دعواتكم لزميلنا المفكر د.الباقر العفيف بالشفاء العاجل
|
|
 (منى خوجلي ) .. تتحبا ..!!
|
(*)
تشبه تلك التي تكتب تحت (إسمها) , ..
بل تطابقها , ..
تطل من أعينها (حنية) سودانية , ..
تعبق بالمكان رائحة (أمومة) محببة , ..
لكنها , أيضاً , ..
(حزينة) على شئ ما , ..
تتحدث بهدوء .. يتغلب على ضجيج مافي الصدور , ..
تقتحم القلوب بمحبتها , ..
حقاً , ..
(ليس من رأى كمن سمع ) ..!!
|
|
 
|
|
|
|
|
|
|
|
Re: (منى خوجلي ) .. تتحبا ..!! (Re: osman righeem)
|
Quote: الاستاذ كمال
تحياتي
شفت ازاي
دي المناظر بس |
شفتا والله ..
بس ما حا أنتظر المناظر ..
الزولة ده (بتتحبا) ..
وأنا بخاف أتعلق بالناس العارفهم ماشين ..
(يخلونا بحبهم ) ويسافروا ..
ويعلقوا قلوب الناس وراهم ..
في (القاهرة) و(الخرطوم) و(لندن) ..
زي (منى خوجلي) دي مفروض يحددوا إقامتا , ..
ولا تتغير تبقى وحشة حبتين , ..
عشان نتوازن في محبتا ..
(الله كريم ياعثمان) ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
| Quote: (منى خوجلي ) .. تتحبا ..!! |
دى عارفنها .. وياهو المقلقنا .. تقوموا تهدوا عليها من مساخة ناس هناى ديك .. المصيبة بتتصور لى مع شيخ الظلاميين زاتوا ..
الله يرجعا لينا سالمة
كيفك يا كمال الزين
كملت لى حبر البرنتر .. ياخ أكتب كبار مباريك بى هناك
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: رأفت ميلاد)
|
Quote: دى عارفنها .. وياهو المقلقنا .. تقوموا تهدوا عليها من مساخة ناس هناى ديك .. المصيبة بتتصور لى مع شيخ الظلاميين زاتوا ..
الله يرجعا لينا سالمة
كيفك يا كمال الزين
كملت لى حبر البرنتر .. ياخ أكتب كبار مباريك بى هناك |
رافت بركة في سيرة منى الجابتك , ..
ليك وحشة يا (كافر) ..
بنكبر ليك الخط (مراعاة لفروق النظر ياعجوز) ..
أنا بصور بعيوني ..
إطمئن يا(حبيب) الزولة الشفتها دي تتطعم البحر ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: رأفت ميلاد)
|
Quote: دى عارفنها .. وياهو المقلقنا .. تقوموا تهدوا عليها من مساخة ناس هناى ديك .. المصيبة بتتصور لى مع شيخ الظلاميين زاتوا ..
الله يرجعا لينا سالمة
كيفك يا كمال الزين
كملت لى حبر البرنتر .. ياخ أكتب كبار مباريك بى هناك |
رأفت..ياحليلك يارافت..
كنت متمنيه جدا رحلتنا للدوحه تكون فيها..
كان سيكون للضحكات صوت اعلي!
والله فقدتك جد..وفرحت جدا لما سمعت صوتك هناك..
وزي الكاشف..
كان افرح كتير وأكاد اطير من الفرح..
والله جد!
أما معتز قريش..والله ما تتخيل زول بسيط ومرح كيف..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
فعلا والله يا كمال اخوي مني خوجلي دي كلها حنية
اول مرة اقابلها في الخرطوم في إجازتي السابقة
حسيت اني بعرفا من سنين تمتلك قلب طفل وحنية حبوبة
ياخي والله ما بقدر اوفي الزولة حقا في الوصف
بس بقول ربنا يحفظا ويستر عليها
مني يا نسمة صباح يا نور سطع عم البلاد
بجيتك زارنا الفرح والدوحة لبست عقد جلاد
هدية خفيفة ليك يا كمال مع اني من السعودية
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: هاشم أحمد خلف الله)
|
Quote: فعلا والله يا كمال اخوي مني خوجلي دي كلها حنية
اول مرة اقابلها في الخرطوم في إجازتي السابقة
حسيت اني بعرفا من سنين تمتلك قلب طفل وحنية حبوبة
ياخي والله ما بقدر اوفي الزولة حقا في الوصف
بس بقول ربنا يحفظا ويستر عليها
مني يا نسمة صباح يا نور سطع عم البلاد
بجيتك زارنا الفرح والدوحة لبست عقد جلاد
هدية خفيفة ليك يا كمال مع اني من السعودية |
هشومي..
اختك ماجايبه خبر!
انا قايله مسألة التأشيرات دي ساهله شديد وخاصه بين الدول العربيه مادام الزول عنده أقامه!
يبدو ان سهولة التنقل عندنا جعلتنا ننسي ما يلاقيه الآخرين من صعوبات..معليش..
لكن يا هاشم عليك الله..ايامنا القضيناها في الخرطوم وباقي البورداب مش من اجمل ايام العمر؟؟
كفايه كان نسمع كلنا غنا سوا..ولا نخطف الشيه من بعض..والكلام بينا اصله ما كان بيتوه ولا بينتهي..
مش لي حق عليك الله أحنسك والباقيين تجو الدوحه؟؟
تاني أخير ليكم..ننظم رحلاتنا سوا ومن بدري..علشان تلحقوا تعملوا التأشيرات
سلم علي هودي لغاية ما الاقيها..عادل جباره رجع ولا لسه؟؟
شكرا اخوي علي بيتين الشعر الحلوين..ربنا يخليك..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
Quote: بس ما حا أنتظر المناظر ..
الزولة ده (بتتحبا) ..
وأنا بخاف أتعلق بالناس العارفهم ماشين ..
(يخلونا بحبهم ) ويسافروا ..
ويعلقوا قلوب الناس وراهم ..
في (القاهرة) و(الخرطوم) و(لندن) ..
زي (منى خوجلي) دي مفروض يحددوا إقامتا , ..
ولا تتغير تبقى وحشة حبتين , ..
عشان نتوازن في محبتا ..
(الله كريم ياعثمان) ..
كمال..
رد لي نعم يا أمي..ممكن؟؟
الخوف من الفراق احساس تحترفه حواسي وقلبي..
فقد تكرر حتي صار الخوف منه مستقرا في الأعماق..
والخوف من الفراق علي ذكري غير كريمه يخيفني أكثر..
وكما يغني الكاشف مخاطبا احلامنا...
تعال زورنا مره.. |
ونحمدالله علي لقاءنا الذي سنكرره باذنه تعالي في اي من اراضيه الواسعه..
في وطننا السودان..
في الدوحه..
في لندن..
في مصر..
او اي مكان آخر نستطيع الوصول له ..
وعندما يتكرر اللقاء..
سنبعد الخوف بالأطمئنان الجميل
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: osman righeem)
|
Quote: الاستاذ كمال
تحياتي
شفت ازاي
دي المناظر بس |
عثمان..
بدأ التعارف والتآلف بينا من مده...
ربنا يقوي ما بيننا جميعا..
ويما ما ان مد الله في العمر..
سنصير جميعا اهل..
وسيكون اسمنا..
اسرة سودانيزاونلاين للحب والموده..
شكرا اخوي
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
اخي كمال سلام
Quote: الزولة ده (بتتحبا) ..
وأنا بخاف أتعلق بالناس العارفهم ماشين ..
(يخلونا بحبهم ) ويسافروا ..
ويعلقوا قلوب الناس وراهم ..
في (القاهرة) و(الخرطوم) و(لندن) ..
زي (منى خوجلي) دي مفروض يحددوا إقامتا , .. |
بالجد نتمني نشوف الاستاذه مني
ويوم شكرها انشاء الله ما يجي
ود الزين انت اكتر من روعه
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: العوض المسلمي)
|
Quote: بالجد نتمني نشوف الاستاذه مني
ويوم شكرها انشاء الله ما يجي
ود الزين انت اكتر من روعه |
الله لا وراك يا(العوض) , ..
الزولة بتشيل قلبك وتفرتق ..
ومثلها أيام عمرو كلها بتشكر ..
ده من طيبك يا (العوض) ..
___________________
خليل لقيتوا ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
(*)
لم أكن متحمساً للقاءها , ..
ظننتها كغيرها , لن تصمد فكرة (منى الإسفيرية) ,
أمام (منى ) الزولة العادية , ..
كثيرون تلتقيهم هنا , ولا تجرؤ على لقاءهم , ..
تخاف أن تواجه ذلك التناقض الذي ألفناه , ..
بين (زول المنبر) و(زول الحياة الحقيقية) , ..
أمران أحلاهما مر , ..
فإن كانت (منى ) ليست كما تبدو لنا ..
فمكسب حتى لا نتعلق بها ونحبها حقاً , فهي لاشك ستمضى عنا , ..
وتفارقنا , ..
وإن كانت (حقيقية) كما تبدو لنا , ..
فسنحزن على فراقها , وسنخشى وداعها , ..
(عدل بواسطة كمال علي الزين on 05-30-2008, 12:56 PM)
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
Quote: لم أكن متحمساً للقاءها , ..
ظننتها كغيرها , لن تصمد فكرة (منى الإسفيرية) ,
أمام (منى ) الزولة العادية , ..
كثيرون تلتقيهم هنا , ولا تجرؤ على لقاءهم , ..
تخاف أن تواجه ذلك التناقض الذي ألفناه , ..
بين (زول المنبر) و(زول الحياة الحقيقية) , ..
أمران أحلاهما مر , ..
فإن كانت (منى ) ليست كما تبدو لنا ..
فمكسب حتى لا نتعلق بها ونحبها حقاً , فهي لاشك ستمضى عنا , ..
وتفارقنا , ..
وإن كانت (حقيقية) كما تبدو لنا , ..
فسنحزن على فراقها , وسنخشى وداعها , .. |
لا ادري يا كمال مالذي جعلك قيل مجيئي غير متحمسل للقاء الغير..
لكن اعلم انني في هذه الدنيا التقيت بكثيرين اسعدوني بشده.وىخرين نشروا التعاسه حولي..
الا انني لا افقد ثقتي في الأنسان والآنسانيه..احب الآخر حتي أتأكد انه لا يستحق هذا الحب..فابعد عنه..
..........
..........
كثيرا ما يخيب املنا فيمن نظن اننا عرفناهم..وهي خيبة ظن لا تستطيع تخبئة نفسها كثيرا..فدائما ما تطفوا علي سطح العلاقه وتأتي بآثارها السلبيه..
ولكن علي الرغم من الخيبه هنا..الا ان هذا لا يهم كثيرا..فخيرا أن نعرف من أن لانعرف..موش؟؟
........
........
كذلك كثيرا ما نحمل للذين لم نلاقيهم من قبل صوره معينه في مخيلتنا..نبنيها اكثر علي صدي كلماتهم المقروءه..او ربما علي نبرات اصواتهم..وأقصد بالصوره هنا الملامح الجسديه..
وصورتك عندي..ولم أكن قد رأيت صورك مؤخرا..هي صوره مغايره تماما للواقع..لا اقول أجمل او غير ذلك..
فقط اقول مختلفه..
لذ1لك اصارحك عندما اتيت في أول وهله لم أعرفك...كنت اصغر مما اتوقع..وأكثر ضجيجا مما تخيلت..
سعدت بك في كل الصورتين..وفي كل الأحوال كسبتك صديقا وابنا..
وبهذا..صار لقاؤنا قطعا قادما..
سلام منور بشمس لندن../font>
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
اخي كمال سلام
Quote: الله لا وراك يا(العوض) , ..
الزولة بتشيل قلبك وتفرتق |
..
قلبي شالوه زماااااااااااان
زناس حنااااااااااان
بس انت قول يا لطيف
_
____________________________
اذا ظهر خليل
بتوريني ساره دي منو ؟
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: العوض المسلمي)
|
Quote: قلبي شالوه زماااااااااااان
زناس حنااااااااااان
بس انت قول يا لطيف |
أحن من (منى) ده مافي ..
وأنا ماعاوز ألاقيها تاني ..
(بتخوف) ..
وصدق اللي قال:
الولف كتال ..
زي ناس (منى ) ديل ولفهم كتال ..
Quote: اذا ظهر خليل
بتوريني ساره دي منو ؟ |
سارة دي واحد صاحبي ..
وزول راقي جداً بالمناسبة ..
إذا ظهر خليل برسل ليك تلفون سارة في (المسنجر) ..
___________________________
(خليل) و(سارة) أصحاب بالمناسبة ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
Quote: طيب ماكان تورونا ..
|
كمال ..
وحاة الله كلمتك وحكيت ليك كتيير عن
طيبة منى..
لذاذة منى
ابتسامة منى
بس قلت انا تانى زول لو مامسكتو وجضمتو بيدينى ديل مابصدق..
انشاءالله تكون جضمتها حبوبة منى
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: Amira Elsheikh)
|
Quote: كمال ..
وحاة الله كلمتك وحكيت ليك كتيير عن
طيبة منى..
لذاذة منى
ابتسامة منى
|
حكيتي لي والله بس من كترة ما أتغشيت في الناس ..
قايلو (كلام بورد ساي) ..
Quote: بس قلت انا تانى زول لو مامسكتو وجضمتو بيدينى ديل مابصدق..
|
والله الجرب لدغة الدبيب بخاف من جر الحبل ,..
بقيت ما بصدق أوصاف زول إلا أشوفا وأمسك من جضوموا
| Quote: انشاءالله تكون جضمتها حبوبة منى |
لسا ما جضمتها , لكن خشيت فيها بالحضن كده ..
لقيتا فعلاً (حبوبة) ..
زي حبوبتي الربتني ..
بس على أصغر وأحلا وأشيك ..
_________________________
فاتك والله مسكينة
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: Amira Elsheikh)
|
Quote: كمال ..
وحاة الله كلمتك وحكيت ليك كتيير عن
طيبة منى..
لذاذة منى
ابتسامة منى
بس قلت انا تانى زول لو مامسكتو وجضمتو بيدينى ديل مابصدق..
انشاءالله تكون جضمتها حبوبة منى |
اميره..
هل قلت ليك انه نفسي اكون في مكان تجي فيه انتي..واول ماتشوفيني تصرخي صرختك
المجنونه ديك؟؟
......
......
سنتقابل كثيرا..ونعمل الحفله في حوش بيتكم الواسع..
ونفرح مع اخواتك ووالدك ووالدتك..
ونجري وننطط ونحتفل بالناس ونخفف علي الحزين مع الأصحاب ونزور بيوت اليتامي..
ويكونوا معانا الناس الحلوه الفرحها بيكون في فرح التانيين..
يرسموا ويلونوا ويغنوا للفقرا واليتامي فقط من اجل تخفيف ظلم الدنيا ليهم!
بس حاجه واحده مافينا..
أنا مابقدر عليها..
وهي غسيل الملابس
واحشاني جدا يا اميره..
ووصيتي ليك زي وصية أمك ليك..
خلي بالك من نفسك ومن صحتك..واكلي كويس!
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: العوض المسلمي)
|
Quote: قلبي شالوه زماااااااااااان
زناس حنااااااااااان
بس انت قول يا لطيف |
يعني انا لو جيت ما بلقي حته فاضله في قلبك؟؟
وانت تخليهم يشيلوا قلبك ليه؟؟
تعيش كيف يعني من غير قلب؟؟
غايتو أنا بجي..وبفتش لي مكان في قلبك وقلوب التانيين وبقعد..سمح؟؟
نتقابل باذن الكريم علي الأخوه والموده والكلمه الطيبه..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: العوض المسلمي)
|
Quote: بالجد نتمني نشوف الاستاذه مني
ويوم شكرها انشاء الله ما يجي
ود الزين انت اكتر من روعه |
كيف حالك يا عوض..
الخرطوم هي قبلتنا..حتي ونحن نحج بالدوحه ونعتمر في اراضي الله الواسعه..
وعندما يأذن المولي..ومع ارادتنا..نتقابل باذن الله..
ونغني للمشاعر جميعا..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
Quote: حسيت اني بعرفا من سنين تمتلك قلب طفل وحنية حبوبة
ياخي والله ما بقدر اوفي الزولة حقا في الوصف
بس بقول ربنا يحفظا ويستر عليها
|
بالضبط كدا ، لم احس اني تعرفت عليها لتوي
ياخي عرفة قديمة جدا 
طبعا الفاحأني مع سبق الاصرار
و الترصد انت يا قريبي
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: saadeldin abdelrahman)
|
Quote: بالضبط كدا ، لم احس اني تعرفت عليها لتوي
ياخي عرفة قديمة جدا
طبعا الفاحأني مع سبق الاصرار
و الترصد انت يا قريبي |
أبوالسعود .. مساءك خير ..
(الزولة) دي (نموذج ) لكائنات إنقرضت يافريبي ..
(جيل حبوباتنا) ديك ..
مصر ومترصد والله يا قريبي
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
(*)
(عمر سعد) ..
زول (حنين) و(طيبان) , ..
وجدته يقبع بجوارها كعادته في حضرة , ..
من يهوى , ..
(حبوبة منى) , ربما لا تعلم أن ضيف (عمر سعد) ,
بتمسك سنة , ..
وكم شهر , كده ..
تزوره في (الدوحة) تبيت ..
تزوره في (بانت) تبيت , ..
(ولوف ) بس يشيل شيلتو ..
فهي لا شك ستغادر , ..
ولو أنها عرفت (طيبة عمر) وإحساسه (بالولف ) ..
لفضلت أن لا تلتقيه ..!!
(عدل بواسطة كمال علي الزين on 05-30-2008, 02:47 PM)
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
(*)
(السني) و(أحلام) ..
و(ودالزين) و(آسيا) ..
تستطيع القول أن :
الطيبون للطيبات ..
وليس بغريب أن نكتشف أن (حرم) ودالزين ..
تمت لها بصلة القرابة ..
(السني) أحتفى بها وبنا , ..
حين صور لنا مشاهد غزوة الموز , على طريقته الخاصة , ..
ومن زاويته هو , ..
زاوية الفنان , الذي يرى كل شئ جميل , ..
ويستطيع إلتقاط صور الحياة الجميلة ,
من بين شظايا الموتى , ..
كما ألتقط صاحبنا ذاك (الموزة) وألتهمها ,
من بين الأموات ..!!
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: saadeldin abdelrahman)
|
Quote: بالضبط كدا ، لم احس اني تعرفت عليها لتوي
ياخي عرفة قديمة جدا
طبعا الفاحأني مع سبق الاصرار
و الترصد انت يا قريبي |
سعود..
كده تشوف ماما جاره ومنال وعصام قبالي؟؟
.....
.....
شوفت ربنا كريم كيف؟
ما اتقابلنا في الخرطوم..لكن اهو اتقابلنا في الدوحه..
مقابله مافي اجمل منها مع الأحباب والطيبين..
لنه النيه والأصرار في..ولازم نكررها ومع مجموعات أوسع...
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: osman righeem)
|
عارف يا عثمان..
الحضور لهذا البوست والمكوث فيه..يأخذ مني وقتا مضاعف..
لني أقضي بعضه في الأستماع للكاشف ثم ابدأ بعد ذلك الكتابه..
الكاشف فنان لا أعتقد أنه سيتكرر قريبا..كل مافيه ومافي أغانيه فريد!
شكرا أخوي وصديقي عثمان..-
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
Quote: (*)
(عمر سعد) ..
زول (حنين) و(طيبان) , ..
وجدته يقبع بجوارها كعادته في حضرة , ..
من يهوى , ..
(حبوبة منى) , ربما لا تعلم أن ضيف (عمر سعد) ,
بتمسك سنة , ..
وكم شهر , كده ..
تزوره في (الدوحة) تبيت ..
تزوره في (بانت) تبيت , ..
(ولوف ) بس يشيل شيلتو ..
فهي لا شك ستغادر , ..
ولو أنها عرفت (طيبة عمر) وإحساسه (بالولف ) ..
لفضلت أن لا تلتقيه ..!! |
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: عمر سعد)
|
الي صديقي جدا..عمر سعد
حضرت وسجلت برقم تلفوني في هاتفك انني فعلت..واتصلت عدة مرات بعد محادثتنا الأخيره من لندن..
كنت أود الأطمئنان اكثر علي شقيقك..الا انك كنت مشغول معه وبه..
الحمدلله كمال طمأنني عليه وعليك..
.......
.......
بالطبع تعلم كم أنت عزيز علي نفسي..
وكم أقدر مشاعر الأخوه العميقه بيننا..
الا أنني هنا اود أن اجدد اعترافي بهذه المشاعر الأخويه..
أود ان اشكرك علي اي لحظه قدمتها لي واسعدتني وساعدتني وقربت بيننا..
فرحتك بوجودك في المطار..ثم في بيت طه وآسيا..
ثم في اي مكان تواجدنا فيه..
سؤالك الدائم بالتلفون وانت في عملك..
جعلني اتأكد أكثر..
أن الدنيا جميله ان تمسكنا فيها باصدق وبالمحبه..
........
........
يا عمر سعد يا أبو قلب كبير...
عندما وصلت الي مصر..
قابلتني امي بالأحضان وبرقم تلفوني الذي سأستخدمه..ورفعت عن كاهلي عبء فعل كل ذلك..
..........
..........
وانت في الدوحه قابلتني بالأحضان وبرقم تلفوني الذي ساستخدمه...
احبك كأمي
وحقيقي انا احبك كثيرا وكل مافيك ولمسته فيك..يجعلني افعل!
هذا الأهتمام بالآخر..المسئوليه في التعامل والحنيه يا عمر..
تورم قدمي جعلك والعزيز كمال في حالة اصرار علي المستشفي وتحاليلها..
ولم ينته الأمر الا وبكمال يحضرني لك لتقوم بالتحاليل بنفسك..
..........
..........
ايماننا بالأسر السودانيه الأصيله لا يأتي من فراغ..ولا هي مجرد كلمات تقال..
يأتي من سلوك ابناءها وتمسكها بالقيم الحبيبه..مثل الصدق والمسئوليه..
حب الاخر ومعاونته..الكرم والحنان..
وانت رجل اجتمعت فيك كل هذه الصفات النبيله..
عرفتها علي مدي شهور طويله في أحاديثنا..
وفي تلاقينا في الدوحه ومن حديث الاخرين عنك..
وربما اسفي علي انني لم التق بشقيقك وابن عمتك كان كبيرا..
فقد كنت امني النفس بأن أري الأخلاق الحميده وهي تغني حولنابصوت اسرتك اكثر..
شكرا علي انك صديقي وأخي الجميل..
و......
............
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
كمال يا فنان يا راقي ..
أخوك مااااااااااااااااااا إتورط ...!!
لحدي أمبارح نفس فهمك وكده ...!
شخصيات بوردابية وعليها السلام ..
لكن لقيت ليك حلاة إبتسامة ...!
يا الله ..
أريح شخصية قابلتها في العشرين سنة الماضية بلا منافس ..
أحببت فيها كل شيئ ...( سجن سجن غرامة غرامة ...! )
وبالجد شايل الهم من سفرها ..
الله يهون
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: عثمان دغيس)
|
Quote: كمال يا فنان يا راقي ..
أخوك مااااااااااااااااااا إتورط ...!!
لحدي أمبارح نفس فهمك وكده ...!
شخصيات بوردابية وعليها السلام ..
لكن لقيت ليك حلاة إبتسامة ...!
يا الله ..
أريح شخصية قابلتها في العشرين سنة الماضية بلا منافس ..
أحببت فيها كل شيئ ...( سجن سجن غرامة غرامة ...! )
وبالجد شايل الهم من سفرها ..
الله يهون |
سلامات يا/دغيس
صدقت والله ..
أريح شخصية دي عبارة في مكانا ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: عثمان دغيس)
|
Quote: كمال يا فنان يا راقي ..
أخوك مااااااااااااااااااا إتورط ...!!
لحدي أمبارح نفس فهمك وكده ...!
شخصيات بوردابية وعليها السلام ..
لكن لقيت ليك حلاة إبتسامة ...!
يا الله ..
أريح شخصية قابلتها في العشرين سنة الماضية بلا منافس ..
أحببت فيها كل شيئ ...( سجن سجن غرامة غرامة ...! )
وبالجد شايل الهم من سفرها ..
الله يهون |
عثمان ..
ورطة المشاعر الجميله هي أجمل ورطه..فقط أن اكدنا علي تواصلها تصير أجمل!
كلما فكرت فيك..
رايتك مبتسما باشا..ولكن ايضا مستعجلا..
مستعجل ليه يا عثمان؟؟
بنياتي يا مني منتظراتني بالعيش!
كنت كثيرا ما اقول لك..
بسم الله ياعثمان..عيش شنو اسه؟
وبعدين انت العيش ده ما تجيبه بدري قبال تمرق من البيت!
.....
.....
الا ان الحقيقه كانت في سعادتي التزامك الجميل بمسئولياتك الأسريه..
كالتزامك الجميل نحو أصدقائك..
......
......
سعدت جدا بزيارتي لكم في المنزل..
وبالتعرف علي زوجتك اللطيفه واخوك الضاحك..
وكرم ضيافتكم ونطيط بناتكم السمحات ماشاء الله..
ويا ود عمي أدعي وقول ان شاء الله..
نتقابل كلنا مرات ومرات علي الحب والكلمه الجميله والطرب العظيم..
وحمدلله علي سلامة البنات وشفاءهم..
سلم لي علي أكوردينك..سمح اخوي؟؟
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
ألآخ/كمال.
ألسلام عليكم..ولك ألتحية وانت تفتح هذا البوست.لأخت غالية علينا جميعآ ربنا يحفظها..
ما قلنا ليكم قبل كدة القلب يحب قبل العين احيانآ..........
بصراحة دى اخت الكل....ومحبتها للناس هى التى فرضت على الناس ان يحبوها..(حب الناس يحبوك)
مودتى..إسماعيل محمد احمد عباس..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: ismeil abbas)
|
Quote: ألآخ/كمال.
ألسلام عليكم..ولك ألتحية وانت تفتح هذا البوست.لأخت غالية علينا جميعآ ربنا يحفظها..
ما قلنا ليكم قبل كدة القلب يحب قبل العين احيانآ..........
بصراحة دى اخت الكل....ومحبتها للناس هى التى فرضت على الناس ان يحبوها..(حب الناس يحبوك) |
كيف حالك يا اسماعيل..
زيارة الدوحة دي اتعلمت فيها حاجات كتيره..
جميل تشوف تصرفات الناس..وما اي ناس..ناس سودانيين زيك عن قرب..
طبعا تلاقي السودانيين هنا في اشكال اجتماعيه زي عندكم مافي...
الناس بعيده من بعضها بحكم الجغرافيه وطبيعة العمل والحياه..
يعني لو جه زول من السودان زائر..
مابيبقي في شكل احتفاليات الدوحه..كل واحد او بالكتير اتنين تلاته بيحتفلوا بيه..
وبالتالي أنا بعدت كتير من الأنسان السوداني والمجموعه السودانيه في بلد غير السودان...
اتعلمت من أهل الدوحه أن أحب بشكل افضل واتعامل بسهوله اكتر..
.........
.........
ويبقي اذن من الواجب أن نشكر صاحب الموقع الذي جمعنا في زمن الشتات المفروض..
وفي كل مره كنا بنجتمع فيها..بنجتمع علي الأماني الحلوه وجمال البورد..
يقيني أن بالرياض بورداب لا يقلون جمالا عن اهل الدوحه احباب قلبي..
ويقيني أن اجمل الأيام ستجمعنا جميعا معا...
تحياتي لك يا انسان من الزمن الجميل..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
كمال
تعرف يا جميل
نحن مبتَلُون بالناس الطيبة و عميقة
ومبتلون أكثر بقصر اقامتهم معنا و دوام اقامتهم بالقلب ..
و مبتَّلون حدد السُقيا بالحنين منهم ولهم ..
و من أمثالك .. أيضا يتاورون علينا أوجاع الشوق ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: Emad Abdulla)
|
Quote: ما تنفعكم ..
رجيت الله عليكم .
|
وإنتا إنشاالله ماتنفع ناس الخرطوم ..
عارف يا(عماد) أنا إكتشفتا إنو نحن إتلاقينا مرة واحدة بس ..
وساعة كده زي (منى) دي ..
(إنتا برضو تتحبا) ..
____________
نكاية في (ملاسي) بك , أنا (بحبك)
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: Emad Abdulla)
|
Quote: ما تنفعكم ..
رجيت الله عليكم . |
وبعدين معاك يا عماد؟
نسافر من الخرطوم انت توصل ليها..نرجع الخرطوم ما نتقابل..
نجي الدوحه انت في الخرطوم..انت قاصد شنو؟؟
يصح منك كده يعني؟؟
لكن في معظم اوقاتنا انت كنت في معانا..في البال وفي السيره الحلوه..
ربنا يجمعنا قريب باذن الله..وفي اي مكان يكون اللقاء..يكون قطعا أحلي مما نتصور..
مودتي لك بدون حدود..انت عارف كده..موش؟؟
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: معتصم الطاهر)
|
الاخ كمال سلام والتحية لمنى خوجلى الزولة الرائعة
التى تجبرك على احترامها
خلقا واخلاق
وربنا يديها الصحة والعافية
فالنزرع الحب مع الرائعين دوما
حتما
نحصد حبا
وخلقا انسانيا
تلك هى منى خوجلى كما عرفناها هنا
عبد العظيم اوسلو الجميلة
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: عبد العظيم احمد)
|
Quote: الاخ كمال سلام والتحية لمنى خوجلى الزولة الرائعة
التى تجبرك على احترامها
خلقا واخلاق
وربنا يديها الصحة والعافية
فالنزرع الحب مع الرائعين دوما
حتما
نحصد حبا
وخلقا انسانيا
تلك هى منى خوجلى كما عرفناها هنا
عبد العظيم اوسلو الجميلة |
عبدالعظيم .. سلامات
أستطيع الحكم على الناس من أعينهم , ..
وعيون (منى) مليانة (حنية) و(محبة) و(صدق ) و(طيبة) ..
نحنا كمان بنحيك من (الدوحة) , ..
التي جملتها (منى) ..!!
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: عبد العظيم احمد)
|
Quote:
الاخ كمال سلام والتحية لمنى خوجلى الزولة الرائعة
التى تجبرك على احترامها
خلقا واخلاق
وربنا يديها الصحة والعافية
فالنزرع الحب مع الرائعين دوما
حتما
نحصد حبا
وخلقا انسانيا
تلك هى منى خوجلى كما عرفناها هنا
عبد العظيم اوسلو الجميلة |
كيف حالك يا عبد العظيم..
أحيانا المكان لا يعني اي شيء..
يمكنك ان تسافر الي اي بقعه في الدنيا..تكون جنة الله في الأرض..
الا أنك لا تستمتع بها ولا تري عمق جمالها..
الا ان الرفقه الجميله من الأنسان مع أنسان آخر..تجعل لكل شيء طعما مختلفا..
وعندما تكون الرفقه حلوه مثل رفقتهم لي في الدوحه..
يكون للمكان جمالا أكثر..وبالوقت احساسا أكبر..
شكرا عبد العظيم علي مشاركتنا الحب الانساني..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: معتصم الطاهر)
|
Quote: نحن مبتَلُون بالناس الطيبة و عميقة
ومبتلون أكثر بقصر اقامتهم معنا و دوام اقامتهم بالقلب ..
و مبتَّلون حدد السُقيا بالحنين منهم ولهم ..
|
سلامات يامعتصم ..
في موروثنا وتربيتنا , تجذير لحكاية الجمال عمرو قصير ..
والحلو القليل ..
و..
و(منى) وإقامتها بيننا القصيرة مثالاً ..
ده مع العلم إني لاقيتا (ساعة) من العمر ..
وربما ظروفي لن تسمح لي بلقاءها مرة أخرى حتى هنا بالدوحة ..
لكنها ساعة (كفاية) ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: معتصم الطاهر)
|
Quote: كمال
تعرف يا جميل
نحن مبتَلُون بالناس الطيبة و عميقة
ومبتلون أكثر بقصر اقامتهم معنا و دوام اقامتهم بالقلب ..
و مبتَّلون حدد السُقيا بالحنين منهم ولهم ..
و من أمثالك .. أيضا يتاورون علينا أوجاع الشوق .. |
هذه الجمعه..
اكمل ثلاثة اسابيع منذ سفري منكم..
تجري الأيام زي مابتجري دموعي..
شوفت ابراهيم عوض يا معتصم بيغنيها كيف؟؟
هذا هو حالي وحال أشواقي لكم..
دمتم لي أسره عظيمه عالية المقام والطيبه..
فالنتقارب جميعنا اكثر..
فالحياه بالحب أزهي وأجمل..
تحياتي للجميلات..
هويدا وأحلام..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمبورة)
|
Quote: اخونا كمال التحية والود
فعلا الزولة تتحب
الله يديها الصحة والعافية واياك |
ويديك انت كمان..
اتلاقينا تلاته مرات...صح؟؟
المره الأولي كانت في السباق..وكان معاك ولدك..
وقلت راجع لأنه عندك مواعيد مع بناتك..موش؟؟
واتلاقينا تاني مرتين بس لزمن ما طويل..
ممتنه انا ليك وللباقيين..
ربنا يجمعنا دائما علي الخير والمحبه..
شكرا اخوي..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: صلاح الأحمر)
|
Quote: ما تنفعكم ..
رجيت الله عليكم .
آمين ،ربنا يسمع منك ياعماد ياخوي
نحنا في المغرب الفي سقط لقط ده
مابزورونا إلا وفود الحكومه الله لاتكسبهم.
إزيك ياكملي.. ماقصرت، برضوصاحب واجب،
والإمبراطوره ممنى تستاهل اكتر،،مودتي. |
أبوصلاح .. سلامات
والله فعلاً إجماع الناس حولها ليس عن فراغ ..
المغرب دي أطلعوا منها على الخليج ده ..
بتختوا ناس الحكومة ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: صلاح الأحمر)
|
Quote: ما تنفعكم ..
رجيت الله عليكم .
آمين ،ربنا يسمع منك ياعماد ياخوي
نحنا في المغرب الفي سقط لقط ده
مابزورونا إلا وفود الحكومه الله لاتكسبهم.
إزيك ياكملي.. ماقصرت، برضوصاحب واجب،
والإمبراطوره ممنى تستاهل اكتر،،مودتي. |
كيف حالك يا صلاح..
عارف كم مره انا نويت ازور المغرب وما نفذت؟؟
كتير جدا والله..
طبعا بسمع عن جمالها كتبر.بس كل شيء بأمر الله..
وبسمع عن "سحرها" وكيف كل من يذهب اليها مفقود في حبها
ولذلك قيل.. يخافها الرجال ولا تخافها النساء..
امكن علشان كده ناس الحكومه بيجوكم كتير..ياربي صحي؟؟
.......
.......
مجموعة الدوحه مجموعه مميزه..
في ترابط بينهم واضح وانسجام..
وفي شكل من اشكال الاهتمام بالناس يذكرك بالسودان زمان..بالأهل والجيران والأصحاب العزاز..
وبجانب ده كله حب وانفتاح علي الحياه والمرح..
وأفتكر دي نقطه مهمه في تعاملنا مع الآخر..
ممكن يكون في زول مهذب جدا..بس مابيعرف يتونس..ولا يعرف يناقش..ولا يعرف يضحك للنكته..
زي الزول ده صعب جدا التعامل معاه بتلقائيه ومرح..
وصعب تحب تعيش معاه او تصادقه..
الحياه بمافيها من هموم..تحتاج للتفاؤل..للضحك زللمشاركه فيه..
ناس المغرب كيف يا صلاح..ياربي زي ناس الدوحه؟؟
شكرا اخوي علي مشاركتك فرحنا..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: طارق جبريل)
|
Quote: ما قلنا ليكم ناس الامتداد ديل
سمحين وزينين ابيتو تصدقونا |
تعرف يا(طارق )
أنا عندي أصحاب كتار في (الإمتداد) كلهم بشتركوا في حتة الظرافة دي ..
كابتن / إسماعيل عطا المنان ..(مدرب الفريق القومي)
عصام علي فرغلي ..
عبدالحفيظ الدنقلاوي ..
ومجموعة كبيرة ..
بس حكاوي (إسماعيل) دي عاوزة كتابة كتيرة ..
وحكايات عماد فرغلي كتبتا عنها في (نهارات حمراء) بتلقاهو في مكتبتي ..
أجمل ناس فعلاً ..
خصوصاً ومنى جات أكدت المعلومة دي ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
الرائع كمال الزين
سلامات
شكرا وانت تحتفى بالاروع منى خوجلى
Quote: أنا عندي أصحاب كتار في (الإمتداد) كلهم بشتركوا في حتة الظرافة دي ..
كابتن / إسماعيل عطا المنان ..(مدرب الفريق القومي)
عصام علي فرغلي ..
عبدالحفيظ الدنقلاوي ..
ومجموعة كبيرة ..
|
هكذا هم ابناء الامتداد ولعمرى انت اجمل متابعك هنا واتمنى ان التقيك
طبعا انا مقصر ولا اعرف الا القلة من البورداب هنا فى قطر (دخان واجرك على الله)
طبت مساءا
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: بابكر التوم)
|
Quote: الرائع كمال الزين
سلامات
شكرا وانت تحتفى بالاروع منى خوجلى
Quote: أنا عندي أصحاب كتار في (الإمتداد) كلهم بشتركوا في حتة الظرافة دي ..
كابتن / إسماعيل عطا المنان ..(مدرب الفريق القومي)
عصام علي فرغلي ..
عبدالحفيظ الدنقلاوي ..
ومجموعة كبيرة ..
هكذا هم ابناء الامتداد ولعمرى انت اجمل متابعك هنا واتمنى ان التقيك
طبعا انا مقصر ولا اعرف الا القلة من البورداب هنا فى قطر (دخان واجرك على الله)
طبت مساءا |
العزيز/ بابكر التوم ..
ياخي أنزل الدوحة يوم كده ..
حا نحتفل بيك زي ناس (بلاد بره)
تلفوني في بروفايلي , أدينا ألو , ..
نونسك ..
عاطر الحب ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
(*)
دون إستئذان , سأسمح لنفسي بمنادتك هكذا , ..
(خالتي منى) ..
شئتي أم أبيتي , ..
سجلتك خالة (لي) , ..
لست (صغيراً) بما يكفي , ..
ولست (كبيرة) بالقدر الذي يضعك في مقام (خالتي) , ..
خالاتي (أكبر سناً) , ..
لكنني سأضعك بمقامهن حتى أتحدث عن (محبتك) دون (حرج) ..
فالحديث عن (منى) كأنثى , فقط , يحط من قدرها , ..
ويعكر ما تحمله (المحبة) من (صفاء) ..
إنتزعت الإذن وسأمضى به ..
لأكتب ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
(*)
كنت أحسب أن بعض الناس , يفضلون أن يكونوا أناساً عاديون ..
عاديون ,..
يعيشون حياتهم بمكان واحد , ..
يعيشونه بين أناس ألفوهم لسنوات , ..
تعلقوا بهم , تعلقهم بالمكان , ..
(الأسفار والترحال) ..
ليست شغفهم , ..
يحبون حياة آباءهم وأمهاتهم , ..
وأمكنتهم , ..
حيث تظل (أنفاسهم) تختلط بأجواء الأمكنة , ..
(زير) و(نخلة) و(حوش ) مرشوش , ..
و(شاي) مغرب , ..
ومسلسل الساعة (تمنية) , ..
لا أظنه يأتي في نفس الموعد الآن , ..
ولا أظنه يحتفى به كالسابق ..
وتأتي عاصفة ما , لتجبر هؤلاء على التغيير , ..
يظنه البعض تغييراً إلى الأفضل , ..
ولكن أعينهم تقول غير ذلك ..!!
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
(*)
(خالتي منى ) , (قلع كده طبعاً) , ..
لا تشبه (لندن) , ..
(منى خوجلي) وردة بلدي , ..
و(حبوبة) فعلاً , ..
(منى خوجلي) لا تشبه (المدن) ..
تشبه (حلة) بيوتا من طين , ..
على شاطئ (نهر) ,
ليس أي (نهر) , ..
(نيلنا) داك وبس ..
(منى خوجلي) وطيور العوالم العليا , ..
لا تتسقان , ..
وعشب تلك البلاد (المصنوع) لا يشبه خطواتها , ..
(صوت القماري) و(البلوم) و(الحمام) , ..
وأعشاب النيل التي لم يرعاها أحد , ..
ودنيا (أمها وأبوها) , ..
..
هذا الذي يدفق على أعينها حزناً ..!!
(عدل بواسطة كمال علي الزين on 05-31-2008, 01:43 PM)
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: طارق جبريل)
|
Quote: ما قلنا ليكم ناس الامتداد ديل
سمحين وزينين ابيتو تصدقونا |
كيف حالك يا طارق..
الأمتداد ده مستقر في الأعماق....
كيفك وكيف الأهل؟؟
سلم علي ناصر ما ظاهر ابدا..
وربنا يجيبنا ليكم المغرب..ولا نتقابل في السودان..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: أبو ساندرا)
|
Quote: قال:
{ يا حبيبي كان نبدأ }
يا قريبي
أنت ابتديت
من حيث إنتهت
الجماهير
وتلاشت في حبها
غايتو لو روح منى خوجلي دي وزعوها على الناس
او غطسوها في بحر
وقالوا لكل واحد إغتراف غرفة
لسادت المحبة العالم |
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
الاخ كمال
الوان
الجمال
الرقة
الطيبة
الحنية
الكرم
المسئولية
الاحساس بالاخريين
كلها مفردات تعبر عن مني
مني خوجلي حياة دافئة تستكين فيها
الامان احساس توفرة لك عند الاحتياج
مني طفلة بسيطة
كلمة طيبة بترضيها
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
(*)
جمال (منى خوجلي) , ..
له علاقة بروح (الطفلة) التي تتحلى بها ,..
رغم كل شئ , ..
تستطيع أن ترى في القبح شئياً جميلاً ..
تبحث عن أعذار حتى لمن يسئ لها , ..
متفائلة رغم حزنها الذي لا يخفى , ..
وطيبانة , ..
وحنينة , ..
| |
|
|
|
|
|
|
|
|
 Re: (منى خوجلي ) .. تتحبا ..!! (Re: كمال علي الزين)
|
عزيزي الأستاذ / كمال علي الزين
لك خالص التحية والحب والإخاء ...
رغم أنني لم أدخل البورد منذ فترة لكن استوقفني موضوعك الجميل عن الأخت جميلة الدواخل منى خوجلي التي لم أراهاشخصياً رغم تصادف وجودنا في الخرطوم لمدة عشرةايام قبل عامين .. أنقل لك لو سمحت هذه القصيدة من "لحظة من فضلك" حيث كتبتها في هذه الإنسانة المتفردة بحب الخير للجميع .. رجاء تقبلها مع خالص تحياتي وحبي للجميع وتحية خاصة للأخت العزيزة / منى خوجلي ...
عشـــم الصغيرين ...
إنتي يا عشم الصغيرين في الدفا ...
عشم البيحلم ديمه بي لحظة صفا ...
بالريده .. بالحب .. بالوفا ...
بي نجمه في الافق البعيد ...
والنور يسارق في السراديب بالخفا ...
وقتين يباغت العتمه يسرج للقناديل الوميض ...
يربت علي كتف اليتيم يتفقدو ...
يواسي دمعات الحزين ويهدهدو ..
ويزيل عواقب ساده درب الامنيات ...
يلفح متاهات الحزن ويبددو ..
مسكين يقاسمك في الوجع ..
واحزانو في التيه يدفنه ...
ينسلّ في جوف الحريق ...
زي غيمه تنضح بالسنا ...
وهج البروق وقتين تزلزل في الشفق ..
غيمة مطر رطّب جفاف الأمكنه ...
زولاً مسافر راح يوزع زادو للناس الحفت ...
كفّاها من زادو القليل .. وارتاح على حزنو انكفا ....
روعة عيون عشم الصغيرين في الدفا ...
عشم البيحلم ديمه في لحظة صفا ...
بالريده بالحب والوفا ...
إدريس محمــد إبراهيم
الرياض 11/04/2006م
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: إدريس محمد إبراهيم)
|
Quote: عشـــم الصغيرين ...
إنتي يا عشم الصغيرين في الدفا ...
عشم البيحلم ديمه بي لحظة صفا ...
بالريده .. بالحب .. بالوفا ...
بي نجمه في الافق البعيد ...
والنور يسارق في السراديب بالخفا ...
وقتين يباغت العتمه يسرج للقناديل الوميض ...
يربت علي كتف اليتيم يتفقدو ...
يواسي دمعات الحزين ويهدهدو ..
ويزيل عواقب ساده درب الامنيات ...
يلفح متاهات الحزن ويبددو ..
مسكين يقاسمك في الوجع ..
واحزانو في التيه يدفنه ...
ينسلّ في جوف الحريق ...
زي غيمه تنضح بالسنا ...
وهج البروق وقتين تزلزل في الشفق ..
غيمة مطر رطّب جفاف الأمكنه ...
زولاً مسافر راح يوزع زادو للناس الحفت ...
كفّاها من زادو القليل .. وارتاح على حزنو انكفا ....
روعة عيون عشم الصغيرين في الدفا ...
عشم البيحلم ديمه في لحظة صفا ...
بالريده بالحب والوفا ...
إدريس محمــد إبراهيم
الرياض 11/04/2006م |
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: إدريس محمد إبراهيم)
|
Quote: عزيزي الأستاذ / كمال علي الزين
لك خالص التحية والحب والإخاء ...
رغم أنني لم أدخل البورد منذ فترة لكن استوقفني موضوعك الجميل عن الأخت جميلة الدواخل منى خوجلي التي لم أراهاشخصياً رغم تصادف وجودنا في الخرطوم لمدة عشرةايام قبل عامين .. أنقل لك لو سمحت هذه القصيدة من "لحظة من فضلك" حيث كتبتها في هذه الإنسانة المتفردة بحب الخير للجميع .. رجاء تقبلها مع خالص تحياتي وحبي للجميع وتحية خاصة للأخت العزيزة / منى خوجلي ...
|
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: إدريس محمد إبراهيم)
|
Quote: عزيزي الأستاذ / كمال علي الزين
لك خالص التحية والحب والإخاء ...
رغم أنني لم أدخل البورد منذ فترة لكن استوقفني موضوعك الجميل عن الأخت جميلة الدواخل منى خوجلي التي لم أراهاشخصياً رغم تصادف وجودنا في الخرطوم لمدة عشرةايام قبل عامين .. أنقل لك لو سمحت هذه القصيدة من "لحظة من فضلك" حيث كتبتها في هذه الإنسانة المتفردة بحب الخير للجميع .. رجاء تقبلها مع خالص تحياتي وحبي للجميع وتحية خاصة للأخت العزيزة / منى خوجلي ...
|
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
يا ولدي الخوجلية دي هي الحب ذاتوووووووووووووووو.... تقول لي تتحبا!!!!
أنا سافرت إلى جنيفا في رحلة عمل ولما رجعت أصبت بزكام وحمى وسخونة وعدم تركيز ... يعني كل الشبكة كانت مضروبة. ولما استيقظت في اليوم التالي وجدت (مس كول) من خالتك منى ويبدو أنها حاولت تتصل على وتقول لي مع السلامة أنا مسافرة القاهرة.
عموماً حاولت مهاتفتها عدة مرات لكن فشلت .... بس بالله أعملوا فينا معروف وخلوها ترجع لينا بسرعة .... لأنه عندنا أزمة حنية ومحنة وكدا اليومين دول.
تحياتي لك ولها ولكل الحضور والمتداخلين.
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: Mohammed Haroun)
|
Quote: يا ولدي الخوجلية دي هي الحب ذاتوووووووووووووووو.... تقول لي تتحبا!!!!
أنا سافرت إلى جنيفا في رحلة عمل ولما رجعت أصبت بزكام وحمى وسخونة وعدم تركيز ... يعني كل الشبكة كانت مضروبة. ولما استيقظت في اليوم التالي وجدت (مس كول) من خالتك منى ويبدو أنها حاولت تتصل على وتقول لي مع السلامة أنا مسافرة القاهرة.
عموماً حاولت مهاتفتها عدة مرات لكن فشلت .... بس بالله أعملوا فينا معروف وخلوها ترجع لينا بسرعة .... لأنه عندنا أزمة حنية ومحنة وكدا اليومين دول.
تحياتي لك ولها ولكل الحضور والمتداخلين. |
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: كمال علي الزين)
|
| Quote: Re: (منى خوجلي ) .. تتحبا ..!! |
والله يا كمال ياخوى طالما السيرة سيرة حب وكدة...
إنت ذاتك تتحبا..
وسجن سجن..جلدجلد..غرامة غرامة..زى ما قال واحد أخونا فوق..
على هامش المرور..
إذا أراد الله بعبده خيراً حببه إلى عباده..أو كما قال..
على هامش الهامش..
تحياتى ومحبتى لمنى خوجلى..
ولكل ناس الدوحة الذيذين..
ولكل من مر/ت من هنا..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: azhary awad elkareem)
|
Quote: والله يا كمال ياخوى طالما السيرة سيرة حب وكدة...
إنت ذاتك تتحبا..
وسجن سجن..جلدجلد..غرامة غرامة..زى ما قال واحد أخونا فوق..
على هامش المرور..
إذا أراد الله بعبده خيراً حببه إلى عباده..أو كما قال..
على هامش الهامش..
تحياتى ومحبتى لمنى خوجلى..
ولكل ناس الدوحة الذيذين..
ولكل من مر/ت من هنا..
|
سلامات يا (ازهري)
تحياتك ومحبتك وصلت ..
شكراً على كلماتك الرقيقة ..
عاطر ودي ..
| |
|
|
|
|
|
|
|
|
|
Re: (منى خوجلي ) .. تتحبا ..!! (Re: مصطفى احمد مختار)
|
Quote: اخوى كمال
منى
بتشبه
الهلال
هيبه
ودلال
عالى
الهامه
وصولو
محال
ازرق
ابيض
صال
وجال
ياكمال كملت الكلام السمح ولك تحياتى وانت تمتلك ناصية البيان ياشقى |
الصحفي المخضرم /مصطفى مختار .. وينك ياصديقي ..
وليك وحشة , وفقدك في (جبنة) الضهر داك ..
محبتي التي تعرف ..
| |
|
|
|
|
|
|
| |
كمال علي الزين
osman righeem
رأفت ميلاد
Muna Khugali
هاشم أحمد خلف الله
العوض المسلمي
saadeldin abdelrahman
عمر سعد
ismeil abbas
معتصم الطاهر
Emad Abdulla
عبد العظيم احمد
كمبورة
طارق جبريل
صلاح الأحمر
بابكر التوم
أبو ساندرا
Manal Awad Khugali
إدريس محمد إبراهيم
Mohammed Haroun
Alsa7afa_30
محمد الطيب حسن
مصطفى احمد مختار
انعام حيمورة
فيس بوك
تويتر
انستقرام
يوتيوب
بنتيريست