|
دعواتكم لزميلنا المفكر د.الباقر العفيف بالشفاء العاجل
|
|
 Re: ما بتقدري .. محمود عبد العزيز (Re: Rakoba)
|
راكوبة صباح الخير بي عندنا،،
لااااااااا حول الله علي محمود من الصباح،،
ده الشريط الجديد؟
عشان احلف و اقول سمعت منو غنية،،
الغنية جميلة ،،
ومحمود الاجمل،،
وانا بسسسمع ساي بس،،
| |
 
|
|
|
|
|
|
|
|
Re: ما بتقدري .. محمود عبد العزيز (Re: الخير محمد عوض)
|
راكوبة راكوبة
بركة الجيت عسل انت وبسكويت
رائع المرحوم حسن الزبير
لكن زي الشال من قصيدته ست اللهيج السكري بتاعة ترباس
وفي مقطع ماخود من اغنية يمة بتاعة تاور
خليهو قلبي علي العلي
يعني القصيدة مصنوعة
ولا شنو تسلم
| |
|
|
|
|
|
|
|
|
|
Re: ما بتقدري .. محمود عبد العزيز (Re: khaleel)
|
الخليل
والله انت خطر عديل
يمكن ده جزء من الحرفة، شخصياً أحب جداً أعمال الراحلان حسن الزبير وعوض جبريل، لهما نكهة خاصة مع الأشعار الغنائية، في اختيار سهولة المفردة ومباشرتها.
ملاحظة جميلة ودقيقة، وتحتاج البحث، ويمكن أسلوب
كل الود
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
راكوبة :
ما عدمناك ياخ .......
محمود عبد العزيز مرة وااااااااااااحدة ..
الصحابي كما يحلو لنا ان نناديه ..
محود عبد العزيز اجمل صوت سمعته طيلة حياتي الفنية (قليلة الخبرة) بعد ابو داوود ..
محمود عبد العزيز غناااااااااااااااااي صوت جهور اطرب له ايما طرب ..
الغريبة يا راكوبة محمود كل ما يطلع ليهو شريط وقبل ما ينزل السوق بهرب لي واحد اقعد اسمعو ..اها من الوهلة الأولى بيجيني ليك إحساس إنو الشريط ده بايخ وإنو محمود إستعجل فيهو وكلفتو ..
شوية شوية تلقاني بقيت اجر ليك في الأغنية واجر ليك المقطع ده وهنا تلقاني بقول محمود بالغ وفي الطلعة ديك محمود شفت وهنا حودة عززززززززبا ..
وفي النهاية اطلع بي نتيجة إنو ده اجمل شريط طلعوا محود عبد العزيز والحال ده انا معاهو من زمن خلي بالك ...
الغريبة التسجيل ده بيديني إحساس إنو ما تسجيل الشريط الماستر فما عارفك يا شقي جبتو من وين أو ده تسجيل الشريط لكن إنت لاعب فيهو حبتين
إتكيفت شديد من الأخت سوميتا ما تتخيلي يا سوميتا بتبسط كيف لمن القا لي بت بتريد محمود عبد العزيز ..
تخريمة :
بعيداً عن جو التوتر السابق مع تماضر احترم جداً إهدائها ومعها نهدي اللحن وسؤال خارج النص لي تماضر هل ناصر الطيب هو ناصر عازف الجيتار في فرقة النورس ...
| |
|
|
|
|
|
|
|
|
|
Re: ما بتقدري .. محمود عبد العزيز (Re: عمر الفاروق)
|
بعيدا عن جو التوتر السابق يا عمر الفاروق..
انا ايضا احب محمود عبد العزيز حتى النخاع
وناصر الطيب هو ناصر الطيب الختام من الهاشماب كان يعمل ضابط بوليس ....وهو من الهاشماب..
ألم به الداء اللعين وعلى الرغم من انى طلبت منه الطلاق، الا انه يحمل لى كثيرا من الود والاحترام وكلما مرت به فترة عصيبة ..يناغمنى بالتلفون ويشكى له عثرات حظه، وحقيقة آخر تلفوناته كان مؤلما جدا لى ..وقد لمتنى معه محبة للفنان محمود عبد العزيز "وهو يشبهه ايضا" فأحببت ان أقدم له لمسة حلوة يستعين بها على الألم والفقد لأبيه الذى رحل حديثا ..وهو أب لى ايضا وصديق عامر المودة لوالدى رحمه الله...
أهو يا عمر الفاروق هذه الدنيا لاتترك للانسان نعيما والزمن لا يتوقف..وصغارنا محمد ويسرى اليوم 12 و13 سنه ..ما زلت اذكر يوم ولادتهما والفرح الذى جاء معهما..وابى الذى رحل وابو ناصر الذى رحل مؤخرا، انا ما زلت اذكر عنفانهما وتداولهما للكتب ..وحلساتهما الحلوه فى غرفة ابى المملوءة بالكتب والاشياء... هى الدنيا ...لا تترك لنا خيارا ..وصغار اليوم هم شباب الغد ..وكبار اليوم ..ماضون لا محالة فى عمر قريب...
أرجو الا أراك تلاحقنى بعبارات الاساءة الى بالعمر ، أنا عمرى كله قد قضيت كل لحظة فيه وأنا احاول اكون ذات جدوى لشخص ما أو لقضية ما، أرجو الا تحاول ان تشعرنى بالعطالة او البطالة او الخزى ...وسترى أن الزمن فعلا سيجرى سريعا..وسيكبر اطفالك..ويشيب شعر رأسك ولن تحب أن يعيرك احدهم بالنضج او التجربة او العمر....(التفريق للناس حسب أعمارهم لا يقل ايلاما عن التفريق والعنصرية ضد الشخص بنسبه وحسبه او دينه وعقيدته، التفريق للشخص بالعمر هو عنصرية تجافى بنود حقوق الانسان) فأرجو الا تمارس هذه العنصرية ...وانا هنا لك ناصحة كأخت "اكبر" وليس لدى هدف آخر ..غير "الخير"
حماك الله من الفقد والالم ومدد فى نضارة ايامك وأطال فى شبابك..."وكله الى زوال"
احترامى
| |
|
|
|
|
|
|
|
|
|
Re: ما بتقدري .. محمود عبد العزيز (Re: Tumadir)
|
ولا يزال الجو هادئاً ..
| Quote: انا ايضا احب محمود عبد العزيز حتى النخاع |
مش زمان في الرياضيات في المضاعف المشترك الأصغر والقاسم المشترك الأكبر؟؟
من يحب محمود عبد العزيز احس بأن لي معه قاسم مشترك اكبر ولكم ان تصدقوا او لا تصدقوا وبعيداً عن كل القناعات فحب محمود عندي كوم براهو ..
يبقا إتلاقينا يا تماضر وإن إختلفنا ..
وعاجل الشفاء لي ناصر والرحمة والمغفرة لوالده ...
وربما هو فقط تضارب الأسماء فناصر الطيب الذي اقصده يعزف في فرقة محمود عبد العزيز سابقاً (النورس والبعد الخامس..)
ايضاً وبعيداً عن جو التوتر السائد نحن مدينين لبعض بالإعتزار وخيرهما الذي يبدأ بالسلام فهاهي يدي بيضاء امددها لك وإن كان قد اصابك من تجريح في هذا الصدد فلك العتبى حتي ترضي ولكن دعينا نتفق إنني لا زلت عند رأيي في جانب اخر وهو ما قدمتيه للدراما السودانية طيلة الفترة الماضية ..
إذن اخت تماضر ربما في لحظة إنفعال تناولت الموضوع بشئ من الحماقة وكانت ردة الفعل اعنيفة فجعلتني اعوس الابري بي الحلو مر فأنصرفت عن الموضوع الأساسي معك ..
اعتزر عن اي ضرر نفسي سببته لك طيلة الفترة الماضية في هذا الشأن وأقدم لك هذا الإعتزار في لحظة بعيدة عن كل الضغوطات المنبرية والبوستات التي تصطاد في المياه الراكضة وفي حضرة هذا الراكوبة الذي يعلم الله كم احترمه واقدره وفي حضرة محمود عبد العزيز الذي ربما سمعته يقول (يا حلو حقو تفكر قبال قرارك تصدر..)
تخريمة :
حبوبتنا لمن جات ماشة الحج جوها نسوان الحلة الكانو مشاكلنها عشان يودعوها في المطار ويشيلو العفو والعافية منها ..
قامت سلمت عليهم وحضنتهم وقالت ليهم :
هوووووووووووي انا ماشة الحج وكان مت العفو والعافية لكن كان جيت راجعة فالحال فييييييييييييييييييي حالو
فيا تماضر مبدئياً كده الحال في حالو بالنسبة لي موضوع العمل الدرامي لكن في العمر ده فالعفو والعافية ..
| |
|
|
|
|
|
|
|
|
|
Re: ما بتقدري .. محمود عبد العزيز (Re: عمر الفاروق)
|
| Quote: فيا تماضر مبدئياً كده الحال في حالو بالنسبة لي موضوع العمل الدرامي لكن في العمر ده فالعفو والعافية .. |
اعتذار حبوبتك مقبول.  وظاهر عليها هى الجابداك باللآمة .....
وحقيقة موضوع الدراما منك ما هامينى .." انت شن خبرك بالدراما؟؟ انت قايل حبوبتك براها المسيخة ؟؟" انا ألمتنى الطريقة الاتقال بيها ..والمطاعنات من "هنا وهناك" الجات بعدو ..ولوتتذكر انا ما كترت معاك بعد ودعتك فى الخور فى تلك "المغربية" اللعينة .... لكن لقيتك ما خليتنى وسكت عنك عن حلم وادب للناس البتفرجوا
المهم الاجواء الهادئة دى ...تخلينى اقول ليك "درامتى" خليها بعرفوها البعرفوها ..أما اعتذارك عن الحاجات التانية فمقبول..وياريت تمدد لحظة صفاك وتعتذر لمحسن وخدر وانا بجيبهم ليك بصافوك لانو مافى اقيم من التصافى مع "الاعداء" ..وأنا برضو بعتذر ليك لو "وجعتك" بتشديد الجيم بالسكات...
احترامى
| |
|
|
|
|
|
|
|
|
|
Re: ما بتقدري .. محمود عبد العزيز (Re: Tumadir)
|
الأخت تماضر :
| Quote: المهم الاجواء الهادئة دى ...تخلينى اقول ليك "درامتى" خليها بعرفوها البعرفوها |
تعرفي بالضبط دي مشكلتكم في المنبر ده ...
بتستهينو بي البوردابي البسيط وبتنظروا للمواضيع من منطلق التخصصية ..
ممكن (لالالالالا اكيييييد) إني ما بفهم في الدراما كتير أو ممكن تقولي ما بفهم في الجانب العلمي والتقني فيها لكن صدقيني مشاهد من الدرجة الأولى وإنتو مشكلتكم ما بتتقبلوا النقد من المشاهد العادي وبتفتكروهوا زول ساي (دي علي وزن عادي )..
ودرامتك اصصصصصصصصصصصصلي ما بخليها وعلي الأقل الما عارفنو نعرفو ويعرفوهو الناس البعدنا وتتحملينا نشاكلك في دا ونقول ليك الدور ده كان بيض وفي الدور ده كنتي منططة عيونك وفي المشهد ده الأزياء ما بتتناسب مع الموقف وحوارك هنا ضعيف والمسلسل ده كان تعبان والمسرحية دي ما حققت حضور وده معناها إنها كانت تعبانة وووووووووو...
| Quote: والمطاعنات من "هنا وهناك" الجات بعدو .. |
بالمناسبة انا مطاعناتي كلها من هنا واصلو ما عندي مطاعنة من هناك (اها إنتي شي بيجيب ليك الكلام غير النضمي حق العجايز ده ماف ..)
| Quote: وياريت تمدد لحظة صفاك وتعتذر لمحسن وخدر وانا بجيبهم ليك بصافوك |
لالالا انا الناس ديل مصافيهم كحالة شخصية وماف من جهتي تجاههم اي شي شخصي ولسة انا ضاميهم لي قوم عاد (حذفت الياء للثقل أو التعذر )
مشكلتكم في المنبر ده بتلخبطوا الكيمان وبتدخلوا العام في الخاص وعاملين ليكم خطوط حمرا لي شخصيات بي عينا ..
| Quote: لانو مافى اقيم من التصافى مع "الاعداء" |
يا زولة مالك عايزة تزكرينا مسلسل لا إله إلا الله البيجيبوها في رمضان ديك ..
اعداء شنو وخيبر منو ؟؟؟
انا ما بعادي زول والعايز يعاديني حبابو الف نردم لينا كوم حسنات بالمجان ..
| Quote: وأنا برضو بعتذر ليك لو "وجعتك" بتشديد الجيم بالسكات... |
لو ؟؟؟؟؟ ...يا ربي؟؟؟؟؟؟؟
لالالالا إنتو المشاهير ديل ما بتوجعوا زول نحن الناس الساي ديل يانا ابنوجع الناس (مطعانة من هنا وهناك ) ..
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
راكوبة :
ما تخلي يا راااااااااااااااجل..
والله ماكان في داعي ..
تخريمة :
محمد السر الله مرقك من مطاعنة غلي الطاير كده بس لحقت نفسك بي ريدة محمود
تعرف يامان يوم زواج شقيقة محمود الناس كانت معسكرة جمب البيت بحكم إنو محمود حا يغني كل يوم مثلاً يوم القيدومة ويوم سد المال ويوم العقد ومحود شفت عامل نايم لابس جلابيتو وبيخدم في الناس ..
اها يوم العرس حوده مقلب ليك ناس قريعتي راحت (اللهم نحن) وخلانا ليك بي برة وشتتو هم نادي غير معروف لي ناس قريعتي راحت وانا متأكد كان اسة مشيت المزاد بتلقاهم لسة راجين الحفلة
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
راكوبتنا :
| Quote: غايتوا انا عارف زول من زعلة الشره، لمن قام فات السعودية |
عليك الله ورينا الزول المغفل وما عندو شغلة ده منو
تعرف يا راكوبة مرة الصحابي (لقب خاص جداً يطلقه المقربون من محمود حسب الشمارات) قام شطح وعمل ليهو دورة رمضانية في مبدان الكمبوني في السوق العربي ..
اخوك المرضان ده طبعاً ما قادر يتخيل إنو محمود ده زول زينا كده (عادي) وعندي كرعين وبيجري بيها وبيلعب بيها وووو ..
بقوم ادقها ليك من الثورة لحددددددددي الكمبوني والكورة كانت بتبدا واحدة ونص صباحاً وبتخلص 3 ونص .ادقها ليك كدر من الكمبوني لحدي ما يلاقينا زول ود حلال في البرد داك ..
غايتو العملا فينا محمود اسكت خليها ساي
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
Quote: كل يوم نزل اغنية لمحمود خلى القلوب تتصافى ياراكوبة
شكرا لمحمودعبد العزيز الذى اسهم فى تهدئة النفوس الطيبة
تماضر وعمر الفاروق انوذجا وليت البقية تأتى !! |
محمود الخلى الناس تتصافى ده اكيد فنان بدرجة (صالح) وله كرامات.
ما احلى التصافي من بعد التجافي.
اهو ده الكلام.
شعب شراني جداً وطيب لابعد الحدود دي يحلوها كيف.
تحية لكم ولـ محمود وسابدأ في حب محمود من اليوم.
ويامحمود جاك حب.
| |
|
|
|
|
|
|
|
|
|
Re: ما بتقدري .. محمود عبد العزيز (Re: سامى عبد الوهاب مكى)
|
الصديق الفنان راكوبة
ياخي عذبتنا معاك بالله خليك بي جاي وما تقعد تغطس لينا غطساتك الكتيرة دي .. تنقو زاتو حكايتو بقت حكاية ولحن الخميس عملوا لينا خميس في الشهر بالله أثبتوا لينا شوية إنتوا الجوز ..
المقطع ده غايتو حكايتو حكاية حصلت في نشاط جامعة القاهرة الفرع ...
تمسكي في ذنب واحد
ربنا للذنوب بمحا
عشان أدوك عيون تقتل
تشيل من العيون نوما
تحزي الناس على هموما
ظالمة تقولي مظلومة؟
| |
|
|
|
|
|
|
|
|
|
Re: ما بتقدري .. محمود عبد العزيز (Re: عثمان حسن الزبير)
|
أستاذنا عثمان
سلامات
حكاية (الغطسان) دي قصصها طويلة وخالد ما بقصر بس والله ما عارفين كيف التعب لرفع الملفات الكبيرة على النت، حقوا تمبس وتنقو نديهم وسام الحب والإبداع.
| Quote: المقطع ده غايتو حكايتو حكاية حصلت في نشاط جامعة القاهرة الفرع ... |
وفي انتظار الشمارات والشروحات
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
وكنت جواك وانت مافى
وانت فى !!
انت يازول اصلو رائع وجد وفى
روحى تسعد بى وجودك ياملاك
وقلبى بى شوفة عيونك محتفى !
*** ***
كنت جواك ليك اتاوق فى الصميم
لحظة الشوق فى الحنايا
وضمّة الوجع الحميم
شفت بين ايديك سعادة
وآهة البعد الاليم !!
** ***
هسة جواى قايدة نارك
واشتهاءات للحنان
شفتا فى عينيك واحة
ولمحة من ترف الجنان
همسة منك بس بتكفى
بيها يملانى الامان !!
القاهرة فى هذه اللحظة ..نادية عثمان مختار
طبعا اتكيفت شديد لمن قلت لى ان اشعارى فيها نفس من حسن الزبير الشاعر الجميل الله يرحمه وده شرف عظيم لى والله ووسام على صدر اشعارى !!
| |
|
|
|
|
|
|
|
|
|
Re: ما بتقدري .. محمود عبد العزيز (Re: ناصر الحاج)
|
الاستاذ ناصر
تحياتي
لازال محمود مليئ بالموهبة والتألق والنجومية، شديد الحماسة والإندفاع أكثر من اللازم في بعض الأحيان!
ويظل محمود هو محمود بكل بما فيه من صفات ، يجبرك على حبه وعشق أداؤه العالي.
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
نذكر بداياته وكانت واعده واظنها لا تزال فقط يحتاج لمرشد والدليل ان الاغاني التي اصدرها برعاية مخضرمين في محال الغناء والموسيقي كانت اجمل ... نذكر ( شريط موسكو الشهير ) - الفاتح حسين - و سكت الرباب رغم انه يميل للتجريب .
شخصيا تعجبني من اغانيه القديمة ( اختيار ) و ( منو القال ليك ) وكل اغاني البوم ( برتاح ليك ) واعتقد ان فرقة النورس اداءها كان الاجمل وكنت احتفظ بتسجيل حفل - اظنه بالابيض - لا ازال ابحث عنه .
تحياتي لعشاق غناءه واظن ان صوته كفيل بان يرجع الواحد للسودان كما ذكرت تماضر قبلا .
صداح
| |
|
|
|
|
|
|
|
|
|
Re: ما بتقدري .. محمود عبد العزيز (Re: sadda)
|
الصداح
سلامات
فعلاً كان شريط "موسكو" علامة فارقة في مسيرة محمود الفنية، واستطاع بعدها إنتاج عدد من الألبومات المميزة، وحفلات الأبيض وبدايات محمود الجميع يبحث عنها الآن. فإذا وجدتها لا تبخل بها علينا
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
بالرغم من انى ماسامع وبالرغم من تاخر العفش والبيانات لووول..
لكن بقى عادى محمود ده بالاحساس بنحسو بس لو يرجع لى قديمو وداب قبه ده..
| Quote: فعلاً كان شريط "موسكو" علامة فارقة في مسيرة محمود الفنية، واستطاع بعدها إنتاج عدد من الألبومات المميزة، وحفلات الأبيض وبدايات محمود الجميع يبحث عنها الآن. فإذا وجدتها لا تبخل بها علينا |
Quote: وكمتابعه لمحمود
محمود كاخامه صوتيه جيده
حتى بداياته كانت جيده من خلال الشريطين الاولين من انتاج شركه حصاد
خلى بالك و سكت الرباب
فخلى بالك كان به مجموعه من الشعراء على مستوى
مثل يحى فضل الله-هلالى- والنخلى-عوض جبريل-يسن امير
وتوزيع ولحن مجموعه شباب السمندل
ناس باص وميرغنى الزين وماهر تاح السر-بهاء الدين هاشم-
وكذلك الموصلى
اما سكت الرباب فكان اشعار دكتور وجدى كامل-والمسرحى المخرج عماد الدين-وايضا اغنية حقيبه(خلى العيش حرام) واغنيه لمحمداحمد عوض (فاكرك معايا)..
وتوزيع والحان الدكتور الموسيقار الفاتح حسين
بمشاركة فرقه روسيه فى الالات (بالتاكيد الروس فى المزيكا ناس ممتازين)
حتى طلع كلام بيقول انهم اشادو بصوت محمود...
بعد هذان البومان تهاوى بصوره فظيعه اصبح يجرى واء المكسب فى حين كان محمود مشروع فنان جيد جيدا لكن ماذا تقول انه القصور الفكرى..
واصبح فى متناول شركة البدوى واشعار هيثم عباس التى بها كثير من الغو والحديث حيث يثقال انها يستقيها من احدهم فى الابيض (عموما هذا حديث ليس مؤكد)..
ولكن عموما اشعار هيثم عباس ليس بالجيده.
حتى انه تخلى عن مجموعه البعد الخامس بسب رعونه اعتقد انهم مجموعه شباب يعزفون المزيكا بى مزاج بقيادة العزيز الكردفانى ..(قايتو لو مسك فى الكردفانى ده مابتجيهو عوجه ) لكن تقول شنو مع المزاج المتغلب وهو الذى لايعرف صليحه من عدوه..
بالتاكيد كنا نامل من محمود كجيل ان يكون خير سفير للاغنيه فبداية وهو يافع فى لابيض كانت تُنبى عنه الكتير لكن فلنقل يوجد بصيص ضوء فى ان يراجع محمود مسيرته هو بقية الشباب امثال فرفور وو الخ
لانه يوجد شباب فاهمين بالجد لمغزى الاغنيه (خالد الصحافه-عصام-وليد-اسامه الشيخ....)
الموسيقار عثمان النو يورط نفسه مع محمود عبد العزيز في أ...بوم (مرت الأيام) !!!
|
| |
|
|
|
|
|
|
|
|
|
Re: ما بتقدري .. محمود عبد العزيز (Re: معتز تروتسكى)
|
تروتسكي البعيد
بالأمس قدمت قناة النيل الأزرق سهرة كاملة مع محمود عبد العزيز من تسجيل خارجي بصالة الخليل بأمدرمان تغنى فيها ب11 أغنية جميلة ورائعة، وهذه السهرة أحدث ظهور لمحمود على الأجهزة الإعلامية.
وتواصل الألبومات أعتقد أن الشركة "المحتكرة" لمحمود تريد أن تستفيد بالمدة الزمنية المتفق عليها مع محمود بإنتاج أكبر عدد من الألبومات، ومسائل اختيار الكلمات والفرق تدخل ضمن العملية الإنتاجية على ما اعتقد.
وكما قال محمود بالأمس " لاخوف علينا السودانيين ، السمع المتين و(الأضان) (النضيفة) لسه موجودة"
وترقب حاجات في السكة
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
راكبوتنا :
اول حاجة فرفور هلالابي وأهو جاكم في الرد كاسل مجامل ..
نحن يكفينا محمد ميرغني يا زول
تعليقاً عي كلام معتز تروتسكي بس عندي ملاحظات ..
أول حاجة شريط خلي بالك من إنتاج حصاد ومع الإحترام للأستاذ الموصلي وبالرغم من الأغاني الجميلة الإحتوت عليهو إلا إنو كان فيهو مشكلة تسجيل خصوصاً تجربة إيقاعات الكي برود ..
أغنية خلي بالك من أجمل الأغاني التي تغنى بها محمود وليتك تسمعها في حفل عادي واوركسترا عادية :
إنتي وانا من فوق على القمم السعيدة نخلي صوتنا دوام يغني ..
ياااااااااااااا صوووووووووووتنا غني ..
شريط سكت الرباب وبالرغم من أنه من أجمل الكاسيت لمحمود خصوصاً أغنية شذى الأيام وبسأل عليك وسكت الرباب إلا إنو الشريط كان فيهو خطأ كبيييييييير في أغنية انا فاكرك معاي ومحمود ما غنا ولااااااااا كوبلي واحد صاح وراجع الأغنية حا تلقاها جايطة فوق تحت مع العلم إنو محمود في الفترة ديك إشتهر بي الأغنية دي وهو اللي عمل ليها تغير لحني ..
شريط يا عمر من اجمل الأشرطة البتحتوي على أغاني خاصة لي محمود (بعد الفراق ويا عمر) ولو ظهور البنات في الشريط بي صوت لين لكان من أفضل الأشرطة ..
أجمل شريط على الإطلاق هو بلا شك شريط (سيب عنادك) ويكفي إنو بي سببو بقا في قميص في السوق إسمو (سيب عنادك ) كاروهات وهو ما لم نسمع به إلا زمن الفنان المرحوم مصطفى سيد احمد وقميص (تحرمني منك) السجل بيهو أغنية (تحرمني منك)..
شريط سيب عنادك فيهو اداء موسيقي عالي خصوصاً في الأكورديون والساكس (كننة درماس وياسر) ولاحظ لي أغنية هو الإختار دنيتو عشان تستمتع بالجد بي محمود ..
أغنية لقيتك في زمن ضايع من أجمل الأغاني البتوريك محمود بيطلع فوق بتين وبينزل في الواطي بتين ..
أغنية عمري من أجمل الأغاني الخاصة لي محمود من اشعار مختار دفع الله ..
أغنية سيب عنادك ربما معظمكم لم يسمعها كااااااااااملة بسبب قصر تسجيل الشريط وربما الجميع يفتكر أنها تنتهي بمقطعين فقط وهي من أجمل اغاني محمود والعايز يعرف كده يمشي يسمعا كاااااااااااملة أو يفتش النص الكامل ليها بس نسوي شنو مع شركات الإنتاج ..
جواب للبد كان تجربة فريدة لي محمود مع الات القعدات ولولا المكساج التم بين الشركة وصوت حانا لكان من أجمل الأشرطو ويوجد منه نسخة محمود برااااااااااااهو امشوا اسمعوا محمود بيغني أغنية (غصن الرياض المايد ..)
شريط الحجل بالرجل من أجمل اغاني الإستماع بالة العود وابعد فيهو الركدفاني وكانت أول تجربة ناجحة وأول فنان يعمل شريط إستماع ومن بعده اتى الاخرون ..
ويكفي أن تسمع محمود يغني يا روحي انصفني ..
تبعه بشريط على النجيلة جلسنا وربما لأن الناس تعودت على شريط الحجل بالرجل لم ينال حظه ..
في شريطين محمود طلعهم في نفس الوقت ربما عشان كانوا لي شركتين متنافستين (البدوي والسناري) فالناس ما قدرت تجمع بيناتهم (سبب الريد ويا مفرحة )..
شريط يا مدهشة كان من الشرايط الجاذبة للرقيص لإحتواء أغنية العجب حبيبي الطلعت موضة في الوقت داك ..
سر ممكن الناس ما عارفاهو لكن محود بيحب جداً أغنية تغنى بها فرقة اولاد البيت إسمها (شوقك شوقك ما من زوقك ) وكان بيتمنى إنو الأغنية تكون بتاعتو وكان من المفترض أغنية العجب يغنوها اولاد البيت لكن توجيه من إدارة الشركة خلا محمود يسجل الأغنية دي ..
أغاني محمود الخاصة التالية كانت جمييييييييييييلة جداً وممكن يكون هيثم عباس طبز فيها كتير لأنو ما بيكتب بي إحساس لكن مجمل اغاني محمود الخاصة الجديدة كانت جميلة ..
(شوق العيون - برتاح ليك - لهيب الشوق - وعد اللقيا - عاش من شافك - خوف الوجع - ما بتقدري و و و و و و وو و و و و و و ) ..
محمود للذين يهاجمونه بتغوله على أغاني الاخرين محمود يملك رصيد كبييييير جدا من الأغاني الخاصة ولا يخلو شريط من ثلاث إلى ارع أغنيات من اغاني محمود الخاصة ولو جمعنا مجموع اغاني محمود في الأشرطة لوجدناه ما بين الأربعين إلى السبعين أغنية ..
تخريمة :
قديتكم مش؟؟؟
| |
|
|
|
|
|
|
|
|
|
Re: ما بتقدري .. محمود عبد العزيز (Re: عمر الفاروق)
|
ودالفاروق
تحياتي
والله كلام جميل ومستمتعين زي ما قال عبدالكريم، واغنية العجب دي حكاية وشريط يا مدهشة على ما أذكر لحن اغنية الألبوم الملحن الرقم ودالحاوي، فكانت بصمة رائعة في أداء محمود.
وما يعجبني أكثر في محمود تنوع إنتاجه بين غناء للأطفال والحقيبة والغناء الحديث والمديح، بالأوركسترا والعود وبدون آلات موسيقية. في جميع هذه الأنماط يطربك حتى النهاية.
جد شكراً محمود .. وشكراً ودالفاروق لفتح هذه النوافذ، وياريت تواصل لينا في محمود
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
عبد الكريم :
يا زول تسلم وغايتو قدر ما القا لي فرقة وحاجة عن حوتة بجيكم ناطي بيها ..
راكوبتنا :
شريط يا مدهشة فيهو عمل جميل جداً لي ود الحاوي (ظالمني شوفتك كم سنة وبعدين معاك انا يا هوى ودرتو فيك املي الكبير ورمتني في جور النوى )..
في سهرة تلفزيونية سألوا ود الحاوي عن التلحين فقال إنو ماف اصوات شجعتو على التلحين لكن لمن جا السودان في إجازة من قطر وسمع الود حوتة قال ما قدر يقاوم الولد ده ..
محمد وردي الفنان العملاق سألوه في لقاء صحفي وكعادة الصحفيين عن الفنانين الشباب وتحديداً محمود فقال ليهم انا حقيقة كده ما سمعتو لكن في كل مرة بجي داخل البيت بلقا اولادي ناس جوليا وعبد الوهاب مشغلين شرايطو وبيسمعو فيهو بقول ليهم ده منو ؟؟؟بيقولو لي ده محمود ..وانا أثق في ذوق ابنائي تماماً لفهمهم الموسيقى وفعلاً قعدت سمعت الولد ولقيتو غناي ..
محمود عبد العزيز للذين لا يعرفونه بدا حياته الفنية بالتمثيل وهو درامي من الدرجة الأولى وكان قد ظهر في جنة الأطفال زمااااان ايام ثعلوب واصحاب اصحاب وكان هو المغني في مسرحيات الأطفال حينها ..
محمود عبد العزيز بالرغم من كل ما يثار حوله فهو شخصية خجولة للحد البعيد لا تكاد تسمع له صوت في المجالس ولا يحب حتى الكلام الكثير ولا يحب الأضواء ولا اللقاءات الصحفية ..
ومحمود يمتاز بروح الدعابة والسخرية للحد البعيد ..
وكان كثيراً ما يشاغل الفنان جمال فرفور وفي إحدى الحفلات العامة وايام ما طلع شريط (نور العيون ) وفيهو أغنية انا ما عيان جيبو لي بخور كان بداية الأغنية :
تضوي كالبلور زي بنات الحور انا ما عيان عيااااااااااااان جيبو لي بخور ..
فما كان من محمود إلا وقال :
صلعة كالبلور زي جمال فرفور انا ما عيان عيااااااااان جيبو لي بخور ..
وهناك تسجيل حفلة شهيرة يشاغل فيها الممثل السموؤل والذ قام بدور عرقلة في مسلسل سكة الخطر (كرناف وضب) وتسمع في التسجيل مشاغلة حوتة للمثل سموؤل والذي جاء ليبشر على محمود:
عرقلة يااااااااا بسامة الفايح نسامة الريدة في قلوبنا الله علامة ..
محمود عبد العزيز في كثير من الأحيان كان يجد مضايقات من النظام العام وفي كثير من الأحيان يتعرض للمشاكل والتدخل في الخصوصيات مما أثر على الأداء الفني له والكل سمع محمود يغني أغنية ما بلومكم في ظنونكم :
وانا اصلي زول من قمت طيب اسألوا العرفوني فيكم ..
ما جنيت على زول حبيتو ووهبت روحي وفني ليكم ..
جنيت على روحي المسالمة ولي ما حنت يديكم ..
وما بلومكم في ظنونكم ..
تجول محمود بين فرقتي البعد الخامس والنورس أثر كثيراً فياداءه الفني من حيث البروفات والتناغم بين الفنان والفرقة ويكفي أن حفلة النيل الأزرق كانت في قمة الروعة والاداء من جانب محمود ولكن عدم إكتمال الفرقة اثر في الاداء ..
شكل محمود ثائيات مع كل من إسماعيل عبد الجبار والكردفاني في الاداء الصوتي فكانوا عادة ما يرددون الاغاني خلف حمود بصورة جميلة ..
تجربة محمود اللحنية مع يوسف القديل كانت تجربة فريدة بالغرم من ان القديل في كثير من الاحيان يعمد إلى تلقيط اللحن فتجده وكأنه مقتبس من كم أغنية ..
الفرقة الأكثر إنتظاماً مع محمود هي فرقة ابناء الأبيض التي بدأت مع محمود في بداياته ..
كثيرون من يقولون أن محمود تأثر بالهادي الجبل ولكن الملاحظ أن محمود نعم تغنى للهادي الجبل ولكن الطبقات الصوتية لا اعتقد بانها واحدة ..
اول ثنائية اورغنية كانت بين محمود عبد العال عازف الاورغ والذي تعود بعدها ان يبدأ مع فنان يشهره ثم يزوغ ويشوف التاني ولكن تجربته مع محمود كانت راقية (الليل الهادئ وفي ليل الشجن والشوق وانا انا في التمني ووو)..
تخريمة :
المرة دي قديتكم قديتكم مافيها كلام
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
يا راكوبة جيتك صادي تاني
والله غلبني امشي من الاغنية دي
جنوووووووووووووووووووووووووووووووووووووووووووووووووووووووووون
في جنووووووووووووووووووووووووووووووووووووووووووووووووووووووووون
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
| Quote: ياسر أبكر - عازف الساكس وصاحب الأنامل الذهبية |
ياسر ابكر زول مرضان بتاع ساكس..
على ما أعتقد إنو من سكان بيت المال ..
اجمل تعليق سمعتو عنو إنو عندو بت فلمن يطلع بيها الشارع بيكون شايلا زي الساكس
شفتو الزول ده مرضان كيف؟؟؟
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
هاك دي يا راكوبة وباقي المعجبين :
من اطرف مواقف محمود إنو في مرة كده كان مفروض يطلع مجاملة في عرس اخت عازف الأورغ الشهير عبد العال ولأنو عبد العال عارف محمود بتاع مقالب فوووووووو دور عربيتو ومشى لي محمود في المزاد ..
يا زول لقا ليك محمود ما جايب خبر اليوم زاتو إنو الليلة وشايل ليك هدومو في بقجة وماشي الغسال ..
عبد العال وقف العربية وقال لي حوتة يا معلم الحفلة بدت والناس منتظرنك اركب ارح !!!
محمود قال ليهو والله ما عندي ولا غيار نضيف !!!
عبد العال ركب حوتة وقال ليهو يا زول ارح بنشتري ليك من قدام ..
وفعلاً من غشو سع قشرة وإشتروا ليهو بنطلون اسود وقميص ابيض لبسهم في العربية ومشى تووووشك علي المسرح يغني (حفلة جوة البيت) ..
اها عبد العال بيعزف كده فجأة محمود وقف من الأغنية وبقا ينفض في البنطلون ويقول :
عقرب ..العقرب ..العقرب..
وعبد العال شابكو ليك يا حوتة خش في الغنية خش ..
وحوتة يشيل وينفض في البنطلون ويكورك العقرب العقرب العقرب ..
اها عبد العال وقف العزف وجا لي محمود لقاهو ليك بينفض في علامة البنطلون البتكون مخيتة جمب الجيب ديك ومكتوب فيها (Tokyo) (طوكيو)
| |
|
|
|
|
|
|
|
|
|
Re: ما بتقدري .. محمود عبد العزيز (Re: Rakoba)
|
راكوبة الفنان
سلامات ياخى ،،،
الولد حوته يجنن ،،،
بقدر استمتاعى بى الاغنية بنفس القدر استمتعته بى التحليل الفنى
لى الاخ عمر الفاروق لى الالبومات وخاصة شريط سيب عنادك لانو بالفعل شريط
غايو فى الروعة والاداء من جانب محمود ولا الفرقة المصاحبة ،،
تشكروا كتير ،،،
| |
|
|
|
|
|
|
| |
Rakoba
Soumeta
Tumadir
طارق جبريل
معتز تروتسكى
الخير محمد عوض
khaleel
عمر الفاروق
الملك
saadeldin abdelrahman
ناصر الحاج
Aymen Tabir
عبدالكريم الامين احمد
فرح
ودالعباسية
فيس بوك
تويتر
انستقرام
يوتيوب
بنتيريست