أسرة معزومة لعرس ... الزوجة من الصباح مشت الحنانة ورسمت حنتها ... ومشت الكوافير عملت شعرها كيف كيف ما عارف ... ودا لسه الفلم ما بدأ ... الفطور عملتو سريع سريع فول ... والراجل جا من الشغل ... عايز الغداء ... قالت ليهو عليك الله سخن الملاح وأعملو ... حنتي دي ما عايزاها تطلع ... أنا بسوي ليك الشاي ... سريع مشت على البوتجاز ... سخنت الموية ... وجابت ليها شاي لبتون ... وختتهم في الكباية ... وقالت ليهو عليك الله الساعة ستة صحيني ... أنا تعبانة من قعدة الحنة وقعدة الكوافير ... عشان أجهز ليك سريع سريع ونمشي الحفلة ... الساعة ستة الزوجة صحت ... وقعدت قعده واحدة قدام المراية ... شي فك الخصلة ... وشي تزح الخصلة ... وتجرب الفستان دا ... لا ياخي دا شافوني بيهو مرة كدا ... خلاص البلوزة دي حقت التوب دا ... لا ياخ دي شافوني بيها لمن مشيت لي ناس هناية لمن جو من لندن ... لحدي الساعة تسعة ما خلصت ... الساعة تسعة ونص ... راجلها بيكورك ليها ... ياخ ما إتأخرنا ... بعد دا أنا بمشي براي ... تمشي شنو براك شنو ياخ ... أنا قاعدة من الصباح إتمكيج ... تقول لي أمشي براي ؟؟؟ كدي تعال شوفني كدا كيف ... وصاحبنا جا خاشي على زوجتو ... لمن إنبهر ... وكأنو يشوفها أول مرة ... عجييييييييب لكن ... وين الجمال دا من زمان مدسي ؟؟؟ عليك الله كدا سمحه ؟؟؟ سمحه الشوية دي ؟؟؟! إنتي ملكة جمال العالم زاتو ...! أقول ليك حاجة ... بالمناسبة دي ياخ ... ما نقعد في البيت ونجيب عشاء من بره ونقعد نتمها في البيت رومانسيات وكدا ... ياخ عليك الله الحفلة وناس الحفلة ... وعايزاهم يشوفوني كدا ما دام عجبتك ... ياخ حفلة شنو ؟؟؟ أقول ليك عشاء رومانسي ؟؟؟ تقولي لي حفلة ؟؟؟ المهم الزوجة وافقت ... وصاحبنا جري مشي يجيب العشاء الجاهز ... ونرجع للزوجة ... أول ما طلع الزوج ... الزوجة فكت ليك التوب ... وغيرت البلوزة بي قميص بيت عااااادي ... وربطت ليك شعرها ... وجابت ليك دهن كركار ... وربطت ليك شعرها بي كيس زي الدكاترة لمن يخشو في لبس العملية ... وجدعت ليك الشبشب العالي وخشت ليك في سفنجة زي الورد ... ومسحت ليك الروج والظلال وغسلتهم ليك بي صابونة لايف بوي زي الليل ... وفتحت التفزيون وشغلت ليك قناة إم بي سي أكشن ... ونشوف الزوج ... صاحبنا إختار أفخم محلات الطعام وتقديم الوجبات وجا غاشي أفخم محلات للحلويات ... وإختار تورتة صغيرة ... وشمعة فاخرة ... ولم ينسى الولاعة أيضاً إختارها بعناية فائقة ... وهو يمني نفسو بي عشاء وليلة رومانسية ... يعيد فيها أيام زواجه الأول ... وجا راجع بسرعة لزوجته ... ونزل من العربية ... وشايل العشاء والحلويات ... والتورتة ... وأول ما جا داخل ... تنسم عبير ملاح في المطبخ ... وفي نفسه (دا بيكون عند الجيران) ... تلفت يمنة ويسرة ليفاجأ زوجته ... وتفاجأ هو ... بعدم وجودها ... وتابع أنفه ... ليجد نفسه في المطبخ مع تلك الرائحة التي تنسمها مع أول دخوله ... وكانت المفاجأة له لمنظر زوجته ... وهي وسط المطبخ ... وتقطيع البصل تجهيزا ليوم غد ... كي لا تنشغل بأشياء أخرى ... وعشان ما تت###### تاني بعد العرس ما فاتها ... وتقوم تمشي الكوافير من بدري عشان تعمل شعرها ... عشان بكرة الصبحية
اوعاك تمشي في دروب منال - باقي لي هي فنانة ولعيييييييييييبة خالص - لما تدخل الخطوط الحمراء بتستدرك سريع وبترجع خلف قبل رادرات بكري تلطشا لدى نقطة التجاوز .
Quote: اوعاك تمشي في دروب منال - باقي لي هي فنانة ولعيييييييييييبة خالص - لما تدخل الخطوط الحمراء بتستدرك سريع وبترجع خلف قبل رادرات بكري تلطشا لدى نقطة التجاوز .
غايتو لو مشت فى دربى كويس ناس شرشبيل اليومين دى مافى لكن وضاحه دى جايه مسخنه انا خايفاها تلف شمال على خور اربعات طوالى
12-24-2011, 07:23 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: الطيب شيقوق يا سجم خلينا نتهنأ برجعتك يوم يومين
مالك بتكابسي في الزوايا البتدوديك الخور ؟
اوعاك تمشي في دروب منال - باقي لي هي فنانة ولعيييييييييييبة خالص - لما تدخل الخطوط الحمراء بتستدرك سريع وبترجع خلف قبل رادرات بكري تلطشا لدى نقطة التجاوز .
Quote: انت رايك شنو فى الموضوع دا فى تجربتك الزواجية
امشي معاها واشوف ليها ولي مقعدين اماميين نجلس جنب بعض ونهمس في اذنين بعض كية للحاسدين واقول ليها منو الفي الحفلة دي زيك يا عسولة وامسكها من يدها واقوم احتو معاها حت واخمشها من يدها واتكامل بيها بيتنا ...
وفي الرجعة اكان في ###### نبح فيها اسكو ليها نامن ادخلو بيت اسيادو
وانا في طريقي معها للبيت اقول ليها تحبي تاكلي شنو ؟ وعلى طول اتصل على بتاع المطعم الما خمج عشان يجيب لينا طلباتها هوم دليفري
لقيتوني كيف ؟
(عدل بواسطة الطيب شيقوق on 12-24-2011, 07:57 PM) (عدل بواسطة الطيب شيقوق on 12-24-2011, 08:05 PM)
Quote: امشي معاها واشوف ليها ولي مقعدين اماميين نجلس جنب بعض ونهمس في اذنين بعض كية للحاسدين واقول ليها منو الفي الحفلة دي زيك يا عسولة وامسكها من يدها واقوم احتو معاها حت واخمشها من يدها واتكامل بيها بيتنا ...
وفي الرجعة اكان في ###### نبح فيها اسكو ليها نامن ادخلو بيت اسيادو
لقيتوني كيف ؟
الليله وووووووووب تاااانى
امرقنى الشيخ الكباشى البجينا ماشى وغاشى ( يلحقنا وينجدنا )
يحول البوست الى خور اربعات مع انذار وضاحه وود شيقوق انذار نهائى لا رجعة فيه
المضمر هافو سايل ديسو خات في حجولو من أمو وابوه زوقو وعفافو رجولو ردفولو الطلح بالشملة تب ساجولو طبق البوخة سال عرقو ونزل بي رجولو
المضر هافو ويا الخسر الشوية تقول مدّين ............................
قال البروف القرشي في كتابه عادات سودانية لها أصلول عربية
كتب عن الدخان والكبريت الكثير قال : كان في سودانية ذات مرة جالسة في حفرة الدخان وسرحت لما( رَعت غنم أبليس ) وفجاءة سمعت صوت النار تشششششششششششش تنطفي فأدركت أنها عملتها وإتخيلت نفسها في الحمام
المضر هافو ويا الخسر الشوية تقول مدّين ............................
قال البروف القرشي في كتابه عادات سودانية لها أصلول عربية
كتب عن الدخان والكبريت الكثير قال : كان في سودانية ذات جالسة في حفرة الدخان وسرحت لما رعت غنم أبليس وفجاءة سمعت صوت النار تشششششششششششش تنطفي فأدركت أنها عنلتها وإتخيلت نفسها في الحمام
شكيت محنك يا خالد
الله ستر
دى سرحة قوية هههههههههههههههههههها
12-26-2011, 06:52 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
يــاحليل الجرّن فوقهم النم والكلام ناس زينب وأمثالها من الشاعرات الرجال خربو تــــــب سبسبة شعر جِل ومساحيق طبية لتلميع الوجه شايل صوف وجهو ( بالخيط ) بنيطيل ناصل وتحت كباية نعم كل جيل بحقو ومن حقو وليهو الحق ومعه لكن الجنى البتقصف زي ورق الصفصاف ما معه حق ولا ليهو حق
قال ليها : عريسك أنتِ شبهو برا وعريسك يشبه القمرا يخالطك في التوليت والخُمرة( التوليت هنا ليس الحمام يا وضاحة .. دا كمودين صغير بي مراية فية زينة المرأة ) وحت عند حفرة الدُخان يقولك يا أختي زحي كدي ( أنا اول وبعدين أنتِ )
شوفي زينب قالت شنو في أخوها الطيب ســم أب درق البصقع ( زي الدابي اب درق لما يصقع إن نجى المصاب كل ما يشوفو أهلو راقد يقولوا أخير امبارح ) جدري القيح البفقع ( زي الجدري البلم في بفقعو ) صوتك مانع برتّع ( اي ترتاع منه الرجال ) الطيب في شطارتو مبدّع ( طبعاً ما الطيب شيقوق )
حليلهم البخمجوها وكت تفور حليلو البطبق المسرى فوق المسرى حليلو المأمون علي بنات فريقو حليلو رحل الكحل وكتين يميّل حليلو الزي المرض وبخلي العين تسيّل حليلة البكون هنــــاك وسط الناس وكتين الفورا تفوت الحد وكان الحجاز مدَّ اليد بتسمع كـــــع
وإجو ناس ويقولوا ليك البطان وضرب الصوت تخلف طيب زينوبة وين بتحوق كان مابقى في زي الطيب ( ما الطيب شيقوق المقصود )
12-26-2011, 06:59 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وضاحة
الطيب شيقوق
فيصل محمد خليل
طارق جبريل
mona altom
طارق الجبلابى
هويدا شرف الدين
محمد عبد الماجد الصايم
خالد علي محجوب المنسي
ASHRAF MUSTAFA
فيس بوك
تويتر
انستقرام
يوتيوب
بنتيريست