|
(الأكيده) . منعم رحمة (جلابا) (بصحة جيدة) وسجل إعترافات قضائية
|
الخرطوم هاجر سليمان أكدت مصادر أمنيه مطلعه عن وجود عبدالمنعم محمد رحمه الشهير بـ(جلابا) ، المستشار الثقافي لمالك عقار داخل حراسة سجن الدمازين الكبير ، وكشفت ذات المصادر لـ(السوداني) أن المذكور سجل إعترافات قضائيه مهمه وقدم مستندات تدين عقار ، وذلك عقب إستسلامه في مناطق العمليات جنوبي الدمازين في أول أيام تمرد مالك عقار وهروب المجموعه التي كانت تقاتل معه ، وأنه يتمتع بصحة جيدة داخل حراسة الدمازين ولايزال التحري معه مستمراً .
السوداني العدد 2132 الاثنين 28 نوفمبر 2011
|
|
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: محمد فرح)
|
وقالت المصادر إن (جلابا) كان قد كلفه عقار بإصدار بيان حال إنتصار التمرد على القوات المسلحة وعقب هزيمة التمرد وهروبهم أجرى جلابا بحسب المصادر إتصالاً بعقار أخبره بأن قواته هربت وتركته وحينذاك أشارت المصادر إلى أن عقار طلب منه أن يدبر حاله ولم يقدم له المساعده مما اضطره للإستسلان والتعهد أمام لجنة التحقيق التابعه لوزارة العدل بالإعتراف بكل المعلومات التي أدلى بها واستفادت منها الحكومة السودانية في الإنتصار على قوات عقار .
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: معاوية عبيد الصائم)
|
تحياتي يامحمد فرح : نساءل الله أيكون بخير وصحة وأن تبرأ ذمته من أي جرم أو ذنب بموجبه تم القبض عليه ... الشيء الغائب في هذه الشغلانة الإعتقال ... المحاكمة ... التعذيب ... التكذيب ... النفي ... التأكيد .. هو الجريمة ... هل سيكون أي مواطن حركة شعبية مشروع محاكمة ومجرم حتى يتوب ويغتسل ويصلى ركعتين حسب شروط البشير لينال عفو اللا وطني ونظامه الباطش الفاجر الكاذب ؟ ألم تكن الحركة الشعبية شريكا قويا مع اللا وطني في كل الخراب والدمار الذي لحق بالمواطن والوطن ؟ ألم يكن عقار واليا منتخبا بموجب تشريعات وقوانين وإنتخابات من صناعة اللا وطني ؟ أي جرم ذلك العظيم الذي يبحث عن تفاصيله اللا وطني عند (منعم) مثلا وغيره من المعتقلين ؟ ألم تكون الدمازين وغيرها من نصيب الحركة حسب اتفاق القسمة ( الكيري) الذي أبرمه اللا وطني معهم ... أم أنها دخلت الدمازين (غازية) ؟ ماهي الجريمة وذلك الاعتراف الخطير الذي أدلى به ويعتبر جريمة ؟؟ ياعالم مين يحاكم مين ؟ أطلقوا سراحه وفورا هو ومن معه .... أتركوا المهازل والصغائر وتوافه الأمور .... اعتقالات تعذيب محاكمات .... وأعترفوا بفشلكم في كبائر الأمور طيلة ال 22 سنة الماضية ... بفضلكم حرمتنا الأرض من خيرها والسماء من رحمته .... الشفيع إبراهيم
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: محمد فرح)
|
محمد ... سلامات
حريات ذكرت اعتقال منعم رحمه ورفاقه والحكم عليهم بالاعدام وكلامك فيه اقرار بالاعتقال ونفى لحكم الاعدام !! طيب نحن الماحريات والماحكومة نجيب الحقيقة من وين ؟ وشنو البخلينا نصدقك ونكذبهم ؟!!! مع ملاحظة صدق جزئية الاعتقال لدى حريات وهو مالم تعلن عنه الحكومة قبل حريات ..
تتكلموا عن خيانة الوطن وانتو القسمتوا الوطن وبعتوا حلايب والفشقة وحرقتوا دارفور وكردفان والنيل الازرق وذبحتوا اهلنا في بورسودان وكجبار وكسلا والقضارف ...منو الخاين لوطنه ولشعبه يامحمد ؟!! ....غايتو فيكم قوة عين لو وزعت على اهل الارض منذ الخليقة لكفتهم ...
تحياتي ،،
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: محمد فرح)
|
Quote: منعم قدم إعترافاتو دي بإرادته ودافعو كان الإنتقام من عقار اللي إتخلي عنو وجرى خلاهو
|
ولا زال مسيلمة سيد الاسم يفرفر فى قبرو من عمائل مسيلمة الافرنجى ..وهو فى موقف حرج للغــــــــاية امام ...موتى كفار قريش....يعنى سمعتو تاريخو فى خطر ....
رافة بسيلمة سيد الاسم يا مسيلمة البورد...رئح روحك واختشى ..لو اصلا باقى ليك شوية دم يا عديم الدم...
اها ...موضوع الكهرباء .....ما عندك جزء تانى ..للنشر
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: فايزودالقاضي)
|
أخ فايز تحياتي
Quote: حريات ذكرت اعتقال منعم رحمه ورفاقه والحكم عليهم بالاعدام وكلامك فيه اقرار بالاعتقال ونفى لحكم الاعدام !! طيب نحن الماحريات والماحكومة نجيب الحقيقة من وين ؟ وشنو البخلينا نصدقك ونكذبهم ؟!!! |
حريات دي لو قالت ليك إسمك فايز ماتصدقها الأكيده أنا جبتها ليك منعم حالياً بسجن الدمازين وسيقدم لمحاكمه (علنيه) ومافي حاجه اسمها محاكمات سريه وكلام فارغ زي ده
مؤونة عام من الود
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: محمد فرح)
|
يعني قبضوتهم متسللين من دولة أجنبية ؟ أم هم اسرى غزوات مدن وقرى النيل الأزرق ؟ قصة معارضة مسلحة ما البلد كلها مسلحة والفضل لأهل الفضل الكيزان أول من تسلح وأعدوا العدة وزحفوا جنوبا وغربا وشرقا .... قتلاهم وضحاياهم حسب الرئيس 10 ألف ... المشردين النازحين أنتشروا في مضارب دول الجوار ... أها التنمية دي وينها ؟ ومنو لاغى حاجة اسمها تنمية من أذهان باقي الشعب السوداني ؟؟؟ يامحمد فرح أنتم مقبلين على حروب دموية والآن أعلنتم جاهزيتكم وأستعدادكم لذلك ... كلكم مجرمون هاربون ... أطلقوا سراحهم فورا .... الشفيع
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: محمد فرح)
|
Quote: ] وذلك عقب إستسلامه في مناطق العمليات جنوبي الدمازين في أول أيام تمرد مالك عقار وهروب المجموعه التي كانت تقاتل معه ، وأنه يتمتع بصحة جيدة داخل حراسة الدمازين ولايزال |
يا محمد فرح منعم دا كان ادوه بندقية وجاهو زول يقتله ما حيطلق النار حتى لو دفاعا عن النفس
الكلام الاتكتب عنه دا ما بشبه منعم ولم يتم اختيار منعم وزيرا للثقافة الا لانه دي اهتمامته الثقافة فقط لا سلاح لا اسرار عسكرية ولا عمليات
واذا اصلا اعترف ليه الحكومة سربت الحاجة دي؟ سربتها عشان تغتالوا معنويا وتظهروا انه زول ضعيف وبياع وديل الاثنين مافي منعم. بعدين قصة عقار اتخلى عنه وقاليه بطريقتك دي برضو عشان تضربوا عقار انه بتخلى عن ناسه ودي برضو من باب زرع المعلومات
دي الحرب النفسية ولا شنو؟
عارف يا محمد اذا حصل والحكومة دي اتقلبت بالسلاح ا ستعدوا للقصص الذي دي عن اي زول في السلطة لانه دا ياهو العلمتوه للاجيال العاشت ونمت في زمنكم..زحتقلبكم وتستخدم ااسلحتكم دي التشنيع والكذب في الناس شوف الانقلابات الحصلت كلها فيها اي قصص ######ة ذي دي طبعا ما عدا حركة الشيوعين مع السيد الهادي عشان كدا انا كل يوم بندهش من كمية التشابه البينكم
يوم ليكم ويوم عليكم سنوا السنن الحميدة...
هل من الاسلام التشهير بالخصوم؟
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: د.نجاة محمود)
|
Quote: يا محمد فرح منعم دا كان ادوه بندقية وجاهو زول يقتله ما حيطلق النار حتى لو دفاعا عن النفس
الكلام الاتكتب عنه دا ما بشبه منعم ولم يتم اختيار منعم وزيرا للثقافة الا لانه دي اهتمامته الثقافة فقط لا سلاح لا اسرار عسكرية ولا عمليات
واذا اصلا اعترف ليه الحكومة سربت الحاجة دي؟ سربتها عشان تغتالوا معنويا وتظهروا انه زول ضعيف وبياع وديل الاثنين مافي منعم. بعدين قصة عقار اتخلى عنه وقاليه بطريقتك دي برضو عشان تضربوا عقار انه بتخلى عن ناسه ودي برضو من باب زرع المعلومات
دي الحرب النفسية ولا شنو؟
عارف يا محمد اذا حصل والحكومة دي اتقلبت بالسلاح ا ستعدوا للقصص الذي دي عن اي زول في السلطة لانه دا ياهو العلمتوه للاجيال العاشت ونمت في زمنكم..زحتقلبكم وتستخدم ااسلحتكم دي التشنيع والكذب في الناس شوف الانقلابات الحصلت كلها فيها اي قصص ######ة ذي دي طبعا ما عدا حركة الشيوعين مع السيد الهادي عشان كدا انا كل يوم بندهش من كمية التشابه البينكم
يوم ليكم ويوم عليكم سنوا السنن الحميدة...
هل من الاسلام التشهير بالخصوم؟ |
لافض فوك يادكتورة والتحية ليك على الكلام القوى ... ديل يادكتورة من اجل انهم يقعدوا في السلطة على استعداد يحرقوا ماتبقى من وطن ..
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: فتحي الصديق)
|
Quote: ا محمد فرح منعم دا كان ادوه بندقية وجاهو زول يقتله ما حيطلق النار حتى لو دفاعا عن النفس
الكلام الاتكتب عنه دا ما بشبه منعم ولم يتم اختيار منعم وزيرا للثقافة الا لانه دي اهتمامته الثقافة فقط لا سلاح لا اسرار عسكرية ولا عمليات
واذا اصلا اعترف ليه الحكومة سربت الحاجة دي؟ سربتها عشان تغتالوا معنويا وتظهروا انه زول ضعيف وبياع وديل الاثنين مافي منعم. بعدين قصة عقار اتخلى عنه وقاليه بطريقتك دي برضو عشان تضربوا عقار انه بتخلى عن ناسه ودي برضو من باب زرع المعلومات
دي الحرب النفسية ولا شنو؟
عارف يا محمد اذا حصل والحكومة دي اتقلبت بالسلاح ا ستعدوا للقصص الذي دي عن اي زول في السلطة لانه دا ياهو العلمتوه للاجيال العاشت ونمت في زمنكم..زحتقلبكم وتستخدم ااسلحتكم دي التشنيع والكذب في الناس شوف الانقلابات الحصلت كلها فيها اي قصص ######ة ذي دي طبعا ما عدا حركة الشيوعين مع السيد الهادي عشان كدا انا كل يوم بندهش من كمية التشابه البينكم
يوم ليكم ويوم عليكم سنوا السنن الحميدة...
هل من الاسلام التشهير بالخصوم؟ |
شكرا نجاة هذا حقا هو منعم.. منعم الذي نعرف والذي يريد البعض أن يمسح حتى ذاكرتنا القريبة.. ناهيك عن البعيدة
أين منعم يا هولاء.. اين منعم؟
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: سيف النصر محي الدين)
|
يعني يافرح المامفرح السوداني صحيفة ورق وحريات صحيفة الكترونية هسي الاكيدة دي جبتها من وين واشمعني صدقتة السوداني ومتاكد كمان وبتغالط ... تصفية الخصومة السياسية بالطريقة الو ق ح ة دي اكبر جريمة . وانت شاركت فيها بكتابتك دي وشهادتك دي وللاسف شاهد ماشافش حاجة . وزي ماكتبو الناس البيعرفو رحمة كويس .. انه مستحيل يعمل الدور ده . وازيدك كمان انه لو فعلا في محاكمه وليست بسرية على الاقل اليشوف اهله ويوكل ليه محام يدافع عنه ولا دي كمان فاتت عليك ودي من ابسط حقوقه كمتهم . فعلاً الاختشوا ماتو ( علامة تعجب كبيرة ) .
الصبر يامنعم الصبر وكل اول ليهو اخر
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: Alshafea Ibrahim)
|
Quote: أين منعم؟ الأكاذيب تفضح بعضها مصادر ذات الحكومه تقول مره أنهم رحلو لسجن كوبر ثم تأتى ذات المصادر لتقول أنه في سجن الدمازين
Quote: ورد في صحيفه السوداني الصادره اليوم نفي حكومي للانباء التي راجت خلال اليومين الماضيين بخصوص صدور احكام اعدام للمتورطين باحداث النيل الازرق من منسوبي الحركه السعبيه وفي الخبر ان ما تم عباره عن تسجيل اعترافات قضائيه بمحكمه سنجه وان ترحيل هؤلاء السجناء لسجن كوبر كان لاجراءت امنيه
الحكومه : لم تصدر احكام اعدام بحق منسوبي الحركه الشعبيه
Quote: أكدت مصادر أمنيه مطلعه عن وجود عبدالمنعم محمد رحمه الشهير بـ(جلابا) ، المستشار الثقافي لمالك عقار داخل حراسة سجن الدمازين الكبير ،
|
أجيبوا أجيبوا أين منعم؟؟
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: قصي مجدي سليم)
|
مفروض يا امنجى يا باس..رد
تراعى شعور اهل منعم
وعندك قصى قريب منعم فى البوست دا
منعم ارجل منك وارجل من رئيس نظامك ال######## الرقاص
ويكفى انو انسان واديب
انت واضح انك ماحتخلى قلة ادبك دي
وبتكتب باكثر من اسم
لو انت فعلا اسمك محمد فرح خلى يجى واحد من بورداب الخرطوم من الشرفاء مش الامنجيه
ويقول انو قابلك وبعرفك شخصيا
كت اوت:
يابكرى ارجو مراعاة شعور اسرة الاستاذ منعم رحمه
واتخاذ ماتراه مناسبا لايقاف هذا القرف
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: خضر الطيب)
|
عند الهجوم الهمجي لعناصر المؤتمر اللاوطني على مدينة الدمازين خرج المستشار عبدالمنعم رحمة منها مشياً على الأقدام ومعه إثنان من رفاقه.. وتعرض السيد رحمة لإعياء شديد جلس وطلب من مرافقيه مواصله المشي على أن يلحق بهما لاحقاً.. ولحقت به عصابات المؤتمر اللاوطني ووجدته منهكاً وإعتقلته.
لم يكن يحمل سلاحاً ولا ذاداً ولا ماءً... بل كان يحمل إيماناً فكرياً عجزوا عن نزعه منه.
هو معتقل لقرابة الثلاثة أشهر.. فلو كان كما قال شبح الأنترنيت بأن لديه غضاضة مع واليه المنتخب لكانوا أعلنوها من أول يوم ولما إستحق هذا الإعتقال التعسفي طويل الأمد وهذا التعذيب الذي تعرض له.
المستشار عبدالمنعم رحمة أسير حربكم القـذرة، ووجب عليكم إطلاق سراحه فوراً أيها السـفـلة!
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: Mohamed Yassin Khalifa)
|
يا اخوي منعم رحمة دا سجّل اعترافاتو شعراً زمااان وما فضلت عندو اعترافات زاتو عشان تنتزعوها منو أو يديكم ليها طوعاً ... لا بيدخل في حرابة وشغل عسكري ... لا بيشيل سلاح يكتل بيهو عسكري سوداني ... لا بيتزنق بيدق الجرسة ... لا بيفتش عن "ضهر" عشان يقولوا ليهو "بى طريقتك"! دا زول ألف احمر انتو ما بتعرفوهو ...
للأسف مفبرك الخبر يجهل تماماً من هو منعم رحمة ... لذلك يجهل الأكاذيب التي يمكن أن تلتصق به ... من الأكاذيب التي لا تليق به ..
فبالله اختصر الموضوع وارجع للمفبرك خليهو يورينا الراجل دا وين ... حي ميت نحن دايرين نعرف موقعو الجغرافي بالضبط ...
... المهم ...
| |
|
|
|
|
|
|
Re: (الأكيده) . منعم رحمة (جلابا) (بصحة جيدة) وسجل إعترافات قضائية (Re: د.نجاة محمود)
|
سلام يا محمد فرح و يا محمد أنت بعد عودتك الأخيرة للمنبر كتبته بوست قلته انك جاي بخطة جديدة و أنك ما عايز تدخل نفسك في ذات المتهات القديمة بتاعتك صح؟ فياخ لو صاح كلامك دا اوعه تجى تكتب أنو منعم اتجرس وفته اخوانو اوعه يا محمد من كدا ، واوعه تجي تحاول تمرر أنو منعم شال بندقيه و حارب زول ، واوعه تتورط في كلام زي دا لانو ببساطه بكونوا عايزين يشيلوك القفه و أنت منعم ما بتعرفوا ,
يا محمد فرح الناس القبضو منعم ديل و اعتقلوهو لانهم عارفنو تماااام رفضوا يعترفوا انو مقبوض عندهم رفضوا نهائي و اهو لما اتحاصروا بقوا يفبركوا كلام زي كلامك الفوق دا و مرروهوا عبر ناس زيك ما بتعرف منعم .
انا ما عايز اشهد إي شهادة في حق منعم كفاية جداً النساء و الرجال الاتكلموا هنا دا.
حالياً أنا مشكلتي الرئيسية معاك يا محمد هي :- منعم دا معتقل و معاهو 19 نفر تانين ليه يامحمد فرح ما اعلنتوا اعتقالهم من اول يوم ؟ ليه سكتوا عليهم ؟ وليه هسي اول ما الحملة طلعت و اتقدمت و فيها اتهام اغتيال طوووالى جريتو اعترفتوا انو معتقل و استخدمتوا (بلان تو) انو نصيح و كويس و ما عندوا عوجة ؟ ليه؟
و سلامى اليك .
| |
|
|
|
|
|
|
| |