|
|
 أندب حظي أم آمالي ودهري قصدني مالو ومالي( تحليل سياسي واقعي )
|
شاعر الحقيبة( الأم درماني) أحمد حسين العمرابي
حينما أنشد قصيدته ،التي مطلعها ..
أندب حظي أم آمالي دهري قصدني مالو ومالي
لعله كان في لحظة احباط شديد حد الكآبة للوضع الذي كان فيه واقعيا
وهو الذي يحمل بين جنبيه نفسا أبية تواقة الى المجد والعلا
وتهفو الى الحب العفيف
فهي طموحات انسانية مشروعة وحلم رومانسي يتصف به الشعراء في الغالب....
|
|
  
|
|
|
|
|
|
|
 Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صلاح غريبة)
|
فالأول طموحاته كما ذكرنا مشروعة لا تتعدى العيش الكريم
واللقيا بمن يهواها قلبه وفق ما يظهر في بقية قصيدته للذين اطلعوا عليها نصا
أو استمعوا لها مغناة .
أما الثاني فقد تعدى هذه الأحلام البسيطة الى أحلام شاطحة ناطحة
تتمثل في حكم السودان بأشمله بل بتغيير تركيبته المجتمعية وهويته
وفرض هذا التغييربالقوة
من خلال العمل المسلح وليس العمل السياسي المبني على تقديم الأفكار
واقناع الاخرين بها عبر اليات العمل السياسي،وحتى عمله المسلح
هذا لم يأت به من داخل مؤسسة عسكرية معترف بها حتى يكون مقبولا للعامة
وانما أتى به من خلال عمل المليشيات وحروب العصابات بل وامعانا في
عدم المؤسسية (العسكرية)، كانت أغلب هجماته يتم الاعداد لها
والانطلاق من دول جارة
(معركة أم درمان نموذجا).....
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صلاح غريبة)
|
ويبقى القاسم المشترك بين شاعرنا
وبين المقاتل المسلح هو الاحباط..
.وهنا يتبادر للأذهان سؤال
ما مبعث الاحباط أصلا لشخصيتينا؟؟؟
واجابة هذا السؤال عبر عنها الشاعر أحمد حسين العمرابي بقوله :
اندب حظي ام آمالي دهري قصدني مالو ومالي
شوف الخيرة يا رمالي اظن كاتبني عن عمالي
عارض يعترض اعمالي ابني واملي ما تمالي
ما تقول ضعت من اهمالي انا عامل الحزم راس مالي
بس ايامي ما باسمالي همومي الزايدة متقاسمالي
بين الناس حميدة فعالي اصلي من الجناب العالي
حبك وحبي ما نافعالي يوم ينعوني ما تنعالي
قلبي من الوساوس خالي واليوم انشغل يا خالي
لو كان في اللحد ادخالي احلي من العذاب يا خالي
زيد في هجري لا ترتالي وانا ايات محاسنك تالي
مقسم في هواك ما تالي طرفك بالهلاك افتالي
حبك كاتمو زاد انحالي من فرط الدموع فاضحالي
الشاقني ومغير حالي حسنك واللهيج الحالي
هاك شكواي لو تصغالي العدو حن لي رقالي
سهران والدموع راشغالي وحياة حبي ليك يا غالي
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: ياسر بيناوي)
|
الى بكرى ابوبكر ...............سلام
والله العظيم يابكرى قانونك ده بلو واشرب مويته
ولو طبقتو على اى انسان هنا تبقى انت بتكيل بالف ميزان
غريبة ده بكتب ليه الف سنه هنا شفتو استدل ببيت شعر؟
حتى من نوع ناس هاتى هاتى يا نخلاتى؟
ياخى ده استعباط والحقير البكتب بباسورد غريبه دهـ
اديه باسورد بموافقة كل الاطراف وخليه يكتب بى اسمه
اقل شى احتراما لى منبرك ولى عقول الناس
بكرى اعرض عن هذا،،،
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: Afraa Sanad)
|
أما خليل ابراهيم فمبعث احباطه هوانغلاق الأبواب أمام وجهه من كل الجهات
ابتداءا من باب تشاد مرورا ببوابة اريتريا ثم دولة الجنوب وختاما بليبيا التي فطم من
رضاعة ثديها الدولاري و(السلاحي) عنوة واقتدارا
بعد الزوال الأبدي لنظام القذافي وسيطرة الثوار الليبيين ...
مبعث احباطه أيضا، الانشقاقات التي حدثت لحركته منذ اتفاق أبوجا مرورا
بانشقاقات القادة من أبناء كردفان
انتهاءا بانشقاق حتى أفراد قبيلته عنه
بل بعض أبناء أسرته،وانزواءه في ركن قصي من حدود السودان مع ماتبقى
من جنوده..
.وكيف لا يكون محبطا وحلم (دولة الزغاوة) الذي خطط له
ومعه اخرين لتنفيذه منذ سبعينيات القرن الماضي ،يراه يتبدد أمام ناظريه.
قراءة في انشقاق العدل والمساواةe
وكما كانت سيمفونية الاحباط هي اللحن الباقي لشاعرنا الشفيف
يبقى هو ذاته لمقاتلنا الجريح..ويظل كليهما مشتركان في الغناء الحزين ...
كل على ليلاه
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صلاح غريبة)
|
Quote: البنعرفو عنك ياغريبة انه ثقافتك ما قدر ده كمان ..!!!
|
أحمد عبد الله..
.سلام...
وماهو مفهومك للثقافة؟
===========================================
Quote:
المشكلة
غريبة راكب صنقعوووو .التجارى ؟ |
المتبربر الأممي الهارب معاوية...
انت شارع المشتل لساتكو كان من ياتو نوع
...عادي وللا تيوبليس؟؟؟..
.اها جاوب على أسئلة أحمد موسى وبطل (عريت)..
معاوية عبيد الصائم ... مع الشُكر !!!!
================================================================
| Quote: الطيب شنو يا عيطه ؟ |
عوض عكاشة...سلام
==================================================================
| Quote: كدي وروني اسم الشاعر دا صاح ....؟ |
ياسر بيناوي
اسم الشاعر وللا اسم المتمرد المحبط زي الشاعر؟؟؟؟؟
=====================================================
Quote: الى بكرى ابوبكر ...............سلام
والله العظيم يابكرى قانونك ده بلو واشرب مويته
ولو طبقتو على اى انسان هنا تبقى انت بتكيل بالف ميزان
غريبة ده بكتب ليه الف سنه هنا شفتو استدل ببيت شعر؟
حتى من نوع ناس هاتى هاتى يا نخلاتى؟
ياخى ده استعباط والحقير البكتب بباسورد غريبه دهـ
اديه باسورد بموافقة كل الاطراف وخليه يكتب بى اسمه
اقل شى احتراما لى منبرك ولى عقول الناس
بكرى اعرض عن هذا،،، |
صديق الموج ..
.القوانين دي وكت حريص عليها قدر دا يابا
ليه قبال كدة جبت خبر الشهيد (السايبري) وقبره الفي غرب أم درمان الافتراضي..
.اها اخبار معتقلي ثورة الربيع السنة دي في السودان شنو؟؟؟؟ ..
.شايفك قلبت اعتقالات وكدا الظاهر مسألة الشهداء دي لقيتها بلعها حار شوية ..
.قلت اخير الاعتقالات برضو كويس ،كان يجيب حقو...
الموج أخوي الشهيد الحي بقول ليك ادخل الرابط دا:
اجهزة الامن تخفى جثمان الشهيد محمد عبد الرحمن وانب... مكان مواراة الجثمان
==============================================================
المتبربر الأممي ...
حبوبتي بتقول ليك الحسادة والحقد طبع أصيل معروف في جماعة
أخوانا كدة من زمن صاحب فكرتهم الأصل...انت منهم ولا لسة هارب
حبوبتي تقول ليهم : انتوا تعالوا هنا عمركم دا كلو تعارضوا وينوعماركم
=====================================================================
Quote: Quote: البنعرفو عنك ياغريبة انه ثقافتك ما قدر ده كمان ..!!!
|
عفراء سند
وعايزاها بالمتر وللا بالكيلو وللا بالطن...اديك خيارات تانية؟؟؟
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: ياسر بيناوي)
|
وحات الخلقنى وخلقكم يا شباب صلاح غريبة يكتب قدر كده
ولو كلام بدون معنى الهارديسك حقو ينفجر..
ياخى اكتب لبكرى والله العظيم انا اناشده معاك
تاخد باسورد..
لانى انا اتصلت على غريبة ده وقلت له يتعرف
احمد حسين العمرابى؟ لانه مطلوب لامر ضرورى وهام وقالوا من
اولاد الابيض قال لى ما بكون من الابيض زاتا قلت ليه المهم
اسأل لى اولاد كردفان لانه عنده قريبه متوفى فى المستشفى
ومطلوب الزول ده.اتصل غريبة بعد نص ساعة قال لى العميرى
واللا العمرابى قلت ليه لا العمرابى قال لى شغال شنو قلت ليه
قالو عنده دينا شغال بيها اعلاف رجع قال لى قال لى قالوا
الاسم ده فى الابيض مافى.. الله يغفر لى من حق قروش غريبةالضاعت
فى الاتصالات...
وشكرت الرجل على حسن سلوكه..
بعدين انت قالوا ليك الزول ده عنده باسورد زى ادبخانة السوق واستعمله
لكنك ما قعدت مع غريبة دى اظنك ربع ساعة.ولو جلست لما
تجرأت على استعمال الباسورد.ياخى صلاح ده لى قطة صغيره ماعارف شاعرها
منو؟تقول لى اندب حظى ام امالى؟؟
ياخى ارحمنا بكرى ادى الزول ده باسورد اخير عسى نستفيد
منه الزول بداياتو كويسة،،،،
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: Mohamed Yassin Khalifa)
|
محمد يسن .............سلام
طبعا لايمكن ان افترى على الرجل كذب اصلا
وانا خلينى اسأل اى ممن تثق فيهم من ناس
الرياض فى البورد واساله عن غريبه
احكى ليك واقعة شهودها انا والاخوان اسماعيل
وراق والاخ حميدة فى واحده من المرات صلاح غريبة
اعطى الباسورد لواحد ومن الخط والكتابه اكتشفنا
انه ده ماغريبه البكتب اتصلت عليه كثير لم يرد
اخبرت حميدة بان يتصل على غريبه وقد كان
وقال له ياغريبة لماذا تسىء للسيدالصادق المهدى ؟والجماعه فى حزب
الامة زعلانين جدا وعلى رأسهم ود وراق.رد غريبة ياخى
دى حرية رأى علما ماكان فى موضوع بالشكل ده المهم قام غريبة
اتصل على اسماعيل وكان اسماعيل فى اجتماع المهم لانو مافى
موضوع واسماعيل مشغول سلم عادى هنا فطن غريبة انه الموضوع ده
فبركة مننا انا وحميده..
قمت اتصلت انا عشان اكلم اسماعيل ،اتضح ان اسماعيل
عشان الاجتماع اغلق الجوال بعد اتصال غريبة ولما فتح
الجوال افادنى بانه وجد اتصالى فاخبرته بالقصة
ضحك اسماعيل وقال لى ان غريبة اتصل عليه وبدون اى موضوع
فاخبرته ضحك ود وراق وقال ده زول مغلوب على امره ساكت
ولك ان تسال اى انسان فى البورد ان كنت افتريت عليه
كذبا..
ديل ال########ين بتاعين المؤتمر الوطنى مستعملنه كجمل الظعينة
الله يصلح حاله،،
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صديق الموج)
|
هذا باب اخر
باب المجتمع الدولي
كان يتباهى خليل بالمرور عليه ويهدد ويتوعد به حكومة السودان
في طريقه للانغلاق هو الاخر
فهاهو رئيس البعثة المشتركة للأمم المتحدة والاتحاد الأفريقي
البروفيسور إبراهيم قمباري يدعوخلال جولة شملت عددا من عواصم
الدول الغربية المجتمع الدولي إلى ممارسة الضغط على الحركات
المسلحة الأخرى للانضمام إلى عملية السلام بغية التوصل
إلى وقف إطلاق نار دائم في دارفور.
قمباري يدعو المجتمع الدولي إلى الضغط على حركات دارفور
وضع الشاعر العمرابي لنفسه خيارين للندب
هل يندب حظه؟،أم أماله؟...
ولكن المتمرد خليل لا خيار له حتى للندب
فحظه العاثر هو الذي أغلق الأبواب أمامه بافتضاح امره بأنه مجرد
مرتزق بعد زوال حكم القذافي
و(زنقة) الثوار الليبيين له حتى خرج بشق الأنفس هزيلا عليلا
وآماله طاحت جراء هذا الاغلاق
فهو الان يندب الاثنين معا
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صلاح غريبة)
|
كتر خيرك يا صديق... وتقبل خالص تحياتي
_________________
الأخ صلاح غريبة... ســلامات
حبيت أسألك يا أخوي..
هل فعلاً أنتا بتدي ناس المؤتمر اللاوطني ديل سحبة في الباسويرد بتاعتك؟
لأنو فعلاً ضربك ده ليس بضرب أبو محجن!
وصدقني من السهل على أخونا بكري معرفة مصدر المداخلات.. الغريبة عليك دي
فيا سيدي رجائي أن تعرض عن هذا الأمر.. فأنت رجل صنع لنفسه شهرة عند القراء
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: Mohamed Yassin Khalifa)
|
Quote:
الأخ صلاح غريبة... ســلامات
حبيت أسألك يا أخوي..
هل فعلاً أنتا بتدي ناس المؤتمر اللاوطني ديل سحبة في الباسويرد بتاعتك؟
لأنو فعلاً ضربك ده ليس بضرب أبو محجن!
وصدقني من السهل على أخونا بكري معرفة مصدر المداخلات.. الغريبة عليك دي
فيا سيدي رجائي أن تعرض عن هذا الأمر.. فأنت رجل صنع لنفسه شهرة عند القراء |
عليييك نور أخونا محمد ياسين...
بكري أبوبكر هو الوحيد الذي يستطيع القطع ما اذا كان غيرنا هو من يكتب بباسويردنا
يعني مافي زول ليهو الحق يتكلم في الموضوع دا غيره
فاذا كان كلام الاخرين عني صحيحا فهو تجسس لأنهم لا يملكون الحق في معرفة ال(أي بي) للأعضاء
وأما ان كانوا غير صادقين وهذا هو الصحيح
فهذا لا يخرج من دائرة التهاتر وصرف القارئ عن ما نكتب
وهذا فيه تقليل من شأن هذا المنبر بل تقليل من شأن كتابه ومصداقيته أيضا...
لأنه با ختصار من خلال ال(اي بي)،يستطيع بكري معرفة الدولة والمكان للذي (افتراضا) يكتب باسمنا...
فأنت بقولك هذا تكون كجهيزة التي قطعت قول كل خطيب..
.واتمنى كلامك دا يصل الى بقية متنوضلي الكيبورد الذين يحاولون صرفنا
عن قضايانا بافتعال هذه المسائل الانصرافية
بل يخلقون سيناريوهات تضليلية لا اساس لها من الصحة...
والكلام ليك يا صديق الموج
يا المنطط عينيك.....
لك التحية محمد
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صديق الموج)
|
Quote: وحات الخلقنى وخلقكم يا شباب صلاح غريبة يكتب قدر كده
ولو كلام بدون معنى الهارديسك حقو ينفجر..
ياخى اكتب لبكرى والله العظيم انا اناشده معاك
تاخد باسورد..
لانى انا اتصلت على غريبة ده وقلت له يتعرف
احمد حسين العمرابى؟ لانه مطلوب لامر ضرورى وهام وقالوا من
اولاد الابيض قال لى ما بكون من الابيض زاتا قلت ليه المهم
اسأل لى اولاد كردفان لانه عنده قريبه متوفى فى المستشفى
ومطلوب الزول ده.اتصل غريبة بعد نص ساعة قال لى العميرى
واللا العمرابى قلت ليه لا العمرابى قال لى شغال شنو قلت ليه
قالو عنده دينا شغال بيها اعلاف رجع قال لى قال لى قالوا
الاسم ده فى الابيض مافى.. الله يغفر لى من حق قروش غريبةالضاعت
فى الاتصالات...
وشكرت الرجل على حسن سلوكه..
بعدين انت قالوا ليك الزول ده عنده باسورد زى ادبخانة السوق واستعمله
لكنك ما قعدت مع غريبة دى اظنك ربع ساعة.ولو جلست لما
تجرأت على استعمال الباسورد.ياخى صلاح ده لى قطة صغيره ماعارف شاعرها
منو؟تقول لى اندب حظى ام امالى؟؟
ياخى ارحمنا بكرى ادى الزول ده باسورد اخير عسى نستفيد
منه الزول بداياتو كويسة،،،، |
صديق ياموج
الظاهر عليهو المرة دي موج خيالك عالي جدا...
متين ياخوي اتصلت علي ؟
والله انت طلعت في (حبك) السيناريوهات
أخطر من بتاع الدراما داك العضو الجديد ناصر يوسف
الفتح بوست وصرخ انقلااااااب في الخرطوم...
لكن صدقني ما اندهشت أبدا في كلامك دا
بل استمتعت حد الثمالة أن زميلا لي في البورد يمتلك هذه المقومات لأكبر سيناريست .
.طيب ياخي مضيع زمنك مالك ماكان ترفد مكتبة الدراما السودانية
بأعمالك الخطيرة هذه لتكون أسامةأنور عكاشة السوداني...
بالمناسبة دا ذكرني فيلمك الخطير البثيتوا هنا في سودانييز اونلاين
عن شهيد الجامعة الأهلية الكتلتو وحددت مكان دفنو
وحملت المسؤولية كمان لجهاز الأمن وقلت أخفوا الجثمان(الاسفيري)...
كان نسيت العمل دا(طبعا العباقرة مشهورين بالنسيان)
كدي النذكرك ليهو..
عليك الله أدخل البوست دا
Re: اجهزة الامن تخفى جثمان الشهيد محمد عبد الرحمن ... مكان مواراة الجثمان
وطبعا يا أخوانا (نجر) السيناريوهات لنسف وقتل الشخصيات معنويا
دا اسلوب راسخ عند جماعة حبايبنا كدا ،جبلوا عليه للنيل من الاخرين،وأخونا الموج دا محسوب عليهم(اللهم الا اذا هو نط وقال أنا ما منهم)،هاكم شوفوا البوست دا عشان تتعرفوا أكتر على جماعة الموج:
حبوبتي تقول ليهم : انتوا تعالوا هنا عمركم دا كلو تعارضوا وينوعماركم
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صلاح غريبة)
|
كنا قد تطرقنا في بوست سابق للنهاية المأسوية للعملاء دائما
وضربنا المثل بمؤيد الدين العلقمي اخر كبار الوزراء العباسيين
الذي خان بلاده وارتمى في أحضان التتار بعد أن منوه بالقيادة والجاه بعد زوال الخلافة العباسية
مستغلين عداوته التي كان يضمرها للخليفة العباسي المستعصم بالله اخر الخلفاء العباسيين
حيث قام بفتح أبواب بغداد للتتار فاحتلوها..ولكن بدلا من اكرامه على خدماته لهم
أذلوه وأهانوه،حتى أن امرأة من بغداد شاهدت العلقمي وهو فوق دابته وجندي من التتار
يدفع به ويلكزه حاثا اياه على الاسراع في المشي بدابته...
فلامته هذه المرأة في جرأة تحمد لها وقالت له
(هل كان بنو العباس يفعلون ذلك بك)
علقميو السودان ..... والتتار الجدد ( دعوة لاسترزاق مشروع )
...واليوم
نحن نقول لخليل ابراهيم هآ أنت الآن بعد أن شبعت تقتيلا وتشريدا لأهلك في دارفور
بل وصل سفكك للدماء حتى أم درمان
وهآ أنت بعد أن ارتميت في أحضان الأوربيين والأمريكان والقذافي
بل حتى مغازلتك لليهود ..ماذا أفادك هذا كله ؟؟؟
وأنت الآن تعيش مطاردا محصورا في ركن قصي من الحدود التشادية الليبية
تعاني انشقاق جنودك عنك وتعاني المرض والجوع والرهق
عقب خروجك المخزي من ليبيا...
وسؤالنا لك خليل هل كان اخوانك في الحركة الاسلامية عندما كنت معهم
يعاملونك هكذا؟؟؟؟
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: سناء عبد السيد)
|
انشقاق قيادات بارزة من العدل والمساواة داخل سجن كوبر
انشقاق قيادات بارزة من العدل والمساواة داخل سجن كوبر
Quote: > الخرطوم: سيف الدين أحمد
أعلنت قيادات بارزة من حركة العدل والمساواة بسجن كوبر انشقاقها من صفوف الحركة، على رأسهم القائد الميداني ومسؤول قطاع الرحل بالحركة اللواء حسن آدم عبد الرسول المحكوم عليه بالإعدام في أحداث غزو أم درمان، بحجة ولوج الحركة في بحر الارتزاق عقب الأحداث التي شهدتها ليبيا وتصفيتها لعدد من قادتها البارزين، واعتقال آخرين في عاصمة دولة الجنوب.
وكشف اللواء حسن آدم المتحدث باسم المجموعة المنشقة لـ «الإنتباهة» من داخل سجن كوبر عن جملة من الأسباب التي دفعت بهم إلى اتخاذ قرارهم بالانفصال عن جسم الحركة.من بينها عدم قومية الحركة وتورطها وولوجها في بحر العمالة والارتزاق عقب الثورة الليبية، وتصفية القادة البارزين واعتقال آخرين في أماكن متفرقة، مشيراً إلى أن الحركة أصبحت ممثلة في ثلة من أقرباء رئيسها خليل إبراهيم، وأشار المسؤول العسكري عن «6» معسكرات للحركة في مناطق شرق جبل مون، قرجي قرجي، غرب جبل مرة، جبال كينوا، جبال كورا، منطقة السلك وجاجا، أشار إلى أن أبرز المعتقلين من قادة الحركة يوجدون في دولة الجنوب، وهم: علي وافي بشار، تيجاني الطاهر كرشوم، بابكر حمدين أركو، أبو زمام كير حمدين، فضل عيسى عبد الله، محمود بحر، موضحاً أن اعتقالهم تم بحجة انتمائهم للمؤتمر الوطني، واتهامهم بمحاولة القيام بأعمال تخريبية عقب عودتهم من منبر التفاوض بالدوحة لمناقشة بعض القضايا المهمة. واتهم العدل والمساواة بتصفية قائد الاستخبارات السابق بالحركة مالك تيراب بغير وجه حق، حسب قوله، موضحاً أن الذين رفضوا السير في خط الحرب وهضم الحقوق المشروعة لقوا مصير من سبقوهم. |
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صلاح غريبة)
|
الاخوة المتداخلين
ملاحظتكم فى مكانها
لا يمكن ان يتغير اسلوب وثقافة انسان بمجرد الانتقال من مكان لاخر ...
وعلى الاخ بكرى الانتباه لمثل هذه الظواهر السالبة .... اتمنى ان لا يتحول هذا الامر الى اساءات شخصية بل معالجة من المشرف وصاحب الموقع تحفظ لصلاح مكانته وتحدد له الخطا ومن ثم يوقع عليه العقاب المفترض ولا يعلن حفاظا على الاحترام المتبادل ..
تحياتى لكم
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: طارق الجبلابى)
|
Quote: صلاح غريبة ... شكييييييت محنك
أنا والله متابع كتاباتك ومشاركاتك في المنبر
نضم زي البتكتب فيهو هسع ده يطرشني ويعميني لا شفته لا قريته
إنت يا هندسه جاتك ليلة القدر ولا شنو ؟؟
يا زول أكتب ما حدش حوًش ... |
د.أحمد أمين ...
ازيك ياحبيب لعلك طيب..
شوف الرفاق ديل من متنوضلي الكيبورد كلمتهم ألف مرة
انتوا بتتعاملوا مع خبير دولي في مجال الانترنت(فيسبوك،تويتر،منتديات،مجموعات...الخ)
لكن ما عايزين يسمعوا الكلام...
عشان كدة قلنا نديهم من بيت الكلاوي.
=============================================
Quote: صلاح غريبة اترقى كان بسلف الباصوورد لحبوبته اسه بقى بسلفه للأدبا و الشعرا
مزيداً من التقدم صلاح غريبة |
سناء عبد السيد ...
سلام يا اختي...
انتي ماسمعتي الشاعر العربي القال:
وجوه كأزهار الرياض نضارة ولكن حين العراك صخور...
أها دا حالي كدا.
=========
Quote: الاخوة المتداخلين
ملاحظتكم فى مكانها
لا يمكن ان يتغير اسلوب وثقافة انسان بمجرد الانتقال من مكان لاخر ...
وعلى الاخ بكرى الانتباه لمثل هذه الظواهر السالبة .... اتمنى ان لا يتحول هذا الامر الى اساءات شخصية بل معالجة من المشرف وصاحب الموقع تحفظ لصلاح مكانته وتحدد له الخطا ومن ثم يوقع عليه العقاب المفترض ولا يعلن حفاظا على الاحترام المتبادل ..
تحياتى لكم |
الكيك ...
شوف يا خينا ..
أنا والله لا عندي غضاضة مع زول ولا قاعد أسيئ لزول...
أي اساءة مردودة لصاحبها...
العندو رأي في موضوع البوست مرحبا
وما عندو وعايز يهاتر بكون خسر قضيتو...
أما مسألة بكري والعقوبات،
فيا ريت تتركوها ليهو لأنو هو الأدرى ب(الآي بي)
خاصتنا وهو الوحيد الذي يستطيع أن يفتي بذلك
وانت كدا ختيت الكورة في ملعبه.
تخريمة:
متى كان الرأي والرأي الآخر يعاقب عليه في سودانيزاونلاين؟؟؟؟
=====================
Quote: ياصلاح..
واللة العظيم صارت ممجوجةاكلم ليك صاحبك بتاع لاتحاد الاشتراكى..جاركم
اوضابط الشرطة..محمد
ياخى لم باسبوردك عليك
رفيقك...طارق |
طارق الجبلابي...
أهديك البوست دا:
ضرب (غريبة) القاضي .... لناس الكيس الفاضي
| |
|
|
|
|
|
|
|
|
|
Re: أندب حظي أم آمالي ودهري قصدني مالو ومالي( تحليل سياسي واقعي ) (Re: صلاح غريبة)
|
انشقاقات ناسك عنك..
زنقتك وهروبك المخزئ من ليبيا الخليت فيها صاحبك العقيد
الاتكتل الليلةهو وأولادو براهم..
وانت تهرب بأموالهم وذهبهم ..
يا لبؤسك خنت حتى الدعموك وبعتهم
انت غدرك دا ما بتخليهو؟؟؟
مش كفاية غدرك باخوانك في الحركة الاسلامية
وكمان جابت ليها محاكمات لناسك المقبوضين في الخرطوم ..
.يا خليل حالتك بقت تحنن الكافر...
انت خليت شنو هسي للشاعر العمرابي
انا يتخيل لي لو شاعرنا حضر الحاصل ليك دا كان كتب
الدنيا منى واحلام
ياسلام بدل يندب حظو...
ياخي حالتك بقت كربة خلاس
المصدر موقع الجزيرة
| |
|
|
|
|
|
|
| |
صلاح غريبة
awad okasha
Ahmed Abdallah
معاوية عبيد الصائم
ياسر بيناوي
صديق الموج
Afraa Sanad
Mohamed Yassin Khalifa
سناء عبد السيد
طارق الجبلابى
خالد العبيد
فيس بوك
تويتر
انستقرام
يوتيوب
بنتيريست