كلاهما بقدم هدايا .... يعني بدل ما الناس تقول المعز محجوب ممكن تقول معز هدايا اول مره اشوف حارس بطير جوز لكرة معكوسة بالعرض تكرر المشهد في واحده عمل مصاب في الكتف والتانية دخلت مسلسل الهدايا مكرر ياجماعة . . بالله سيف مساوي سايقنو زي العربية من راس خط 18 الى خط المرمى مافي قوات صديقة تعمل ليهو دعم .. غايتو دا اسمو قلب الطعمية زاتو . . سااااااااااااا دمبا طلع اخطر من جاكي شان في التمثيل ... برافو عليه والله ياناس المريخ كمان حارسكم الهدف الذي احرز به مابدخل لكن برضو نقول افضل لكم من الحضري الذي خزل المريخ ادارة وجمهور . . خليفة انا عارف هيثم مصطفى ممكن يخلعك لكن معقول تدخل القون وتلعبها خارج الشبكه في الضيقة انت ثقافة الواسعة مابتقدر عليها فيها شنو لو عرضتها امكن الحارس يطير جوز للدفاع كما فعل معز هدايا وتدخل المرمى ياجماعة لو انا غلطان كمان ادوني راسي في الاعب دا .. له مكانه في المنتخب والهلال وبلعبوهو مره يسار ومره يمين ومره وسط ياربي يكون الفكي بتاعو قوي . . مهند الطاهر... خزلني عدييييييييل مرات فوق ومرات راقد رز وكلام المدرب القدير سليمان فارس لنا ( عمري ماشفتش عشرة بتقعد بره ) ويقصد الفنيلة رقم عشرة . . ياجماعة الاعب ( بشه ) كان موجود في المباراة دي لاني مرات مرات كنت بشوف المسلسل التركي ( خريف الحب ) لان مباراة امس لاترتقي لمستوى المشاهده . . سؤال لناس سودانيز ... بالله في كم لاعب من الهلال والمريخ يستحق الشطب ؟ ولكن في نفس الوقت هل يوجد البديل لهم في الساحة الرياضية ؟ الان في الحالتين الادارة خسرانه في التسجيل تدفع وفي الشطب تدفع والله دا زمن سمح كيف لالالالالالالالا للشطب والتسجيل العشوائي
. . هيثم مصطفى ... ثلاثة تمريرات في المباراه واحده منهم هدف كفيلة بجلوسة في كشوفات الهلال تاني 3 مواسم . . العجب .. حزنت له كثيرا لانه لم يشارك حتى ولو خمسه دقائق ( انها سنة الحياء )
وارقو ... الذي احبه جبص لجمهور الهلال امام الكميرا دا لو الادارة واعية تخصم من مستحقاته والاتحاد لو واعي يحلق له صلعة دي اسمها .......... تموها خيال
11-24-2011, 12:10 PM
حمزه بابكر الكوبي
حمزه بابكر الكوبي
تاريخ التسجيل: 04-13-2009
مجموع المشاركات: 2121
Quote: ولي ياحبيب كيفك ؟ انت لسع بتوجع في قلبك بهلال مريخ ؟؟؟
تخيل دي حالتنا مرات الواحد يتمايل ويتراقص زي رقيص سيف مساوي رقصة معاهو والله ومرات اقول ليهو اضغطوا بره ورشو واشوت التربيزة ههههههههه ما انستر للاسف مساوي .. المشكلة ام اسيل قالت لي ياوليد الان اكتشفت انك هلالابي شنو يعني القون مايدخل لكن بيني بينك قلبي حنين وسيف مساوي دا بحبو خليك من كورتو مابريد ليه البهدله والشرشحة ياخي تحياتنا ليك من على البعد ولي اولادك
Quote: سااااااااااااا دمبا طلع اخطر من جاكي شان في التمثيل ... برافو عليه
يا وليد عليك الله ركّز في اللقطة كويس ولاحظ لرجل سادمبا اليسرى مع جسم حارس المريخ ...
على ما يبدو لي يمكنني وضع التفسير لركلة الجزاء وهذا يرجع إذا حصلت ملامسة بين جسم سادومبا وحارس المريخ لأن الصورة ليست واضحة في تسجيل التلفزيون ... ومن يقول بأنه متأكد أنّه لم تحدث ملامسة بالنسبة لرأيي إلاّ يكون صوّر المباراة دي براهو كدة وبي ستين كاميرا من كل الزوايا ...
حارس المريخ ارتمى للكرة وقد أبعدها عنه سادومبا وأعاق في طريقه للكرة سادومبا هذا بافتراض حدوث الملامسة ... وفي هذه الحالة ركلة الجزاء صحيحة ...
لاحظ لرجل سادمبا اليسرى مع جسم حارس المريخ
استخدم تثبيت اللقطة ....
صور للتوضيح:-
في الصورة دي لاحظ لرجل سادومبا اليسرى مع كتف حارس المريخ
المُشكلة يا وليد في تصوير قنواتنا التعبان ... وبعد دة يجوك ناس في الاستديو يقولو ليك ما هبشو !!!
أنا عايز أعرف ما هبشو دي عرفوها كيف ؟
11-26-2011, 06:24 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: على ما يبدو لي يمكنني وضع التفسير لركلة الجزاء وهذا يرجع إذا حصلت ملامسة بين جسم سادومبا وحارس المريخ لأن الصورة ليست واضحة في تسجيل التلفزيون ... ومن يقول بأنه متأكد أنّه لم تحدث ملامسة بالنسبة لرأيي إلاّ يكون صوّر المباراة دي براهو كدة وبي ستين كاميرا من كل الزوايا ...
التمثيل طبعا كان واضح من قبل اللاعب سادمبا وهو مشروع في كرة القدم بشرط ان لا يعلم الحكم انك بتمثل وتحتاج الى خفة وسرعة والمهاجم الذي لا يخلق فرصة هدف من هذه الاشياء معناها مهاجم ناقص
Quote: لاحظ لرجل سادمبا اليسرى مع جسم حارس المريخ
الكره ياصبري سبقت سادميا ودخلت من تحت ايدي الحارس وسلم سادمبا بعد ذلك جسمة للحارس تخيل سرعة الكره وهي طالعة خارج المرمى ورغم عن ذلك سادمبا خلق فرصة ضربة جزاء دا شغل كبار ياصبري اللاعب سادمبا من اميز المحترفين في السودان ومكانه غير السودان
11-26-2011, 07:00 AM
زهير الزناتي
زهير الزناتي
تاريخ التسجيل: 03-28-2008
مجموع المشاركات: 12241
يا ولي سلامات .... ومبروك عليكم الدوري الممتاز اوعي تقول لي أنا لا مريخابي لا هلالابي ... اسمع الماكنة دي ما بتقسم معانا ياخي ريدتك للمريخ لا بتقدر تدسها لا بتقدر تعلنها ....
الفرق بين معز الهلال وباب نويل ... كبير ... عمك ده ما بيجي إلا في أعياد الميلاد ... ومعنزنا شغال هدايا طوال العام .... المشكلة هو حارس ممتاز بأخطاء فادحة ... بعدين بعد السن دي من الصعب أنه يتعلم ... بس الله يصبرنا عليهو ... وهو أفضل الموجودين في الساحة ....
بالنسبة لترقيصة سيف مساوي ياخي قوم لف ....
بالنسبة لضربة الجزاء أعتقد بأنها غير صحيحة وتمثيل سادمبا واضح حتي أنه ارتمي بعد أن تجاوز الحارس بخطوتين ورأي أن الكرة في طريقها للأوت ... ومن الصعب علي الحكم أن يقرر من الزاوية التي يقف عليها هل هي ضربة جزاء أم علي كان من الممكن أن يساعده رجل الخط فهو أقرب للحالة .... التصوير التفزيوني لم يكن جيد حتي يحسم الأمر لأن التصوير من زاوية أخري خاصة خلف المرمي كان من الممكن أن يحسم المسألة ....
11-26-2011, 07:24 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: يا ولي سلامات .... ومبروك عليكم الدوري الممتاز اوعي تقول لي أنا لا مريخابي لا هلالابي ... اسمع الماكنة دي ما بتقسم معانا ياخي ريدتك للمريخ لا بتقدر تدسها لا بتقدر تعلنها ....
الزناتي ياحبيب ياخي الناس تصدقك ولا تصدق ام اسيل ام اسيل في كورة خليفة الشاتها خلف العارضة قعدت ابرطم قالت لي اي اظهر على حقيقتك ياهلالابي ياحاقد ضحكت وقلت كاااااااااااااك على وزن الصفوة هارون دياب لااخفي عليك من زمان لقيت نفسي متصالح وعلاقاتي طيبة مع لاعبي هلال مريخ وكثيرا ما كنت امازح لاعبي المريخ واقول لهم انتو ما مشهورين زي لاعبي الهلال اليوم داك الشكلة تقوم بين لاعبي هلال مريخ وشغل جد لبعض ...
Quote: الفرق بين معز الهلال وباب نويل ... كبير ... عمك ده ما بيجي إلا في أعياد الميلاد ... ومعنزنا شغال هدايا طوال العام ....
قلت لي معز هدايا شغال بنظام هطول امطار طول العام رغم كلامي في المعز الاخطاء المتكررة التي يقع فيها دائما انها ليست مشكلته دائما المشكلة تكمن في المدرب هذا الاعب مر بالمورده وثم الى الهلال الواحد بيتعلم من الاخطاء اذا كان الاعب او المدرب ولكن ياااااااااخ المعز دا انا بحبو والله لله في الله لاعب مهذب وخلوق جدا جدا التقيت به هنا في جده وعملنا له تكريم وتحدثنا كثيرا
Quote: بالنسبة لترقيصة سيف مساوي ياخي قوم لف ....
والله كانت حلوة كيف بعملها كثير اسكلاتشي بترتر ليك بالمدافع اخطر شي على المدافع تتحرك بالكره وتوقفها وتكرر العملية المدافع لايعرف يدخل عليك يرشك ولا يعرف يمنعك من الدخول الى الصندوق . . . الهلال عايز صيانة يازناتي
11-26-2011, 07:28 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
ياشيقا والله بقيت اشهر من سادمبا عندنا في البيت لكن باقيلك العنكوليب مابنفع في الكورة زمان لما كان تكون المباراة هردبيس وجري ضان بس كان الجمهور يولع العنكوليب عشان البرد ويتفرج في الاستاد ههههههههه
شكرا لطلتك الانيقة وبالله ماتنسى تسلم على مدرب حلتكم الكان عايز يضيعك
Quote: الكره ياصبري سبقت سادميا ودخلت من تحت ايدي الحارس وسلم سادمبا بعد ذلك جسمة للحارس تخيل سرعة الكره وهي طالعة خارج المرمى ورغم عن ذلك سادمبا خلق فرصة ضربة جزاء دا شغل كبار ياصبري اللاعب سادمبا من اميز المحترفين في السودان ومكانه غير السودان
الله يفتح عليك أخي وليد ... إذاً اتفقنا على احتمالية الملامسة بل أنّك قُلت بها ...
ثمّ يأتيك من يقول لا وجود لملامسة ...
وبهذا يكون الحكم أقرب للبراءة إذا مثّل سادومبا أو لم يمثّل ...
أمّا كون أنّ سادومبا مثّل فهذا جزء من كُرة القدم لا يجيده إلى اللاعبين الكبار أو كما وصفته أنت ... مثال: مارادونا أحرز من قبل هدف بيده ...
ويبقى السؤال: لماذا احتسب حكم الراية حالة تسلل ضد الهلال وهي كانت حالة انفراد كامل ... بمعنى لقد حرمنا حكم الراية من فرصة هدف شبه أكيد ؟!
طبعاً السؤال دة راح وسط الزحمة - جرسة المريخاب مع ركلة الجزاء ...
ولك كل الود والتقدير ،،،
11-26-2011, 07:32 AM
walid taha
walid taha
تاريخ التسجيل: 01-28-2004
مجموع المشاركات: 4202
Quote: ويبقى السؤال: لماذا احتسب حكم الراية حالة تسلل ضد الهلال وهي كانت حالة انفراد كامل ... بمعنى لقد حرمنا حكم الراية من فرصة هدف شبه أكيد ؟!
صبري ياجميل يا مدلل بالله جيبها اللقطة دي انا عندي فيها كلام كتير من زمان عندنا في السودان اي باص بيني تسلل لان الحكم لايعرف يقدر مثل هذه الحالات وبالزات الباصات التي تمرر في المنطقة المظلمة دي كمان عشان بتخلع الدفاع طواااااااااالي رجل الخط يرفع ليك الراية
11-26-2011, 08:48 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
خليل ياخلي دا كلام سليم وفني كبير لايصدر إلا من انسان متابع جيد لهذا الاعب ونفسي اللاعب عمر بخيت يرتاح شوية لان تم استهلاكة الى انه وصل الى درجة الوقوف مع الحكم في الملعب ... مجرد متابع لاحداث المباراة فقط وليس له دور اخر
يا سلام عليك يا خليل دائماً متفقين بس كمان لو لقيت لينا تصرف في مهند تكون ما قصرت ،،، هل تعلم انو مهند 99 في المئة من تمريراتو كانت للخصم وبتشكل خطورة وهو صانع اللعب ،،، فتأمل ،،،، وطبعا ده لا المرة الاولي ولا حتكون الاخيرة
,,,, ضربة الجزاء يا وليد صحيحة لانو ولو لم يعطل سادومبا كان وصلها بارتياح ،،،، ،،،، المشكلة الكبري في اخوانا الروباب شابكيننا تحكيم تحكيم وعيك عاااااك و متناسين تمثيلية عيسي صباح الخير ،،، فتأمل
11-26-2011, 10:13 AM
khaleel
khaleel
تاريخ التسجيل: 02-16-2002
مجموع المشاركات: 30134
يا سلام عليك يا خليل دائماً متفقين بس كمان لو لقيت لينا تصرف في مهند تكون ما قصرت ،،، هل تعلم انو مهند 99 في المئة من تمريراتو كانت للخصم وبتشكل خطورة وهو صانع اللعب ،،، فتأمل ،،،، وطبعا ده لا المرة الاولي ولا حتكون الاخيرة
يا كوتش لازم ترسل لي كل التسجيلات والحصر الذي عملته
لكل باصات مهند الخاطئة عشان نشوف ليهو صرفة
والشطب علي الابواب
11-26-2011, 10:50 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا سلام عليك يا خليل دائماً متفقين بس كمان لو لقيت لينا تصرف في مهند تكون ما قصرت ،،، هل تعلم انو مهند 99 في المئة من تمريراتو كانت للخصم وبتشكل خطورة وهو صانع اللعب ،،، فتأمل ،،،، وطبعا ده لا المرة الاولي ولا حتكون الاخيرة
مهند لاعب لايطور امكانياتة وتقريبا اخد فرصة كافية للعب مع الهلال قبل سنوات كنت هذا اللاعب ممكن اللاعب رقم واحد اذا ركز في التمرير والتصويب .. بنيتة ضعيفة ولكن برشاقتة ممكن تعويض فارق القوة كثيرا مايهدر زمن المباراة في وقت محتاج منه الدقة في التمرير والتهديف عادي ممكن يجيك وهو ليس في موقف تهديف يشوتها ومحل ماتمش تمشي غير مبالي في التفوق العددي من حيث الهجوم والان اتفق معك ياطارق بانه لاعب لايستطيع ان يعمل فارق للهلال لذلك ممكن الاستغناء عنه وهذا اذا وجد البديل له غير ذلك هو الافضل ... ممكن يعلب موسمين تلاته بهذه الطريقة الى نرى حصاد الاشبال حتى يتوفر البديل ...
Quote: ,,,, ضربة الجزاء يا وليد صحيحة لانو ولو لم يعطل سادومبا كان وصلها بارتياح ،،،،
سادمبا لاعب سريع وكان ممكن يصل الكره وعند دخول بكري المدينة الصندوق مع ثلاثة من لاعبي المريخ كان ممكن يكون في هدف ودا احتمال ضعيف لو لاحظت حركة بكري ولاعبي المريخ ووضعية بكري بينهم .. سادمبا ياطارق تعامل مع هذه الكره باحترافية وهذا الفرق بين الاعب السوداني والاجنبي استطاع ان يخلق ضربة جزاء من مافيش وانت زول ياطارق بتفهم ولعبت كورة قبل كدا
ههههه تشبيه بليغ لكن بذكرني كلام الحضري لما قال : انا انا ممكن احرس القون ولا احرس الدفاع بتاعي ( نيران صديقة )
Quote: سلام يا سفيان ... وأمسك الفيديو دة ... بس ما تعمل منّو رايح ... ونهائي كدة ما تشتغلوا بكلام الطاهر محمد عثمان ...
عايز رأيكم براكم كدة ...
ياسلام عليك ياصبري انا كنت بفتش على الفديو دا حتى قبل تعليق الطاهر لان ياجماعة دي عقدة التحكيم السودان زي ماقلت ليكم فوق الباص البينية بتعمل جهجه للحكام اذا كان حكم وسط او طرف بعدين الحكم اذا لم يستطيع حساب او تقدير مثل هذه الحالات مفروض يشوف ليهو حاجة تانية بالزات حكم الراية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة