|
نداء لشعبة الاجانب بوزارة الداخلية لحماية ربات البيوت من غش الاحباش
|
تعمل كثير من الاثيوبيات كعمالة منزلية بالبيوت السودانية بمختلف المدن وتتركز بالعاصمة ولكى تحصل على عاملة منزلية ما عليك الا الاتصال برقم تلفون من صديق او عاملة منزلية لدى الجيران او اقرباء والرقم للسمسارى الحبشى الذى يقوم بالتفاوض عن العاملة المنزلية بخصوص الراتب والاجازة الاسبوعية وبعد الاتفاق يقوم بتوصيل العاملة واخذ السمسرة فى حدود 50 الف بالقديم وفى معظم الاحيان تقوم بالبنت بالهروب من المنزل بعد يوم يومين ومن ثم يقوم السمسار بتوظيفها بمنزل اخر واخد السمسرة . وربات البيوت تروح عليهن قروشهم وتبدأ رحلة البحث عن بنت جديدة.
لابد لنا من مواجهة حقيقة انو كثير من البيوت تستخدم العمالة المنزلية الاثيوبية وطالما وجدت فلماذا لا تقنن باستخدام او تسجيل داخلى وفحص طبى شامل ومسئولية على صاحب البيت وحفظ الحقوق لكل الطرفين.
وزارة الداخلية تعرف وبعض كبار الضباط انفسهم يستخدمون هذة العمالة المنزلية الموجودة بالبلد بصورة غير قانونية
طالما العمالة موجودة وهنالك حوجة لاستخدامها لماذا لايسعى المسئولين لوجود حل لها وحماية ربات البيوت من استهبال هؤلاء الاحباش .
|
|
|
|
|
|
|
|
Re: نداء لشعبة الاجانب بوزارة الداخلية لحماية ربات البيوت من غش الاحبا (Re: Mohammed Ahmed Saeed)
|
Quote: لابد لنا من مواجهة حقيقة انو كثير من البيوت تستخدم العمالة المنزلية الاثيوبية وطالما وجدت فلماذا لا تقنن باستخدام او تسجيل داخلى وفحص طبى شامل ومسئولية على صاحب البيت وحفظ الحقوق لكل الطرفين. |
الأخ محمد احمد, نعم لابد من تقنين وجود العمالة الأثيوبية عامة , خاصة العمالة الأثيوبية التى تعمل فى قطاع الزراعة بالقضارف , لأنه والحق يقال ان لهم دورا كبيرا جدا فى العمليات الزراعية بدءا من الكديب وحتى حصاد السمسم والدخن والذرة , خاصة فى ظل عزوف العمالة السودانية عن ذلك العمل واتجاههم للبحث عن الذهب (وتلك مشكلة اخرى جديرة بالبحث والمناقشة). عموما العمالة الحبشية فى مجال الزراعة اصبحت ذات ضرورة قصوى ومهمة علما ان انتاجية العامل الحبشى تساوى انتاجية عشرة عمال سودانيين ان وجدوا. وانا مثلك تماما اطالب بتقنين وجود تلك العمالة وتسهيل دخولها للسودان وخروجها منه لأنهم يعانون كثير عند خروجهم (بالمناسبة كثيرون او غالبيتهم لا تستقر فى السودان الا ماندر) فهم فى احيان كثيرة يتعرضون للسلب والنهب من بعض العصابات السودانية والأثيوبية على حد سواء .ولكن عند التسهيل لهم لادخول والخروج عبر المنافذ الشرعية يمكنهم ان يفيدوا ويستفيدوا لا سيما انهم يعتبرون السودان بمثابة الكويت لهم. مع تحياتى .
| |
|
|
|
|
|
|
Re: نداء لشعبة الاجانب بوزارة الداخلية لحماية ربات البيوت من غش الاحبا (Re: Mohammed Ahmed Saeed)
|
Mohammed Ahmed Saeed كل عام وأنت بالف خير ،،، بوست موفق جداً ... الاحباش وما ادراك ما الأحباش وجرائمهم أحلى ليك قصة جريمة سرقة حصلت قبل العيد بأيام قلائل .. عمنا محمد جارنا فى اركويت أغترب فى السعودية أكثر من تلاتين سنة وجا أستقر فى السودان يعيش مع زوجتة ومحروم من الأبناء .. زوجتة أمراة فاضلة جداً .. احتاجوا لشغالة فى البيت وكان فى بيت حبش تالت بيت منهم كلمت جارتهم تكلم الحبشية الشغالة معاهم تكلم واحدة من أخواتها تجى وتشتغل معاه فى البيت وفعلاً جات وأشتغلت وكانت نشيطة جداً ... أسبوع وأسبوعين وتلاتة اسابيع عرفت كل حاجة فى البيت بحكم عملها فى النضافة .. ست البيت كانت خاتة دهبها فى كيس فى الدولاب .. يوم السرقة اتفقت مع زوجها أنو ينتظرها برة البيت بركشة .. نضفت البيت ودخلت غرفة النوم وست البيت نائمة فى البرندة والكلام دة نص النهار .. جات طالعة من غرفة النوم وشايلة سلة الوساخة على أساس أنها دايرة تخت كيس الوساخة قدام البيت .. وهى كانت شالت الدهب جوة السلة وركبت الرقشة مع زوجها الكان منتظرها برة البيت .. وفص ملح وذاب بدهب قيمتو 300 مليون جنية ومبلغ 700 جنية كانت مصاريف مختوتة فى الدولاب ...كلللللللللللللللللل تحويشة العمر ضاعت بسبب شغالة حبشية ... أتخيل معاى موقف الأسرة دى يكون كيف هسع !!!!!
| |
|
|
|
|
|
|
Re: نداء لشعبة الاجانب بوزارة الداخلية لحماية ربات البيوت من غش الاحبا (Re: قلقو)
|
الاخوان قلقو ومزمل خيرى
كل سنة وانتم طيبون
تقنين وجود الاجانب والاحباش تحديدا ضرورة ولايمر يوم بدون تسجيل بلاغ اوبلاغين عن عمايلهم ومشاكلهم فالوجود القانونى يمنع كثير من هذة المشاكل.
أيمن
كل سنة وانت طيب رجعت
كانت الاجازة اسبوع عيد فقط وسماسرة الشغلات لاهفين من المدام مايقرب 100 الف بالقديم واحدة ما خلت حاجة تشيل وتسرق فى الاولى سامحوها وبعد داك طردوها . التانية والتلاتة شردن بى من اول يومين وربنا يثبت التالتة .
| |
|
|
|
|
|
|
Re: نداء لشعبة الاجانب بوزارة الداخلية لحماية ربات البيوت من غش الاحبا (Re: Mohammed Ahmed Saeed)
|
أنا مع تقنين العمالة الحبشية. لكن يا جماعة ما تشيلوا حالهم و تظلموهم الحق يقال أن الاغلبية العظمى منهم أمينين و يعملون بجد و إخلاص و الكثير من الاسر السودانية وثقت فيهم. و ذى ما بقولوا المال السايب بعلم السرقة. ممكن قصة سرقة الدهب دى تحصل من أى جنسية. أنا بعرف أسرة تسكن فى حى من أعرق أحياء بحرى خاته دهبها فى دولاب فى البيت إتسرقت فى وضح النهار و المتهمين الرئسيين ناس من الحلة (سودانيين).
قولوا الحمد لله إنوا بناتنا لم يضطروا للهجرة و العمل فى بيوت الناس و يتعرضوا للتحرش الذى تواجهوا الاثيوبيات فى بيوت السودانيين. (و الله أنا خايف التردى الحاصل للبلد دى يوصلنا للحالة دى)
| |
|
|
|
|
|
|
|