|
|
 # أكلوا الجدادة وقالوا زهير يطير!
|
#
الجدادة المحمرة تحمير
لونه أحمر لامع من شدة التحمير
هجموا عليها أخوان فاطمه بدير
لا ورك خلو ولا أردف ولا صدير
خلوها عضام عدمانه من ثمرة التحمير
وأنا والكديس بكينا وشكينا للمولي القدير
لحيمه ما خلوها و حتي ريحتا كان عمرها قصير
والحكاية فيها خيانه وكمان تنظير
والجماعة ديل هجموا عليها زي اللي عندهم نفير
دقيقة ماأنتظروني قايلنها بتطير
نسوني مع الطشمه من غير تفكير
أكلو الجدادة وقالوا زهير يطير
قطعوا مصاراينا وبطونا بقت زي الزير
وما راعو الخوة و لاالصداقة وقالوا ودا فيهو قليل
خلاص أنا قفلت أبوابي والشراب معكم شيء خطير
والله أنا كنت قايل نفسي أمير
وعندهم قدري كبير
لكين أخ أكلو الجدادة وقالوا زهير يطير.....!
|
|
  
|
|
|
|
|
|
|
 Re: # أكلوا الجدادة وقالوا زهير يطير! (Re: قيقراوي)
|
غلطانين والله ..
ديل ما صحبان يا زهير، فكهم عكس الهوا الخاينين.
وبعدين تحمير شنو في السقط ده!!
هسي كان سويتوها حلة مالو؟
أضمن حاجة ( الفول - الكوارع - الحلة أم شطة تقيلة).
ود البشرى ، شية الضان (مزة).
| |
|
|
|
|
|
|
|
|
|
Re: # أكلوا الجدادة وقالوا زهير يطير! (Re: Salah Abdulla)
|
شكر ا يا صلاح عبدالله علي مواساتك لي لكين الجماعة ديل أنا زعلان علي الجدادة المحمرة و هي أختيار أخوك نسبه لحجمها ولونها الرهيب هم كلوهم جوا يلعبوا ويقولوا كلام ما مفيدة والله أنا حزنان عليها جدا وأي واحد ما بيقدم واجب العزاء ويرسل برقية تعزية في الجدادة دي ليهو حساب معي
| |
|
|
|
|
|
|
|
|
 Re: # أكلوا الجدادة وقالوا زهير يطير! (Re: زهير عثمان حمد)
|
سلامات يا ابوالزهور,,
أكد مصدر موثوق رفض الكشف عن إسمه إنو الجماعة الكانو معاك ديل لا طشمو لا حاجة وفرشو بجدادتك ومشو تمو
القعدة مع ناس هناى داك بس إنت شبكتك طشت بدرى..
جايين شبعانين فارشين جداد مشوى وإنت خرجت من المنافسة بالضربة القاضية ...
تانى إتعشى أول بعدين دور ألأبيض ضميرك عشان ما نبقى فى جنس الجرسة دى...
تحياتى,,,
| |
|
|
|
|
|
|
| |
زهير عثمان حمد
فتحي الصديق
محمد البشرى الخضر
تبارك شيخ الدين جبريل
osman righeem
قيقراوي
عادل الباهي عبدالرازق
محمد عمر جبريل
ناذر محمد الخليفة
أيمن الطيب
فيس بوك
تويتر
انستقرام
يوتيوب
بنتيريست