|
|
 بشششتنة ..... ورقاد واطة
|
(1)
كانت عمامته لا تقل عن ستة أمتار ...
ركب الركشة معي , ملأها بالكامل , فقد كان يحمل بطناً أمامه (تقول جنى تسعة شهور ) مسبحته
بيمينه , وعصا الأبنوس تلمع حين يلمع خاتم على يمينه , في تناغم عجيب ....
حياني بعد أن جلس , مالئاً الفراغ الذي هو أصلاً مقعد لشخصين إعتذر عن مضايقتي , بصوت جهوري
رزين , ثم واصل جر مسبحته وهو يتمتم في خشوع , إحترمت خشوعه , فتحت صحيفتي أتشاغل بها عن
مراقبته وتاملاتي التي قد تضايقه قبلها سألته أن يدعو لي , فدعا لي ( كاش ) , ربنا
يوفقك ..و ... و... آمين ..
تحركت الركشة نحو الهجرة , سألني : ماشي بيت المال ياشيخنا ؟؟؟؟
أجبته : نعم , ماشي لحدي الكبجاب ....
رد : ماشاالله , ناس منو ؟؟؟
أجبته : ناس السراج ...
أجابني : نعم الناس ...
ثم بدأ يعرفني بنفسه : أخوك (...) , رئيس اللجنة الشعبية , وعضو أمانة المؤتمر
الوطني , وأمام المسجد .... و... و.... و....
قلت في نفسي  هي بيت المال دي ياكافي البلا مافيها راجل غيرك) ؟؟؟
ثم تداركت : (نعم , بس الراجل يستاهل تقي وورع وبركة وهيبة, وكمان جتة ماشاالله )...
حدثني عن التغيير الذي صار : الحمدلله الشباب كلهم بيصلوا الصبح حاضر ,وكمان البنات كلهم
إتحجبن , النسوان الكبار دخلناهم ( نحو الأمية ) (نطقها هكذا) ...
قلت لنفسي : البلد كلها الآن ماشا (نحو الامية) ....
ثم حدثني عن (فضل الظهر) ...
قلت لنفسي : أولى أن تتحدث عن فضل البطن يا( أبوكرشة مترين) ....
أحس بأنني أستهجنت هيئته وكرشه البارز فقال :
دي من الموية الساقطة , مش من الأكل الكتير , بس مشيت لدكتور قال لي....
قلت لنفسي : أكيد قال ليك تمشي لي جزار يفتح (الكرشة) ويدفقها ويغسلا ويرجعا
تاني زي (أمفتفت ) لأنو أكيد ماعندو ليك علاج غير كده ....
ثم بدأ يحدثني شوية عن التوجه الحضاري , ومجتمع الفضيلة الذي إستطاعوا
تنزيله على أرض الواقع ...
فجأة ..
أصتدمت الركشة بحافلة ركاب وأنقلبت بنا , طار صاحبنا من
على ظهر الركشة ووقع على الأرض بجتته المهولة وبعد أن إصتدم
بالأرض وتطايرت عصاه ومسبحته وعمامته
صاح بعلو صوته :
بشششششششتنة ... ورقاد واطة ..!!!
|
|
 
|
|
|
|
|
|
|
 Re: بشششتنة ..... ورقاد واطة (Re: كمال علي الزين)
|
i do know some one like him
ustaz kamal
i do
نزار قباني >> شيخ حارتنا
شيخ حارتنا
اليوميات
- - -
(29)
أقمنا نصف دنيانا
على حكمٍ وأمثالِ
وشيّدنا مزاراتٍ ..
لألفِ .. وألفِ دجَّالِ ..
وكالببغاءِ .. ردَّدنا
مواعظ ألفِ مُحتالِ ..
قصدنا شيخَ حارتنا
ليرزقنا بأطفالِ
فأدخلنا لحجرته
وقام بنزع جُبَّتِهِ
وباركنا
وضاجعنا
وعند الباب ، طالبَنَا
بدفع ثلاث ليراتٍ
لصنع حجابه البالي ..
وعُدْنا مثلما جئنا
بلا ولد .. ولا مالِ
| |
|
|
|
|
|
|
|
|
|
Re: بشششتنة ..... ورقاد واطة (Re: Mustafa Mahmoud)
|
Quote: i do know some one like him
ustaz kamal
i do
نزار قباني >> شيخ حارتنا
شيخ حارتنا
اليوميات
- - -
(29)
أقمنا نصف دنيانا
على حكمٍ وأمثالِ
وشيّدنا مزاراتٍ ..
لألفِ .. وألفِ دجَّالِ ..
وكالببغاءِ .. ردَّدنا
مواعظ ألفِ مُحتالِ ..
قصدنا شيخَ حارتنا
ليرزقنا بأطفالِ
فأدخلنا لحجرته
وقام بنزع جُبَّتِهِ
وباركنا
وضاجعنا
وعند الباب ، طالبَنَا
بدفع ثلاث ليراتٍ
لصنع حجابه البالي ..
وعُدْنا مثلما جئنا
بلا ولد .. ولا مالِ |
د. مصطفى
تحياتي
كعادتك دائماً جاهز ..
محبتي
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
(2)
بعد أن إنقلبت الركشة ووقع صاحبنا ,وقعته تلك التي حدثتكم عنها , فجأة أكتشفنا أن بالسودان
شرطة للمرور كغيره من دول العالم جاءنا أحدهم ....
بلباسه الناصع البياض وعلى فمه صافرة ليست كصافرة (حكام كرة القدم ) ولكنها على نسق (حسن
والصفارة ) التي درسناها في زماننا الأول .....
جاء حسن وصفارته على فمه وجاء ( ناس أبومرووة ) , وهذا الإسم كنا نطلقه على العطالة في
حلتنا, خدماتهم تمتد خارج وداخل البيوت وتجدهم دائماً على راس كل شارع وناصية دكان
يركبون الستاير للحريم في البيوت , ويحولوا الدواليب في الأعياد , ويفكوا ويركبوا الصيوان
في المناسبات .....
وأهم وظاءهم بالطبع الوصيف للرايحين :
مابتعرف بيت ناس فلان يابن العم ؟
وهنا كأنه (لقى الرايحة) يخلص في الوصف (تقول مؤجرينو )
على العموم أخذ حسن والصفارة سواق الركشة جانباً
وحاوره حواراً طويلاً فهمت منه مقتطفات أهمها ....
الشافع ماعندو رخصة )...
وحسن والضفارة بقول ليهو: خارج نفسك
لم أفهم خارج نفسك دي !!
هل يحرضه على الهرب ...؟
؟؟؟؟؟؟؟؟؟
| |
|
|
|
|
|
|
|
|
|
Re: بشششتنة ..... ورقاد واطة (Re: اساسي)
|
| Quote: والله يا كمال القراية ليك متعة حقيقية عندك ذاكرة وخيال مبالغة |
أساسي
تحياتي
ياخوي قرض على الخيال , يكون شيخنا ده عضو بورد يطقنا شكوى يودينا أبعد من الخور 
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
| Quote: كان يحمل بطناً أمامه (تقول جنى تسعة شهور ) |
ربنا ينتعو بالسلامة
| Quote: تمشي لي جزار يفتح (الكرشة) ويدفقها ويغسلا ويرجعا تاني زي (أمفتفت ) |
أهم شي يكون شايلها في جردل .... ويمشي يغسلها في الخور 
| Quote: أولى أن تتحدث عن فضل البطن يا( أبوكرشة مترين) |
جنس حسادة : D : D
| Quote: بشششششششتنة ... ورقاد واطة ..!!! |
والله انت بشتنت الراجل أكتر من الحادث
مودتي
| |
|
|
|
|
|
|
|
|
|
Re: بشششتنة ..... ورقاد واطة (Re: غباشي)
|
Quote: Quote: كان يحمل بطناً أمامه (تقول جنى تسعة شهور )
ربنا ينتعو بالسلامة
Quote: تمشي لي جزار يفتح (الكرشة) ويدفقها ويغسلا ويرجعا تاني زي (أمفتفت )
أهم شي يكون شايلها في جردل .... ويمشي يغسلها في الخور
Quote: أولى أن تتحدث عن فضل البطن يا( أبوكرشة مترين)
جنس حسادة : D : D
Quote: بشششششششتنة ... ورقاد واطة ..!!!
والله انت بشتنت الراجل أكتر من الحادث
مودتي |
غباشي
تحياتي
ماحاسدنو ربنا يذيدوا كمان وكمان (من الموية الباردة قال) مع إنو بيسأل البيرة الساااقطة ديك
حرام ولا حلال ؟؟
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
(3)
ناس (أبومروووة) جاءونا من حيث مجلسهم القريب على بنابر ست الشاي . يتراكضون في جزع لم
أتفاءل خيراً , فأنا أعرفهم جيداً نحن بالنسبة لهم ( فيلم ), (فرجة) , موضوع لكسر
حاجز الرتابة وإستهلاك الوقت ..
أعرفهم مذ كانوا يتصايحون خلف سيارة أغلق صاحبها الباب على طرف (ثوب) صاحبته أو أمه ,
يهرعون ويتراكضون خلفه يتصايحون (التووووووب ... التووووب ... يابن العم ....
التوووووب )
وعندما يحتاجهم فعلاً في (الوحل) , أو عند تغيير العجل
أو دفرة هنا تظهر أمراض كوجع الضهر والرطوبة والقضروف ..
بعد أوقعنا قدرنا أنا ورفيقي (الشيخ أبوكرشة) في وسط الخور
أقبلوا يتصايحون سلامة ياخوانا إنشاء الله مافي عوجة ...
قلت لنفسي : عوجة كيف أكتر من شوال التبش الإتشتت ده ( أعنى صاحبي
أبوكرشة ) ,هييييي أنا عارفكم ( حلوين لسان و قليلين إحسان ) نفضت عن نفسي
غبارها وتحاملت عليها ووقفت بينما ظل صاحبي ( أبوكرشة ) في إنتظار ناس
(أبومرووة ) يحدق فيهم من مرقده في أمل
قلت له مشفقاً: واطاتك صبحت , وحاتك يحلقوا فيك كدة للصباح ...
الشافع سواق الركشة وحسن والصفارة و ناس أبومرووووة عاملين ركن نقاش :
قال (حسن والصفارة) : يلا نمشى القسم ..
رد أحدهم : لا ...
ثم آخر :الجماعة كويسين ....
وثالث : مافي داعي للبهدلة ...
ورابع :الشفع الصغار ديل يسوقوا في الركشات أما فوضى ...
ليرد عليه الأول : يعملوا شنو مساكين .. عندهم مسؤليات ....
ليجيبه آخر : مسؤليات شنو على الحرام ديل صعاليق ساااي .....
كل هذا وكوم اللجنة الشعبية وكل المناصب التي ذكرها لم ينهض منها شيئاً
مازال صاحبي ( أبوكرشة) مجدوع في الخور .....
(حسن والصفارة ) قال للشافع : خارج نفسك ...
أخيراً فهمتها حين قال : ياتدفع( عشرين ألف ) يا الرج ...
(الرج) هذا كأنه الحبس , ( ناس أبو مرووووة) تدخلوا قائلين :
ياجنابو أعمل للراجل (دسكاوند) الجماعة كويسين واحد هداك قام كويس , وكان لي عمك (أبكرشة)
داك , شكيناهو على الله حرم فقرتو السيف مايدليها , يعني ( خليها خمستاشر) ....
أخيراً دفع الشافع تمنتاشر حسن والصفارة عايز يمشى صاح فيه ناس أبومروووة: حقنا تعبنا نحنا
من قبيل نشيل ونخت معاكم عاوزين تملحونا كده ؟؟
أخيراً أعطاهم ثلاثة آلاف ومضى , وعادوا هم إلى مجلسهم قرب (ست الشاي ) ..
أوقفت تاكسي وركبت وعيني على (الشافع سواق الركشة ) و الأخرى على صاحبي (أبوكرشة) .......
عدل (الشافع) الركشة ونفض عنها غبارها وأدار المسجل وصوت المغنية ينادي صديقي أبو كرشة في
رقدته :
ووب عليا ... قلبا بيا .... السايق العربية..!!
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
(5)
إبتدأ الحفل وجاء صاحبي بعد بدل ملابسه بجلباب أفخم , كان يتزعم أهل الحي , على الأقل كان يتوهم
ذلك , كان يجلس متصدراً الحفل بجتته المهولة , لم يكن تصدر عنه سوى بعض إيماءات خجولة ويعبر عن
فرحه بحياء محتشم , إنتهى الحفل وتفرق الجمع إلا بعض الأصفياء والأهل والأصدقاء المقربين ..
كان الحفل ينتهى عند الحادية عشر , حسب توجيهات (أمير المؤمنين) عمر البشير , لأن السهر ضار بصحة
الصحة , ومن شدة حبه لشعبه فرض عليه النوم باكراً ..
كان (السراريج) يخالفون الإنقاذ في كل شئ , لدرجة أنهم أرادوا تكملة حفلهم داخل حوش المنزل ,
توقعت أن ينصرف صاحبي أبوكرشة باكراً ..
لكنه بقي ..!!
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
الأخ كمال الزين إحترامى,
عندما قرأت هذا البوست صباح اليوم بدأت بكتابة مداخلة لكنى سحبتها
حتى إشعار آخر أو لحين أن نلتقى إنشاء الله و هى من الواقع المعاش
وإمتلاء الخرطوم بمن يحملون تلك المواصفات !!! سردكم جميل و القصة
ممتعة و حديثها ذو شجون !!! لا أود الإطاله و لكن إنت بس ما تقول لى
صاحبك طلع ذو جسد خبيث !!!! غايتو كان ده حصل يبقى القصة دى مكررة
بسيناريوهات مختلفة و متشابه أحيانا أخرى, على العموم جينا نسجل حضور
يا حبيب , واصل الحكى العجيب !
إحترامى
| |
|
|
|
|
|
|
|
|
|
Re: بشششتنة ..... ورقاد واطة (Re: أيمن الطيب)
|
Quote: الأخ كمال الزين إحترامى,
عندما قرأت هذا البوست صباح اليوم بدأت بكتابة مداخلة لكنى سحبتها
حتى إشعار آخر أو لحين أن نلتقى إنشاء الله و هى من الواقع المعاش
وإمتلاء الخرطوم بمن يحملون تلك المواصفات !!! سردكم جميل و القصة
ممتعة و حديثها ذو شجون !!! لا أود الإطاله و لكن إنت بس ما تقول لى
صاحبك طلع ذو جسد خبيث !!!! غايتو كان ده حصل يبقى القصة دى مكررة
بسيناريوهات مختلفة و متشابه أحيانا أخرى, على العموم جينا نسجل حضور
يا حبيب , واصل الحكى العجيب !
إحترامى |
العزيز أيمن الطيب
تحياتي
جسد خبيث وروح طاهرة والتعريف للشيخ حسن الترابي ..
نتلاقى عشان نشوق قصتك ..
محبتي ..
| |
|
|
|
|
|
|
|
|
|
Re: بشششتنة ..... ورقاد واطة (Re: محمد أبوالعزائم أبوالريش)
|
Quote: كمال ....
بطل الحركات البتسوي فيها دي وواصل سرد الحكاية (الشمار كاتلنا)
يعني عايزين نعرف (الحاج) حتّ الكلوش والا لأ
واصل |
العزيز أبوالريش
مع إنو أنا ماحضرت زمنوا (الكلوشات ده) , لكن زولك حتى أي حاجة وأكيد أن (الكلوش ) لم يسلم من
الحت ..
سأواصل ياسيدي ..
محبتي ..
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
يا ريشكو سلامات,
أنت رجل من الماضى يا قريبى شكلك كدة !!
كلوش شنو يا برى هو فضل فيها كلوش عشان
يحتو !!! المشى بقى بدون كلوش عشان الحر
وكده!!
* هو الكلوش ده شنو ظااااتو على رأى هبانى ؟
سلامات.
| |
|
|
|
|
|
|
|
|
|
Re: بشششتنة ..... ورقاد واطة (Re: أيمن الطيب)
|
Quote: هو الكلوش ده شنو ظااااتو على رأى هبانى ؟
|
العزيز أيمن الطيب
ودهباني ده خليهو بعيد من البوست لأنو بقى المطارد الثاني في العالم بعد (بن لادن) , وسيرتو بس هنا
بتزعج الناس الكويسين والشرفاء..
بعدين الزول ده بجيب من الآخر ..
محبتي
ليك إنتا طبعاً عشان محبة هشام هباني (كفر وذندقة وقلة أدب)
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
كمال ....
ياخي حكاويك عينة .....
و شيخك ده كان ما اخاف الكضب لاقيتو في البلد
السراب دي ... ولا أدري اذا ما تشابه علي البقر ..
فجلهم قاقع لونهم مكتظة بطونهم و يجيدون الانبطاح ارضا
لكن ما قلبة ركشة ّّّ!!!
تحياتي للمعاك
و لنا لقاء
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
(****)
بعد وضعوا (العنقريب ) في وسط ساحة الحفل المنتظر , وقاموا بفرش (البرش الملون) أمامه , طال
إنتظارنا وجاء صاحبي ( عبد الرحمن كلوش) , وجلس بجانبي , إبتدر حديثه معي بسؤالي عن حالي خاصةً
ونحن زملاء محنة وضحايا حادث الركشة الأليم , شكرته على إهتمامه ولم أجد ما أقول , فعدت إلى الصمت
في إنتظار مقدم الفنانين ..
ظهروا بعد طول تمنع وإنتظار , كان أربعة من الشباب , يلبسون جلابيب خليجية مزركشة , لا تستطيع أن
تقطع الشك وتجزم هل هم شباب أم شابات , (لاهم بضكور فتعدهم رجالاً ولا هم بالإناث لتعدهم نساءً ) ,
كانوا ككل شئ في البلد المأزوم (بين بين) ..
جلسوا يتوسطون (العنقريب ) , أمسك أحدهم (بالدلوكة ) وطرق عليها عدة طرقات لا تصدر إلا من خبير (
ولا حوا الطقطاقة) في زمانها , رفع رأسه ليحي الحضور وقعت عيناه على صاحبي (شيخ كلوش) , فغر فاهه
دهشة وأفلت (الدلوكة ) من بين يديه وأتجه نحو مجلسه بجانبي وهو يتحدث بميوعة فاضحة :
أجي أصلو مامكن (عبده ) ما بصدق , لكن ده شنو ده الكرشة والجتة دي ووب علي حصل غزارة في الإنتاج
وسوء في التوزيع ولا شنو , بعدين ده شنو (قرة الصلاة القدر الضربة دي) دخلت الإسلام ولا شنو ؟؟
غلبني فضولي فتسرعت بالسؤال:
بتتعارفوا يعني ؟؟
رد الشاب :
هي معرفة وبس , ده (عبده) كان صاحبنا زمان أفضل من يرقص العروس ويعلما كمان , ماشفتو زمان كان
فيهو جنس قوام , بنات الحلة كلهم حاسدنوا , لكن سمعتا إنو إنحرف وبقى يصلي بالناس في الجامع ..!!
وضعت منديلي على فمي وأنا أغلب نفسي من الضحك ..
يتبع
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
Quote: مباااااااااالغة ....
واصل سريع ..... صبر ناهى ... |
رندا باقى لى أحسن تمشى تنومى
الجاى بعد الطباخين سخنوا الدلوكة ومولانا قاعد .. رقاد وا طة عدييييل
أناكنت هناك بس كمال أبى يجيب سيرتى حسادة
إنتو قايلين فتاوى الترابى الأخيرة دى من فراغ
تحليل ... تحليل .. ما دايرين يصلوا هنا ويحلوها مرة واحدة .
قلت لى يا كمال صحبك إتبرش فى ال وا طة ؟ كر
| |
|
|
|
|
|
|
|
|
|
Re: بشششتنة ..... ورقاد واطة (Re: رأفت ميلاد)
|
Quote: رندا باقى لى أحسن تمشى تنومى
الجاى بعد الطباخين سخنوا الدلوكة ومولانا قاعد .. رقاد وا طة عدييييل
|
صديقي رأفت
والله صدقتا بعد كده إلا نكتب ممنوع إصطحاب الأطفال .
Quote: أناكنت هناك بس كمال أبى يجيب سيرتى حسادة
|
شايفك قاعد مع الحريم آخر خلط , لعبتها صاح على الأقل قاعد مع حاجة متأكد منها
Quote: إنتو قايلين فتاوى الترابى الأخيرة دى من فراغ
تحليل ... تحليل .. ما دايرين يصلوا هنا ويحلوها مرة واحدة .
|
والله يارأفت وصلوا تب وحللوها, أتاريهم لاعبين على راحة نفسهم ..
| Quote: قلت لى يا كمال صحبك إتبرش فى ال وا طة ؟ كر |
إنبرش وبس وإنتا قايل البرش زاتو سموها برش ليي ما عشان جنس الإنبراش بتاع الشيوخ ده ..
محبتي
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
الأخ كمال ..
معليش جيت متأخر لكن الحمد لله السهرة الداخلية لسع ما فرتقت ..
حكاية من الواقع المعاش التقطها بعين مسرحي موهوب ..
وصغتها بقلم سينارست مبدع ..
واصل ح نشكل ليك تيم مدافعين من أبو مروووووه ..
اها جرينا الكرسي ..
| |
|
|
|
|
|
|
|
|
|
Re: بشششتنة ..... ورقاد واطة (Re: محمد على طه الملك)
|
Quote: الأخ كمال ..
معليش جيت متأخر لكن الحمد لله السهرة الداخلية لسع ما فرتقت ..
حكاية من الواقع المعاش التقطها بعين مسرحي موهوب ..
وصغتها بقلم سينارست مبدع ..
واصل ح نشكل ليك تيم مدافعين من أبو مروووووه ..
اها جرينا الكرسي .. |
ود الملك
جيتك مابناباها لكن كان مروتك زي جماعتنا ديلك يبقى الله كريم علينا ..
السهرة الداخلية لسا وزي ماقال رأفت ميلاد الدلوكة بسخنو فيهو والبيبسي في النار ..
محبتي
| |
|
|
|
|
|
|
|
|
|
Re: بشششتنة ..... ورقاد واطة (Re: الفاتح خليل الفكي)
|
Quote: الأخ / كمال
سلام واحترام ،،،
واصل البشتنة دي
ورينا شيخ كلوش دا عمل شنو
ما يكون انبرش في البرش ،،،عجيب
تقبل تحياتي ،،،
أبو كريم
|
أبو كريم
تحياتي
شيخ كلوش خلي البرش يختشي ..
عجيب وبس ..
نواصل
وتسلم على حضورك
محبتي
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
يا جماعة روقوا المنقة .... الواحد فكّ ليهو كلمة بالغلط سميتوا الراجل (كلوش)؟
بعدين يا كمال ما كنت تقول كدة من الأول ..... الشيخ ده أنا ما عرفتوا .. بس وجودو في امدرمان ضللني شوية
معاك .. واصل
| |
|
|
|
|
|
|
|
|
|
Re: بشششتنة ..... ورقاد واطة (Re: محمد أبوالعزائم أبوالريش)
|
كمال ......
قلت لى "غزارة فى الانتاج وسوء فى التوزيع" يمين بالله ضحكت لمان الضحك غلبنى...
يجازى محنك....
رأفت يا اخوى ....
الشفع ذاتهم قعدتهم جنبى وقلت اخير النقرا ليهم الكلام دا... باقى وليدى دا وجيهونى وسميح ..اها قلت اخير افتح ليهو عويناتو من هسى خوفا من يوم باكر يلم فيهو متل شيخنا ابو كلوش دا ابقى انا يا ود امى فى "حا وتر"...
| |
|
|
|
|
|
|
|
|
|
Re: بشششتنة ..... ورقاد واطة (Re: Randa Hatim)
|
اها
والله حيرتنا ،لكنني اذكر هذه الحفلة ، تماما وشيخ كلوش هذا وسلاموا الطباخ/الفنان ، بس عشان ما احرق ليك القصة ح اخليك تتمها براااك ..... واصل واياك من الزيادة او الكذب ، انا شاهد عيان قووول الحقيقة...
| |
|
|
|
|
|
|
|
|
|
Re: بشششتنة ..... ورقاد واطة (Re: رقم صفر)
|
Quote: اها
والله حيرتنا ،لكنني اذكر هذه الحفلة ، تماما وشيخ كلوش هذا وسلاموا الطباخ/الفنان ، بس عشان ما احرق ليك القصة ح اخليك تتمها براااك ..... واصل واياك من الزيادة او الكذب ، انا شاهد عيان قووول الحقيقة... |
رقم صفر
تحياتي
بالله إنتا برضو كنت هناك , يعني رأفت وأبوالريش وإنتا ..
طيب كان كده نواصل بسرعة قبل ماتحرقوها ..
لكن برضو رأيك شنو في البرش والإنبراش بتاع شيخ كلوش ..
| |
|
|
|
|
|
|
|
|
|
Re: بشششتنة ..... ورقاد واطة (Re: Randa Hatim)
|
Quote: كمال ......
قلت لى "غزارة فى الانتاج وسوء فى التوزيع" يمين بالله ضحكت لمان الضحك غلبنى...
يجازى محنك....
رأفت يا اخوى ....
الشفع ذاتهم قعدتهم جنبى وقلت اخير النقرا ليهم الكلام دا... باقى وليدى دا وجيهونى وسميح ..اها قلت اخير افتح ليهو عويناتو من هسى خوفا من يوم باكر يلم فيهو متل شيخنا ابو كلوش دا ابقى انا يا ود امى فى "حا وتر"... |
رندا حاتم كيفك
ربنا يخليهو ليك ولدك ده , بس أوزني (الدركسون) بتاعو بعيداً عن أقصى اليمين الديني , وما بتجيها
عوجة ...
بعدين زولة قلبها حار زيك مابتربي إلا رجال بالجد ..
| |
|
|
|
|
|
|
|
|
|
Re: بشششتنة ..... ورقاد واطة (Re: محمد أبوالعزائم أبوالريش)
|
Quote: جماعة روقوا المنقة .... الواحد فكّ ليهو كلمة بالغلط سميتوا الراجل (كلوش)؟
بعدين يا كمال ما كنت تقول كدة من الأول ..... الشيخ ده أنا ما عرفتوا .. بس وجودو في امدرمان ضللني شوية
معاك .. واصل |
أبوالريش القال ليك أغلط منو ..
شيخ كلوش ده بقى في كل مكان الماجيبو أمدرمان شنو ؟؟
| |
|
|
|
|
|
|
|
|
|
بشششتنة ..... ورقاد واطة (Re: كمال علي الزين)
|
الأخ / كمال
سلام واحترام ،،،
ديل كلهم كانوا قاعدين
الأخوان رقم صفر ورأفت وأبو الريش
كلهم كانوا هناك وما عارفين تأني كان في منو هناك
لكن الحفلة دي فأتتنا عديل كدة
واصل البشتنة دي خلينا نشوف آخر شيخ كلوش دا
أبو كريم
| |
|
|
|
|
|
|
|
|
|
Re: بشششتنة ..... ورقاد واطة (Re: الفاتح خليل الفكي)
|
Quote: الأخ / كمال
سلام واحترام ،،،
ديل كلهم كانوا قاعدين
الأخوان رقم صفر ورأفت وأبو الريش
كلهم كانوا هناك وما عارفين تأني كان في منو هناك
لكن الحفلة دي فأتتنا عديل كدة
واصل البشتنة دي خلينا نشوف آخر شيخ كلوش دا
أبو كريم |
أبو كريم
تحياتي
ماتخاف ماحا نتكلم , رغم إني شايفك طالع في الحيطة ومبسوط من الحفلة ..
محبتي
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
يا كمال ..
كيف حالك ..
والله دي شحتفة روح شديدة (خلاس).
معتصم زاتو تعب من كل مرة يقول ليك ( أها .. أها ... أها.. وبعدين)
وانا بقول ليك أها ، وبعدين الحصل شنو، صاحبك ما (ملص) جلابيتو وجدع
عمتو و(حتا) ليكم بالعراقي الخفيف ؟؟
| |
|
|
|
|
|
|
|
|
|
Re: بشششتنة ..... ورقاد واطة (Re: Salah Abdulla)
|
Quote: صاحبك ما (ملص) جلابيتو وجدع
عمتو و(حتا) ليكم بالعراقي الخفيف ؟؟ |
صلاح عبدالله
يازول والله إنتا بعد الكلام ده , متهم بالتواجد في الحفلة برضو ..
أصلو مامكن يكون ده مجرد حدس ..
يازول كنت لابد وين ؟؟
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
(****)
إلتف حوله الجمع , الطباخون وبعض الشباب والفتيات , لتعلو أصوات رجاءاتهم شيخ (كلوش) لكي يقبل
ويمسك بالدلوكة ويقدم فاصلاً من الرقص والغناء , وهو على موقفه لم يتزحزح قيد أنملة ..!!
حتى خرجت هي من بين الحضور , بجسدها المربوع ونظاراتها التي قد تجعلك تضعها في مصاف المثقفين ,
كانت مظاهر النعمة تبدو على وجنتيها المتوهجة وملابسها الأنيقة , كانت تمشي في روية وتمسك بيدها
اليمني على (حجابها ) وبيدها اليسري مسبحة كمسبحة شيخ (كلوش) , وقفت أمامه لتقول :
أجي ياشيخ (كلوش) نسيت أيام (أنا بزحزح الرملة) , نست أيامنا يا (كلوشي) ..
نظر بوجهها وفغر فاهه دهشة , ثم صاح في فرح :
حاجة (الله تاب علينا) حمدالله على السلامة البلد نورت ..
وقام من جلسته وأحتضنها في شوق ..
| |
|
|
|
|
|
|
|
|
|
Re: بشششتنة ..... ورقاد واطة (Re: رقم صفر)
|
رقم صفر
تحياتي
Quote: ياه يا كمال
ازكر هذه اللحظة تحديدا (حتى وصلت أيدي( شيخ كلوش) الذي رفض إستلامها محتجاً ..!!)
|
ياخي لحظة مهيبة بشكل مش ؟؟
Quote: ازكر تلك النظرة في عينيها ، ومحاولة العبوس والباس وجهة الصرامة ، وتلك الرغبة الدفينة في مجاراتهم ، ازكرها كأنها حدثت امس ، كنت في لحظات انظر اليه وقد شدني الموقف ، اجد خمس ابتسامة علي فمه ، تتصارع مع 4 اخماس ذلك العبوس المتصنع ، ياااه يكمال لو كنت استطيع الرسم لرسمت ملامحه (هل تعلم انها منطبعه في ذهني تماما) ولو استطعت لتضاءلت تعابير الموناليزا تماما امام كم التعابير في وجه شيخ كلوش .....
|
يازول والله بعد ده شكلك كده كنت مع ناس الحيطة , ولو مامتأكد إنك مامشيت الرحلة العملناها الصباح
بعد الحفلة كنت قلتا إنك لا قيتهم وجهاً لوجه .. كنت في الحيطة .. آه يالئيم ..!!
| Quote: انعل ...... زااااتو |
إنعل شنو يازول .. أعصابك ياخي ..!!
Quote: طبعا ما عايز اقول حصل شنو عشان (علي قول الممثلين المصريين ) ما احرأش الاصة.
|
لو خليها نص إستوا الحريقة مش كويسة ..!!
أها جايين نشوف بعد ظهور صاحبتنا حصل شنو ؟؟
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
يا ود السراريج سلامات,
يا زول القصة دى ما صرّّرّررجت عديل كده!
قتلى حاجة منو !!!!! انشاء الله نصوحة بس
وبعد ما تابت ما إعتزلت ولا شنو ولا ده
العشق القديم فى ممارسة بعض من تسلط !!
والله الحاجة ده دقس يوم ركب معاكم الركشة.
مودتنا
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
(*****)
همست بأذنه :
بتعرفا الولية دي من وين ياشيخ (كلوش) ؟؟
كنت قد جلست إلى يمينه وكانت الحاجة (الله تاب علينا) على يساره , وقد بدأت تتحدث معه حديثاً أغلبه يحوم داخل (الأندر وير )
مما أثار دهشتي , قلت لنفسي :
بعد الشفتو من شيخ كلوش مافي مستحيل ..
قاطع تأملاتي حين علا صوته يخاطبني متعمداً أن يشركها في الحديث :
ياخوي كيفن مابعرفا دي كانت في شبابا بتبلع أربعين راجل في اليوم وبعدها تدقهم وتمشيهم على عجين مايلخبطوا , أيام بيوت
الشهدا ونمرة تلاتة كانت جات من البلد جديدة كرت , قلبت الخرطوم دي قلب , بعدين ياخوي بتذكر أغنية (حني علي أنا ياتتي ) ..
أسرعت أحثه على الحديث:
أها ...
رد شيخ كلوش في ميوعة :
أها دي إتشاكلنا فيها زمان شاعرا كان حبيبنا الإتنين ناس يقولوا كتبا فيها هي وناس يقولوا كتبوها في (كلوشي ) الشايفاهو عينك
ده ..!!
قالها وأنثنى وهو يشير إلى نفسه في دلال ..!!
| |
|
|
|
|
|
|
|
|
|
بشششتنة ..... ورقاد واطة (Re: كمال علي الزين)
|
الأخ / كمال
سلام واحترام ،،،،
بالله واصل بدون فواصل الشغلانة ماشية مع شيخ كلوشي آخر حلاوة وقابل الحبايب كلهم
بعدين انت يا رقم صفر خلي حركاتك دي وما تحرق الموضوع ولا بقوم ادفرك من
الحيطة الطالع فيها دي قايلني ما شايفك ولا شنو
تعرف يا كيمو لو عملتها لينا كلها فواصل انت برضو بدفرك ارميك في شيخ
كلوشي بعدين ورينا كيف بتهرب من مصيرك
لك تحياتي
أبو كريم
| |
|
|
|
|
|
|
|
|
|
Re: بشششتنة ..... ورقاد واطة (Re: الفاتح خليل الفكي)
|
Quote: الأخ / كمال
سلام واحترام ،،،،
بالله واصل بدون فواصل الشغلانة ماشية مع شيخ كلوشي آخر حلاوة وقابل الحبايب كلهم
بعدين انت يا رقم صفر خلي حركاتك دي وما تحرق الموضوع ولا بقوم ادفرك من
الحيطة الطالع فيها دي قايلني ما شايفك ولا شنو
تعرف يا كيمو لو عملتها لينا كلها فواصل انت برضو بدفرك ارميك في شيخ
كلوشي بعدين ورينا كيف بتهرب من مصيرك
لك تحياتي
أبو كريم |
يا أبو كريم إزيك
رقم صفر ده , خليهو أصلو ودناس شديد وخجلان من طلعة الحيطة وسماع الظيتة ..
أنا ماتدفرني في شيخ (كلوش) ..
أدفرني في (الحاجة) المخارجة منها ساهلة ..
محبتي ..
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
الأولى >> شعراء العراق والشام >> نزار قباني >> شيخ حارتنا
شيخ حارتنا
اليوميات
- - -
(29)
أقمنا نصف دنيانا
على حكمٍ وأمثالِ
وشيّدنا مزاراتٍ ..
لألفِ .. وألفِ دجَّالِ ..
وكالببغاءِ .. ردَّدنا
مواعظ ألفِ مُحتالِ ..
قصدنا شيخَ حارتنا
ليرزقنا بأطفالِ
فأدخلنا لحجرته
وقام بنزع جُبَّتِهِ
وباركنا
وضاجعنا
وعند الباب ، طالبَنَا
بدفع ثلاث ليراتٍ
لصنع حجابه البالي ..
وعُدْنا مثلما جئنا
بلا ولد .. ولا مالِ
| |
|
|
|
|
|
|
|
|
|
Re: بشششتنة ..... ورقاد واطة (Re: كمال علي الزين)
|
زمان يا كمال
كنا عند قراءة أى رواية مثل
موسم الهجرة (مثلا) كان الواحد فينا
بيضحك في مناطق الضحك لوحده
ولكن الان وبفضل الخواجات (الكفار)
بقينا نضحك حميعنا وفي نفس الوقت
في كل أرجاء العالم
شكرا لهم ولك
| |
|
|
|
|
|
|
|
|
|
Re: بشششتنة ..... ورقاد واطة (Re: Atif Makkawi)
|
Quote: زمان يا كمال
كنا عند قراءة أى رواية مثل
موسم الهجرة (مثلا) كان الواحد فينا
بيضحك في مناطق الضحك لوحده
ولكن الان وبفضل الخواجات (الكفار)
بقينا نضحك حميعنا وفي نفس الوقت
في كل أرجاء العالم
شكرا لهم ولك
|
الحبيب عاطف
بل شكراً للمشروع الحضاري الذي لولاه لما أتحفنا بمثل هذه الشخصيات ..
بس أعمل حسابك من شكر الكفار ..
بجوك أسي يطبقوا عليك حد موالاة الكفار ..
تسلم ياحبيب ..
| |
|
|
|
|
|
|
|
|
|
Re: بشششتنة ..... ورقاد واطة (Re: amira abdelrahman)
|
كانت عمامته لا تقل عن ستة أمتار ...
ركب الركشة معي , ملأها بالكامل , فقد كان يحمل بطناً أمامه (تقول جنى تسعة شهور ) مسبحته
بيمينه , وعصا الأبنوس تلمع حين يلمع خاتم على يمينه , في تناغم عجيب ....
حياني بعد أن جلس , مالئاً الفراغ الذي هو أصلاً مقعد لشخصين إعتذر عن مضايقتي , بصوت جهوري
رزين , ثم واصل جر مسبحته وهو يتمتم في خشوع , إحترمت خشوعه , فتحت صحيفتي أتشاغل بها عن
مراقبته وتاملاتي التي قد تضايقه قبلها سألته أن يدعو لي , فدعا لي ( كاش ) , ربنا
يوفقك ..و ... و... آمين ..
تحركت الركشة نحو الهجرة , سألني : ماشي بيت المال ياشيخنا ؟؟؟؟
أجبته : نعم , ماشي لحدي الكبجاب ....
رد : ماشاالله , ناس منو ؟؟؟
أجبته : ناس السراج ...
أجابني : نعم الناس ...
ثم بدأ يعرفني بنفسه : أخوك (...) , رئيس اللجنة الشعبية , وعضو أمانة المؤتمر
الوطني , وأمام المسجد .... و... و.... و....
قلت في نفسي هي بيت المال دي ياكافي البلا مافيها راجل غيرك) ؟؟؟
ثم تداركت : (نعم , بس الراجل يستاهل تقي وورع وبركة وهيبة, وكمان جتة ماشاالله )...
حدثني عن التغيير الذي صار : الحمدلله الشباب كلهم بيصلوا الصبح حاضر ,وكمان البنات كلهم
إتحجبن , النسوان الكبار دخلناهم ( نحو الأمية ) (نطقها هكذا) ...
قلت لنفسي : البلد كلها الآن ماشا (نحو الامية) ....
ثم حدثني عن (فضل الظهر) ...
قلت لنفسي : أولى أن تتحدث عن فضل البطن يا( أبوكرشة مترين) ....
أحس بأنني أستهجنت هيئته وكرشه البارز فقال :
دي من الموية الساقطة , مش من الأكل الكتير , بس مشيت لدكتور قال لي....
قلت لنفسي : أكيد قال ليك تمشي لي جزار يفتح (الكرشة) ويدفقها ويغسلا ويرجعا
تاني زي (أمفتفت ) لأنو أكيد ماعندو ليك علاج غير كده ....
ثم بدأ يحدثني شوية عن التوجه الحضاري , ومجتمع الفضيلة الذي إستطاعوا
تنزيله على أرض الواقع ...
فجأة ..
أصتدمت الركشة بحافلة ركاب وأنقلبت بنا , طار صاحبنا من
على ظهر الركشة ووقع على الأرض بجتته المهولة وبعد أن إصتدم
بالأرض وتطايرت عصاه ومسبحته وعمامته
صاح بعلو صوته :
بشششششششتنة ... ورقاد واطة ..!!!
| |
|
|
|
|
|
|
|
|
|
Re: بشششتنة ..... ورقاد واطة (Re: Mustafa Mahmoud)
|
Quote: (الحيزبون ) (حاجة الله تاب علينا) وصديقها (شيخ كلوش) , بدا أنهما قد عادا بذكرياتهما إلى زمان
آخر , وفاضت دموعهما حين تذكرا صديقاً ثالثاً ..!! |
شكراً ياصديقي د. مصطفى محمود
تحياتي
خلينا نتفرج شوية وبعدين نرجع نكتب
محبتي
| |
|
|
|
|
|
|
| |
كمال علي الزين
Muna Khugali
Mustafa Mahmoud
اساسي
غباشي
بدرالدين شنا
أيمن الطيب
رقم صفر
محمد أبوالعزائم أبوالريش
Atif Makkawi
عبدالكريم الامين احمد
Ahmed Abdallah
رأفت ميلاد
الفاتح خليل الفكي
محمد على طه الملك
فيس بوك
تويتر
انستقرام
يوتيوب
بنتيريست