|
Re: كيزان جامعة الخرطوم طلعتوا اي كلام ...!!! (Re: بشير أحمد)
|
Quote: ؛كان البعثي ده ما يدوهو اي فرصة
|
هاهاهاها .. يا زول البعثي دا .. الفرصة دي قلعا قلع .. تعرف ( القلع ) يا هناي ؟ و الغرض ما كان الحوار .. الغرض انو نافع يقتنع بأنو في رجال بياكلو النار .. و الشعب السوداني دا بخير .. ما بتنطفي نارو .. و لا بخمد لهيبو ..
| |
|
|
|
|
|
|
Re: كيزان جامعة الخرطوم طلعتوا اي كلام ...!!! (Re: Elbagir Osman)
|
يا بشير احمد انت قايل الدنيا زي زمان؟! فلاحنك في الطلبه التقول ما بتقرأ انبطاحة حكومتك للامريكان واعلانها انها مستعده تكون طابور خامس للحركات الاسلاميه في العالم!!
وانهم على استعداد ان يعلنوا وقف اطلاق النار بكل الجبهات!! ويوقفوا جريدة خال الرئيس نفسه(ههههههه دي من عندي)!
كل الانبطاحه دي ما شايفها؟! قال فلاحته في الطلبه!!
مافي اي جزمه طايره ثاني جزمنا نحن بس البتطير(ههههههههه)
| |
|
|
|
|
|
|
Re: كيزان جامعة الخرطوم طلعتوا اي كلام ...!!! (Re: محمد علي شقدي)
|
يابشير
كيزان جامعة الخرطوم حاصروا هولاء فقاطعو الانتخابات العام الماضي وهللوا وفرحوا بعدم اكتمال النصاب (حذاء الطنبوري ) مثل فرحتهم بي نفخة هذا البعثي وهذا العام ارتفع العدد الذي صوت الى تسعة الف في حساباته الاكيدة كانت لهم فيها اغلبية مريحةتصل الى سبعين في المائة ولو المسألة جزم وشلوت ومقانص فهم فضلة سيف لهم في كل جامعة قتيل او قاتل ولم يتركوا جامعة الا واكتسحوا انتخاباتهاحتى سيطروا على ال 22اتحاد وفي جامعة الخرطوم حشروا هولاء في جحر ضب خرب وبكرة سيقولون مزورة ،،، مزورة سجارة الحشيش التي يغيبون بها عن الواقع السياسي جامعة واحد مزورة ،، اتنين مزورات ،،، تلاتة مزورات ،،، اربعة مزورات بس معقول 22 اتحاد معذورين اصبحوا يفرحون بالنبذ وكل المنبر قائم على تفعيلة النبذ فما الجديد لعل رهبة نافع في قلوبهم اكثر مماينبغي كل السياسيين شتموا في حياتهم اكثر من ذلك في عرضهم وفي شرفهم من الذي نجا منهم وهل يضيرك شيئا ان يشتمك عدوك الذي يموت بغيظه لانك لم تعبره ونافع ليس اول كوكب نفث الزمان عليه فضل شعاعه هل سمعت شتيمة الامام الهادي في الامام الصادق ولازلت اسال هذا البعثي هل كان في العراق من يجرؤ ويشتم اله البعث المقبور على هذه الشاكلة
| |
|
|
|
|
|
|
Re: كيزان جامعة الخرطوم طلعتوا اي كلام ...!!! (Re: عبد الملك يوسف الملك)
|
هلا يا بشير وكيزان جامعة الخرطوم متين كان عندهم كلام لمن الطلاب يقيفو ليهم كما يقيف الجن الاحمر وكدي اسال السور الشمالي للجامعة والمطل علي شارع النيل وقول ليهو يا( سور مين تلبك) ورغم العنف والسيخ والاصطياد الفردي للطلاب هنا وهناك وضربهم الا ان طلاب هذه الجامعة لمن يقومو علي الكيزان ديل بقومو عليهم قومة رجل واحد ودائما قاعدين يكركبو ضقلهم...
وما تم من هذا المهندس الصنديد هو امرا ليس بمستغرب ان يجري في سماء هذه الجامعة التي ظل شعارها العالي هو (الجامعة جامعة حرة والطاغية يطلع بررررره) وبهذا الشعار تم طرد فلول نميري والبشير ده زااااتو كابسو الطلاب ذات مرة وطلعنو كرعينو وشوف عيني ايضا (جوزيف لاقو ) وهو يبكي عندما هتف ضده الطلاب هو محيط ثوري هادر ومتراكمة فيهو الثورية واعلي نقطة في الحماس ضد الظلم والطغيان وعشان كده السمعو نافع ده زاااااااتو شوية عليهو وعلي كل طاغية وقاتل رعديد ويا ليتهم وضعو المتاريس ومنعو مثل المجرم نافع من ان تدنس قدماه ارض هذه الجامعة وهو موشح بجرائم موثقة ضد الانسانية في بيوتات الاشباح... والمجد والخلود للحركة الطلابية السودانية ولجامعة الخرطوم وسعيدين كونها لاتزال ارضا تصفع الطغاة الرعاديد
وتحياتي
| |
|
|
|
|
|
|
Re: كيزان جامعة الخرطوم طلعتوا اي كلام ...!!! (Re: Tragie Mustafa)
|
ام حازم
تحياتي؛؛؛
Quote: لاحنك في الطلبه التقول ما بتقرأ انبطاحة حكومتك للامريكان واعلانها انها مستعده تكون طابور خامس للحركات الاسلاميه في العالم!! |
ناسنا لوعاوزين الانبطاحة ؛كان انبطحوا زمان ورقدوا سلطة.
Quote: مافي اي جزمه طايره ثاني جزمنا نحن بس البتطير(ههههههههه) |
الكيزان لو قاموا علي الحاجات دي بخلو ريحتكم طير طير.
| |
|
|
|
|
|
|
|