دعواتكم لزميلنا المفكر د.الباقر العفيف بالشفاء العاجل
|
|
 عتقا ل الرفيق المناضل ( محمد حسن عالم ) بطل مهزلة نافع
|
قامت اجهزة أمن النظام القمعيه ظهر اليوم باعتقال الرفيق المناضل
محمد حسن عالم (بوشى )
من منزلهم بالحاج يوسف وإننا فى حزب البعث نحمل أجهزة النظام
مسئولية امنه وسلامته ونطالبهم بإطلاق سراحه فورا
كما ندعو جماهير شعبنا الوفى بالوقوف خلفه
كذلك ندعو منظمات حقوق الانسان داخل السودان وخارجه
بالوقوف خلفه والمطالبه باطلاق سراحه فورا وتحميل النظام مسئولية
سلامته وامنه
حزب البعث العربى الاشتراكى
القياده القطريه – مكتب الاعلام
|
|
 
|
|
|
|
|
|
|
|
Re: عتقا ل الرفيق المناضل ( محمد حسن عالم ) بطل مهزلة نافع (Re: عاطف مكاوى)
|
Quote: أعتقلت السلطات السودانية المهندس محمد حسن عالم البوشي من أمام منزله بحي الحاج يوسف بالخرطوم بحري اليوم الاثنين عقب نشره على صفحته الشخصية إفادات شاهد عيان على وفاة أحد طلاب جامعة الخرطوم الذين أصابتهم سيارات الأمن يوم الخميس الماضي وكان محمد حسن احمد البوشي قد تداخل في ندوة داخل الجامعة أقامها القيادي في الحزب الحاكم نافع على نافع المعروف بتعذيب المعارضين فيما يعرف ببيوت الأشباح أوائل عهد النظام الحالي وأوضح لحضور الندوة ما يتمتع به نافع من صفات مثل الجبن والفساد والمحسوبية والبعد عن معرفة معاناة الجماهير السودانية وأحوالها وانتشرت مداخلته الشجاعة على الانترنت بكثافة وسرعة وحظيت بإعجاب السودانيين في الداخل والخارج. ورجح مراقبون أن يكون اعتقال البوشي في هذا التوقيت دلالة على وقوع قتلى في أحداث جامعة الخرطوم التي توالت الخميس والأحد واليوم الاثنين لا سيما وأن هناك حديث عن مفقودين لا يزالون بعيدا عن أنظار وعلم ذويهم ومعارفهم وتخشى السلطات من تنامي الاحتجاجات السلمية التي اندلعت في السوق العربي وسط الخرطوم وامتدت لتشمل الجامعات وأحياء في شرق الخرطوم في ظل توتر عال نتيجة إعلان مقتل الشهيد المناضل خليل ابراهيم وتعاملت السلطات بخوف وعنف زائدين مع أي مظاهر للعزاء في الخرطوم وفي دارفور .
في الأثناء احتشدالمئات من طلاب جامعة الخرطوم وخرجوا في موكب مهيب يطالبون بإقالة مدير الجامعةلسماحه بدخول عناصر الأمن والشرطة للحرم الجامعي واستيلائهم على اموال وممتلكات الطلاب بالإضافة للضرب والتنكيل واطلاق الغاز المسيل للدموع واكدوا أن اعتصامهم سيستمر إلي حين تنفيذ مطالبهم مرددين ه########م الخالد المحبب (جامعة حرة أو لا جامعة ) |
من صفحة زهجنا و قرفنا الكيزان
| |
|
|
|
|
|
|
|
|
Re: عتقا ل الرفيق المناضل ( محمد حسن عالم ) بطل مهزلة نافع (Re: طارق صديق كانديك)
|
لكين العناوين عندك والله. هي كان (مهزلة) هو يبقي بطل كيف؟!!!
------------------------------------------------
عموما ليس هناك اغبي من هذا النظام الفاشل الذي لديه قدرة عجيبة علي ان يشيل صباعه ويطبظ عينه كل يوم. محمد حسن عالم ليس زي جيوش المدعين الذين يملؤون الارض مثل جيوش النمل بل هو مناضل حقيقي اثبت انه شجاع لا يخاف .. واعتقاله يزكيه ويعمق قيمته وهالته البطولية التي انتزعها بشجاعته ورغبته الصادقة فى التضحية..
بالمناسبة الخبر مصدره حتي الآن اذاعة اسمها كندكار او حاجة زي دي. وبيان البعث ده غالبا يكون كتبو واحد قاعد فى لندن بعد ما اكل الفيش اند شبس حقو وضرب الصودا وقرا البوست في سودانيزاونلاين وغالبا حتشيلو حريات وتنشره كالمعتاد. والله العظيم انا خايف برضو فى النهاية الكلام يطلع كضب من تدبير الجهات التي اعتادت تهبيل مناضلين الاسافير. غايتو الله يستر
| |
|
|
|
|
|
|
|
|
|
Re: عتقا ل الرفيق المناضل ( محمد حسن عالم ) بطل مهزلة نافع (Re: Abdelmuhsin Said)
|
| Quote: بالمناسبة الخبر مصدره حتي الآن اذاعة اسمها كندكار او حاجة زي دي. وبيان البعث ده غالبا يكون كتبو واحد قاعد فى لندن بعد ما اكل الفيش اند شبس حقو وضرب الصودا وقرا البوست في سودانيزاونلاين وغالبا حتشيلو حريات وتنشره كالمعتاد. والله العظيم انا خايف برضو فى النهاية الكلام يطلع كضب من تدبير الجهات التي اعتادت تهبيل مناضلين الاسافير. غايتو الله يستر |
سلام وتحية
المصدر هو المكتب الاعلامي لحزب البعث العربي الاشتراكي حسب ما ورد في افادة الاخ صلاح عوض هنا في هذا البوست
فلماذا يكذب مكتب يتحدث بأسم الحزب حسب وجهة نظركم؟؟؟
لك التحية
| |
|
|
|
|
|
|
|
|
|
Re: عتقا ل الرفيق المناضل ( محمد حسن عالم ) بطل مهزلة نافع (Re: حمزاوي)
|
الحرية للرفيق محمد حسن عالم
الحريه لكل معتقل فى زنازين النظام
السيد / Abdelmuhsin Said
يبدو ان خيالك شطح اكثر من اللازم
لعلمك لست من اولئك الذين ذكرتهم فى الجزء الاخير من مداخلتك
وموجود داخل السودان وفى قلب الاحداث تمهل يارجل تمهل قليلا
| Quote: بيان حزب البعث العربي الاشتراكي - تنظيمات شرق النيل |
Quote:
المناسبة الخبر مصدره حتي الآن اذاعة اسمها كندكار او حاجة زي دي. وبيان البعث ده غالبا يكون كتبو واحد قاعد فى لندن بعد ما اكل الفيش اند شبس حقو وضرب الصودا وقرا البوست في سودانيزاونلاين وغالبا حتشيلو حريات وتنشره كالمعتاد. والله العظيم انا خايف برضو فى النهاية الكلام يطلع كضب من تدبير الجهات التي اعتادت تهبيل مناضلين الاسافير. غايتو الله يستر
|
| |
|
|
|
|
|
|
|
|
|
Re: عتقا ل الرفيق المناضل ( محمد حسن عالم ) بطل مهزلة نافع (Re: salah awad allah)
|
نص تفريغ الحديث الذى ادلى به المناضل محمد حسن امام بعبع بيوت الاشباح
وعرابها نافع على نافع والذى ابتعث الى ايران خصيصاً ليحرز درجة
الدكتوراة فى التعذيب:
تفريغ لحديث محمد عالم لنافع، ديمقراطية الكيزان عطلت المقطع فى السودان
( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر.
البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟
انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة
(جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع.
يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص - ما بتخجل-
اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من
ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم.. انتهى
الحرية للمناضل محمد حسن وكل المناضلين الشرفاء
تسقط دولة الكـــــلاب
لا للدولة البوليسية
| |
|
|
|
|
|
|
|
|
|
Re: عتقا ل الرفيق المناضل ( محمد حسن عالم ) بطل مهزلة نافع (Re: salah awad allah)
|
: الصحافة: اعتقلت السلطات المهندس محمد العالم الذي وجه انتقادات لنائب رئيس المؤتمر الوطني نافع علي نافع في ندوة اقيمت بجامعة الخرطوم أخيرا.
وكانت مواقع الكترونية بثت مقاطع ڤيديو راجت بشكل واسع تظهر الطالب وهو يوجه انتقادات عنيفة لنافع بعد ان احتج على اوضاعه الاجتماعية والاقتصادية التي وصفها بالمزرية.
واقتادت السلطات عالم من منزله بضاحية الحاج يوسف شرقي الخرطوم ظهر امس وطالب حزب البعث العربي «القيادة القطرية» السلطات بإطلاق سراح العالم الذي ينتمي اليه فورا.
نقلا عن صحيفة الصحافة الصادرة صباح اليوم
| |
|
|
|
|
|
|
|
|
|
Re: عتقا ل الرفيق المناضل ( محمد حسن عالم ) بطل مهزلة نافع (Re: محمد ميرغني شاطر)
|
من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر.
البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟
انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة
(جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع.
يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص - ما بتخجل-
اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من
ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم.. انتهى
الحرية للمناضل محمد حسن وكل المناضلين الشرفاء
تسقط دولة الكـــــلاب
لا للدولة البوليسية
| |
|
|
|
|
|
|
| |
salah awad allah
elhilayla
طارق صديق كانديك
عاطف مكاوى
خدر
Nasr
Tragie Mustafa
مهيرة
شهاب الفاتح عثمان
بدر الدين الأمير
ثروت سوار الدهب
Abdelmuhsin Said
Elmoiz Abunura
abdelrahim abayazid
موسي عيسي
محمد ميرغني شاطر
صديق الموج
Zomrawi Alweli
عبدالله الشقليني
أبو ساندرا
ايهاب الطيب بله
الصادق خليفة
nabielo
يوسف السماني يوسف
Mohamed Foto7li
ناصر الاحيمر
معتصم مصطفي الجبلابي
عماد شمت
فيس بوك
تويتر
انستقرام
يوتيوب
بنتيريست