دعواتكم لزميلنا المفكر د.الباقر العفيف بالشفاء العاجل
|
|
 بوست أعداء السياسة(سجل أنا غير سياسي)
|
والله يا جماعة انا بكره السياسة كره عديــــــــــــــــل وما بثق فيهم(الساسيين)
قبل فتره كتبت موضوع مشابه جوني ناس سياسيين مهذبين وقالوا لي كلام ماخش راسي معناه ودورك شنو؟؟
والله خلوني محتار جد جد يعني يا ابقى ممارس للسياسة يا ابقى تور الله في برسيمه!!
يعني لو بقيت زول مثلاً بتاع دكان اجيب بضاعتي وافرش في سوق الله وابيع بما يمليه علي ضميري واقرض على كدا معناها ما مواطن صالح!!
لو بقيت موظف ملتزم وبنجض شغلتي وماسياسي معناها اني زول داقس!!
ولو بقيت زول بتشتغل شغلك وتمشي تتونس مع اهلك واصحابك ولو عاوز تفرق تمشي استاد الهلال او المريخ او نلعب ضمنه تحت حيطة جيرانكم انت زول وهم ساكت!!
انا كنت متأكد انه في ناس زي حلاتي كدا لكن بديت بصراحة اشك وبقيت متخيل اني الوحيد الداقس!!
غايتو البوست دا للناس (خالين سياسة) حا اخليه يومين لو مافي زول سجل معاي عليكم امان الله من بعدها بشتري لي مكرفون واطلع في اقرب بكسي ولا امشي اقرب جامعة واخطب في بقية الشعب السياسي واليحصل يحصل!!
غايتو النشوف أخرتا الله يكضب الشينا!!
|
|
 
|
|
|
|
|
|
|
 Re: بوست أعداء السياسة(سجل أنا غير سياسي) (Re: سامى عبد الوهاب مكى)
|
سجل عندك :
1/ انا بكره السياسة واليوم الجاب السياسه
2/ انا لا امارس السياسة ولا اتمنى ان امارسها
3/ انا لا اثق فى سياسى حتى لو كان ابوى
4/ كل يوم يزداد يقينى بأن كل من يمارس السياسة له مأرب أخرى
5/ كل يوم يزداد يقينى بأن السياسة مرض ( ادمان )
القائمة تطول وكلام كثير لاينتهى
أحمد العمار
| |
|
|
|
|
|
|
|
|
|
Re: بوست أعداء السياسة(سجل أنا غير سياسي) (Re: احمد العمار)
|
Quote: سجل عندك :
1/ انا بكره السياسة واليوم الجاب السياسه
2/ انا لا امارس السياسة ولا اتمنى ان امارسها
3/ انا لا اثق فى سياسى حتى لو كان ابوى
4/ كل يوم يزداد يقينى بأن كل من يمارس السياسة له مأرب أخرى
5/ كل يوم يزداد يقينى بأن السياسة مرض ( ادمان )
القائمة تطول وكلام كثير لاينتهى
أحمد العمار |
والله شكلك انت خالي سياسة خالص خالص.
الله يكتر امثالك
| |
|
|
|
|
|
|
|
|
|
Re: بوست أعداء السياسة(سجل أنا غير سياسي) (Re: abas)
|
Quote: يا سامي يا عسل
تعرف والله انا غير ابو الهل ده مافي حاجة بتشغلني
لكن بكره الحكومه دي
ومافي زول يقول انت شيوعي
زلا اتحادي ولا حزب امه
انا سوداني هلالابي وبس |
تعرف يا عبس عيبك الوحيد هلالابي الله يهديكـ
| |
|
|
|
|
|
|
|
|
|
Re: بوست أعداء السياسة(سجل أنا غير سياسي) (Re: سامى عبد الوهاب مكى)
|
راكوبــا تعرف بعد رديت عليك حسيت انكـ بتشتغل لي وبتصنف فيني زي تصنيف ابو الهل الطلع احسن من فيا ريال!!
الود دا انا شاكي فيه يكون سياسي يا عبس...
تعال نتحالف عليه ماتقول الايام دي انا روحي مكركرة.
الليلة ياركوبا عليك اتنين كل فرده من بلد (رياضياً) وخالين سياسة يعني فايقيـــــن ورايقين.
| |
|
|
|
|
|
|
|
|
|
Re: بوست أعداء السياسة(سجل أنا غير سياسي) (Re: سامى عبد الوهاب مكى)
|
دي مداخلة من واحد صاحبي رجعتني كم خطوة لي وراء الزول دا كلامو صاح!!
Quote: عضو مجلس شورى الموفع
اشترك في: 13 فبراير 2006
مشاركات: 1868
المكان: KSA
رسالة
ارسل: 05 ابريل 2007 09:54 am موضوع الرسالة:
--------------------------------------------------------------------------------
حبيبنا سامي............ ما عايز أزيد عليك المواجع
بس صعب نفصل السياسة عن الحياة والاكل والشراب والدين والكورة
كلو مربوووط بي بعضو.............
السياسي ،،، رياضي
والرياضي ... سياسي
والعندو دين سياسي .... والما عندو دين برضو سياسي
السياسة في ابسط صورها .......... هو أن تبديء رأيك في مساعدة
أو نصرة مظلوم................ ولو شاركت بإبداء الرأي او المساعدة
تكون دخلت السياسة وبدون ما تحس................
يا سامي ،،،، إنت وأنا نمارس السياسة والكثيرون غيرك بدون ما تشعر بذلك
ان عن نفسي لا انتمي لأي تنظيم سياسي ولكن .... اقول الكلمة
في الجميع.............. ولذا اجد نفسي امارسها
_________________
أمـام .... الحقـيـقـة
أمام أبواب ... جهنـم
لا صديق ... إلا الصدق !
~~~ |
| |
|
|
|
|
|
|
| |
حيدر حسن ميرغني
abas
Rakoba
mekki
فيس بوك
تويتر
انستقرام
يوتيوب
بنتيريست