|
|
 يا اخوانا دي قطعة راس شنو دي !؟
|
العبارة الموجودة في العنوان لم توخذ من افعال الثوار عندما يسيطروا علي منابع الحكم او افعال الحكام عندما يستبدوا , بل هي العبارة الدارجية التي نستخدمها عند خلو الذهن من وجود اي خيار منطقي ومعقول ومقبول وان كانت لفظة " مقبول " ايضا ليس لها علاقة من قريب او بعيد بمكالمة مرتضى الشهيرة , ما علينا المهم وبلغة الكمبيوتر الحديثة الواحد راصه اسطكا زي الكمبيوتر المعلق , سقت هذه العباارة وفسرتها لتكون معبرا للدخول الي موضوعي وهو انه الواحد فكر ان ينتمى الي اي حزب سوداني موجود في الساحة تلامس اطرحاته وجداني الا ان قطعة الراس كانت نصيبي , بالغم من انه الخيارات كانت مفتوحة من اقصي اليمين المتطرف الي اقصي اليسار المتشدد ومن اقصى الاحزاب المدنية السلمية الي الحركات المسلحة , ولكن ببساطة الواحد ما لقي حزب يصلح للانتماء اليه في الساحة السياسية السودانية يعبر عن اشواقنا وطموحاتنا في تحقيق تطلعاتنا السياسية السودانية , الي هنا والكلام ممكن يكون عادي الا انه المشكلة الكبيرة انه الحالة دي وبعد بحث وتحري استمر لاعوام بين المعارف والاخوان والاصدقاء وحتي قراءة هذه المنابر وجدت ان ما يحدث لي يكاد يكون سمة عامة وتيار عام موجود ومعايش لدى معظم الشباب السوداني مرورا بكهوله وصولا الي شيوخه الذين هرموا وراسهم مطقوع زي قطعة راسي دي .
الامر الذي يجعل شعار هذه المرحلة بالنسبة لهذا التيار القاطع راس هو "لا كملت حكاوينا ولا لقينا البداوينا "
فاذا اخذنا الساحة الحزبية السودانية من اطرافها مرورا باواسطها , نجدها قد اجدبت عن ايجاد مبررات جذب واستقطاب هذا الشعب الي عضويتها, فاليمين المتمثل في الاتجاه الاسلامي الذي يحكم السودان قدم نموذجا غريبا في الحكم جعل جميع المفكرين في كل المدارات الاعلامية يستشهدون بفشل التجربة الاسلامية في الحكم مستشهدين بالتجربة السودانية وعند الوثوق بحديث التجربة السودانية الحاكمة عن نظرية الموامرة والاستهداف من جميع المتحدثين عنها الا وانه في اول محاكمة عابرة لتجربتها نجدها قد فشلت في تقديم الحل , فالشعب اضحي جائعا اقتصاديا وفكريا واخلاقيا لذا لا توجد جاذبية في الانضمام تحت لواء هذه التجربة الا لمن كان به انتهازية لمارب اقتصادية شخصية اي انها لم تقدم حلا اقتصاديا لعموم السودان بينما خصت به المنضمين اليها واكتفت بافقار وتجويع باقي الشعب , مع الاخذ في الاعتبار انها تكتفي بذلك بل استمرأت التجويع الفكري والاخلاقي وهو الاشد والانكي الامر الذي يسقطهم كخيار . ولم اجد لامر الحكومة هذه الا بالاتي " قالت الحكومة عند استلامها للسلطة ان السودان اصبح عاريا ملط كفتاة مزعورة منكفئة علي نفسها تخسف عليها ما يداري سؤاتها وارادت ان تغطيه وتستره فكانت الحكومة عبارة عن فستان العروس فابانت من مفاتنه اكثر مما سترت وجعلت السودان كله في حالة " ترترة" ^_^
بالنسبة لليسار السوداني واللبراليين والعلمانين السودانين واحزابه " الفكة" المتشظية المنقسمة كالامبيا كل صباح حتى انك لن تفاجا ان وجدت ان لكل يساري او لبرالي حزبا يخصه وحده لا شريك له فيه ولا عضوية , مع الاخذ ايضا في الاعتبار ان التجربة اليسارية العالمية انتهت بفشل عظيم ومن الحماقة " وهنا اعني حماقة الرجال البلهاء بتاعين كتاب المطالعة سنة رابعة ابتدائي قبل التحول لمدارس الاساس وتغير المنهج " من الحماقة انتظار حلول من اليسار , اما بالنسبة للبرال والعلمانين فانه من العته والخبل ان تقدم تلك الاحزاب الكثيرة نفسها بديلا للشعب السوداني والتي ينظر لها الشعب السوداني علي انها نوع من الكفر الصراح ويدهش من وجودها اصلا ويكتفي بانه لم يسمع بها اصلا وليس له القابلية ايضا سوى للتهكم بها .
اما احزاب الوسط التقليدي , فتلك حكاية اخرى لا تحلو روايتها , فلا فكر ولا مبدأية ولا رؤي واضحة تحذب عصفور للانضمام اليها , وبصراحة بقت زي ام العروس هذه الاحزاب التي كانت كبيرة زمان , رجل في الحكومة ورجل في المعارضة فهي تمر الان تقريبا بمرحلة الموت السريري وفي انتظار فصل اجهزة الممدة بالحياة لتنتقل الي بارئها في سلام وصمت .
اما الحركات المسلحة فطابعها العنصري الواضح لا تجعلها جاذبة الا من يؤمن بانه لا عيش الا في وسط نتن العصبية والعنصرية , او من اراد كسبا شخصيا لنفسه مارا عبر عصبيته وقبيلته للوصول الي جزء من الكيكة الكبيرة التي تجود بها الحكومة لمن يحمل السلاح عليها .
لذا الي حين حل يلوح في الافق سنبقي في قطعة راس لا مثيل لها .
|
|
  
|
|
|
|
|
|
|
|
Re: يا اخوانا دي قطعة راس شنو دي !؟ (Re: اساسي)
|
أساسي أبو راس مقطوع..
عاين هنا
حتى إشعار آخر..
جرب الحركة بتاعتي دي..
تعمل فيها ماعندك راس..خالص خالص..
لا مقطوع ولا ممنوع..
ويا دار ما دخلك شر..
لو قسمت معاك ..حقوقنا محفوظة بالله..
حتى المريخ زاتو ممكن تجليهو..
والله صحي..
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: اساسي)
|
كلامك ده يا ابومحمد بذكرني بتجربه كنا بنعملا
في معمل العلوم بالجامعة titrationاظنها بكتبوها كده
(القلوية والحامضية)
في ماده كده لونها احمر (يمكن اسمهاreagent)
بتنقّط المادة الحمرا نقطة نقطة في المادة العايز تعرف نقطة التعادل
حقتها؛
اول نقطة تجعل المادة لونها احمر هي المطلوبة .
فإنت ياعزيزي وصلت مرحلة التعادل بالضبط
لا مع الكيزان ولا مع المعارضة؛
يعني بقيت (Nil)
واي softwareكارب ممكن يعمل ليك setupزي الترتيب.
________
تحياتي يا محمد.
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: بشير أحمد)
|
ولا تفكر تتحزب ...خليك زي كده من غير التزام يستحق ...
| Quote: اما احزاب الوسط التقليدي , فتلك حكاية اخرى لا تحلو روايتها , فلا فكر ولا مبدأية ولا رؤي واضحة تحذب عصفور للانضمام اليها , وبصراحة بقت زي ام العروس هذه الاحزاب التي كانت كبيرة زمان , رجل في الحكومة ورجل في المعارضة فهي تمر الان تقريبا بمرحلة الموت السريري وفي انتظار فصل اجهزة الممدة بالحياة لتنتقل الي بارئها في سلام وصمت . |
وصفك لحزبي الامة والاتحادي بهذا الوصف قد لايروق لقواعده في المنبر اخي اساسي ..
تحياتي ،،
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: بشير أحمد)
|
ما أنفك أساسي يواصل بيضنتو القايم فيها جديدة ..
يا مان تسمع نصيحة أخوك؟ أرخي تعمل بوستات وفقط إكتفي بي المداخلات لحدي ما ليقتك ترجع والناس يتذكروك..
ملاسي نجهك وشبكك تغيب وترجع وتظل النجم ..لكن يا عمك بقيت زول ساااي تغيييب وتجي وزووول جايب خبرك ماف للدرجة الخلتك بقيت ترد علي أي زول عشان البوست حقك يتجاوز حاجز العشرة مداخلات..
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: عمر الفاروق)
|
Quote: ما أنفك أساسي يواصل بيضنتو القايم فيها جديدة ..
يا مان تسمع نصيحة أخوك؟ أرخي تعمل بوستات وفقط إكتفي بي المداخلات لحدي ما ليقتك ترجع والناس يتذكروك..
ملاسي نجهك وشبكك تغيب وترجع وتظل النجم ..لكن يا عمك بقيت زول ساااي تغيييب وتجي وزووول جايب خبرك ماف للدرجة الخلتك بقيت ترد علي أي زول عشان البوست حقك يتجاوز حاجز العشرة مداخلات.. |
ما ملاحظ انك ليك زمن مفرمل بي نفس الكلام وبتعيد في نفسك كل مرة , بالتاكيد ما حاسي بانك بقيت ممل لانه الزول الممل يستحيل يعرف نفسه انه ممل , واللذيذ في الامر انه بعتقد اي الممل انه قمة في الظرافة وهو يشيل ويعيد في نفسه ويكررها بي نفس الفرمالة كل مرة
جدد نفسك واطلع من طبق البيض الانت عايش فيهو دا
ياخ اديتني احساس بانك بتعيش مرحلة من مراحل تطور صلاح غريبة المجيدة ^_^
اخشي ما اخشاه انه القاك يوما ما وجدانك اتشكل بالتفصيل وبقيت نسخة سيف عوج الدرب الغير محسنة
البضحكني في الموضوع هو نظرتك السطحية البدات تظهر عليك مؤخرا كون اي زول بيكتب هنا لبناء مجد لنفسه
يا بيضتي العظيمة كل يري الناس من خلال نفسه , وانت ما دام عايش في طبق بيضنتك دا اقصى ما تتمناه ان تبقي سوسيوة وبتشوف انه دا التطور الطبيعي للاخرين
انا بونس نفسي يا رايق ولم اكترث يوما لراي الاخرين في ونستي مع نفسي
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: بشير أحمد)
|
مرحباً بعزيزي الرائع،
يا هزبر، تمنيت لو كان لنا راس قطعوه او تركوه، لقد ولد جيلنا و ربما الذي قبله هكذا ، بارتفاع متساوي لما بين الكتفين،
فلا مؤسسات و لا مؤسسية و لا اهداف و لا وطنية ، لا رؤية ولا قضية!
جيلنا و السابقين ملقى على ناصية الطريق، ملفوف كأجمل (ابن حب) الا انه معاق بأنه لم يجد حتى (راس) ليتحسسه او يفقده
نحتاج ان نعمل و نعتقد في العمل و الإخلاص. لينبت لنا راس اولا، و نحتاج ان نخرج من فقاعة تلك الأكاذيب باننا الساس و الراس و ما دوننا خموم ساي.
نحتاج ان نبصر انفسنا و ننظر حولنا و نعرف ما تحت أقدامنا و نعتبر بتجارب غيرنا و خمسين عاما من النكوص و القهقرى،
و ان ندعو الله كثيرا ان لا يسلط علينا بذنوبنا من لا يخافه و لا يرحمنا.
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: طارق جبريل)
|
والله انا برضو راسي مقطوع
والاغرب من كدة حتي المستقلين ذاتهم ما مقنعين ولا مقتنعين باستقلالهم
ويجي زول يلصق ليك حزب من راسو المدوقس يهاملك علي انك كاتل الجدادة
وخامي بيضها وانك منظر الحزب وكل حركاتك وسكونك بحزب فرضه عليك ذو الراس
المدوقس ..
سلام اساسي
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: العوض المسلمي)
|
Quote: والله انا برضو راسي مقطوع
والاغرب من كدة حتي المستقلين ذاتهم ما مقنعين ولا مقتنعين باستقلالهم
ويجي زول يلصق ليك حزب من راسو المدوقس يهاملك علي انك كاتل الجدادة
وخامي بيضها وانك منظر الحزب وكل حركاتك وسكونك بحزب فرضه عليك ذو الراس
المدوقس . |
والله يا العوض دي يحلها الشربكها , لكن بعد كدا لابد من استخدام ادواتنا في ايجاد واقع بديل
يعني القيد الصحفي دا لابد من تفعيله بكتابة وتشريح الواقع وايجاد بدائل وحلول
وبالمناسبة مبروك القيد الصحفي لكن لابد من النظر اليه كمسئولية كبيرة
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: طارق جبريل)
|
والله انا برضو راسي مقطوع
والاغرب من كدة حتي المستقلين ذاتهم ما مقنعين ولا مقتنعين باستقلالهم
ويجي زول يلصق ليك حزب من راسو المدوقس يهاملك علي انك كاتل الجدادة
وخامي بيضها وانك منظر الحزب وكل حركاتك وسكونك بحزب فرضه عليك ذو الراس
المدوقس ..
سلام اساسي
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: saadeldin abdelrahman)
|
Quote: نحتاج ان نبصر انفسنا و ننظر حولنا و نعرف ما تحت أقدامنا و نعتبر بتجارب غيرنا و خمسين عاما من النكوص و القهقرى،
و ان ندعو الله كثيرا ان لا يسلط علينا بذنوبنا من لا يخافه و لا يرحمنا. |
تعرف انتظار ان نجد الحلول عند ذلك الجيل هو النكبة , ان الاوان ان يكون لجيلنا كلمته , وان له ان يحدد هو المستقبل الذي يريد
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: اساسي)
|
| Quote: للدرجة الخلتك بقيت ترد علي أي زول عشان البوست حقك يتجاوز حاجز العشرة مداخلات.. |
يا فاروق أرخي الأبنص شوية
أو نزِل القزاز (كتير مش شوية ) يا عملات علوية صنقعت
كلامكـ ده واحدة من حاجتين :
* مبرر لعدم ردكـ للبعض ممن يدخلون بوستاتكـ :)
* شغل زول خالف رجلو وقايل نفسو سمير عطا الله :)
قوم لف
| |
|
|
|
|
|
|
|
|
 Re: يا اخوانا دي قطعة راس شنو دي !؟ (Re: Balla Musa)
|
يا إسئس
علي بالحلال تعمل ليك حزب، تخرت أحزاب السايبّر دي كلها..
__
| Quote: فالشعب اضحي جائعا اقتصاديا وفكريا واخلاقيا لذا لا توجد جاذبية في الانضمام تحت لواء هذه التجربة الا لمن كان به انتهازية لمارب اقتصادية شخصية |
المقتبس أعلاه يسلّم باليد للأخوان الذي إنضموا للمؤتمر الوطني أخيراً، دون ذكر أسماء ؛)
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: Balla Musa)
|
أربعون سنة للتفكير وأخرى مثلها كاملة
ومن ثم اتخاذ القرار والدخول في حزب سوداني
وأهو عدينا الأولى الحمد لله
باقي التانية
يا عمك سرج قطعة الرأس دا
أصلو ما بوقعك
فكك من حكاية التحزب
خدمة البلد مش بس تحت لواء حزب
ريال الملف داك في حد ذاتو خدمة للبلد
مش بتغذي جيوب بعض أعضاء الحزب الحاكم برضك
وقرط علي كدا
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: nazar hussien)
|
| Quote: بقيت ترد علي أي زول عشان البوست حقك يتجاوز حاجز العشرة مداخلات.. |
غايتو يا عمر الفاروق أساسي دا كان شاكلني يوم بجيبك تجيهو لي .....
ياخ و الله سطرك دا بي خمسين بوست من بوستات البيضة أساسي
رجعت للتمارين و لا لسه ...؟؟؟؟؟
سلامي لصاحب البوست و كل المتداخلين
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: حيدر حسن ميرغني)
|
و عاوز تنضم لحزب سياسي اصلا ليه????
افترض ان السودان دولة ديموقراطية (على السكين)....و فيها (قول) حوالى 4 احزاب محترمة.
ما فى سبب بيخليك تنضم لحزب ساى كده. لما يجى دور الانتخابات شوف فى الدائرة الانتخابية بتاعتك النازل منو? و برنامجوا شنو ? وعاوز يخدم المنطقة كيف? و موقفه شنو من الحجات البتهمك?....ذى تطبيق الشرعية او محاربة الفساد او مجانية التعليم و العلاج او حقوق المراة و الطفل....و كده.
رئيس الدولة برضو...شوف المرشح المعين للرئاسة موقفه شنو من الحجات البتهمك انت.
لو انضميت لحزب بتبقى كانك بتسلم عقلك للحزب المعين...و بتمضي على بياض على كل اتجاهات الحزب.
اما اذا قاصد البديل منو لحكومتنا الرشيدة....فاظن الثورة ما مفروض تكون ضد الكيزان بس....مفروض تكون ضد كل فاسد فى السودان. ضد الجهل ...ضد الجهوية و القبلية و العنصرية.
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: smart_ana2001)
|
Quote: و عاوز تنضم لحزب سياسي اصلا ليه????
افترض ان السودان دولة ديموقراطية (على السكين)....و فيها (قول) حوالى 4 احزاب محترمة.
ما فى سبب بيخليك تنضم لحزب ساى كده. لما يجى دور الانتخابات شوف فى الدائرة الانتخابية بتاعتك النازل منو? و برنامجوا شنو ? وعاوز يخدم المنطقة كيف? و موقفه شنو من الحجات البتهمك?....ذى تطبيق الشرعية او محاربة الفساد او مجانية التعليم و العلاج او حقوق المراة و الطفل....و كده.
رئيس الدولة برضو...شوف المرشح المعين للرئاسة موقفه شنو من الحجات البتهمك انت.
لو انضميت لحزب بتبقى كانك بتسلم عقلك للحزب المعين...و بتمضي على بياض على كل اتجاهات الحزب.
اما اذا قاصد البديل منو لحكومتنا الرشيدة....فاظن الثورة ما مفروض تكون ضد الكيزان بس....مفروض تكون ضد كل فاسد فى السودان. ضد الجهل ...ضد الجهوية و القبلية و العنصرية. |
You are really Smart ... aren't you...
Bless you
10 out of 10 to your wisdom and clever words
I thank you
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: حيدر حسن ميرغني)
|
عزيزي اساسي ,,,
التغيير المطلوب للحكومة المعطوبة لا يحتاج الانضمام لحزب
إلا اذا كان تفكيرنا في من سيحكمنا وليس كيف سنحكم ,,
وتحديد كيف سنحكم هذه لا تحتاج تنظير ولا فذلكات سياسية لانها اصبحت واضحة يعلمها كل من له علم
بابجديات السياسة ,,
حكومة تاتي وفق صناديق الاقتراع
توفر تكافؤ الفرص
تداول سلمي للسلطة
سيادة حكم القانون ,
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: عمار عبدالله عبدالرحمن)
|
Quote: بابجديات السياسة ,,
حكومة تاتي وفق صناديق الاقتراع
توفر تكافؤ الفرص
تداول سلمي للسلطة
سيادة حكم القانون , |
ديل كلهن ما وصلنا فيهن لي اي شيء
فنحن محتاجين....لمرحلة ما قبل المدرسة في كل شي
حتي نستطيع ان نبني وطن معافي....ويمكن حينها
ان تتحدث عن السياسة والفرص والقانون
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: haroon diyab)
|
تعرف يا حبيبنا اساسى
قطعة رأسك دى ذكرتنى الانتخابات الامريكية عام 1984 م ، كان الصراع فيها قويا بين الرئيس ريجان و ولتر مونديل على الرئاسة .
وقتها دار بينى و بين معلمى المستر / فلايميير الحوار التالى :
- هل تؤيد الحزب الديمقراطى ام الجمهورى ؟
- لا هذا و لا ذاك ... مجموعة منافقين .
- ما هو رأيك فى المرشحين ريجان و مونديل ؟؟
- الاثنين كذابين .
- طيب لمن ستعطى صوتك ؟؟؟
- لزوجتى
- !!!!!!!!
- لانها الوحيدة التى تخدمنى و تريحنى .
اساسى .. خذ بحكمة هذا الرجل و سيبك من " ساس يسوس " .. عشان تحلق رأسك عند الحلاق !!
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: يوسف محمد يوسف)
|
لو رأسك مقطوع أقع أختك آمنة مختار حزب الملوخية لسة في النار يعني ممكن تشارك في الطبخة وأهو أختك في المنبر ينوبك ثواب
بجدية: السودان فعلا يحتاج لحزب الخضر بشرط يكون حزب وسط يركز علي البئية ويبعد عن الإستقطاب لأن كثير من أحزاب الخضر تكون عادة مطئية لبعض الجماعات التي لا تجد القبول بوجهها الحقيقي
| |
|
|
|
|
|
|
|
|
|
Re: يا اخوانا دي قطعة راس شنو دي !؟ (Re: أسامة البلال)
|
العزيز اساسي سلامات
| Quote: بالنسبة لليسار السوداني واللبراليين والعلمانين السودانين واحزابه " الفكة" المتشظية المنقسمة كالامبيا كل صباح حتى انك لن تفاجا ان وجدت ان لكل يساري او لبرالي حزبا يخصه وحده لا شريك له فيه ولا عضوية , |
لا اعرف عن اليسار ولكن عن الليبراليين فهناك حزب ليبرالي واحد في السودان وواحد من اهدافه المصاغة في الدستور هو توحيد القوى الليبرالية والديمقراطية في حزب واحد وقد خطونا الخطوة الاولى عام 2008 حينما دمجنا اربعة تنظيمات اليبرالية وديمقراطية صغيرة في تنظيم واحد (اكبر قليلا ) ولا زلنا نسير في هذا الطريق وستسمع قريبا ما يسرك .
| Quote: مع الاخذ ايضا في الاعتبار ان التجربة اليسارية العالمية انتهت بفشل عظيم ومن الحماقة " وهنا اعني حماقة الرجال البلهاء بتاعين كتاب المطالعة سنة رابعة ابتدائي قبل التحول لمدارس الاساس وتغير المنهج " من الحماقة انتظار حلول من اليسار , اما بالنسبة للبرال والعلمانين فانه من العته والخبل ان تقدم تلك الاحزاب الكثيرة نفسها بديلا للشعب السوداني والتي ينظر لها الشعب السوداني علي انها نوع من الكفر الصراح ويدهش من وجودها اصلا ويكتفي بانه لم يسمع بها اصلا وليس له القابلية ايضا سوى للتهكم بها . |
بالنسبة لليسار اتفق معك وبالنسبة لليبرال والعلمانيين اعتقد انهم يسيرون في طريق التوحد واعتقد ان الشعب السوداني يتقبلهم كل يوم اكثر واكثر وهو يعرف تماما الفرق بين العلمانية كطرح سياسي والايمان والكفر كموقف ديني ومن لم يسمع بنا اليوم سيسمع بنا غدا لأن الصغير يكبر يا حبيب
| |
|
|
|
|
|
|
| |
اساسي
Mahmoud Mustafa Mahmoud
بشير أحمد
فايزودالقاضي
عمر الفاروق
saadeldin abdelrahman
طارق جبريل
العوض المسلمي
عمران حسن صالح
Balla Musa
Asim Fageary
Yassir Tayfour
بله محمد الفاضل
ABUHUSSEIN
Hussein Mallasi
حيدر حسن ميرغني
smart_ana2001
عمار عبدالله عبدالرحمن
haroon diyab
يوسف محمد يوسف
أسامة البلال
Abdel Aati
فيس بوك
تويتر
انستقرام
يوتيوب
بنتيريست