دعواتكم لزميلنا المفكر د.الباقر العفيف بالشفاء العاجل
|
|
 حلو العيون .. محمد ميرغني
|
كلمات: التيجاني حاج موسى
الكورس : نجوم الغد
الأورغ: سعد الدين الطيب - عمر القصاص
كلمني حاول حس بي
عاتبني أرم اللوم علي
كلمني والكاين يكون
حيرني صمتك يا حنون
بفرق كتير وبتحسب كل يوم يمر
بفرق كتير طعم الحلو لو يبقى مر
وتمر بي من غير كلام
ولا حتى بس همس السلام
لو شفتي كيف مروا الليالي
حال المساكين الحيارى
كأنوا حالي
بذكرك أنا والشواطي مع العصاري
همسك وصمتك والنسيم ساري في خيالي
بذكرك أنا والهواجس والظنون
كلمني حاول حس بي
كلمني يا حلو العيون
حيرني صمتك يا حنون
|
|
 
|
|
|
|
|
|
|
 Re: حلو العيون .. محمد ميرغني (Re: Rakoba)
|
عارف ياراكوبة ؟
لمن يضيق بى المنبر وكمية الظلم وكوم سؤ الظن الفيهو بقعد افتش عليك .. عشان ارتاح من الهم وعشان امسح الحزن الردم فوق القلب من حقارة الدنيا الكعبة دى !!
لكن الدنيا ماكعبة كعوبية مطلقة ياراكوبة !!
عارف ليه؟
عشان انت والزيك فيها ياراكوبة
ناس جميييييييييلين وقلوبهم سمحة بيعشقوا الجمال والطيبة والخير لى خلق الله كلهم دون فرز ..
انت انسان جميل جدا ياراكوبة ووجودك فى المساحة دى بمثابة الاوكسجين النقى !!
ان شاء الله لا تفوت لا تموت يارب
وشكرا جدا على كل روعتك ياخ !
| |
|
|
|
|
|
|
|
|
|
Re: حلو العيون .. محمد ميرغني (Re: نادية عثمان)
|
الندية نادية
| Quote: لكن الدنيا ماكعبة كعوبية مطلقة |
هذا ما احاول اثباته وعدد من الرائعين هنا.. برغم الضيق والضغوط والغربة، تظل هناك محاولات متواصلة للروح لاجترار الماضي واستشراق غد أكثر جمالاً وتفاؤلاً..
شكراً كتير على مرورك الذي يكمل روعة الألحان والكلمات وتوقيعك في دفتر الحضور
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
.
رائـــــــــــــــــــــــــــــــــــــــــع يا راكوبة يا ذووووق ..
مجرد سؤال..انت متأكد انو الاستاذ سعد الدين الطيب هو من يعزف في هذه الأغنية ؟
تسلم كتير ،،
| |
|
|
|
|
|
|
|
|
|
Re: حلو العيون .. محمد ميرغني (Re: hatim ibrahim)
|
كللللللللللكم ... وبلحيل سلام
ما هذا الدعاش ... بينما النفس تتطاوح بين أرض وسماء
ما هذه الغيوم الباردة ... بينما تسقط مفاصلي إلى خارج الجسد
إستدعاء غير متوقع ... لكنه جميل ... يصح أن أنوم عليه ... وأصحو بحلو العيون
أتحسس الآن كل الأشياء الناهضة فى هذا الجو العبق ... فأتقاصر عمرا ... وأكبر عاطفة
والآن كلي شباب ... فما من نسمة إلا وتتوغل فى عظامي ... وما عظامي إلا لوحة تقرأ أحلامي
تحياتي لراكوبة حضينة ... فهي أجمل من قلعة حصينة تخلو من هذا الزخم الإسفيري العظيم
تسيل الآن مشاعري فى إستعصاء غليظ على وقائع أحوالنا المناخية والنفسية ... فحصلونا بالجرادل .
تسلموا ... وعاش محمد ميرغني
| |
|
|
|
|
|
|
|
|
|
Re: حلو العيون .. محمد ميرغني (Re: hatim ibrahim)
|
حاتم
تحياتي
الأغنية تسجيل من قناة النيل الأزرق في سهرة لحلقة نجوم الغد، وكان على الاورغ سعد الدين الطيب والرائع عمر القصاص وكان القصاص على الأورغ Technics KN 7000 وسعد الدين على أورغ Yamaha، والكلام ده قبل سنتين تقريباً.
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
salma for all of you
Rakoba:
Iam not very sure of this but I heard longtime ago that Ustaz Tijani wrote this song for his late son is that true? They say like he came from outside and found his son passed away he wrote that to him(kalimni wa alkaeen yakoon)so correct me that info please thanx
| |
|
|
|
|
|
|
|
|
|
Re: حلو العيون .. محمد ميرغني (Re: suhair elsheikh)
|
راكوبة الحبيب
زادك الله جمالاً
الأخت سهير
لك التحية
ما أعرفه أن الأستاذ التجاني حاج موسى والست حرمه قد امتحنهما الله تعالى
بعدم الإنجاب وله في ذلك حكمة لم تدرك . لذلك يغلب ظني بعدم دقة الرواية .
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
راكوبتنا :
| Quote: هذا ما احاول اثباته وعدد من الرائعين هنا.. برغم الضيق والضغوط والغربة، تظل هناك محاولات متواصلة للروح لاجترار الماضي واستشراق غد أكثر جمالاً وتفاؤلاً.. |
انفع اكون من الرائعين ديل ولا يفتح الله 
هييييييييييييييييييييييييييييييييه ...إنت قصتك معانا شنو يا زول ؟؟؟؟
محمود ومحمد ميرغني ؟؟؟؟
محمد ميرغني زول غناااااااااااي وهلالابي ..
في خاطري الك الحلقة من مطرب وجماهير(على ما اعتقد) ومحمد مرغني يلبس البدلة اللبنية والديكور صورة بتاعت مرا مرسومة وعيونا كبااااااااار
ومحمد مرغني يشجي الحضور ونحن نشاهد التلفاز ونحن صغار ..
من اليوم داك والصوت ده ما فارقني ..
محمد مرغني بالرغم من إنو الزمن ما رحمو في صوتو واصبح يتعب جدا عند الغناء واصبحت الفرقة تتحمل نصف المجهود بالغناء لكن يظل هو العبقري ..
سمحة سمحة الصيدة وما جارتنا وبت حارتنا وبريييييدا ..
وامسكي عليك عيونك ديل امسكيهن وخليني النروح انفك من شبكة عيونك ديل ..
شيتاً اصلو ما شفنا لا في الناس ولا في الريل..
واشتقت ليك شوق السحابة الراحلة وفي اللحظة ديك والناس بتسال من بلاداً اصلو م معروفة وين ..
ويا سلام لمن تسمعوا بيغني :
انا والأشواق في بعدك بقينا اكتر من قرايب ومااااااا بنغيب عن بعض ابداً زي اعز اتنين حبايب..
ولو عايز تستمتع بالجد ارخي اضانك لي :
عاطفة وحنان يا ناس وإنسان مليح وناس وعيون تضوي الليل وقليب رقيق حساس ..ضمتنا جلسة ريد نستنا دنيا الناس لا شفنا فيها ملل ولا طاب علينا نعاس ..
محمد ميرغني تحس فيه روح المربي اولاً قبل الفنان ..
تحياتي يا راكوبتنا الجميل وكتتتر في المحبة وزيييييد الولف حبة
تخريمة :
البت ديك إتونست مع السواق ولمن جيت ادفع ليها لقيت السواق بيقول لي الكمساري :
البت دي ما تشيل منها تبعي ...
اها ..ماتديو ..
| |
|
|
|
|
|
|
|
|
|
Re: حلو العيون .. محمد ميرغني (Re: عمر الفاروق)
|
ودالفاروق
والله انت جميل ورائع بس لولا متابعتك لود أزرق ده
| Quote: في خاطري الك الحلقة من مطرب وجماهير(على ما اعتقد) ومحمد مرغني يلبس البدلة اللبنية والديكور صورة بتاعت مرا مرسومة وعيونا كبااااااااار |
ده وصف زول كان قاعد في الاستديو
طبعاً قبل فترة (هجم) محمود عبدالعزيز على عدد من أعمال الاستاذ محمد ميرغني، وكان آخرها تباريح الهوى والتي لاقت رواجاً أيضا كعادة أي أغنية يتغنى بها محمود، مما حدا بالاستاذ بالتغني بتباريح الهوى في أي (ملف) لتذكير الناس النست وإعلام الجيل الجديد بأغنيته الخالدة.
محمد ميرغني مبدع حقيقي يضيع منا أحياناً مع زخم الحياة المتسارع، ولهث الأجهزة الإعلامية وراء الفنانيين الشباب لاسباب عديدة.
متعه الله بالصحة والعافية، فهو يحتل ركناً مضيئاً في ذاكرة الفن السوداني.
قرصة:-
Quote: البت ديك إتونست مع السواق ولمن جيت ادفع ليها لقيت السواق بيقول لي الكمساري :
البت دي ما تشيل منها تبعي |
انته شايفها بتتونس مع السواق وكمان ماشي تدفع إدفع بالتي هي أحسن
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
.
الأخ عبد الكريم
| Quote: شفت يا راكوبة الاورغ ده..بجننو كيف الناس ديل!!!!!! |
بالنسبة لي احسست نقيض ماقلت ..لدرجة اني شكيت انو واحد في قامة الاستاذ سعد الطيب هو من يعزف بصحبة عمر القصاص ..لكن اخونا راكوبة - مشكورا- أكد لي انه هو بذاته ..
..تكون هزيمة الرجاء أثرّت على الاستماع عندي ولا شنو ؟
.
| |
|
|
|
|
|
|
|
|
|
Re: حلو العيون .. محمد ميرغني (Re: hatim ibrahim)
|
| Quote: واحد في قامة الاستاذ سعد الطيب هو من يعزف بصحبة عمر القصاص |
والله يا حاتم بالغت عديل! عمر من أمهر عازفي الأورغ في السودان، وله بصمات واضحة على العديد من الألبومات التي صدرت مؤخراً بعد عودته واستقراره في السودان من قطر.
| Quote: ..تكون هزيمة الرجاء أثرّت على الاستماع عندي ولا شنو |
بس إلا كده ممكن نلقى ليك عذر
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
| Quote: واحد في قامة الاستاذ سعد الطيب هو من يعزف بصحبة عمر القصاص |
معقولة بس !!!!!!!!!!!!!!!!!!!!!!!!!!!!!!!!!!!!!!
القصاص شخصياً وبعد كده الكلام ده يتقال ؟؟؟؟؟؟؟؟؟؟؟؟؟؟
عمر القصاص حالياً أفضل عازف أورغ في السودان وهو أفضل من يبرمج الإيقاعات ويبرمج الأورغ في السودان ..
وبي بساطة كده العازفين لمن يطلعوا الحفلة العدّاد بتاعهم بيكون 100 الف لكن القصاص الوحيد البيكون عدّادو 200 الف يعني القصاص بيطلعوهوا بالدبل..
بقا المعلومة الما عارفة إنو سعد الدين الطيب متزوج من شقيقة القصاص يعني القصاص تتلمذ على ايادي سعد الدين الطيب من زمان ومش جابا جديدة ..
عمر القصاص زول ما ساهل ابداً ومن حق سعد الدين ان يعزف معاهو ..
تخريمة :
يا زول غلب الرجاء ده جهجهنا كلنا
| |
|
|
|
|
|
|
|
|
|
Re: حلو العيون .. محمد ميرغني (Re: عمر الفاروق)
|
| Quote: عمر القصاص زول ما ساهل ابداً ومن حق سعد الدين ان يعزف معاهو .. |
وكفاية ساكن الصحافة
Quote: الغريبة إنو في زول لمن كان نازل قال لي :
يا عمر الفاروق ادفع لي الزولة دي معاك انا ما شايل فكة |
يكون صحبك زاتوووووووو ما دفع ، مفلس و(بكشكر)
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
| Quote: انته شايفها بتتونس مع السواق وكمان ماشي تدفع إدفع بالتي هي أحسن |
الغريبة إنو في زول لمن كان نازل قال لي :
يا عمر الفاروق ادفع لي الزولة دي معاك انا ما شايل فكة
ولا ياربي يكون قاصد ادفع لي للسواق
| |
|
|
|
|
|
|
|
|
|
Re: حلو العيون .. محمد ميرغني (Re: elsawi)
|
استاذ الصاوي
شكراً على الرابط، وفعلاً التوزيع جميل، وانا لدي أيضا تسجيل الإذاعة وهي الأجمل في رأيي بوجود الكورس المصاحب والأداء الموسيقى الأوركسترالي وصوت الاستاذ محمد ميرغني قبل أن يرهقه السنين.
وشكراً على تفاعلك، ورياريت طوالي كده معانا على الخط
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
.
راكوبة يا رائع
| Quote: والله يا حاتم بالغت عديل! عمر من أمهر عازفي الأورغ في السودان، |
عمر الفاروق ..الهلالي الغيور ..سليل ( السلطنة الزرقاء )
| Quote: القصاص شخصياً وبعد كده الكلام ده يتقال ؟؟؟؟؟؟؟؟؟؟؟؟؟؟ |
يبدو اني ما احسنت صياغة الكلام بتاعي .. أبدا ما قصدت الاستهانة بالمبدع عمر القصاص ..كل ما هناك اني في بداية الأغنية حسيت بشوية ربكة صغيرة في العزف .. وكمان في حتة صغيرة في نص الأغنية ، واستبعدت ان يكون الاستاذ سعد الدين الطيب هو العازف فبادرت بالاستفسار من راكوبة وأكد لي بأنه هو .. وقلت خلاص العتب على " الأضان " بتاعتي ..قام اخونا عبد الكريم جا وابدى اعجابو الشديد بالعزف .. استمعت للأغنية مرة تانية وبرضو " اضاني " قالت لي في حاجة كده ما ياها فقمت بينت وجهة نظري دي ..ويمكن ما قدرت اعبر كويس ففهمتو اني بستغرب كيف الاستاذ سعد يعزف بصحبة عمر القصاص .. وكلاهما يشار لهما بالبنان في عالم الأورغ ..
أنا ما مسؤول ... " أضاني " هي المسؤولة عن الملاحظة لو شفتوها مشاترة..
اخونا اللذيذ د. طارق جبريل
| Quote: هي الاغنية دي في الاصل بتاعة محمد ميرغني ولا فرفور |
ياخـــــــــي باااالغت اشد الانبلاغ
ذكرتني أيام الجامعة بدمشق .. جانا واحــــد برلوم متعصب شديد جدا لنادر خضر وبيعتبروا فنان السودان الأول ..وأثنـــاء نقاشي معاهو كان قدامي شريط للعندليب زيدان إبراهيم قلت اشغلوا عشـــان الزول ده بعد يستمع يمكن يقتنع بانــو ناس زمان فيهم درر .. وصادف انو أول أغنية كانت " ليه كل العذاب ..ليه كل الألم .." الزول ده فجأة قال لي عليك الله دقيقة بس اسكت .. قلت ليهو مالك يا زول في شنـــو .. قال لي : البيغني ده منو ؟؟ قلت ليهو ده زيدان ابراهيم بتعرفوا ؟ قال لي وهو زعلان ..أعرف ليهو شنو عليك الله .. هو الزول ده متين قام ناطي في أغنية نادر خضر ؟
| |
|
|
|
|
|
|
|
|
|
Re: حلو العيون .. محمد ميرغني (Re: hatim ibrahim)
|
| Quote: قلت ليهو ده زيدان ابراهيم بتعرفوا ؟ قال لي وهو زعلان ..أعرف ليهو شنو عليك الله .. هو الزول ده متين قام ناطي في أغنية نادر خضر ؟ |
في منطقة سنار هنالك فنان محلي جلب علي تقليد الراحل (خوجلي عثمان)..وكان ايضا هذا الفنان
يعمل (كمقاول بناء)...
مرة واحد من( الطلب) بتاعنو شاف خوجلي عثمان في التلفزيون بغني..
فقام هاج وماج وقال (بالله شوف زول ده بقلد معلم بتاعي كيف!!!!!!!!)
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
العزيز حاتم
تعرف انا متأكد انه الاغنية بتاعة محمد ميرغني بس في زول فوق كدة قال انه التجاني اتنازل لي فرفور من الاغنية وشككني في الموضوع كله..
يمكن يكون برضو (خمسة) الهلال برضو جهجهتني؟؟؟؟؟؟؟؟؟
| |
|
|
|
|
|
|
|
|
|
Re: حلو العيون .. محمد ميرغني (Re: طارق جبريل)
|
حبيبنا حاتم،
الربكة البسيطة يمكن اعزو سببها انو الغناء في البرامج التلفزيونية المباشرة ليس مثل تسجيل الأعمال في الاستديو للتسجيل للألبومات أو حتى للأعمال الغنائية للتلفزيون، إضافة إلى وجود شباب نجوم الغد وفارق الازمان بينهم وبين الاستاذ محمد ميرغني، وإن كنت أشك أنهم عملوا أي بروفه للاغنية لانه كان ضيف شرف في تلك الحلقة وغنا هذه الاغنية فقط.
لكن بكل الأحوال بنقبلها منهم
| |
|
|
|
|
|
|
|
|
|
Re: حلو العيون .. محمد ميرغني (Re: طارق جبريل)
|
| Quote: يمكن يكون برضو (خمسة) الهلال برضو جهجهتني؟؟؟؟؟؟؟؟؟ |
د. طارق
القرب الجفغرافي من منطقة التفجيرات أكيد بكون ليها تأثير، اللي في المغرب مازي الحضرها في امدرمان، اتوقع ان تتواصل حالة الجهجهة على الأقل حتى مباراة العودة، يمكن تتوازن
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
العزيز راكوبة
| Quote: القرب الجفغرافي من منطقة التفجيرات أكيد بكون ليها تأثير، اللي في المغرب مازي الحضرها في امدرمان، اتوقع ان تتواصل حالة الجهجهة على الأقل حتى مباراة العودة، يمكن تتوازن |
هي جنس بهدلة اتبهدلناها انا كنت بكتب في صفحة الرياضة في جريدتنا من اليوم داك قلت ليهم حولوني صفحة الاموات
ياخي ما نلقى عندك اغنية محمد ميرغني البيقول فيها:
ما بتقدر تتوب يا قلبي المودر
طول عمرك عطوف واصلك ما بتقدر
بالله لو عندك نزلها وطلع عينها ذاتها
دمت يا جميل
| |
|
|
|
|
|
|
|
|
|
Re: حلو العيون .. محمد ميرغني (Re: طارق جبريل)
|
و بعدين معاك يا راكوبة! خنقتنا بالابداع و الجمال
اطل الله في عمر فنانا الكبير محمد ميرغني و امد في فنه.
يا راكوبة ياخي ما تدينا لنك الحفظ. خلينا نمشي نشوف شغلنا عليك الله. حاول حس بي!
الله يديك قدر مرادك يا راجل يا مبروك.
مدد يا اهل الفن..مدد
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
العزيز راكوبة كيفنك
في واحد قريبي قال لي اوصل ليك الجملة دي
| Quote: قول لي راكوبة في زول بتحداك عديل كده انو يكون عندك تسجيل عود لاغنية محمد ميرغني يالنازلة ماشة على البحر |
| |
|
|
|
|
|
|
|
|
|
Re: حلو العيون .. محمد ميرغني (Re: طارق جبريل)
|
د. طارق
سلم لينا على قريبك، والأغنية دي رايحة ليها مدة، وكميات من البشر بفتشوا فيها.
توقعها قريباً
يا النازلة ماشة على البحر ساعة الحرق ساعة الشمس يادوب بتطلع والشعاع ماع الندى ، ماع واتقطع مثل خرز السبح خيطو انقطع .
شوفي البحر يا السمحة اتقطع ترع ، واصبح بعيد والترعة وسط الرملة زي كبة عسل جابوها في صينية لي فطرة عريس . إلى أن يقول : شدر الطلح رمى البرم اصفر تحت اقداما مفروش قرمصيص .
واللوبا في وسط الجرف من عرقو فجالا الدر .. لما انشبك نوارو في توبا الجديد مالت بشيش
السمحة مالت فكتو . شان لا تحت نوارو لا تقطع صفق .
| |
|
|
|
|
|
|
|
|
 Re: حلو العيون .. محمد ميرغني (Re: Rakoba)
|
يا الله على هذا الجمال
راكوبة والله انت زول ما عادى ابدا
اولا قد تكون شهادتى مجروحة لو قلت
اى شى عن الاستاذ بحق وحقيقة محمد ميرغنى
وده لانو فنانى المفضل بالإضافة الى استاذ عركى
يا اخى الآه من ميرغنى بن عوف بتطربنى خليك من
غناه . لكن البعجنى فيك انك دائما تاتينا بالجديد
الذى يطمنا عليهم ونحن بعاد.
اقسم ان محمد ميرغن ادى هذه الاغنية بكامل الإندياح
ولك يعود هذا الجمال فى انك اسمعتنا اياه.
لو لقيت لينا لو قدرت تغيب غيب علىّ تكون ما قصرت
محبتى يا راكوبة
ضياء ميرغنى
| |
|
|
|
|
|
|
|
|
|
Re: حلو العيون .. محمد ميرغني (Re: Rakoba)
|
العزيز راكوبة كيفنك
قريبي رسل ليك المقطع دا
Quote:
يالنازلة
يالنازلة ماشة على الحرث
ساعة الشمس يا دوب بتطلع
والشعاع من بين فتيحات الغصون رقرق على قش الدرب
مع الندى وقع متل خرز السبح خيطو انقطع
اللوبا في وسط الجرف من فرحه فجاله الدرب
ونوارو مال فوق بعض وسوس وقال
السمحة جات السمحة جات السمحة جات
ولما انشبك نوارو في توبه الجديد
مالت بشيش
السمحة مالت وفكتو
شان لاتحت نوارو لا تقطع صفق
شجر الطلح رمى البرم
أصفر تحت أردافا (ها) مفروش قرمصيص
فيكي البحر يالسمحة اتقطع ترع
أصبح بعيد أصبح بعيد
والترعة وسط الرملة زي كبة عسل
جابوها في صينية لي .... عريس
جزء من قصيدة النازلة غناء الأستاذ محمد ميرغني
|
| |
|
|
|
|
|
|
| |
Rakoba
HAYDER GASIM
طارق جبريل
khaleel
عبدالكريم الامين احمد
عامر تيتاوى
ود العجمى
عاطف عمر
عمر الفاروق
ودقاسم
elsawi
ثروت سوار الدهب
altahir_2
فيس بوك
تويتر
انستقرام
يوتيوب
بنتيريست