|
|
 (لص إلكتروني) سحب (6.700) يورو من حساب شركة بترول سودانية
|
المصدر
نجح لص إلكتروني في اختراق حساب إحدى الشركات البترولية وسحب (6.7000) يورو من حساب الشركة على شبكة الإنترنت، وكشف موظف فوضته الشركة لاتخاذ الإجراءات القانونية لدى الإدلاء بإفاداته لمباحث جرائم الحاسوب والمعلومات التابعة للمباحث والتحقيقات الجنائية بأن الشركة اكتشفت عند مراجعة حساباتها باختفاء المبلغ المذكور، وأن مجهولاً قد قام باختراق موقعها وسحب المبلغ. ووجهت النيابة باتخاذ إجراءات قانونية تحت طائلة المادة (13) من قانون جرائم المعلوماتية واستجوبت من خلاله الشاكي وتشكيل فريق مختص بالتحقيق لمعرفة الطريقة التي سحبت بها تلك الأموال والوصول إلى المتهم.
صلاح غريبة - خبير فيس بوك واعلام الكتروني
|
|
  
|
|
|
|
|
|
|
|
Re: (لص إلكتروني) سحب (6.700) يورو من حساب شركة بترول سودانية (Re: فايزودالقاضي)
|
| Quote: وأن مجهولاً قد قام باختراق موقعها وسحب المبلغ |
والقروش دي قاعدة في موقع الشركة بتعمل في شنو ياخبير الاعلام منك له
نفهم انو واحد يخترق موقع بنك ويسطو على حساب الشركة ويسرق منو
لكن الما مبلوعة قصة يخترق موقع الشركة ويسرق قروش دي
يعني اسي بكري ابصلعة الواحد ممكن يكون خاتي حسابو هنا فالواحد يحاول يجازف منو حق الضحية ولا الكنتة شنو
الناس دي يبدو انو واحد اختلس المبلغ والف القصة دي وقال كدي النفكهافي بتاعين البوليس الفارات ديل
يا بوليس اوعو تصدقو الهراء ده
| |
|
|
|
|
|
|
|
|
|
Re: (لص إلكتروني) سحب (6.700) يورو من حساب شركة بترول سودانية (Re: محمد إبراهيم علي)
|
Quote: Quote: الكترونى؟ ده اخو الزنكلونى ؟
اخوه بالرضاعة ياالموج ..
لكن
Quote: اعلام الكتروني
شقيق
Quote: (لص إلكتروني)
طوالي ..
ياغريبة حمداً لله على السلامة ياخي ... |
ود القاضى ....عيدك مبارك
كلامك ده جائز لكن الشككنى فى انو ده برضو ماصلاح غريبة
انت عارف شنو؟
الهمزة التحت الالف فى الكترونى الفى العنوان ده.
وحات سيدى وسيدك غريبة ده لابعرف يكسر لايجزم لايرفع
يمكن بعرف (ينصب) وبكتب هنا ليه عشرة سنوات لابخت
شولة لانقطه لاعلامة تعجب لاعلامة استفهام.
كما المطر الاستوائى بدون ادنى بوارق بعمل كوبى اند بيست
للخبر ولو علق عليه بكلمتين بكتب فيهم خمسة غلط وخلاص.
فالزول الالكترونى ده ما صلاح غريبة..
يحلنا الحلا بله،،،،
| |
|
|
|
|
|
|
|
|
|
Re: (لص إلكتروني) سحب (6.700) يورو من حساب شركة بترول سودانية (Re: Tragie Mustafa)
|
| Quote: باتخاذ إجراءات قانونية تحت طائلة المادة (13) من قانون جرائم المعلوماتية |
والمادة تلتاشر دي ليه ما يطبقوها علي ناس الجهاد الاكلتروني ؟؟؟؟
ممكن انشر ليك يوتوب يا غريبه مسؤول واقف امام الكاميرا وبيوجه نصابه ان تنتشر في الانترنت !!!
وانتشرت النصابه وما زالت تؤذي البشريه والمهاجرين في الولايات المتحدة الامريكية !!!!
| |
|
|
|
|
|
|
|
|
| Quote: نجح لص إلكتروني في اختراق حساب إحدى الشركات البترولية وسحب (6.7000) يورو من حساب الشركة |
انتو المبلغ الملهوف دا كم بالضبط مغقوله يكون 6 يورو
تحياتي للاخ الخبير و المتداخلين
| |
|
|
|
|
|
|
|
صلاح غريبة
Ahmed Abdallah
صديق الموج
فايزودالقاضي
محمد إبراهيم علي
Tragie Mustafa
مجدي عبدالله أبوحريبة
فيس بوك
تويتر
انستقرام
يوتيوب
بنتيريست