|
Re: احتفال بورداب الخرطوم بالزملاء الناجحين في القيد الصحفي (Re: عفاف ابوكشوه)
|
لا انا غير موافق لانو ماممكن المناسبة الطيبة دي تمر على عجل وتمر هكذا بدون ترتيب قوي ينجحها ، لانو الباقي 24 ساعة فقط ولا يمكن ان يتم الترتيب بهذه السرعة ولم تحددوا ياتو جنينة من جنائن الكدرو الكتيرة وضبيحة الخروف او الخرفان وشد اللحم وتجهيز المكان وحجز الجنينة و تجهيز الاواني و.... و..............و......................
طيب الاقتراح الامثل كلآتي : اولا : اليوم هو السبت 8 / 10 /2011 المكان : يتم تكليف أحد البورداب القريبين من الكدرو لحجز الحديقة قبل وقت كافي المشروبات والخرفان وتجهيزات الاواني والكراسي وغيرها من المستلزمات وهداية المحتفى بهم ودعوات الاعلاميين وتوزيع الدعوات وغيرها يتم هذا في اجتماع يوم الاحد في مكتب الاخ معتصم محمد صالح في الخرطوم
طبعاهذه التجهيزات لابد منها لانها لن تتوفر كما كانت متوفرة في رحلة السروراب التى اراحتنا من التجهيزات وتجهيز الطعام وغيره
الاخ معتصم هذه اقتراحات ربما اكون مصيب فيها وربما مخطئ لكن اكرر لابد من الترتيب الجيد لابد منه حتى يخرج الاحتفال بالصورة المطلوبة
الاخت عفاف ارحب بك في لجنة المشروبات ...
| |
|
|
|
|
|
|
Re: احتفال بورداب الخرطوم بالزملاء الناجحين في القيد الصحفي (Re: الشيخ صالح محمد)
|
Quote: لو صلاح ما جاي حول لي التذكرة يامعتصم .. . و اياك من الخطوط التعوسية (قالوا بياكلوا لحم حمير) و صدقني و حياة ربي و ربك ما أخذلك و اجيكم فوريرة / المدينة المنورة - جدة - كرتوووم/ والا اقول ليك انا بجي انت بس سلمني حق التذكرة ، اش قولك |
عارفاك مجنونة وبتعمليها يا رشرش
لكن لو فعلا انتى جايه انا بدفع ليك الشير قصدى معتصم
| |
|
|
|
|
|
|
Re: احتفال بورداب الخرطوم بالزملاء الناجحين في القيد الصحفي (Re: بدر الدين اسحاق احمد)
|
يا سلام والله حاجة جميلة انا غايتو احتمال حضوري ضئيل جداً المفروض أكون في الأمارات في نفس التوقيت يا معتصم وبجد كان نفسي أكون حاضر وبعدين يا جماعة لجنة المشروبات دي كنت أتمني أن أرئسها ليكم في الدورة الجديدة دي شابكننا حفاظة خدرا وجلابية بيضا علي اليمين أنا كنت ح أرجعكم لي عهد الباغات والكهربا جات وبناءاً عليه أنا بعتبرا من أفشل لجان الرحلة لما تنطوي عليه من شامبيون وضياع زمن
لهفي علي الثلج المهدرفي حفاظات وثلاجات الخرطوم
ياخ إنتو التلج ده طالما ماقاعدين تستفيدوا منو مكسرنو فوق كم ؟
| |
|
|
|
|
|
|
Re: احتفال بورداب الخرطوم بالزملاء الناجحين في القيد الصحفي (Re: محمد سنى دفع الله)
|
تم اجتماع في مكتبنا المتواضع يوم الاحد الماضي اداره الاخ المكاشفي وبعد نقاش مستفيض خرج الاجتماع بالموجهات التالية :-
1- تحدبد يوم السبت 8 اكتوبر كموعد للرحلة . 2- الاتفاق على جناين الكدرو والتجمع ببيت الفنون الساعة 9 صباحا .. 3- توجيه الدعوة ارؤساء تحرير الصحف والصحفيين والاعلاميين ( يحق لاي عضو دعوة من يراه ) . 4- تكليف كل من بدر الدين اسحق والمكاشفي ووليد الشفت وسفيان نابري بترتيبات المكان واستقبال الضيوف . 5- تكليف الاستاذة عفاف ابو كشوة بالاشراف على الدعوات وتكريم المحتفى بهم .
| |
|
|
|
|
|
|
Re: احتفال بورداب الخرطوم بالزملاء الناجحين في القيد الصحفي (Re: بشير دفع الله)
|
Quote: 1- تحدبد يوم السبت 8 اكتوبر كموعد للرحلة . 2- الاتفاق على جناين الكدرو والتجمع ببيت الفنون الساعة 9 صباحا .. 3- توجيه الدعوة ارؤساء تحرير الصحف والصحفيين والاعلاميين ( يحق لاي عضو دعوة من يراه ) . 4- تكليف كل من بدر الدين اسحق والمكاشفي ووليد الشفت وسفيان نابري بترتيبات المكان واستقبال الضيوف . 5- تكليف الاستاذة عفاف ابو كشوة بالاشراف على الدعوات وتكريم المحتفى بهم . |
ان شاء حضور
وموافقة على عضوية لجنة التحضيرات بس سؤال الرئيس منــو ( شرطاً ما يكون رشاشة ) الدعوة عبر هذا البوست لكل البورداب الجدد
منهم زول مخرج مسرحــى عضو جديد يسمى ناصر يوسف ان شاء الله نشوفو فى الرحلة
| |
|
|
|
|
|
|
|