|
|
 أم عبد الله تحيي كل البورداب والبوردابيات وترسل لي هذه الابيات
|
شيقا
شكرا لحبك..
فهو معجزتي الأخيرة..
بعدما ولى زمان المعجزات.
شكرا لحبك..
فهو علمني القراءة، والكتابة
وهو زودني بأروع مفرداتي..
وهو الذي شطب النساء جميعهن .. بلحظه
واغتال أجمل ذكرياتي..
شكرا من الأعماق..
يا من جئت من كتب العبادة والصلاة
شكرا لخصرك، كيف جاء بحجم أحلامي، وحجم تصوراتي
ولوجهك المندس كالعصفور،
بين دفاتري ومذكراتي..
شكرا لأنك تسكنين قصائدي..
شكرا...
لأنك تجلسين على جميع أصابعي
شكرا لأنك في حياتي..
شكرا لحبك..
فهو أعطاني البشارة قبل كل المؤمنين
واختارني ملكا..
وتوجني..
وعمدني بماء الياسمين..
شكرا لحبك..
فهو أكرمني، وأدبني ، وعلمني علوم الأولين
واختصني، بسعادة الفردوس ، دون العالمين شكرا..
لأيام التسكع تحت أقواس الغمام، وماء تشرين الحزين
ولكل ساعات الضلال، وكل ساعات اليقين
شكرا لعينيك المسافرتين وحدهما..
إلى جزر البنفسج ، والحنين..
شكرا..
على كل السنين الذاهبات..
فإنها أحلى السنين..
شكرا لحبك..
فهو من أغلى وأوفى الأصدقاء
وهو الذي يبكي على صدري..
إذا بكت السماء
شكرا لحبك فهو مروحة..
وطاووس .. ونعناع .. وماء
وغمامة وردية مرت مصادفة بخط الاستواء...
وهو المفاجأة التي قد حار فيها الأنبياء..
شكرا لشعرك .. شاغل الدنيا ..
وسارق كل غابات النخيل
شكرا لكل دقيقه..
سمحت بها عيناك في العمر البخيل
شكرا لساعات التهور، والتحدي،
واقتطاف المستحيل..
شكرا على سنوات حبك كلها..
بخريفها، وشتائها
وبغيمها، وبصحوها،
وتناقضات سمائها..
شكرا على زمن البكاء ، ومواسم السهر الطويل
شكرا على الحزن الجميل ..
شكرا على الحزن الجميل.
طبعا خمشت الابيات من شعر نزار قباني
|
|
  
|
|
|
|
|
|
|
 Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
Quote: شيقا
شكرا لحبك..
فهو معجزتي الأخيرة..
بعدما ولى زمان المعجزات.
شكرا لحبك..
فهو علمني القراءة، والكتابة
وهو زودني بأروع مفرداتي..
وهو الذي شطب النساء جميعهن .. بلحظه
واغتال أجمل ذكرياتي..
شكرا من الأعماق..
يا من جئت من كتب العبادة والصلاة
شكرا لخصرك، كيف جاء بحجم أحلامي، وحجم تصوراتي
ولوجهك المندس كالعصفور،
بين دفاتري ومذكراتي..
شكرا لأنك تسكنين قصائدي..
شكرا...
لأنك تجلسين على جميع أصابعي
شكرا لأنك في حياتي..
شكرا لحبك..
فهو أعطاني البشارة قبل كل المؤمنين
واختارني ملكا..
وتوجني..
وعمدني بماء الياسمين..
شكرا لحبك..
فهو أكرمني، وأدبني ، وعلمني علوم الأولين
واختصني، بسعادة الفردوس ، دون العالمين شكرا..
لأيام التسكع تحت أقواس الغمام، وماء تشرين الحزين
ولكل ساعات الضلال، وكل ساعات اليقين
شكرا لعينيك المسافرتين وحدهما..
إلى جزر البنفسج ، والحنين..
شكرا..
على كل السنين الذاهبات..
فإنها أحلى السنين..
شكرا لحبك..
فهو من أغلى وأوفى الأصدقاء
وهو الذي يبكي على صدري..
إذا بكت السماء
شكرا لحبك فهو مروحة..
وطاووس .. ونعناع .. وماء
وغمامة وردية مرت مصادفة بخط الاستواء...
وهو المفاجأة التي قد حار فيها الأنبياء..
شكرا لشعرك .. شاغل الدنيا ..
وسارق كل غابات النخيل
شكرا لكل دقيقه..
سمحت بها عيناك في العمر البخيل
شكرا لساعات التهور، والتحدي،
واقتطاف المستحيل..
شكرا على سنوات حبك كلها..
بخريفها، وشتائها
وبغيمها، وبصحوها،
وتناقضات سمائها..
شكرا على زمن البكاء ، ومواسم السهر الطويل
شكرا على الحزن الجميل ..
شكرا على الحزن الجميل.
طبعا خمشت الابيات من شعر نزار قباني |
جِنِسْ بَشْتنتنْ
أوبس،
عنكوليبن
المطرطش
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
الطيب اخوي
اعمل حسابك الكلام ده خطير جدا ويمكن وراه مصيبه
اولا جاك الساعه كم .. وانت عملت شنو قبل مايجيك وبعد ما جاك
ياخي انا الجماعه ديل بخاف من حركاتهم االغير عاديه دي .. يعني
قصيدة نزار قباني دي كتبها قبل ما يموت وحسي ليه 5 سنين ميت
مالقتها ام عبدالله الا الليله ..
يابوي اقطع تذكرتك واجري الحق شوف الحاصل شنو.. خصوصا
بعد الرئيس ما قال ما بنسمع كلام مجلس الامن نحن واسرائيل
امانه ما وقع راجلا كلس
عمر علي حسن
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: عمر علي حسن)
|
| Quote: اولا جاك الساعه كم .. وانت عملت شنو قبل مايجيك وبعد ما جاك |
ات عارف يا خال الكلام دا وصل اليوم الساعة عشرة ص دى اللحظة البتكون فيها دائما تعبانة بتسوى لي في ملاح التقلية ومنتظرة اديها تشكرات من قبيل ( تسلم ايدك يا ام عبد الله او كان ختيتك كان لحقت امات طه وكدا)
Quote: ياخي انا الجماعه ديل بخاف من حركاتهم االغير عاديه دي .. يعني
قصيدة نزار قباني دي كتبها قبل ما يموت وحسي ليه 5 سنين ميت
مالقتها ام عبدالله الا الليله .. |
ياخ ديل حريم البندر ام عبد الله دي ايام كنا ساكنين الصعيد بتستحي من تفجير شحناتها العاطفيه لكن مما رحلنا الخرطوم صارت تفضفض ساي بلا حساب باقي لي حريم البندر ملن راسا كويس . وما كانت بتتصل كتير بالموبايل ايام كنا مع عولنا في الدندر - وهسع بقت تحسب ساعات الدوام وتعرف اللحظة المناسبة للمسكلة شفت كيف .
Quote: يابوي اقطع تذكرتك واجري الحق شوف الحاصل شنو.. خصوصا
بعد الرئيس ما قال ما بنسمع كلام مجلس الامن نحن واسرائيل |
لا لا يا خال سامعة ليها طقة وصلت اضانا طاااب - باقي لي عايزة تعمل تحديث لآليات الاحتواء العاطفي بفيرجن بندراوي جديد لنج
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: عمر علي حسن)
|
| Quote: نعم لتوطين الحب داخل الاسرة |
دي دعوة جميلة ورائعة ومعناها الرجوع إلى القواعد سالمَا
بعد دوشة الحاجات الواقعة من السماء والدبايب الكيف كيف وهلم جرا
هاك المؤازرة دي
زي ماهي حبها
بحلوها ومرها
بص لحبيبتك حسها
زي ماهي حبها
لاحتآخد ايه ولاكام وليه ..ده العشق لو م القلب طالع
العمر حتى نضحي بيه ونغني للفجر اللي راجع
افتح خزاين ذكرياتك شوف الصور
والمس ضفاير بنت حلوة زى القمر
ح تلاقي قلبك يرتعش حب وشجن
ويدوب يدوب بين الضلوع لو كان حجر
تقدر تحقق أمنياتك رغم المحن
وتبقي قادر على الخوف والزمن
ف عيون تحبك تحضنك تنسى الخطر
زي ما هي حبها ح تلاقي أهلك .. ذكرياتك .. طعم الوطن
لاحتآخد ايه ولاكام وليه.. ده العشق لو م القلب طالع
العمر حتى نضحي بيه ونغني للفجر اللي راجع
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: طه إبراهيم عبد الله)
|
يا ربي لاتبشتنا ولا تبهدلنا بعد العمر ده ,
اليلة وووووب عليك يا المسنوح يوم
شكرك ,,,,,,,,, خم وصر يا الفحل
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
طه ود ابراهيم
سلام
Quote: دي دعوة جميلة ورائعة ومعناها الرجوع إلى القواعد سالمَا
بعد دوشة الحاجات الواقعة من السماء والدبايب الكيف كيف وهلم جرا
هاك المؤازرة دي
زي ماهي حبها
بحلوها ومرها
بص لحبيبتك حسها
زي ماهي حبها
لاحتآخد ايه ولاكام وليه ..ده العشق لو م القلب طالع
العمر حتى نضحي بيه ونغني للفجر اللي راجع
افتح خزاين ذكرياتك شوف الصور
والمس ضفاير بنت حلوة زى القمر
ح تلاقي قلبك يرتعش حب وشجن
ويدوب يدوب بين الضلوع لو كان حجر
تقدر تحقق أمنياتك رغم المحن
وتبقي قادر على الخوف والزمن
ف عيون تحبك تحضنك تنسى الخطر
زي ما هي حبها ح تلاقي أهلك .. ذكرياتك .. طعم الوطن
لاحتآخد ايه ولاكام وليه.. ده العشق لو م القلب طالع
العمر حتى نضحي بيه ونغني للفجر اللي راجع |
ياخ انت عسل بس جبت احلى اغنية وفي الصميم كمان
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
الكامل ابو المسانيح
Quote: يا ربي لاتبشتنا ولا تبهدلنا بعد العمر ده ,
اليلة وووووب عليك يا المسنوح يوم
شكرك ,,,,,,,,, خم وصر يا الفحل |
هههههههههههههههههههههها
ممكن اديك احلى وصية ؟ بشرط في الصقيعة دى ما تقول لي في المسنغر
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
| Quote: باقي لي عايزة تعمل تحديث لآليات الاحتواء العاطفي بفيرجن بندراوي جديد لنج |
عارف
انا اليومين ديل الجماعه عاملين لي (يازبيده ما تموعي) وما في اي سبب ظاهر غير اني مشيت مصر
وجيت .. قوام قوام ..
ومن ديك الساعه انا يا قريب للباب يا قريب للشباك عشان اسهل الشراد لو طلع المخفي .. والجماعه
اصحابك ناس امير كاتلين حيلهم مع امهم .. حتي عموري داخل في اللعبه ..
كان سمعت ليك خبر طوالي صدّق
عمر علي حسن
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: عمر علي حسن)
|
Quote: انا اليومين ديل الجماعه عاملين لي (يازبيده ما تموعي) وما في اي سبب ظاهر غير اني مشيت مصر
وجيت .. قوام قوام ..
ومن ديك الساعه انا يا قريب للباب يا قريب للشباك عشان اسهل الشراد لو طلع المخفي .. والجماعه
اصحابك ناس امير كاتلين حيلهم مع امهم .. حتي عموري داخل في اللعبه .. |
لا لا يا خال انا عرفت ليك حاجة - تاني شفت لو مشيت المكتب وعايز تتصل بتلفون البيت احذر تقدم طلبك لبتك او ولدك او زوجة ولدك او واحد من الاولاد - صحيح بيكون فيهم واحد شليق عايز يوريك اهتمامو بيك - لكن فطهم كووووووووولهم قول ليهم ادوني امكم اكلمها شفت كدا تاني تمشي قادل وسطهم ما تعتر ليك قشة والبرشك باللبن برشوا ليك كوووووووولهم بالدم .
شوف حت كباية الشاي دى الصباح ما يقوم واحد يشالق يجيبا ليك ولو بتّك - امهم بس وبعد تجيب ليك الكباية تتنتن الكباية وارفعها لا فوق وعاين للمدام وقول ليها تنجبري يا ام اكرم - تاني تسير امير يا ابا امير
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
خالي حسن طه
والله يا سعادتك بوست تلتقي فيه قامتان ( سعادة المستشار حسن طه وسعادة اللواء معاش عمر على حسن) بيكون قمة في المتعة
Quote: غايتو انا واخوي شيقا نفس الكيس ( ال CASE)....
بس يا ربي ام محمد زي ام عبدالله ؟ |
بس الفرق ام محمد بتكون عارفة اسماء حاجات كالفور كوووووووولها ولا محتاجة تقلّب السلعة عشان تلقى الاسم وام عبد الله سقفها ما بفوت اللحوم والخضراوات و مصافي الشاي والقهوة وكان كترت بتمد يدها لكورنفلكس . وتاني ام محمد بتعرف انو من حقها ان تخصص لها بطاقة ائتمان للخمش بلا حدود وام عبد الله بتحفظ فلوسا في حقيبة يدها ساااااااااااى .
| Quote: غايتو حسب علمي ام محمد بتجيد النثر .. وبعيدة من الشعر |
بتكون اتعلمتو زمن الحب بالجوابات زمان - يبدأ الخطاب بعبارة (حبيبي حسن) وينتهي بعبارة (دام حبنا )
| Quote: هل النثر ينفع يا شيقا.... عشان اديها امر وتطلع المكنون الليه مليون سنةوهي داساهو؟ |
دا اخطر من الشعر لانو بكون صادق ما منجور - الشعر يمكن ينجروهو ليك نجر تقم تصدق
تعيش ام محمد
تعيش ام امير
عاشت ام عبد الله
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
عفراء
ازيك شدييييييييد
| Quote: إنت يا شيقوق بي صحك في مرة بتقول لي راجلها بحبك عشان يمسكها ليها لي يوم الدين أمشي شوف ليك شغلة |
وحاة الله لما كنا ساكنين عند اهلنا في الدندر هناك قبل نرحل لبندركم دا كانت بتخجل اسمى ما بتجيبو ولا كمان بتأكل معاى في صحن احد . رحلت امدرمان وسكنتها مع اولادها وسط محس امدرمان - يلا حريم المحس لمّن فيها بقت كلمة احبك دي ترميها لي زى العنكوليبة وبقت تقول وين يا ( ابو الطب) وتقول تعبانة قوم سوى لي شاى .
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: محمد على طه الملك)
|
الخال حسن طه
| Quote: رغم انو يوم الاتنين والجمعة عندنا الغدا كارب وام محمد بتخلص فيهم. |
يا ود البوب هو زول بطاقة إئتمانو في حقيبتو كيف ما بسبّك الطعام - حالف اجيكم قطر عشان اضوق طعام ام محمد المسبّك دا
| Quote: يا ربي هل هو الرئيس السابق لنادي الهلال العظيم؟؟ |
نعم نعم يا خال هو سعادة اللواء معاش / عمر على حسن مدير عام شرطة الخرطوم سابقا، والرئيس السابق لنادي الهلال .
كنت فاكر بتتعارفوا ووالله قصدت بالمداخلة السابقة خلق نوع من التعارف بينكما
يا ابا امير :
الخال حسن طه دا مستشار قانوني شامخ بالحيل و من خريجي جامعة الخرطوم عام 1973 ، على ما اعتقد ، وهو الان من وجهاء السودانيين في العاصمة القطرية الدوحة .
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
Quote: يا ود البوب هو زول بطاقة إئتمانو في حقيبتو كيف ما بسبّك الطعام - حالف اجيكم قطر عشان اضوق طعام ام محمد المسبّك دا
ياخي نحنا منتظرنك ومعاك ام عبدالله لينا سنين.. وما دام حالف خلاص من اليوم الاستعدادات حتكون علي قدم وساق ومن هسه الاوامر حتصدر لتجهيز الغرفة بملايات جديدة من دوحة سيتي.
Quote: يا ربي هل هو الرئيس السابق لنادي الهلال العظيم؟؟
نعم نعم يا خال هو سعادة اللواء معاش / عمر على حسن مدير عام شرطة الخرطوم سابقا، والرئيس السابق لنادي الهلال .
كنت فاكر بتتعارفوا ووالله قصدت بالمداخلة السابقة خلق نوع من التعارف بينكما
|
للأسف لم أسعد وأتشرف بعرفته شخصيا.
كنت أعرفه من بعيد بصفته شخصية عامة وبصفته رئيس لنادي الامة السودانية هلالنا العظيم.
للأسف كنا سويا في السعودية ولكن لم تجمعنا الظروف معا.
يكون لي الشرف بمعرفته والتعرف عليه ويا ريت تديه رقم تلفوني او ترسل لي رقم تلفونه.
تحياتي لابي امير.
وشكرا ابو عبدالله ومن خلالك نتعرف علي كل جميل.
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: Ahmed Yousif Abu Harira)
|
الناظر احمد اب حريرة
كيييييييفك
Quote: نحن فهمناها مناجاة.
نص لابو عبدالله ونص لام عبدالله.
دويتو يعني ،
كما في "الريدة.. الريدة.. الريدة"
بين الفلاتية واحمد عبدالرزاق
وللا شنو آآآ ابو الطب؟ |
هههههههههههههها ياخ الاغنية محظورة في المكتب علا امشي البيت افتحها واقدل فيها
ـــــــــــــــ
| Quote: اقعد وطِن كده لمن يقولو لك غسل العدة |
هههههههههههههههههها مسنوووووووووح هو زول بورق الخدرة غالبو غسيل العدة ياخ؟
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
الحلاوي
| Quote: ها ناس أدوا الزول فرقة يعبر عن أحلامو ..أم عبدالله برة الخت ...لا عارفة نزار قباني ولا الزلمات البقولو الكلام دا ...دا عندنا عيب ..اسم الطيب ذاته ما بتقال خليك من خصر وخنصر ..خليك الطيب في عنكوليبك وارعى بهمك ..هسع كان بقيت حاجة تانية ...داير لي شقة في البطانة بغنمي ..بجيك دافر يا نافر هههههههه |
انت مالك مكشوف حال
خليني اتجدع واقدل وسط ناس البندر ياخ
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
ود القاضي
Quote: وجاهة وشباب ماشاء الله ..ده ولدك ياشيقا ؟!!!
الكرفتة مطقمة مع الجريدة ... |
شكيتك على الله هسع الصورة كبرتها كيف ؟
حالف تمشي ترميها لحبوبة بت شرف الدين في بوستيها عشان تآآآآآآآآآآآآآآآمن
بس ارخي لي اضانك اديك سر اوع تقولو لزول :
اول بالتبادي : الكرفتة دي حرم رسلها لي صاحبي البوردابي الفاتح ميرغني من طوكيو يعني إستاندرد ما ضاقت ليها خرتة أبدا
تاني التبادي : يوم جابوها لي اتلهمت بيها صاحبك مرتضى حامد ، على بعد عشرين كيلو من بيتي ، عشان يربطا لي ربطة الشاميين القيافة وكدا ( مثلث صغيروووون ) ، ابيت اربطا برباطي انا البخليها مكومة زى اللّيد الصارنها لضربة ام دلدم .
كتر خير البروف على عوض يوسف الجاء شاقي بيها الفيافي من طوكيو لحدى عمان
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
يا شيخ المسانيح
بوستك ده شكلو حايجيبلي ريح صرصر، مو هوا وبس*
الشاهد
الفاضل ود الأفاضل أحمد أبوحريره جاب الرابط للبوست المريح ده
من رواائع الزمن الجميل دويتو عائشة الفلاتية....؟!
زرتو وحسيت متل اتكني صِبَي مِنّاوجَديد
إنت آطِّيِّب وَخوك الكاشف ابحريره أكبر مسانيح ومساخيت
حُمّدْ عثمان
سيد
من رواائع الزمن الجميل...دويتو عائشة الفلاتية و..........؟!
ياخي شكرن علي البوست الدسم الما شفتو إللي بعد حال عليهو الحول
_
* اللبيبُ بالإشارة يَفْهَمُ
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
شيقا أخوي
جد جد كدا .. الكرافتة دي تستاهل ليها لكزس
أغرب حكايةربطة الكرافتة
يجوني مليون واحد .. بالله يا استاذ اربط لي الكرافتة دي وآخرهم طالب ماليزيا ود اختنا في مناسبة زواج.
المشكلة يا شيقا كوووولهم ازبط ليهم الربطة وانا ذاتي نمن اشوفها أعجب بيهاواقول ليهم الربط ليكم الكرافتة دي منو ؟.
الا ربطة اخوك ... زيك بس ... اكومها ليك كوم ولا كوم كرافتة شيقا.
لكن بصراحة لو الكرافتة من اصل بلادو .. من ميلان ولا باريس
ممكن تربطها وانت مغمض
أما كرافتات شانغهاي الملت الدنيا دي حتي لو تفرغت ليها يوم كامل ... الربطة ما بتجي مظبوطة.
عشان كدا قررت يا كرافتات حرير يا ما عايز كرافتة من زول.
اها ام عبدالله هداياها من الكرافتات وعطور باريس كيف ؟
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: حسن طه محمد)
|
| Quote: جد جد كدا .. الكرافتة دي تستاهل ليها لكزس |
آي يا خال لكن موديل كم ؟ اخوك لا بتنفع معاهو آخر موديلات لانها محتاجة لتأمين شامل و Cosmetics وكدا ولا كمان الموديلات القديمة لانها محتاجة لصيانة دورية بس ابقى لي على موديلات 90 - 2008 سكند هاند وما مشت كتير .
فاهمنى ولا سارح انت؟
Quote: أغرب حكايةربطة الكرافتة
يجوني مليون واحد .. بالله يا استاذ اربط لي الكرافتة دي وآخرهم طالب ماليزيا ود اختنا في مناسبة زواج. |
غايتو انا جاييك بس تكون هديك لي كرفتة من النوع الممكن تخمشو في يدك وتحس بيدك فاضية - يعني يكون ملمسا زى ملمس رغوة الهبوط الاضطراري الفرشوها لكابتن السر ولحست صدمة الفوركز زى الايسكريم . تاني ما بكلفك برباطا اصلا عشان عندى هنا ود المرتضى يدو سريعة وخفيفة في الرباط . شفتو يوم داك بربط لي في هدية الفاتح اليابانية تذكرت نساجين شباك الزرزور عندنا في ضهارينا .
| Quote: أما كرافتات شانغهاي الملت الدنيا دي حتي لو تفرغت ليها يوم كامل ... الربطة ما بتجي مظبوطة. |
شنغهاي شنو؟ انت كدى املأ عينك كويس في كرفتتة الفاتح دي شوف هو بن جين بن تاو لابسا؟
| Quote: اها ام عبدالله هداياها من الكرافتات وعطور باريس كيف ؟ |
عييييييييييك ام عبد الله الدلاقين دي ولا بترفع ليها عينا ياخ
| |
|
|
|
|
|
|
|
|
 Re: أم عبد الله تحيي كل البورداب والبوردابيات وترسل لي هذه الابيات (Re: هويدا شرف الدين)
|
هويدا ...سلام
| Quote: يا فائز سلامات والله بالغت في الكرفته بس اموت واعرف المكتب القاعد فيهو دا بتاع منو ، وسبحان مقسم الارزاق لو ما الدنيا عجيبه العريبي دا مكتب شنو غايتو قطع شك بكون دفع الشئ الفلاني عشان ياخد صوره في مكتب ذي دا |
صراحة دي مافاتت على ..لذلك اتصلت على اخونا محمد المرتضى وسالته عن المكتب القاعد فيهو شيقا..
قال لي : يافايز ماتحرجني وامتنع عن الافصاح ...
انا طبعاً فهمتها طوالي ,,دي لو انت ماكان فهمتيها ..
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: عبدالرحمن الحلاوي)
|
| Quote: دي طبعا زلفى عبد الله الطيب شيقوق يا خال حسن طه |
ما شاء الله وتبارك الله
ربنا يحفظها زلفي الكريمة ابنة الكريم اللي منحتك لقب " جدو ".
--------
اول أمس سعدت بمحادثة هاتفية طويلة مع القامة عمر علي حسن
فالشكر له ولك صديقي العزيز.
---------
نجي للموضوع :
بعض انواع الربطات يا شيقا:
Atlantic
Diagonal
For-In- Hand
Kelvin
Oriental
Persian
Platsburg
Pratt
Simple Double
St.Andrew
Bow Tie
واحدة منهم يا شيقا بتتربط بالقلبة ... تفتكر ويتش؟
زي ما قال المصري : نعلموكم وناكل من بيوتنا
ايه رايك في الثقافة الكرافتاتية دي ؟؟
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: حسن طه محمد)
|
Quote: شيقا أخوي
جد جد كدا .. الكرافتة دي تستاهل ليها لكزس
أغرب حكاية ربطة الكرافتة |
بالله لم العده دي وختها في كيس او ظرف
ورسلها المكان دا
جدة تقاطع شارع البلدية مع الستين
صندوق بريد 1111111111111.
.
.
ياشيقا ياخي خطتك فشلت
كل مره اقول لي ام اسيل نظرية شيقا بتقول
الراجل مايقعد في البيت كتير مع المره
ومن اليوم داك شابكها ليك كورة بالليل وكتشينه
قالت دا اللقيناهو من شيقا
دحين بفتشوا في عنوانك وفي حالة العدم بيمسكو في رقبة صاحبك المستشار (ود البوب )
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: حسن طه محمد)
|
Quote: شوف يا وليد اخوي
انا برا الموضوع
امسك في شيقا قوي
ولو عايز مساعدة صديق .... جاهزين .. اجيبو ليك من طقاطيق الارض |
بس امانه ماوقع راجل
يازول شبكتها ليك شيقوق قال وشيقوق قال دا زول خبرة اكتر من تلاتين سنة و له نظريات كثيرة
في التعامل مع النصف الاخر ...
ياسعادة المستشار ود البوب
الف حمدا على سلامة الوالده واختكم
حجا مبرورا وسعيا مشكورا
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
يا خال
والله البوست دا فلت من يدي والله قايلو غتس اتاريك والحبيب وليد خمشتوهو من القاع
عافي منكم دنيا واخرة . قالوا آخر الزمن الرطانة بتبينوا شفت كيف؟
| Quote: ايه رايك في الثقافة الكرافتاتية دي ؟؟ |
والله يا ود البوب اتاريك مضيع نفسك مع القانون - ياخ انت افضل بتاع مراسم في العالم
لكم اسعدنى جدا جدا ان اسمع بتواصلك الهاتفي مع سعادة الخال عمر على حسن ضؤ القبيلة ومقنع الكاشفات
ياخ ابو امير دا الافندية ما بتشبهو اصلا دا يستاهل يكون جالس تحت راكوبتو الما خمج وسكينو مسلولة للخرفان للغاشي والداني
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
Quote: ولا تكون الوحدة جاذبة الا بالاتي :-
اولا : تبطل النقة الكتيرة وتسلم بطاقة الائتمان فورا
ثانيا: الا تسألك كنت وين او ماشي وين
ثالثا : الا تتبع علاقاتك المسنغرية ( ياهو - هوتميل - جي ميل - وإسكايبي)
رابعا: الا تهتم بالرسائل الموبايلية خاااااااااااالص
خامسا : الا ترفع موبايلك لدى اتصال اى شخص بك
سادسا: الا تتنقل بين بناتا عند النفاس من شهر لآخر ( بس دي ما اتعتقد عندك ولا عند الخال حسن ربما عندي وعند خالك عمر على حسن |
مولاناشيقا
من واحد لحدي خمسة غيــــــــــــــــــر مقدور عليها البتة...
السادسة بنتمناهاوانا شخصيا بنفذها حتي ولو غصبا
ايه رايك؟السادسة
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: حسن طه محمد)
|
Quote: ههههههههههههههههها قول لأم اسيل اسعى جادة لجعل الوحدة جاذبة واي دغمسة
منفرة بتلهمنا الكورة والكتشينة |
الطيب .. ومولانا حسن طه
(وحده) .. وكمان جاذبه
وكمان سته شروط .. خليتو شنو لسلفاكير طيب ؟
الجماعه ديل كونهم راضين ييكم وساكتين ، تحمدوا ربكم وتبوسوا ايدكم وش وظهر ..
انا متابع وممتنع عن الادلاء بأي اقوال لانني اعرف تماما قدر نفسي ولابس تشريفه
وحافظ النظام .. وكمان ما عندي اي مطالب .. وكوتشينتي في جيبي العب بيها براي
لما اكون عايز اعمل مشغول .. والكوره بسجلها عشان اشوفها براي بعد ما الناس
ينوموا والكون ما يبقي فيه زول صاحي غير رب العالمين والشاويش النبطشي وانا ..
ودلوقتي بعد الحصل للكوتش انا عايز اتخلص من الكوتشينه والفيديو وانوم من
المغرب .. جايين تقولوا لي وحده جاذبه وسته شروط ..
عمر علي حسن
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: عمر علي حسن)
|
الخالان ابو اكرم وود البوب
Quote: مولاناشيقا
من واحد لحدي خمسة غيــــــــــــــــــر مقدور عليها البتة...
السادسة بنتمناهاوانا شخصيا بنفذها حتي ولو غصبا
ايه رايك؟السادسة
|
Quote: الطيب .. ومولانا حسن طه
(وحده) .. وكمان جاذبه
وكمان سته شروط .. خليتو شنو لسلفاكير طيب ؟
الجماعه ديل كونهم راضين ييكم وساكتين ، تحمدوا ربكم وتبوسوا ايدكم وش وظهر ..
انا متابع وممتنع عن الادلاء بأي اقوال لانني اعرف تماما قدر نفسي ولابس تشريفه
وحافظ النظام .. وكمان ما عندي اي مطالب .. وكوتشينتي في جيبي العب بيها براي
لما اكون عايز اعمل مشغول .. والكوره بسجلها عشان اشوفها براي بعد ما الناس
ينوموا والكون ما يبقي فيه زول صاحي غير رب العالمين والشاويش النبطشي وانا ..
ودلوقتي بعد الحصل للكوتش انا عايز اتخلص من الكوتشينه والفيديو وانوم من
المغرب .. جايين تقولوا لي وحده جاذبه وسته شروط .. |
لا حول بقرأ في مداخلتيكما اعلاه وختيت يدي في راسي عارفين ليش ؟
انا على يقين بأن المداخلتين اعلاه كتبتا بواسطة حكومتيكما
ياخ نعم تديها البطاقة الائتمانية وتمشي السوق وتخمش مشاف عين
نعم تتركوا ليهن الكورة والكتشينة او التعامل مع ذينك اللعبتين بأسلوب الخال عمر الجيبي
اما وان تصل الشغلانية مرحلة تديها اليوزر نيم والباسويرد عشان تدخل سودانيز وتعقب على كلامي لوحدها
عيييييييييييييك خموا وصروا
| |
|
|
|
|
|
|
|
|
|
Re: أم عبد الله تحيي كل البورداب والبوردابيات وترسل لي هذه الابيات (Re: الطيب شيقوق)
|
| Quote: ههههههههههههههههههههههها الله يجازي محنك كتلتني بضحكة نامن قربت اتفنقل من الكرسي بقفاي |
اتفنقل زي ما عايز .. بس اعمل حساب لربطة الكرافتة
بعدين يا شيقا
شفت كيف الوحدة الجاذبة .. سايقها الحجل بالرجل للاراضي المقدسة ان شاء الله.
والله يجازي كل من لا يريد وحدة جاذبة
ياخي لو عملوها ان شاء الله وحدة غير جاذبة كنا استمرينا في غنانا" بلد المليون ميل مربع "
بس يا سعادتو ابو اكرم ... كلامك صاح ..
لكن وشوف لكن دي ....فات القطار
| |
|
|
|
|
|
|
| |
الطيب شيقوق
محمد عبدالرحمن محمد
بله محمد الفاضل
Abdlaziz Eisa
هويدا شرف الدين
الزاكى عبد الحميد
عبدالرحيم أبراهيم العبيد
سيف الدولة كامل
حسن طه محمد
Afraa Sanad
محمد على طه الملك
عبدالرحمن الحلاوي
فايزودالقاضي
عمار محمد ادريس
Ahmed Yousif Abu Harira
محمد المرتضى حامد
عمر صديق
عماد الشبلي
Hassan Makkawi
خالد المحرب
وليد عبد اللطيف
فيس بوك
تويتر
انستقرام
يوتيوب
بنتيريست