يا جماعة دى شنو حكاية أنا ضد الإنقاذ وضد المعارضة دى؟

Quote: ( ناس ضد الإنقاذ وضد المعارضة ديل )

Quote: الذي يرفض الشئ و نقيضه ويحاول ان يكون راي اخر يجمع النقيضين أو يرفضهما في موقف افلاس فكري

Quote: و يمكن ان تطلق عليها حالة التفرد السالب كل يبحث ان يكون مختلفا و لو بطريقة سالبة المهم ان تتم الاشارة اليه أو ان يدعي انه غير وهذه مدرسة جحا ( الزيط و لو بي زرطة )

Quote: وهذه مدرسة جحا

Quote: يا جماعة دى شنو حكاية أنا ضد الإنقاذ وضد المعارضة دى؟

Quote: ويكون فى صف عيش وصف بنزين طالما كلنا ح نقيف فى صف العيش بالتساوى برضو أحسن لينا من الإنقاذ الف مرة لانو الإحساس بالجوع بعدالة خير من الشبع مخلوط بإحساس بالظلم

Quote: طيب هم متفقين مع المعارضة إنو الحكومة سجم ورمادوحسب إدعائهم المعارضة ذاتها ما كويسة طيب ما يسو ليهم معارضة سمحة تقاتل الحكومة الكعبة دي!!؟

Quote: صبري طه

Quote: دى يسميها الفقهاء المنزلة بين المنزلتين ويسميها اهلنا مسك العصاية من النص وهى درجة من اخفاء الانتماء لحزب المؤتمر اللاوطنى ومحاولة للاكل فى كل الموائد،،، وهى درجة من اخفاء الانتماء الى المؤتمر الوطنى

Quote: طيب هم متفقين مع المعارضة إنو الحكومة سجم ورمادوحسب إدعائهم المعارضة ذاتها ما كويسة طيب ما يسو ليهم معارضة سمحة تقاتل الحكومة الكعبة دي!!؟

Quote: وان كنت اميل الى انه كوز ردي، او في اضعف الاحوال، بقول للحكومة ياخي ما تؤاخذينا، في سبيل النيل من المعارضة فاسمحي لينا نديك قرصة قرصتين كده، وانتو براكم جلدكم تخين وما فراقه معاكم

Quote: ضد الإنقاذ وضد المعارضة

Quote: اللون الرمادى حكومة وإن لم تغنى للبشير

Quote: حكمة و الله و حكاية ......... أدهشتني من البداية الله إرحمك يا الجابري

Quote: يا ابو حسين ورينا لونك

Quote: ابوحسين ده لونو حربائى كاروهات فوشى على بيج كده11 يازول ده ماعنده لون عايز يهرج ساكت،،،

Quote: ان هذه الفئة الانقاذو معارضة هي فئة انقاذية مائة المائة .........اذ ان الانقاذ نفسها لا تخشي من يعارضها علي هذه الشاكلة بل يمكنها ان تصنعه ان تموله ان تتيح له وسائل الاعلام وان تدعمه بقولها المتكرر انها معارضة راشدة ،،،،،،،،فالانقاذ لا تثني علي معارضيها الا اذا كانو مستأنسين ومتحابين .....يؤدون دور المعارض كما ترغب هي .

Quote: ما دى البحير يعنى لو فى اتنين كضابين انا لا ضد دة ولا ضد دة بتفرج ساى لكن ضدهم الاتنين يعنى عندك الوسائل علشان تقطع دابر الاتنين حتى يعيش الناس فى سلام ومان لكن تكون مستثمر لاموال الانقاذ واهل بيتك من الانقاذ ولك تاريخ اسلامى ناصع البياض يعنى انته كوز لكن خجلان ساى عموما الاحترام لكل شخص قال انا كوز ودافع عن فكرتوا انوا كوز ودى يستحق ان يدفن فى ارض المعركة بشرف فقط لا غير الباقين

Quote: فعلا يا النيل المعارضة ليست دكان او مول لتكون معه او ضده المعارضة موقف من حكومة متسلطة اهلكت البلاد وباعت العباد واسترخصت الاعراض ... فابتدع انت معارضتك التى تليق بك وبمدى سخطك من افعال الحكومة المجرمة لكن لا تقل للناس اصبروا فانه لا بديل لهذا السوء

Quote: هذا اجمل بوست في المنبر علي الاطلاق و اجمل ما في البوست هو المحاولة اليائسة التي بذلها صاحب المنزلة بين المنزلتين ابو حسين و اجمل تعليق في البوست هو قاله احد الاعضاء الكرام اذا كانت المعارضة السجمانة دي ما عاجباكم ما تسوي ليكم واحدة سمحة شديد و تسموها المناهضة الوطنية او مثلا المرامدة ضد الحكومة او المساجمة في بيت بكا السودان او المناكفة الوطنية او المناكفة القومية او المعاكسة و لكن ليست معاكسة البنات انا اعتقد انهم مجرد خوافين و لا يمتلكون الشجاعة و لا القدرة الذهنية( الوعي) او الاجتماعية( الابتعاد بمصالحهم عن المؤتمر الوطني) علي اتخاذ موقف و يفتقرون للشرف الشخصي او ادني حدود الجسارة هم اناس باهتون و مرمدين و الترميد الاخير من موقفهم الرمادي شكرا جزيلا لكل من ساهم في هذا البوست النبيل الذي اعجبني شكرا لكم

Quote: ما قلته سليما , ولا يمكن ان تكون ضد وضد اختر مكانك واحترق

Quote: ابوحسين ده لونو حربائى كاروهات فوشى على بيج كده11 يازول ده ماعنده لون عايز يهرج ساكت،،،

Quote: ضد الظلم وضد الفساد وضد المحسوبية والقبلية وضد اللصوص وتجار الشعوب سواء أن كان من الحكومة أو المعارضة.

Quote: و قولو لي ليه المواطن اللي بعاني 22 سنة لغاية الآن ما إستجاب لي دعواتكم للخروج إلى الشارع لتغيير النظام ؟؟

Quote: بس رجاء يا أبو حسين ما تغرق لينا البوست دا بى مداخلاتك الكتيرة ديك خلاس وجهة نظرك وصلت عليك الله ما توصلو لينا للصفحة المليون كما عملت فى بوست مان تو مان داك رجاء خاص

Quote: قولو لي إنتو المعارضة الســوداااااااااااااااااااااااء عملتو شنو علشان أقيف معاها...؟؟؟ ناس الحكومة ديل أصلاً معروفة عمايلهم للجميع ...

Quote: عمل ليك معارضة بيضاء واقيف براك مكان شايف صاح

Quote: بالنسبة لناس (الضد) إذا لم يعجبه أداء الحكومة ولم يعجبه أداء المعارضة، ويرى أنه لا خير في هذا ولا ذاك.. وليس بإمكانه أن يعمل معارضة مُقنعة. فماذا يفعل في رأيكم؟

Quote: الحصار الأقتصادى الضارب السودان بسبب حكومة الإنقاذ هذه عامل أضرار لا تحصى الناس لو كانت عارفة الخير اللى ح يجى للسودان بعد رفع الحظر ما كانوا إنتظروا للحكومة دى ولا ثانية الشعب السودانى محروم من حاجات أساسية وضرورية بسبب هذه الحكومة المتسلطة أى حزب آخر مهما كان عدم تأييدنا ليه لو مسك حكم البلد بطريق ديمقراطية عادلة الحظر ح يترفع والدعومات والإعانات والصادرات وأبواب الإستثمارات الحقيقة ح تصب علينا والواردات الهامة والحيوية ح ترد والإختناق ح ينفك وسعر الدولار ح يثبت

Quote: وبهذه المناسبة اسمح لي أن أحيي ود الباوقة وعلاء يوسف على وضوحهم الفاجر فـ هما في نهاية أي تحليل أفضل من الرماديين الأمر واضح: نظام -أحال أبي إلى الصالح العام فـ انهد بناء أسرتنا - اعتقل أخي وعذّبه في بيوت الأشباح و.. لاطهُ وأدخل زجاجة بيبسي في دبره فتقطّع قلب أمي - أهان أختي في الشارع وبعدين اغتصبها فـ انتهينا - شرّد الشباب في أصقاع الأرض الضيقة هربا من وطن مساحته مليون ميل مربع - شن الحرب على أطراف البلد بدعوى أنهم ليسوا عربا - عمل ... - فعل ... فما هو موقفك أيها الرمادي ؟؟! دعوا أبو حسين، سيهديه الله، فهو إلى التقوى أقرب، لولا وجوده في السعودية بجانب أؤلئك الرماديين بتاعين جدة والرياض

Quote: بوست يتغول على خيارات الناس

Quote: (ادفقى ماتبقى رقراق ابقى يا ضل يا شموس، عاطف خيرى)

Quote: لا يهمنى الرماديون ولكن معارضى المعارضة منهم والذين يحاربون المعارضه بشراسه الاذى الذى يسببه اعداء المعارضه على الشعب والمعارضه اسواء من اذى الحكومه على الاثنين لانهم بنقدهم الدائم للمعارضه ينفعون الحكومة كثيراً ولا ينفعون احد بنقد الحكومه ان نقدوها فعلاً وحملاتهم على المعارضه اعنف منها على الحكومه انهم من يثبطون الهمم ويوئدون ثورة الشعب كل ما تهيئت للقيام من مهدها انهم اعداء التغيير انهم افاعى وثعابين ملساء تزحف هنا وهناك انهم فى الحقيقه يريدون ان تجثم هذه الحكومه على صدور الشعب مدى الدهر وان لا تنتصر اراده الشعب المغلوب على امره ابداً ولكن هيهات سيأتى يوماً فيه تندمون

Quote: مع تثميني للموضوع إلا أنه لديّ تحفظ على العنوان. فالكثيرون لا ينطبق عليهم أياً من التصنيفين. طيب.. بالنسبة لناس (الضد) إذا لم يعجبه أداء الحكومة ولم يعجبه أداء المعارضة، ويرى أنه لا خير في هذا ولا ذاك.. وليس بإمكانه أن يعمل معارضة مُقنعة. فماذا يفعل في رأيكم؟ دام فضلكم.

Quote: أي زول ضد المعارضة 99 % يقف مع المؤتمر الوطنى 1% لا يدرى انه يقف مع المؤتمر الوطنى 0% يريد اصلاح المعارضة دى ما دايرة اتنين تلاتة الناس مفروض تكون واضحة، يا ضل يا شمس، ما تبقي رقراق ساى (ادفقى ماتبقى رقراق ابقى يا ضل يا شموس، عاطف خيرى)

Quote: المقطع اعلاه للشاعر قاسم ابوزيد وقد تغني بها الراحل مصطفي سيد احمد قصيدة جميلة

Quote: سأعود

Quote: أى زول ما بأيد ناس الحكومة فى الدنيا كلها بيعتبر معااااااااااااارض حتى لو ما عندو حزب معين او ما عاجبك حزب فى الساحة يملأ عينك برضك بتكون معارضة

Quote: راجيك

Quote: ان من يدعون الحياد ظاهر وبطانهم مع النظام الفاشي هم الخنجر الذي يستخدمه النظام للطعن من الخلف من يدعون الحياد في الظاهر وبواطنهم كشفت عنها حوارتهم ومداخلاتهم نحن الان امام معادلة بسيطة ذهنية ديمقراطية مقابل ذهنية ديكتاتورية ا يمان بان الشعب السودانى راشد ويستطيع الاختيار او شعب قاصر يجب علية الوصاية,,, اذا فاين موقع المحايد...؟؟؟

Quote: الاسئلة بالطبع مقدمة لمعارضي المعارضة الذين يدعون انهم ضد الحكومة ايضاً

Quote: الاخ أحمد التجانى لا إتقولنا على خيار زول ولا حاجة العايز يبقى مؤتمر وطنى ما نكرنا عليه بس يبطل ج ب ن ويكون واضح البوست دا بيعنى بى الوضوح الابيض يقول ابيض والاسود يقول اسود هذا البوست لإنتقاد الرماديين عايزين نثبت إنه الرمادية لون كيزانى عامل فيها حريف عايزين ندافع عن معجم اللغة من التغول عليه عايزين نثبت إنه من لا يؤيد الحكومة فى كل الدنيا لغويا هو شخص معارض والذى يتوشح اللون الرمادى مجرد زول دنيا عايز بعيش شخص ج ب ا ن ال Gray Color يا ود التجانى مصطلح مكروه فى كل الدنيا إلا كلون للعربات