|
|
|
 Re: يا مريخاب تعالوا شوفوا اللعبة دي (Re: محمد سيد احمد محمد)
|
صور يامصور واكتبي ياصحافه
الزعيم فوق
والباقين بلاطه طبيعي ومتوقع
سكوهه وأدككه!
بدءا نبارك لمجلس اداره نادي المريخ بقياده جمال الوالي او والي الجمال
كلو عند الصفوه محبوب
ونهنئ رفاق دربه عبدالله وقريش وهمد وعادل وعادل ورفاقهم لانهم قدمو افضل مالديهم و وفرو لفرقه المريخ اربعه معسكرات خارجيه وامدوها بأفضل المحترفين وكل معينات التفوق كي تحلق في القمه منفرده وتترك الوصافه للآخرين
الوالي الغالي يستاهل التتويج
ومسك ختام دوره المجلس لقب الممتاز
لابد ان نبارك للجهاز الفني بقياده الجنتلمان حسام البدري وجهازه المعاون
ود البدري سمين.
البدري قطع العشم من بدري
وتوج نفسه بدري
والشكر بالاطنان لقطاع الكره بقياده سعاده الفريق عبدالله حسن عيسي
ورفاق دربه
ولدائره الكره بدءا بعادل ابو جريشه وانتهاء بالجنرال مدني الحارس
وكل من دعم الفريق حتي حصد الذهب
والتحيه لكل اقطاب المريخ بلا استثناء ولكل من دعم وناصر وحفز
ولصديقي الباشمهندس يوسف ابو حميد تحيه خاصه لانه ظل قريبا من زلزال الملاعب و وفر للمشجعين الباصات للولايات
ومهما كتبنا لن نوفي جمهور المريخ المعلم حقه
زلزال الملاعب حاضر ياجزائر
الصفوه كانت في الميعاد والاحمر الوهاج قدل.
ماشاهدناه امس يفوق الوصف
ويستعصي علي التشبيه
ملأ الجمهور الطابقين حتي فاضا وتم اغلاق الابواب
واكدو انهم صفوه واغلبيه
دفعو قرابه المائتي مليون جنيه
لله درهم ما اجملهم
ولرفاق الدرب حمله الاقلام الحمراء الفين سلام وتحيه
فقد وقفو ضد جيوش الترصد وحمو الزعيم باقلامهم
المريخ بطل مهما حصل
ياسلك المريخ في السلك
قوائم ضحايا الزعيم
امس اكتملت الناقصه ودخل اهلي الخرطوم قائمه ضحايا الزعيم بعد ان ظل خارجها وحده دون غيره
هلال الصحراء الأمل اهلي شندي الخرطوم الوطني اهلي الخرطوم هلال الجبال النيل الحصاحيصا المورده جزيره الفيل هلال الساحل اتحاد مدني حي ال...عرب والنسور
الضرب بالدور
كلهم شربو من كأس الهزيمه
المر
كلهم تزوقو علقم المريخ
لم يستثن الزعيم احدا كلهم امامه سواء
والمساواه في الظلم عداله عند السيد الاحمر
ياملك انت الملك ملك عظيم يازول
احمر الدوري لايجاري
الفريق الذي امسك بالصداره منذ جولتها الأولي لم يبارح قمتها ابدا
ولم يترك شريكا يقاسمه مطلقا
المريخ صداره منذ البدايه
والهلال وصافه حتي النهايه
عاد الحبيب المنتظر
عادت الكأس لمكانها الطبيعي عنوه واقتدارا
ذهب الذهب لملك الذهب.
72 نقطه خدمه يمين وعرق جبين توجت المريخ بطلا للدوري
ومازال الحصاد مستمرا
مريخاب تامين لامين والكوره الجايه تمرين
كل نقاط الولايات داخل الجراب الاحمر
ماحصده المريخ من نقاط الولايات وحدها يفوق نقاط الامل صاحب المركز الثالث
هيبه يا المريخ هيبه يا النجمه
حسب الطلب
خاطب الهلال الاتحاد العام مطالبا اياه حسم قضيه كأس السودان ولوح بالانسحاب من نهائي الممتاز مالم يستجيب الاتحاد لطلبه
بسرعه البرق استجاب قاده الاتحاد للطب واعلنو اجتماعا يوم غد لحسم القضيه
القضيه لن تحسم بهذا السيناريو الفطير.
... المريخ سيستأنف اي عقوبه تصدر ضده من اللجنه المذكوره للجنه الاستئناف المركزيه.
واذا واصل الاتحاد نهجه الحالي ودعا لجنه الاستئنافات لحسم القضيه في نفس اليوم فسيتم استئناف القرار للمفوضيه الاتحاديه وهذا يعني ان مخطط تسليم كاس السودان بالتزامن مع تتويج المريخ بالدوري بعد لقاء القمه لن ينجح
الي متي يواصل اتحاد معتصم خضوعه لكل رغبات الهلال ومعاكسته المريخ؟
حرموني ليه ليه...
علمنا بنيه الاهله تحويل نهائي الممتاز من المعبره لاستاد الخرطوم
الخبر محزن لجموع الصفوه لانها كانت ترغب في الاحتفال بلقب الدوري داخل الديار الزرقاء
لكن الاحتفال قائم في كل الاحوال
مريخاب تامين ولامين والكوره الجايه تمرين
والقمه وديه
مهما حصل
المريخ بطل
علي البدري ان يمنح نجوم الصف الثاني ولاعبي فريقي الشباب والناشئين فرصه المشاركه في مهرجان تتويج الاحمر
بطل الدوري بقياده وليد الاحرار والحارس عبدالرحمن وابراهومه الصغير ومحمد شمس الفلاح في مواجهه الوصيف الخفيف
في المقبره في المعبره في المفخره يوم الاربعا عندنا اكروبات عندنا اكروبات
واحتمال نجيب فنون شعبيه
ورقصات فلكلوريه
الاهلي ركب صف الضرب بالدور
مين اللي بعدو
راحت عليك يارشيد
راحت عليك ياهمشه
تفوق الزعيم ليس حصريا علي الدوري امس منح الاتحاد العام انديته فرصه توقيع الاقرارات فاستغلها المريخ لتوجيه خبطه قويه للوصيف
اسد القراقير امير كمال اول حبه في عنقود التسجيلات الاحمر
... والبقيه تأتي
في الانتظار علي المدار عمليه قلع الضفر.
وقلع الضفر امانه ماحار
والقادم احلي
كالعاده اختار معظم نجوم التسجيلات الانحياز للفريق الممتاز
وانتقو جمال الفال وراحه البال
الم نقل لكم ان التسجيلات لاتتم بالصور والمانشيتات
انان وجودنا في المغرب بصحبه شركه الي جي تحداني الزميل الرشيد علي عمر في امير كمال وقال لي
ده بالذات تشمو قدحه.
الرشيد الرشيد
قدحه امير كيف
وليله امس الاول ظل همشري يتصل علي هاتف ولدنا امير حتي مابعد الواحده صباحا
وفي خاتمه المطاف عطفت عليه وارسلت له رساله كتبت فيها
ازعجتنا بتلفوناتك الكتيره دي ياخي ..
هذا المشترك لايمكن الوصول الي فنيلته حاليا
ونقول للرشيد و همشه
ان انتزاع الامير من الزعيم لم يكن ممكنا لان هناك من حرسه ورعاه واجتهد لتحبيببه في الزعيم منذ شهور
وبحمدالله اكتمل المسعي واختار الامير اللعب في صفوف الملك
والقادم احلي
خليكم مع الصور والمانشيتات يارشيد
آخر الحقائق
سئل سكرتير لجنه التحكيم صلاح احمدمحمد صالح عن السبب الذي دعا الفاضل ينقض هدف العجب في مرمي النسور
فتسائل .. اي هدف
وتحدث عن ان الحكم اطلق صافرته قبل ان يسدد العجب الكره في المرمي
... نريد من صلاح ان يوضح لنا اين تكمن المخالفه
ولماذا انطلقت الصافره اصلا
صديقي مشجع المريخ الكبير عبد الوكيل عثمان يهنئ عموم الصفوه ويدعوهم لحضور المباراه الاحتفاليه الوديه امام الوصيف
الدوري يطير
وكمان امير يابرير
وعلي حد قول أبازر الكدرو
تامين ولامين
والكوره الجايه تمرين
وكماقال الزعيم ضقل
صلاه الشكر والاحتفال
في استاد الهلال
امس تم اعلان حل جمعيه احياء الآمال الميته
البقيه في حياتكم
وغلطان المرحوم
اذا انتهي لقاء القمه بفوز المريخ
الزعيم بطل
والهلال وصيف
اذا انتهي بالتعال
الزعيم بطل والهلال وصيف
واذا انتهي بخساره الزعيم
الهلال وصيف
اذا وقعت قنتله نوويه في المعبره والغيت المباراه
الزعيم بطل والهلال وصيف
الهلال لعب
الزعيم بطل
الهلال انسحب
الزعيم بطل
في كل الاحوال
جواك بطل يا المعبره
ياوصيف عمري المادمت حي
هيبه يا المريخ
هيبه يا النجمه
المريخ بطل الدوري
سكواها هداف
والفارق مازيمبي
ومرشح للزياده
والسكوهه حاضره
| |
  
|
|
|
|
|
|
|
|
Re: يا مريخاب تعالوا شوفوا اللعبة دي (Re: هجو الأقرع)
|
المقالات
الدوري المحلي
في الســلك - بابكر سلك
الوصيف دمو خفيف
باذن واحد احد
0 يوم الاحد
0 يس وقل هو الله احد
0 حسمنا الكاس المعتمد
0 الوصيف دمو خفيف
0 الوصيف ناس يس بتاع زفة الاوان
0 اسلام تضحك فيهو لي اسي
0 يس بعد انتهت كورتنا ضد الاهلي امس قال الممتاز هلالي
0 اتهللي يا يس
0 وفي واحد كتب في الدار امس
0 كتب كلام غريب
0 قال الفيفا ما بيوقف البرير لانو البرير منتخب
0 منتخب بالما ؟
0 منتخب ولا فريق قومي !
0 بن همام ده موش الفيفا عاقبتو ؟
0 بن همام ده ما منتخب !
0 فريق حله ساااااي ؟
0 قال منتخب قال
0 قلت ليكم الوصيف دمو خفيف
0 قالو سادومبا من احسن عشره لاعبين افارقه
0 وفي واحدين كتروا المحلبيه
0 قالوا من احسن خمسة افارقه
0 والكاسين اللعب فيهما سادومبا واحد عند الترجي والتاني عند المريخ
0 قلت ليكم الوصيف دمو خفيف
0 ايها الناس قونا امس في الاهلي ذكرني ليبيا
0 الضربة جات من اليوناميد من بعيد
0 كملوها الثوار من الداخل
0 اليوناميد بل
0 هي مالها الهاء دي معصلجه لي اسي ؟؟؟
0 والثوار من الداخل ناس ايدكو
0 المهم
0 اسلام قالت لي الجماعه مشو للشيخ
0 قالوا ليهو انت انت بتشتغل صاح
0 واخر الكوره بتهمل
0 يقوم المريخ يجيب قون
0 ركز معانا اخر الكوره
0 قام الشيخ ركز اخر الكوره
0 اهمل اول الكوروه
0 ثوار ليبيا ناس ايدكو ضربوا طرابلس
0 قلت ليها الله يخت محنك يا اسلام
0 ايها الناس
0 قلت ليكم قبل كورتنا ضد الوصيف حا نكتب وديه
0 كتبنا ولا ماكتبنا
0 المهم
0 الجمهور المريخي العظيم قابل الاستاذه الشاعره سعيده عبد السلام
0 ادوها التحيه
0 وهتفوا
0 يا سعديه الكوره الجايه وديه
0 وفي جماهير اخري هتفت
0 بالاشبال يا جمال
0 والله فرصه ندي الاشبال فرصه
0 وناس وليد ديل ما تخافوا عليهم
0 قلت لي اسلام بعد الكوره الوصيف جاي بكره من مدني
0 قالت لي جايين لي شنو ؟
0 قلت ليها اساليني دبل
0 امس دخلنا الاستاد مصاطب شعبيه
برئاسة اسماعيل حسن
0 انا ومعاويه الجاك واحمد محمد احمد وحامد بدوي
0 وما اروع شعب المريخ عندما يحتفل
0 المهم
0 عندي صاحبي عريس
0 دخل الكوره
0 واتونسنا عن عرسو
0 قال لي عقدنا يوم الاحد
0 وقلنا العرس يوم الاربعاء
0 اهل العروس يوم يقولوا العرس في البيت
0 ويوم يقولوا البيت ضيق العرس في النادي
0 جهجهونا
0 قلت ليهو بركه العرس تمه
0 امس الحكم نسي ينذر ناس باسكال ونجم الدين وساكواها
0 ياربي يكون متاكد الوديه ما ملعوبه ؟؟؟
0 ايها الناس
0 ما اعظم جمهور المريخ الذي هتف عند صافرة النهايه
0 يداهور ......يداهور ......يداهور
0 انها اعظم هدية من اشفت جمهور لاشفت زول
0 الوصيف دمو خفيف
0 كنج كونج ما لاقين ليهو بيعه
0 ويشكروا فيهو
0 قلت ليكم ادوهوا للاتحاد الافريقي وقولوا للاتحاد الافريقي ما عندنا فكه
0 شيل الغرامه ورجع لينا الباقي
0 الراجل موش بيساوي مليون دولار ؟؟؟؟؟
0 شوف ليك هملة دولار في البلد دي !!!!
0 انا خايف الاتحاد الافريقي يرجعو ليكم
0 لكن السنتين
0 نهي بالكل كهيه
0 سنتين جوه
0 وسنتين بره
0 والجوه قبل البره
0 اتبربري
0 لكن اليوناميد بالغ
0 بقي يضرب من اي محل
0 ايها الناس
0 دي سلطات ساااااااااي
0 غدا الوجبه الرئيسيه
0 ابقوا معانا
0 ايها الناس
0 عليكم الله اسي في داعي تاني الاتحاد ده يصر علي اداء اي مباريات في الممتاز ؟
0 الناس بتلعب للكاس
0 والكاس من امس وديناهوا الدراي كلين
0 اول حاجه قالوا ما بمسكوهوا
0 بعد تحانيس
0 وبعد بليناهوا في الجاز
0 بل شديد
0 حتي ناس الدراي كلين وافقوا
0 المهم
0 الاستاذه فاطمه الصادق الله جابو قدمت برنامج رائع من المغرب
0 لها التحيه
0 الوصيف دمو خفيف
0 اتوصفي
سلك كهربا
ننساك كيف واسمك كان مجلجل في قلب المعركه!!!!!
| |
|
|
|
|
|
|
| |
نور الدين عثمان
محمد سيد احمد محمد
هجو الأقرع
فيس بوك
تويتر
انستقرام
يوتيوب
بنتيريست