتم شغل كبير
    بتمويل عالي وشتارة بتضيع القروش وما بتم شي
    اهما حاجة العلاقات حا يكون ليها دور كبير في ده ومشروع درم الجزء الاول منو ممول تقريبا بي 125 الف استرليني او ما يقارب
    الجهات البتمول داخليا وخارجيا موجوده لكن تثق كيف دي ياها المشكلة
    طبعا مفترض انو الجزء الاكبر من التمويل تقوم بيه الحكومة لانو ده دورها

    بالنسبة عن الجهة المرجعية المعتمده
    مافي كلام زي ده الان
    ده شغل جماعي يتم في شكل تيم ويرك وتحت مراقبة المجتمع المدني ولا ما حا يعبر عن السودان وحا يعبر عن فيئة معينة لاذم الشغلانة دي يشرك فيها اكبر قدر من الجهات والمنظامت والافراد على الاقل على مستوى المراقبة

    طبعا بقول ليك ما ينفع نكتفي لاذم بحت ونحفر .. ولهم شي نرجع الثقة لمنظمات المجتمع المدني عند الغرب .. وده شغل مضني وعاوز حفر زي ما قال ابو قصي
                   |Articles |News |مقالات |بيانات

17-09-2012, 09:34 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30629

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    Quote: ده شغل جماعي يتم في شكل تيم ويرك وتحت مراقبة المجتمع المدني ولا ما حا يعبر عن السودان وحا يعبر عن فيئة معينة لاذم الشغلانة دي يشرك فيها اكبر قدر من الجهات والمنظامت والافراد على الاقل على مستوى المراقبة
    دا الكلام الصاح..
    اتمنى ليكم التوفيق

    بالنسبة للكورس السيلابس عجبني لكن ما عصروا علينا بقصة الريكومندد باكقراوند لكن الموقع نفسه كدا
    الحتة التقنية دي زي ما قلت عندها ناسها, اهتمامي حاليا بالمحتوى نفسه و تحقيقه و سماع مختلف الآراء و النقاشات حوله
    وآمل انو اي حدث في تاريخنا القريب خاصة السياسي يدور حوله نقاش بين شهوده الأحياء - هنا أو في اي مكان أو وسيط آخر - المهم انو الناس تتفق على سير الأحداث و تاريخها
                   |Articles |News |مقالات |بيانات

17-09-2012, 09:37 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد البشرى الخضر)

    (وآمل انو اي حدث في تاريخنا القريب خاصة السياسي يدور حوله نقاش بين شهوده الأحياء - هنا أو في اي مكان أو وسيط آخر - المهم انو الناس تتفق على سير الأحداث و تاريخها)

    بالتاكيد
    اساسا نحن مقلين في الحاجة دي وتراثنا المنقول اغلبه شفاهي
    ياخ سمعت ليك بسياسي ولا رياشي ولا مثقف ولا حتى زول ساي في بدنا دي
    كتب مذكراتو ونشرها

    لاذم الثقافة الشفاهية دي يحصل فيها برك ثرو
                   |Articles |News |مقالات |بيانات

17-09-2012, 09:53 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    ده شغل اشتغلتو الجمعية عن توتي قبل ما يجيها الكبري بالتعاون مع السفارة الامريكية بالخرطوم وتمويل منها
    شوفو توتي التقليدية ..

    الان في شغل عن شمبات حا تحصل فيه نقلة نوعية
    لانو حا يكون كتاب او سلسلة كتب بالتزامن مع موقع الكتروني
    طبعا الكتاب ما بقدر يوثق حاجات يستطيع الموقع توثيقها وهي الصوت والحركة
    واكبر قدر من الصور والنص
    كمان الكتاب محكون مهما كبر بحجم محدد وعدد صفحات
    والتعديل فيه ما بتم الا في طبعة جديدة

    ودي حاجات الموقع معفي منها
                   |Articles |News |مقالات |بيانات

18-09-2012, 01:26 PM

Amin Salim
<aAmin Salim
تاريخ التسجيل: 03-02-2012
مجموع المشاركات: 677

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: وليد محمد المبارك)

    بره الموضوع


    سلامات يا قريبى و ليك وحشه
                   |Articles |News |مقالات |بيانات

18-09-2012, 05:03 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9133

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: Amin Salim)

    سلامات ود البشرى وزواره الكرام ..
    شنو عملتوها ون تو إنت وود المبارك ؟
    .
    .
    بهظر يا ود المبارك ..
    مافي شك دا جهد هام وكبير ربنا يوفقكم ..
    طيب توثيق لتوثيق خلوني اوثق لروحي ..
    في فيديوهات وصور نزلت هنا لمظاهرات إبريل ..
    في واحدة منهن بظهرو شخصين رافعين العلم القديم..
    أجزم واحد منهم أنا دا ..
    بس ما تضحكوا ..
    تصدقو ما عرفت روحي ياتو فيهم!
    برضو كانت في قناة بتصور فينا في باحة نادي اساتذة جامعة الخرطوم ..
    ماعارفا تابعة ياتو جهة ..
    برضو كنت شايل العلم القديم بس كنت لابس جلابية وعمة لإنو الاجتماع كان بالمساء..
    فتشو بالله يا ناس الخبرة ..
    الاجتماع كان محضور من كل رؤساء النقابات وحضور اللواء الفخم/ عثمان عبد الله عن المجلس العسكري..
    الاجتماع كان بغرض اختيار الحكومة المدنية ..
    الحوار حول حقيبتي رئيس الوزراء والنائب العام أخذ وقت طويل ..
    طبعا كلهم قاعدين إلا نحن واقفين خلفهم ..
    ما شباب الثورة ــ أمال أيه ..
    المهم ظهرت حدة التنافس بين نقابتي المحامين والأطباء حول حقيبة رئيس الوزراء..
    انتهت بتنازل المرحوم ميرغني النصري نقيب المحامين للدكتور الجزولي ..
    وتنازل الأستاذ مصطفى عبد القادر عن حقيبة العدل التي رشح لها للأستاذ عمر عبد العاطي.
    .
                   |Articles |News |مقالات |بيانات

18-09-2012, 06:52 PM

عصام علي أحمد
<aعصام علي أحمد
تاريخ التسجيل: 16-07-2006
مجموع المشاركات: 2417

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد على طه الملك)

    ودالبشرى تحياتى

    اجهزة الامن والجيش عبر الحكومات المتعاقبه تمتلك ارشيف من المستندات التى يجب فك اسرها
    دى بتساهم بشكل كبير فى كتابة التاريخ الحديث مع وجود بعض الاشخاص الاحياء
    التوثيق محتاج مناخ ديمقراطى -
    لاتستطيع ان توثق بشكل جيد فى ظل انظمة شمولية
    لكن المحاولة لابد منها



    برضو مشتاقين
                   |Articles |News |مقالات |بيانات

18-09-2012, 10:29 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30629

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: عصام علي أحمد)

    Quote: ياخ سمعت ليك بسياسي ولا رياشي ولا مثقف ولا حتى زول ساي في بدنا دي
    كتب مذكراتو ونشرها
    فعلا يا وليد اعتقد المذكرات المكتوبة قليلة جدا
    حقيقة الواحد يشكر الطاهر التوم على حلقاته التي يوثق فيها للساسة ذكرياتهم و الاحداث التاريخية المؤثرة
    حتى من اختلف معه كونو رد على برامج الطاهر و حديث ضيوفه يعتبر نوع من التوثيق لرأي آخر

    يا أمين يا قريبك
    مشتاقين بالأكتر والله , طبعا بطراك كل ثلاثاء مع الأرملة الجنريتر ديك :)

    مولانا الملك يا هلا و يا مرحبا
    مجهود ناس وليد دا ما بكتمل لو ما انتو الحاضرين الأحداث شاركتو وكتبتوا و غالطتوا و صححتوا
    وقت جبت سيرة الإنتفاضة يا مولانا ناخدها دي ضربة بداية:
    بقى من المسلمات أن الحكومة الإنتقالية خدمت الجبهة الإسلامية و ضيّعت الإتتفاضة وشنو وشنو و مايو تو
    الكلام دا صاح ولاّ غلط يا مولانا - مع التعليل :)

    يا عصام سلامات و مشتاقين بالأكتر
    العند الحكومة و الجيش خليه, وين الفي صدور الرجال ووين ما يخص المعارضة مثلا
    امسك من تهتدون واسمرا و التجمع و قوات التحالف
    اعتقد دي معلومات الحكومة لا تسيطر عليها
    فقط تحتاج شجاعة و تقدير سليم للوضع و مصداقية بالطبع من المشاركين فيها
    قبل أن يأتي اليوم الذي تكتب فيه من ذاكرة ذات غرض فتخفي بعض الحقائق أو تغيّرها وما تلقى من يتصدى لها

                   |Articles |News |مقالات |بيانات

19-09-2012, 00:08 AM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9133

للتواصل معنا

FaceBook
تويتر Twitter
YouTube


Re: توثيق التاريخ القريب ... (Re: محمد البشرى الخضر)

    Quote: بقى من المسلمات أن الحكومة الإنتقالية خدمت الجبهة الإسلامية

    حقيقة الرأي دا كان له ما يبرره حسب أداء الفترة الانتقالية..
    الحكومة الانتقالية كانت ممثلة في حكومة رئاسية ( المجلس العسكري ) ..
    وحكومة تنفيذية مدنية ( مجلس الوزراء )..
    في تقديري الشخصي كان العيب الرئيس في أداء الحكومتين..
    ميولهما للقرارات التوفيقية..
    والابتعاد قدر المستطاع عن الملفات الساخنة..
    صحيح كان الحس الديني باديا بين عدد من عضوية الحكومتين ..
    وإن لم يكن بمعنى الولاء المكشوف لتيار الجبهة الإسلامية ..
    الاتهام طالهم لأنهم تجاهلوا مطلب وشعار الانتفاضة ..
    الكان متمثل في الغاء قوانين سبتمبر ..
    لا أعلم سبب جوهري أكيد دفع الحكومة الانتقالية بشقيها..
    لتنأى بنفسها عن معالجة المطلب سو الحس الديني ..
    .
    .
    بس إن جيت للجد مايو 2 ياها الإنقاذ دي ..
    بقضها وقضيضها .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de