تأبين عماد الأمين ... سيرة حيــاة من ضوء

Quote: على مهلى لأنى لست كالكبريت اضئ لمرة وأموت ولكنى كنيران المجوس أضئ من مهدى الى لحدي ومن سلفى الى نسلى طويـــــــــل كالمدى نفسي واتقن حرفة النمل على التاريخ ان يمشي كما نملى طغاة الأرض حضرنا نهايتهم نطيل حبالهم...لا لنطيل حياتهم ولكن لتكفيهم لينشنقوا....

Quote: الحد والحزن ما جابو زول من قبرو الزول في الشدائد اولي يلزم صبرو يترجي الكريم مولاه كسرو يجبرو

Quote: لجنة كبيرة كونت لاجل التابين وانت كنت فارس النظام لكل المناسبات ... ( كم نحتاج لرأيك ) بالصباح حا نعمل يوم صحي لسكان جبرة واخترنا مدرسة فاطمة الزهراء الفي مربع واحد ايوه ظبطنا المعمل والادوية والدكاترة اصحابك كلهم والما اصحابك برضو اكدوا علي الحضور وحا نبدأ الساعة تسعة صباحا ونقيف لصلاة الجمعة ونستمر تاني لحدي المغرب .. ما تشيل هم الدكاترة حضرنا لهم الضيافة كاملة ..

Quote: ]برق المهيرة

Quote: وأن الموت نقاد يختار الجياد . لقد عاش الراحل العزيز عماد وتحلى بحبيب الصفات إلى قلوب الناس فما دخل الراحل مكاناً أو عاش وسط جماعة الا و أسر الناس .. وكان ذا حضور طاغ وقدرة على اشاعة التآلف و الفرح و المعرفة بين الناس وكان يسرى وسطهم مثل الروح الجميل .. عاش للناس و الآخرين و بشكل أخص بسطاء الناس و الناس الطموحين إلى حياة أفضل والى غد مشرق و ظل وفياً و أميناً لهؤلاء الناس قابضاً بأصبعه على زناد هذه الوقفة الانسانية الراقية وأميناً لها . و احتل عماد في قلوب أصدقائه و زملائه عبر كل المراحل التي عاشها في عمره القصير مكانة مرموقة لن تعوض فقد كان لوجوده وحياته نبض في نفوس من صادفوه أو عاش معهم أو من أسدى لهم من روح الواجب خدماته المهنية . كل أولئك يفتقدونه و لن يجئ من يملأ المكانة الشاغرة بتلك المواصفات التي ميزته .

Quote: الحد والحزن ما جابو زول من قبرو الزول في الشدائد اولي يلزم صبرو يترجي الكريم مولاه كسرو يجبرو

Quote: عفارم عليك عفارم عليك سعيد بى نجاضتك شطارتك بصارتك تسلم إيديك بتعرف مسامى ومجرى الوريد تعال (يابخارى) جيب حاجة باردة عماد شكلو عطشاناً شديد ولا أقولك..... سوولنا لقمة يكون جاى دافر من مكاناً بعيد تعال قوللى يابنى كيف النقابة والغبش التعابى والناس التساسق تالا المشارق وتعمل وتحلم بالفجر الجديد؟ عمك سيد أحمد الشيخ (أبو السيد) إتفضل يا (عمدة) يالغزرتا كومنا ونقصتا كوم الرفاق والحبايب من سيرتك عرفتا بأنك غرفتا من إرث البسالة وأرومة الجسارة والعلم البينفع والقول المطايب وقالولى عنك جميل الحكاوى وأنك مناضل تعالج تداوى وإنك مرتب وناصح مهذب وزول همة متروس بالرجالة زميلك (علىّ فضُل) معبق بعطر النضال والكفاح وسوميت المحبة والحب الصراح مهقد وداعة الذى إصفاك لأنك مميز وولدة نجاح ياخدرة سيفك مرتاح فى الجفير وديلك رفاقتو بكفك رماح (أخوك الكبير) راشد سيد أحمد بكرة أحلى والبركة فيكم مامات من ترككم تحرسو العقاب وكمين (عمدة) فيكم يقود الرسّن وفى كل المواقف تلقونى حاضر فى لمة فرحكم وفى ساعة حزن وفى جلسة صافية بين الرفاق نعلّى الغناوى ونعيد الحكاوى ونىفع نشيدنا ونخب الوطن (عماد الأمين عبيد الله)

Quote: شوف يا امجد دخول الحزب الشيوعي في مُنعطف الإنهيار الداوي و الفرار الكبير بيعني 3 إحتمالات : - إما ان يكون الشخص احد اولياء الله الصالحين، ممن هم على خط الفقراء الكادحين - او القدرة على الإمساك بروح الماركسية في كامل التجاوز لمقولاتا و إفتراضاتا ، بوصف الماركسية هي بالاساس البوصلة البسيطة المُلهمة لإستبيان الحق من الباطل - او الإحتمالين أعلاه معا"

Quote: عماد اللمين ... فيك البيشبه ضو ــــــــــــــــــ عاصم الحزين نقّر بأصبع قلبو يا ألْمِي التجي كان في انتظار رشّة ونس شارع مؤدب كم حنين واصحاب بحجم الحزن لو دنقر عليهو وهابشو إتحسس آلامو فِ حشاو وادردقت في مقلتيهو الدمعه واشتهي القرّاصه ذات يأمر لطيف حيّ علي جبره يا أمّي يا خدره مشتاق لحس معناك ضميني بي سُتره دمعي انسكت في هواك ربّيتي يا يمّه حاشاك من غمّه داك العصام فجّاك قعّد إخيّاتو في قلبك الدافي الهيثم المبروك الهاني والفكره والابتسام انسام هنّودي لي بكره... ياخ يالعماد بكّيت زي كم صدر منهك تعريفو كان عيّان ولقاك ما تغيان رئتيك رئة زولم عالجت منديلم من دمعتم تنداح، طبّك يطبطب ساي في أيّ زول محتاج بي ضحكه غنّايه تجبد من الأعماق كم الأسي المجدوع ترميهو برّه هناك نتعافي من اتراح... وتاح يا عماد في ذات وطن من دون تحيّة مطره ساي عارفك مشيت لي دار غرب عند الجنينه عشان تسو عِرفة بساتين الذي ساكن حداك لكن تغيب..!؟ ودا ما أظن آخ يا وريف قالدت غيماتك جواي ودا كان نسيم شرّيت ملامحك في حشاي بكّاني إنّك حين تهاظر ما بتدور تجرحني ساي تديني معلومه وفِكِر أو دوزنة خُطا في إنتظام نحو الأمام ود يحي أب ساطور محمد قال تمام وتحت تحت صاحبك محمد إنتهك ظلمة غيابك لوحتو كان برسمك في ذهنو وقّاد الحنين لي كم سنين فارقتو ليه..!؟ ود يحي ضمّاني دمعاتو كاوياني قال لي عماد متعب كما الجنا في حشا الأمات وصابر دوزن خطاهو علي اتجاها وانداح في القصايد كلّما بنّوت فريق الروح تحسّسن البكانات الجواهو واستراحن دا البختشي لو نادت الطرقات دليلو لأنو لو قطّر نداهو علي الجهات بيجهجها درّب إدينو علي ارتياحا يكتب قصديتو هناك... هنا يقراها في حضن الزيارات للذين يحبّهم ويشاغل الطيف لو إنشغل عنّو بمظنّه دا زول محنّه فكّر بمعني الطير إذا ركّت علي عشّو العساكر دافر ودافر قعدت علي عتبة أحاسيسو الخواطر والمساخر وانتبه لي ناس عِمم من دون هِمم ياخ البغشّو الغيمه بي جوّ الخريف دِي ما بتهطل.. قال كِدا حتّن إذا ما الجو صِفا ولو اصطفاها الرمل شان يعزملو ضيف ما الزيف جَفا يا هوي كفي هذي البلاد حقّت نِضال الحب عشان إنسانا يسلم يا جنا دا قول عماد ود اللمين و هُو كان براهو زاحمهو في قربو بت في خيال دربو درّب حواس الشوق لي مين أكيد ترتاح طرّب نعاس الروح للوكت لمّن قال ديك هسّع الاتنين واحد أم الواحد في سكة العشّاق اتنين علي واحد و الناتج المضمون يصبح حنين واحد في سِكة الاتنين، يا صديقي ما أظنّك صدّقت إنّك ماف جيتك قُصاد قلبك كانت معاي عزّه دقّينا باب عينيك شايفنا يا إنسان لكن غيابك قال ما تفتحو الابواب تتدفّق الأحزان في كلِّ من حبّاك يختلّ شكل الليل، تعرف وصدّقني أنا عارفو بختلّ لكن حتتدلّي قمرة حنينّا جواك و الضو حيفضح ليك كم إنت فينا وفيك كل البيشبه ضو. عاصم الحزين/ الخرطوم/ ذات أسي ولوعة الفقد/ يوليو 2009