|
دعواتكم لزميلنا المفكر د.الباقر العفيف بالشفاء العاجل
|
|
 Re: حقيبة الفن .. عوض بابكر!! (Re: Rakoba)
|
راكوبه انت حلو ياخ
زول بالجد نشتهيك
معليش تعليق على سريع مع الجرى وطيران ده
اولا ياااااه
ذكرتنى يوم الجمعه بعد فترة المنوعات قبل الصلاه فى الراديو رفيقى الذى لايفارقنى ولا استطيع النوم او الاستيقاظ من دونه
الشى التانى
استاذ عوض كبر بالجد..
لكن يدهو العافية ..
انا كنت بمشى مرات الاذاعه مع اصدقائنا اولاد الابيض اغلبهم فى الاذاعة والتلفزيون اها بلقى العمالقه ديل وبنهل وبستفيد منهم..
الشى التالت
بالجد من عملت موقعك ده وبقت تحمل بيهو انا الاغانى حلفت بالتقطعها ماتزل معاى ولا تشتغل حتى...
غايتو شوف لينا حل لانو حتى لو ماجينا متابعينك ومنمرين اسمك محل ماتخش بنخش وراك..
تسلم سيدى ويدك العافية كمان وكمان ويخليك لينا
وفعلا راكوبه..
اسم جميل وذو دلالة بسيطه وبلدى
تعجبنى الحاجات الذى دى...
يلا قيل بعافية
سيد الناس
| |
 
|
|
|
|
|
|
|
 Re: حقيبة الفن .. عوض بابكر!! (Re: معتز تروتسكى)
|
حبيبنا معتز
يااااه على يوم الجمعة، اليوم العجيب لكل أفراد الشعب السوداني، لكل منا فيه خصوصية وتفاصيل كثيرة نسترجعها مع بعض اللحظات التي مازالت باقيه، وحقيبة الفن جزء أصيل من يوم الجمعة!
وأستاذنا عوض بابكر يسهم بقوة في حفظ تراثنا السوداني، واتمنى شخصياً أن توثق هذه الحلقات بوسائط جديدة وتكون متاحة للجميع.
وحكاية الملفات الما بتفتح دي قصة غريبة، الملفات عموماً بتكون بتنسيق Realmedia إذا ما اشتغل معاك البث الأونلاين، ممكن تحفظ الملف على الهارديسك وتعمل playback من جهازك، وورينا الحاصل شنو ، عشان نعالج المسائل.
ولك كامل الود
| |
|
|
|
|
|
|
|
|
|
Re: حقيبة الفن .. عوض بابكر!! (Re: عصمت العالم)
|
العالم،
تحياتي
كل شيء في هذا البرنامج متفرد من رمية ود الرضي في الشعار حتى أخر كلمة وتحية الهندسة الصوتية من عوض بابكر.
متعه الله بالصحة والعافية على كل هذا المجهود الضخم، للتوثيق وربط الأجيال بدرر الحقيبة وتصحيح كثير من الأخطاء التي تشوب بعض الأغاني ، سواء من فهم الناس أو أداء بعض الفنانيين الشباب.
وإنشاء الله ربنا يقدرنا جميعاً لتحمل جزء من مسؤولية التوثيق والنشر.
| |
|
|
|
|
|
|
| |
Rakoba
معتز تروتسكى
عصمت العالم
عاطف عمر
فيس بوك
تويتر
انستقرام
يوتيوب
بنتيريست